അവിശ്വ​സ​നീ​യ​മായ ഒരു കൂടി​ക്കാ​ഴ്‌ച

“ഞാൻ എന്റെ ജീവി​ത​ത്തിൽ ചെയ്‌തി​ട്ടു​ള്ള​തിൽവച്ച്‌ ഏറ്റവും ആവേശ​ജ​ന​ക​മായ സംഗതി!” തന്റെ അവിശ്വ​സ​നീ​യ​മായ കൂടി​ക്കാ​ഴ്‌ച​യെ​ക്കു​റി​ച്ചു ക്രിസ്റ്റി വർണി​ച്ചത്‌ അങ്ങനെ​യാണ്‌. മെക്‌സി​ക്കോ ഉൾക്കട​ലിൽ ഡോൾഫി​നു​ക​ളോ​ടൊ​പ്പം നീന്താൻ കഴിഞ്ഞി​രു​ന്നെ​ങ്കിൽ നിങ്ങൾക്ക്‌ ഇങ്ങനെ തോന്നു​മാ​യി​രു​ന്നോ?

ഡോൾഫി​നു​കൾ നീന്തു​ന്ന​തോ വാൽ കുത്തി പുറ​കോ​ട്ടു നടക്കൽ, വെള്ളത്തിൽനി​ന്നു കണ്ണഞ്ചി​പ്പി​ക്കുന്ന ഉയരങ്ങ​ളിൽ ചാടൽ, അല്ലെങ്കിൽ അവയുടെ പുറത്തു സവാരി​ചെ​യ്യാൻ മനുഷ്യ​രെ അനുവ​ദി​ക്കൽ എന്നിങ്ങ​നെ​യുള്ള ജല സാഹസങ്ങൾ കാണി​ക്കു​ന്ന​തോ കാണു​മ്പോൾ എല്ലാവ​രും പുളകം കൊള്ളു​ന്നു. ഈ പ്രകട​നങ്ങൾ കണ്ടാൽ മതി, വെള്ളത്തി​ലേ​ക്കി​റങ്ങി ആ ഡോൾഫി​നു​ക​ളു​ടെ​കൂ​ടെ കളിക്കാൻ ഒരാൾ ആഗ്രഹി​ച്ചു​പോ​കും.

ക്രിസ്റ്റിക്ക്‌ എല്ലായ്‌പോ​ഴും ഈ വിധത്തി​ലാ​ണു തോന്നി​യി​രു​ന്നത്‌. അങ്ങനെ​യി​രി​ക്കെ, ഒരുനാൾ അവൾ മെക്‌സി​ക്കോ ഉൾക്കട​ലിൽ ബോട്ടു​സ​വാ​രി നടത്തു​ക​യും നീന്തു​ക​യും ചെയ്യു​ക​യാ​യി​രു​ന്നു. പൊടു​ന്നനെ അവളുടെ മുന്നിൽ ഒരു തല പ്രത്യ​ക്ഷ​മാ​യി. ജിജ്ഞാ​സു​ക്ക​ളായ മൂന്നു ഡോൾഫി​നു​കൾ തങ്ങൾ ഒരു കളിക്കൂ​ട്ടു​കാ​രി​യെ കണ്ടെത്തി​യെന്നു വിചാ​രി​ച്ച​താ​യി തോന്നി. ആദ്യം ക്രിസ്റ്റി​ക്കു ചെറിയ പേടി​യു​ണ്ടാ​യി​രു​ന്നു. എന്നാൽ അവൾ ഡോൾഫി​നു​ക​ളു​മാ​യി ഇടകലർന്ന​പ്പോൾ അവളുടെ ഭയം ആവേശ​മാ​യി രൂപാ​ന്ത​ര​പ്പെട്ടു. അവ അടുത്ത​താ​യി എന്തു ചെയ്യു​മെന്നു കാണാ​നാ​യി സാഹച​ര്യ​ത്തി​ന്റെ ചുമതല അവയ്‌ക്കു വിട്ടു​കൊ​ടു​ത്തു​കൊണ്ട്‌ അവൾ വെറു​തെ​യി​രു​ന്നു.

ക്രിസ്റ്റി ഇപ്രകാ​രം പറഞ്ഞു: “ഒരു ഡോൾഫിൻ എന്റെ മുന്നിൽ പ്രത്യ​ക്ഷ​പ്പെ​ടും—പിന്നെ ഞങ്ങൾ അന്യോ​ന്യം നോക്കി​ക്കൊണ്ട്‌ അവിടെ നിൽക്കും. ഞാൻ എന്റെ പട്ടി​യോ​ടു ചെയ്യു​മാ​യി​രു​ന്ന​തു​പോ​ലെ​തന്നെ ഞാൻ അതിനെ ഓമനി​ക്കു​ക​യും അതി​നോ​ടു സംസാ​രി​ക്കു​ക​യും ചെയ്‌തു.”

ഡോൾഫി​നു​ക​ളു​ടെ ബുദ്ധി​ശക്തി നിമിത്തം അവ പുകഴ്‌പെറ്റ വിനോ​ദ​ക​രാണ്‌. ആളുക​ളോ​ടുള്ള അവയുടെ സൗഹൃദം കാരണം സൂത്രങ്ങൾ കാണി​ക്കാൻ അവയ്‌ക്ക്‌ എല്ലായ്‌പോ​ഴും കോഴ​യാ​യി ആഹാരം കൊടു​ക്കേ​ണ്ട​തി​ല്ലെന്നു മിക്ക പരിശീ​ല​ക​രും പറയുന്നു.

ഡോൾഫി​നു​ക​ളോ​ടൊ​പ്പം പ്രവർത്തി​ക്കു​ന്ന​തി​ലെ ഏറ്റവും ആസ്വാ​ദ്യ​മായ സംഗതി​യെ​ന്താ​ണെന്നു ചോദി​ച്ച​പ്പോൾ, മൃഗങ്ങ​ളു​ടെ സ്വഭാ​വ​ചേ​ഷ്ട​ക​ളെ​ക്കു​റി​ച്ചു പഠിക്കുന്ന ശാസ്‌ത്ര​ജ്ഞ​നായ, യു.എസ്‌.എ., ഫ്‌ളോ​റി​ഡാ​യി​ലുള്ള സീ വേൾഡി​ലെ ലിസ്‌ മോറിസ്‌ ഇപ്രകാ​രം പറഞ്ഞു: “അത്‌ അവയുടെ പ്രകൃ​ത​മാ​ണെന്നു ഞാൻ വിചാ​രി​ക്കു​ന്നു. അവ പ്രകൃ​ത്യാ കളി​പ്രി​യ​രും ജിജ്ഞാ​സു​ക്ക​ളും ആയതി​നാൽ നിങ്ങൾക്ക്‌ അവയു​മാ​യി യഥാർഥ​ത്തിൽ ഒരു ഉറ്റബന്ധം വളർത്തി​യെ​ടു​ക്കാൻ കഴിയും . . . അവ സ്‌പർശ​ന​ത്തോ​ടും സ്‌നേ​ഹ​ത്തോ​ടും വളരെ നന്നായി പ്രതി​ക​രി​ക്കു​ന്നു.” ദൈവ​ത്തി​ന്റെ വാഗ്‌ദാ​നം ചെയ്യപ്പെട്ട പുതിയ വ്യവസ്ഥി​തി​യിൽ ക്രിസ്റ്റി​യെ​പ്പോ​ലെ നമു​ക്കെ​ല്ലാം പല അവിശ്വ​സ​നീ​യ​മായ കൂടി​ക്കാ​ഴ്‌ചകൾ ഉണ്ടായി​രി​ക്കാൻ കഴിയും.