നിങ്ങളു​ടെ ജീവി​ത​ത്തി​ന്മേൽ ഇപ്പോൾ നിയ​ന്ത്രണം ഏറ്റെടു​ക്കുക!

മനുഷ്യ​ന്റെ പെരു​മാ​റ്റ​ത്തെ​യും പ്രചോ​ദ​ന​ത്തെ​യും സംബന്ധിച്ച ശാസ്‌ത്രീയ ഗവേഷണം നമ്മെ പല വിധങ്ങ​ളിൽ സഹായി​ച്ചി​ട്ടുണ്ട്‌. അസുഖ​ത്തെ​ക്കു​റിച്ച്‌ ആഴമായ ഗ്രാഹ്യം ഉള്ളതു​കൊണ്ട്‌ അതിനെ നേരി​ടാൻ ഒരുപക്ഷേ നമുക്കു കഴിഞ്ഞി​ട്ടു​ണ്ടാ​കും. അതേസ​മയം, പ്രത്യേ​കി​ച്ചും സുസ്ഥാ​പി​ത​മായ തത്ത്വങ്ങൾക്കു വിപരീ​ത​മെന്നു തോന്നി​ക്കുന്ന ഉദ്വേ​ഗ​ജ​ന​ക​മായ സിദ്ധാ​ന്തങ്ങൾ സംബന്ധി​ച്ചു ജാഗ്രത പാലി​ക്കു​ന്നതു വിവേ​ക​മാ​യി​രി​ക്കും

ജനിത​ക​ശാ​സ്‌ത്ര​ത്തെ​യും പെരു​മാ​റ്റ​ത്തെ​യും സംബന്ധിച്ച്‌ ഇപ്രകാ​ര​മുള്ള ചോദ്യ​ങ്ങൾ ഉദിക്കു​ന്നു: ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റു​വാ​നും സ്വന്തം പ്രവൃ​ത്തി​ക​ളു​ടെ കുറ്റ​മേ​റ്റെ​ടു​ക്കാ​തി​രി​ക്കു​വാ​നും നമുക്കു സാധി​ക്കു​മോ? അവി​വേ​ക​ത്തിൽനിന്ന്‌ അല്ലെങ്കിൽ ചെയ്‌തു​പോയ ഒരു കുറ്റത്തിൽനിന്ന്‌ ഒഴിഞ്ഞു​മാ​റു​ക​യോ മറ്റാരു​ടെ​യെ​ങ്കി​ലും മേലോ മറ്റെന്തി​ന്റെ​യെ​ങ്കി​ലും മേലോ പഴിചാ​രു​ക​യോ പോലും ചെയ്‌തു​കൊണ്ട്‌ “ഞാൻ അല്ല” തലമു​റ​യോ​ടു ചേരാൻ നമുക്കു സാധി​ക്കു​മോ? തീർച്ച​യാ​യു​മില്ല. ജീവി​ത​ത്തിൽ എന്തെങ്കി​ലും വിജയം കൈവ​രി​ച്ചാൽ മിക്കയാ​ളു​ക​ളും അതിന്റെ ബഹുമതി സ്വയം ഏറ്റെടു​ക്കും. അങ്ങനെ​യെ​ങ്കിൽ, തങ്ങൾ ചെയ്‌ത കുറ്റങ്ങ​ളു​ടെ ഉത്തരവാ​ദി​ത്വ​വും അതു​പോ​ലെ അവർക്ക്‌ എന്തു​കൊണ്ട്‌ ഏറ്റെടു​ത്തു​കൂ​ടാ?

അതു​കൊണ്ട്‌ നാം ചോദി​ച്ചേ​ക്കാം, ഇന്നു നമ്മുടെ ജീവി​തത്തെ നിയ​ന്ത്രി​ക്കു​ന്നത്‌ ആരാണ്‌ അല്ലെങ്കിൽ എന്താണ്‌ എന്നതു സംബന്ധി​ച്ചു ദൈവ​വ​ച​ന​മായ വിശുദ്ധ ബൈബിൾ എന്തു പറയുന്നു?

ബൈബി​ളി​ന്റെ വീക്ഷണ​മെന്ത്‌?

ആദ്യമാ​യി നാം മനസ്സി​ലാ​ക്കേണ്ട സംഗതി, ആദ്യമാ​താ​പി​താ​ക്ക​ളായ ആദാമിൽനി​ന്നും ഹവ്വായിൽനി​ന്നും അവകാ​ശ​പ്പെ​ടു​ത്തിയ പാപത്തി​ലാ​ണു നാമെ​ല്ലാ​വ​രും ജനിച്ചി​രി​ക്കു​ന്നത്‌ എന്നാണ്‌. (സങ്കീർത്തനം 51:5) ഇതിനു​പു​റമേ, ആളുകൾ “ദുർഘ​ട​സ​മ​യങ്ങൾ” അനുഭ​വി​ച്ച​റി​യുന്ന ‘അന്ത്യകാ​ലം’ എന്നു വിളി​ക്ക​പ്പെ​ടുന്ന ഒരു പ്രത്യേക കാലത്താ​ണു നാം ജീവി​ക്കു​ന്നത്‌. (2 തിമൊ​ഥെ​യൊസ്‌ 3:1) പൊതു​വേ പറഞ്ഞാൽ, നമ്മുടെ ജീവി​തത്തെ ആരോ​ഗ്യ​ക​ര​മാ​യി നിയ​ന്ത്രി​ക്കു​ന്ന​തിൽ നമ്മുടെ മുൻഗാ​മി​കൾ നേരി​ട്ട​തി​നെ​ക്കാൾ കൂടുതൽ പ്രശ്‌നങ്ങൾ നാം നേരി​ടു​ന്നു​വെന്ന്‌ ഇതു സൂചി​പ്പി​ക്കു​ന്നു.

എങ്കിലും, എല്ലാ മനുഷ്യ​രും വ്യക്തി​പ​ര​മായ സ്വന്തം തിര​ഞ്ഞെ​ടു​പ്പു നടത്താൻ സാധി​ക്കുന്ന സ്വത​ന്ത്ര​ധാർമിക കാര്യ​സ്ഥ​ന്മാ​രാണ്‌. തങ്ങളുടെ ജീവി​ത​ത്തി​ന്മേൽ അവർക്ക്‌ അത്ര​ത്തോ​ളം നിയ​ന്ത്ര​ണ​മുണ്ട്‌. അതു പണ്ടു മുതലേ അങ്ങനെ​യാണ്‌. ഇസ്രാ​യേൽ ജനത​യോ​ടുള്ള യോശു​വ​യു​ടെ വാക്കു​ക​ളിൽ ഇതു കാണാൻ സാധി​ക്കും: “ആരെ സേവി​ക്കും എന്നു ഇന്നു തിര​ഞ്ഞെ​ടു​ത്തു​കൊൾവിൻ.”—യോശുവ 24:15.

പിശാ​ചാ​യ സാത്താൻ സ്വർഗ​ത്തിൽനി​ന്നു പുറന്ത​ള്ള​പ്പെ​ട്ടി​രി​ക്കു​ന്നു​വെ​ന്നും ഇപ്പോൾ മുമ്പെ​ന്ന​ത്തേ​ക്കാ​ളു​മു​പരി അവൻ മുഴു മനുഷ്യ വർഗത്തി​ന്റെ​യും മേൽ ദോഷ​ത്തി​നാ​യി ശക്തമായ സ്വാധീ​നം ചെലു​ത്തു​ന്നു​വെ​ന്നും ബൈബിൾ പറയുന്നു. അപ്പോ​സ്‌ത​ല​നായ യോഹ​ന്നാ​ന്റെ നാളു​ക​ളിൽ പോലും മുഴു​ലോ​ക​വും ദുഷ്‌ടന്റെ അധീന​ത​യിൽ കിടന്നി​രു​ന്ന​താ​യും അതു നമ്മോടു പറയുന്നു. (1 യോഹ​ന്നാൻ 5:19; വെളി​പ്പാ​ടു 12:9, 12) എങ്കിലും, സർവശ​ക്ത​നായ ദൈവം നമ്മുടെ എല്ലാ പ്രവർത്ത​ന​ങ്ങ​ളെ​യും നിയ​ന്ത്രി​ക്കു​ക​യോ അവനു മാത്രം അറിയാ​വുന്ന ഒരു അന്ത്യം നമുക്കു​വേണ്ടി മുൻകൂ​ട്ടി നിശ്ചയി​ക്കു​ക​യോ ചെയ്യു​ന്നി​ല്ലാ​ത്ത​തു​പോ​ലെ നമ്മുടെ എല്ലാ തെറ്റു​കൾക്കും പരാജ​യ​ങ്ങൾക്കും നേരിട്ടു സാത്താനെ കുറ്റ​പ്പെ​ടു​ത്ത​രുത്‌. “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം ധരിച്ചു പാപത്തെ പ്രസവി​ക്കു​ന്നു; പാപം മുഴു​ത്തി​ട്ടു മരണത്തെ പെറുന്നു” എന്നതാണ്‌ സന്തുലി​ത​മായ തിരു​വെ​ഴു​ത്തു സത്യം. (യാക്കോബ്‌ 1:14, 15) അപ്പോ​സ്‌ത​ല​നായ പൗലോസ്‌ ഈ നിശ്വസ്‌ത വാക്കുകൾ എഴുതി: “വഞ്ചന​പ്പെ​ടാ​തി​രി​പ്പിൻ; ദൈവത്തെ പരിഹ​സി​ച്ചു​കൂ​ടാ; മനുഷ്യൻ വിതെ​ക്കു​ന്നതു തന്നേ കൊയ്യും.”—ഗലാത്യർ 6:7.

അതു​കൊണ്ട്‌, നമ്മുടെ പ്രവൃ​ത്തി​കൾക്കു വ്യക്തി​പ​ര​മാ​യി കണക്കു ബോധി​പ്പി​ക്കാൻ യഹോ​വ​യാം ദൈവം നമ്മോട്‌ ആവശ്യ​പ്പെ​ടു​ന്നു. നമ്മുടെ ജനിതക ഘടനയു​ടെ​യും അവകാ​ശ​പ്പെ​ടു​ത്തി​യി​രി​ക്കുന്ന അപൂർണ​ത​യു​ടെ​യും പേരിൽ ഒഴിക​ഴി​വു പറയാ​തി​രി​ക്കാൻ നാം ശ്രദ്ധി​ക്കണം. പുരാതന സോ​ദോ​മി​ലെ​യും ഗൊ​മോ​റ​യി​ലെ​യും അക്രമാ​സ​ക്ത​രും സ്വവർഗ​ര​തി​ക്കാ​രു​മായ ജനസമൂ​ഹ​ത്തോ​ടു തങ്ങളുടെ ദുഷിച്ച പ്രവർത്ത​ന​ങ്ങ​ളു​ടെ കണക്കു​ബോ​ധി​പ്പി​ക്കാൻ ദൈവം ആവശ്യ​പ്പെട്ടു. സാങ്കൽപ്പി​ക​മായ ഏതെങ്കി​ലും ജനിതക വൈക​ല്യ​ങ്ങൾ നിമിത്തം ദുഷ്ടരാ​കാ​തി​രി​ക്കാൻ കഴിയാഞ്ഞ ഹതാശ​രായ ജീവി​ക​ളെന്ന നിലയിൽ നിവാ​സി​ക​ളോട്‌ അവൻ സഹതാപം കാണി​ച്ചി​ല്ലെ​ന്നതു സ്‌പഷ്ടം. അതു​പോ​ലെ​തന്നെ, നോഹ​യു​ടെ നാളു​ക​ളിൽ ജീവി​ച്ചി​രുന്ന ആളുകൾക്കു ചുറ്റും ദുഷ്ട സ്വാധീ​ന​ങ്ങ​ളു​ണ്ടാ​യി​രു​ന്നു; എങ്കിലും, താമസി​യാ​തെ സംഭവി​ക്കു​മാ​യി​രുന്ന പ്രളയത്തെ അതിജീ​വി​ക്കു​ന്ന​തിന്‌ അവർക്ക്‌ ഒരു തിര​ഞ്ഞെ​ടുപ്പ്‌, വ്യക്തി​പ​ര​മായ തീരു​മാ​നം എടു​ക്കേ​ണ്ട​തു​ണ്ടാ​യി​രു​ന്നു. ഏതാനും പേർ ശരിയായ തിര​ഞ്ഞെ​ടു​പ്പു നടത്തി. മിക്കവ​രും അങ്ങനെ ചെയ്‌തില്ല.

ദൈവ​ത്തി​ന്റെ പ്രീതി നേടണ​മെ​ങ്കിൽ വ്യക്തി​പ​ര​മായ നിയ​ന്ത്രണം ആവശ്യ​മാ​ണെന്ന്‌ എബ്രായ പ്രവാ​ച​ക​നായ യെഹെ​സ്‌കേൽ സ്ഥിരീ​ക​രി​ക്കു​ന്നു: “എന്നാൽ നീ ദുഷ്ടനെ ഓർപ്പി​ച്ചി​ട്ടും അവൻ തന്റെ ദുഷ്ടത​യും ദുർമ്മാർഗ്ഗ​വും വിട്ടു​തി​രി​യു​ന്നി​ല്ലെ​ങ്കിൽ അവൻ തന്റെ അകൃത്യ​ത്തിൽ മരിക്കും; നീയോ നിന്റെ പ്രാണനെ രക്ഷിച്ചി​രി​ക്കു​ന്നു.”—യെഹെ​സ്‌കേൽ 3:19.

ലഭ്യമായ ഏറ്റവും നല്ല സഹായം

തീർച്ച​യാ​യും, നമ്മുടെ അനുദിന ജീവി​ത​ത്തിൽ വ്യക്തി​പ​ര​മായ നിയ​ന്ത്രണം പ്രയോ​ഗി​ക്കു​ന്ന​തി​നു നമു​ക്കെ​ല്ലാ​വർക്കും സഹായം ആവശ്യ​മാണ്‌. മാത്രമല്ല, നമ്മിൽ പലർക്കും ഇതു തീർത്തും ഒരു വെല്ലു​വി​ളി തന്നെയാണ്‌. എന്നാൽ, നാം നിരാ​ശ​പ്പെ​ടേണ്ട ആവശ്യ​മില്ല. പാപപൂർണ​മായ നമ്മുടെ ചായ്‌വു​കൾ ദൈവ​ത്തി​നു സ്വീകാ​ര്യ​മ​ല്ലെ​ങ്കിൽത​ന്നെ​യും നമ്മുടെ പെരു​മാ​റ്റ​ത്തി​നു ഭേദഗതി വരുത്താൻ നാം ആഗ്രഹി​ക്കു​ന്നു​വെ​ങ്കിൽ അവൻ ലഭ്യമായ ഏറ്റവും നല്ല സഹായം—അവന്റെ പരിശു​ദ്ധാ​ത്മാ​വും നിശ്വസ്‌ത സത്യവും—നൽകുന്നു. മുൻനി​യ​മി​ച്ചി​രി​ക്കുന്ന ഏതെങ്കി​ലും ജനിതക സ്വഭാ​വ​ങ്ങ​ളും നമ്മെ ബാധി​ച്ചേ​ക്കാ​വുന്ന ബാഹ്യ​മായ സ്വാധീ​ന​ങ്ങ​ളും ഉണ്ടെങ്കി​ലും, നമുക്ക്‌ ‘പഴയ മനുഷ്യ​നെ അവന്റെ പ്രവൃ​ത്തി​ക​ളോ​ടു​കൂ​ടെ ഉരിഞ്ഞു​ക​ളഞ്ഞു, നമ്മെ സൃഷ്ടി​ച്ച​വന്റെ പ്രതി​മ​പ്ര​കാ​രം പരിജ്ഞാ​ന​ത്തി​ന്നാ​യി പുതുക്കം പ്രാപി​ക്കുന്ന പുതിയ മനുഷ്യ​നെ [സ്വയം] ധരിക്കാം.’—കൊ​ലൊ​സ്സ്യർ 3:9, 10.

കൊരി​ന്ത്യ സഭയിലെ ഒട്ടേറെ ക്രിസ്‌ത്യാ​നി​കൾ തങ്ങളുടെ പെരു​മാ​റ്റ​ത്തിൽ വലിയ മാറ്റങ്ങൾ വരുത്തി. നിശ്വസ്‌ത വൃത്താന്തം നമ്മോട്‌ ഇങ്ങനെ പറയുന്നു: “ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, കള്ളന്മാർ, അത്യാ​ഗ്ര​ഹി​കൾ, മദ്യപ​ന്മാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.—1 കൊരി​ന്ത്യർ 6:9-11.

അതു​കൊണ്ട്‌, നമ്മുടെ അപൂർണ​ത​ക​ളു​മാ​യി നാം മല്ലടി​ക്കു​ക​യാ​ണെ​ങ്കിൽ നമുക്ക്‌ അവയ്‌ക്കു കീഴ്‌പെ​ടാ​തി​രി​ക്കാം. ആധുനിക നാളിലെ ഒട്ടേറെ ക്രിസ്‌ത്യാ​നി​കൾ, യഹോ​വ​യു​ടെ സഹായ​ത്തോ​ടെ ‘നന്മയും പ്രസാ​ദ​വും പൂർണ്ണ​ത​യു​മുള്ള ദൈവ​ഹി​തം ഇന്നതെന്നു തിരി​ച്ച​റി​യേ​ണ്ട​തി​ന്നു മനസ്സു പുതുക്കി രൂപാ​ന്ത​ര​പ്പെ​ടാൻ’ തങ്ങൾക്കു സാധി​ച്ചി​രി​ക്കു​ന്ന​താ​യി തെളി​യി​ച്ചി​ട്ടുണ്ട്‌. സത്യമാ​യ​തും നീതി​യാ​യ​തും നിർമ​ല​മാ​യ​തു​മായ കാര്യ​ങ്ങൾകൊണ്ട്‌ അവർ തങ്ങളുടെ മനസ്സു​കളെ പോഷി​പ്പി​ക്കു​ന്നു; മാത്രമല്ല, അവർ ‘അതു ചെയ്യു​ന്ന​തിൽ തുടരു’കയും ചെയ്യുന്നു. അവർ കട്ടിയായ ആത്മീയ ആഹാരം ഭക്ഷിക്കു​ന്നു. അതിന്റെ ഉപയോ​ഗ​ത്തി​ലൂ​ടെ നന്മതി​ന്മ​കളെ തിരി​ച്ച​റി​വാൻ അവരുടെ ഗ്രഹണ ശക്തികൾ പരിശീ​ലി​പ്പി​ക്ക​പ്പെ​ടു​ന്നു.—റോമർ 12:2; ഫിലി​പ്പി​യർ 4:8; എബ്രായർ 5:14.

അവരുടെ പോരാ​ട്ട​ങ്ങ​ളെ​യും താത്‌കാ​ലിക പരാജ​യ​ങ്ങ​ളെ​യും ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ സഹായ​ത്തോ​ടെ ഒടുവിൽ ലഭിച്ച വിജയ​ത്തെ​യും കുറിച്ച്‌ അറിയു​ന്നതു പ്രോ​ത്സാ​ഹ​ജ​ന​ക​മാണ്‌. നമ്മുടെ സ്വഭാവം മാറ്റു​ന്ന​തിൽ പലപ്പോ​ഴും ഹൃദയ​വും അതിന്റെ അഭിലാ​ഷ​വും ഉൾപ്പെ​ട്ടി​രി​ക്കു​ന്നു​വെന്നു ദൈവം നമ്മോടു പറയുന്നു: “ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കും; പരിജ്ഞാ​നം നിന്റെ മനസ്സിന്നു ഇമ്പമാ​യി​രി​ക്കും. വകതി​രി​വു നിന്നെ കാക്കും; വിവേകം നിന്നെ സൂക്ഷി​ക്കും; അതു നിന്നെ ദുഷ്ടന്റെ വഴിയിൽനി​ന്നും വികടം പറയു​ന്ന​വന്റെ കൂട്ടത്തിൽനി​ന്നും വിടു​വി​ക്കും.”—സദൃശ​വാ​ക്യ​ങ്ങൾ 2:10-12.

അതു​കൊണ്ട്‌, നിത്യ​ജീ​വൻ—ദുഷ്ട​ലോ​ക​ത്തി​ന്റെ കുഴപ്പ​ങ്ങ​ളി​ല്ലാ​ത്ത​തും ദുർബ​ല​പ്പെ​ടു​ത്തുന്ന അപൂർണ​ത​ക​ളിൽനി​ന്നു വിമു​ക്ത​വു​മായ ജീവിതം—നിങ്ങളു​ടെ ലക്ഷ്യമാ​ക്ക​ണ​മെ​ങ്കിൽ, ഇപ്പോ​ഴുള്ള നിങ്ങളു​ടെ ജീവി​ത​ത്തി​ന്റെ നിയ​ന്ത്ര​ണ​മേ​റ്റെ​ടു​ക്കാൻ ‘കഠിന​മാ​യി യത്‌നി’ക്കുകയും സ്വർഗീയ ജ്ഞാനത്താൽ നയിക്ക​പ്പെ​ടു​ക​യും വേണം. (ലൂക്കൊസ്‌ 13:24) ആത്മനി​യ​ന്ത്ര​ണ​ത്തി​ന്റെ ഫലം പുറ​പ്പെ​ടു​വി​ക്കാൻ സാധി​ക്ക​ത്ത​ക്ക​വി​ധം യഹോ​വ​യു​ടെ പരിശു​ദ്ധാ​ത്മാ​വി​ന്റെ സഹായ​ത്തി​നാ​യി നിങ്ങ​ളെ​ത്തന്നെ ലഭ്യമാ​ക്കുക. നിങ്ങളു​ടെ ജീവിതം ദൈവിക നിയമ​ങ്ങൾക്ക്‌ അനു​യോ​ജ്യ​മാ​ക്കി​ത്തീർക്കു​ന്നതു നിങ്ങളു​ടെ ഹൃദയാ​ഭി​ലാ​ഷ​മാ​ക്കുക. ഈ ഉപദേ​ശ​ത്തി​നു ചെവി​കൊ​ടു​ക്കുക: “സകലജാ​ഗ്ര​ത​യോ​ടും​കൂ​ടെ നിന്റെ ഹൃദയത്തെ കാത്തു​കൊൾക; ജീവന്റെ ഉത്ഭവം അതിൽനി​ന്ന​ല്ലോ ആകുന്നതു.” (സദൃശ​വാ​ക്യ​ങ്ങൾ 4:23) യേശു​വി​ന്റെ മറുവി​ല​യാ​ഗ​ത്തി​ലുള്ള വിശ്വാ​സ​ത്തി​ന്റെ അടിസ്ഥാ​ന​ത്തിൽ യഹോ​വ​യാം ദൈവം ജനിതക അപര്യാ​പ്‌ത​ത​ക​ളെ​ല്ലാം ശരിയാ​ക്കുന്ന ദൈവ​ത്തി​ന്റെ പുതിയ ലോക​ത്തി​ലെ “സാക്ഷാ​ലുള്ള ജീവനെ” പിടി​ച്ചു​കൊ​ള്ളു​ന്നത്‌, ഈ ലോക​ത്തി​ലെ നിങ്ങളു​ടെ ജീവി​തത്തെ നിയ​ന്ത്ര​ണാ​ധീ​ന​മാ​ക്കാൻ നിങ്ങൾ ചെയ്യുന്ന എല്ലാ ശ്രമങ്ങ​ളെ​യും മൂല്യ​മു​ള്ള​താ​ക്കും!—1 തിമൊ​ഥെ​യൊസ്‌ 6:19; യോഹ​ന്നാൻ 3:16.

[9-ാം പേജിലെ ചിത്രം]

ബൈബിൾ പഠനത്തിന്‌, ആഴത്തിൽ വേരൂ​ന്നിയ ബലഹീ​ന​ത​കളെ മറിക​ട​ക്കു​വാ​നുള്ള ശക്തി നമുക്കു നൽകാൻ കഴിയും

[9-ാം പേജിലെ ചിത്രം]

ദൈവത്തിന്റെ ധാർമിക നിലവാ​ര​ങ്ങ​ളോ​ടു വിശ്വ​സ്‌തത പുലർത്താൻ ബൈബിൾ പഠനത്തി​നു നമ്മെ സഹായി​ക്കാൻ കഴിയും