ലോകത്തെ വീക്ഷിക്കൽ

“കാണാ​താ​വുന്ന” സ്‌ത്രീ​കൾ

“ആരോ​ഗ്യ​സം​ബ​ന്ധ​മായ കാര്യ​ങ്ങ​ളിൽ സ്‌ത്രീ​ക​ളോ​ടു പക്ഷപാ​തി​ത്വ​മി​ല്ലാ​തെ ഇടപെ​ടുന്ന സമൂഹ​ങ്ങ​ളിൽ ഓരോ 100 പുരു​ഷ​ന്മാർക്കും 106 സ്‌ത്രീ​കൾ വീതമുണ്ട്‌. ഇതു ജൈവ​ശാ​സ്‌ത്ര​പ​ര​മായ ഒരു യാഥാർഥ്യ​മാണ്‌,” യൂറോ​പ്യൻ യൂണിയൻ പ്രസി​ദ്ധീ​ക​രിച്ച ദ കുറിയർ എന്ന മാഗസിൻ പറയുന്നു. എന്നാൽ യുഎൻ പഠനങ്ങൾ മറ്റൊരു യാഥാർഥ്യ​വും ചൂണ്ടി​ക്കാ​ട്ടു​ന്നു: ചൈന, ഇന്ത്യ, കൊറി​യൻ റിപ്പബ്ലിക്ക്‌, പാകി​സ്ഥാൻ എന്നിങ്ങ​നെ​യുള്ള ഏഷ്യൻ രാജ്യ​ങ്ങ​ളിൽ ഓരോ 100 പുരു​ഷ​ന്മാർക്കും ശരാശരി 94 സ്‌ത്രീ​കൾ വീത​മേ​യു​ള്ളൂ. എന്തു​കൊണ്ട്‌? “ശാസ്‌ത്ര​പ​ര​മായ നേട്ടങ്ങൾ, പ്രാരംഭ ദശയിൽതന്നെ ഗർഭസ്ഥ​ശി​ശു​വി​ന്റെ ലിംഗം നിർണ​യി​ക്കു​ന്നത്‌ സാധ്യ​മാ​ക്കി​ത്തീർത്തി​രി​ക്കു​ന്നു, ഇത്‌ സ്‌ത്രീ-പുരുഷ ജനന അനുപാ​ത​ത്തിൽ ക്രമ​ക്കേ​ടു​കൾ” വർധി​പ്പി​ച്ചി​രി​ക്കു​ന്നു എന്ന്‌ ദ കുറിയർ വിശദീ​ക​രി​ക്കു​ന്നു. ഉദാഹ​ര​ണ​ത്തിന്‌, കൊറി​യൻ റിപ്പബ്ലി​ക്കിൽ 1982-ൽ ഓരോ 100 ആൺകു​ട്ടി​കൾക്കും 94 പെൺകു​ട്ടി​കൾവീ​തം ജനിച്ചു. എന്നാൽ, 1989-ൽ ആ അനുപാ​തം, ഓരോ 100 ആൺകു​ട്ടി​കൾക്കും 88 പെൺകു​ട്ടി​കൾ എന്നായി കുറഞ്ഞു. നമ്മുടെ ഗ്രഹം എന്ന യുഎൻ പ്രസി​ദ്ധീ​ക​രണം കൂട്ടി​ച്ചേർക്കു​ന്നു: “കണക്കുകൾ ഞെട്ടി​ക്കു​ന്ന​താണ്‌: പെൺ ശിശു​ഹ​ത്യ​യും ഗർഭസ്ഥ​ശി​ശു പെണ്ണാ​ണെ​ങ്കിൽ ഗർഭച്ഛി​ദ്രം നടത്തു​ന്ന​തും മൂലം പത്തു​കോ​ടി ഏഷ്യൻ സ്‌ത്രീ​കളെ ‘കാണാ​താ​വു​ന്നു.’”

ആയുധ​ങ്ങൾക്കോ വികസ​ന​ത്തി​നോ?

നൂറ്‌ യു.എസ്‌. ഡോളർകൊണ്ട്‌, ഒരു എകെ-47 റൈഫി​ളോ ഒരു വയസ്സുള്ള 3,000 കുട്ടി​ക​ളിൽ അന്ധത തടയാൻവേണ്ട വിറ്റാ​മിൻ-എ കാപ്‌സ്യൂ​ളു​ക​ളോ വാങ്ങാൻ കഴിയും. പത്തു​കോ​ടി ഡോളർകൊണ്ട്‌ ഒരു കോടി ഭൂതല മൈനു​ക​ളോ 77 ലക്ഷം കുട്ടി​കളെ മരണക​ര​മായ 6 ശൈശ​വ​രോ​ഗ​ങ്ങ​ളിൽനി​ന്നു സംരക്ഷി​ക്കു​ന്ന​തി​നു മതിയായ രോഗ​പ്ര​തി​രോധ വസ്‌തു​ക്ക​ളോ വാങ്ങി​ക്കു​ന്ന​തി​നു കഴിയും. എൺപതു കോടി ഡോളർകൊണ്ട്‌ 23 എഫ്‌-16 യുദ്ധവി​മാ​ന​ങ്ങ​ളോ 160 കോടി ആളുകളെ ബുദ്ധി​മാ​ന്ദ്യം​പോ​ലെ അയഡിന്റെ അപര്യാ​പ്‌തത മൂലമു​ണ്ടാ​കുന്ന വൈക​ല്യ​ങ്ങ​ളിൽനി​ന്നു സംരക്ഷി​ക്കാൻ കഴിയു​ന്ന​വി​ധം ഉപ്പിൽ പത്തു വർഷ​ത്തേക്കു ചേർക്കാൻ വേണ്ട അയഡി​നോ വാങ്ങാൻ കഴിയും. ഏതാണ്ട്‌ 240 കോടി ഡോളർകൊണ്ട്‌ ഒരു ആണവ മുങ്ങി​ക്കപ്പൽ വാങ്ങാ​നോ 4.8 കോടി ആളുകൾക്ക ജലവും ശുചീ​കരണ സൗകര്യ​ങ്ങ​ളും വാങ്ങാ​നോ കഴിയും. ലോകം മുൻഗണന നൽകു​ന്നത്‌ എന്തിനാണ്‌? ദ സ്റ്റേറ്റ്‌ ഓഫ്‌ ദ വേൾഡ്‌സ്‌ ചിൽഡ്രൻ 1996 പറയു​ന്ന​ത​നു​സ​രിച്ച്‌ 1994-ൽ മാത്ര​മാ​യി വികസ്വര രാഷ്ട്ര​ങ്ങൾക്കു വിൽപന നടത്തിയ ആയുധ​ങ്ങ​ളു​ടെ വില മൊത്തം 2,540 കോടി ഡോളർ ആണ്‌, വികസന പ്രവർത്ത​ന​ങ്ങൾക്കു വേണ്ടി ചെലവ​ഴി​ക്കാ​മാ​യി​രുന്ന പണംതന്നെ.

റോഡ്‌ മുറി​ച്ചു​ക​ട​ക്കുന്ന കടമാ​നിൽനി​ന്നുള്ള അപകടം

ഒരു കടമാൻ റോഡ്‌ മുറി​ച്ചു​ക​ട​ക്കു​ന്നത്‌ എന്തിനാണ്‌? ഈ ചോദ്യം, ന്യൂഫൗ​ണ്ട്‌ലാൻഡി​ലെ വന്യജീ​വി ജൈവ​ശാ​സ്‌ത്ര​ജ്ഞ​ന്മാ​രെ​യും പ്രദേ​ശത്തെ ഹൈ​വേകൾ ഉപയോ​ഗി​ക്കുന്ന തദ്ദേശ ഡ്രൈ​വർമാ​രെ​യും ആയിര​ക്ക​ണ​ക്കി​നു വിനോ​ദ​സ​ഞ്ചാ​രി​ക​ളെ​യും സംബന്ധി​ച്ചി​ട​ത്തോ​ളം തമാശയല്ല. “വർഷം​തോ​റും ന്യൂഫൗ​ണ്ട്‌ലാൻഡി​ന്റെ ഹൈ​വേ​ക​ളിൽ ഏതാണ്ട്‌ 300 കാർ-കടമാൻ അപകടങ്ങൾ സംഭവി​ക്കു​ന്നു, ഇതിൽ പലതും ഡ്രൈ​വർമാ​രു​ടെ മരണത്തിൽ കലാശി​ക്കു​ന്നു,” ഗ്ലോബ്‌ ആൻഡ്‌ മെയിൽ എന്ന വർത്തമാ​ന​പ​ത്രം പറയുന്നു. “450 കിലോ​ഗ്രാം തൂക്കം വരുന്ന കടമാൻ, ഒരു ഉരുളൻപാ​റ​പോ​ലെ കാറി​നു​മു​ക​ളിൽ വന്നുപ​തി​ച്ചേ​ക്കാം, കൊല്ലു​ക​യോ അംഗഭം​ഗം വരുത്തു​ക​യോ ചെയ്‌തു​കൊണ്ട്‌.” ദ്വീപിൽ ഇപ്പോ​ഴുള്ള കടമാ​നി​ന്റെ 1,50,000 എന്ന സംഖ്യ​യിൽ കുറവു​വ​രു​ത്തി​യ​തു​കൊ​ണ്ടു​മാ​ത്ര​മാ​യില്ല, പ്രകൃ​തി​വി​ഭവ ഡിപ്പാർട്ടു​മെൻറി​ലെ ഷാൻ മാഹോ​നീ പറയുന്നു. കാരണം, കടമാ​നു​ക​ളു​ടെ എണ്ണം കുറവുള്ള പല പ്രദേ​ശ​ങ്ങ​ളി​ലും അപകട​ങ്ങ​ളു​ടെ എണ്ണം കൂടു​ത​ലാണ്‌. കൂട്ടങ്ങ​ളു​ടെ സഞ്ചാര​ങ്ങ​ളെ​പ്പറ്റി വിശക​ലനം ചെയ്‌തു​കൊണ്ട്‌, പൊതു​വേ ഗതാഗ​തത്തെ ഭയപ്പെ​ടുന്ന കടമാൻ റോഡ്‌ മുറി​ച്ചു​ക​ട​ക്കു​ന്ന​തെ​ന്തു​കൊ​ണ്ടാ​ണെന്നു പഠിക്കാ​നാ​കു​മെന്നു ശാസ്‌ത്ര​ജ്ഞ​ന്മാർ പ്രതീ​ക്ഷി​ക്കു​ന്നു.

നൗരു​വി​ന്റെ ദയനീ​യ​സ്ഥി​തി

നൗരു, ലോക​ത്തി​ലെ ഏറ്റവും ചെറി​യ​തും ഒറ്റപ്പെ​ട്ടു​നിൽക്കു​ന്ന​തു​മായ ഒരു റിപ്പബ്ലിക്ക്‌, ഒരിക്കൽ അതിന്റെ ഉഷ്‌ണ​മേ​ഖലാ മനോ​ഹാ​രി​ത​യ്‌ക്കു ശ്രദ്ധേ​യ​മാ​യി​രു​ന്നു. 20 ചതുരശ്ര കിലോ​മീ​റ്റർ വരുന്ന ഈ ദ്വീപ്‌ ആദ്യമാ​യി 18-ാം നൂറ്റാ​ണ്ടിൽ കണ്ട യൂറോ​പ്യൻ കടൽയാ​ത്ര​ക്കാർ ഇതിനെ പ്രസന്ന ദ്വീപ്‌ എന്നു വിളിച്ചു. എന്തായാ​ലും ഇപ്പോൾ, തീര​പ്ര​ദേ​ശ​ത്തി​ന്റെ വീതി​കു​റഞ്ഞ ഓരം​മാ​ത്രമേ വാസ​യോ​ഗ്യ​മാ​യി​ട്ടു​ള്ളൂ. നൗരു, “ഭൂമി​യിൽ പരിസ്ഥി​തി​പ​ര​മാ​യി അത്യധി​കം നശിപ്പി​ക്ക​പ്പെ​ട്ടി​ട്ടുള്ള രാഷ്ട്ര”മായി​ത്തീർന്നി​രി​ക്കു​ന്നു​വെന്ന്‌ ദ ന്യൂ​യോർക്ക്‌ ടൈംസ്‌ അഭി​പ്രാ​യ​പ്പെട്ടു. എന്തു​കൊണ്ട്‌? സ്‌ട്രിപ്പ്‌ മൈനിങ്‌ (മുകളി​ലുള്ള മണ്ണും പാറയും വെട്ടി​മാ​റ്റി ധാതുക്കൾ കുഴി​ച്ചെ​ടു​ക്കുന്ന സമ്പ്രദാ​യം). ആയിര​ക്ക​ണ​ക്കി​നു വർഷങ്ങ​ളിൽ വീണ പക്ഷിക​ളു​ടെ കാഷ്‌ഠ​ത്തി​ന്റെ​യും സമു​ദ്ര​ത്തി​ലെ സൂക്ഷ്‌മാ​ണു​ജീ​വി​ക​ളു​ടെ​യും പ്രവർത്ത​ന​ത്തി​ന്റെ ഉത്‌പ​ന്ന​മായ ഫോസ്‌ഫേ​റ്റു​കൾ 90 വർഷക്കാ​ലം കുഴി​ച്ചെ​ടു​ത്തി​രി​ക്കു​ന്നു, “22 മീറ്റ​റോ​ളം ഉയരം വരുന്ന ചാമ്പൽനി​റ​ത്തോ​ടു​കൂ​ടിയ ചില ചുണ്ണാ​മ്പു​ക​ല്ലു​ക​ളു​ടെ കൊടു​മു​ടി​ക​ളും കുഴി​ക​ളു​മുള്ള, ഭയാന​ക​മായ ഒരു പ്രദേ​ശ​മാ​ക്കി അതിനെ അവശേ​ഷി​പ്പി​ച്ചു​കൊ​ണ്ടു​തന്നെ.” ഖനനം ചെയ്‌തി​രി​ക്കുന്ന ദ്വീപി​ന്റെ 80 ശതമാനം പ്രദേ​ശ​ത്തു​നി​ന്നു​യ​രുന്ന ചൂട്‌, കാലാ​വ​സ്ഥ​യെ​യും ബാധി​ച്ചി​രി​ക്കു​ന്നു. ഇത്‌ മഴമേ​ഘ​ങ്ങളെ ഇല്ലാതാ​ക്കു​ന്ന​തു​കൊണ്ട്‌ പ്രദേ​ശത്തു വരൾച്ച ബാധി​ച്ചി​രി​ക്കു​ന്നു. ഫോസ്‌ഫേ​റ്റി​ന്റെ അവസാന നിക്ഷേ​പ​ങ്ങ​ളും അഞ്ചു വർഷത്തി​നു​ള്ളിൽ വേർപെ​ടു​ത്തി​യെ​ടു​ക്കു​മെന്നു കരുത​പ്പെ​ടു​ന്നു. നൗരു വിട്ട്‌ തങ്ങളുടെ സമ്പത്തു​കൊണ്ട്‌ മറ്റേ​തെ​ങ്കി​ലും ദ്വീപി​ലുള്ള ഒരു വീടു വാങ്ങി താമസം മാറ്റു​ന്ന​താണ്‌ ഏക പരിഹാ​ര​മെന്ന്‌ നൗരു​വി​ലു​ള്ള​വർക്കു തോന്നു​ന്നു.

ഗിനി​വിര രോഗം ഒതുങ്ങു​ന്നു

“വസൂരി​ക്കു​ശേഷം, ഉന്മൂലനം ചെയ്യേണ്ട രണ്ടാമത്തെ മനുഷ്യ​രോ​ഗം ഗിനി​വിര ആണെന്നു കാണ​പ്പെ​ടു​ന്നു,” ദി ഇക്കണോ​മിസ്റ്റ്‌ പറയുന്നു. “1989 എന്ന സമീപ​വർഷം വരെ ലോക​മെ​മ്പാ​ടും റിപ്പോർട്ട്‌ ചെയ്യപ്പെട്ട കേസു​ക​ളു​ടെ എണ്ണം 9,00,000 ആയിരു​ന്നത്‌ കഴിഞ്ഞ വർഷം 1,63,000 എന്നായി കുറഞ്ഞു. മാത്രമല്ല, ഒട്ടുമിക്ക രാജ്യ​ങ്ങ​ളി​ലും ഓരോ വർഷവും 50 ശതമാനം കുറഞ്ഞു​വ​രു​ന്നു.” “യുദ്ധവും രോഗ​വും കൈ​കോർത്തു പോകുന്ന” സുഡാ​നാണ്‌ ഇതിന്‌ ഒരപവാ​ദം. അതിസൂക്ഷ്‌മ ലാർവ​യിൽനി​ന്നു ജീവി​ത​മാ​രം​ഭി​ക്കുന്ന ജലത്തി​ലൂ​ടെ പടരുന്ന പരാദ​മായ ഗിനി​വിര, മധ്യേഷ്യ, പാകി​സ്ഥാൻ, അനേകം ആഫ്രിക്കൻ രാജ്യങ്ങൾ എന്നിവി​ട​ങ്ങ​ളിൽനിന്ന്‌ ഉന്മൂലനം ചെയ്യ​പ്പെ​ട്ടു​ക​ഴി​ഞ്ഞി​രി​ക്കു​ന്നു. ജലം ശുദ്ധീ​ക​രി​ക്കുന്ന ഒരു രാസവ​സ്‌തു ഉപയോ​ഗി​ച്ചു​കൊ​ണ്ടും കുടി​വെള്ളം ഒരു തുണി​യി​ലൂ​ടെ അരി​ച്ചെ​ടു​ക്കാൻ ആളുകളെ പഠിപ്പി​ച്ചു​കൊ​ണ്ടും രോഗ​ബാ​ധി​തർ കുടി​വെള്ള ഉറവു​ക​ളിൽ കുളി​ക്കു​ന്ന​തോ നടക്കു​ന്ന​തോ തടഞ്ഞു​കൊ​ണ്ടും ഏജൻസി​കൾ അതു നിയ​ന്ത്ര​ണാ​ധീ​ന​മാ​ക്കി​യി​ട്ടുണ്ട്‌. ഒരിക്കൽ അകത്താ​യി​ക്ക​ഴി​ഞ്ഞാൽ, ഇണചേർന്ന​തി​നു​ശേഷം ആൺവി​രകൾ ചാകുന്നു. പെൺവി​ര​യ്‌ക്ക്‌ ഒരു മീറ്റർ നീളം വെക്കുന്നു. ദീർഘ​നാൾ കഴിഞ്ഞ്‌ പല ആഴ്‌ച​കൾകൊണ്ട്‌ ബാധി​ക്ക​പ്പെ​ട്ട​വ്യ​ക്തി​യു​ടെ കാലി​ലു​ണ്ടാ​കുന്ന വേദനി​പ്പി​ക്കുന്ന വ്രണങ്ങ​ളിൽനിന്ന്‌ അത്‌ പുറത്തു​വ​രു​ന്നു. ചില​പ്പോൾ ഇത്‌ പേശി​കളെ തളർത്തു​ക​യോ നശിപ്പി​ക്കു​ക​യോ ചെയ്‌തേ​ക്കാം.

വിനാ​ശ​ദിന ഘടികാ​രം മുന്നോ​ട്ടു നീങ്ങുന്നു

ദ ബുള്ളറ്റിൻ ഓഫ്‌ ദി അറ്റോ​മിക്ക്‌ സയൻറി​സ്റ്റ്‌സി​ന്റെ പുറത്തുള്ള പ്രസി​ദ്ധ​മായ വിനാ​ശ​ദിന ഘടികാ​ര​ത്തി​ന്റെ മിനിറ്റ്‌ സൂചി അർധരാ​ത്രി​യോട്‌ മൂന്നു മിനിറ്റു കൂടെ അടുത്തി​രി​ക്കു​ന്നു. ലോകം ഒരു ന്യൂക്ലി​യർ യുദ്ധ​ത്തോട്‌ എത്രമാ​ത്രം അടുത്തി​രി​ക്കു​ന്നു​വെ​ന്ന​താണ്‌ ഘടികാ​രം പ്രതീ​കാ​ത്മ​ക​മാ​യി പ്രതി​ഫ​ലി​പ്പി​ക്കു​ന്നത്‌. 1947-ൽ അത്‌ അവതരി​പ്പി​ക്ക​പ്പെ​ട്ട​ശേഷം, ലോക കാര്യാ​ദി​ക​ളി​ലുള്ള മാറ്റത്തി​ന​നു​സ​രിച്ച്‌ 16 തവണ ഘടികാ​ര​ത്തിൽ സമയം മാറ്റി​യി​ട്ടുണ്ട്‌. ന്യൂക്ലി​യർ അർധരാ​ത്രി​യോട്‌ അത്‌ ഏറ്റവും അടുത്തു​വ​ന്നത്‌—രണ്ട്‌ മിനിറ്റ്‌—1953-ൽ ഐക്യ​നാ​ടു​കൾ നടത്തിയ ആദ്യത്തെ ഹൈ​ഡ്രജൻ ബോംബ്‌ സ്‌ഫോ​ട​ന​ത്തി​നു​ശേ​ഷ​മാ​യി​രു​ന്നു. 1991-ൽ ശീതയു​ദ്ധ​ത്തി​നു​ശേ​ഷ​മു​ണ്ടാ​യി​രുന്ന ശുഭ​പ്ര​തീ​ക്ഷ​മൂ​ലം അർധരാ​ത്രിക്ക്‌ 17 മിനിറ്റ്‌ പുറകി​ലേക്കു നീക്കി​യ​പ്പോ​ഴാ​യി​രു​ന്നു ഒടുവി​ലാ​യി അത്‌ മാറ്റ​പ്പെ​ട്ടത്‌. ഘടികാ​ര​ത്തിൽ 14 മിനിറ്റ്‌ മുന്നോ​ട്ടു നീക്കി​യി​രി​ക്കു​ന്നത്‌, ലോക​ത്തിൽ വളർന്നു​കൊ​ണ്ടി​രി​ക്കുന്ന ലോക​സം​ഘർഷത്തെ സംബന്ധിച്ച ഉത്‌ക​ണ്‌ഠ​യെ​യും ന്യൂക്ലി​യർ ശേഖര​ത്താ​ലുള്ള അരക്ഷി​ത​ത്വ​ത്തെ​യും ന്യൂക്ലി​യർ ഭീകര​പ്ര​വർത്തന ഭീഷണി​യെ​യും പ്രതി​ഫ​ലി​പ്പി​ക്കു​ന്നു. “ലോകം ഇപ്പോ​ഴും വളരെ അപകട​ക​ര​മായ ഒരിടം​തന്നെ,” ദ ബുള്ളറ്റി​ന്റെ ചെയർമാ​നായ ലിയോ​ണാർഡ്‌ റീസർ പറഞ്ഞു.

നവജാത ശിശുക്കൾ ഉപേക്ഷി​ക്ക​പ്പെ​ടു​ന്നു

ഇറ്റലി​യിൽ ഒരമ്മയ്‌ക്ക്‌ തന്റെ നവജാത ശിശു​വി​നെ സ്വീക​രി​ക്കാൻ നിയമ​പ​ര​മാ​യി വിസമ്മ​തി​ക്കാ​നാ​വും, അതിനെ ദത്തെടു​ക്കാൻ പറ്റിയ ദമ്പതി​കളെ തേടി​പ്പി​ടി​ക്കാ​നുള്ള ഉത്തരവാ​ദി​ത്വം ബാലജ​ന​സം​ര​ക്ഷ​ണാ​ധി​കാ​രി​കൾക്കു വിട്ടു​കൊ​ടു​ത്തു​കൊണ്ട്‌. എങ്കിലും 1995-ൽ ഏതാണ്ട്‌ 600 കുട്ടികൾ ജനിച്ച​യു​ടൻ ഉപേക്ഷി​ക്ക​പ്പെട്ടു, “ഒട്ടേറെ പേർ കുപ്പ​ത്തൊ​ട്ടി​യിൽ, ചിലർ പള്ളികൾക്കും ആരോ​ഗ്യ​പ​രി​പാ​ല​ന​കേ​ന്ദ്ര​ങ്ങൾക്കും അരികിൽ,” ഇറ്റാലി​യൻ വർത്തമാ​ന​പ​ത്ര​മായ ലാ റിപ്പബ്ലി​ക്കാ പറയുന്നു. രാജ്യ​ത്തി​ന്റെ അത്യന്തം വ്യവസാ​യ​വൽകൃ​ത​വും സമ്പന്നവു​മായ പ്രദേ​ശ​ങ്ങ​ളി​ലും അതു​പോ​ലെ​തന്നെ ഏറ്റവും ദരി​ദ്ര​വും അൽപ്പവി​ക​സി​ത​വു​മായ പ്രദേ​ശ​ങ്ങ​ളി​ലു​മാണ്‌ ഈ പ്രതി​ഭാ​സം നടക്കു​ന്നത്‌. ഇറ്റാലി​യൻ സൊ​സൈറ്റി ഓഫ്‌ സൈ​ക്കോ​ള​ജി​യു​ടെ പ്രസി​ഡ​ന്റായ വേര സ്ലീപോ​യി പറയു​ന്ന​ത​നു​സ​രിച്ച്‌ സമൂഹ​ത്തിൽ വ്യാപി​ച്ചി​രി​ക്കുന്ന “മൃത്യു​ബോ​ധ​ത്തി​ന്റെ മുന്നറി​യി​പ്പിൻ സൂചന”യാണിത്‌.

ദാഹി​ക്കു​മ്പോൾ മാത്രം പോരാ

“ഒരു വ്യക്തി ദാഹി​ക്കു​മ്പോൾ മാത്രം കുടി​ക്കാ​മെന്നു വെച്ചാൽ അയാൾ ആവശ്യ​ത്തിന്‌ കുടി​ക്കാൻ പോകു​ന്നില്ല,” ശരീര വ്യായാമ പ്രൊ​ഫ​സ​റായ ഡോ. മാർക്ക ഡേവിസ്‌ പറയുന്നു. ശരീര​ത്തി​ലെ ദ്രാവ​ക​ങ്ങ​ളു​ടെ അളവ്‌ കുറഞ്ഞ​തി​നു​ശേ​ഷ​മാണ്‌ ദാഹം തോന്നു​ന്നത്‌ എന്നുള്ള​തു​കൊണ്ട്‌ ഒട്ടേറെ ആളുകൾ അൽപ്പം നിർജ​ലീ​കൃത അവസ്ഥയി​ലാണ്‌. വയസ്സ്‌ കൂടു​ന്തോ​റും ദാഹം തോന്നാ​നുള്ള കഴിവ്‌ കുറഞ്ഞു​വ​രു​ന്നു. ദ ന്യൂ​യോർക്ക്‌ ടൈം​സിൽ റിപ്പോർട്ടു ചെയ്യ​പ്പെ​ട്ടി​രുന്ന പോലെ ചൂടുള്ള അല്ലെങ്കിൽ കൊടും തണുപ്പുള്ള വരണ്ട കാലാ​വ​സ്ഥ​യിൽ, നമ്മൾ വ്യായാ​മം ചെയ്യു​മ്പോൾ അല്ലെങ്കിൽ പഥ്യത്തി​ലാ​യി​രി​ക്കു​മ്പോൾ, ഏതെങ്കി​ലും അസുഖ​ത്തെ​ത്തു​ടർന്ന്‌ ജലാംശം നഷ്ടപ്പെ​ടുന്ന തരത്തി​ലുള്ള വയറ്റി​ളക്കം, പനി, ഛർദി എന്നീ അവസ്ഥക​ളു​ണ്ടാ​യി​രി​ക്കു​മ്പോൾ ഒക്കെ നമുക്കു വെള്ളം കൂടുതൽ ആവശ്യ​മാ​യി വരുന്നു. നാരുകൾ അധികം അടങ്ങിയ ഭക്ഷണ​ക്രമം ഉള്ളവരും കൂടുതൽ വെള്ളം ആവശ്യ​മാ​ക്കി​ത്തീർക്കു​ന്നു. ഉദരത്തി​ലൂ​ടെ നാരു​കളെ കടത്തി​ക്കൊ​ണ്ടു​പോ​കാൻ വേണ്ടി​യാ​ണിത്‌. പഴങ്ങളി​ലും പച്ചക്കറി​ക​ളി​ലും അടങ്ങി​യി​രി​ക്കുന്ന വെള്ളത്തി​ന്റെ ശതമാനം ഉയർന്ന​താ​ണെ​ങ്കി​ലും വെള്ളം കുടി​ക്കു​ന്ന​തി​ലൂ​ടെ​യാണ്‌ നമ്മുടെ ആവശ്യങ്ങൾ പലതും നിർവ​ഹി​ക്ക​പ്പെ​ടു​ന്നത്‌. വേഗത്തിൽ വലി​ച്ചെ​ടു​ക്ക​പ്പെ​ടു​മെ​ന്നു​ള്ള​തു​കൊണ്ട്‌ ഏറ്റവും നല്ലത്‌ വെള്ളമാണ്‌. മധുരം കൂടു​ന്തോ​റും ദ്രാവകം ഏറ്റവും പതു​ക്കെ​യാണ്‌ വലി​ച്ചെ​ടു​ക്ക​പ്പെ​ടു​ന്നത്‌. സോഡ നിങ്ങൾക്കു കൂടുതൽ ദാഹം തോന്നി​പ്പി​ച്ചേ​ക്കാം, പഞ്ചസാര ദഹിപ്പി​ക്കാൻ ദ്രാവകം വേണ​മെ​ന്ന​തു​തന്നെ കാരണം. കഫീനും മദ്യവും മൂത്ര​വർധി​നി​ക​ളാ​യ​തി​നാൽ അവ അടങ്ങിയ പാനീ​യ​ങ്ങളെ ആശ്രയി​ക്കു​ന്നത്‌ ജലാംശം നഷ്ടപ്പെ​ടു​ന്ന​തി​നി​ട​യാ​ക്കും. “മുതിർന്നവർ ചുരു​ങ്ങി​യത്‌ ദിവസ​വും 2.4 ഡെസി​ലി​റ്റ​റി​ന്റെ എട്ടു ഗ്ലാസ്‌ വെള്ളം കുടി​ക്കണം,” ടൈംസ്‌ പറയുന്നു.

പ്രസി​ദ്ധ​മായ ഈജി​പ്‌ഷ്യൻ കല്ലറകൾ തുറക്ക​പ്പെ​ടു​ന്നു

നിരവധി വർഷങ്ങ​ളാ​യി അടഞ്ഞു​കി​ട​ന്നി​രുന്ന രാജ്ഞി​ക​ളു​ടെ താഴ്‌വ​ര​യി​ലെ നെഫർതാര ശവകു​ടീ​രം പുനഃ​സ്ഥി​തീ​ക​രി​ക്ക​പ്പെ​ടു​ക​യും പൊതു​ജ​ന​ത്തി​നാ​യി വീണ്ടും തുറക്ക​പ്പെ​ടു​ക​യും ചെയ്‌തി​രി​ക്കു​ന്നു. “‘ലക്ഷോ​റി​ലെ വടക്കൻ തീരത്ത്‌ അല്ലെങ്കിൽ ഈജി​പ്‌തി​ലൊ​ട്ടാ​കെ​പോ​ലും ഏറ്റവും ആകർഷ​ക​മായ കുടീരം വാസ്‌ത​വ​ത്തിൽ ഇതുതന്നെ,’ സുപ്രീം കൗൺസിൽ ഫോർ ആൻറി​ക്വി​റ്റീ​സി​ന്റെ ശാഖയി​ലെ തലവനായ മുഹമ്മദ്‌ ഏൽ സോജി​യർ പറഞ്ഞു. ‘അത്‌ റാംസസ്‌ II-ന്റെ കാലത്തെ അതിവി​ദഗ്‌ധ കലാകാ​ര​ന്മാ​രാൽ നിർമി​ക്ക​പ്പെ​ട്ട​താണ്‌. നെഫർതാ​ര​യോ​ടുള്ള അതിയായ സ്‌നേഹം മൂലമാണ്‌ അദ്ദേഹം ഈ രാജകീയ കല്ലറ നിർമി​ച്ചത്‌. സാധ്യ​മാ​യ​തിൽ ഏറ്റവും നല്ല കുടീരം അവർക്കു ലഭിക്ക​ണ​മെ​ന്നാ​യി​രു​ന്നു അദ്ദേഹ​ത്തി​ന്റെ ആഗ്രഹം.’” എന്തായാ​ലും, 430 ചതുരശ്ര മീറ്റർ വരുന്ന മനോ​ഹ​ര​മായ ചിത്രങ്ങൾ വെള്ള​പ്പൊ​ക്ക​വും ചെളി​യും തുളച്ചു​ക​ട​ക്കുന്ന ഉപ്പുക​ല്ലു​ക​ളും​കൊണ്ട്‌ മിക്കവാ​റും നശിപ്പി​ക്ക​പ്പെട്ടു. 1986-ൽ വർഷങ്ങ​ളാ​യുള്ള കൂടി​യാ​ലോ​ച​ന​യ്‌ക്കു​ശേഷം ഒരു അന്താരാ​ഷ്ട്ര ടീം, കുടീരം കണ്ടെത്തിയ ഈജി​പ്‌തി​നെ​ക്കു​റി​ച്ചു പഠിക്കുന്ന ഇറ്റലി​ക്കാ​ര​നായ ഏർണസ്റ്റോ ഷിയാ​പ​റേല്ലി എടുത്ത ഫോ​ട്ടോ​കൾ ഉപയോ​ഗിച്ച്‌ ചുവർക​ഷ​ണങ്ങൾ ചേർത്തു​വെ​ക്കു​ക​യെന്ന ആയാസ​ക​ര​മായ ജോലി​യാ​രം​ഭി​ച്ചു. ഈർപ്പ​സം​ബ​ന്ധ​മായ പ്രശ്‌ന​ങ്ങൾമൂ​ലം സന്ദർശ​ക​രു​ടെ എണ്ണം കുറച്ചി​ട്ടുണ്ട്‌. അബു സിമ്പെ​ലി​ലുള്ള ക്ഷേത്ര​ങ്ങ​ളി​ലൊന്ന്‌ റാംസസ്‌ II നെഫർതാ​ര​യ്‌ക്കാ​യി സമർപ്പി​ച്ച​പ്പോ​ഴും അവർ അദ്ദേഹ​ത്താൽ ബഹുമാ​നി​ക്ക​പ്പെ​ടു​ക​യു​ണ്ടാ​യി.