അവധി​ക്കാല ദുഃഖങ്ങൾ ഒഴിവാ​ക്കാ​വുന്ന വിധം

അവധി​ക്കാ​ലം. ഈ വാക്കു കേൾക്കു​മ്പോൾ നിങ്ങളു​ടെ മനസ്സി​ലേക്ക്‌ ഓടി​യെ​ത്തുന്ന ചിന്തകൾ എന്തെല്ലാ​മാണ്‌? ഇടതി​ങ്ങിയ കേരവൃ​ക്ഷങ്ങൾ സ്വാഗ​ത​മ​രു​ളുന്ന, സൂര്യ​പ്ര​കാ​ശ​ത്തിൽ കുളി​ച്ചു​നിൽക്കുന്ന കടലോ​ര​ങ്ങ​ളി​ലെ വിശ്രമം? അതോ, പർവത പ്രദേ​ശത്തെ തണുത്ത ശുദ്ധവാ​യു ശ്വസി​ക്കു​ന്ന​തി​ന്റെ നിർവൃ​തി​യോ?

എന്നുവ​രി​കി​ലും, മോശ​മായ കാലാവസ്ഥ, യാത്ര​യിൽ വരുന്ന താമസം, യാത്രാ​ച്ചൊ​രുക്ക്‌ എന്നിങ്ങനെ പലതിനെ കുറി​ച്ചും നിങ്ങൾക്കു വേവലാ​തി​യും തോന്നി​യേ​ക്കാം. അത്‌ എന്തായാ​ലും, അവധി​ക്കാ​ലം പരമാ​വധി ആസ്വാ​ദ്യ​മാ​ക്കാൻ നിങ്ങൾക്ക്‌ എന്തു ചെയ്യാ​നാ​കും?

വേണ്ടത്ര തയ്യാ​റെ​ടു​പ്പു​കൾ നടത്തുക

അവധി​ക്കാ​ലം നന്നായി ചെലവ​ഴി​ക്കാ​ന​റി​യാ​വുന്ന വ്യക്തികൾ കാര്യാ​ദി​കൾ മുൻകൂ​ട്ടി ആസൂ​ത്രണം ചെയ്യുന്നു. അവർ തങ്ങളുടെ യാത്ര​യോ​ടും ആരോ​ഗ്യ​ത്തോ​ടും ബന്ധപ്പെട്ട രേഖകൾ നേര​ത്തേ​തന്നെ ശരിയാ​ക്കു​ന്നു. തന്മൂലം യാത്ര പുറ​പ്പെ​ടു​മ്പോൾ അവർക്കു ബേജാ​റാ​കേ​ണ്ട​തില്ല. തങ്ങൾക്കു നേരി​ട്ടേ​ക്കാ​വുന്ന ആരോഗ്യ പ്രശ്‌ന​ങ്ങളെ കുറിച്ചു സൂക്ഷ്‌മ​മാ​യി അന്വേ​ഷി​ക്കു​ന്നത്‌ ഏതൊക്കെ പ്രതി​രോധ ഔഷധങ്ങൾ കഴി​ക്കേ​ണ്ട​തുണ്ട്‌ എന്നു തീരു​മാ​നി​ക്കാൻ അവരെ സഹായി​ക്കു​ന്നു.

മലമ്പനി ബാധിത മേഖല​ക​ളി​ലേക്കു യാത്ര ചെയ്യു​ന്ന​തി​നുള്ള തയ്യാ​റെ​ടു​പ്പാ​യി, യാത്ര പുറ​പ്പെ​ടു​ന്ന​തിന്‌ ഏതാനും ദിവസം മുമ്പു​തന്നെ ധാരാളം ആളുകൾ മലമ്പനി​യു​ടെ പ്രത്യൗ​ഷ​ധങ്ങൾ കഴിച്ചു തുടങ്ങു​ന്നു. എന്നുവ​രി​കി​ലും, ഒരു സംരക്ഷ​ണ​മെന്ന നിലയിൽ, അവധി​ക്കാ​ലം ചെലവ​ഴി​ക്കു​മ്പോ​ഴും അതിനു ശേഷം നാല്‌ ആഴ്‌ച​യോ​ള​വും അത്തരം ഔഷധങ്ങൾ കഴിക്കാൻ മിക്ക​പ്പോ​ഴും ശുപാർശ ചെയ്യ​പ്പെ​ടു​ന്നു. കാരണം, മലമ്പനി​യു​ടെ പരാദ​ങ്ങൾക്ക്‌ അത്രയും കാലം ശരീര​ത്തിൽ സ്ഥിതി ചെയ്യാൻ സാധി​ക്കും. എന്നാൽ മറ്റു മുൻക​രു​ത​ലു​ക​ളും പ്രധാ​ന​മാണ്‌.

ശുചിത്വ-ഉഷ്‌ണ​മേ​ഖലാ ചികി​ത്സ​യ്‌ക്കാ​യുള്ള ലണ്ടൻ സ്‌കൂ​ളി​ലെ ഡോ. പോൾ ക്ലാർക്ക്‌ ഉപദേ​ശി​ക്കു​ന്നു: “കീടങ്ങളെ അകറ്റി നിർത്താ​നാ​യി ചർമത്തി​ലോ കണ​ങ്കൈ​യി​ലോ പുരട്ടുന്ന മരുന്നു​കൾ, കണങ്കാ​ലിൽ കെട്ടുന്ന നാടകൾ, കൊതു​കു വലകൾ, കീടനാ​ശി​നി തളിക്കാൻ ഉപയോ​ഗി​ക്കുന്ന ഒരു വൈദ്യു​തോ​പ​ക​രണം എന്നിവ തുല്യ പ്രാധാ​ന്യ​മു​ള്ള​വ​യാണ്‌.” സാധാ​ര​ണ​മാ​യി, ഇത്തരം സാധന​ങ്ങ​ളൊ​ക്കെ അവധിക്കു പോകു​ന്ന​തി​നു മുമ്പു​തന്നെ വാങ്ങു​ന്ന​താണ്‌ ഉത്തമം.

യാത്രാ​ച്ചൊ​രുക്ക്‌ ഏതൊരു യാത്ര​യെ​യും വിരസ​മാ​ക്കു​ന്നു. എന്നാൽ അതിനു കാരണം എന്താണ്‌? അപരി​ചി​ത​മായ ഒരു ചുറ്റു​പാ​ടിൽ ആയിരി​ക്കു​ന്നതു നിമിത്തം ലഭിക്കുന്ന പുതിയ സംജ്ഞകൾകൊണ്ട്‌ മസ്‌തി​ഷ്‌കം നിറയു​മ്പോ​ഴാണ്‌ യാത്രാ​ച്ചൊ​രുക്ക്‌ ഉണ്ടാകു​ന്നത്‌ എന്ന്‌ ഒരു ഗവേഷകൻ അഭി​പ്രാ​യ​പ്പെ​ടു​ന്നു. കപ്പലിന്റെ ചലനമോ വിമാ​ന​ത്തി​ന്റെ കമ്പനമോ കാറിന്റെ എഞ്ചിൻ പ്രവർത്തി​ക്കുന്ന ശബ്ദമോ ഇതിനു കാരണ​മാ​കു​ന്നെ​ങ്കിൽ, നിങ്ങളു​ടെ ദൃഷ്ടി നിശ്ചല​മായ ഒരു വസ്‌തു​വിൽ, ഒരുപക്ഷേ ചക്രവാ​ള​ത്തി​ലോ മുന്നി​ലുള്ള റോഡി​ലോ ഉറപ്പി​ക്കാൻ ശ്രമി​ക്കുക. വായു സഞ്ചാര​ത്തി​നുള്ള നല്ല ക്രമീ​ക​രണം ആവശ്യ​ത്തിന്‌ ഓക്‌സി​ജൻ പ്രദാനം ചെയ്യും. കടുത്ത യാത്രാ​ച്ചൊ​രുക്ക്‌ ഉണ്ടാകു​ന്നെ​ങ്കിൽ, അതു ലഘൂക​രി​ക്കു​ന്ന​തിന്‌ ആന്റിഹി​സ്റ്റ​മിൻ ഔഷധങ്ങൾ സഹായി​ച്ചേ​ക്കാം. എങ്കിലും ഒരു മുന്നറി​യി​പ്പിൻ വാക്ക്‌: ചില സാഹച​ര്യ​ങ്ങ​ളിൽ നിങ്ങളു​ടെ സുരക്ഷി​ത​ത്വ​ത്തെ അപകട​പ്പെ​ടു​ത്തി​യേ​ക്കാം എന്നതു​കൊണ്ട്‌ ഉറക്കം തൂങ്ങൽ പോലെ ഇതിന്റെ സാധ്യ​മായ ചില പാർശ്വ​ഫ​ലങ്ങൾ സംബന്ധിച്ച്‌ ജാഗ്രത ഉള്ളവരാ​യി​രി​ക്കുക.

ദീർഘ​ദൂ​ര വ്യോ​മ​യാ​ത്രകൾ നിർജ​ലീ​ക​രണം പോലുള്ള ആരോഗ്യ പ്രശ്‌ന​ങ്ങൾക്കു കാരണ​മാ​കു​ന്നു. ചിലരെ സംബന്ധി​ച്ചി​ട​ത്തോ​ളം, ദീർഘ നേരം അനങ്ങാതെ ചടഞ്ഞു​കൂ​ടി ഇരിക്കു​ന്നതു കാലിൽ രക്തം കട്ടപി​ടി​ക്കു​ന്ന​തി​ന്റെ അപകട സാധ്യത വർധി​പ്പി​ച്ചേ​ക്കാം. ഈ കട്ട അവി​ടെ​നി​ന്നും നീങ്ങി ശ്വാസ​കോ​ശ​ത്തി​ലോ ഹൃദയ​ത്തി​ലോ എത്തു​ന്നെ​ങ്കിൽ, പരിണ​ത​ഫലം വളരെ അപകട​കരം ആയിരു​ന്നേ​ക്കാം. അതു​കൊണ്ട്‌, ദീർഘ​ദൂര യാത്ര​ക​ളിൽ ഏർപ്പെ​ട്ടി​രി​ക്കുന്ന ചിലർക്ക്‌ ഇടപ്പാ​ത​യി​ലൂ​ടെ നടന്നു​കൊ​ണ്ടോ ഇരിക്കു​മ്പോൾതന്നെ എളിയും കാലിലെ പേശി​ക​ളും മറ്റും ചലിപ്പി​ച്ചു​കൊ​ണ്ടോ വ്യായാ​മം ചെയ്യേ​ണ്ട​തു​ണ്ടാ​യി​രി​ക്കും. നിർജ​ലീ​ക​രണം കുറയ്‌ക്കാ​നാ​യി മദ്യം കലർന്നി​ട്ടി​ല്ലാത്ത പാനീ​യങ്ങൾ ധാരാളം കുടി​ക്കുക.

മുകളിൽ വിവരി​ച്ചവ വ്യോ​മ​യാ​ത്ര ചെയ്യാ​നുള്ള നിങ്ങളു​ടെ ഭയത്തെ വർധി​പ്പി​ക്കു​ന്ന​തേ​യു​ള്ളോ? അങ്ങനെ​യാ​ണെ​ങ്കിൽ, വ്യോമ യാത്ര താരത​മ്യേന സുരക്ഷി​ത​മാണ്‌ എന്ന യാഥാർഥ്യ​ത്തിൽ ആശ്വസി​ക്കുക. റിപ്പോർട്ടു​കൾ അനുസ​രിച്ച്‌, ഇത്‌ മോ​ട്ടോർ സൈക്കി​ളിൽ സവാരി നടത്തു​ന്ന​തി​നെ​ക്കാൾ 500 മടങ്ങും കാറിൽ യാത്ര ചെയ്യു​ന്ന​തി​നെ​ക്കാൾ 20 മടങ്ങും സുരക്ഷി​ത​മാണ്‌! എന്നാൽ, ഇത്തരം സ്ഥിതി​വി​വര കണക്കുകൾ യാത്ര​യ്‌ക്കാ​യി ചെലവ​ഴിച്ച സമയത്തി​ലല്ല, പകരം യാത്ര ചെയ്‌ത ദൂരത്തി​ലാണ്‌ അധിഷ്‌ഠി​തം എന്നു മറ്റു ചിലർ ചൂണ്ടി​ക്കാ​ട്ടും.

കൊച്ചു കുട്ടി​ക​ളെ​യും കൊണ്ടു യാത്ര ചെയ്യു​ന്നതു തികച്ചും ഒരു വെല്ലു​വി​ളി തന്നെയാണ്‌. “നിങ്ങളു​ടെ യാത്ര ഒരു സൈനിക നീക്കത്തി​ന്റെ അത്രയും കൃത്യ​ത​യോ​ടെ ആസൂ​ത്രണം ചെയ്യുക” എന്ന്‌ പ്രക്ഷേ​പ​ക​യായ കാത്തീ അർനോൾഡ്‌ നിർദേ​ശി​ക്കു​ന്നു. കാര്യാ​ദി​കൾ അതു​പോ​ലെ ചെയ്യാൻ സാധി​ക്കു​ന്നി​ല്ലെ​ങ്കി​ലും കുട്ടി​ക​ളു​ടെ ശ്രദ്ധ പിടിച്ചു നിർത്താ​നാ​യി പുസ്‌ത​ക​ങ്ങ​ളും കളി​ക്കോ​പ്പു​ക​ളും മറ്റും കൂടെ​ക്ക​രു​തുക. അങ്ങനെ ആകു​മ്പോൾ യാത്ര മുഴു കുടും​ബ​ത്തി​നും കൂടുതൽ രസകര​മാ​യി​രി​ക്കും.

നിങ്ങൾ എത്തി​ച്ചേ​രു​മ്പോൾ

‘സംഗതി​യൊ​ക്കെ ഒന്ന്‌ ഉഷാറാ​യി, ശരിക്കും ആസ്വദി​ച്ചു തുടങ്ങാൻ നാലഞ്ചു ദിവസം എങ്കിലും എടുക്കും,’ അവധിക്കു പോകുന്ന മിക്കവ​രു​ടെ​യും അഭി​പ്രാ​യ​മാണ്‌ ഇത്‌. പുതിയ ചുറ്റു​പാ​ടു​ക​ളു​മാ​യി ഇണങ്ങി​ച്ചേ​രാൻ സമയ​മെ​ടു​ക്കും എന്നതു ശരിതന്നെ. അതു​കൊണ്ട്‌ എത്തി​ച്ചേ​രുന്ന അന്നോ പിറ്റേ ദിവസ​മോ തന്നെ തിരക്കു പിടിച്ച്‌ ചുറ്റി​ത്തി​രി​യാ​തി​രി​ക്കു​ന്ന​താ​യി​രി​ക്കും നല്ലത്‌. വ്യത്യ​സ്‌ത​മായ ഒരു പട്ടിക​യു​മാ​യി പൊരു​ത്ത​പ്പെ​ടാൻ നിങ്ങളു​ടെ മനസ്സി​നെ​യും ശരീര​ത്തെ​യും അനുവ​ദി​ക്കുക. ഇതിൽ പരാജ​യ​പ്പെ​ടു​ന്നതു സമ്മർദ​ത്തി​നു കാരണ​മാ​കു​ക​യും അവധി​ക്കാ​ല​ത്തി​ന്റെ പ്രയോ​ജനം നഷ്ടപ്പെ​ടു​ത്തു​ക​യും ചെയ്‌തേ​ക്കും.

ഒരു കണക്ക്‌ അനുസ​രിച്ച്‌, ലോക വ്യാപ​ക​മാ​യി ഓരോ വർഷവും വിദേ​ശ​യാ​ത്ര ചെയ്യുന്ന കോടി​ക്ക​ണ​ക്കിന്‌ ആളുക​ളിൽ കുറഞ്ഞ​പക്ഷം പകുതി പേരെ​ങ്കി​ലും ചിലതരം രോഗ​ങ്ങ​ളോ പരിക്കു​ക​ളോ നിമിത്തം യാതന അനുഭ​വി​ക്കു​ന്നു. അതു​കൊണ്ട്‌, യാത്രി​ക​രു​ടെ ആരോ​ഗ്യം (ഇംഗ്ലീഷ്‌) എന്ന പ്രസി​ദ്ധീ​ക​ര​ണ​ത്തി​ന്റെ എഡിറ്റ​റായ ഡോ. റിച്ചാർഡ്‌ ദേവുദ്‌ വിശദീ​ക​രി​ക്കു​ന്നതു പോലെ, “ആരോ​ഗ്യ​ത്തി​നുള്ള ഒരു പ്രധാന മാർഗ​മാണ്‌ പ്രതി​രോ​ധം. യാതൊ​രു യാത്ര​ക്കാ​ര​നും ഇത്‌ അവഗണി​ക്ക​രുത്‌.” ഒരു യാത്ര​ക്കാ​രന്റെ ശരീരം അന്തരീ​ക്ഷ​ത്തി​ലെ വിവിധ ഇനം ബാക്ടീ​രി​യകൾ, വ്യത്യ​സ്‌ത​മായ ഭക്ഷണം, ജലം എന്നിവ​യു​മാ​യി പൊരു​ത്ത​പ്പെ​ടേ​ണ്ടത്‌ ഉള്ളതു​കൊണ്ട്‌ ആദ്യത്തെ ഏതാനും ദിവസ​ങ്ങ​ളിൽ ആഹാര​ത്തി​ന്റെ കാര്യ​ത്തിൽ ശ്രദ്ധി​ക്കു​ന്നതു വിശേ​ഷാൽ പ്രധാ​ന​മാണ്‌.

“ആഹാര സാധനങ്ങൾ പഴകു​ന്ന​തി​നു മുമ്പ്‌ ശരിക്കും വൃത്തി​യാ​യി പാകം ചെയ്‌ത്‌ (ചൂടാക്കി അണുന​ശീ​ക​രണം നടത്തി​യത്‌) ആണോ—മാംസ​ത്തി​ന്റെ കാര്യ​ത്തിൽ ചെമപ്പു നിറം പൂർണ​മാ​യും ഇല്ലാതാ​കു​ന്ന​തു​വരെ—എന്നറി​യി​ല്ലെ​ങ്കിൽ, ഭക്ഷണം സുരക്ഷി​ത​മാ​ണെന്ന്‌ ഒരിക്ക​ലും നിഗമനം ചെയ്യരുത്‌” എന്ന്‌ ഡോ. ദേവുദ്‌ മുന്നറി​യി​പ്പു നൽകുന്നു. എന്തിന്‌, ചൂടാ​ക്കിയ ആഹാരം പോലും സുരക്ഷി​ത​മാ​ണെന്നു കരുതുക സാധ്യമല്ല. അതു​കൊണ്ട്‌, “നിങ്ങളു​ടെ ഉച്ചഭക്ഷണം തലേദി​വ​സത്തെ അത്താഴം ചൂടാക്കി വീണ്ടും വിളമ്പി​യ​ത​ല്ലെന്ന്‌ ഉറപ്പു​വ​രു​ത്തുക.”

നിങ്ങൾ ഇപ്പോൾ താമസി​ക്കു​ന്ന​തി​നെ​ക്കാൾ വളരെ വ്യത്യ​സ്‌ത​മായ ഒരു സ്ഥലത്താണ്‌ അവധി​ക്കാ​ലം ചെലവ​ഴി​ക്കു​ന്ന​തെ​ങ്കിൽ, നിങ്ങൾ ആഗ്രഹി​ക്കു​ന്നത്‌, കൃത്യ​സ​മ​യത്ത്‌, ഇഷ്ടപ്പെട്ട സ്ഥലത്തു വെച്ച്‌ കഴിക്കാൻ എല്ലായ്‌പോ​ഴും സാധി​ച്ചെന്നു വരില്ല. എന്നാൽ, രാജ്യാ​ന്തര യാത്ര​ക്കാ​രു​ടെ അഞ്ചിൽ രണ്ടു ഭാഗ​ത്തെ​യും ബാധി​ക്കു​ന്ന​താ​യി റിപ്പോർട്ടു ചെയ്യ​പ്പെ​ടുന്ന വയറി​ളക്കം ഒഴിവാ​ക്കാ​നാ​കും എന്നതി​നാൽ ഈ അസൗക​ര്യം കാര്യ​മാ​യി എടു​ക്കേ​ണ്ട​തില്ല.

വെള്ളത്തി​ന്റെ കാര്യ​ത്തി​ലാ​കു​മ്പോൾ, പ്രാ​ദേ​ശി​ക​മാ​യി ലഭിക്കുന്ന വെള്ള​ത്തെ​ക്കാൾ കുപ്പി​യി​ല​ടച്ചു ലഭിക്കുന്ന വെള്ളം ആണ്‌ മിക്ക​പ്പോ​ഴും കൂടുതൽ സുരക്ഷി​തം. എന്നുവ​രി​കി​ലും, ദൂഷ്യ​ഫ​ലങ്ങൾ ഒഴിവാ​ക്കാ​നാ​യി കുപ്പി​യി​ലോ കന്നാസി​ലോ അടച്ച പാനീ​യങ്ങൾ നിങ്ങളു​ടെ മുമ്പിൽ വെച്ച്‌ പൊട്ടി​ക്കു​ന്ന​താ​യി​രി​ക്കും ഉത്തമം. പാനീ​യ​ങ്ങ​ളിൽ ഐസ്‌ ഇടാതി​രി​ക്കു​ന്ന​താ​യി​രി​ക്കും നല്ലത്‌. അതു ശുദ്ധമാ​ണോ എന്ന്‌ അറിയി​ല്ലെ​ങ്കിൽ, എല്ലായ്‌പോ​ഴും അതിനെ ഹാനി​ക​ര​മായ ഒന്നായി വീക്ഷി​ക്കുക.

ആസ്വാ​ദ്യ​മായ ഒരു അവധി​ക്കാ​ല​ത്തി​നു വേണ്ട നുറു​ങ്ങു​കൾ

തന്റെ വായന​ക്കാ​രിൽ നടത്തിയ ഒരു സർവേ​യ്‌ക്കു ശേഷം, ഒരു ട്രാവൽ എഡിറ്റർ ഇങ്ങനെ റിപ്പോർട്ടു ചെയ്‌തു: “അവധി​ക്കാ​ലം ഗംഭീ​ര​വി​ജയം ആയിരി​ക്കു​ക​യോ ആകാതി​രി​ക്കു​ക​യോ ചെയ്യു​ന്ന​തിൽ കാലാവസ്ഥ ഒരു പങ്കുവ​ഹി​ക്കു​ന്നുണ്ട്‌. എങ്കിലും ഇക്കാര്യ​ത്തിൽ കൂടുതൽ പങ്ക്‌ വഹിക്കു​ന്നത്‌ നിങ്ങളു​ടെ സുഹൃ​ത്തു​ക്കൾ ആണ്‌.” വാസ്‌ത​വ​ത്തിൽ, “നല്ല ഹോട്ട​ലു​കൾ, സുഖക​ര​മായ യാത്ര, രുചി​ക​ര​മായ ഭക്ഷണം, രസകര​മായ ദൃശ്യങ്ങൾ എന്നിവ​യെ​ക്കാൾ” ആസ്വാ​ദ്യ​മായ ഒരു അവധി​ക്കാ​ല​ത്തി​നു സംഭാവന ചെയ്യുന്ന മുഖ്യ ഘടകം “നല്ല സുഹൃ​ത്തു​ക്ക​ളാണ്‌.”

എന്നാൽ അവധി​ക്കാ​ലത്ത്‌ നല്ല സുഹൃ​ത്തു​ക്കളെ എവിടെ കണ്ടെത്താ​വു​ന്ന​താണ്‌? കൊള്ളാം, അതിനുള്ള ഒരു വഴി നിങ്ങൾ അവധി​ക്കാ​ലം ചെലവ​ഴി​ക്കാൻ ആസൂ​ത്രണം ചെയ്യുന്ന രാജ്യത്തു മേൽനോ​ട്ടം വഹിക്കുന്ന വാച്ച്‌ ടവർ സൊ​സൈ​റ്റി​യു​ടെ ഓഫീ​സി​ലേക്ക്‌ മുന്നമേ എഴുതുക എന്നതാണ്‌. നിങ്ങൾ പോകാൻ ഉദ്ദേശി​ക്കുന്ന സ്ഥലത്തിന്‌ ഏറ്റവും അടുത്തുള്ള യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ന്റെ മേൽവി​ലാ​സ​വും യോഗ​ങ്ങ​ളു​ടെ സമയവും അവർ നിങ്ങളെ അറിയി​ക്കും. ഈ ഓഫീ​സു​ക​ളിൽ ചിലതി​ന്റെ വിലാസം ഈ മാസി​ക​യു​ടെ 5-ാം പേജിൽ കാണാ​വു​ന്ന​താണ്‌. യഹോ​വ​യു​ടെ സാക്ഷി​ക​ളു​ടെ അടുത്ത കാലത്തെ ഒരു വാർഷി​ക​പു​സ്‌തകം പരി​ശോ​ധി​ക്കുക വഴി കൂടുതൽ മേൽവി​ലാ​സങ്ങൾ കണ്ടെത്താ​വു​ന്ന​താണ്‌.

ദുഃഖ ഹേതു​വാ​കാ​തെ നിങ്ങളു​ടെ അവധി​ക്കാ​ലം ആസ്വദി​ക്കാ​നുള്ള ഒരു പ്രധാന ഘടകം പിൻവ​രുന്ന ജ്ഞാന പൂർവ​ക​മായ ബൈബിൾ ബുദ്ധ്യു​പ​ദേശം ചെവി​ക്കൊ​ള്ളുക എന്നതാണ്‌: “വഴി​തെ​റ്റി​ക്ക​പ്പെ​ട​രുത്‌. മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.” (1 കൊരി​ന്ത്യർ 15:33, NW) അവധി​ക്കാ​ലം ചെലവ​ഴി​ക്കുന്ന ചില വിദൂ​ര​പ്ര​ദേ​ശ​ങ്ങ​ളിൽ ആയിരി​ക്കു​മ്പോൾ, ക്രിസ്‌തീയ നിലവാ​ര​ങ്ങ​ളും രീതി​ക​ളും വലി​ച്ചെ​റി​യാ​നുള്ള മോഹം നിങ്ങളിൽ നാമ്പെ​ടു​ക്കു​ന്നു എങ്കിൽ അത്‌ ഒരു ദൗർബ​ല്യ​മാ​യി കണ്ട്‌ അതിനെ നേരി​ടാൻ ദിവ്യ സഹായ​ത്തി​നാ​യി അപേക്ഷി​ക്കുക. മാതാ​പി​താ​ക്കൾ കുട്ടി​ക​ളു​ടെ പ്രവർത്ത​നങ്ങൾ ശ്രദ്ധി​ക്കേ​ണ്ട​തുണ്ട്‌. നിങ്ങൾ എവിടെ ആയിരു​ന്നാ​ലും ഇത്‌ “ദുർഘ​ട​സ​മ​യങ്ങൾ” ആണെന്ന്‌ മനസ്സിൽ പിടി​ക്കുക.—2 തിമൊ​ഥെ​യൊസ്‌ 3:1.

കുടും​ബ​ത്തോ​ടൊ​പ്പം അവധി​ക്കാ​ലം ചെലവ​ഴി​ക്കു​മ്പോൾ, അമ്മ സാധാ​ര​ണ​മാ​യി വീട്ടിൽവെച്ചു ചെയ്യാ​റു​ള്ളത്‌ ഇപ്പോ​ഴും ചെയ്‌തു​കൊ​ള്ളും എന്നു കരുത​രുത്‌. ദൈനം​ദിന കാര്യങ്ങൾ ചെയ്യു​ന്ന​തിൽ സഹായി​ക്കാൻ മനസ്സൊ​രു​ക്കം കാട്ടുക. സഹകരണ മനോ​ഭാ​വം പ്രകടി​പ്പി​ക്കുക. അത്തരം മനോ​ഭാ​വം എല്ലാവ​രും അവധി​ക്കാ​ലം ആസ്വദി​ക്കു​ന്ന​തി​നു സംഭാവന ചെയ്യും.

നിങ്ങളു​ടെ അവധി​ക്കാ​ലം സന്തോ​ഷ​കരം ആയിരി​ക്കു​മോ? നന്നായി തിര​ഞ്ഞെ​ടുത്ത കുറച്ചു ഫോ​ട്ടോ​കൾ, പോസ്റ്റു​കാർഡു​കൾ, സ്‌മര​ണി​കകൾ എന്നിവ​യും ഒരുപക്ഷേ ചില പ്രാ​ദേ​ശിക കരകൗശല വസ്‌തു​ക്ക​ളും ആഹ്ലാദ​ഭ​രി​ത​മായ ഓർമകൾ ഉണർത്താൻ പോന്ന​വ​യാണ്‌. എന്നാൽ, പുതു​താ​യി കണ്ടുമു​ട്ടിയ സുഹൃ​ത്തു​ക്കൾ ആയിരി​ക്കും വിശേ​ഷി​ച്ചും നിങ്ങളു​ടെ ഓർമ​യിൽ തങ്ങിനിൽക്കുക. അവരു​മാ​യുള്ള ബന്ധം നിലനിർത്തുക. രസകര​മായ അനുഭ​വങ്ങൾ കത്തിലൂ​ടെ പങ്കു​വെ​ക്കുക. അതെ, നിങ്ങളു​ടെ അവധി​ക്കാ​ലം അത്യന്തം ആസ്വാ​ദ്യ​മാ​ക്കി​ത്തീർക്കാൻ പല വഴിക​ളുണ്ട്‌.

[17-ാം പേജിലെ ചതുരം]

ഏതാനും അവധി​ക്കാല ഓർമി​പ്പി​ക്ക​ലു​കൾ

പുറപ്പെടുന്നതിനു മുമ്പ്‌

• യാത്ര​യോ​ടും ആരോ​ഗ്യ​ത്തോ​ടും ബന്ധപ്പെട്ട്‌ ആവശ്യ​മുള്ള സാധു​വായ എല്ലാ രേഖക​ളും സംഘടി​പ്പി​ക്കു​ക

• പ്രതി​രോധ ഔഷധങ്ങൾ കരുതുക

യാത്രയിൽ ആയിരി​ക്കെ

• മദ്യം കലർന്നി​ട്ടി​ല്ലാത്ത പാനീ​യങ്ങൾ ധാരാളം കുടി​ക്കുക, ദീർഘ​ദൂര വിമാന യാത്ര​യിൽ ആയിരി​ക്കു​മ്പോൾ വ്യായാ​മം ചെയ്യുക

• കുട്ടി​കൾക്കാ​യി രസകര​മായ വസ്‌തു​ക്കൾ കൂടെ​ക്ക​രു​തു​ക

എത്തിച്ചേർന്ന ശേഷം

• നിങ്ങളു​ടെ ശരീര​വും മനസ്സും പൊരു​ത്ത​പ്പെ​ടാൻ സമയം അനുവ​ദി​ക്കു​ക

• സുരക്ഷി​ത​മായ ഭക്ഷണ പാനീ​യങ്ങൾ മാത്രം കഴിക്കുക

• ധാർമിക ജാഗ്രത നിലനിർത്തു​ക

• ദൈനം​ദിന ജോലി​ക​ളിൽ മറ്റു കുടും​ബാം​ഗ​ങ്ങ​ളോ​ടൊ​പ്പം ചേരുക

[16-ാം പേജിലെ ചിത്രം]

അവധിക്കാലത്ത്‌ നിങ്ങളു​ടെ സഹവാ​സങ്ങൾ സംബന്ധി​ച്ചു ജാഗ്രത പുലർത്തു​ക