ബൈബി​ളി​ന്റെ വീക്ഷണം

ഭൂമി തീയാൽ നശിപ്പി​ക്ക​പ്പെ​ടു​മോ?

ആണവ നാശത്തിൽ ചാരമാ​കും, വികസി​ച്ചു​കൊ​ണ്ടി​രി​ക്കുന്ന സൂര്യ​നാൽ കത്തിച്ചാ​മ്പ​ലാ​കും, കോപം​പൂണ്ട ഒരു ദേവനാൽ ദഹിപ്പി​ക്ക​പ്പെ​ടും എന്നിങ്ങനെ രീതി വ്യത്യ​സ്‌ത​മാ​യി​രു​ന്നേ​ക്കാ​മെ​ങ്കി​ലും, ഒരു സമൂല​നാ​ശ​ത്തി​ന്റെ അഗ്നിയാൽ, ഒരു വിപുല വ്യാപക നാശത്താൽ, മനുഷ്യ​വർഗ​ത്തി​ന്റെ ഭവനമായ ഭൗമ​ഗ്രഹം അതിന്റെ അന്ത്യം കാണു​മെന്നു നിരവ​ധി​യാ​ളു​കൾ ദൃഢമാ​യി വിശ്വ​സി​ക്കു​ന്നു.

ഭൂമി​ക്കെ​തി​രാ​യുള്ള മമനു​ഷ്യ​ന്റെ അതി​ക്ര​മ​ങ്ങ​ളു​ടെ ശിക്ഷ​യെ​ന്ന​വണ്ണം ഒരു ദിവ്യ​നി​യ​ന്ത്രിത അഗ്നിനാ​ശത്തെ സൂചി​പ്പി​ക്കുന്ന ബൈബിൾ വാക്യങ്ങൾ ചിലർ ഉദ്ധരി​ക്കു​ന്നു. ഓസ്‌​ട്രേ​ലി​യ​യി​ലെ അഡ​ലൈഡെ സർവക​ലാ​ശാ​ല​യി​ലെ പ്രൊ​ഫ​സ​റായ പോൾ ഡേവി​സി​ന്റെ അഭി​പ്രാ​യ​ത്തെ​യാണ്‌ മറ്റുള്ളവർ പ്രതി​ധ്വ​നി​പ്പി​ക്കു​ന്നത്‌. അഗ്നിനാ​ശ​ത്തി​ലേ​ക്കുള്ള ഭൂമി​യു​ടെ ഒഴിവാ​ക്കാ​നാ​വാത്ത വീഴ്‌ച എന്ന്‌ താൻ കരുതു​ന്ന​തി​നെ​ക്കു​റിച്ച്‌ അദ്ദേഹം എഴുതു​ന്നു. അവസാ​നത്തെ മൂന്ന്‌ മിനി​റ്റു​കൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ അദ്ദേഹം സിദ്ധാ​ന്തീ​ക​രി​ക്കു​ന്നു: “സൂര്യൻ എന്നത്തേ​തി​ലു​മ​ധി​ക​മാ​യി വികസി​ക്കു​മ്പോൾ, അത്‌ അതിന്റെ അഗ്നിവ​ല​യ​ത്തി​നു​ള്ളിൽ ഭൂമിയെ . . . ആഴ്‌ത്തി​ക്ക​ള​യും. നമ്മുടെ ഗ്രഹം ഒരു കരിക്ക​ട്ട​യാ​യി അവശേ​ഷി​ക്കും.” ഭൂമി​യു​ടെ ഭാവി സംബന്ധി​ച്ചുള്ള സത്യ​മെ​ന്താണ്‌? അഗ്നിനാ​ശം മുൻകൂ​ട്ടി​പ്പ​റ​യു​ന്ന​താ​യി തോന്നി​ക്കുന്ന ബൈബിൾ വാക്യങ്ങൾ നാം എങ്ങനെ മനസ്സി​ലാ​ക്കണം?

ദൈവം കരുതു​ന്നു​വോ?

“യഹോ​വ​യോ സത്യ​ദൈവം; . . . അവൻ തന്റെ ശക്തിയാൽ ഭൂമിയെ സൃഷ്ടിച്ചു, തന്റെ ജ്ഞാനത്താൽ ഭൂമണ്ഡ​ലത്തെ സ്ഥാപിച്ചു, തന്റെ വിവേ​ക​ത്താൽ ആകാശത്തെ വിരിച്ചു”വെന്ന്‌ യിരെ​മ്യാ​വു 10:10-12 നമ്മെ അറിയി​ക്കു​ന്നു. ദൈവം ഭൂമിയെ സൃഷ്ടിച്ച്‌ അതിനെ ദൃഢമാ​യി സ്ഥാപിച്ചു. അതു​കൊണ്ട്‌ ജ്ഞാനം, സ്‌നേഹം, വിവേകം എന്നിവ​യാൽ, മനുഷ്യ​വർഗ​ത്തി​നു വേണ്ടി​യുള്ള ഒരു സുന്ദര ഭവന​മെ​ന്ന​നി​ല​യിൽ എന്നേക്കും നിലനിൽക്കാ​നാ​യി അവൻ ഭൂമിയെ ശ്രദ്ധാ​പൂർവം ഒരുക്കി.

ദൈവം മനുഷ്യ​വർഗത്തെ സൃഷ്ടി​ച്ച​തി​നെ​ക്കു​റിച്ച്‌ ബൈബിൾ ഇങ്ങനെ റിപ്പോർട്ടു ചെയ്യുന്നു: “ആണും പെണ്ണു​മാ​യി അവരെ സൃഷ്ടിച്ചു. ദൈവം അവരെ അനു​ഗ്ര​ഹി​ച്ചു: നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കി . . . വാഴു​വിൻ എന്നു അവരോ​ടു കല്‌പി​ച്ചു.” (ഉല്‌പത്തി 1:27, 28) അവൻ തന്റെ സൃഷ്ടി​പ്ര​വർത്തനം പൂർത്തീ​ക​രി​ച്ച​പ്പോൾ “അതു എത്രയും നല്ലതു” എന്ന്‌ അവനു നിസ്സ​ന്ദേഹം ഉദ്‌ഘോ​ഷി​ക്കാൻ കഴിഞ്ഞു. (ഉല്‌പത്തി 1:31) അത്‌ അങ്ങനെ തുടരാൻ അവൻ ആഗ്രഹി​ച്ചു. മാതാ​പി​താ​ക്ക​ളാ​കാൻ പ്രതീ​ക്ഷി​ക്കു​ന്നവർ ജനിക്കാ​നി​രി​ക്കുന്ന ശിശു​വി​നു വേണ്ടി ഒരു മുറി രൂപകൽപ്പന ചെയ്‌ത്‌ സജ്ജീക​രി​ക്കു​ന്ന​തു​പോ​ലെ, ദൈവം മനോ​ഹ​ര​മായ ഒരു തോട്ടം നിർമി​ച്ചിട്ട്‌ അതിനെ വികസി​പ്പി​ക്കു​ക​യും പരിപാ​ലി​ക്കു​ക​യും ചെയ്യു​ന്ന​തിന്‌ ആദാമി​നെ അവി​ടെ​യാ​ക്കി.—ഉല്‌പത്തി 2:15.

ആദാം പൂർണ​ത​യും ഭൂമിയെ പരിപാ​ലി​ക്കാ​നുള്ള തന്റെ കർത്തവ്യ​വും ത്യജിച്ചു. എന്നാൽ സ്രഷ്ടാവു തന്റെ ഉദ്ദേശ്യം കൈ​വെ​ടി​ഞ്ഞോ? ഇല്ലെന്ന്‌ യെശയ്യാ​വു 45:18 സൂചി​പ്പി​ക്കു​ന്നു: “ആകാശത്തെ സൃഷ്ടിച്ച യഹോവ ഇപ്രകാ​രം അരുളി​ച്ചെ​യ്യു​ന്നു; . . . അവൻ ഭൂമിയെ നിർമ്മി​ച്ചു​ണ്ടാ​ക്കി; അവൻ അതിനെ ഉറപ്പിച്ചു; വ്യർത്ഥ​മാ​യി​ട്ടല്ല അവൻ അതിനെ സൃഷ്ടി​ച്ചതു; പാർപ്പി​ന​ത്രെ അതിനെ നിർമ്മി​ച്ചതു.” (യെശയ്യാ​വു 55:10, 11 കൂടെ കാണുക.) മനുഷ്യൻ തന്റെ പരിരക്ഷണ കർത്തവ്യം അവഗണി​ച്ചെ​ങ്കി​ലും, ഭൂമി​യോ​ടും അതിലെ നിവാ​സി​ക​ളോ​ടു​മുള്ള തന്റെ കരാർ നടപ്പാ​ക്കു​ന്ന​തിൽ ദൈവം തുടർന്നു. ഇസ്രാ​യേൽ ജനതയ്‌ക്കു നൽകിയ ന്യായ​പ്ര​മാ​ണം ഓരോ ഏഴാം സംവത്സ​ര​ത്തി​ലും “ദേശത്തി​നു പൂർണ സ്വസ്ഥത നൽകുന്ന ഒരു ശബ്ബത്താ”ചരിക്കാൻ ക്രമീ​ക​രണം ചെയ്‌തു. മൃഗങ്ങൾക്ക്‌ ഒരള​വോ​ളം സംരക്ഷണം നൽകിയ കരുണാർദ്ര​മായ നിയമങ്ങൾ അതിൽ ഉൾക്കൊ​ണ്ടി​രു​ന്നു. (ലേവ്യ​പു​സ്‌തകം 25:4, NW; പുറപ്പാ​ടു 23:4, 5; ആവർത്ത​ന​പു​സ്‌തകം 22:1, 2, 6, 7, 10; 25:4; ലൂക്കൊസ്‌ 14:5) മനുഷ്യ​വർഗ​ത്തി​നും താൻ മമനു​ഷ്യ​ന്റെ പരിര​ക്ഷ​ണ​യിൽ ആക്കി​വെ​ച്ചി​രി​ക്കുന്ന എല്ലാറ്റി​നും വേണ്ടി ദൈവം കരുതു​ന്നു​വെന്നു വ്യക്തമാ​യി സൂചി​പ്പി​ക്കുന്ന ബൈബി​ളി​ലെ ഏതാനും ചില ഉദാഹ​ര​ണങ്ങൾ മാത്ര​മാണ്‌ ഇവ.

“ഒന്നാമത്തെ ഭൂമി”

അതു​കൊണ്ട്‌, പരസ്‌പര വിരു​ദ്ധ​മെന്നു തോന്നി​ക്കുന്ന ബൈബിൾ വാക്യ​ങ്ങളെ നാം എങ്ങനെ പൂർവാ​പ​ര​ബ​ന്ധ​മു​ള്ള​താ​ക്കും? അത്തരത്തി​ലുള്ള ഒരു വാക്യ​മാണ്‌ 2 പത്രൊസ്‌ 3:7. അത്‌ ഇങ്ങനെ പറയുന്നു: “ഇപ്പോ​ഴത്തെ ആകാശ​വും ഭൂമി​യും അതേ വചനത്താൽ തീക്കായി സൂക്ഷി​ച്ചും ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നുള്ള ദിവസ​ത്തേക്കു കാത്തു​മി​രി​ക്കു​ന്നു.” മറ്റൊരു വാക്യം വെളി​പ്പാ​ടു 21:1 ആണ്‌. “ഞാൻ പുതിയ ആകാശ​വും പുതിയ ഭൂമി​യും കണ്ടു; ഒന്നാമത്തെ ആകാശ​വും ഒന്നാമത്തെ ഭൂമി​യും ഒഴിഞ്ഞു​പോ​യി” എന്ന്‌ അതു പ്രസ്‌താ​വി​ക്കു​ന്നു.

പത്രൊ​സി​ന്റെ വാക്കുകൾ അക്ഷരീ​യ​മാ​യി എടു​ക്കേ​ണ്ട​തും ഭൗമ​ഗ്രഹം യഥാർഥ തീയാൽ നശിപ്പി​ക്ക​പ്പെ​ടേ​ണ്ട​തു​മാ​ണെ​ങ്കിൽ, അക്ഷരീയ ആകാശ​വും—നക്ഷത്ര​ങ്ങ​ളും മറ്റ്‌ ആകാശ ഗോള​ങ്ങ​ളും—തീയാൽ നശിപ്പി​ക്ക​പ്പെ​ടണം. എന്നാൽ ഈ വിശദീ​ക​രണം, “നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ,” എന്നു പറയുന്ന മത്തായി 6:10-ഉം “നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും,” എന്നു പ്രസ്‌താ​വി​ക്കുന്ന സങ്കീർത്തനം 37:29-ഉം പോലുള്ള തിരു​വെ​ഴു​ത്തു​ക​ളിൽ കാണുന്ന ഉറപ്പു​മാ​യി വൈരു​ദ്ധ്യ​ത്തി​ലാണ്‌. അതിനു​പു​റമേ, ആണവ സ്‌ഫോ​ട​നങ്ങൾ തുടർച്ച​യാ​യി ഉണ്ടാകുന്ന, ഇപ്പോൾതന്നെ തീവ്ര​മാ​യി ചുട്ടു​പ​ഴുത്ത സൂര്യ​നി​ലും നക്ഷത്ര​ങ്ങ​ളി​ലും തീക്ക്‌ എന്തു ഫലമാ​ണു​ള്ളത്‌?

നേരെ​മ​റിച്ച്‌, “ഭൂമി” എന്ന പദത്തെ ബൈബിൾ മിക്ക​പ്പോ​ഴും ഒരു ആലങ്കാ​രിക അർഥത്തിൽ ഉപയോ​ഗി​ക്കു​ന്നു. ഉദാഹ​ര​ണ​ത്തിന്‌ ഉല്‌പത്തി 11:1 [NW] പറയുന്നു: “ഇപ്പോൾ മുഴു​ഭൂ​മി​യും ഒരു ഭാഷയാ​യി​ത്തു​ടർന്നു.” ഇവിടെ “ഭൂമി” എന്ന പദം മനുഷ്യ​വർഗത്തെ അതായത്‌ മനുഷ്യ​സ​മു​ദാ​യത്തെ, പൊതു​വാ​യി അർഥമാ​ക്കു​ന്നു. (1 രാജാ​ക്കൻമാർ 2:1, 2; 1 ദിനവൃ​ത്താ​ന്തം 16:31 എന്നിവ കൂടി കാണുക.) 2 പത്രൊസ്‌ 3:5, 6-ന്റെ സന്ദർഭം “ഭൂമി”യുടെ അതേ ആലങ്കാ​രിക ഉപയോ​ഗത്തെ സൂചി​പ്പി​ക്കു​ന്നു. ദുഷ്ട മനുഷ്യ​സ​മു​ദാ​യം ജലപ്ര​ള​യ​ത്തിൽ നശിപ്പി​ക്ക​പ്പെ​ടു​ക​യും നോഹ​യും കുടും​ബ​വും അതു​പോ​ലെ ഭൂമി തന്നെയും സംരക്ഷി​ക്ക​പ്പെ​ടു​ക​യും ചെയ്‌ത നോഹ​യു​ടെ നാളിനെ അതു പരാമർശി​ക്കു​ന്നു. (ഉല്‌പത്തി 9:11) അതു​പോ​ലെ, “ഭക്തികെട്ട മനുഷ്യ”രാണ്‌ നശിപ്പി​ക്ക​പ്പെ​ടേ​ണ്ടവർ എന്ന്‌ 2 പത്രൊസ്‌ 3:7-ൽ പറയുന്നു. ഈ വീക്ഷണം ബൈബി​ളി​ന്റെ മറ്റുഭാ​ഗ​ങ്ങ​ളു​മാ​യി യോജി​ക്കു​ന്നു. മുമ്പ്‌ ഉദ്ധരിച്ച വെളി​പ്പാ​ടു 21:1-ൽ പരാമർശി​ച്ചി​രി​ക്കുന്ന “ഒന്നാമത്തെ ആകാശ​വും” നാശത്തി​നാ​യി അടയാ​ള​മി​ട്ടി​രി​ക്കുന്ന ദുഷ്ട മനുഷ്യ​സ​മു​ദാ​യ​മാണ്‌.

തീർച്ച​യാ​യും, പരിപാ​ലന മനോ​ഭാ​വ​മുള്ള ഒരു ഭൗമിക പിതാവു തന്റെ ഭവനത്തിന്‌ അതി​ക്ര​മ​ത്തിൽനി​ന്നുള്ള സുരക്ഷി​ത​ത്വം ഉറപ്പു​വ​രു​ത്താൻ സാധ്യ​മായ എല്ലാ പടിക​ളും സ്വീക​രി​ക്കു​ന്ന​തു​പോ​ലെ​തന്നെ യഹോ​വ​യാം ദൈവം തന്റെ സൃഷ്ടിയെ സംബന്ധിച്ച്‌ അങ്ങേയറ്റം തത്‌പ​ര​നാണ്‌. ഫലഭൂ​യി​ഷ്‌ഠ​മായ ജോർദാൻ താഴ്‌വ​ര​യിൽനിന്ന്‌ അധാർമി​ക​രും ദുഷ്ടരു​മാ​യി​രുന്ന ഒരു ജനതയെ അവൻ ഒരിക്കൽ നീക്കി​ക്ക​ളഞ്ഞു. എന്നിട്ട്‌ അവനു​മാ​യി ഒരു ഉടമ്പടി​യി​ലാ​യി​രുന്ന, ആ പ്രദേ​ശ​ത്തി​ന്റെ പുതിയ പരിപാ​ല​കർക്ക്‌, തന്റെ ചട്ടങ്ങൾ പാലി​ക്കു​ന്ന​പക്ഷം, ‘അവർക്കു മുമ്പെ ഉണ്ടായി​രുന്ന ജാതി​കളെ ദേശം ഛർദ്ദി​ച്ചു​ക​ള​ഞ്ഞ​തു​പോ​ലെ അവർ അതിനെ അശുദ്ധ​മാ​ക്കീ​ട്ടു അവരെ​യും ഛർദ്ദി​ച്ചു​ക​ളയാ’ൻ ഇടവരി​ല്ലെന്ന്‌ അവൻ ഉറപ്പു​നൽകി.—ലേവ്യ​പു​സ്‌തകം 18:24-28.

“ഒരു പുതിയ ഭൂമി”

ലൈം​ഗി​ക​മാ​യി ദുഷി​ച്ച​തും അത്യന്തം മൃഗീ​യ​മാ​യ​തും രാഷ്‌ട്രീയ അഴിമ​തി​നി​റ​ഞ്ഞ​തു​മായ മനുഷ്യ​സ​മു​ദാ​യം ഇന്നു ഭൂമിയെ മലിന​മാ​ക്കി​യി​രി​ക്കു​ന്നു. ദൈവ​ത്തി​നു മാത്രമേ അതിനെ രക്ഷിക്കാൻ കഴിയൂ. അവൻ അതുതന്നെ ചെയ്യും. “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുമെന്നു വെളി​പ്പാ​ടു 11:18-ൽ അവൻ വാഗ്‌ദാ​നം ചെയ്യുന്നു. പുനഃ​സ്ഥി​തീ​ക​രി​ക്കു​ക​യും നവീക​രി​ക്കു​ക​യും ചെയ്‌ത ഭൂമി​യിൽ ദൈവത്തെ ഭയപ്പെ​ടു​ക​യും തങ്ങളുടെ സഹമനു​ഷ്യ​രെ ആത്മാർഥ​മാ​യി സ്‌നേ​ഹി​ക്കു​ക​യും ചെയ്യുന്ന ആളുകൾ അധിവ​സി​ക്കും. (എബ്രായർ 2:5; ലൂക്കൊസ്‌ 10:25-28 താരത​മ്യം ചെയ്യുക.) ദൈവ​ത്തി​ന്റെ സ്വർഗീയ ഗവൺമെൻറി​ന്റെ കീഴിൽ നടക്കുന്ന മാറ്റങ്ങൾ തികച്ചും സമ്പൂർണ​മാ​യി​രി​ക്കും. ആയതി​നാൽ “ഒരു പുതിയ ഭൂമി”യെക്കു​റിച്ച്‌—ഒരു പുതിയ മനുഷ്യ​സ​മു​ദാ​യ​ത്തെ​ക്കു​റിച്ച്‌—ബൈബിൾ സംസാ​രി​ക്കു​ന്നു.

നാം സങ്കീർത്തനം 37:29 പോലുള്ള തിരു​വെ​ഴു​ത്തു​കൾ വായി​ക്കു​ക​യും മത്തായി 6:10-ലെ ക്രിസ്‌തു​വി​ന്റെ പ്രസ്‌താ​വന ഗ്രഹി​ക്കു​ക​യും ചെയ്യു​മ്പോൾ, ബോധ​ശൂ​ന്യ​മായ പ്രകൃതി ശക്തിക​ളോ തന്റെ സകല നശീകരണ ശക്തികൾസ​ഹി​തം മനുഷ്യ​നോ നമ്മുടെ ഗ്രഹത്തിന്‌ ഒരു അന്ത്യം വരുത്തു​ക​യി​ല്ലെന്നു നമുക്കു ബോധ്യ​മാ​കു​ന്നു. അവ ദൈവ​ത്തി​ന്റെ ഉദ്ദേശ്യ​ത്തെ വിഫല​മാ​ക്കു​ക​യില്ല. (സങ്കീർത്തനം 119:90; യെശയ്യാ​വു 40:15, 26) സൗന്ദര്യം വഴി​ഞ്ഞൊ​ഴു​കുന്ന, അനന്തമായ സന്തോഷം കളിയാ​ടുന്ന അവസ്ഥക​ളിൽ വിശ്വസ്‌ത മനുഷ്യ​വർഗം ഭൂമി​യിൽ ജീവി​ക്കും. ഭൂമി​യു​ടെ ഭാവി സംബന്ധി​ച്ചുള്ള സത്യം അതാണ്‌. കാരണം, ഇതാണ്‌ മനുഷ്യ​വർഗ​ത്തി​ന്റെ സ്‌നേ​ഹ​വാ​നായ സ്രഷ്ടാ​വി​ന്റെ ഇപ്പോ​ഴും എല്ലായ്‌പോ​ഴും ഉള്ള ഉദ്ദേശ്യം.—ഉല്‌പത്തി 2:7-9, 15; വെളി​പ്പാ​ടു 21:1-5.