ഒടുവിൽ—കുറ്റകൃ​ത്യ​ത്തിന്‌ അറുതി വരുത്തുന്ന ഒരു ഗവൺമെൻറ്‌

നമ്മുടെ നാളു​ക​ളിൽ ആളുകൾ, “സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും” ആയിരി​ക്കു​മെന്നു ബൈബിൾ മുൻകൂ​ട്ടി പറഞ്ഞു. (2 തിമൊ​ഥെ​യൊസ്‌ 3:2, 3) ഇത്തരം ആളുക​ളാണ്‌ കുറ്റകൃ​ത്യ​ങ്ങൾ ചെയ്യു​ന്നത്‌.

കുറ്റകൃ​ത്യ​ങ്ങൾ ചെയ്യു​ന്നത്‌ ആളുക​ളാ​യ​തു​കൊണ്ട്‌ അവർ നല്ലവരാ​യാൽ കുറ്റകൃ​ത്യം കുറയും. പക്ഷേ ആളുകൾ നല്ലവരാ​യി​ത്തീ​രു​ന്നത്‌ ഒരിക്ക​ലും എളുപ്പ​മാ​യി​രു​ന്നി​ട്ടില്ല. ഇന്ന്‌ അത്‌ മുമ്പെ​ന്ന​ത്തേ​ക്കാ​ളു​മ​ധി​കം പ്രയാ​സ​ക​ര​മാണ്‌. കാരണം, ബൈബിൾ കാലഗ​ണ​ന​യിൽ പ്രതി​പാ​ദി​ക്ക​പ്പെ​ട്ടി​രുന്ന ഒരു തീയതി​യായ 1914 മുതൽ നാം ഈ വ്യവസ്ഥി​തി​യു​ടെ ‘അന്ത്യ നാളു​കളി’ലാണു ജീവി​ക്കു​ന്നത്‌. ബൈബിൾ മുൻകൂ​ട്ടി പറഞ്ഞ​പ്ര​കാ​രം, “ദുർഘ​ട​സ​മ​യങ്ങൾ” ഈ കാലഘ​ട്ട​ത്തി​ന്റെ സവി​ശേ​ഷ​ത​യാണ്‌. ഏറ്റവും വലിയ കുറ്റവാ​ളി​യായ പിശാ​ചായ സാത്താ​നാണ്‌ ഈ ദുർഘ​ട​സ​മ​യങ്ങൾ സൃഷ്ടി​ക്കു​ന്നത്‌. ‘തനിക്ക്‌ അൽപ്പകാ​ലമേ ഉള്ളൂ എന്നറി​യാ​വു​ന്ന​തു​കൊണ്ട്‌ അവൻ മഹാ​ക്രോ​ധ​മു​ള്ള​വ​നാണ്‌.’—2 തിമൊ​ഥെ​യൊസ്‌ 3:1; വെളി​പ്പാ​ടു 12:12.

ഇന്ന്‌ കുറ്റകൃ​ത്യ​ങ്ങൾ കുത്തനെ വർധി​ക്കു​ന്ന​തി​ന്റെ കാരണം അതാണ്‌. സാത്താ​നും അവന്റെ വ്യവസ്ഥി​തി​യും താമസി​യാ​തെ നശിപ്പി​ക്ക​പ്പെ​ടാൻ പോവു​ക​യാ​ണെന്ന്‌ അവനറി​യാം. അവശേ​ഷി​ക്കുന്ന ചുരു​ങ്ങിയ സമയത്ത്‌ 2 തിമൊ​ഥെ​യൊസ്‌ 3-ാം അധ്യാ​യ​ത്തിൽ പ്രതി​പാ​ദി​ച്ചി​രി​ക്കുന്ന ചീത്ത ഗുണങ്ങൾ മനുഷ്യ​രിൽ ഊട്ടി​വ​ളർത്താ​നുള്ള എല്ലാവിധ ശ്രമങ്ങ​ളും അവൻ നടത്തുന്നു. അതു​കൊണ്ട്‌, ഒരു ഗവൺമെൻറിന്‌ കുറ്റകൃ​ത്യ​ങ്ങൾക്ക്‌ അറുതി​വ​രു​ത്ത​ണ​മെ​ങ്കിൽ അത്‌ സാത്താന്റെ സ്വാധീ​നം ഇല്ലാതാ​ക്കണം. കൂടാതെ, മേൽവി​വ​രി​ച്ചി​രി​ക്കുന്ന വിധത്തിൽ പ്രവർത്തി​ക്കാ​തി​രി​ക്കാൻ തക്കവിധം മാറ്റങ്ങൾ വരുത്താ​നും അത്‌ ആളുകളെ സഹായി​ക്കണം. എന്നാൽ ഈ അമാനു​ഷി​ക​മായ ഉദ്യമം നിവർത്തി​ക്കാൻ കെൽപ്പുള്ള ഏതെങ്കി​ലു​മൊ​രു ഗവൺമെൻറ്‌ ഉണ്ടോ?

മാനുഷ ഗവൺമെൻറു​കൾക്ക്‌ ഒന്നിനും​തന്നെ ഇതു ചെയ്യാ​നുള്ള കഴിവില്ല. ഉക്രെ​യി​നി​ലെ ഒരു നിയമാ​ധ്യാ​പ​ക​നായ വാസ്‌കോ​വിച്ച്‌, “എല്ലാ ഗവൺമെൻറ്‌ സ്ഥാപന​ങ്ങ​ളു​ടെ​യും എല്ലാ പൊതു​സ്ഥാ​പ​ന​ങ്ങ​ളു​ടെ​യും ശ്രമങ്ങളെ ഏകീക​രി​ച്ചു കൂട്ടി​യി​ണ​ക്കാൻ പ്രാപ്‌തി​യുള്ള ഒരു സമിതി”യുടെ ആവശ്യ​മു​ണ്ടെന്നു നിർദേ​ശി​ക്കു​ന്നു. കുറ്റകൃ​ത്യ​ങ്ങ​ളെ​ക്കു​റി​ച്ചുള്ള ഒരു ലോക​സ​മ്മേ​ള​ന​ത്തിൽവെച്ച്‌ ഫിലി​പ്പീൻസ്‌ പ്രസി​ഡൻറ്‌ ഫീഡെൽ റോ​മോസ്‌ ഇങ്ങനെ പ്രസ്‌താ​വി​ച്ചു: “ആധുനി​ക​ത്വം നമ്മുടെ ലോകത്തെ ചെറു​താ​ക്കി​യി​രി​ക്കു​ന്ന​തു​കൊണ്ട്‌, ദേശീയ അതിർവ​ര​മ്പു​കളെ മറിക​ട​ക്കാൻ കുറ്റകൃ​ത്യ​ങ്ങൾക്കു കഴിഞ്ഞി​രി​ക്കു​ന്നു. അത്‌ ഒരു ആഗോ​ള​പ്ര​ശ്‌ന​മാ​യി വികാസം പ്രാപി​ച്ചി​രി​ക്കു​ന്നു. അതു​കൊണ്ട്‌, പരിഹാ​ര​മാർഗ​ങ്ങ​ളും അതു​പോ​ലെ​തന്നെ ആഗോ​ള​വ്യാ​പ​ക​മാ​യി​രി​ക്കണം.”

“ഒരു ആഗോള ദുരന്തം”

ഐക്യ​രാ​ഷ്‌ട്രങ്ങൾ ഒരു ആഗോള (സാർവ​ദേ​ശീയ) സമിതി​യാണ്‌. അതിന്റെ സ്ഥാപനം​മു​തൽ അതു കുറ്റകൃ​ത്യ​ത്തി​നെ​തി​രെ പോരാ​ടി​യി​ട്ടുണ്ട്‌. പക്ഷേ, ദേശീയ ഗവൺമെൻറു​ക​ളു​ടെ പക്കലു​ള്ള​തി​നെ​ക്കാൾ കൂടുതൽ പരിഹാ​ര​മൊ​ന്നും അതിന്റെ പക്കലില്ല. ഐക്യ​രാ​ഷ്‌ട്ര​ങ്ങ​ളും കുറ്റകൃ​ത്യ​നി​വാ​ര​ണ​വും (ഇംഗ്ലീഷ്‌) എന്ന പുസ്‌തകം ഇപ്രകാ​രം അഭി​പ്രാ​യ​പ്പെ​ടു​ന്നു: “രാജ്യാ​ന്തര കുറ്റകൃ​ത്യ​ങ്ങൾ മിക്ക വ്യക്തിഗത രാഷ്‌ട്ര​ങ്ങ​ളു​ടെ​യും നിയ​ന്ത്ര​ണത്തെ മറിക​ട​ന്നി​രി​ക്കു​ന്നു. ആഗോള കുറ്റകൃ​ത്യ​ങ്ങ​ളാ​കട്ടെ, ഇപ്പോൾ അന്താരാ​ഷ്‌ട്ര സമിതി​യു​ടെ എത്താപ്പു​റ​ത്തേ​ക്കും വളരെ വ്യാപി​ച്ചി​രി​ക്കു​ന്നു. . . . സംഘടിത കുറ്റവാ​ളി സംഘങ്ങൾ നടത്തുന്ന കുറ്റകൃ​ത്യം ഭയാന​ക​മായ വിധത്തിൽ പടർന്നു​പ​ന്ത​ലി​ച്ചി​രി​ക്കു​ന്നു. ശാരീ​രിക അക്രമ​ങ്ങ​ളോ​ടും ഭീഷണി​യോ​ടും ഗവൺമെൻറ്‌ ഉദ്യോ​ഗ​സ്ഥ​രു​ടെ അഴിമ​തി​യോ​ടു​മുള്ള ബന്ധത്തിൽ ഇതു വിശേ​ഷി​ച്ചും ഗുരു​ത​ര​മായ ഭവിഷ്യ​ത്തു​കൾ ഉളവാ​ക്കും. ഭീകര​പ്ര​വർത്തനം പതിനാ​യി​ര​ങ്ങ​ളു​ടെ ജീവൻ അപഹരി​ച്ചി​രി​ക്കു​ന്നു. ആസക്തി​യു​ള​വാ​ക്കുന്ന ലഹരി​മ​രു​ന്നു​കൾ അനധി​കൃ​ത​മാ​യി കടത്തി​ക്കൊ​ണ്ടു​പോ​കു​ന്നത്‌ ഒരു ആഗോള ദുരന്ത​മാ​യി​ത്തീർന്നി​രി​ക്കു​ന്നു.”

ഐക്യ​നാ​ടു​ക​ളു​ടെ നാലാ​മത്തെ പ്രസി​ഡൻറാ​യി​രുന്ന ജെയിംസ്‌ മേഡിസൺ ഒരിക്കൽ പറഞ്ഞു: “മനുഷ്യൻ മനുഷ്യ​നെ ഭരിക്കേണ്ട ഒരു ഭരണകൂ​ടം കെട്ടി​പ്പ​ടു​ക്കു​മ്പോൾ ഏറ്റവും വലിയ ബുദ്ധി​മു​ട്ടു​ള്ളത്‌ ഈ കാര്യ​ത്തി​ലാണ്‌: ആദ്യം ഭരിക്ക​പ്പെ​ടേ​ണ്ട​വരെ നിയ​ന്ത്രി​ക്കാൻ ഭരണകൂ​ടത്തെ പ്രാപ്‌ത​മാ​ക്കണം; അടുത്ത​താ​യി സ്വയം നിയ​ന്ത്രി​ക്കാ​നും അതിനു ബാധ്യ​ത​യുണ്ട്‌.” (സഭാ​പ്ര​സം​ഗി 8:9 താരത​മ്യം ചെയ്യുക.) അതു​കൊണ്ട്‌, ‘മനുഷ്യൻ മനുഷ്യ​ന്റെ​മേൽ ഭരണം നടത്തുന്ന’ ഭരണകൂ​ട​ങ്ങൾക്കു​പ​കരം, തത്‌സ്ഥാ​നത്ത്‌ ദൈവം ഭരിക്കുന്ന ഒരു വ്യവസ്ഥി​തി വരുന്ന​താ​യി​രി​ക്കും ഉത്തമ പരിഹാ​രം. എന്നാൽ, അത്തര​മൊ​രു പരിഹാ​രം വാസ്‌ത​വി​ക​മാ​ണോ?

കുറ്റകൃ​ത്യ​ങ്ങൾക്ക്‌ അറുതി വരുത്തുന്ന ഒരു ഗവൺമെൻറ്‌

ദൈവ​രാ​ജ്യ​ത്തെ​ക്കു​റി​ച്ചു ബൈബിൾ പറയു​ന്നതു സത്യ​ക്രി​സ്‌ത്യാ​നി​കൾ വിശ്വ​സി​ക്കു​ന്നു.a അത്‌ ഒരു യഥാർഥ ഗവൺമെൻറാണ്‌. സ്വർഗ​ത്തി​ലാ​യി​രി​ക്കു​ന്ന​തു​കൊ​ണ്ടു രാജ്യം കാഴ്‌ച​യ്‌ക്ക്‌ അദൃശ്യ​മാ​ണെ​ങ്കിൽത​ന്നെ​യും അതു നിവർത്തി​ക്കുന്ന കാര്യങ്ങൾ ഭൂമി​യിൽ ദൃശ്യ​മാണ്‌. (മത്തായി 6:9, 10) യേശു​ക്രി​സ്‌തു​വും, ‘ഭൂമി​മേൽ രാജാ​വാ​യി വാഴാൻ പോകുന്ന, സർവ്വ​ഗോ​ത്ര​ത്തി​ലും ഭാഷയി​ലും വംശത്തി​ലും ജാതി​യി​ലും നിന്നു’ തിര​ഞ്ഞെ​ടു​ക്ക​പ്പെട്ട 1,44,000 പേരും ഇതിൽ ഉൾപ്പെ​ടും. ശക്തമായ ഈ ഗവൺമെൻറ്‌, “ഒരു മഹാപു​രു​ഷാ​രം” തന്നെയായ പ്രജക​ളു​ടെ മേൽ ഭരിക്കും. ഇവരും “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ള”വരായി​രി​ക്കും. (ചെരി​ച്ചെ​ഴു​ത്തു ഞങ്ങളു​ടേത്‌.) (വെളി​പ്പാ​ടു 5:9, 10; 7:9) അങ്ങനെ, ഭരണകർത്താ​ക്ക​ളും പ്രജക​ളും സാർവ​ദേ​ശീയ പശ്ചാത്ത​ല​മു​ള്ള​വ​രാ​യി​രി​ക്കും. ദിവ്യ അംഗീ​കാ​ര​മുള്ള, യഥാർഥ​ത്തിൽ ഏകീകൃ​ത​രായ ആളുക​ളാ​യി​രി​ക്കും ഇവർ.

ദൈവ​ഭ​ര​ണം അംഗീ​ക​രി​ക്കു​ക​വഴി, യഹോ​വ​യു​ടെ സാക്ഷികൾ തങ്ങളുടെ ഇടയിൽതന്നെ കുറ്റകൃ​ത്യ​സം​ബ​ന്ധ​മായ പ്രശ്‌നങ്ങൾ വലി​യൊ​ര​ള​വിൽ മറിക​ട​ന്നി​ട്ടുണ്ട്‌. എങ്ങനെ? ബൈബിൾ തത്ത്വങ്ങ​ളു​ടെ ജ്ഞാനം വിലമ​തി​ക്കാൻ പഠിച്ചു​കൊ​ണ്ടും അവ തങ്ങളുടെ ജീവി​ത​ത്തിൽ ബാധക​മാ​ക്കി​ക്കൊ​ണ്ടും പ്രപഞ്ച​ത്തി​ലെ ഏറ്റവും പ്രബല​മായ ശക്തിയാൽ, അതായത്‌, ദൈവ​ത്മാ​വി​നാ​ലും അതിന്റെ ഫലമായ സ്‌നേ​ഹ​ത്താ​ലും പ്രചോ​ദി​പ്പി​ക്ക​പ്പെ​ടാൻ തങ്ങളെ​ത്തന്നെ അനുവ​ദി​ച്ചു​കൊ​ണ്ടും അതു സാധി​ച്ചി​രി​ക്കു​ന്നു. “സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ” എന്നു ദൈവ​വ​ചനം പറയുന്നു. (കൊ​ലൊ​സ്സ്യർ 3:14) ദൈവ​രാ​ജ്യം കുറ്റകൃ​ത്യ​ത്തിന്‌ അറുതി വരുത്താൻ ഇപ്പോൾതന്നെ നടപടി​കൾ കൈ​ക്കൊ​ള്ളു​ന്നത്‌ എങ്ങനെ​യെന്നു പ്രകട​മാ​ക്കി​ക്കൊണ്ട്‌ 230-ലേറെ രാജ്യ​ങ്ങ​ളി​ലാ​യി യഹോ​വ​യു​ടെ സാക്ഷികൾ ഈ സ്‌നേ​ഹ​വും ഐകമ​ത്യ​വും അഭ്യസി​ക്കു​ന്നു.

ജർമനി​യി​ലെ 1,45,958 യഹോ​വ​യു​ടെ സാക്ഷികൾ പങ്കെടുത്ത, 1994-ൽ നടത്തിയ ഒരു സർവേ​യു​ടെ ഫലങ്ങളു​ടെ സഹായ​ത്തോ​ടെ ഇതു ദൃഷ്ടാ​ന്തീ​ക​രി​ക്കാ​വു​ന്ന​താണ്‌. സാക്ഷി​ക​ളാ​യി​ത്തീ​രാൻ ഗുരു​ത​ര​മായ തെറ്റുകൾ മറിക​ട​ക്കേ​ണ്ട​തു​ണ്ടാ​യി​രു​ന്നു​വെന്ന്‌ അവരിൽ പലരും സമ്മതിച്ചു. ബൈബിൾ പഠനമാണ്‌ അങ്ങനെ ചെയ്യാൻ അവരെ പ്രേരി​പ്പി​ച്ചത്‌. ഉദാഹ​ര​ണ​ത്തിന്‌, 30,060 പേർ പുകയി​ല​യു​ടെ അല്ലെങ്കിൽ മയക്കു​മ​രു​ന്നി​ന്റെ ആസക്തിയെ തരണം ചെയ്‌തു; 1,437 പേർ ചൂതാട്ടം ഉപേക്ഷി​ച്ചു; 4,362 പേർ അക്രമാ​സ​ക്ത​മായ അല്ലെങ്കിൽ കുറ്റകൃ​ത്യ​പ്ര​വ​ണ​ത​യുള്ള സ്വഭാ​വ​രീ​തി​ക്കു മാറ്റം വരുത്തി; 11,149 പേർ അസൂയ​യോ വിദ്വേ​ഷ​മോ പോലുള്ള പ്രവണ​തകൾ തരണം​ചെ​യ്‌തു; 12,820 പേർ പിരി​മു​റു​ക്ക​മുള്ള കുടും​ബ​ജീ​വി​ത​ത്തിൽ ശാന്തത പുനഃ​സ്ഥാ​പി​ച്ചു.

ഈ കണ്ടെത്ത​ലു​കൾ ഒരു രാജ്യത്തു മാത്ര​മുള്ള യഹോ​വ​യു​ടെ സാക്ഷി​കളെ ഉൾപ്പെ​ടു​ത്തി​ക്കൊ​ണ്ടു​ള്ള​താ​യി​രു​ന്നെ​ങ്കി​ലും ലോക​മൊ​ട്ടാ​കെ​യുള്ള സാക്ഷി​ക​ളു​ടെ ഒരു മാതൃ​ക​യാ​ണത്‌. ഉദാഹ​ര​ണ​ത്തിന്‌, യുറീ എന്നു പേരുള്ള ഉക്രെ​യിൻകാ​ര​നായ ഒരു ചെറു​പ്പ​ക്കാ​രന്റെ കാര്യ​മെ​ടു​ക്കുക. യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ ആരംഭിച്ച സമയത്ത്‌ അയാൾ ഒരു പോക്ക​റ്റ​ടി​ക്കാ​ര​നാ​യി​രു​ന്നു. മോസ്‌ക്കോ​യി​ലെ തിക്കും​തി​ര​ക്കും തന്റെ “ജോലി” എളുപ്പ​മു​ള്ള​താ​ക്കു​മെന്ന്‌ അറിയാ​മാ​യി​രു​ന്ന​തി​നാൽ അയാൾ അവി​ടേ​ക്കു​പോ​ലും യാത്ര ചെയ്‌തി​ട്ടുണ്ട്‌.

1993-ൽ യുറീ വീണ്ടും ജനക്കൂ​ട്ട​ത്തിൻ മധ്യേ മോസ്‌ക്കോ​യി​ലെത്തി. പക്ഷേ, ജൂലൈ 23 വെള്ളി​യാഴ്‌ച ലോ​കോ​മോ​ട്ടീവ്‌ സ്റ്റേഡി​യ​ത്തിൽ സന്നിഹി​ത​രാ​യി​രുന്ന 23,000-ത്തിലധി​കം ആളുക​ളിൽ ആർക്കും അയാളെ പേടി​ക്കേ​ണ്ട​തി​ല്ലാ​യി​രു​ന്നു. കാരണം, അയാൾ ഇപ്പോൾ യഹോ​വ​യു​ടെ ഒരു സാക്ഷി​യാ​യി​ത്തീർന്നി​രു​ന്നു. ഒരു സാർവ​ദേ​ശീയ സദസ്സി​നു​വേണ്ടി അവതരി​പ്പി​ച്ചു​കൊ​ണ്ടി​രുന്ന ഒരു പരിപാ​ടി​യിൽ പങ്കെടു​ത്തു​കൊണ്ട്‌ യുറീ സ്റ്റേജിൽ ഉണ്ടായി​രു​ന്നു. നല്ലവനാ​യി മാറിയ അയാൾ ‘കള്ളൻ ഇനി കക്കാതി​രി​ക്കട്ടെ’ എന്ന ബൈബി​ളി​ന്റെ കൽപ്പന അനുസ​രി​ക്കു​ന്നു.—എഫെസ്യർ 4:28

ദൈവ​ത്തി​ന്റെ നീതി​യുള്ള പുതിയ ലോക​ത്തി​ലെ ജീവി​ത​ത്തി​നു യോഗ്യ​രാ​കാൻ യുറീ​യെ​പ്പോ​ലെ മറ്റനേകർ തങ്ങളുടെ കുറ്റകൃ​ത്യ ജീവി​ത​ത്തോ​ടു വിടപ​റ​ഞ്ഞി​രി​ക്കു​ന്നു. ഒരു മുൻ ബ്രിട്ടീഷ്‌ പൊലീസ്‌ ഉദ്യോ​ഗ​സ്ഥ​നായ സർ പീറ്റർ ഇംബർട്ട്‌ പറഞ്ഞ കാര്യ​ത്തി​ന്റെ വിശ്വാ​സ്യ​ത​യ്‌ക്ക്‌ ഇത്‌ അടിവ​ര​യി​ടു​ന്നു: “എല്ലാവ​രും ശ്രമം ചെലു​ത്താൻ സന്നദ്ധരാ​യാൽ ഒറ്റരാ​ത്രി​കൊ​ണ്ടു കുറ്റകൃ​ത്യ​ങ്ങൾ ഇല്ലാതാ​ക്കാം.” ദൈവ​ത്തി​ന്റെ ഗവൺമെൻറ്‌ നൽകുന്ന ബൈബി​ള​ധ്യ​യന പരിപാ​ടി, സത്യസ​ന്ധ​രായ ആളുകൾക്കു “ശ്രമം ചെലു​ത്താൻ” ആവശ്യ​മായ പ്രചോ​ദനം പ്രദാനം ചെയ്യുന്നു.

കുറ്റകൃ​ത്യ​മി​ല്ലാത്ത ഒരു ലോകം

ഏതു തരത്തി​ലുള്ള കുറ്റകൃ​ത്യ​മാ​യാ​ലും, മറ്റുള്ള​വ​രോ​ടുള്ള സ്‌നേ​ഹ​മി​ല്ലാ​യ്‌മ​യെ​യാണ്‌ അതു പ്രകട​മാ​ക്കു​ന്നത്‌. ക്രിസ്‌ത്യാ​നി​കൾ യേശു​വി​ന്റെ മാതൃക പിൻപ​റ്റു​ന്നു. “നിന്റെ ദൈവ​മായ കർത്താ​വി​നെ നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം” എന്നും “കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം” എന്നും അവൻ പറഞ്ഞു.—മത്തായി 22:37-39.

ഈ രണ്ടു കൽപ്പന​ക​ളും അനുസ​രി​ക്കാൻ പഠിപ്പി​ച്ചു​കൊണ്ട്‌ കുറ്റകൃ​ത്യ​ങ്ങൾക്ക്‌ അറുതി​വ​രു​ത്താൻ സമർപ്പി​ത​മായ ഏക ഗവൺമെൻറ്‌ ദൈവ​രാ​ജ്യ​മാണ്‌. ഇന്ന്‌ 50 ലക്ഷത്തി​ലേറെ യഹോ​വ​യു​ടെ സാക്ഷികൾ ഈ പ്രബോ​ധ​ന​ത്തിൽനി​ന്നു പ്രയോ​ജനം അനുഭ​വി​ക്കു​ന്നു. കുറ്റകൃ​ത്യ​പ്ര​വ​ണ​തകൾ തങ്ങളുടെ ഹൃദയ​ങ്ങ​ളിൽ വേരെ​ടു​ക്കാൻ അനുവ​ദി​ക്കു​ക​യി​ല്ലെന്ന്‌ അവർ ദൃഢനി​ശ്ച​യ​മെ​ടു​ത്തി​രി​ക്കു​ന്നു. മാത്രമല്ല, കുറ്റകൃ​ത്യ​ങ്ങ​ളിൽനി​ന്നു വിമു​ക്ത​മായ ഒരു ലോക​ത്തി​നു സംഭാവന ചെയ്യാൻ വ്യക്തി​പ​ര​മായ എന്തെല്ലാം ശ്രമങ്ങൾ ആവശ്യ​മാ​ണോ അവയെ​ല്ലാം ചെയ്യാൻ അവർ സന്നദ്ധരാണ്‌. ദൈവം അവരുടെ ജീവി​ത​ത്തിൽ നിവർത്തി​ച്ചി​രി​ക്കുന്ന കാര്യങ്ങൾ, തന്റെ സ്വർഗീയ ഗവൺമെൻറി​ന്റെ ഭരണാ​ധി​പ​ത്യ​ത്തി​നു​കീ​ഴിൽ തന്റെ പുതിയ ലോക​ത്തിൽ അവൻ ചെയ്യാ​നി​രി​ക്കുന്ന കാര്യ​ങ്ങ​ളു​ടെ ഒരു മുന്നോ​ടി മാത്ര​മാണ്‌. പൊലീ​സു​കാർ, ന്യായാ​ധി​പ​ന്മാർ, അഭിഭാ​ഷകർ, തടവു​കാർ എന്നിവ​രു​ടെ ആവശ്യ​മി​ല്ലാത്ത ഒരു ലോക​ത്തെ​ക്കു​റിച്ച്‌ ഒന്നു സങ്കൽപ്പി​ച്ചു നോക്കൂ!

ഒരാ​ഗോ​ള അടിസ്ഥാ​ന​ത്തിൽ ഇതു സാക്ഷാ​ത്‌ക​രി​ക്കു​ന്ന​തിൽ, ദൈവം​തന്നെ കൊണ്ടു​വ​രാൻ പോകുന്ന, ചരി​ത്ര​ത്തി​ലെ ഏറ്റവും വലിയ ഭരണപ​ര​മായ കോളി​ളക്കം ഉൾപ്പെ​ടു​ന്നു. ദാനീ​യേൽ 2:44 ഇപ്രകാ​രം പറയുന്നു: “[ഇന്നു നില​കൊ​ള്ളുന്ന] ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു [സ്വർഗീയ] രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” ദൈവം സാത്താനെ ചതച്ചു​ക​ള​യും. അങ്ങനെ അവന്റെ ദുഷിച്ച സ്വാധീ​ന​ത്തിന്‌ അറുതി വരുത്തും.—റോമർ 16:20.

മാനുഷ ഗവൺമെൻറു​ക​ളു​ടെ സ്ഥാനത്ത്‌ ഒരിക്കൽ ദൈവ​ത്തി​ന്റെ സ്വർഗീയ ഗവൺമെൻറ്‌ വന്നുക​ഴി​ഞ്ഞാൽ, മനുഷ്യർ പിന്നീ​ടൊ​രി​ക്ക​ലും പരസ്‌പരം ഭരിക്കു​ക​യില്ല. സ്വർഗീയ രാജാ​ക്ക​ന്മാർ—ദൂതന്മാ​രെ​ക്കാൾപോ​ലും ഉയർന്ന രാജാ​ക്ക​ന്മാർ—മനുഷ്യ​വർഗത്തെ നീതി​യു​ടെ വഴിക​ളിൽ അഭ്യസി​പ്പി​ക്കും. അപ്പോൾ, കൊല​പാ​ത​കങ്ങൾ, വിഷവാ​തക ആക്രമ​ണങ്ങൾ, അല്ലെങ്കിൽ ഭീകര​രു​ടെ ബോം​ബു​കൾ മേലാൽ ഉണ്ടായി​രി​ക്കു​ക​യില്ല! കുറ്റകൃ​ത്യ​ങ്ങൾക്കു ജന്മം നൽകുന്ന സാമൂ​ഹിക അനീതി​കൾ മേലാൽ ഉണ്ടായി​രി​ക്കു​ക​യില്ല! ഉള്ളവരും ഇല്ലാത്ത​വ​രും എന്ന വ്യത്യാ​സം മേലാൽ ഉണ്ടായി​രി​ക്കു​ക​യില്ല!

നൈജീ​രി​യ​യി​ലുള്ള ആവൊ​ലൊ​വൊ സർവക​ലാ​ശാ​ല​യി​ലെ പ്രൊ​ഫസർ എസ്‌. എ. അലൂകൊ ഇപ്രകാ​രം പറഞ്ഞു: “ദരി​ദ്രർക്കു വിശപ്പു കാരണം രാത്രി ഉറങ്ങാൻ സാധി​ക്കു​ന്നില്ല; സമ്പന്നർക്കാ​കട്ടെ, ദരിദ്രർ ഉണർന്നി​രി​ക്കു​ന്നതു കാരണം ഉറങ്ങാൻ സാധി​ക്കു​ന്നില്ല.” എന്നാൽ, താമസി​യാ​തെ ഗവൺമെൻറ്‌—ദൈവ​ത്തി​ന്റെ ഗവൺമെൻറ്‌—കുറ്റകൃ​ത്യ​ങ്ങൾക്ക്‌ ഒടുവിൽ അറുതി വരുത്തി​യി​രി​ക്കു​ന്നു എന്ന അറിവു​ള്ളതു കാരണം എല്ലാവർക്കും സ്വസ്ഥമാ​യി ഉറങ്ങാൻ സാധി​ക്കും!

[അടിക്കു​റിപ്പ്‌]

[10-ാം പേജിലെ ചിത്രം]

ഒരു മുൻ മോഷ്ടാ​വും അയാളു​ടെ ഇരയും ഇപ്പോൾ ക്രിസ്‌തീയ സഹോ​ദ​ര​ന്മാർ എന്ന നിലയിൽ ഒന്നിച്ചി​രി​ക്കു​ന്നു