പവിഴ​പ്പുറ്റ്‌—അപകട​ത്തി​ലും നാശത്തി​ലും

സമുദ്രം ഏറ്റവും തെളിഞ്ഞു കാണ​പ്പെ​ടു​ന്നത്‌ ഉഷ്‌ണ​മേ​ഖ​ലാ​പ്ര​ദേ​ശ​ങ്ങ​ളി​ലാണ്‌. അവിടെ അതു പളുങ്കു​പോ​ലെ, നീല പളുങ്കു​പോ​ലെ വ്യക്തമാണ്‌. 15 മീറ്റർ താഴെ​യാ​യി കാണ​പ്പെ​ടുന്ന വെളുത്ത മണൽത്തട്ടു തൊടാ​വു​ന്നത്ര അടുത്താ​ണെന്നു തോന്നി​പ്പോ​കു​ന്നു! നീന്തു​ന്ന​തി​നുള്ള കാൽച്ചി​റ​കു​ക​ളും മുഖം​മൂ​ടി​യും ധരി​ച്ചോ​ളൂ. ഉഷ്‌ണ​ജ​ല​ത്തി​ലേക്ക്‌ ഊളി​യി​ട്ടി​റ​ങ്ങു​മ്പോൾ നിങ്ങളു​ടെ സ്‌നോർക്‌ൽ ക്രമീ​ക​രി​ക്കുക. കുമി​ളകൾ ദൃഷ്ടി​പ​ഥത്തെ ഒരു നിമി​ഷ​ത്തേക്കു മറയ്‌ക്കു​ന്നു. ഇനി താഴോ​ട്ടു നോക്കൂ. അതാ! പവിഴ​പ്പു​റ്റിൽ കടിക്കു​ക​യും അതിന്റെ ശകലങ്ങൾ തുപ്പി​ക്ക​ള​യു​ക​യും ചെയ്യുന്ന ചെമപ്പും നീലയും നിറങ്ങ​ളുള്ള വലിയ തത്തമീ​നി​നെ കണ്ടോ. തുപ്പി​ക്ക​ള​യു​ന്നവ മണൽത്ത​ട്ടി​ന്റെ ഭാഗമാ​കു​ന്നു. പൊടു​ന്നനെ, ഉഷ്‌ണ​മേ​ഖലാ മത്സ്യങ്ങ​ളു​ടെ ഒരു തിളങ്ങുന്ന മഴവില്ല്‌—ചെമപ്പ്‌, മഞ്ഞ, നീല, ഓറഞ്ച്‌, നീലാ​രു​ണ​വർണം—മിന്നി​മ​റ​യു​ന്നു. എവി​ടെ​യും ചലനാ​ത്മ​ക​മാ​യി​രി​ക്കുന്ന ജീവൻ. അതു നിങ്ങളു​ടെ ഇന്ദ്രി​യ​ങ്ങളെ കുളി​ര​ണി​യി​ക്കു​ന്നു.

അതു പവിഴ​ക്കാ​ടാണ്‌. ജീവനുള്ള ആയിര​ക്ക​ണ​ക്കി​നു കരങ്ങൾ നീട്ടി​പ്പി​ടി​ച്ചു​കൊണ്ട്‌ അതു താഴെ​യുള്ള മണൽത്ത​ട്ടിൽനി​ന്നു വളർന്നു​പൊ​ങ്ങു​ന്നു. തൊട്ടു​മു​ന്നിൽ, ആറുമീ​റ്റ​റി​ലേറെ നീളവും അത്ര​ത്തോ​ളം തന്നെ വീതി​യു​മുള്ള, കടമാൻകൊ​മ്പു പവിഴ​പ്പുറ്റ്‌ പ്രൗഢി​യോ​ടെ നിൽക്കു​ന്നു. കലമാൻകൊ​മ്പു പവിഴ​പ്പുറ്റ്‌ ഏതാണ്ട്‌ 23 മീറ്റർ അകലത്തിൽ കാണാം. കടമാൻകൊ​മ്പു പവിഴ​പ്പു​റ്റി​നെ​ക്കാ​ളും ചെറു​തായ അവയുടെ ഏറെ ശോഷിച്ച ശാഖകൾ ആ പ്രദേ​ശ​മാ​കെ കാടു​പോ​ലെ വ്യാപി​ക്കു​ന്നു. ഫലത്തിൽ മൃഗ​ക്കൊ​മ്പു​കൾപോ​ലെ കാണ​പ്പെ​ടുന്ന ഈ പവിഴ​പ്പു​റ്റു​കൾക്ക്‌ എത്ര യോജിച്ച പേരു​ക​ളാണ്‌ ഇട്ടിരി​ക്കു​ന്നത്‌! മത്സ്യങ്ങ​ളും മറ്റു സമു​ദ്ര​ജീ​വി​ക​ളും അവയുടെ ശാഖക​ളിൽ ആഹാര​വും പാർപ്പി​ട​വും കണ്ടെത്തു​ന്നു.

പവിഴ​പ്പു​റ്റു സസ്യങ്ങ​ളാൽ നിർമി​ത​മാ​ണെ​ന്നാണ്‌ ഒരിക്കൽ വിചാ​രി​ച്ചി​രു​ന്നത്‌. എന്നാൽ ഇപ്പോ​ഴത്തെ അറിവ്‌ അതു പവിഴ​പ്പു​ഴു​ക്കൾ എന്നു വിളി​ക്ക​പ്പെ​ടുന്ന ജന്തു സമൂഹ​ങ്ങ​ളു​ടെ സഹായ​ത്താൽ രൂപീ​ക​രി​ക്ക​പ്പെ​ടുന്ന ചുണ്ണാ​മ്പു​ക​ല്ലാ​ണെ​ന്നാണ്‌. മിക്ക പവിഴ​പ്പു​ഴു​ക്ക​ളും 2.5 സെൻറി​മീ​റ്റ​റിൽ താഴെ വ്യാസ​മുള്ള ചെറു​ജീ​വി​ക​ളാണ്‌. മൃദുല ശരീര​മുള്ള പവിഴ​പ്പു​ഴു ശ്ലേഷ്‌മാ​വ​ര​ണ​ത്തോ​ടു​കൂ​ടിയ കലയുടെ സഹായ​ത്താൽ അയൽക്കാ​രന്റെ ശരീര​ത്തോ​ടു പറ്റിപ്പി​ടി​ക്കു​ന്നു. പവിഴ​പ്പു​ഴു​ക്കൾ പകൽ സമയത്ത്‌ അവയുടെ അസ്ഥിപ​ഞ്‌ജ​ര​ങ്ങ​ളി​ലേക്കു വലിയു​ന്ന​തി​നാൽ പവിഴ​പ്പുറ്റ്‌ അപ്പോൾ കല്ലു​പോ​ലെ​യാ​ണു കാണ​പ്പെ​ടു​ന്നത്‌. എന്നാൽ രാത്രി​യിൽ അതിനു രൂപമാ​റ്റം സംഭവി​ക്കു​ന്നു. എന്തു​കൊ​ണ്ടെ​ന്നാൽ പവിഴ​പ്പു​ഴു​ക്ക​ളു​ടെ നീണ്ട ഗ്രാഹി​കൾ (tentacles) പതുക്കെ വീശു​മ്പോൾ പവിഴ​പ്പാ​റ​യ്‌ക്ക്‌ ഒരു മൃദു​ല​മായ, അവ്യക്ത ആകാരം ലഭിക്കു​ന്നു. പവിഴ​പ്പു​ഴു​ക്കൾ പങ്കിട്ടു​പ​യോ​ഗി​ക്കുന്ന കല്ലു​പോ​ലുള്ള “വൃക്ഷം” ആണ്‌ അവയുടെ സംയുക്ത അസ്ഥിപ​ഞ്‌ജരം, കടൽവെ​ള്ള​ത്തിൽനി​ന്നു വേർതി​രി​ച്ചെ​ടു​ക്ക​പ്പെ​ടുന്ന കാൽസ്യം കാർബ​ണേറ്റ്‌ സംയോ​ജി​പ്പി​ച്ചാണ്‌ അതുണ്ടാ​ക്കു​ന്നത്‌.

ഓരോ ഇനത്തി​ലുള്ള പവിഴ​പ്പു​റ്റു സമൂഹ​വും തനതും അതുല്യ​വു​മായ അസ്ഥിപ​ഞ്‌ജ​രാ​കൃ​തി രൂപീ​ക​രി​ക്കു​ന്നു. വിസ്‌മ​യാ​വ​ഹ​മായ ആകൃതി​ക​ളി​ലും വലുപ്പ​ങ്ങ​ളി​ലും വർണങ്ങ​ളി​ലു​മുള്ള 350-തിലധി​കം വ്യത്യസ്‌ത ഇനങ്ങളി​ലുള്ള പവിഴ​പ്പു​റ്റു​കൾ ലോക​മെ​മ്പാ​ടും ഉണ്ട്‌. അവയുടെ സാധാരണ പേരുകൾ കരയിലെ വസ്‌തു​ക്ക​ളെ​ക്കു​റി​ച്ചോ—വൃക്ഷ, സ്‌തംഭ, മേശ, അല്ലെങ്കിൽ കുട പവിഴ​പ്പുറ്റ്‌—സസ്യങ്ങ​ളെ​ക്കു​റി​ച്ചോ—ലവംഗപ്പൂ, പച്ചടി​ക്കീര, സ്‌​ട്രോ​ബെറി, അല്ലെങ്കിൽ കൂൺ പവിഴ​പ്പുറ്റ്‌—നിങ്ങളെ ഓർമി​പ്പി​ക്കു​ന്നു. ആ വലിയ മസ്‌തിഷ്‌ക പവിഴ​പ്പു​റ്റു നിങ്ങൾ കണ്ടോ? അതിന്‌ ആ പേരു കിട്ടി​യ​തെ​ങ്ങ​നെ​യെന്നു കാണാൻ എളുപ്പ​മാണ്‌!

ഈ ജലാന്തര വനത്തിൽ ജീവൻ തുടിച്ചു മറിയു​ന്നു, സൂക്ഷ്‌മാ​ണു സസ്യങ്ങ​ളും ജന്തുക്ക​ളും​മു​തൽ തിരണ്ടി​ക​ളും സ്രാവു​ക​ളും വലിയ മൊറേ മനിഞ്ഞി​ലു​ക​ളും കടലാ​മ​ക​ളും​വരെ അതിലുണ്ട്‌. നിങ്ങൾ ഒരിക്ക​ലും കേട്ടി​രി​ക്കാ​നി​ട​യി​ല്ലാത്ത ചില മത്സ്യങ്ങ​ളും ഇവി​ടെ​യുണ്ട്‌: കടും മഞ്ഞനി​റ​മുള്ള കോമാ​ളി മത്സ്യം, നീലാ​രു​ണ​വർണ​മുള്ള ബ്യൂ ഗ്രി​ഗോ​റി​കൾ, കറുപ്പും വെള്ളയും നിറമുള്ള മൂറിഷ്‌ ഐഡലു​കൾ, ഓറഞ്ചു വർണമുള്ള കാഹള മത്സ്യം, കരിനീല നിറമുള്ള സർജൻമ​ത്സ്യം, ഇൻഡി​ഗോ ഹാം​ലെ​റ്റു​കൾ, അല്ലെങ്കിൽ തവിട്ടു​നി​റ​വും മഞ്ഞകലർന്ന തവിട്ടു​നി​റ​വും ഉള്ള സിംഹ​മ​ത്സ്യം. ബാർബർഷോപ്പ്‌ ചെമ്മീൻ, ചായം​തേച്ച ചിറ്റാ​ക്കൊഞ്ച്‌, കടും​ചെ​മപ്പു നിറമുള്ള പ്രാപ്പി​ടി​യൻ മത്സ്യം എന്നിവ​യെ​ക്കു​റി​ച്ചെന്ത്‌? എല്ലാ വർണങ്ങ​ളി​ലും വലുപ്പ​ങ്ങ​ളി​ലും ആകൃതി​ക​ളി​ലും ഉള്ളവയുണ്ട്‌. ചിലവ മനോ​ഹ​ര​വും ചിലവ വിചി​ത്ര​വു​മാണ്‌—എന്നാൽ എല്ലാം രസകര​മാണ്‌. ആ സ്‌തംഭ പവിഴ​പ്പു​റ്റി​നു പിന്നിൽ ഒരു നീരാളി ഒളിച്ചി​രി​ക്കു​ന്നതു കണ്ടോ! അത്‌ ഒരു കക്ക പൊളി​ച്ചു തിന്നു​ക​യാണ്‌. കരയിലെ വനങ്ങളി​ലെ​പ്പോ​ലെ​തന്നെ, ഈ സമുദ്ര ലോക​മാ​കുന്ന ഉടയാ​ട​യിൽ ജീവി​ക​ളു​ടെ ഒരു വൻ വൈവി​ധ്യം നെയ്‌തു​ചേർക്ക​പ്പെ​ട്ടി​രി​ക്കു​ന്നു, എല്ലാം പവിഴ​ക്കാ​ടി​ന്റെ വൈവി​ധ്യ​ത്തെ ആശ്രയി​ച്ചാ​ണു കഴിയു​ന്നത്‌. പവിഴ​പ്പു​ഴു​വി​ന്റെ പ്രത്യു​ത്‌പാ​ദ​ന​ച​ക്ര​വും പുതിയ പവിഴ​പ്പു​റ്റു സമൂഹങ്ങൾ ഉണ്ടാക്കാ​നാ​യി സമുദ്ര തിരമാ​ല​ക​ളി​ലൂ​ടെ സഞ്ചരി​ക്കാ​നുള്ള അതിന്റെ കഴിവും 1991 ജൂൺ 8 ലക്കം ഉണരുക!യിൽ (ഇംഗ്ലീഷ്‌) വിശദീ​ക​രി​ച്ചി​രു​ന്നു.

പവിഴ​പ്പാ​റ​കൾ ഭൂമി​യി​ലെ ഏറ്റവും വലിയ ജീവശാ​സ്‌ത്ര ഘടനക​ളാണ്‌. ഇവയി​ലൊ​ന്നായ ഗ്രേറ്റ്‌ ബാരിയർ റീഫ്‌ ഓസ്‌​ട്രേ​ലി​യ​യു​ടെ വടക്കു​കി​ഴക്കൻ തീരത്തു​നി​ന്നു മാറി 2,010 കിലോ​മീ​റ്റർ വ്യാപി​ച്ചു​കി​ട​ക്കു​ന്നു, ഇംഗ്ലണ്ടും സ്‌കോ​ട്ട്‌ലൻഡും കൂടി​യാ​ലു​ള്ള​ത്ര​യും വിസ്‌തൃ​തി അത്‌ ഉൾക്കൊ​ള്ളു​ക​യും ചെയ്യുന്നു. ഒരു പവിഴ​പ്പു​റ്റിന്‌ അനേകം ടൺ ഭാരമു​ള്ള​താ​യി​രി​ക്കാ​നും കടൽത്ത​ട്ടിൽനിന്ന്‌ ഒൻപതു മീറ്ററി​ലേറെ ഉയരാ​നും കഴിയും. പവിഴ​പ്പാ​റകൾ ആഴംകു​റഞ്ഞ എല്ലാ ഉഷ്‌ണ​മേ​ഖലാ ജലാശ​യ​ങ്ങ​ളി​ലും 60 മീറ്റ​റോ​ളം ആഴത്തിൽ വളരുന്നു. അവയുടെ സ്വഭാ​വ​സ​വി​ശേ​ഷ​തകൾ പ്രദേ​ശം​തോ​റും വ്യത്യാ​സ​പ്പെ​ടു​ന്നു. അതു​കൊണ്ട്‌, പവിഴ​പ്പു​റ്റി​ന്റെ ഒരു കഷണം പരി​ശോ​ധി​ച്ചാൽ അതു വളരുന്ന സമു​ദ്ര​വും സ്ഥലവും​പോ​ലും വിദഗ്‌ധർക്കു പറയാൻ കഴിയും. പരിമി​ത​മായ അളവിൽ പോഷ​കങ്ങൾ അടങ്ങി​യി​ട്ടുള്ള ജലമാണു പവിഴ​പ്പാ​റ​ക​ളു​ടെ വളർച്ച​യ്‌ക്ക്‌ ആവശ്യ​മായ ചുറ്റു​പാട്‌. അവയുടെ സാമീ​പ്യ​ത്തിൽ സമുദ്രം അസാധാ​ര​ണ​മാം​വി​ധം തെളി​വു​ള്ളതാ​യി​രി​ക്കു​ന്ന​തെ​ന്തു​കൊ​ണ്ടെന്ന്‌ ഇതു വിശദീ​ക​രി​ക്കു​ന്നു. പവിഴ​പ്പു​റ്റിന്‌ ആവശ്യ​മായ പോഷ​കങ്ങൾ പ്രദാനം ചെയ്യു​ന്നതു പവിഴ​പ്പു​ഴു​വി​ന്റെ സുതാര്യ ശരീര​ത്തിൽ ജീവി​ക്കുന്ന (സൂക്‌സാൻഥെല്ലേ എന്ന ശാസ്‌ത്രീയ നാമമുള്ള) ആൽഗക​ളും പവിഴ​പ്പു​ഴു​വി​ന്റെ ഗ്രാഹി​ക​ളിൽ കുടു​ങ്ങുന്ന സൂക്ഷ്‌മാ​ണു ജന്തുക്ക​ളു​മാണ്‌. പവിഴ​പ്പാറ ഇല്ലായി​രു​ന്നെ​ങ്കിൽ അഭയസ്ഥാ​ന​ങ്ങ​ളി​ല്ലാ​താ​കു​മാ​യി​രുന്ന സമു​ദ്ര​ങ്ങ​ളിൽ അത്‌ ആയിര​ക്ക​ണ​ക്കി​നു സമു​ദ്ര​ജീ​വി​കൾക്ക്‌ പാർപ്പി​ട​മാ​യി ഉതകുന്നു എന്നതാണ്‌ അന്തിമ ഫലം.

കൂടാതെ, സമു​ദ്ര​ത്തി​ലെ ആവാസ​വ്യ​വ​സ്ഥ​ക​ളിൽവെച്ച്‌ ജീവശാ​സ്‌ത്ര​പ​ര​മാ​യി ഏറ്റവും ഉത്‌പാ​ദ​ന​ക്ഷ​മ​ത​യു​ള്ളതു പവിഴ​പ്പാ​റ​കൾക്കാണ്‌. യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ അത്‌ ഈ രീതി​യിൽ വർണിച്ചു: “സമു​ദ്ര​ത്തി​ലെ, വളരെ​യ​ധി​കം ജീവജാ​ല​ങ്ങ​ളാൽ തിങ്ങി​നി​റഞ്ഞ പവിഴ​പ്പാ​റകൾ ഉഷ്‌ണ​മേ​ഖലാ മഴക്കാ​ടു​കൾക്കു തുല്യ​മാണ്‌. ഇളകി​യാ​ടുന്ന കടൽ വിശറി​കൾ, കടൽ ചമ്മട്ടികൾ, ഫെതറി ക്രൈ​നോ​യ്‌ഡു​കൾ, നിയോൺ-ഹ്യൂഡ്‌ മത്സ്യം, സ്‌പഞ്ചു​കൾ, ചെമ്മീൻ, ചിറ്റാ​ക്കൊഞ്ച്‌, നക്ഷത്ര മത്സ്യം എന്നിവ​യും ഭയാവ​ഹ​ങ്ങ​ളായ സ്രാവു​ക​ളും ഭീമൻമാ​രായ മൊറേ മനിഞ്ഞി​ലു​ക​ളും ഇവയിൽ പെടുന്നു. ഇവയെ​ല്ലാം വാസസ്ഥ​ല​ത്തി​നു​വേണ്ടി പവിഴ​പ്പു​റ്റി​ന്റെ തുടർച്ച​യായ ഉത്‌പാ​ദ​നത്തെ ആശ്രയി​ക്കു​ന്നു.” കൂടാതെ, തള്ളിക്ക​യ​റുന്ന തിരമാ​ല​കൾക്കും കടൽത്തീ​ര​ങ്ങൾക്കും മധ്യേ ഒരു മതിൽപോ​ലെ നിന്നു​കൊ​ണ്ടും ആയിര​ക്ക​ണ​ക്കിന്‌ ഉഷ്‌ണ​മേ​ഖലാ ദ്വീപു​കൾക്ക്‌ അടിത്തറ പാകി​ക്കൊ​ണ്ടും പവിഴ​പ്പാ​റകൾ കരയിലെ ജീവി​ത​ത്തി​നു താങ്ങായി വർത്തി​ക്കു​ന്നു.

ആതി​ഥേ​യ​ജീ​വി​യായ, സുതാ​ര്യ​മായ പവിഴ​പ്പു​ഴു​വിൽ വസിക്കുന്ന ആൽഗയു​ടെ ഇനമനു​സ​രിച്ച്‌ ആരോ​ഗ്യ​മുള്ള പവിഴ​പ്പു​റ്റി​നു തവിട്ടോ പച്ചയോ ചെമപ്പോ നീലയോ മഞ്ഞയോ നിറമാ​ണു​ള്ളത്‌. സൂക്ഷ്‌മാ​ണു സസ്യങ്ങ​ളായ ആൽഗകൾ അവയുടെ സഹജന്തു​വി​ലൂ​ടെ തിളങ്ങി​യി​റ​ങ്ങുന്ന സൂര്യ​പ്ര​കാ​ശം ഉപയോ​ഗ​പ്പെ​ടു​ത്തു​ക​യും കാർബൺ ഡൈ ഓക്‌​സൈ​ഡുൾപ്പെ​ടെ​യുള്ള, പവിഴ​പ്പു​ഴു​വി​ന്റെ വിസർജ്യ​ങ്ങൾ തങ്ങളുടെ പോഷ​ണ​ത്തി​നാ​യി വലി​ച്ചെ​ടു​ക്കു​ക​യും ചെയ്യുന്നു. അതിനു പകരമാ​യി ആൽഗകൾ പ്രകാ​ശ​സം​ശ്ലേ​ഷ​ണ​ത്തി​ലൂ​ടെ പവിഴ​പ്പു​റ്റി​ലെ കലകൾക്ക്‌ ഓക്‌സി​ജ​നും ആഹാര​വും ഊർജ​വും പ്രദാ​നം​ചെ​യ്യു​ന്നു. ആൽഗക​ളു​മാ​യുള്ള ഈ പങ്കാളി​ത്തം കൂടുതൽ വേഗത്തിൽ വളരാ​നും പോഷ​കങ്ങൾ കുറവായ ഉഷ്‌ണ​മേ​ഖലാ ജലാശ​യ​ങ്ങ​ളിൽ അതിജീ​വി​ക്കാ​നും പവിഴ​പ്പു​റ്റി​നെ അനുവ​ദി​ക്കു​ന്നു. സസ്യ-ജന്തു ലോക​ങ്ങ​ളി​ലെ ഏറ്റവും മെച്ചമാ​യവ ഇരുകൂ​ട്ട​രും ആസ്വദി​ക്കു​ന്നു. എന്തൊരു വിദഗ്‌ധ​വും ജ്ഞാനപൂർവ​ക​വു​മായ രൂപകൽപ്പന!

ജീവനി​ല്ലാത്ത, നിറം​മ​ങ്ങിയ അസ്ഥിപ​ഞ്‌ജ​ര​ങ്ങൾ

അടിയിൽ വളരെ​യ​ധി​കം പ്രവർത്തനം നടക്കു​ന്നു​വെ​ന്ന​തി​നു യാതൊ​രു സംശയ​വു​മില്ല! നോക്കൂ, അതെന്താണ്‌? ജീവനി​ല്ലാത്ത, നിറം​മ​ങ്ങിയ അസ്ഥിപ​ഞ്‌ജ​രങ്ങൾ. ശിഖരങ്ങൾ അടർന്നു പോകു​ക​യും പൊടി​യു​ക​യും ചെയ്യു​ന്നുണ്ട്‌. ചിലത്‌ ഇപ്പോൾത്തന്നെ പൊടി​ഞ്ഞു​തീർന്നി​രി​ക്കു​ന്നു. പവിഴ​ക്കാ​ടി​ന്റെ ഈ ഭാഗം നശിച്ചു​ക​ഴി​ഞ്ഞ​തോ നശിച്ചു​കൊ​ണ്ടി​രി​ക്കു​ന്ന​തോ ആണ്‌. മത്സ്യങ്ങ​ളില്ല. ചെമ്മീ​നില്ല. ചിറ്റാ​ക്കൊ​ഞ്ചില്ല. യാതൊ​ന്നു​മില്ല. അതൊരു ജലാന്തര മരുഭൂ​മി​യാണ്‌. അവിശ്വാ​സം​കൊ​ണ്ടു നിങ്ങളു​ടെ കണ്ണു തള്ളി​പ്പോ​കു​ന്നു. എന്തൊരു ഞെട്ടൽ! നിങ്ങളു​ടെ സന്തോ​ഷാ​നു​ഭവം താറു​മാ​റാ​യി​രി​ക്കു​ന്നു. നിങ്ങൾ ബോട്ടിൽ തിരി​ച്ചെ​ത്തി​ക്ക​ഴി​ഞ്ഞി​ട്ടും അലോ​സ​ര​പ്പെ​ടു​ത്തുന്ന ചോദ്യ​ങ്ങൾ അവശേ​ഷി​ക്കു​ന്നു. ഈ വിനാ​ശ​ത്തിന്‌ ഇടയാ​ക്കി​യത്‌ എന്തായി​രി​ക്കാം? ഒരു അപകട​മോ? രോഗ​മോ? പ്രകൃ​തി​ദത്ത കാരണ​ങ്ങ​ളോ? നിങ്ങൾക്ക്‌ ഉത്തരങ്ങൾ വേണം.

കല്ലു​പോ​ലു​ള്ള പവിഴ​പ്പു​റ്റു കടുപ്പ​മു​ള്ള​താ​യി കാണ​പ്പെ​ടു​ന്നെ​ങ്കി​ലും അതു തീർത്തും ദുർബ​ല​മാണ്‌. മനുഷ്യ​ന്റെ ഒരു സ്‌പർശനം മതി അതിനു കേടു സംഭവി​ക്കാൻ. അതു​കൊണ്ട്‌ ജ്ഞാനി​ക​ളായ ഡ്രൈ​വർമാർ അതിനെ സ്‌പർശി​ക്കു​ന്നത്‌ ഒഴിവാ​ക്കു​ന്നു, ശ്രദ്ധയുള്ള ബോട്ട്‌ ഡ്രൈ​വർമാർ അതിൽ നങ്കൂര​മി​ടു​ന്നില്ല. പവിഴ​പ്പു​റ്റി​നുള്ള മറ്റ്‌ അപകടങ്ങൾ രാസ മലിനീ​ക​രണം, എണ്ണച്ചോർച്ചകൾ, ഓടക​ളിൽനി​ന്നുള്ള മാലി​ന്യ​ങ്ങൾ, മരം മുറിക്കൽ, കൃഷി​സ്ഥ​ല​ത്തു​നിന്ന്‌ ഒഴുകി​വ​രുന്ന മാലി​ന്യ​ങ്ങൾ, മണ്ണെടുപ്പ്‌, ചെളി അടിയൽ, ശുദ്ധജ​ല​ത്തി​ന്റെ കയറി​വരൽ എന്നിവ​യാണ്‌. ബോട്ടു​ക​ളു​ടെ അടിഭാ​ഗം നേരി​ട്ടു​വന്ന്‌ ഇടിക്കു​ന്നതു വിനാ​ശ​ത്തിന്‌ ഇടയാ​ക്കു​ന്നു. അങ്ങേയ​റ്റത്തെ താപനി​ലകൾ പവിഴ​പ്പു​റ്റി​നു ഹാനി​വ​രു​ത്തു​ക​യും അതിനെ നശിപ്പി​ക്കു​ക​യും ചെയ്യുന്നു. സമ്മർദം അനുഭ​വ​പ്പെ​ടു​മ്പോൾ പവിഴ​പ്പുറ്റ്‌ അതിന്റെ ആൽഗകളെ കട്ടിയുള്ള പടലങ്ങ​ളാ​യി പുറന്ത​ള്ളു​ന്നു, മത്സ്യം അതിനെ ഉടൻതന്നെ തിന്നു​ക​ള​യു​ന്നു. സമ്മർദ​പൂർണ​മായ അവസ്ഥകൾ ആഴ്‌ച​ക​ളോ​ള​മോ മാസങ്ങ​ളോ​ള​മോ നിലനിൽക്കു​ന്നെ​ങ്കിൽ നിറം​മങ്ങൽ സംഭവി​ക്കു​ക​യും പവിഴ​പ്പു​റ്റു നശിക്കു​ക​യും ചെയ്യുന്നു. പവിഴ​പ്പു​റ്റു നശിക്കു​മ്പോൾ പവിഴ​പ്പാറ പരിസ്ഥി​തി​യും നശിക്കു​ന്നു. ജീവജാ​ലങ്ങൾ വേർപെ​ടു​ക​യും അപ്രത്യ​ക്ഷ​മാ​കു​ക​യും ചെയ്യുന്നു.

നിറം​മ​ങ്ങൽ എല്ലാ ഉഷ്‌ണ​മേ​ഖലാ സമു​ദ്ര​ങ്ങ​ളി​ലും വ്യാപ​ക​മാ​യി​ത്തീർന്നി​രി​ക്കു​ന്നു. അതിന്റെ ഫലമായി ലോക​മെ​മ്പാ​ടു​മുള്ള സമു​ദ്ര​ശാ​സ്‌ത്ര സമുദാ​യ​ത്തിൽ അപകട​മണി മുഴങ്ങു​ക​യാണ്‌. വൻതോ​തിൽ നിറം​മങ്ങൽ സംഭവി​ക്കു​മ്പോൾ നാശം അപരി​ഹാ​ര്യ​മാണ്‌. കഴിഞ്ഞ വർഷങ്ങ​ളിൽ ലോക​ത്തി​ലെ ഉഷ്‌ണ​മേ​ഖലാ സമു​ദ്ര​ങ്ങ​ളി​ലു​ട​നീ​ളം സംഭവി​ച്ചി​രി​ക്കുന്ന കാര്യ​ങ്ങ​ളി​ലൂ​ടെ പവിഴ​പ്പു​റ്റി​ന്റെ നിറം​മ​ങ്ങ​ലി​ന്റെ​യും തുടർന്നു​ണ്ടാ​കുന്ന നാശത്തി​ന്റെ​യും വ്യാപ്‌തി വേദനാ​ക​ര​മായ വിധത്തിൽ ലോക​ശ്ര​ദ്ധ​യി​ലേക്കു വരുത്ത​പ്പെ​ട്ടി​രി​ക്കു​ന്നു. പവിഴ​പ്പു​റ്റു​കൾക്ക്‌ അനേക​വർഷ​ങ്ങ​ളാ​യി കാലാ​നു​ക്ര​മ​വും പ്രാ​ദേ​ശി​ക​വു​മാ​യി നിറം​മങ്ങൽ സംഭവി​ച്ചി​രു​ന്നെ​ങ്കി​ലും ഇപ്പോ​ഴത്തെ വിനാശം മുമ്പെ​ന്ന​ത്തെ​ക്കാ​ളും ഗുരു​ത​ര​വും ഗോള​വ്യാ​പ​ക​വു​മാണ്‌. പവിഴ​പ്പാ​റ​ക​ളു​ടെ പരിസ്ഥി​തി​യു​ടെ നാശത്തിന്‌ ഇടയാ​ക്കി​ക്കൊ​ണ്ടു ലോക​മെ​മ്പാ​ടു​മുള്ള മിക്ക വർഗങ്ങ​ളി​ലെ​യും ജീവനുള്ള പവിഴ​പ്പു​റ്റു​കളെ എന്തോ ഒന്ന്‌ ആക്രമി​ച്ചു​കൊ​ണ്ടി​രി​ക്കു​ക​യാണ്‌.