വ്യാജ​മതം അതിന്റെ നാശത്തി​ലേക്കു കുതി​ക്കു​ന്നു!

ഈ ലോക​ത്തി​ലെ മതങ്ങളു​ടെ അന്ത്യം ആസന്നമാ​ണോ എന്നു കണ്ടെത്തു​ന്ന​തി​നു ബൈബി​ളി​ലെ ഏറ്റവും വിസ്‌മ​യാ​വ​ഹ​മായ പ്രവച​ന​ങ്ങ​ളി​ലൊ​ന്നു നമുക്കു സൂക്ഷ്‌മ വിശക​ലനം ചെയ്യാം. അത്‌, ബൈബി​ളി​ലെ അവസാന പുസ്‌ത​ക​മായ വെളി​പ്പാ​ടിൽ വർണി​ച്ചി​രി​ക്കുന്ന നിഗൂഢ പ്രതീ​കാ​ത്മക സ്‌ത്രീ​യെ​ക്കു​റി​ച്ചു​ള്ള​താണ്‌.

രാഷ്‌ട്ര​ങ്ങ​ളു​ടെ​മേൽ രാജ്ഞി​യാ​യി വാഴു​ക​യും ചരി​ത്ര​ത്തി​ലു​ട​നീ​ളം ജനകോ​ടി​ക​ളു​ടെ​മേൽ സ്വാധീ​നം ചെലു​ത്തു​ക​യും ചെയ്‌തി​രി​ക്കുന്ന ഒരു സ്‌ത്രീ​യെ, താമ്ര​വർണ​ത്തി​ലും കടുഞ്ചു​വപ്പു നിറത്തി​ലും ആഡംബ​ര​ത്തോ​ടെ വസ്‌ത്ര​ധാ​രണം ചെയ്‌തി​രി​ക്കുന്ന, സ്വർണ​വും വില​യേ​റിയ കല്ലുക​ളും മുത്തു​ക​ളും അണിഞ്ഞി​രി​ക്കുന്ന ഒരു സമ്പന്ന സ്‌ത്രീ​യെ നിങ്ങൾക്കു ഭാവന​യിൽ കാണാൻ കഴിയു​മോ? അവളുടെ നെറ്റി​മേൽ, “മഹതി​യാം ബാബി​ലോൻ; വേശ്യ​മാ​രു​ടെ​യും മ്ലേച്ഛത​ക​ളു​ടെ​യും മാതാവു” എന്ന ഒരു നീണ്ട പേര്‌, ഒരു മർമം എഴുതി​യി​രി​ക്കു​ന്നു. ഭൂമി​യി​ലെ ഭരണാ​ധി​കാ​രി​ക​ളു​മാ​യി “വേശ്യാ​വൃ​ത്തി” ചെയ്‌ത അവളുടെ പ്രത്യേ​ക​ത​യാ​ണു ധിക്കാ​ര​പ​ര​വും അനുവാ​ദാ​ത്മ​ക​വു​മായ ജീവിതം. അവളുടെ പാപങ്ങൾ ആകാശ​ത്തോ​ളം കുന്നി​ച്ചി​രി​ക്കു​ന്നു. അവൾ യാത്ര ചെയ്യു​ന്നത്‌ ഏഴു തലയും പത്തു കൊമ്പു​മുള്ള, കടുഞ്ചു​വപ്പു നിറത്തി​ലുള്ള ഒരു ബീഭത്സ മൃഗത്തി​ന്റെ പുറത്താണ്‌.—വെളി​പ്പാ​ടു 17:1-6; 18:5.

ഈ സ്‌ത്രീ​യെ നിങ്ങൾക്കു വിഭാവന ചെയ്യാൻ കഴിയു​മെ​ങ്കിൽ, ഒരു ദൂതൻ കൊടുത്ത ദർശന​ത്തിൽ യേശു​വി​ന്റെ അപ്പോ​സ്‌ത​ല​നായ യോഹ​ന്നാൻ കണ്ട പ്രാവ​ച​നിക നാടക​ത്തി​ലെ പ്രധാന കഥാപാ​ത്ര​ത്തെ​ക്കു​റി​ച്ചു നിങ്ങൾക്ക്‌ ഒരു ധാരണ ലഭിക്കും. വെളി​പ്പാ​ടു 17, 18 അധ്യാ​യ​ങ്ങ​ളിൽ അവൻ അതു വ്യക്തമാ​യി വർണി​ക്കു​ന്നു. ആ അധ്യാ​യങ്ങൾ നിങ്ങളു​ടെ ബൈബി​ളിൽനി​ന്നു​തന്നെ വായി​ക്കുക. ഈ നിഗൂഢ സ്‌ത്രീ​യെ വെളി​പ്പെ​ടു​ത്തു​ന്ന​തു​മു​തൽ അവളുടെ മരണക​ര​മായ അന്ത്യം​വ​രെ​യുള്ള സംഭവ​പ​ര​മ്പ​രകൾ മനസ്സി​ലാ​ക്കാൻ നിങ്ങൾക്കു കഴിയും.

വേശ്യയെ തിരി​ച്ച​റി​യി​ക്കൽ

അവളുടെ താദാ​ത്മ്യം അറിയു​ന്ന​തി​നുള്ള ഒരു സൂചന, വേശ്യ​യും രാജ്ഞി​യു​മാ​യി അവൾ പ്രതീ​കാ​ത്മ​ക​മാ​യി ഇരിക്കുന്ന രണ്ടു സംഗതി​ക​ളിൽ കാണാൻ സാധി​ക്കും. “ഭൂരാ​ജാ​ക്ക​ന്മാ​രു​ടെ മേൽ രാജത്വ​മുള്ള മഹാന​ഗരം” എന്നു വെളി​പ്പാ​ടു 17:8-ൽ അവളെ വർണി​ച്ചി​രി​ക്കു​ന്നു. വെളി​പ്പാ​ടു 17:1, 15-ൽ പ്രകട​മാ​ക്ക​പ്പെ​ട്ടി​രി​ക്കു​ന്ന​തു​പോ​ലെ, ‘വംശങ്ങ​ളെ​യും പുരു​ഷാ​ര​ങ്ങ​ളെ​യും ജാതി​ക​ളെ​യും ഭാഷക​ളെ​യും’ അർഥമാ​ക്കുന്ന “വെള്ള”ത്തിന്മേൽ ഇരിക്കാൻ ഇത്‌ അവളെ അനുവ​ദി​ക്കു​ന്നു. അതേ അധ്യാ​യ​ത്തി​ന്റെ​തന്നെ 3-ാം വാക്യം പറയു​ന്ന​ത​നു​സ​രിച്ച്‌, ഏഴു തലയുള്ള ഒരു കാട്ടു​മൃ​ഗ​ത്തി​ന്റെ പുറത്ത്‌ അവൾ ഇരിക്കു​ന്ന​താ​യി കാണാം—ലൗകിക രാഷ്‌ട്രീയ അധികാ​ര​ങ്ങ​ളു​ടെ​യോ സംഘട​ന​ക​ളു​ടെ​യോ പ്രതീ​ക​ങ്ങ​ളാ​യാ​ണു മൃഗങ്ങളെ പൊതു​വേ ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌.

ഈ വേശ്യ, അതായത്‌ മഹാബാ​ബി​ലോൻ ഒരു ഉദ്ധത സാമ്രാ​ജ്യ​ത്തി​ന്റെ, മറ്റ്‌ അധികാ​ര​ങ്ങ​ളെ​യും അവയുടെ പ്രജക​ളെ​യും ഭരിക്കുന്ന ഒന്നിന്റെ പ്രതീ​ക​മാ​ണെന്ന്‌ ഇതു സൂചി​പ്പി​ക്കു​ന്നു. അതു ലോക​വ്യാ​ജമത സാമ്രാ​ജ്യ​മാ​യി​രി​ക്കാ​നേ വഴിയു​ള്ളൂ.

രാഷ്‌ട്ര​ത്തി​ന്റെ നയത്തോ​ടു ബന്ധപ്പെട്ട കാര്യ​ങ്ങ​ളി​ലും രാഷ്‌ട്രീ​യ​ത്തി​ലു​മുള്ള മതനേ​താ​ക്ക​ന്മാ​രു​ടെ സ്വാധീ​നം ചരി​ത്ര​ത്തി​ലെ സുവി​ദി​ത​മായ ഒരു ഭാഗമാണ്‌. ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം പ്രസ്‌താ​വി​ക്കു​ന്നു: “പശ്ചിമ റോമാ സാമ്രാ​ജ്യ​ത്തി​ന്റെ പതനത്തി​നു​ശേഷം [5-ാം നൂറ്റാണ്ട്‌], യൂറോ​പ്പിൽ മറ്റേതു വ്യക്തി​യെ​ക്കാ​ളും കൂടുതൽ അധികാ​രം പാപ്പാ​യ്‌ക്കു ലഭിച്ചു. . . . പാപ്പാ രാഷ്‌ട്രീ​യ​വും ആധ്യാ​ത്മി​ക​വു​മായ അധികാ​രം ചെലുത്തി. 800-ൽ ലിയോ III-ാമൻ പാപ്പാ ഫ്രാങ്കിഷ്‌ ഭരണാ​ധി​കാ​രി​യായ ഷാർല​മാ​നെ [മഹാനായ ചാൾസി​നെ] റോമാ​ക്കാ​രു​ടെ ചക്രവർത്തി​യാ​യി കിരീ​ട​മ​ണി​യി​ച്ചു. . . . ഒരു ചക്രവർത്തി​യു​ടെ അധികാ​രം നിയമ​പ​ര​മാ​ക്കു​ന്ന​തി​നുള്ള പാപ്പാ​യു​ടെ അധികാ​രം ലിയോ III-ാമൻ സ്ഥാപി​ച്ചെ​ടു​ത്തു.”

കത്തോ​ലി​ക്കാ സഭയും അതിന്റെ ‘രാജകു​മാ​ര​ന്മാ​രും’ ഭരണാ​ധി​കാ​രി​ക​ളു​ടെ​മേൽ ചെലു​ത്തിയ അധികാ​ര​ത്തി​ന്റെ മറ്റൊരു ഉദാഹ​ര​ണ​മാ​യി​രു​ന്നു കർദി​നാൾ തോമസ്‌ വൂൾസി (1475?-1530). “അനേക വർഷക്കാ​ലം ഇംഗ്ലണ്ടി​ലെ ഏറ്റവും പ്രബല​നാ​യി​രുന്ന വ്യക്തി” എന്ന്‌ അദ്ദേഹം വിശേ​ഷി​പ്പി​ക്ക​പ്പെ​ടു​ന്നു. രാജാ​വായ ഹെൻട്രി VIII-ാമന്റെ ഭരണത്തിൻ കീഴിൽ അദ്ദേഹം “പെട്ടെ​ന്നു​തന്നെ ഭരണപ​ര​മായ എല്ലാ കാര്യ​ങ്ങ​ളും നിയ​ന്ത്രി​ക്കുന്ന വ്യക്തി​യാ​യി​ത്തീർന്നു. . . . രാജകീ​യ​മായ പ്രൗഢി​യിൽ ജീവിച്ച അദ്ദേഹം അധികാ​രം കയ്യാളി.” ആ എൻ​സൈ​ക്ലോ​പീ​ഡി​യ​യി​ലെ വിവരണം ഇങ്ങനെ തുടരു​ന്നു: “കർദി​നാൾ വൂൾസി ഒരു രാജ്യ​ത​ന്ത്ര​ജ്ഞ​നും ഭരണാ​ധി​കാ​രി​യു​മെന്ന നിലയി​ലുള്ള തന്റെ മഹത്തായ കഴിവു​കൾ ഹെൻട്രി VIII-ാമനു വേണ്ടി ഇംഗ്ലണ്ടി​ന്റെ വിദേശ കാര്യം കൈകാ​ര്യം ചെയ്യു​ന്ന​തിൽ മുഖ്യ​മാ​യി വിനി​യോ​ഗി​ച്ചു.”

രാഷ്‌ട്ര​ത്തി​ന്റെ ലൗകിക കാര്യ​ങ്ങ​ളി​ന്മേ​ലുള്ള കത്തോ​ലി​ക്കാ അധികാ​ര​ത്തി​ന്റെ മറ്റൊരു മുന്തിയ ഉദാഹ​ര​ണ​മാ​യി​രു​ന്നു ഫ്രാൻസി​ലെ കർദി​നാ​ളായ റിഷല്യൂ (1585-1642). അദ്ദേഹ​മാ​യി​രു​ന്നു “18 വർഷത്തി​ലേറെ . . . ഫ്രാൻസി​ന്റെ യഥാർഥ ഭരണാ​ധി​കാ​രി.” മുമ്പ്‌ ഉദ്ധരിച്ച പ്രസി​ദ്ധീ​ക​രണം ഇങ്ങനെ പ്രസ്‌താ​വി​ക്കു​ന്നു: “അങ്ങേയറ്റം അധികാ​ര​മോ​ഹി​യാ​യി​രുന്ന അദ്ദേഹം പെട്ടെ​ന്നു​തന്നെ ഉന്നത സ്ഥാനത്തി​നാ​യി അക്ഷമനാ​യി​ത്തീർന്നു.” 1622-ൽ കർദി​നാ​ളാ​യി നിയു​ക്ത​നായ അദ്ദേഹം “പെട്ടെ​ന്നു​തന്നെ ഫ്രഞ്ച്‌ ഗവൺമെൻറി​ലെ പ്രബല സ്വാധീ​ന​വു​മാ​യി​ത്തീർന്നു.” പ്രത്യ​ക്ഷ​ത്തിൽ, അദ്ദേഹം കർമധീ​ര​നാ​യി​രു​ന്നു. കാരണം, “ലാ റോ​ച്ചെ​ലെ​യു​ടെ​മേൽ ഉപരോ​ധം ഏർപ്പെ​ടു​ത്തി​യ​പ്പോൾ അദ്ദേഹം​ത​ന്നെ​യാ​ണു രാജകീയ സൈന്യ​ത്തെ നയിച്ചത്‌.” ആ ലേഖനം ഇങ്ങനെ കൂട്ടി​ച്ചേർക്കു​ന്നു: “റിഷല്യൂ​വി​ന്റെ ഏറ്റവും വലിയ താത്‌പ​ര്യം വിദേശ കാര്യ​ങ്ങ​ളി​ലാ​യി​രു​ന്നു.”

രാഷ്‌ട്രീ​യ അധികാ​ര​ങ്ങ​ളി​ലുള്ള വത്തിക്കാ​ന്റെ തുടർച്ച​യായ ഇടപെടൽ ലൊ​സെർവാ​റ്റോ​റെ റോമാ​നോ എന്ന വത്തിക്കാൻ പത്രത്തിൽ വിദേശ രാജ്യ​ത​ന്ത്രജ്ഞർ പരമാ​ധി​കാ​രി​യായ പാപ്പാ​യ്‌ക്കു തങ്ങളുടെ വിശ്വാ​സ​പ​ത്രങ്ങൾ സമർപ്പി​ക്കു​ന്ന​തി​നെ​ക്കു​റി​ച്ചുള്ള നിരന്തര അറിയി​പ്പു​ക​ളിൽനി​ന്നു കാണാൻ സാധി​ക്കും. ലോക​വ്യാ​പ​ക​മാ​യുള്ള രാഷ്‌ട്രീ​യ​വും നയത​ന്ത്ര​പ്ര​ധാ​ന​വു​മായ സംഭവ​വി​കാ​സങ്ങൾ സംബന്ധി​ച്ചു പാപ്പായെ അറിയി​ച്ചു​കൊ​ണ്ടി​രി​ക്കാൻ വിശ്വസ്‌ത കത്തോ​ലി​ക്ക​രു​ടെ ഒരു ശൃംഖ​ല​തന്നെ വത്തിക്കാ​നി​ലു​ണ്ടെ​ന്നതു സ്‌പഷ്ട​മാണ്‌.

ലോക രാഷ്‌ട്രീ​യ​ത്തിൽ—ക്രൈ​സ്‌ത​വ​ലോ​ക​ത്തിന്‌ അകത്തും പുറത്തും—മതനേ​താ​ക്ക​ന്മാർക്കുള്ള ശക്തമായ സ്വാധീ​നത്തെ എടുത്തു​കാ​ണി​ക്കുന്ന അനവധി ഉദാഹ​ര​ണങ്ങൾ ഇനിയും നൽകാൻ സാധി​ക്കും. ആ പ്രതീ​കാ​ത്മക വേശ്യ (‘വംശങ്ങ​ളെ​യും പുരു​ഷാ​ര​ങ്ങ​ളെ​യും ജാതി​ക​ളെ​യും’ പ്രതി​നി​ധാ​നം ചെയ്യുന്ന) എല്ലാ “വെള്ള”ത്തിന്മേ​ലും (ലോക​ത്തി​ലെ എല്ലാ രാഷ്‌ട്രീയ അധികാ​ര​ങ്ങ​ളെ​യും പ്രതി​നി​ധാ​നം ചെയ്യുന്ന) കാട്ടു​മൃ​ഗ​ത്തി​ന്മേ​ലും ഇരിക്കു​ന്നു എന്ന വസ്‌തു​ത​യും സൂചി​പ്പി​ക്കു​ന്നത്‌, ജനതക​ളു​ടെ​യും രാഷ്‌ട്ര​ങ്ങ​ളു​ടെ​യും അധികാ​ര​ങ്ങ​ളു​ടെ​യും മേലുള്ള അവളുടെ സ്വാധീ​നം കേവലം രാഷ്‌ട്രീയ അധികാ​ര​ത്തെ​ക്കാൾ കവിഞ്ഞ, ഉന്നതമായ പ്രകൃ​ത​മു​ള്ള​താ​ണെ​ന്നാണ്‌. അത്‌ എങ്ങനെ​യു​ള്ള​താ​ണെന്നു നമുക്കു നോക്കാം.

അവളുടെ നെറ്റി​മേ​ലുള്ള ദീർഘ​മായ പേരിന്റെ ഒരു ഭാഗമാണ്‌ “മഹതി​യാം ബാബി​ലോൻ.” ഏതാണ്ട്‌ 4,000 വർഷം മുമ്പ്‌, സത്യ​ദൈ​വ​മായ “യഹോ​വ​യ്‌ക്കെ​തി​രാ​യി​രുന്ന” നി​മ്രോദ്‌ സ്ഥാപിച്ച പുരാതന ബാബി​ലോ​നെ​ക്കു​റി​ച്ചുള്ള ഒരു പരാമർശ​മാ​യി​രു​ന്നു അത്‌. (ഉല്‌പത്തി 10:8-10) അവൾ ആ നാമം വഹിക്കു​ന്നത്‌, പുരാതന ബാബി​ലോ​ന്റേ​തി​നോ​ടു സമാന​മായ സവി​ശേ​ഷ​ത​ക​ളുള്ള, അതി​ന്റെ​തന്നെ വലുതായ പ്രതീ​ക​മാണ്‌ അവളെന്നു സൂചി​പ്പി​ക്കു​ന്നു. എന്താണ്‌ ആ സവി​ശേഷത? ഗൂഢവി​ദ്യാ​പ​ര​മായ മതം, അധമമായ പാരമ്പ​ര്യ​ങ്ങൾ, വിഗ്ര​ഹാ​രാ​ധന, മന്ത്രവാ​ദം, ജ്യോ​തി​ഷം, അന്ധവി​ശ്വാ​സം തുടങ്ങിയ സംഗതി​കൾ പുരാതന ബാബി​ലോ​നിൽ വ്യാപ​ക​മാ​യു​ണ്ടാ​യി​രു​ന്നു—അവയെ​ല്ലാം യഹോ​വ​യു​ടെ വചനം കുറ്റം വിധി​ക്കുന്ന കാര്യ​ങ്ങ​ളാണ്‌.

പൊ.യു.മു. 18-ാം നൂറ്റാ​ണ്ടിൽ മർഡൂക്ക്‌ “ബാബി​ലോ​നി​ലെ നഗര​ദൈ​വ​വും ഏതാണ്ട്‌ 1300 ദേവന്മാർ വരുന്ന ദേവഗ​ണ​മായ സുമേ​റി​യൻ അക്കാഡി​ന്റെ ശിരസ്സു​മാ​യി” വാഴ്‌ത്ത​പ്പെട്ടു. അത്‌ എല്ലാ മതപാ​ര​മ്പ​ര്യ​ങ്ങ​ളെ​യും ഒരു സംവി​ധാ​ന​ത്തിൻകീ​ഴിൽ കൊണ്ടു​വന്നു. . . . സ്വർഗത്തെ പിടി​ച്ച​ട​ക്കാൻ അഭില​ഷി​ക്കുന്ന മനുഷ്യ അഹന്തയു​ടെ പ്രകട​ന​മാ​യി ബാബി​ലോ​നി​ലെ കൂറ്റൻ ആലയത്തി​ന്റെ നിർമാ​ണത്തെ ഉല്‌പത്തി 11:1-9-ൽ മുദ്ര കുത്തി​യി​രി​ക്കു​ന്നു” എന്ന്‌ ദ ന്യൂ ഇൻറർനാ​ഷണൽ ഡിക്‌ഷ്‌നറി ഓഫ്‌ ന്യൂ ടെസ്റ്റ​മെൻറ്‌ തിയോ​ളജി പറയുന്നു.

അങ്ങനെ, പുരാതന ബാബി​ലോൻ വ്യാജ​മ​ത​ത്തി​ന്റെ സിരാ​കേ​ന്ദ്ര​മാ​യി​രു​ന്നു. കാല​ക്ര​മേണ അതു മുഴു ലോക​ത്തി​ലേ​ക്കും വ്യാപി​ച്ചു. ബാബി​ലോ​ന്യ മതാചാ​ര​ങ്ങ​ളും ഉപദേ​ശ​ങ്ങ​ളും പാരമ്പ​ര്യ​ങ്ങ​ളും പ്രതീ​ക​ങ്ങ​ളും ഭൂമി​യു​ടെ എല്ലാ ഭാഗങ്ങ​ളി​ലേ​ക്കും വ്യാപി​ച്ചി​രി​ക്കു​ന്നു​വെന്നു മാത്രമല്ല, ലോക​ത്തി​ലെ അനേകാ​യി​രം മതങ്ങളു​ടെ വ്യാമി​ശ്ര​തയെ പ്രതി​ഫ​ലി​പ്പി​ക്കു​ക​യും ചെയ്യുന്നു. രാഷ്‌ട്രീ​യ​സ്വ​ഭാ​വ​മുള്ള രാജ്യ​ങ്ങ​ളും സാമ്രാ​ജ്യ​ങ്ങ​ളും വരുക​യും പോകു​ക​യും ചെയ്‌തി​ട്ടുണ്ട്‌, എന്നാൽ ബാബി​ലോ​ന്യ മതം അവയെ​യെ​ല്ലാം അതിജീ​വി​ച്ചി​രി​ക്കു​ന്നു.

വധനിർവ​ഹണം വളരെ ആസന്നമാ​യി​രി​ക്കു​ന്നത്‌ എന്തു​കൊണ്ട്‌?

ഈ മാസി​ക​യു​ടെ മുൻ ലക്കങ്ങളിൽ ആവർത്തി​ച്ചു വിശദീ​ക​രി​ച്ചി​ട്ടു​ള്ള​തു​പോ​ലെ, ബൈബിൾ പ്രവച​ന​വും 1914 മുതൽ ലോകത്തെ പിടി​ച്ചു​കു​ലു​ക്കുന്ന സംഭവ​ങ്ങ​ളും നാമി​പ്പോൾ ഈ “വ്യവസ്ഥി​തി​യു​ടെ സമാപന”ത്തിലാണു ജീവി​ക്കു​ന്ന​തെന്ന്‌ തെളി​വാ​യി സൂചി​പ്പി​ക്കു​ന്നു. (മത്തായി 24:3, NW) അതിന്റെ അർഥം മൃഗസ​മാ​ന​മായ ഈ ലോക​വ്യ​വ​സ്ഥി​തി​യു​ടെ​യും വേശ്യ ഇപ്പോൾ സവാരി ചെയ്‌തു​കൊ​ണ്ടി​രി​ക്കുന്ന പത്തു കൊമ്പും “കടുഞ്ചു​വപ്പു”മുള്ള കാട്ടു​മൃ​ഗ​ത്തി​ന്റെ​യും അന്ത്യം വളരെ വേഗം അടുത്തു​കൊ​ണ്ടി​രി​ക്കു​ന്നു​വെ​ന്നാണ്‌. (വെളി​പ്പാ​ടു 17:3) തെളി​വ​നു​സ​രിച്ച്‌ ഈ മൃഗം പ്രതി​നി​ധാ​നം ചെയ്യു​ന്നതു ഭൂമി​യി​ലെ എല്ലാ രാഷ്‌ട്ര​ങ്ങ​ളു​ടെ​യും തന്നെ സംയു​ക്ത​മായ ഐക്യ​രാ​ഷ്‌ട്ര​ങ്ങ​ളെ​യാണ്‌. മനുഷ്യ​വർഗ​ത്തി​ന്മേ​ലുള്ള ഭിന്നി​പ്പി​ക്കുന്ന, അഭക്ത രാഷ്‌ട്രീയ ഭരണാ​ധി​പ​ത്യ​ത്തെ നിർമൂ​ലനം ചെയ്യുക എന്നാണു മുൻകൂ​ട്ടി​പ്പ​റ​യ​പ്പെട്ട അന്ത്യത്തി​ന്റെ അർഥം. എന്നാൽ മൃഗത്തി​ന്റെ പുറത്തു സവാരി ചെയ്യുന്ന വേശ്യ​യും രാജ്ഞി​യു​മാ​യ​വളെ സംബന്ധി​ച്ചെന്ത്‌?

ദൈവ​ദൂ​തൻ വിശദീ​ക​രി​ക്കു​ന്നു: “നീ കണ്ട പത്തു കൊമ്പും മൃഗവും വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും. ദൈവ​ത്തി​ന്റെ വചനം നിവൃ​ത്തി​യാ​കു​വോ​ളം തന്റെ ഹിതം ചെയ്‌വാ​നും ഒരേ അഭി​പ്രാ​യം നടത്തു​വാ​നും തങ്ങടെ രാജത്വം മൃഗത്തി​ന്നു കൊടു​പ്പാ​നും ദൈവം അവരുടെ ഹൃദയ​ത്തിൽ തോന്നി​ച്ചു.”—വെളി​പ്പാ​ടു 17:16, 17.

രാഷ്‌ട്രീ​യ കാട്ടു​മൃ​ഗം നാശത്തി​ലേക്കു പോകു​ന്ന​തി​നു തൊട്ടു മുമ്പ്‌, അത്‌ അതിന്റെ പുറത്തു സവാരി ചെയ്യു​ന്ന​വളെ ദ്വേഷി​ക്കാൻ തുടങ്ങു​ക​യും അവൾക്കെ​തി​രെ തിരി​യു​ക​യും ചെയ്യു​മെന്നു പ്രവചനം സൂചി​പ്പി​ക്കു​ന്നു. എന്തു​കൊണ്ട്‌? രാഷ്‌ട്രീയ അതിർത്തി​കൾക്കു​ള്ളിൽ പ്രവർത്ത​ന​ത്തി​ലി​രി​ക്കുന്ന സംഘടിത മതം തങ്ങളുടെ ശക്തിക്കും അധികാ​ര​ത്തി​നും ഭീഷണി​യാ​യി​രി​ക്കു​ന്ന​താ​യി ഭരണാ​ധി​പ​ന്മാ​രും ഗവൺമെൻറു​ക​ളും പ്രത്യ​ക്ഷ​ത്തിൽ വിചാ​രി​ക്കും. പെട്ടെ​ന്നു​തന്നെ, ഒരു പ്രബല​മായ ശക്തിയാൽ പ്രോ​ത്സാ​ഹി​പ്പി​ക്ക​പ്പെട്ട്‌ വ്യഭി​ചാ​രി​ണി​യും രക്തപങ്കി​ല​യു​മായ വ്യാജ​മ​ത​ലോ​ക​സാ​മ്രാ​ജ്യ​ത്തെ നശിപ്പി​ച്ചു​കൊണ്ട്‌ അവ ദൈവ​ത്തി​ന്റെ “ഹിതം,” അവന്റെ തീരു​മാ​നം നിറ​വേ​റ്റും.a—യിരെ​മ്യാ​വു 7:8-11, 34 താരത​മ്യം ചെയ്യുക.

ലോക​ത്തി​ലെ വ്യാജ​മ​തങ്ങൾ പ്രത്യ​ക്ഷ​ത്തിൽ സ്വാധീ​നം ചെലു​ത്തു​ന്ന​തും പ്രബല​വു​മാ​യി​രി​ക്കുന്ന ഘട്ടത്തി​ലാ​യി​രി​ക്കും അവയുടെ അന്ത്യം വരുക. അതേ, നശിപ്പി​ക്ക​പ്പെ​ടു​ന്ന​തി​നു തൊട്ടു മുമ്പ്‌, “രാജ്ഞി​യാ​യി​ട്ടു ഞാൻ ഇരിക്കു​ന്നു; ഞാൻ വിധവയല്ല; ദുഃഖം കാൺക​യു​മില്ല” എന്നു വേശ്യ ഹൃദയ​ത്തിൽ പറയു​മെന്നു പ്രവചനം പ്രകട​മാ​ക്കു​ന്നു. (വെളി​പ്പാ​ടു 18:7) എന്നാൽ, അവളുടെ നാശം ശതകോ​ടി​ക്ക​ണ​ക്കി​നു വരുന്ന അവളുടെ പ്രജക​ളിൽ അതിശയം ഉളവാ​ക്കും. മാനവ​ച​രി​ത്ര​ത്തി​ലെ ഏറ്റവും അപ്രതീ​ക്ഷി​ത​വും വിപത്‌ക​ര​വു​മായ ഒരു സംഭവ​മാ​യി​രി​ക്കും അത്‌.

പുരാതന ബാബി​ലോൻ ഉദയം ചെയ്‌ത​തു​മു​തൽ, വ്യാജ​മ​തങ്ങൾ അവയുടെ നേതാ​ക്ക​ന്മാ​രി​ലൂ​ടെ​യും പിന്തു​ണ​ക്കാ​രി​ലൂ​ടെ​യും ഉപദേ​ശ​ങ്ങ​ളി​ലൂ​ടെ​യും പാരമ്പ​ര്യ​ങ്ങ​ളി​ലൂ​ടെ​യും ആചാര​ങ്ങ​ളി​ലൂ​ടെ​യും അവയുടെ മതിപ്പാർന്ന ആരാധ​നാ​മ​ന്ദി​ര​ങ്ങ​ളി​ലൂ​ടെ​യും അവയുടെ അവിശ്വ​സ​നീ​യ​മായ സമ്പത്തി​ലൂ​ടെ​യും മാനവ​രാ​ശി​യു​ടെ​മേൽ ശക്തമായ പ്രഭാവം ചെലു​ത്തി​യി​രി​ക്കു​ന്നു. ആരും ശ്രദ്ധി​ക്ക​പ്പെ​ടാ​തെ ആയിരി​ക്കു​ക​യില്ല അവ തിരോ​ഭ​വി​ക്കുക. “മരണം, ദുഃഖം, ക്ഷാമം എന്നിങ്ങനെ അവളുടെ ബാധകൾ ഒരു ദിവസ​ത്തിൽ തന്നേ വരും; അവളെ തീയിൽ ഇട്ടു ചുട്ടു​ക​ള​യും; അവളെ ന്യായം​വി​ധിച്ച ദൈവ​മായ കർത്താവു ശക്തനല്ലോ” എന്നു പ്രഖ്യാ​പി​ക്കു​മ്പോൾ വേശ്യ​യു​ടെ​മേ​ലുള്ള ന്യായ​വി​ധി​സ​ന്ദേശം അറിയി​ക്കാൻ ഭരമേൽപ്പി​ക്ക​പ്പെ​ട്ടി​രി​ക്കുന്ന ദൂതൻ വെട്ടി​ത്തു​റന്നു സംസാ​രി​ക്കു​ന്നു. അതു​കൊണ്ട്‌ മഹാബാ​ബി​ലോ​ന്റെ അവസാനം അപ്രതീ​ക്ഷി​ത​മായ ഒരു ഇടിമി​ന്നൽപോ​ലെ പെട്ടെന്ന്‌, “ഒരു ദിവസ​ത്തിൽ തന്നേ,” സംഭവി​ക്കും.—വെളി​പ്പാ​ടു 18:8; യെശയ്യാ​വു 47:8, 9, 11.

ദൂതന്റെ ശക്തമായ വാക്കുകൾ ഈ ചോദ്യ​ത്തി​ലേക്കു നയിക്കു​ന്നു, ഏതെങ്കി​ലും മതം അവശേ​ഷി​ക്കു​മോ, എങ്കിൽ ഏത്‌, എന്തു​കൊണ്ട്‌? പ്രവചനം എന്തു കാട്ടുന്നു? അടുത്ത ലേഖന​ത്തിൽ ഇതു കൈകാ​ര്യം ചെയ്യു​ന്ന​താ​യി​രി​ക്കും.

[അടിക്കു​റിപ്പ്‌]

[6-ാം പേജിലെ ചതുരം]

ആഫ്രിക്കയിൽ ക്രൈ​സ്‌ത​വ​ലോ​ക​ത്തി​ന്റെ രക്തപാ​ത​കം

“ഭൂമി​യിൽവെച്ചു കൊന്നു​കളഞ്ഞ എല്ലാവ​രു​ടെ​യും” രക്തം മഹാബാ​ബി​ലോ​നിൽ കാണു​ന്നു​വെന്നു വെളി​പ്പാ​ടു 18:24-ൽ ബൈബിൾ പറയുന്നു. മതപര​മായ വ്യത്യാ​സങ്ങൾ നിമി​ത്ത​വും മതനേ​താ​ക്ക​ന്മാർ അവ ഒഴിവാ​ക്കാൻ ശ്രമി​ക്കാ​ഞ്ഞതു നിമി​ത്ത​വും ഉണ്ടായി​ട്ടുള്ള യുദ്ധങ്ങ​ളെ​ക്കു​റി​ച്ചു ചിന്തി​ച്ചു​നോ​ക്കുക. റുവാ​ണ്ട​യി​ലെ വംശഹത്യ ഇതിന്റെ അടുത്ത കാലത്തെ ഉദാഹ​ര​ണ​ത്തി​നു തെളി​വാ​യി​രു​ന്നു. അതിൽ ഏതാണ്ട്‌ 5,00,000 ആളുക​ളാ​ണു കൊല്ല​പ്പെ​ട്ടത്‌—അവരിൽ മൂന്നി​ലൊ​ന്നും കുട്ടി​ക​ളാ​യി​രു​ന്നു.

കാനഡ​ക്കാ​ര​നായ ഗ്രന്ഥകർത്താവ്‌ ഹ്യൂ മക്കലം റുവാ​ണ്ട​യിൽനിന്ന്‌ ഇങ്ങനെ റിപ്പോർട്ടു ചെയ്യുന്നു: “ധാർമിക നേതൃ​ത്വം നൽകു​ന്ന​തിൽ സഭയ്‌ക്കു​ണ്ടായ പരാജയം വിവര​ണാ​തീ​ത​മാ​ണെന്ന്‌ കിഗാ​ളി​യി​ലെ [റുവാണ്ട] ഒരു ഹൂട്ടു പുരോ​ഹി​തൻ പറയുന്നു. റുവാണ്ടൻ സമൂഹ​ത്തിൽ ബിഷപ്പു​മാ​രു​ടെ നിലപാ​ടു ബൃഹത്തായ വിധത്തിൽ പ്രധാ​ന​മാ​യി​രി​ക്ക​ണ​മാ​യി​രു​ന്നു. കൂട്ടക്കു​രു​തി നടക്കു​ന്ന​തി​നു ദീർഘ​നാൾ മുമ്പു​തന്നെ ആസന്നമായ വിപത്തി​നെ​ക്കു​റിച്ച്‌ അവർക്ക്‌ അറിയാ​മാ​യി​രു​ന്നു. ആ വംശഹ​ത്യ​യെ തടയാൻ കഴിയു​മാ​യി​രുന്ന ഒരു ശക്തമായ സന്ദേശം ഏറെക്കു​റെ മുഴു ജനതയും കേൾക്കാൻ ഒരു അവസരം നൽകത്ത​ക്ക​വി​ധം സഭകളി​ലെ അൾത്താ​ര​കളെ ഉപയോ​ഗി​ക്കാൻ കഴിയു​മാ​യി​രു​ന്നു. പകരം, നേതാ​ക്ക​ന്മാർ നിശബ്ദത പാലിച്ചു.”

1994-ലെ ഏറ്റവും നികൃ​ഷ്ട​മായ ആ കൂട്ടക്കു​രു​തി​ക്കു​ശേഷം, കിഗാ​ളി​യി​ലെ ഒരു പ്രസ്‌ബി​റ്റേ​റി​യൻ പള്ളിയിൽവെച്ചു നടന്ന ഒരു ചെറിയ യോഗ​ത്തിൽ ഒരു സഭാമൂ​പ്പ​നായ ജസ്റ്റിൻ ഹാകി​സി​മേന ഇങ്ങനെ പറഞ്ഞു: “സഭ ഹാബ്യാ​രി​മാ​ന​യു​ടെ [റുവാ​ണ്ട​യി​ലെ പ്രസി​ഡൻറ്‌] രാഷ്‌ട്രീ​യ​വു​മാ​യി കൈ​കോർത്തു. സംഭവി​ച്ചു​കൊ​ണ്ടി​രുന്ന സംഗതി​യെ നാം അപലപി​ച്ചില്ല, കാരണം നാം മലിന​മാ​യി​പ്പോ​യി​രു​ന്നു. നമ്മുടെ സഭകളി​ലൊ​ന്നും, പ്രത്യേ​കിച്ച്‌ കത്തോ​ലി​ക്കർ, കൂട്ട​ക്കൊ​ല​കളെ കുറ്റം വിധി​ച്ചി​ട്ടില്ല.”

വംശഹ​ത്യ​യ്‌ക്കു​ശേഷം റുവാ​ണ്ട​യി​ലെ മറ്റൊരു യോഗ​ത്തിൽവെച്ച്‌ ഒരു സഭയിലെ പാസ്റ്ററായ ആരൊൻ മൂഗെ​മേരാ ഇങ്ങനെ പറഞ്ഞു: “സഭയ്‌ക്കു നാണ​ക്കേ​ടുണ്ട്‌. . . . 1959 മുതൽ കൊല​പാ​ത​കങ്ങൾ അരങ്ങേ​റി​യി​രി​ക്കു​ന്നു. അവയെ ആരും അപലപി​ച്ചില്ല. . . . നാം തുറന്നു സംസാ​രി​ച്ചില്ല, കാരണം നമുക്കു ഭയമാ​യി​രു​ന്നു. മാത്രമല്ല, നാം സുഖ​പ്ര​ദ​രു​മാ​യി​രു​ന്നു.”

[7-ാം പേജിലെ ചിത്രം]

ഈ “വേശ്യ” മുഴു ലോക​ത്തി​ന്മേ​ലും സ്വാധീ​നം ചെലു​ത്തു​ന്നു

[കടപ്പാട്‌]

Globe: Mountain High Maps® Copyright © 1995 Digital Wisdom, Inc.