ഞങ്ങളുടെ വായന​ക്കാ​രിൽനിന്ന്‌

റോക്ക്‌ സംഗീ​ത​ക്ക​ച്ചേരി “യുവജ​നങ്ങൾ ചോദി​ക്കു​ന്നു . . . ഞാൻ റോക്ക്‌ സംഗീ​ത​ക്ക​ച്ചേ​രി​ക​ളിൽ സംബന്ധി​ക്ക​ണ​മോ?” (ഡിസംബർ 22, 1995) എന്ന ലേഖനം അൽപ്പം മുൻവി​ധി​യോ​ടു​കൂ​ടി​യ​താ​യി​രു​ന്നി​ല്ലേ എന്നു ചിന്തി​ക്കാ​തി​രി​ക്കാൻ കഴിയു​ന്നില്ല. ഞാൻ മമ്മി​യോ​ടൊ​പ്പം ഒരു റോക്ക്‌ സംഗീ​ത​ക്ക​ച്ചേ​രി​യിൽ പങ്കെടു​ത്തു. അതു പഴയ ഒരു വാദ്യ​ഘോ​ഷ​മാ​യി​രു​ന്നു, മാത്രമല്ല, ആൾക്കൂട്ടം നല്ല മര്യാ​ദ​യു​ള്ള​വ​രു​മാ​യി​രു​ന്നു. എന്നാൽ, മാന്യ​മായ ഒരു കച്ചേരി കണ്ടെത്താ​നുള്ള സാധ്യ​ത​പോ​ലും ലേഖനം വിശേ​ഷ​വ​ത്‌ക​രി​ച്ചില്ല.

എസ്‌. എ., ഐക്യ​നാ​ടു​കൾ

ലേഖനം, റോക്ക്‌ സംഗീ​ത​ക്ക​ച്ചേ​രി​യു​ടെ സാധ്യ​ത​യുള്ള അപകട​ങ്ങ​ളി​ന്മേൽ ശ്രദ്ധ കേന്ദ്രീ​ക​രി​ക്കു​ക​തന്നെ ചെയ്‌തു. എന്നാൽ അത്തരം പരിപാ​ടി​ക​ളിൽ സംബന്ധി​ക്കു​ന്ന​തി​നെ ഞങ്ങൾ അപ്പാടെ കുറ്റ​പ്പെ​ടു​ത്തി​യില്ല. ഞങ്ങൾ വായന​ക്കാ​രോ​ടു പറഞ്ഞത്‌, “ഒരു സംഗീ​ത​ക്ക​ച്ചേ​രി​ക്കു പോകു​ന്ന​തി​നെ​ക്കു​റി​ച്ചു നിങ്ങൾ ചിന്തി​ക്കു​ക​യാ​ണെ​ങ്കിൽ വസ്‌തു​തകൾ ശേഖരി​ക്കുക” എന്നാണ്‌. അങ്ങനെ, ചെറു​പ്പ​ക്കാർക്കും അവരുടെ മാതാ​പി​താ​ക്കൾക്കും സമനി​ല​യോ​ടെ​യുള്ള ഒരു തീരു​മാ​നം കൈ​ക്കൊ​ള്ളാൻ വേണ്ട സഹായ​ക​മായ നിർദേ​ശങ്ങൾ നൽകു​ക​യാ​യി​രു​ന്നു.—പത്രാ​ധി​പർ

ലേഖന​ത്തി​നാ​യി നിങ്ങ​ളോ​ടു നന്ദി പറയാൻ ഞാൻ ആഗ്രഹി​ക്കു​ന്നു. മാസിക എനിക്കു ലഭിക്കു​ന്ന​തിന്‌ ഏതാനും ആഴ്‌ച​കൾക്കു​മുമ്പ്‌ ഞങ്ങൾ കുറേ​പേർ ഒരു സംഗീ​ത​ക്ക​ച്ചേ​രി​ക്കു​പോ​യി. അതു വന്യമാ​യി​രു​ന്നു. അവി​ടെ​യു​ണ്ടാ​യി​രുന്ന പലരും മദ്യപി​ച്ചി​ട്ടു​ണ്ടാ​യി​രു​ന്നു; അതു ക്രിസ്‌ത്യാ​നി​കൾക്കു പറ്റിയ ഒരിട​മാ​യി​രു​ന്നില്ല. ഞാൻ തീർച്ച​യാ​യും ഒരു പാഠം പഠിച്ചു, മറ്റുള്ള​വ​രും അങ്ങനെ​തന്നെ എന്നു ഞാൻ പ്രതീ​ക്ഷി​ക്കു​ന്നു.

എം. ഇ., ഐക്യ​നാ​ടു​കൾ

കോസ്റ്റ റിക്ക “കോസ്റ്റ റിക്ക—കൊച്ചു​രാ​ജ്യം, സമൃദ്ധ​മായ വൈവി​ധ്യം” എന്ന ലേഖനത്തെ സംബന്ധിച്ച്‌ ഒരു വിശദീ​ക​രണം നൽകാൻ ഞാൻ ആഗ്രഹി​ക്കു​ന്നു. (ജൂലൈ 8, 1995) “ദേശത്തി​ന്റെ 27 ശതമാനം സംരക്ഷി​ക്ക​പ്പെ​ട്ടി​രി​ക്കു​ന്നു. ലോക​ത്തി​ലെ ഏതു രാജ്യ​ത്തി​ന്റേ​തി​ലും ഏറ്റവും വലിയ അനുപാ​തം” എന്നു നിങ്ങൾ പ്രസ്‌താ​വി​ച്ചി​രു​ന്നു​വ​ല്ലോ. എന്നാൽ, വേൾഡ്‌ അൽമ​നേക്ക്‌ പറയു​ന്ന​ത​നു​സ​രിച്ച്‌ ഇക്വ​ഡോ​റി​ന്റെ ഭൂവി​സ്‌തീർണ​ത്തി​ന്റെ 40 ശതമാനം സംരക്ഷി​ക്ക​പ്പെ​ട്ടി​രി​ക്കു​ന്നു.

എം. ഇ., ഇക്വ​ഡോർ

വിശദീ​ക​ര​ണ​ത്തി​നു നന്ദി.—പത്രാ​ധി​പർ

മാലി “മാലി​യിൽ ആദ്യ​ത്തേത്‌” എന്ന ലേഖനം വായിച്ചു ഞാൻ സന്തോ​ഷാ​ശ്രു​ക്കൾ പൊഴി​ച്ചു. (ഡിസംബർ 22, 1995) മാലി​യി​ലുള്ള നിങ്ങളു​ടെ അംഗങ്ങ​ളു​ടെ സഹകര​ണ​ത്തി​ന്റെ ആത്മാവു വിശ്വാ​സത്തെ ശക്തി​പ്പെ​ടു​ത്തു​ന്ന​താണ്‌. ബൈബിൾ പഠനം തുടങ്ങു​ന്ന​തി​നാ​യി ഞാൻ യഹോ​വ​യു​ടെ സാക്ഷി​ക​ളു​മാ​യി സമ്പർക്ക​ത്തി​ലാ​യി​ട്ടുണ്ട്‌. ദൈവത്തെ ആരാധി​ക്കു​ന്ന​തിൽ നിങ്ങളു​ടെ അംഗങ്ങ​ളോ​ടൊ​പ്പം ചേരണ​മെന്നു ഞാൻ ഉറച്ച തീരു​മാ​ന​മെ​ടു​ത്തി​ട്ടുണ്ട്‌.

ഡി. സി. എ., നൈജീ​രി​യ

ടുററ്റ്‌ സിൻ​ഡ്രോം “ടുററ്റ്‌ സിൻ​ഡ്രോം പേറി ജീവി​ക്കു​ക​യെന്ന വെല്ലു​വി​ളി” എന്ന ലേഖന​ത്തി​നു നന്ദി പ്രകടി​പ്പി​ക്കാൻ ഞാൻ ആഗ്രഹി​ക്കു​ന്നു. (ഡിസംബർ 22, 1995) കൗമാ​ര​ദ​ശ​യു​ടെ അവസാ​ന​ഘ​ട്ട​ത്തിൽ എന്റെ രോഗ​ല​ക്ഷ​ണങ്ങൾ അപ്രത്യ​ക്ഷ​മാ​യി. എന്നാൽ എല്ലാവ​രും അത്ര അനുഗൃ​ഹീ​ത​രാ​യി​രി​ക്കു​ന്നില്ല. അത്തരത്തി​ലു​ള്ള​വർക്കും അവരുടെ കുടും​ബ​ങ്ങൾക്കും ഈ ലേഖനം വില​യേ​റിയ ഒരു സഹായ​മാ​യി​രി​ക്കും.

വൈ. എൽ., ഫ്രാൻസ്‌

ഈ സിൻ​ഡ്രോ​മുള്ള ഒരു ആൺകു​ട്ടി​യെ എനിക്ക​റി​യാം. അവനു​മാ​യി ഇടപെ​ടു​ന്ന​തിൽ ജാള്യ​മ​നു​ഭ​വ​പ്പെ​ട്ടി​രു​ന്ന​തു​കൊ​ണ്ടു ഞാൻ അവനെ ഒഴിവാ​ക്കി​യി​രു​ന്നു. എനിക്കു​ണ്ടാ​യി​രു​ന്ന​തി​നെ​ക്കാൾ ജാള്യം അവന്‌ അനുഭ​വ​പ്പെ​ട്ടേ​ക്കാ​മെന്നു ഞാൻ ഒരിക്ക​ലും മനസ്സി​ലാ​ക്കി​യി​രു​ന്നില്ല!

പി. എം., ഇറ്റലി

അഞ്ചു വയസ്സു​ള്ള​പ്പോൾ മുതൽ എനിക്ക്‌ ഈ വൈക​ല്യ​മുണ്ട്‌, ഇതെന്നെ ഏറെ ദുഃഖി​പ്പി​ച്ചി​ട്ടുണ്ട്‌. പേശി​യി​ലും സ്വന​പേ​ട​ക​ത്തി​ലും എനിക്കു കോച്ചി​പ്പി​ടു​ത്ത​മു​ണ്ടാ​കു​ന്നു. ഈ കോച്ചി​പ്പി​ടു​ത്തങ്ങൾ സംഭവി​ക്കു​ന്ന​തെ​ന്തു​കൊ​ണ്ടാ​ണെന്ന്‌ എന്റെ മാതാ​പി​താ​ക്കൾക്കോ എനിക്കോ മനസ്സി​ലാ​യി​രു​ന്നില്ല; എന്നെ വളർത്തി​ക്കൊ​ണ്ടു​വ​ന്ന​തി​ലുള്ള എന്തോ ദോഷ​മാ​യി​രി​ക്കു​മെന്ന്‌ അവർ വ്യാകു​ല​പ്പെ​ട്ടി​രു​ന്നു. ഇതു മനസ്സി​ലാ​ക്കു​ന്ന​തിന്‌ എന്നെ സഹായി​ക്കാൻ ഞാൻ യഹോ​വ​യോ​ടു പ്രാർഥി​ച്ചി​രു​ന്നു, ഈ ലേഖന​ത്തി​ലൂ​ടെ അവൻ എന്റെ പ്രാർഥ​ന​യ്‌ക്ക്‌ ഉത്തരമ​രു​ളി​യി​രി​ക്കു​ന്നു. യഹോ​വ​യു​ടെ സാക്ഷി​കൾക്കി​ട​യിൽ ഇതേ വൈക​ല്യ​മുള്ള മറ്റുള്ള​വ​രു​ടെ അനുഭ​വങ്ങൾ വായി​ക്കു​ന്ന​തിൽ ഞാൻ പ്രോ​ത്സാ​ഹി​ത​യാ​യി​രു​ന്നു.

വൈ. കെ., ജപ്പാൻ

എന്റെ ജീവിതം മുഴു​വ​നും ഏതാണ്ട്‌ ഈ അവസ്ഥയി​ലാ​ണു ഞാൻ കഴിച്ചു​കൂ​ട്ടി​യത്‌. എന്നാൽ 1983 മുതൽ മാത്ര​മാ​ണു ഞാൻ ഇതെന്താ​ണെന്നു മനസ്സി​ലാ​ക്കി​യത്‌. ഞാൻ കുട്ടി​യാ​യി​രു​ന്ന​പ്പോൾ മറ്റുള്ളവർ മിക്ക​പ്പോ​ഴും എന്നെ കളിയാ​ക്കു​മാ​യി​രു​ന്നു. എന്നാൽ, രാജ്യ​ഹാ​ളി​ലെ സഹോ​ദ​രങ്ങൾ എപ്പോ​ഴും വളരെ സ്‌നേ​ഹ​മു​ള്ള​വ​രാ​യി​രു​ന്നു, ഇത്‌ എന്റെ ഒരു ഭാഗമാ​യി അവർ സ്വീക​രി​ച്ചി​രി​ക്കു​ന്നു. പിന്നീട്‌, ഒരു ക്രിസ്‌തീയ യുവാ​വു​മാ​യി ഞാൻ പ്രണയ​ത്തി​ലാ​യി. എന്റെ പ്രശ്‌ന​ത്തെ​ക്കു​റിച്ച്‌ അദ്ദേഹ​ത്തി​നു നല്ല ബോധ്യ​മു​ണ്ടാ​യി​രു​ന്നു. ഞങ്ങളുടെ വിവാഹം നിലനിൽക്കി​ല്ലെന്ന്‌ എന്റെ ഡാഡി വിചാ​രി​ച്ചി​രു​ന്നെ​ങ്കി​ലും, 30 വർഷമാ​യി ഇപ്പോ​ഴും ഞങ്ങൾ സന്തുഷ്ട വിവാ​ഹ​ജീ​വി​തം നയിക്കു​ന്നു എന്നു പറയു​ന്ന​തിൽ എനിക്കു സന്തോ​ഷ​മുണ്ട്‌. എന്റെ ഭർത്താവ്‌ പൊന്നു​പോ​ലെ എന്നെ നോക്കു​ന്നു, എന്റെ പ്രശ്‌നം അദ്ദേഹത്തെ അലട്ടാ​നോ ജാള്യ​പ്പെ​ടു​ത്താ​നോ അദ്ദേഹം ഒരിക്ക​ലും ഇടയാ​ക്കി​യി​ട്ടില്ല.

എഫ്‌. എച്ച്‌., കാനഡ