ദൂഷണ​ത്തി​ന്റെ വേരുകൾ അനാവ​രണം ചെയ്യൽ

“ഹൃദയം നിറഞ്ഞു കവിയു​ന്ന​തിൽനി​ന്ന​ല്ലോ വായ്‌ സംസാ​രി​ക്കു​ന്നതു.”—മത്തായി 12:34.

ഏകദേശം രണ്ടു സഹസ്രാ​ബ്ദ​ങ്ങൾക്കു മുമ്പ്‌ യേശു​ക്രി​സ്‌തു മേൽപ്പറഞ്ഞ വാക്കുകൾ പ്രസ്‌താ​വി​ച്ചു. അതേ, ഒരു വ്യക്തി​യു​ടെ വാക്കുകൾ മിക്ക​പ്പോ​ഴും അയാളു​ടെ ഏറ്റവും ആഴത്തി​ലുള്ള വികാ​ര​ങ്ങ​ളെ​യും പ്രചോ​ദ​ന​ങ്ങ​ളെ​യും പ്രതി​ഫ​ലി​പ്പി​ക്കു​ന്നു. അവ സ്‌തു​ത്യർഹ​മാ​യി​രി​ക്കാം. (സദൃശ​വാ​ക്യ​ങ്ങൾ 16:23) നേരേ​മ​റിച്ച്‌, അവ വഞ്ചകമാ​യി​രി​ക്കാം.—മത്തായി 15:19.

തന്റെ ഇണയെ സംബന്ധിച്ച്‌ ഒരു സ്‌ത്രീ പറഞ്ഞു: “അദ്ദേഹം അപ്രതീ​ക്ഷി​ത​മാ​യി കോപി​ഷ്ട​നാ​കു​ന്ന​താ​യി തോന്നു​ന്നു, അദ്ദേഹ​ത്തോ​ടൊ​പ്പം ജീവി​ക്കു​ന്നതു മിക്ക​പ്പോ​ഴും ഒരു മൈൻപാ​ട​ത്തു​കൂ​ടെ നടക്കു​ന്ന​തു​പോ​ലെ​യാണ്‌—ഒരു സ്‌ഫോ​ട​ന​ത്തി​നു വഴിമ​രു​ന്നി​ടു​ന്നത്‌ എന്താ​ണെന്നു നിങ്ങൾ ഒരിക്ക​ലും അറിയു​ന്നില്ല.” തന്റെ ഭാര്യ​യോ​ടുള്ള ബന്ധത്തിൽ സമാന​മായ ഒരു സാഹച​ര്യം റിച്ചാർഡ്‌ വിവരി​ക്കു​ന്നു. അയാൾ പറയുന്നു: “ലിഡിയ എല്ലായ്‌പോ​ഴും ഒരു പോരാ​ട്ട​ത്തി​നാ​യി ഒരുങ്ങി​യി​രി​ക്കു​ന്നു. അവൾ വെറുതെ സംസാ​രി​ക്കു​ക​യില്ല; ഒരു കൊച്ചു​കു​ട്ടി​യോ​ടെ​ന്ന​പോ​ലെ എന്റെ നേരെ വിരൽ ചൂണ്ടി​ക്കൊ​ണ്ടു പോരാ​ട്ട​ജ്വ​രം കയറി​യ​മ​ട്ടിൽ അവൾ വാക്കു​കൾകൊണ്ട്‌ ആക്രമി​ക്കു​ക​യാണ്‌.”

ഏറ്റവും മെച്ചപ്പെട്ട വിവാ​ഹ​ങ്ങ​ളിൽ പോലും വാദ​പ്ര​തി​വാ​ദങ്ങൾ പൊട്ടി​പ്പു​റ​പ്പെ​ട്ടേ​ക്കാം. പിന്നീടു ഖേദി​ക്കേ​ണ്ടി​വ​രുന്ന കാര്യങ്ങൾ എല്ലാ ഭർത്താ​ക്കൻമാ​രും ഭാര്യ​മാ​രും പറയുന്നു. (യാക്കോബ്‌ 3:2) എന്നാൽ വിവാ​ഹ​ത്തി​ലെ ദൂഷണം അതിൽ കവിഞ്ഞ​താണ്‌; ഒരുവന്റെ ഇണയെ ഭരിക്കാ​നോ നിയ​ന്ത്രി​ക്കാ​നോ ഉദ്ദേശി​ച്ചുള്ള തരംതാ​ഴ്‌ത്തു​ന്ന​തും വിമർശ​നാ​ത്മ​ക​വു​മായ സംസാരം അതിൽ ഉൾപ്പെ​ടു​ന്നു. ഉപദ്ര​വ​ക​ര​മായ സംസാ​ര​ത്തി​നു ചില​പ്പോൾ സൗമ്യ​ത​യു​ടെ പരി​വേഷം ഉണ്ടായി​രി​ക്കാം. ഉദാഹ​ര​ണ​ത്തിന്‌, സങ്കീർത്ത​ന​ക്കാ​ര​നായ ദാവീദ്‌, പുറമേ മൃദു​ഭാ​ഷി​യായ എന്നാൽ അകമേ ദുഷ്ടലാ​ക്കുള്ള ഒരുവനെ വിവരി​ക്കു​ന്നു: “അവന്റെ വായ്‌ വെണ്ണ​പോ​ലെ മൃദു​വാ​യതു; ഹൃദയ​ത്തി​ലോ യുദ്ധമ​ത്രേ. അവന്റെ വാക്കുകൾ എണ്ണയെ​ക്കാൾ മയമുള്ളവ; എങ്കിലും അവ ഊരിയ വാളുകൾ ആയിരു​ന്നു.” (സങ്കീർത്തനം 55:21; സദൃശ​വാ​ക്യ​ങ്ങൾ 26:24, 25) പുറമേ ദ്രോ​ഹ​ക​ര​മാ​യ​തോ മറയ്‌ക്ക​പ്പെ​ട്ട​തോ ആയിരു​ന്നു​കൊ​ള്ളട്ടെ, പരുക്കൻ സംസാ​ര​ത്തിന്‌ ഒരു വിവാ​ഹത്തെ നശിപ്പി​ക്കാൻ കഴിയും.

അത്‌ ആരംഭി​ക്കുന്ന വിധം

ദൂഷണ​ത്തിന്‌ ഒരു വ്യക്തിയെ പ്രേരി​പ്പി​ക്കു​ന്നത്‌ എന്താണ്‌? സാധാ​ര​ണ​മാ​യി, ഒരുവൻ കാണു​ക​യോ കേൾക്കു​ക​യോ ചെയ്യുന്ന കാര്യ​ങ്ങ​ളു​മാ​യാ​വാം അത്തരം സംസാരം ബന്ധപ്പെ​ട്ടി​രി​ക്കു​ന്നത്‌. അനേകം രാജ്യ​ങ്ങ​ളിൽ കുത്തു​വാക്ക്‌, അപമാ​നി​ക്കൽ, അവമതി​ക്കൽ എന്നിവ സ്വീകാ​ര്യ​യോ​ഗ്യ​മാ​യും തമാശ​യാ​യി പോലും പരിഗ​ണി​ക്കു​ന്നു.a “യഥാർഥ” പുരു​ഷൻമാ​രെ മേധാ​വി​ത്വം പുലർത്തു​ന്ന​വ​രും ആക്രമ​ണോ​ത്സു​ക​രു​മാ​യി മിക്ക​പ്പോ​ഴും ചിത്രീ​ക​രി​ക്കുന്ന മാധ്യ​മ​ങ്ങ​ളാൽ വിശേ​ഷാൽ ഭർത്താ​ക്കൻമാർ സ്വാധീ​നി​ക്ക​പ്പെ​ട്ടേ​ക്കാം.

സമാന​മാ​യി, തരംതാ​ഴ്‌ത്തുന്ന വിധത്തിൽ സംസാ​രി​ക്കുന്ന അനേകർ വളർന്നു​വ​ന്നത്‌, മാതാ​പി​താ​ക്ക​ളിൽ ഒരാളു​ടെ കോപം, നീരസം, അവജ്ഞ എന്നിവ പതിവാ​യി അണപൊ​ട്ടി​യൊ​ഴു​കി​യി​രുന്ന ഭവനങ്ങ​ളി​ലാണ്‌. അങ്ങനെ, ഈ വിധത്തി​ലുള്ള പെരു​മാ​റ്റം സാധാ​ര​ണ​മാ​ണെ​ന്നുള്ള സന്ദേശ​മാ​ണു ചെറുപ്പം മുതലേ അവർക്കു ലഭിച്ചി​രി​ക്കു​ന്നത്‌.

അത്തരം സാഹച​ര്യ​ത്തിൽ വളർന്ന കുട്ടി ഒരു സംസാര മാതൃ​ക​യെ​ക്കാ​ള​ധി​കം പഠി​ച്ചേ​ക്കാം; തന്നെയും മറ്റുള്ള​വ​രെ​യും കുറിച്ച്‌ ഒരു വികല​മായ വീക്ഷണം അവൻ ഉൾക്കൊ​ണ്ടേ​ക്കാം. ഉദാഹ​ര​ണ​ത്തിന്‌, പരുക്കൻ സംസാരം കുട്ടി​യു​ടെ നേരെ തിരി​ച്ചു​വി​ടു​ന്നെ​ങ്കിൽ, വില​കെ​ട്ടവൻ ആണെന്നുള്ള തോന്ന​ലോ​ടെ​യോ, കോപി​ഷ്‌ഠ​നാ​യി​രി​ക്കാൻ പ്രകോ​പി​പ്പി​ക്ക​പ്പെ​ടു​ന്ന​വ​നാ​യോ പോലും അവൻ വളർന്നു വന്നേക്കാം. തന്റെ പിതാവ്‌ മാതാ​വി​നെ വാക്കു​കൾക്കൊ​ണ്ടു പ്രഹരി​ക്കു​ന്നതു കുട്ടി കേൾക്കു​ന്നു​വെ​ങ്കി​ലോ? കുട്ടി വളരെ ചെറു​പ്പ​മാ​ണെ​ങ്കിൽ പോലും, സ്‌ത്രീ​ക​ളോ​ടു തന്റെ പിതാ​വി​നുള്ള പുച്ഛം അവന്‌ ഉൾക്കൊ​ള്ളാൻ കഴിയും. പുരുഷൻ സ്‌ത്രീ​കളെ നിയ​ന്ത്ര​ണ​ത്തിൽ നിർത്തേ​ണ്ട​തു​ണ്ടെ​ന്നും നിയ​ന്ത്രണം നേടു​ന്ന​തി​നുള്ള മാർഗം അവരെ ഭീഷണി​പ്പെ​ടു​ത്തു​ന്ന​തോ വ്രണ​പ്പെ​ടു​ത്തു​ന്ന​തോ ആണെന്നും, പിതാ​വി​ന്റെ പെരു​മാ​റ്റ​ത്തിൽനിന്ന്‌ ഒരു ആൺകുട്ടി പഠി​ച്ചേ​ക്കാം.

കോപ​ശീ​ല​മു​ള്ള ഒരു മാതാ​വോ പിതാ​വോ കോപ​ശീ​ല​മുള്ള ഒരു കുട്ടിയെ വളർത്തി​ക്കൊ​ണ്ടു വന്നേക്കാം. കാല​ക്ര​മ​ത്തിൽ കുട്ടി “അനേകം അതി​ക്ര​മങ്ങൾ” ചെയ്യുന്ന “ഒരു ക്രോധ വീരനാ”യിത്തീ​രുന്ന ഘട്ടം വരെ വളർന്നേ​ക്കാം. (സദൃശ​വാ​ക്യ​ങ്ങൾ 29:22, NW അടിക്കു​റിപ്പ്‌) ക്ഷതപ്പെ​ടു​ത്തുന്ന സംസാ​ര​ത്തി​ന്റെ പൈതൃ​കം അങ്ങനെ ഒരു തലമു​റ​യിൽനി​ന്നും അടുത്ത​തി​ലേക്കു കൈമാ​റ​പ്പെ​ടാ​വു​ന്ന​താണ്‌. നല്ല കാരണ​ത്തോ​ടെ പൗലോസ്‌ പിതാ​ക്കൻമാ​രെ ബുദ്ധ്യു​പ​ദേ​ശി​ച്ചു: “നിങ്ങളു​ടെ കുട്ടി​കളെ പ്രകോ​പി​പ്പി​ക്കു​ന്ന​വ​രാ​യി​രി​ക്ക​രുത്‌.” (കൊ​ലൊ​സ്സ്യർ 3:21, NW) അർഥവ​ത്താ​യി, പുതി​യ​നി​യ​മ​ത്തി​ന്റെ ദൈവ​ശാ​സ്‌ത്ര നിഘണ്ടു (ഇംഗ്ലീഷ്‌) പറയു​ന്ന​ത​നു​സ​രിച്ച്‌, ‘പ്രകോ​പി​പ്പി​ക്കുക’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്‌, “പോരാ​ട്ട​ത്തി​നു വേണ്ടി ഒരുക്കു​ക​യും പ്രചോ​ദി​പ്പി​ക്കു​ക​യും ചെയ്യുക” എന്ന അർഥം വഹിക്കാൻ കഴിയും.

മാതാ​പി​താ​ക്ക​ളു​ടെ സ്വാധീ​നം, മറ്റുള്ള​വരെ വാക്കു​കൾകൊ​ണ്ടോ മറ്റുവി​ധ​ങ്ങ​ളി​ലോ ആക്രമി​ക്കു​ന്ന​തി​നെ തീർച്ച​യാ​യും ന്യായീ​ക​രി​ക്കു​ന്നില്ല. എന്നാൽ പരുക്കൻ സംസാ​ര​ത്തി​നുള്ള പ്രവണ​ത​യ്‌ക്ക്‌ എങ്ങനെ ആഴത്തിൽ വേരൂ​ന്നാൻ കഴിയു​മെന്നു വിശദീ​ക​രി​ക്കാൻ അതു സഹായി​ക്കു​ന്നു. ഒരു യുവാവു ഭാര്യയെ ശാരീ​രി​ക​മാ​യി ഉപദ്ര​വി​ക്കു​ക​യി​ല്ലാ​യി​രി​ക്കാം, പക്ഷേ തന്റെ വാക്കു​ക​ളും മാറി​മ​റ​യുന്ന ഭാവങ്ങ​ളും​കൊണ്ട്‌ അയാൾ അവളെ ഉപദ്ര​വി​ക്കു​ന്നു​വോ? സ്‌ത്രീ​ക​ളോ​ടുള്ള പിതാ​വി​ന്റെ പുച്ഛം താൻ ഉൾക്കൊ​ണ്ടി​രി​ക്കു​ന്നു​വെന്ന്‌ ആത്മപരി​ശോ​ധന വെളി​പ്പെ​ടു​ത്തി​യേക്കം.

പ്രസ്‌പ​ഷ്ട​മാ​യും, മേൽ പ്രസ്‌താ​വിച്ച തത്ത്വങ്ങൾ സ്‌ത്രീ​കൾക്കും ബാധക​മാ​ക്കാൻ കഴിയും. ഒരു മാതാവു തന്റെ ഭർത്താ​വി​നെ വാക്കു​കൾകൊണ്ട്‌ അധി​ക്ഷേ​പി​ക്കു​ന്നെ​ങ്കിൽ, വിവാ​ഹി​ത​യാ​കു​മ്പോൾ പുത്രി തന്റെ ഭർത്താ​വി​നോ​ടും അതേ വിധത്തിൽ പെരു​മാ​റി​യേ​ക്കാം. “പരുഷ നാവും പകയു​മുള്ള സ്‌ത്രീ​യോ​ടു​കൂ​ടെ പാർക്കു​ന്ന​തി​ലും നിർജ്ജ​ന​പ്ര​ദേ​ശത്തു പോയി പാർക്കു​ന്നതു നല്ലതു.” (സദൃശ​വാ​ക്യ​ങ്ങൾ 21:19, ദ ബൈബിൾ ഇൻ ബേസിക്‌ ഇംഗ്ലീഷ്‌) എന്നിരു​ന്നാ​ലും, പുരുഷൻ ഈ സംഗതി​യിൽ വിശേ​ഷാൽ ജാഗ്രത പുലർത്തേ​ണ്ട​തുണ്ട്‌. എന്തു​കൊണ്ട്‌?

അടിച്ച​മർത്തു​ന്ന​വ​രു​ടെ ശക്തി

വിവാ​ഹ​ത്തിൽ സാധാ​ര​ണ​മാ​യി ഭർത്താ​വി​നു ഭാര്യ​യെ​ക്കാൾ വർധിച്ച ശക്തിയുണ്ട്‌. മിക്കവാ​റും എല്ലായ്‌പോ​ഴും അദ്ദേഹം ശാരീ​രി​ക​മാ​യി കൂടുതൽ ശക്തനാണ്‌. ഇതു ശാരീ​രിക ഉപദ്ര​വ​ത്തി​ന്റെ ഏതു ഭീഷണി​യെ​യും കൂടുതൽ ഭയാന​ക​മാ​ക്കു​ന്നു.b കൂടാതെ, പുരു​ഷനു മിക്ക​പ്പോ​ഴും മെച്ചമായ തൊഴിൽ വൈദ​ഗ്‌ധ്യ​വും ജീവി​ത​മാർഗം കണ്ടെത്തു​ന്ന​തിൽ കൂടുതൽ സ്വാത​ന്ത്ര്യ​വും വർധിച്ച സാമ്പത്തിക നേട്ടങ്ങ​ളും ഉണ്ട്‌. ആയതി​നാൽ, വാക്കു​കൾകൊ​ണ്ടു പ്രഹര​മേറ്റ ഒരു സ്‌ത്രീ​ക്കു കെണി​യിൽ അകപ്പെ​ട്ട​താ​യി തോന്നാ​നും ഏകാന്തത അനുഭ​വ​പ്പെ​ടാ​നും ഇടയുണ്ട്‌. അവൾ ജ്ഞാനി​യായ ശലോ​മോൻ രാജാ​വി​ന്റെ പ്രസ്‌താ​വ​ന​യോ​ടു യോജി​ച്ചേ​ക്കാം: “പിന്നെ​യും ഞാൻ സൂര്യന്നു കീഴെ നടക്കുന്ന പീഡന​ങ്ങ​ളെ​യെ​ല്ലാം കണ്ടു; പീഡി​ത​ന്മാർ കണ്ണീ​രൊ​ഴു​ക്കു​ന്നു; അവർക്കു ആശ്വാ​സ​പ്രദൻ ഇല്ല; അവരെ പീഡി​പ്പി​ക്കു​ന്ന​വ​രു​ടെ കയ്യാൽ അവർ ബലാൽക്കാ​രം അനുഭ​വി​ക്കു​ന്നു; എന്നിട്ടും ആശ്വാ​സ​പ്രദൻ അവർക്കില്ല.”—സഭാ​പ്ര​സം​ഗി 4:1.

ഭർത്താവ്‌ അതിരു​കടന്ന നിലകൾക്കി​ട​യിൽ ചാഞ്ചാ​ടു​ന്നു​വെ​ങ്കിൽ, അതായത്‌ ഒരു നിമിഷം മര്യാ​ദ​യു​ള്ള​വ​നും അടുത്ത നിമിഷം വിമർശ​ക​നും ആണെങ്കിൽ ഭാര്യ കുഴഞ്ഞ അവസ്ഥയിൽ ആയിത്തീർന്നേ​ക്കാം. (യാക്കോബ്‌ 3:10 താരത​മ്യം ചെയ്യുക.) കൂടു​ത​ലാ​യി, ഭർത്താവ്‌ ഒരു മതിയായ ഭൗതിക ദാതാ​വാ​ണെ​ങ്കിൽ, പരുക്കൻ സംസാ​ര​ത്തി​ന്റെ ഇരയായ ഭാര്യ​യ്‌ക്ക്‌, വിവാ​ഹ​ത്തിൽ എന്തോ കുഴപ്പ​മു​ണ്ടെന്നു ചിന്തി​ക്കു​ന്നതു നിമിത്തം കുറ്റ​ബോ​ധം അനുഭ​വ​പ്പെ​ട്ടേ​ക്കാം. ഭർത്താ​വി​ന്റെ പെരു​മാ​റ്റ​ത്തിന്‌ അവൾ സ്വയം കുറ്റ​പ്പെ​ടു​ത്തുക പോലും ചെയ്‌തേ​ക്കാം. “ശാരീ​രി​ക​മാ​യി പ്രഹരി​ക്ക​പ്പെട്ട ഒരു ഭാര്യ​യെ​പ്പോ​ലെ​തന്നെ, ഞാനാണ്‌ അതിന്‌ ഉത്തരവാ​ദി എന്ന്‌ ഞാൻ എല്ലായ്‌പോ​ഴും ചിന്തി​ച്ചി​രു​ന്നു” എന്ന്‌ ഒരു സ്‌ത്രീ സമ്മതിച്ചു പറയുന്നു. മറ്റൊരു ഭാര്യ പറയുന്നു: “അദ്ദേഹത്തെ മനസ്സി​ലാ​ക്കാ​നും അദ്ദേഹ​ത്തോ​ടുള്ള ഇടപെ​ട​ലിൽ ‘ക്ഷമയു​ള്ള​വ​ളാ​യി​രി​ക്കാ’നും ഞാൻ കേവലം കഠിന ശ്രമം ചെയ്‌തി​രു​ന്നെ​ങ്കിൽ ഞാൻ സമാധാ​നം കണ്ടെത്തു​മാ​യി​രു​ന്നു​വെന്നു വിശ്വ​സി​ക്കാൻ ഞാൻ പ്രേരി​പ്പി​ക്ക​പ്പെട്ടു.” സങ്കടക​ര​മെന്നു പറയട്ടെ, ദുഷ്‌പെ​രു​മാ​റ്റം മിക്ക​പ്പോ​ഴും തുടരു​ന്നു.

സ്‌നേ​ഹി​ക്കാ​മെ​ന്നും വാത്സല്യ​പൂർവം പരിപാ​ലി​ക്കാ​മെ​ന്നും തങ്ങൾ പ്രതിജ്ഞ ചെയ്‌തി​ട്ടുള്ള സ്‌ത്രീ​യു​ടെ​മേൽ ആധിപ​ത്യം പുലർത്തി​ക്കൊണ്ട്‌ അനേകം ഭർത്താ​ക്കൻമാർ തങ്ങളുടെ ശക്തി ദുരു​പ​യോ​ഗി​ക്കു​ന്നതു തീർച്ച​യാ​യും ദയനീ​യ​മാണ്‌. (ഉല്‌പത്തി 3:16) എന്നാൽ അത്തരം ഒരു സാഹച​ര്യം സംബന്ധിച്ച്‌ എന്തു ചെയ്യാൻ കഴിയും? “പിരി​ഞ്ഞു​പോ​കാൻ ഞാൻ ആഗ്രഹി​ക്കു​ന്നില്ല, അദ്ദേഹം എന്നെ അധി​ക്ഷേ​പി​ക്കു​ന്നത്‌ ഒന്നു നിർത്ത​ണ​മെന്നേ എനിക്ക്‌ ആഗ്രഹ​മു​ള്ളൂ,” എന്ന്‌ ഒരു ഭാര്യ പറയുന്നു. ഒമ്പതു വർഷത്തെ വിവാഹ ജീവി​ത​ത്തി​നു​ശേഷം ഒരു ഭർത്താവ്‌ ഇപ്രകാ​രം സമ്മതി​ക്കു​ന്നു: “ഞാൻ വാക്കു​കൾകൊണ്ട്‌ അധി​ക്ഷേ​പി​ക്കുന്ന ഒരു ബന്ധത്തി​ലാ​ണെ​ന്നും അധി​ക്ഷേ​പകൻ ഞാനാ​ണെ​ന്നും ഞാൻ തിരി​ച്ച​റി​യു​ന്നു. നിശ്ചയ​മാ​യും ഞാൻ മാറ്റം​വ​രു​ത്താൻ ആഗ്രഹി​ക്കു​ന്നു, പിരി​ഞ്ഞു​പോ​കാ​നല്ല.”

തുടർന്നു​വ​രു​ന്ന ലേഖനം പ്രകട​മാ​ക്കും പോലെ, വ്രണ​പ്പെ​ടു​ത്തുന്ന സംസാ​ര​ത്താൽ തങ്ങളുടെ വിവാഹം ബാധി​ക്ക​പ്പെ​ട്ടി​രി​ക്കു​ന്ന​വർക്കു സഹായ​മുണ്ട്‌.

[അടിക്കു​റി​പ്പു​കൾ]

[6-ാം പേജിലെ ആകർഷ​ക​വാ​ക്യം]

ദയനീയമെന്നു പറയട്ടെ, സ്‌നേ​ഹി​ക്കാ​മെ​ന്നും വാത്സല്യ​പൂർവം പരിപാ​ലി​ക്കാ​മെ​ന്നും തങ്ങൾ പ്രതിജ്ഞ ചെയ്‌തി​ട്ടുള്ള സ്‌ത്രീ​യു​ടെ​മേൽ ആധിപ​ത്യം പുലർത്തി​ക്കൊണ്ട്‌ അനേകം ഭർത്താ​ക്കൻമാർ തങ്ങളുടെ ശക്തി ദുരു​പ​യോ​ഗി​ക്കു​ന്നു

[7-ാം പേജിലെ ചിത്രം]

മാതാപിതാക്കൾ പരസ്‌പരം ഇടപെ​ടുന്ന വിധം ഒരു കുട്ടിയെ സ്വാധീ​നി​ക്കു​ന്നു