ദാരി​ദ്ര്യം—‘കൊട്ടി​ഘോ​ഷി​ക്ക​പ്പെ​ടാത്ത അടിയ​ന്തി​രത’

“ആഗോ​ള​ത​പനം, ഓസോൺ പാളികൾ, സമുദ്ര മലിനീ​ക​രണം എന്നിവ​യെ​ക്കു​റിച്ച്‌ ഉച്ചത്തി​ലുള്ള പ്രഖ്യാ​പ​നങ്ങൾ നാം കേൾക്കു​ന്നു,” ഐക്യ​രാ​ഷ്‌ട്ര​ങ്ങ​ളു​ടെ ഉപദേ​ശ​ക​നായ ഡോ. മെക്‌ബൂബ്‌ വൽഹാക്‌ പറഞ്ഞു. എന്നാൽ അദ്ദേഹം ഇങ്ങനെ കൂട്ടി​ച്ചേർത്തു: “ആഗോ​ള​ത​പ​ന​വും കൊട്ടി​ഘോ​ഷി​ക്ക​പ്പെ​ടുന്ന മറ്റുപല അടിയ​ന്തിര കാര്യ​ങ്ങ​ളും നിമിത്തം ഇതുവരെ ആരും മരിച്ചി​ട്ടില്ല. [അതേസ​മയം] കൊട്ടി​ഘോ​ഷി​ക്ക​പ്പെ​ടാത്ത അടിയ​ന്തിര കാര്യങ്ങൾ വികസ്വര രാജ്യ​ങ്ങ​ളിൽ ദിവസേന ഒട്ടേറെ മരണങ്ങൾക്കു കാരണ​മാ​കു​ന്നു.” കൊട്ടി​ഘോ​ഷി​ക്ക​പ്പെ​ടാത്ത ആ അടിയ​ന്തിര കാര്യ​ങ്ങ​ളി​ലൊ​ന്നി​നെ​ക്കു​റിച്ച്‌ ഡോ. വൽഹാക്‌ അഭി​പ്രാ​യ​പ്പെട്ടു. “ദാരി​ദ്ര്യ​മാണ്‌ വാസ്‌ത​വ​ത്തിൽ ഏറ്റവും വലിയ കൊല​യാ​ളി.” അതെങ്ങനെ?

ദിവസേന ഒരു ഡോളർ അല്ലെങ്കിൽ അതിൽ താഴെ​വ​രുന്ന വരുമാ​നം​കൊണ്ട്‌ ഉപജീ​വനം കഴിക്കുന്ന, ലോക​മെ​മ്പാ​ടു​മുള്ള 130 കോടി ജനങ്ങളിൽ പലരെ​യും സംബന്ധി​ച്ചി​ട​ത്തോ​ളം ദാരി​ദ്ര്യം മരണക​ര​മായ ഒരു വിപത്താ​യി തീരുന്നു. വർഷം​തോ​റും 1 കോടി 80 ലക്ഷംവരെ ആളുകൾ “ദാരി​ദ്ര്യ​സം​ബ​ന്ധ​മായ കാരണങ്ങൾ” മൂലം മരണമ​ട​യു​ന്ന​താ​യി യുഎൻ ക്രോ​ണി​ക്കിൾ എന്ന മാസിക റിപ്പോർട്ടു ചെയ്യുന്നു. ഇതു ഞെട്ടി​ക്കുന്ന സംഖ്യ​യാണ്‌! ദൃഷ്ടാ​ന്ത​ത്തിന്‌, ഓസ്‌​ട്രേ​ലി​യ​യി​ലെ മുഴു ജനങ്ങളും, അതായത്‌, ഏതാണ്ട്‌ 1 കോടി 80 ലക്ഷം ജനങ്ങൾ ഒരു വർഷം പട്ടിണി കിടന്നാൽ പ്രത്യ​ക്ഷ​പ്പെ​ടുന്ന ശ്രദ്ധയാ​കർഷി​ക്കുന്ന തലക്കെ​ട്ടു​ക​ളെ​ക്കു​റിച്ച്‌ ഓർത്തു​നോ​ക്കൂ! എങ്കിലും, ദരി​ദ്ര​രായ കോടി​ക്ക​ണ​ക്കിന്‌ ആളുക​ളു​ടെ മരണങ്ങൾ “ചർച്ചാ​വി​ഷ​യ​മ​ല്ലാ​തെ പോകു​ന്നു”വെന്ന്‌ ഒരു യുഎൻ റേഡി​യോ പ്രക്ഷേ​പണം അഭി​പ്രാ​യ​പ്പെട്ടു. ഇതു വാസ്‌ത​വ​ത്തിൽ, ഒരു ‘കൊട്ടി​ഘോ​ഷി​ക്ക​പ്പെ​ടാത്ത വിപത്ത്‌’ ആണ്‌.

ഈ നിശ്ശബ്ദ​തയെ ഭേദി​ക്കു​ന്ന​തി​നാ​യി, സാമൂ​ഹിക വികസ​ന​ത്തി​നു​വേ​ണ്ടി​യുള്ള ആദ്യത്തെ ലോക ഉച്ചകോ​ടി​യിൽ പങ്കെടുത്ത, 117 രാജ്യ​ങ്ങ​ളിൽനി​ന്നുള്ള പ്രതി​നി​ധി​കൾ ലോക​ത്തി​ലെ ദാരി​ദ്ര്യ പ്രശ്‌നം നിർമാർജനം ചെയ്യാ​നുള്ള വഴിക​ളെ​ക്കു​റി​ച്ചു സംസാ​രി​ച്ചു. “നൂറ്റമ്പതു വർഷം​മുമ്പ്‌ ലോകം അടിമ​ത്ത​ത്തി​നെ​തി​രെ ഒരു കുരി​ശു​യു​ദ്ധം നടത്തി,” ഐക്യ​രാ​ഷ്‌ട്ര വികസന പദ്ധതി​യു​ടെ അഡ്‌മി​നി​സ്‌​ട്രേ​റ്റ​റായ എയിംസ്‌ ഗുസ്റ്റാവ്‌ ഓർമി​പ്പി​ച്ചു. “ഇന്ന്‌ കൂട്ടദാ​രി​ദ്ര്യ​ത്തി​നെ​തി​രെ നമ്മൾ ഒരു കുരി​ശു​യു​ദ്ധം നടത്തണം.” ഈ ഉത്‌കണ്‌ഠ എന്തു​കൊ​ണ്ടാണ്‌? ദാരി​ദ്ര്യം, “നിരാ​ശ​യെ​യും അസ്ഥിര​ത​യെ​യും ഊട്ടി​വ​ളർത്തു​ന്ന​താ​യും അതു നമ്മുടെ ലോകത്തെ അപകട​ത്തി​ലാ​ക്കു​ന്ന​താ​യും” അദ്ദേഹം മുന്നറി​യി​പ്പു നൽകി.

എങ്കിലും, പ്രതി​നി​ധി​കൾ ദാരി​ദ്ര്യം നിർമാർജനം ചെയ്യാ​നുള്ള വഴികൾ ചർച്ച​ചെ​യ്‌തു​കൊ​ണ്ടി​രി​ക്കു​മ്പോൾത്തന്നെ, ദിവസേന ദരി​ദ്ര​കു​ടും​ബ​ങ്ങ​ളിൽ ജനിച്ചു​കൊ​ണ്ടി​രി​ക്കുന്ന ശിശു​ക്ക​ളു​ടെ എണ്ണത്തിന്റെ കണക്കെ​ടു​ക്കുന്ന ഒരു ‘ദരിദ്ര ഘടികാ​രം’ ആഗോള ദാരി​ദ്ര്യം സംബന്ധിച്ച സാഹച​ര്യം വഷളാ​യി​ക്കൊ​ണ്ടി​രി​ക്കു​ക​യാ​ണെന്നു കാണിച്ചു. ഒരാഴ്‌ച നീണ്ടു​നിന്ന ഉച്ചകോ​ടി​യു​ടെ സമയത്ത്‌, ഏതാണ്ട്‌ 6,00,000 നവജാത ശിശുക്കൾ ദരി​ദ്ര​രു​ടെ പട്ടിക​യി​ലേക്കു നിരന്തരം കൂട്ടി​ച്ചേർക്ക​പ്പെ​ട്ട​താ​യി സമ്മേളന സ്ഥലത്തു പ്രദർശി​പ്പി​ച്ചി​രുന്ന ഘടികാ​രം സൂചി​പ്പി​ച്ചു. ഉച്ചകോ​ടി​യു​ടെ സമാപന ദിവസ​ത്തി​ന്റെ അന്ത്യത്തിൽ ഘടികാ​രം എടുത്തു​മാ​റ്റി. എന്നാൽ യഥാർഥ​ത്തിൽ സ്‌പെത്ത്‌ അഭി​പ്രാ​യ​പ്പെ​ട്ട​തു​പോ​ലെ “ഘടികാ​ര​ത്തി​ന്റെ സൂചി മുമ്പോ​ട്ടു ചലിക്കു​ന്നു.” ഇപ്പോൾ ചോദ്യം ഇതാണ്‌, അതു ശ്രദ്ധ പിടി​ച്ചു​പ​റ്റു​മോ?