കുടും​ബ​ത്തി​ന്റെ വലുപ്പം നിശ്ചയി​ക്കേ​ണ്ട​താർ?

ബ്രസീലിലെ ഉണരുക! ലേഖകൻ

മൂന്ന ദിവസം മാത്രം പ്രായ​മു​ള്ള​പ്പോൾ, പ്ലാസ്റ്റിക്‌ ബാഗി​ലാ​ക്കി ഒരു ഭൂഗർഭ​സ്റ്റേ​ഷ​നിൽ അവനെ ഉപേക്ഷി​ച്ചു. എന്നാൽ വളരെ​യേറെ കുടും​ബങ്ങൾ ആ ശിശു​വി​നെ ദത്തെടു​ക്കാ​മെന്നു വാഗ്‌ദാ​നം ചെയ്‌ത​താ​യി ഒരു ബ്രസീ​ലി​യൻ ദിനപ​ത്രം പറഞ്ഞു.

അതു​പോ​ലെ​യു​ള്ള പ്രത്യേ​ക​തരം സംഭവങ്ങൾ വിരള​മാ​ണെ​ങ്കി​ലും, ആവശ്യ​മി​ല്ലാ​ത്ത​വ​രും ഉപേക്ഷി​ക്ക​പ്പെ​ട്ട​വ​രു​മായ കുട്ടി​ക​ളു​ടെ എണ്ണം ലോക​മെ​മ്പാ​ടും പെരു​കി​ക്കൊ​ണ്ടി​രി​ക്കു​ന്നു. ചുമത​ലാ​ബോ​ധ​ത്തോ​ടെ​യുള്ള രക്ഷാകർത്തൃ​ത്വം മിക്ക​പ്പോ​ഴും കുറവാണ്‌. ഗർഭനി​രോ​ധ​ന​മാ​ണോ ഇതിനു പരിഹാ​രം? ഒരുവന്റെ കുടും​ബ​ത്തി​ന്റെ വലുപ്പം മുൻകൂ​ട്ടി ആസൂ​ത്രണം ചെയ്യു​ന്നതു തെറ്റാ​ണോ?

ലോകാ​രോ​ഗ്യ​സം​ഘ​ട​ന​യു​ടെ കണക്കു​പ്ര​കാ​രം, ലോക​വ്യാ​പ​ക​മാ​യുള്ള ഗർഭധാ​ര​ണ​ങ്ങ​ളിൽ 50 ശതമാനം ആസൂ​ത്രണം ചെയ്യാ​ത്ത​വ​യാണ്‌. മിക്ക​പ്പോ​ഴും ഒരു ഗർഭധാ​രണം ആസൂ​ത്രണം ചെയ്യാ​ത്തതു മാത്രമല്ല ആഗ്രഹി​ക്കാ​ത്ത​തു​കൂ​ടി​യാണ്‌.

ഒട്ടേ​റെ​പേർ ആരോ​ഗ്യം, പാർപ്പി​ടം, തൊഴിൽ എന്നിവ​യോ​ടു ബന്ധപ്പെട്ട പ്രശ്‌നങ്ങൾ നിമിത്തം ഗർഭധാ​രണം ഒഴിവാ​ക്കാൻ ആഗ്രഹി​ക്കു​ന്നു. അതു​കൊ​ണ്ടു​തന്നെ, ജനനനി​യ​ന്ത്രണ ഗുളി​കകൾ അല്ലെങ്കിൽ ഉറകൾ തുടങ്ങിയ ഗർഭനി​രോ​ധ​നോ​പാ​ധി​ക​ളു​ടെ ഉപയോ​ഗം സാധാ​ര​ണ​മാണ്‌. ഗർഭച്ഛി​ദ്രം, വന്ധ്യം​ക​രണം തുടങ്ങി​യ​വ​യും ജനനനി​യ​ന്ത്രണ ഉപാധി​ക​ളാ​യി അവലം​ബി​ച്ചു​വ​രു​ന്നു. ബ്രസീ​ലി​ലെ ഗർഭച്ഛി​ദ്ര​ങ്ങളെ സംബന്ധിച്ച്‌ ഓ എസ്റ്റാഡൂ ദെ സാവു പൗലൂ ഇങ്ങനെ റിപ്പോർട്ടു ചെയ്യുന്നു: “ലോകാ​രോ​ഗ്യ​സം​ഘ​ട​ന​യു​ടെ കണക്കനു​സ​രിച്ച്‌ ബ്രസീ​ലിൽ ഓരോ വർഷവും ഗർഭി​ണി​ക​ളാ​കുന്ന 1 കോടി 30 ലക്ഷം സ്‌ത്രീ​ക​ളിൽ 50 ലക്ഷം പേരും രഹസ്യ​മാ​യി ഗർഭം അലസി​പ്പി​ക്കു​ന്നു.” ഒരു ഇണയോ​ടൊ​പ്പം താമസി​ക്കുന്ന ഗർഭധാ​രണം നടക്കാ​വുന്ന പ്രായ​ത്തി​ലുള്ള 71 ശതമാനം ബ്രസീ​ലി​യൻ സ്‌ത്രീ​ക​ളും പതിവാ​യി ജനനനി​യ​ന്ത്ര​ണ​മാർഗങ്ങൾ അവലം​ബി​ക്കു​ന്നു​ണ്ടെന്ന്‌ ടൈം മാഗസി​നും റിപ്പോർട്ടു ചെയ്‌തു. ഇവരിൽ, 41 ശതമാനം ഗുളി​ക​ക​ളു​പ​യോ​ഗി​ക്കു​ക​യും 44 ശതമാനം വന്ധ്യം​ക​ര​ണ​രീ​തി അവലം​ബി​ക്കു​ക​യും ചെയ്യുന്നു.

ബ്രസീ​ലി​ലെ 75 ശതമാനം പേരും കുട്ടി​ക​ളു​ടെ എണ്ണം സംബന്ധിച്ച്‌ ആസൂ​ത്രണം ചെയ്യേ​ണ്ടത്‌ അത്യാ​വ​ശ്യ​മാ​ണെന്നു കരുതു​ന്നു​വെന്ന്‌ ഒരു സർവേ കാണി​ക്കു​ന്നു. മറ്റുള്ളവർ വിധി​വി​ശ്വാ​സം നിമി​ത്ത​മോ അല്ലെങ്കിൽ ഒരു കുടും​ബം ‘ദൈവം തരുന്ന അത്രയും കുട്ടി​കളെ സ്വീക​രി​ക്കുക’ എന്നതു ദൈവ​ത്തി​ന്റെ ഉദ്ദേശ്യ​മാ​ണെന്നു ചിന്തി​ച്ചു​കൊ​ണ്ടോ കുടും​ബാ​സൂ​ത്രണം നിരസി​ക്കു​ന്നു. എന്നാൽ ആരാണു കുടും​ബ​ത്തി​ന്റെ വലുപ്പം നിശ്ചയി​ക്കേ​ണ്ടത്‌—ദമ്പതി​ക​ളോ അതോ ദേശീ​യ​വും മതപര​വു​മായ താത്‌പ​ര്യ​ങ്ങ​ളോ?

ജനനനി​യ​ന്ത്രണം—എന്തു​കൊ​ണ്ടു വിവാ​ദ​പരം?

സുരക്ഷി​ത​കാ​ല​സം​ഭോഗ രീതി അനുവ​ദി​ക്കു​ന്നു​ണ്ടെ​ങ്കി​ലും, ബ്രസീ​ലി​ലെ ഏറ്റവും വലിയ മതസമൂ​ഹ​മായ റോമൻ കത്തോ​ലി​ക്കാ സഭ, ഗർഭച്ഛി​ദ്ര​പ​ര​മോ അല്ലാത്ത​തോ ആയ ഏതു തരം ഗർഭനി​രോ​ധ​നോ​പാ​ധി​ക​ളെ​യും എതിർക്കു​ന്നു. പോൾ VI-ാമൻ പാപ്പാ ഇങ്ങനെ പ്രസ്‌താ​വി​ച്ചു: “ഓരോ ലൈം​ഗി​ക​വേ​ഴ്‌ച​യും ജീവന്റെ പകരലി​നു വഴിതു​റ​ക്കു​ന്ന​താ​യി​രി​ക്കണം.” ജോൺ പോൾ II-ാമൻ പാപ്പാ ഇങ്ങനെ പറഞ്ഞു: “ഗർഭനി​രോ​ധ​ന​ത്തെ​പ്പറ്റി വസ്‌തു​നി​ഷ്‌ഠ​മാ​യി പരിചി​ന്തി​ക്കു​മ്പോൾ, അതിനെ ഒരിക്ക​ലും, ഒരു കാരണ​വ​ശാ​ലും, ന്യായീ​ക​രി​ക്കാൻ കഴിയാ​ത്ത​വി​ധം തികച്ചും നിയമ​വി​രു​ദ്ധ​മാണ്‌.” ഇതുനി​മി​ത്തം ഒട്ടേറെ കത്തോ​ലി​ക്കർ ഗർഭനി​രോ​ധനം ഒരു പാപമാ​ണെന്നു കണക്കാക്കി തങ്ങളുടെ കുടും​ബ​ത്തി​ന്റെ വലുപ്പം നിയ​ന്ത്രി​ക്കാൻ വിസമ്മ​തി​ക്കു​ന്നു.

അതേസ​മ​യം തന്നെ ലാൻസെറ്റ്‌ എന്ന മെഡിക്കൽ ജേണൽ ഇങ്ങനെ പ്രഖ്യാ​പി​ക്കു​ന്നു: “ജനകോ​ടി​കൾ വിദ്യാ​ഭ്യാ​സ​മി​ല്ലാ​തെ​യും, തൊഴി​ലി​ല്ലാ​തെ​യും, പാർപ്പി​ട​മി​ല്ലാ​തെ​യും ഏറ്റവും അടിസ്‌ഥാ​ന​പ​ര​മായ മറ്റ്‌ ആരോഗ്യ ക്ഷേമ, ശുചിത്വ സേവനങ്ങൾ ലഭിക്കാ​തെ​യും തങ്ങളുടെ ജീവിതം ചെലവ​ഴി​ക്കും, നിയ​ന്ത്ര​ണ​മി​ല്ലാത്ത ജനപ്പെ​രു​പ്പ​മാ​യി​രി​ക്കും അതിനു നിദാ​ന​മായ ഒരു പ്രധാന ഘടകം”. അതു​കൊണ്ട്‌, ജനപ്പെ​രു​പ്പ​ത്തെ​യും ദാരി​ദ്ര്യ​ത്തെ​യും ഭയപ്പെ​ട്ടു​കൊണ്ട്‌ ചില ഗവൺമെൻറു​കൾ സഭയിൽനിന്ന്‌ എതിർപ്പു​കൾ ഉണ്ടായി​രു​ന്നി​ട്ടും കുടും​ബാ​സൂ​ത്ര​ണത്തെ പ്രോൽസാ​ഹി​പ്പി​ക്കു​ന്നു. ഉദാഹ​ര​ണ​മാ​യി, “കോസ്റ്റ റിക്ക കുട്ടി​ക​ളു​ടെ ശരാശരി എണ്ണം [ഓരോ കുടും​ബ​ത്തി​നും] 7-ൽ നിന്ന്‌ 3 ആക്കി കുറച്ചു,” എന്ന്‌ ജീവശാ​സ്‌ത്ര​ജ്ഞ​നായ പോൾ ഏൾറിച്ച്‌ പറയുന്നു.

ജീവി​ത​ത്തിന്‌ ഉതകുന്ന വസ്‌തു​തകൾ—ഒരു ആശയവി​നി​മയ വെല്ലു​വി​ളി (ഇംഗ്ലീഷ്‌) എന്ന യുഎൻ പ്രസി​ദ്ധീ​ക​രണം ഇപ്രകാ​രം പ്രസ്‌താ​വി​ക്കു​ന്നു: “ഒരു സ്‌ത്രീ​ക്കു നാലു കുട്ടികൾ ആയിക്ക​ഴി​ഞ്ഞാൽ, പിന്നീ​ടുള്ള ഗർഭധാ​ര​ണങ്ങൾ അമ്മയു​ടെ​യും കുഞ്ഞി​ന്റെ​യും ജീവനു വലിയ അപകട​സാ​ധ്യത വരുത്തി​ക്കൂ​ട്ടു​ന്നു. പ്രത്യേ​കി​ച്ചും മുമ്പി​ലത്തെ പ്രസവങ്ങൾ തമ്മിൽ രണ്ടില​ധി​കം വർഷത്തെ ഇടവേ​ള​യെ​ങ്കി​ലും ഇല്ലെങ്കിൽ, ഒരു സ്‌ത്രീ​യു​ടെ ശരീരം ആവർത്തി​ച്ചുള്ള ഗർഭധാ​ര​ണ​വും പ്രസവ​വും മുലയൂ​ട്ട​ലും ചെറിയ കുട്ടി​ക​ളു​ടെ പരിപാ​ല​ന​വും നിമിത്തം വളരെ പെട്ടെന്നു ക്ഷയിച്ചു​പോ​കും.”

ഉയർന്ന ശിശു​മ​ര​ണ​നി​ര​ക്കു​ള്ളി​ടത്തു വലിയ കുടും​ബങ്ങൾ ഇപ്പോ​ഴും സാധാ​ര​ണ​മാണ്‌, പ്രത്യേ​കിച്ച്‌ ആഫ്രി​ക്ക​യി​ലും ഏഷ്യയി​ലും ലാറ്റി​ന​മേ​രി​ക്ക​യി​ലും ഉള്ള ഉൾനാ​ടൻപ്ര​ദേ​ശ​ങ്ങ​ളിൽ. എന്തു​കൊണ്ട്‌? മിക്കവ​രും ഗർഭനി​രോ​ധ​നോ​പാ​ധി​ക​ളു​മാ​യി അത്ര പരിചി​തരല്ല. ചില പ്രദേ​ശ​ങ്ങ​ളിൽ ഇതിനി​ട​യാ​ക്കിയ ഒരു ഘടകം, ഒരു നിയമ​സ​ഭാം​ഗം പറഞ്ഞതു​പോ​ലെ, “ഇക്കാല​ത്തും ഒരു മനുഷ്യൻ തന്നെത്തന്നെ ഒരു യഥാർഥ പുരു​ഷ​നാ​യി കണക്കാ​ക്കു​ന്നത്‌ അയാളു​ടെ ഭാര്യ എല്ലാ വർഷവും ഗർഭി​ണി​യാ​കു​ന്നെ​ങ്കിൽ മാത്ര​മാണ്‌” എന്നതാ​യി​രി​ക്കാം. സാധ്യ​ത​യുള്ള മറ്റൊരു വസ്‌തുത, വിശേ​ഷി​ച്ചു സ്‌ത്രീ​യു​ടെ കാഴ്‌ച​പ്പാ​ടിൽ, ഷോർണൽ ഡാ റ്റാർഡ പ്രസ്‌താ​വി​ക്കു​ന്ന​തു​പോ​ലെ, “കുട്ടികൾ ആമോ​ദ​ത്തി​നുള്ള അവരുടെ വിരള​മായ സ്രോ​ത​സ്സു​ക​ളി​ലൊ​ന്നാ​ണെന്നു മാത്രമല്ല, വ്യക്തി​പ​ര​മായ സാക്ഷാ​ത്‌കാ​ര​ത്തി​ന്റെ അവബോ​ധം കൈവ​രു​ത്തു​ക​യും ചെയ്യുന്നു.” ബ്രസീ​ലി​ലെ മുൻ പരിസ്ഥി​തി സെക്ര​ട്ട​റി​യായ പൗലൂ നോ​ഗേയ്‌റ നിറ്റോ​യും ഇങ്ങനെ പ്രസ്‌താ​വി​ച്ചു: “ദരിദ്ര സമൂഹ​ത്തി​ന്റെ സാമൂ​ഹിക ഭദ്രത​യ്‌ക്കുള്ള ആസ്‌തി​യാണ്‌ ഒരു കുട്ടി.”

ബൈബി​ളി​നു പറയാ​നു​ള്ളത്‌

ദൈവ​വ​ച​ന​മായ ബൈബിൾ, കുടും​ബ​ത്തി​ന്റെ വലുപ്പം സംബന്ധി​ച്ചുള്ള തീരു​മാ​നം, ഭാര്യ​യ്‌ക്കും ഭർത്താ​വി​നും വിട്ടു​കൊ​ടു​ക്കു​ന്നു എന്നു നിങ്ങൾ അറിഞ്ഞി​രു​ന്നോ? പുനരു​ത്‌പാ​ദ​ന​ത്തി​നു​വേ​ണ്ടി​യാ​ണെ​ങ്കി​ലും, ആദരപൂർവ​മുള്ള ലൈം​ഗിക അടുപ്പ​ത്തി​ലൂ​ടെ ആർദ്ര​പ്രി​യം പ്രകടി​പ്പി​ക്കു​ന്ന​തി​നു​വേ​ണ്ടി​യാ​ണെ​ങ്കി​ലും, വിവാഹം ചെയ്യു​ന്നത്‌ ഉചിത​മാ​ണെ​ന്നും അതു കാണി​ക്കു​ന്നു.—1 കൊരി​ന്ത്യർ 7:3-5; എബ്രായർ 13:4.

എന്നാൽ ദൈവം പറുദീ​സ​യി​ലാ​യി​രുന്ന ആദാമി​നോ​ടും ഹവ്വാ​യോ​ടും “സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറ”യാൻ പറഞ്ഞി​രു​ന്നി​ല്ലേ? (ഉല്‌പത്തി 1:28) ഉവ്വ്‌, എന്നാൽ നമ്മളും അതേ കൽപ്പന​യിൻകീ​ഴി​ലാ​ണെന്നു ബൈബി​ളി​ന്റെ ഒരു ഭാഗവും കാണി​ക്കു​ന്നില്ല. “മുഴു​ഗ്ര​ഹ​ത്തി​ലു​മാ​യി രണ്ടേരണ്ടു കുടി​പാർപ്പു​കാർ മാത്ര​മു​ണ്ടാ​യി​രു​ന്ന​പ്പോൾ ബാധക​മാ​യി​രുന്ന അതേ സമവാ​ക്യം [കോടി​ക്ക​ണ​ക്കി​നു വരുന്ന] മുഴു​മ​നു​ഷ്യ​വർഗ​ത്തി​നും ബാധക​മാ​ക്കു​ന്നത്‌ ഏറെക്കു​റെ പരസ്‌പ​ര​വി​രു​ദ്ധ​മാണ്‌” എന്ന്‌ എഴുത്തു​കാ​ര​നായ റിക്കാർഡൂ ലെസ്‌കാ​നൂ ചൂണ്ടി​ക്കാ​ണി​ച്ചു. കുട്ടി​കളേ വേണ്ട എന്നാണു തീരു​മാ​നി​ക്കു​ന്ന​തെ​ങ്കിൽപോ​ലും, ആ തീരു​മാ​നം ബഹുമാ​നി​ക്ക​പ്പെ​ടേണ്ട വ്യക്തി​പ​ര​മായ ഒരു തിര​ഞ്ഞെ​ടു​പ്പാണ്‌.

ന്യൂ കാത്തലിക്‌ എൻ​സൈ​ക്ലോ​പീ​ഡിയ യഹോ​വ​യു​ടെ സാക്ഷി​ക​ളു​ടെ വീക്ഷണം ബൈബി​ള​ടി​സ്ഥാ​ന​മു​ള്ള​താ​ണെന്ന്‌ അഭി​പ്രാ​യ​പ്പെ​ടു​ന്നതു രസാവ​ഹ​മാണ്‌. അതി​പ്ര​കാ​രം പ്രസ്‌താ​വി​ക്കു​ന്നു: “ദമ്പതി​ക​ളു​ടെ തീരു​മാ​ന​ത്തി​നു വിടുന്ന ജനനനി​യ​ന്ത്ര​ണ​ത്തി​ന്റെ കാര്യ​ത്തി​ലൊ​ഴി​കെ വൈവാ​ഹി​ക​വും ലൈം​ഗി​ക​വു​മായ സാന്മാർഗി​കത സംബന്ധിച്ച്‌ അവർ തികച്ചും വിട്ടു​വീ​ഴ്‌ച​യി​ല്ലാ​ത്ത​വ​രാണ്‌.” അതിങ്ങനെ കൂട്ടി​ച്ചേർക്കു​ന്നു: “അവർ ബൈബി​ളി​നെ തങ്ങളുടെ വിശ്വാ​സ​ത്തി​ന്റെ ഏക അടിസ്ഥാ​ന​വും പെരു​മാ​റ്റ​ച്ച​ട്ട​വും ആയി കണക്കാ​ക്കു​ന്നു.”

കുടും​ബ​ത്തി​ന്റെ വലുപ്പം പരിമി​ത​പ്പെ​ടു​ത്താ​നുള്ള ഏതു മാർഗ​വും സാധു​ത​യു​ള്ള​താ​ണോ? അല്ല. ജീവൻ പവി​ത്ര​മാ​യ​തി​നാൽ ഇസ്രാ​യേ​ലി​നു കൊടുത്ത ദൈവിക ന്യായ​പ്ര​മാ​ണം ഒരു ഗർഭച്ഛി​ദ്ര​ത്തിന്‌ ഇടയാ​ക്കിയ ഒരുവനെ കൊല​പാ​ത​കി​യാ​യി കണക്കാ​ക്ക​ണ​മെന്നു കൽപ്പി​ക്കു​ന്നു. (പുറപ്പാ​ടു 20:13; 21:22, 23) വാസെ​ക്ടമി പോ​ലെ​യുള്ള വന്ധ്യം​ക​ര​ണ​ത്തി​ന്റെ കാര്യ​ത്തിൽ, ബൈബി​ളിൽ നേരിട്ട്‌ ഒന്നും സൂചി​പ്പി​ക്കു​ന്നി​ല്ലാ​ത്ത​തി​നാൽ വ്യക്തി​പ​ര​മായ മനസ്സാ​ക്ഷി​ക്ക​നു​സ​രിച്ച്‌ ഒരു തീരു​മാ​ന​മെ​ടു​ക്കാ​വു​ന്ന​താണ്‌. “ഓരോ​രു​ത്തൻ താന്താന്റെ ചുമടു ചുമക്കു​മ​ല്ലോ.” (ഗലാത്യർ 6:5)a എങ്കിലും, ജനനനി​യ​ന്ത്ര​ണ​ത്തി​നുള്ള വ്യത്യസ്‌ത രീതികൾ ഇപ്പോ​ഴു​ള്ള​തി​നാൽ വൈദ്യ​ശാ​സ്‌ത്ര​ത്തി​ന്റെ മാർഗ​നിർദ്ദേ​ശ​ങ്ങൾക്ക്‌ ഒരു പ്രത്യേ​ക​രീ​തി അവലം​ബി​ക്ക​ണോ വേണ്ടയോ എന്നു തീരു​മാ​നി​ക്കാൻ ദമ്പതി​കളെ സഹായി​ക്കാൻ കഴിയും.

നിങ്ങൾക്ക്‌ ഒത്തു​പോ​കാ​നാ​വുന്ന തീരു​മാ​ന​ങ്ങ​ളെ​ടു​ക്കുക

ജീവി​ത​ത്തി​ലെ എല്ലാ കാര്യ​ങ്ങ​ളും മുൻകൂ​ട്ടി ആസൂ​ത്രണം ചെയ്യാ​വു​ന്ന​വയല്ല. എന്നാൽ ഉൾപ്പെ​ട്ടി​രി​ക്കു​ന്ന​തെ​ന്താ​ണെന്നു ഗൗരവ​മാ​യി പരിചി​ന്തി​ക്കാ​തെ നിങ്ങൾ ഒരു കാറോ ഒരു വീടോ വാങ്ങു​മോ? ഒരു കാറോ ഒരു വീടോ വീണ്ടും വിൽക്കാൻ കഴിയും, പക്ഷേ മടക്കി​ക്കൊ​ടു​ക്കാ​വു​ന്ന​വയല്ല കുട്ടികൾ. അങ്ങനെ​യെ​ങ്കിൽ, ഒരു ഗർഭധാ​ര​ണ​ത്തി​നു വേണ്ടി ആസൂ​ത്രണം ചെയ്യു​മ്പോൾ ജീവി​ത​ത്തി​ലെ അത്യാ​വശ്യ സംഗതി​കൾക്കു​വേണ്ടി കരുതാൻ ഭർത്താ​വി​നും ഭാര്യ​ക്കും ഉള്ള പ്രാപ്‌തി പരിഗ​ണി​ക്കേ​ണ്ട​തല്ലേ?

തീർച്ച​യാ​യും, നമ്മുടെ കുടും​ബം വികല​പോ​ഷി​ത​മാ​യി​രി​ക്കു​ന്ന​തിൽ നമുക്കു താത്‌പ​ര്യ​മില്ല, മറ്റുള്ള​വ​രു​ടെ മേൽ ഒരു ഭാരമാ​യി​രി​ക്കാ​നും നമുക്ക്‌ ആഗ്രഹ​മില്ല. (1 തിമൊ​ഥെ​യൊസ്‌ 5:8) അതേസ​മയം, ഭക്ഷണത്തി​നും പാർപ്പി​ട​ത്തി​നും പുറമേ കുട്ടി​കൾക്കു വിദ്യാ​ഭ്യാ​സ​വും സാന്മാർഗിക മൂല്യ​ങ്ങ​ളും സ്‌നേ​ഹ​വും ആവശ്യ​മാ​ണു​താ​നും.

ആവശ്യ​മാ​യി വരുന്ന അധ്വാനം, പണം, ക്ഷമ എന്നിവ കണക്കാ​ക്കു​ന്ന​തി​നു പുറമേ ഭാര്യ​യു​ടെ ആരോ​ഗ്യ​വും പരിഗ​ണി​ക്കേ​ണ്ട​തുണ്ട്‌. ഗർഭധാ​ര​ണ​കാ​ലം ബുദ്ധി​പൂർവം ക്രമീ​ക​രി​ക്കു​ന്ന​തി​ലൂ​ടെ ജീവൻ രക്ഷിക്കാ​നും മെച്ചപ്പെട്ട ആരോ​ഗ്യ​ത്തി​നു സംഭാവന ചെയ്യാ​നും കഴിയും. ജീവി​ത​ത്തിന്‌ ഉതകുന്ന വസ്‌തു​തകൾ (ഇംഗ്ലീഷ്‌) പറയുന്നു: “അമ്മയ്‌ക്കും കുഞ്ഞി​നും ഗർഭധാ​ര​ണ​ത്താ​ലും പ്രസവ​ത്താ​ലും ഉണ്ടാകാ​വുന്ന അപകടങ്ങൾ കുറയ്‌ക്കാ​നുള്ള ഏറ്റവും ഫലപ്ര​ദ​മായ ഒരു വിധം പ്രസവ​കാ​ല​ത്തി​ന്റെ ക്രമീ​ക​ര​ണ​മാണ്‌. അമ്മയാ​കാൻ പോകുന്ന സ്‌ത്രീ​യു​ടെ പ്രായം 18-നു താഴെ​യോ 35-നു മുകളി​ലോ ആണെങ്കിൽ, നാലോ അതിൽ കൂടു​ത​ലോ ഗർഭധാ​ര​ണങ്ങൾ കഴിഞ്ഞ​താ​ണെ​ങ്കിൽ, അല്ലെങ്കിൽ ഒടുവി​ലത്തെ പ്രസവ​ത്തി​നു ശേഷമുള്ള ഇടവേള രണ്ടുവർഷ​ത്തിൽ കുറവാ​ണെ​ങ്കിൽ പ്രസവ​ത്തി​ന്റെ അപകടങ്ങൾ ഏറ്റവും ഉയർന്ന​താണ്‌.”

കുട്ടി​ക​ളു​ണ്ടാ​കു​ന്ന​തി​നെ​പ്പറ്റി ചിന്തി​ക്കുന്ന ദമ്പതികൾ, ബൈബിൾ മുൻകൂ​ട്ടി​പ്പ​റ​ഞ്ഞ​തു​പോ​ലെ, കുറ്റകൃ​ത്യം, ഭക്ഷ്യക്ഷാ​മം, യുദ്ധം, സാമ്പത്തിക അസ്ഥിരത എന്നിവ​യാൽ നാം ചുറ്റ​പ്പെ​ട്ടി​രി​ക്കു​ക​യാ​ണെ​ന്ന​തും പരിഗ​ണി​ക്കണം. (മത്തായി 24:3-12; 2 തിമൊ​ഥെ​യൊസ്‌ 3:1-5, 13; വെളി​പ്പാ​ടു 6:5, 6) നമ്മുടെ നാളു​ക​ളിൽ കുട്ടി​കളെ വളർത്തി​ക്കൊ​ണ്ടു​വ​രിക എന്നത്‌ ഒരു വലിയ വെല്ലു​വി​ളി​യാ​ണെന്നു തിരി​ച്ച​റി​ഞ്ഞു​കൊ​ണ്ടു കുട്ടി​ക​ളോ​ടു യഥാർഥ സ്‌നേഹം പ്രകട​മാ​ക്കു​ന്നത്‌ നാം ജീവി​ക്കുന്ന ലോകത്തെ സംബന്ധി​ച്ചു വാസ്‌ത​വി​ക​ബോ​ധ​മു​ള്ള​വ​രാ​യി​രി​ക്കു​ന്ന​തി​നു ദമ്പതി​കളെ സഹായി​ക്കും. അതു​കൊ​ണ്ടു മിക്കവ​രും വെറുതെ കാര്യങ്ങൾ സംഭവി​ക്കാൻ അനുവ​ദി​ക്കു​ക​യും എല്ലാം ശരിയാ​യി​വ​രും എന്ന പ്രത്യാ​ശ​യിൽ എത്ര കുട്ടികൾ വേണ​മെ​ങ്കി​ലും ഉണ്ടാകാൻ അനുവ​ദി​ക്കു​ക​യും ചെയ്യു​ന്ന​തി​നു പകരം കുട്ടികൾ ഒരു കൂടിയ അളവി​ലുള്ള സന്തുഷ്ടി​യും സുരക്ഷി​ത​ത്വ​വും അനുഭ​വി​ക്ക​ത്ത​ക്ക​വി​ധം തങ്ങളുടെ കുടും​ബ​ത്തിന്‌ എത്രമാ​ത്രം വലുപ്പം വേണം എന്നു തീരു​മാ​നി​ക്കാൻ താത്‌പ​ര്യ​പ്പെ​ടു​ന്നു.

കുടും​ബ​പ​ര​മാ​യ കാര്യ​ങ്ങ​ളിൽ ജ്ഞാനപൂർവ​ക​മായ തീരു​മാ​ന​ങ്ങ​ളെ​ടു​ക്കാൻ സഹായി​ക്കു​ന്ന​തി​നു പുറമേ, ദൈവ​വ​ചനം നമുക്കു ഭാവി സംബന്ധിച്ച്‌ ഉറപ്പുള്ള ഒരു പ്രത്യാ​ശ​യും നൽകുന്നു. ഒരു പറുദീ​സാ​ഭൂ​മി​യിൽ സമാധാ​ന​ത്തി​ലും സന്തോ​ഷ​ത്തി​ലും എന്നേക്കും ജീവി​ക്കുക എന്നതാണു മനുഷ്യ​രെ സംബന്ധി​ച്ചുള്ള സ്രഷ്ടാ​വി​ന്റെ ഉദ്ദേശ്യം എന്നു ബൈബിൾ കാണി​ക്കു​ന്നു. ഇതു നടപ്പി​ലാ​ക്കു​ന്ന​തി​നു​വേണ്ടി ദൈവം വളരെ പെട്ടെ​ന്നു​തന്നെ ഈ ദുഷ്ടവ്യ​വ​സ്ഥി​തിക്ക്‌ ഒരു അവസാനം വരുത്തും. അതിനു​ശേഷം, ദാരി​ദ്ര്യ​വും ജനപ്പെ​രു​പ്പ​വു​മി​ല്ലാത്ത ഒരു പുതിയ ലോക​ത്തിൽ വേണ്ടാ​ത്ത​വ​രാ​യി കുട്ടികൾ വീണ്ടു​മൊ​രി​ക്ക​ലും വലി​ച്ചെ​റി​യ​പ്പെ​ടു​ക​യില്ല.—യെശയ്യാ​വു 45:18; 65:17, 20-25; മത്തായി 6:9, 10.

അന്യോ​ന്യ​വും കുട്ടി​ക​ളോ​ടും ഉള്ള പരിഗ​ണ​ന​യും, അതു​പോ​ലെ പുനരു​ത്‌പാ​ദനം സംബന്ധി​ച്ചു സമനി​ല​യുള്ള ഒരു വീക്ഷണ​വും ദമ്പതി​കളെ തങ്ങളുടെ കുടും​ബ​ത്തി​ന്റെ വലുപ്പം തീരു​മാ​നി​ക്കാൻ സഹായി​ക്കു​മെ​ന്നതു വ്യക്തമാണ്‌. കാര്യങ്ങൾ എങ്ങനെ​യും നടക്കാൻ അനുവ​ദി​ക്കു​ന്ന​തി​നു​പ​കരം, ദമ്പതികൾ പ്രാർഥ​നാ​പൂർവം ദൈവ​ത്തി​ന്റെ മാർഗ​നിർദേശം തേടേ​ണ്ട​തുണ്ട്‌. “യഹോ​വ​യു​ടെ അനു​ഗ്ര​ഹ​ത്താൽ സമ്പത്തു​ണ്ടാ​കു​ന്നു; അദ്ധ്വാ​ന​ത്താൽ അതി​നോ​ടു ഒന്നും കൂടു​ന്നില്ല.”—സദൃശ​വാ​ക്യ​ങ്ങൾ 10:22.

[അടിക്കു​റിപ്പ്‌]

[12-ാം പേജിലെ ചിത്രം]

ലക്ഷക്കണക്കിനു കുട്ടികൾ ഉപേക്ഷി​ക്ക​പ്പെ​ടു​ന്നു

[13-ാം പേജിലെ ചിത്രം]

കുട്ടികൾക്കു സ്‌നേ​ഹ​പൂർവ​മുള്ള പരിപാ​ലനം ആവശ്യ​മാണ്‌