ലോക​മ​ത​ങ്ങ​ളു​ടെ അന്ത്യം ആസന്നമോ?

സ്വീഡനിലെ ഉണരുക! ലേഖകൻ

‘അതെങ്ങനെ? ലോക​മ​തങ്ങൾ ഇന്നു ഭൂമി​യി​ലു​ട​നീ​ളം വളരെ ശക്തിയും സ്വാധീ​ന​വു​മു​ള്ള​വ​യല്ലേ?’ എന്നു ചിന്തി​ക്കാൻ ഈ ശീർഷകം നിങ്ങളെ പ്രേരി​പ്പി​ക്കു​ന്നു​വോ?

അതേ, ഒരു പ്രക്ഷുബ്ധ സാഗര​ത്തിൽകൂ​ടി​യാ​ണു കടന്നു​പോ​കു​ന്ന​തെ​ങ്കി​ലും മതങ്ങൾ വളരെ ശക്തിയും സ്വാധീ​ന​വു​മു​ള്ള​താ​യി തോന്നു​ന്നു. മാനവ​ച​രി​ത്ര​ത്തിൽ എന്നത്തേ​തി​ലു​മ​ധി​ക​മാ​യി, ഈ 20-ാം നൂറ്റാ​ണ്ടിൽ മതം ചോദ്യം ചെയ്യ​പ്പെ​ടു​ക​യും തുറന്നു​കാ​ട്ട​പ്പെ​ടു​ക​യും ചെയ്‌തി​ട്ടുണ്ട്‌. ബഹിരാ​കാശ ശാസ്‌ത്രജ്ഞർ തങ്ങളുടെ കൂറ്റൻ ദൂരദർശി​നി​കൾകൊ​ണ്ടു പ്രപഞ്ചത്തെ അരിച്ചു​പെ​റു​ക്കി​യി​രി​ക്കു​ന്നു, ബഹിരാ​കാശ സഞ്ചാരി​കൾ ബഹിരാ​കാ​ശത്ത്‌ അങ്ങോ​ള​മി​ങ്ങോ​ളം യാത്രകൾ നടത്തി​യി​രി​ക്കു​ന്നു; സോവി​യ​റ്റു​കാ​ര​നായ ഒരു ബഹിരാ​കാ​ശ​സ​ഞ്ചാ​രി പറഞ്ഞതു​പോ​ലെ, അവർ “ദൈവ​ത്തെ​യോ ദൂതന്മാ​രെ​യോ” കണ്ടില്ല. ഭൗതി​ക​ശാ​സ്‌ത്രജ്ഞർ പദാർഥത്തെ കൂടുതൽ കൂടുതൽ സൂക്ഷ്‌മ​മായ കണങ്ങളാ​യി വിഘടി​പ്പി​ച്ചി​രി​ക്കു​ന്നു​വെ​ങ്കി​ലും, ജീവൻ തുടങ്ങി​വെച്ച ഏതെങ്കി​ലും ദിവ്യ പ്രചോ​ദക ശക്തിയെ അവർ കണ്ടെത്തി​യി​ട്ടില്ല. അമീബ​മു​തൽ മനുഷ്യൻവ​രെ​യുള്ള സുദീർഘ​മായ പരിണാ​മ​ചങ്ങല തങ്ങൾ പുനർനിർമി​ച്ചെ​ടു​ത്തി​രി​ക്കു​ന്നു​വെ​ന്നും ആ ചങ്ങലയി​ലൊ​രി​ട​ത്തും സൃഷ്ടി​പ​ര​മായ ഇടപെ​ട​ലി​ന്റെ അതിസൂ​ക്ഷ്‌മ​മായ ഒരു കണ്ണി​പോ​ലും കണ്ടെത്താൻ കഴിഞ്ഞി​ട്ടി​ല്ലെ​ന്നും ജീവശാ​സ്‌ത്ര​ജ്ഞ​രും പുരാ​ജീ​വി​ശാ​സ്‌ത്ര​ജ്ഞ​രും അവകാ​ശ​പ്പെ​ടു​ന്നു.

എന്നിരു​ന്നാ​ലും, ലൗകിക ജ്ഞാനവും ഭൗതിക തത്ത്വശാ​സ്‌ത്ര​വും ഈ ഗ്രഹത്തിൽനി​ന്നു മതവി​കാ​ര​ങ്ങളെ തുടച്ചു​നീ​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു. നിരീ​ശ്വ​ര​വാ​ദാ​ധി​ഷ്‌ഠിത രാഷ്‌ട്രീയ ശക്തികൾക്കും തത്ത്വശാ​സ്‌ത്ര​ങ്ങൾക്കും അതി​നെ​ക്കാൾ ഒട്ടും വിജയി​ക്കാൻ കഴിഞ്ഞി​ട്ടില്ല. 70 വർഷത്തി​ലേ​റെ​ക്കാ​ലം ഏകാധി​പത്യ, നിരീ​ശ്വ​ര​വാ​ദാ​ധി​ഷ്‌ഠിത കമ്മ്യു​ണി​സം മതത്തെ മുദ്ര കുത്തി​യത്‌ അന്ധവി​ശ്വാ​സ​മെ​ന്നും “മനുഷ്യ​രെ മയക്കുന്ന കറുപ്പ്‌” എന്നുമാണ്‌. അതു മതനേ​താ​ക്ക​ന്മാ​രെ അധികാ​ര​സ്ഥാ​ന​ത്തു​നി​ന്നു മാറ്റു​ക​യും അവരുടെ പ്രവർത്ത​നങ്ങൾ നിരോ​ധി​ക്കു​ക​യും ചെയ്‌തു. പള്ളിക​ളും ആലയങ്ങ​ളും നശിപ്പി​ക്കു​ക​യോ കൊള്ള​യ​ടി​ക്കു​ക​യോ ചെയ്‌തു, ആരാധ​കരെ മസ്‌തി​ഷ്‌ക​പ്ര​ക്ഷാ​ളനം നടത്തു​ക​യും കൊല്ലു​ക​യും ചെയ്‌തു; എന്നിട്ടും അത്തരം ചെയ്‌തി​കൾക്കു മതവി​കാ​രത്തെ തുടച്ചു​നീ​ക്കാ​നാ​യില്ല. ആ ഗവൺമെ​ന്റു​കൾ നിലം​പൊ​ത്തി​യ​തോ​ടെ, മതം പുത്തനു​ണർവോ​ടെ പിട​ഞ്ഞെ​ണീ​റ്റു. മുമ്പ്‌ കമ്മ്യു​ണി​സം വാണി​രുന്ന ദേശങ്ങ​ളിൽ, തങ്ങളുടെ പൂർവി​കർ ചെയ്‌തി​രു​ന്ന​തു​പോ​ലെ ആളുകൾ കൂട്ട​ത്തോ​ടെ ദേവാ​ല​യ​ങ്ങ​ളി​ലേക്കു പോകു​ന്നു, മതഭക്തി പൂണ്ട്‌ അവർ മുട്ടു​കു​ത്തു​ന്നു.

ലോക​ത്തി​ന്റെ മറ്റു ഭാഗങ്ങ​ളി​ലും ഇപ്പോ​ഴും മതവി​കാ​രം ആളിക്ക​ത്തു​ന്നു. ഓരോ വർഷവും സൗദി അറേബ്യ​യി​ലെ മെക്ക ഭൂമി​യി​ലെ​ങ്ങു​നി​ന്നു​മുള്ള കോടി​ക്ക​ണ​ക്കി​നു മുസ്ലീം തീർഥാ​ട​കർക്ക്‌ ആതിഥ്യ​മ​രു​ളു​ന്നു. പാപ്പായെ ദർശിച്ച്‌ അനു​ഗ്രഹം ഏറ്റുവാ​ങ്ങാ​മെന്ന പ്രതീ​ക്ഷ​യോ​ടെ വരുന്ന കത്തോ​ലി​ക്കാ വിശ്വാ​സി​കൾ വത്തിക്കാ​നി​ലെ സെൻറ്‌ പീറ്റേ​ഴ്‌സ്‌ സ്‌ക്വ​യ​റിൽ മിക്ക​പ്പോ​ഴും തിങ്ങി​നി​റ​യു​ന്നു. ഭാരത​ത്തി​ലെ “പുണ്യ” നദിക​ളു​ടെ തീരങ്ങ​ളി​ലുള്ള നൂറു​ക​ണ​ക്കി​നു തീർഥാ​ട​ന​സ്ഥ​ല​ങ്ങ​ളിൽ കോടി​ക്ക​ണ​ക്കി​നു ഹൈന്ദ​വ​ഭ​ക്ത​രു​ടെ പ്രവാഹം തുടരു​ന്നു. ഭക്തരായ യഹൂദർ യെരു​ശ​ലേ​മി​ലെ വിലാ​പ​മ​തി​ലി​ങ്കൽ (Wailing Wall) പ്രാർഥി​ക്കാ​നും തങ്ങളുടെ ലിഖിത പ്രാർഥ​നകൾ മതിലി​ലെ വിടവിൽ വെച്ചിട്ടു പോകാ​നു​മാ​യി കൂടി​വ​രു​ന്നു.

അതേ, മനുഷ്യ​വർഗ​ത്തിൽനി​ന്നു മതത്തെ ഉന്മൂലനം ചെയ്യുക അസാധ്യ​മാ​ണെന്നു തോന്നു​ന്നു. “മനുഷ്യൻ സഹജമാ​യി മതബോ​ധ​മുള്ള ഒരു ജീവി​യാണ്‌,” ഐറിഷ്‌ വംശജ​നായ എഡ്‌മണ്ട്‌ ബുർക്കെ എന്ന രാജ്യ​ത​ന്ത്രജ്ഞൻ പറഞ്ഞു. സ്ഥിതി​വി​വ​ര​ക്ക​ണ​ക്കു​കൾ വെച്ചു​നോ​ക്കു​മ്പോൾ, ഭൂമി​യി​ലെ ഓരോ 6 പേരി​ലും 5 പേരും ഏതെങ്കി​ലും മതത്തോ​ടു ബന്ധമു​ള്ള​വ​രാണ്‌. അടുത്ത കാലത്തെ കണക്കു​ക​ള​നു​സ​രിച്ച്‌, ലോക​ത്തി​ലെ സ്ഥാപിത മതത്തിന്റെ അനുവർത്താ​ക്ക​ളാ​യി ഏതാണ്ട്‌ 490 കോടി ആളുക​ളുണ്ട്‌. എന്നാൽ, മതവി​ശ്വാ​സ​മി​ല്ലാ​ത്തവർ ഏതാണ്ട്‌ 84.2 കോടി മാത്ര​മാണ്‌.a

ഇതു കണക്കി​ലെ​ടു​ക്കു​മ്പോൾ, ലോക​മ​ത​ങ്ങ​ളു​ടെ അന്ത്യം ആസന്നമാ​ണെന്നു വിശ്വ​സി​ക്കുക ന്യായ​യു​ക്ത​മാ​ണോ? അങ്ങനെ​യെ​ങ്കിൽ അത്‌ എപ്പോൾ, എങ്ങനെ സംഭവി​ക്കും? ഏതെങ്കി​ലും മതം അവശേ​ഷി​ക്കു​മോ? അടുത്ത രണ്ടു ലേഖന​ങ്ങ​ളിൽ നമുക്ക്‌ ഈ ചോദ്യ​ങ്ങൾ പരിചി​ന്തി​ക്കാം.

[അടിക്കു​റിപ്പ്‌]

[3-ാം പേജിലെ ചിത്രം]

വത്തിക്കാൻ നഗരത്തി​ലെ സെൻറ്‌ പീറ്റേ​ഴ്‌സ്‌ സ്‌ക്വയർ