റേഡി​യോ—ലോകത്തെ മാറ്റി​മ​റിച്ച ഒരു കണ്ടുപി​ടി​ത്തം

ഇററലിയിലെ ഉണരുക! ലേഖകൻ

ഒരു വെടി​യൊച്ച ആ ഇറ്റാലി​യൻ ഗ്രാമ​ത്തി​ന്റെ നിശ്ശബ്ദത ഭേദിച്ചു. ആ അടയാളം ഗൂല്യേൽമോ മാർക്കോ​ണിക്ക്‌ അദ്ദേഹം ഉപയോ​ഗി​ച്ചു​കൊ​ണ്ടി​രുന്ന അപരി​ഷ്‌കൃത ഉപകരണം ഫലകര​മാ​യെന്ന്‌ ഉറപ്പു​നൽകി. ഒരു ട്രാൻസ്‌മി​റ്റർ, ഉത്‌പാ​ദി​പ്പി​ച്ചു ബഹിരാ​കാ​ശ​ത്തേക്ക്‌ ഉത്സർജിച്ച വൈദ്യു​ത​കാ​ന്തിക തരംഗ​ങ്ങളെ രണ്ടര കിലോ​മീ​റ്റർ അകലെ​യുള്ള ഒരു റിസീവർ പിടി​ച്ചെ​ടു​ത്തു. അത്‌ 1895 ആയിരു​ന്നു. അതിന്റെ എല്ലാ അർഥവും പൂർണ​മാ​യി ഗ്രഹി​ക്കാൻ അന്ന്‌ ആർക്കും കഴിഞ്ഞി​ല്ലെ​ങ്കി​ലും, ആ വെടി​യൊച്ച അന്നുമു​തൽ നമ്മുടെ ലോകത്തു വിപ്ലവ​ക​ര​മായ മാറ്റം വരുത്തിയ ഒരു സാങ്കേ​തി​ക​വി​ദ്യ​ക്കുള്ള, റേഡി​യോ ആശയവി​നി​മ​യ​ത്തി​നുള്ള, വഴിതു​റന്നു.

വൈദ്യു​ത​കാ​ന്തിക തരംഗ​ങ്ങ​ളു​ടെ സ്വഭാവം അതി​നോ​ടകം അനവധി ശാസ്‌ത്ര​ജ്ഞൻമാ​രു​ടെ പഠനവി​ഷ​യ​മാ​യി​ക്ക​ഴി​ഞ്ഞി​രു​ന്നു. ഒരു വൈദ്യു​ത പ്രവാ​ഹ​ത്തിന്‌ ഒരു കാന്തിക മണ്ഡലത്തെ സൃഷ്ടി​ക്കാ​നും ഒന്നാമ​ത്തേ​തിൽനിന്ന്‌ ഒറ്റപ്പെട്ട, എന്നാൽ സമീപത്തു വെച്ചി​രി​ക്കുന്ന രണ്ടാമ​തൊ​രു സർക്യൂ​ട്ടിൽ ഒരു പ്രവാഹം ഉളവാ​ക്കാ​നും കഴിയു​മെന്ന്‌ 1831-ൽ ഇംഗ്ലീഷ്‌ ഭൗതി​ക​ശാ​സ്‌ത്ര​ജ്ഞ​നായ മൈക്കൽ ഫാരഡെ തെളി​യി​ച്ചു. അത്തരം മണ്ഡലങ്ങ​ളാൽ ഉത്‌പാ​ദി​പ്പി​ക്ക​പ്പെ​ടുന്ന ഊർജ​ത്തിന്‌—ഒരു കുളത്തി​ന്റെ ഉപരി​ത​ല​ത്തി​ലെ ഓളങ്ങൾ പോലെ—തരംഗ​ങ്ങ​ളാ​യി, എന്നാൽ പ്രകാ​ശ​ത്തി​ന്റെ വേഗത​യിൽ വികി​രണം ചെയ്യാൻ കഴിയു​മെന്ന്‌ 1864-ൽ സ്‌കോ​ട്ട്‌ലൻഡു​കാ​ര​നായ ജെയിംസ്‌ മാക്‌സ്സ്‌വെൽ എന്ന ഭൗതി​ക​ശാ​സ്‌ത്രജ്ഞൻ സിദ്ധാ​ന്തീ​ക​രി​ച്ചു. വൈദ്യു​ത​കാ​ന്തിക തരംഗങ്ങൾ ഉത്‌പാ​ദി​പ്പിച്ച്‌ അവയെ ഹ്രസ്വ ദൂരത്തി​നു​ള്ളിൽ കണ്ടുപി​ടി​ച്ചു​കൊ​ണ്ടു പിന്നീട്‌ ജർമൻ ഭൗതി​ക​ശാ​സ്‌ത്ര​ജ്ഞ​നായ ഹൈൻറിക്‌ ഹെഡ്‌സ്‌ മാക്‌സ്സ്‌വെ​ല്ലി​ന്റെ സിദ്ധാ​ന്തത്തെ സ്ഥിരീ​ക​രി​ച്ചു. (പിൽക്കാ​ലത്ത്‌ റഥർഫോർഡ്‌ പ്രഭു എന്നു വിളി​ക്ക​പ്പെട്ട) ന്യൂസി​ലൻഡി​ലെ ഏർണസ്റ്റ്‌ റഥർഫോർഡും അതുതന്നെ ചെയ്‌തു. എന്നാൽ, ലഭ്യമായ ഉപകര​ണത്തെ പൊരു​ത്ത​പ്പെ​ടു​ത്തു​ക​യും മെച്ച​പ്പെ​ടു​ത്തു​ക​യും സ്വയം നിർമിച്ച ഒരു അപരി​ഷ്‌കൃത ആന്റെന കൂട്ടി​ച്ചേർക്കു​ക​യും ചെയ്‌തു​കൊണ്ട്‌ ഗണ്യമായ ദൂരത്തിൽ ടെല​ഗ്രാ​ഫിക്‌ സിഗ്നലു​കൾ പ്രേഷണം ചെയ്യാൻ മാർക്കോ​ണി​ക്കു കഴിഞ്ഞു. വയർലെസ്‌ ടെല​ഗ്രാ​ഫി പുരോ​ഗ​മി​ക്കു​ക​യാ​യി​രു​ന്നു!

1896-ൽ, 21 വയസുള്ള മാർക്കോ​ണി ഇറ്റലി​യിൽനിന്ന്‌ ഇംഗ്ലണ്ടി​ലേക്കു താമസം മാറ്റി. അവി​ടെ​വെച്ച്‌ ജനറൽ പോ​സ്റ്റോ​ഫീ​സി​ന്റെ ചീഫ്‌ എഞ്ചിനി​യ​റായ വില്യം പ്രിസു​മാ​യി മാർക്കോ​ണി പരിച​യ​പ്പെട്ടു. കേബിൾകൊ​ണ്ടു ബന്ധിപ്പി​ക്കാൻ കഴിയാത്ത പ്രദേ​ശ​ങ്ങൾക്കി​ട​യി​ലുള്ള നാവിക ആശയവി​നി​മ​യ​ങ്ങൾക്കു മാർക്കോ​ണി​യു​ടെ സംവി​ധാ​നം ഉപയോ​ഗ​പ്പെ​ടു​ത്തു​ന്ന​തിൽ പ്രിസ്‌ തത്‌പ​ര​നാ​യി​രു​ന്നു. സാങ്കേ​തിക വിദഗ്‌ധ​രു​ടെ സഹായ​വും പരീക്ഷ​ണ​ങ്ങൾക്കാ​യി പരീക്ഷ​ണ​ശാ​ല​ക​ളും അദ്ദേഹം മാർക്കോ​ണി​ക്കു വാഗ്‌ദാ​നം ചെയ്‌തു. പ്രേഷണം ചെയ്യുന്ന സിഗ്നലു​ക​ളു​ടെ ശക്തി പത്തു കിലോ​മീ​റ്റർ ദൂരമാ​യി വർധി​പ്പി​ക്കു​ന്ന​തിൽ ഏതാനും മാസങ്ങൾകൊ​ണ്ടു മാർക്കോ​ണി വിജയി​ച്ചു. വയർലെസ്‌ ടെല​ഗ്രാ​ഫി​യെ വാണി​ജ്യ​മാ​യി പ്രാ​യോ​ഗി​ക​മായ സംവി​ധാ​ന​മാ​യി രൂപ​പ്പെ​ടു​ത്താ​നുള്ള ലക്ഷ്യ​ത്തോ​ടെ 1897-ൽ മാർക്കോ​ണി വയർലെസ്‌ ടെല​ഗ്രാഫ്‌ ആൻഡ്‌ സിഗ്നൽ കമ്പനി, ലിമി​റ്റഡ്‌ സ്ഥാപിച്ചു.

അസാധ്യ​മെന്ന്‌ ഒരിക്കൽ പരിഗ​ണി​ച്ചി​രു​ന്നത്‌—റേഡി​യോ തരംഗങ്ങൾ ഭൂമി​യു​ടെ വൃത്താ​കാ​രത്തെ ചുറ്റി​ക്ക​ട​ന്നു​പോ​കു​ന്നത്‌—സാധ്യ​മാ​ണെന്നു തെളി​യി​ച്ചു​കൊണ്ട്‌ 1900-ത്തിൽ കോൺവാ​ളും ദക്ഷിണ ഇംഗ്ലണ്ടി​ലെ വൈറ്റ്‌ ദ്വീപും തമ്മിൽ 300 കിലോ​മീ​റ്റ​റുള്ള റേഡി​യോ​ടെ​ല​ഗ്രാ​ഫിക്‌ കണ്ണി സ്ഥാപിച്ചു. വൈദ്യു​ത​കാ​ന്തിക തരംഗങ്ങൾ ഋജുരേഖയിൽ സഞ്ചരി​ക്കു​ന്ന​തി​നാൽ ചക്രവാ​ള​ത്തി​ന​പ്പു​റം സിഗ്നലു​കൾ ലഭിക്കു​ക​യി​ല്ലെന്നു വിചാ​രി​ച്ചി​രു​ന്നു.a അപ്പോൾ റേഡി​യോ​കൾക്കുള്ള ആദ്യത്തെ പ്രമുഖ അഭ്യർഥ​നകൾ എത്തി​ച്ചേ​രാൻ തുടങ്ങി. ബ്രിട്ടീഷ്‌ നാവിക കാര്യാ​ലയം 26 കപ്പലു​ക​ളിൽ റേഡി​യോ സെറ്റുകൾ സ്ഥാപി​ക്കാ​നും ആറു ഭൂതല നിലയങ്ങൾ പണിത്‌ സംരക്ഷി​ക്കാ​നും ആജ്ഞ നൽകി. മോർസ്‌ കോഡിൽ, എസ്സ്‌ [S] എന്ന അക്ഷരം സൂചി​പ്പിച്ച മൂന്നു കുത്തു​ക​ളു​ടെ ഒരു ദുർബല സിഗ്നൽ അറ്റ്‌ലാൻറി​ക്കി​ന​പ്പു​റം എത്തിക്കു​ന്ന​തിൽ തുടർന്നു​വന്ന വർഷം മാർക്കോ​ണി വിജയി​ച്ചു. പ്രസ്‌തുത കണ്ടുപി​ടി​ത്ത​ത്തി​ന്റെ ഭാവി ഉറപ്പായി.

സാങ്കേ​തിക വികാസം

വയർലെസ്‌ ടെല​ഗ്രാ​ഫിക്ക്‌ ആദ്യം മോർസ്‌ കോഡ​ല്ലാ​തെ വാക്കു​ക​ളോ സംഗീ​ത​മോ പ്രേഷണം ചെയ്യാൻ കഴിയു​മാ​യി​രു​ന്നില്ല. എന്നാൽ, വാക്കു​ക​ളു​ടെ പ്രേഷ​ണ​വും സ്വീക​ര​ണ​വും സാധ്യ​മാ​ക്കി​ത്തീർത്ത ഡയോ​ഡി​ന്റെ, ആദ്യത്തെ വാൽവ്‌ വാക്വം ട്യൂബി​ന്റെ, ആഗമന​ത്തോ​ടെ 1904-ൽ മുമ്പോ​ട്ടുള്ള ഒരു കുതി​ച്ചു​ചാ​ട്ടം നടത്താൻ കഴിഞ്ഞു. വയർലെസ്‌ ടെല​ഗ്രാ​ഫി​യെ നമുക്കിന്ന്‌ അറിയാ​വുന്ന റേഡി​യോ​യാ​യി രൂപാ​ന്ത​ര​പ്പെ​ടു​ത്തി.

1906-ൽ ഐക്യ​നാ​ടു​ക​ളിൽ, റജിനാൾഡ്‌ ഫെസ്സെൻഡൻ സംഗീതം പ്രേഷണം ചെയ്‌തു. അത്‌ 80 കിലോ​മീ​റ്റർ അകലെ​യുള്ള കപ്പലുകൾ പിടി​ച്ചെ​ടു​ത്തു. 1910-ൽ ലീ ഡി ഫോ​റെസ്റ്റ്‌ ന്യൂ​യോർക്കി​ലെ റേഡി​യോ പ്രേമി​ക​ളു​ടെ പ്രയോ​ജ​ന​ത്തി​നാ​യി പ്രശസ്‌ത ഇറ്റാലി​യൻ റ്റെനറായ എൻറി​കോ കാറു​സോ​യു​ടെ സംഗീ​ത​പ​രി​പാ​ടി​യു​ടെ ഒരു നേരി​ട്ടുള്ള പ്രേഷണം അവതരി​പ്പി​ച്ചു. അതിന്‌ ഒരു വർഷം മുമ്പ്‌ ഘടികാ​ര​ങ്ങളെ നിയ​ന്ത്രി​ക്കു​ന്ന​തി​നുള്ള സിഗ്നലു​കൾ ആദ്യമാ​യി, ഫ്രാൻസി​ലെ പാരീ​സി​ലുള്ള ഇഫെൽ ഗോപു​ര​ത്തിൽനി​ന്നു പ്രേഷണം ചെയ്‌തി​രു​ന്നു. അതേവർഷം തന്നെ, അതായത്‌ 1909-ൽ, അറ്റ്‌ലാൻറി​ക്കിൽ വെച്ചു കൂട്ടി​യി​ടിച്ച ഫ്‌ളോ​റിഡ ആൻഡ്‌ റിപ്പബ്ലിക്‌ എന്ന ആവിക്ക​പ്പ​ലിൽനിന്ന്‌, അതിജീ​വ​ക​രു​ടെ ആദ്യത്തെ റേഡി​യോ-സഹായിത രക്ഷാ​പ്ര​വർത്തനം നടന്നു. മൂന്നു വർഷം കഴിഞ്ഞ്‌, അടിയ​ന്തിര സഹായം ആവശ്യ​പ്പെ​ട്ടു​കൊണ്ട്‌ അയച്ച ഒരു റേഡി​യോ സന്ദേശം (SOS) നിമിത്തം ടൈറ്റാ​നിക്‌ ദുരന്തത്തെ അതിജീ​വിച്ച 700 പേരും രക്ഷിക്ക​പ്പെട്ടു.

എല്ലാ ഭവനത്തി​ലും ഒരു റേഡി​യോ ഉണ്ടായി​രി​ക്കു​ന്ന​തി​ന്റെ സാധ്യത 1916-ൽ തന്നെ വിഭാവന ചെയ്യ​പ്പെ​ട്ടി​രു​ന്നു. വ്യാവ​സാ​യിക റേഡി​യോ​യു​ടെ വ്യാപ​ക​മായ വികസ​ന​ത്തി​ലേക്കു നയിച്ച വഴി തുറന്നു​കൊണ്ട്‌, വാൽവു​ക​ളു​ടെ ഉപയോ​ഗം ഫലപ്ര​ദ​മായ വിലകു​റഞ്ഞ റിസീ​വ​റു​ക​ളു​ടെ ഉത്‌പാ​ദനം സാധ്യ​മാ​ക്കി. സത്വര വർധനവ്‌ ആദ്യം ഉണ്ടായത്‌ ഐക്യ​നാ​ടു​ക​ളി​ലാണ്‌. 1921-ന്റെ അവസാ​ന​മാ​യ​പ്പോ​ഴേ​ക്കും അവിടെ 8 നിലയങ്ങൾ ഉണ്ടായി​രു​ന്നു. കൂടാതെ 1922 നവംബർ 1-ഓടെ 564 എണ്ണത്തിനു ലൈസൻസ്‌ ലഭിച്ചു! ഒട്ടുമിക്ക ഭവനങ്ങ​ളി​ലും വെളിച്ച സംവി​ധാ​ന​ത്തി​നു പുറമേ, വൈദ്യു​ത സപ്ലൈ​യു​മാ​യി ബന്ധിപ്പി​ക്ക​പ്പെട്ട ആദ്യത്തെ ഉപകരണം റേഡി​യോ ആയിരു​ന്നു.

പതിവായ വാണിജ്യ പ്രക്ഷേ​പണം ആരംഭി​ച്ച​ശേഷം രണ്ടു വർഷത്തി​നു​ള്ളിൽ ബൈബിൾ വിദ്യാർഥി​ക​ളും—യഹോ​വ​യു​ടെ സാക്ഷികൾ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—തങ്ങളുടെ സന്ദേശം പ്രക്ഷേ​പണം ചെയ്യു​ന്ന​തി​നു റേഡി​യോ ഉപയോ​ഗി​ച്ചി​രു​ന്നു. വാച്ച്‌ ടവർ സൊ​സൈ​റ​റി​യു​ടെ അന്നത്തെ പ്രസി​ഡൻറാ​യി​രുന്ന ജെ. എഫ്‌. റഥർഫോർഡ്‌ 1922-ൽ കാലി​ഫോർണി​യാ​യിൽവെച്ച്‌ തന്റെ ആദ്യത്തെ റേഡി​യോ പ്രഭാ​ഷണം നടത്തി. രണ്ടു വർഷം കഴിഞ്ഞ്‌, വാച്ച്‌ ടവർ സൊ​സൈ​ററി നിർമിച്ച സ്വന്തം നിലയ​മായ ഡബ്ലിയു​ബി​ബി​ആർ ന്യൂ​യോർക്കി​ലെ സ്റ്റാറ്റെൻ ദ്വീപിൽനി​ന്നു പ്രക്ഷേ​പണം ആരംഭി​ച്ചു. ഒടുവിൽ, ബൈബിൾ പരിപാ​ടി​കൾ പ്രക്ഷേ​പണം ചെയ്യു​ന്ന​തി​നു സൊ​സൈ​ററി ലോക​വ്യാ​പക ശൃംഖ​ലകൾ സംഘടി​പ്പി​ച്ചു. 1933-ഓടെ, ദൈവ​രാ​ജ്യ സന്ദേശം വഹിച്ചി​രുന്ന 408 നിലയ​ങ്ങ​ളു​ടെ ഒരു അത്യുച്ചം ഉണ്ടായി​രു​ന്നു.—മത്തായി 24:14.

എന്നിരു​ന്നാ​ലും, അനേകം രാജ്യ​ങ്ങ​ളിൽ റേഡി​യോ ഗവൺമെൻറി​ന്റെ കുത്തക​യാ​യി​ത്തീർന്നു. ഇറ്റലി​യിൽ മുസ്സോ​ളി​നി​യു​ടെ ഭരണകൂ​ടം റേഡി​യോ​യെ രാഷ്‌ട്രീയ പ്രചര​ണ​ത്തി​നുള്ള ഒരു ഉപകര​ണ​മാ​യി കണ്ടു. വിദേശ പ്രക്ഷേ​പ​ണങ്ങൾ കേൾക്കു​ന്ന​തിൽനി​ന്നു പൗരൻമാ​രെ അതു വിലക്കു​ക​യും ചെയ്‌തു. റേഡി​യോ​യു​ടെ ബൃഹത്തായ ശക്തി 1938-ൽ വേണ്ടു​വോ​ളം പ്രകട​മാ​യി. ഐക്യ​നാ​ടു​ക​ളിൽ ഒരു ശാസ്‌ത്ര കൽപ്പി​ത​ക​ഥ​യു​ടെ പ്രക്ഷേപണ വേളയിൽ ഓർസൺ വെൽസ്‌ ജനസമൂ​ഹ​ത്തിൽ സംഭ്രാ​ന്തി വിതച്ചു, ചൊവ്വാ​ഗ്ര​ഹ​വാ​സി​കൾ ന്യൂ ജേഴ്‌സി​യിൽ ഇറങ്ങി​യെ​ന്നും അവരെ എതിർത്ത​വരെ എല്ലാം കൊല്ലു​ന്ന​തിന്‌ അശുഭ​ക​ര​മായ ഒരു “ഉഷ്‌ണ കിരണം” ഉപയോ​ഗി​ക്കു​ന്നു​വെ​ന്നും അവരിൽ ചിലർ വിചാ​രി​ച്ചു.

റേഡി​യോ​യു​ടെ നൂറു വർഷങ്ങൾ

റേഡി​യോ കേൾക്കു​ന്ന​താ​യി​രു​ന്നു 1954-ൽ ഇറ്റലി​യി​ലെ ആളുക​ളു​ടെ ഇഷ്ടപ്പെട്ട നേര​മ്പോക്ക്‌. ടെലി​വി​ഷന്റെ വിജയം ഉണ്ടായി​രു​ന്നി​ട്ടും റേഡി​യോ ഇപ്പോ​ഴും വളരെ ജനസമ്മ​തി​യു​ള്ള​താണ്‌. ഭൂരി​ഭാ​ഗം യൂറോ​പ്യൻ രാജ്യ​ങ്ങ​ളി​ലും ജനസം​ഖ്യ​യു​ടെ 50 മുതൽ 70 വരെ ശതമാനം, വിവര​ങ്ങൾക്കോ വിനോ​ദ​ത്തി​നോ​വേണ്ടി റേഡി​യോ കേൾക്കു​ന്നു. ഐക്യ​നാ​ടു​ക​ളിൽ 95 ശതമാനം വാഹന​ങ്ങ​ളി​ലും 80 ശതമാനം കിടപ്പു​മു​റി​ക​ളി​ലും 50 ശതമാനം അടുക്ക​ള​ക​ളി​ലും റേഡി​യോ ഉള്ളതായി കണക്കാ​ക്ക​പ്പെ​ട്ടി​രി​ക്കു​ന്നു.

ടെലി​വി​ഷ​ന്റെ യുഗത്തിൽപോ​ലും റേഡി​യോ​യു​ടെ ജനസമ്മ​തി​യു​ടെ കാരണ​ങ്ങ​ളിൽ ഒന്ന്‌, അത്‌ അനായാ​സം കൊണ്ടു​ന​ട​ക്കാ​മെ​ന്നു​ള്ള​താണ്‌. കൂടു​ത​ലാ​യി, ഒരു സർവേ അനുസ​രിച്ച്‌, “ടെലി​വി​ഷ​നെ​ക്കാൾ വളരെ ശ്രേഷ്‌ഠ​മായ വൈകാ​രി​ക​വും കൽപ്പനാ​പ​ര​വു​മായ സ്വാധീ​നം” റേഡി​യോ​യ്‌ക്കുണ്ട്‌.

1995-ൽ ഇറ്റലി​യിൽ നടന്ന, മാർക്കോ​ണി​യു​ടെ പരീക്ഷ​ണ​ത്തി​ന്റെ നൂറാം വാർഷി​കാ​ഘോ​ഷം റേഡി​യോ ഉളവാ​ക്കിയ പുരോ​ഗതി വിചി​ന്തനം ചെയ്യു​ന്ന​തിന്‌ അവസരം പ്രദാനം ചെയ്‌തു. ആദ്യത്തെ ആ അപരി​ഷ്‌കൃത ഉപകര​ണ​ങ്ങളെ ഇന്നത്തെ പുരോ​ഗ​മിച്ച സംവി​ധാ​ന​ങ്ങ​ളാ​യി രൂപാ​ന്ത​രീ​ക​രി​ക്കു​ന്ന​തി​നു നിരവധി ശാസ്‌ത്ര​ജ്ഞൻമാർ സംഭാ​വ​നകൾ ചെയ്‌തി​ട്ടുണ്ട്‌. സിഗ്നൽ ക്രോ​ഡീ​ക​ര​ണ​ങ്ങ​ളു​ടെ ഒരു സംഖ്യാ​സൂ​ചക സംവി​ധാ​ന​മായ ഡിജിറ്റൽ ഓഡി​യോ പ്രക്ഷേ​പണം നിമിത്തം ഏറ്റവും മെച്ചപ്പെട്ട ശബ്ദമേ​ന്മ​യ്‌ക്ക്‌ ഉറപ്പു ലഭിച്ചി​രി​ക്കു​ന്നു. റേഡി​യോ​യു​ടെ അസംഖ്യം അനുദിന പ്രയു​ക്ത​ത​കൾക്കു​പരി, ടെലി​വി​ഷ​ന്റെ​യും റഡാറി​ന്റെ​യും മറ്റനേകം സാങ്കേ​തി​ക​വി​ദ്യ​ക​ളു​ടെ​യും ആരംഭ ബിന്ദു പ്രസ്‌തുത കണ്ടുപി​ടി​ത്ത​മാ​യി​രു​ന്നു.

ഉദാഹ​ര​ണ​ത്തിന്‌, റേഡി​യോ ജ്യോ​തി​ശ്ശാ​സ്‌ത്രം ആകാശ​ഗോ​ളങ്ങൾ ഉത്സർജി​ക്കുന്ന റേഡി​യോ തരംഗ​ങ്ങ​ളു​ടെ സ്വീക​ര​ണ​ത്തി​ലും വിശക​ല​ന​ത്തി​ലും അധിഷ്‌ഠി​ത​മാണ്‌. ബഹിരാ​കാശ സാങ്കേ​തി​ക​ശാ​സ്‌ത്ര​ത്തി​ന്റെ വികസനം റേഡി​യോ കൂടാതെ അസാധ്യ​മാ​യി​രി​ക്കു​മാ​യി​രു​ന്നു. ടെലി​വി​ഷൻ, ടെല​ഫോൺ, ഡേറ്റാ ശേഖരണം തുടങ്ങിയ സകല ഉപഗ്രഹ പ്രയു​ക്ത​ത​ക​ളും റേഡി​യോ തരംഗ​ങ്ങ​ളു​ടെ ഉപയോ​ഗത്തെ ആശ്രയി​ച്ചി​രി​ക്കു​ന്നു. മൈ​ക്രോ​ചി​പ്പു​ക​ളാ​യുള്ള ട്രാൻസി​സ്റ്റ​റു​ക​ളു​ടെ സാങ്കേ​തിക വികസനം ആദ്യത്തെ പോക്കറ്റ്‌ കാൽകു​ലേ​റ്റ​റു​കൾക്കും കമ്പ്യൂ​ട്ട​റു​കൾക്കും പിന്നീട്‌ അന്തർദേ​ശീയ വിജ്ഞാന ശൃംഖ​ല​കൾക്കും വഴി​യൊ​രു​ക്കി.

ഭൂമു​ഖ​ത്തെ മിക്കവാ​റും ഏതു രണ്ടു സ്ഥലങ്ങ​ളെ​യും തമ്മിൽ ബന്ധിപ്പി​ക്കാൻ പ്രാപ്‌ത​മായ കൊണ്ടു​ന​ട​ക്കാ​വുന്ന ടെല​ഫോ​ണു​കൾ ഇപ്പോൾതന്നെ ഒരു യാഥാർഥ്യ​മാണ്‌. ടിവി, ടെല​ഫോൺ, കമ്പ്യൂട്ടർ, ഫാക്‌സ്‌ എന്നിവ​യു​ടെ ഒരു സംയോ​ജ​ന​മായ, ഉള്ളംകൈ വലുപ്പ​മുള്ള വയർലെസ്‌ റിസീ​വ​റു​ക​ളു​ടെ ആഗമന​മാണ്‌ ഇപ്പോ​ഴത്തെ പ്രതീക്ഷ. നൂറു​ക​ണ​ക്കി​നു വീഡി​യോ, ഓഡി​യോ, മുഖ്യ ചാനലു​കൾ എന്നിവ​യു​മാ​യി ബന്ധം സ്ഥാപി​ക്കാ​നും മറ്റുള്ള​വ​രു​മാ​യി ഇലക്‌​ട്രോ​ണിക്‌ സന്ദേശങ്ങൾ കൈമാ​റാൻ ഉപയോ​ക്താ​ക്കളെ അനുവ​ദി​ക്കാ​നും പ്രാപ്‌ത​മാ​യി​രി​ക്കും ഈ റിസീ​വ​റു​കൾ.

ഈ രംഗത്തെ ഭാവി എന്തായി​രി​ക്കു​മെന്ന്‌ ഒരുവനു തീർത്തു​പ​റ​യാൻ സാധി​ക്കു​ക​യില്ല. എന്നാൽ റേഡി​യോ സാങ്കേ​തി​ക​ശാ​സ്‌ത്രം തുടർന്നും മുന്നേ​റു​ന്നു, അതു​കൊണ്ട്‌ കൂടുതൽ ശ്രദ്ധേ​യ​മായ വികാ​സങ്ങൾ ഉണ്ടാകാ​നി​ട​യുണ്ട്‌.

[അടിക്കു​റിപ്പ്‌]

[21-ാം പേജിലെ ആകർഷ​ക​വാ​ക്യം]

ടെലിവിഷന്റെ വിജയം ഉണ്ടായി​രു​ന്നി​ട്ടും റേഡി​യോ ഇപ്പോ​ഴും വളരെ ജനസമ്മ​തി​യു​ള്ള​താണ്‌

[19-ാം പേജിലെ ചിത്ര​ത്തിന്‌ കടപ്പാട്‌]

Top left and right, bottom left: “MUSEO della RADIO e della TELEVISIONE” RAI--TORINO; bottom right: NASA photo