ചെർണോ​ബി​ലി​ലെ ദാരു​ണാ​വ​സ്ഥ​യി​ലും ഉറച്ച പ്രത്യാശ

യൂ​ക്രെ​യി​നി​ലെ ഉണരുക! ലേഖകൻ

ചരി​ത്ര​ത്തി​ലെ ഏറ്റവും വലിയ ആണവനി​ലയ ദുരന്ത​മു​ണ്ടാ​യതു യ​ക്രെ​യി​നി​ലെ ചെർണോ​ബി​ലി​ലാ​യി​രു​ന്നു. 1986 ഏപ്രിൽ 26-ന്‌. “മനുഷ്യ​വർഗം ജീവൻ നൽകിയ ഭീമശ​ക്തി​കളെ വരുതി​യിൽ നിർത്താൻ അതിനി​നി​യും കഴിഞ്ഞി​ട്ടില്ല” എന്നതിന്റെ ദാരു​ണ​മായ ഓർമി​പ്പി​ക്ക​ലാണ്‌ ആ ദുരന്ത​മെന്നു പിന്നീട്‌ അതേ വർഷം അന്നത്തെ സോവി​യറ്റ്‌ പ്രസി​ഡൻറ്‌ മിഖാ​യേൽ ഗോർബ​ച്ചേവ്‌ അഭി​പ്രാ​യ​പ്പെ​ടു​ക​യു​ണ്ടാ​യി.

ചെർണോ​ബിൽ ദുരന്ത​ത്തി​ന്റെ പ്രാധാ​ന്യ​ത്തെ ഊന്നി​പ്പ​റ​ഞ്ഞു​കൊണ്ട്‌, 1987 ഫെബ്രു​വ​രി​യി​ലെ സൈ​ക്കോ​ളജി ടുഡേ​യു​ടെ ജർമൻ പതിപ്പ്‌ ഇങ്ങനെ റിപ്പോർട്ടു ചെയ്‌തു: “ചെർണോ​ബി​ലി​ലെ റിയാ​ക്ട​റി​ലു​ണ്ടായ ദുരന്തം . . . ആധുനിക സാങ്കേ​തി​ക​വി​ക​സ​ന​ത്തി​ന്റെ ചരി​ത്ര​ത്തി​ലെ ഒരു വഴിത്തി​രി​വാ​യി​രു​ന്നു. അത്‌ വലി​യൊ​ര​ള​വിൽ നമ്മെ നൂറ്റാ​ണ്ടു​ക​ളോ​ളം ബാധി​ക്കുന്ന ഒരു മഹാദു​ര​ന്ത​മാ​യി​രു​ന്നു.” “ഇന്നോളം നടന്നി​ട്ടുള്ള ആണവപ​രീ​ക്ഷ​ണ​ങ്ങ​ളു​ടെ​യും ബോം​ബു​സ്‌ഫോ​ട​ന​ങ്ങ​ളു​ടെ​യും ഫലമാ​യു​ണ്ടാ​യി​ട്ടു​ള്ളത്ര അളവിൽ ദീർഘ​സ്ഥാ​യി​യായ അണു​പ്ര​സ​രണം ലോക​ത്തി​ലെ വായു​വി​ലേ​ക്കും മേൽമ​ണ്ണി​ലേ​ക്കും വെള്ളത്തി​ലേ​ക്കും വ്യാപി​ച്ചി​രി​ക്കു​ന്നു” എന്ന്‌ ന്യൂ​യോർക്ക്‌ ടൈംസ്‌ പറയു​ക​യു​ണ്ടാ​യി.

“സോവി​യറ്റ്‌ റിയാക്ടർ ഉരുകി​യ​തി​ന്റെ ഫലമായി അടുത്ത 50 വർഷത്തി​നു​ള്ളിൽ ലോക​മെ​മ്പാ​ടും 60,000-ത്തോളം ആളുകൾ കാൻസർ പിടി​പെട്ട്‌ മരിക്കും . . . തന്നെയു​മല്ല, 5,000 പേർക്കു ഗുരു​ത​ര​മായ ജനിതക തകരാ​റു​കൾ സംഭവി​ക്കും, 1,000-ത്തോളം പേർക്കു ജന്മനാ ആരോ​ഗ്യ​പ്ര​ശ്‌നങ്ങൾ ഉണ്ടായി​രി​ക്കും” എന്ന്‌ ഹാനോ​ഫെർഷ ആൽജ​മൈനെ എന്ന ജർമൻ പത്രം മുൻകൂ​ട്ടി​പ്പ​റ​യു​ക​യു​ണ്ടാ​യി.

ലക്ഷക്കണ​ക്കിന്‌ ആളുക​ളു​ടെ ജീവി​ത​ത്തിൽ കരിനി​ഴൽ വീഴ്‌ത്തിയ ഭയത്തി​ന്റെ​യും ഉത്‌ക​ണ്‌ഠ​യു​ടെ​യും അനിശ്ചി​ത​ത്വ​ത്തി​ന്റെ​യും ഒരു മേഘത്തെ ചെർണോ​ബിൽ ദുരന്തം സൃഷ്ടി​ച്ചി​രി​ക്കു​ന്നു. എന്നാൽ, ഈ ദാരു​ണാ​വ​സ്ഥ​യി​ലും ചിലർ ഉറച്ച പ്രത്യാശ പുലർത്തു​ന്നു. വിക്‌ടർ, ആന്ന, അവരുടെ രണ്ടു പെൺമ​ക്ക​ളായ യിലനാ, ആന്യാ എന്നിവ​ര​ട​ങ്ങുന്ന റുഡ്‌നിക്‌ കുടും​ബ​ത്തി​ന്റെ കാര്യം പരിചി​ന്തി​ക്കുക. 1986 ഏപ്രി​ലിൽ അവർ താമസി​ച്ചി​രു​ന്നതു ചെർണോ​ബിൽ റിയാ​ക്ട​റിൽനി​ന്നു മൂന്നു കിലോ​മീ​റ്റ​റി​നു​ള്ളി​ലുള്ള പ്രി​പ്പെറ്റ്‌ എന്ന സ്ഥലത്താ​യി​രു​ന്നു.

ദുരന്ത​ദി​നം

ദാരു​ണ​മായ ആ ശനിയാഴ്‌ച പ്രഭാ​ത​ത്തിൽ, കേടു​പാ​ടു സംഭവിച്ച ആണവനി​ല​യ​ത്തിൽ അഗ്‌നി​ശ​മ​ന​പ്ര​വർത്തകർ നടത്തിയ വീരോ​ചി​ത​മായ പ്രവർത്തനം അതിലു​മേറെ ദാരു​ണ​മായ അനന്തര​ഫ​ലങ്ങൾ ഒഴിവാ​ക്കി. വികി​ര​ണ​ത്തി​ന്റെ ഫലമായി മണിക്കൂ​റു​കൾക്കു​ള്ളിൽ ആ അഗ്നിശ​മ​ന​പ്ര​വർത്തകർ രോഗ​ബാ​ധി​ത​രാ​യി, പലരും പിന്നീട്‌ മരിച്ചു. കത്തിക്ക​രിഞ്ഞ ജീവി​തങ്ങൾ (ഇംഗ്ലീഷ്‌) എന്ന ഗ്രന്ഥത്തിൽ, 1970-കളിൽ ചെർണോ​ബി​ലിൽ ഡെപ്യൂ​ട്ടി ചീഫ്‌ എൻജി​നി​യ​റാ​യി​രുന്ന, ഗ്രിഗറി മെഡ്‌വെ​ഡഫ്‌ ഇങ്ങനെ വിവരി​ക്കു​ന്നു: “റിയാ​ക്ട​റി​നെ നഗരത്തിൽനി​ന്നു വേർതി​രി​ക്കുന്ന പൈൻവൃ​ക്ഷ​ത്തോ​ട്ട​ത്തി​ലാ​ക​മാ​നം വികി​ര​ണ​മേഘം വ്യാപി​ച്ചു. ആ കൊച്ചു​വ​ന​ത്തിൽ റേഡി​യോ ആക്ടീവ​ത​യുള്ള ചാരമഴ പെയ്‌തു.” റേഡി​യോ ആക്ടീവ​ത​യുള്ള അനേകം ടൺ പദാർഥം ബാഷ്‌പ​രൂ​പ​ത്തിൽ അന്തരീ​ക്ഷ​ത്തിൽ ലയിച്ചു​ചേർന്ന​താ​യി റിപ്പോർട്ടു ചെയ്യ​പ്പെട്ടു!

ശ്രദ്ധേ​യ​മെ​ന്നു പറയട്ടെ, 40,000-ത്തിലധി​കം ആളുകൾ വസിക്കുന്ന പ്രി​പ്പെ​റ്റി​ലെ ജനജീ​വി​തം ആ ശനിയാഴ്‌ച അഭംഗു​രം തുടരു​ന്ന​താ​യി തോന്നി. കുട്ടികൾ തെരു​വു​ക​ളിൽ കളിച്ചു​ന​ടന്നു, മേയ്‌ 1-നുള്ള സോവി​യറ്റ്‌ വിശേ​ഷ​ദി​നാ​ഘോ​ഷ​ത്തി​നാ​യി ആളുകൾ ഒരുങ്ങി. അപകട​ത്തെ​ക്കു​റിച്ച്‌ എന്തെങ്കി​ലും അറിയി​പ്പോ വിപത്തി​നെ​ക്കു​റി​ച്ചുള്ള മുന്നറി​യി​പ്പോ ഒന്നുമു​ണ്ടാ​യില്ല. ആന്ന റുഡ്‌നിക്‌ മൂന്നു വയസ്സുള്ള മകൾ യിലനാ​യെ​യും​കൊണ്ട്‌ ഉലാത്തു​ക​യാ​യി​രു​ന്നു. അപ്പോ​ഴാണ്‌ അവർ ആന്നയുടെ രണ്ടാന​പ്പനെ കണ്ടുമു​ട്ടി​യത്‌. അദ്ദേഹം അപകട​ത്തെ​ക്കു​റി​ച്ചു കേട്ടി​രു​ന്നു. വികി​ര​ണ​ബാ​ധ​യു​ണ്ടാ​യേ​ക്കു​മോ എന്നു സംശയിച്ച്‌ അദ്ദേഹം അവരെ 16 കിലോ​മീ​റ്റർ അകലെ​യുള്ള തന്റെ ഭവനത്തി​ലേക്കു പെട്ടെ​ന്നു​തന്നെ വണ്ടിയിൽ കൊണ്ടു​പോ​യി.

റേഡി​യോ ആക്ടീവ​ത​യുള്ള മേഘം അന്തരീ​ക്ഷ​ത്തി​ലേ​ക്കു​യർന്ന്‌ യൂ​ക്രെ​യി​നി​ലെ നൂറു​ക​ണ​ക്കി​നു കിലോ​മീ​റ്റർ പ്രദേ​ശ​ത്തും ബെലോ​റ​ഷ്യ​യി​ലും (ഇപ്പോ​ഴത്തെ ബെലാ​റസ്‌) റഷ്യയി​ലും പോള​ണ്ടി​ലും അതു​പോ​ലെ​തന്നെ ജർമനി​യി​ലും ഓസ്‌ട്രി​യ​യി​ലും സ്വിറ്റ്‌സർലൻഡി​ലു​മൊ​ക്കെ വ്യാപി​ച്ചു. പിറ്റേ തിങ്കളാഴ്‌ച സ്വീഡ​നി​ലെ​യും ഡെൻമാർക്കി​ലെ​യും ശാസ്‌ത്രജ്ഞർ ഉത്‌ക​ണ്‌ഠാ​കു​ല​രാ​യി. കാരണം, ഉയർന്ന അളവി​ലുള്ള റേഡി​യോ ആക്ടീവത അവർ രേഖ​പ്പെ​ടു​ത്തി.

അനന്തര​ഫ​ലം

സോവി​യറ്റ്‌ പട്ടാള​ക്കാ​രെ​യും അഗ്നിശ​മ​ന​പ്ര​വർത്ത​ക​രെ​യും നിർമാ​ണ​വി​ദ​ഗ്‌ധ​രെ​യും മറ്റുള്ള​വ​രെ​യും ചെർണോ​ബി​ലി​ലേക്ക്‌ അയച്ചു. ഏതാണ്ട്‌ 6,00,000 പേർ അടങ്ങിയ ഈ സംഘം അറിയ​പ്പെ​ട്ടത്‌ “ലിക്വി​ഡേ​റ്റേ​ഴ്‌സ്‌” എന്നാണ്‌. ഇരുമ്പും കോൺക്രീ​റ്റും കൊണ്ട്‌ രണ്ടു മീറ്റർ കനവും പത്തു നില ഉയരവു​മുള്ള ഒരു ആവരണ​മു​ണ്ടാ​ക്കി കേടു​പ​റ്റിയ റിയാ​ക്ട​റി​നെ അവർ മൂടി. അല്ലായി​രു​ന്നെ​ങ്കിൽ, യൂറോ​പ്പിൽ കൂടുതൽ വിപത്തു​ണ്ടാ​കു​മാ​യി​രു​ന്നു.

അടുത്ത ഏതാനും ദിവസ​ങ്ങൾക്കു​ള്ളിൽ സമീപ പ്രദേ​ശ​ങ്ങ​ളിൽനിന്ന്‌ ആളുകളെ ഒഴിപ്പി​ക്കുന്ന നടപടി ആരംഭി​ച്ചു. “വീടും വസ്‌ത്ര​ങ്ങ​ളും പണവും രേഖക​ളു​മ​ടക്കം ഞങ്ങൾക്കു​ണ്ടാ​യി​രുന്ന സകലതും ഉപേക്ഷി​ക്കേ​ണ്ടി​വന്നു,” വിക്ടർ വിശദീ​ക​രി​ച്ചു. “ഞങ്ങൾ അങ്ങേയറ്റം ഉത്‌ക​ണ്‌ഠാ​കു​ല​രാ​യി​രു​ന്നു. കാരണം, ആന്ന ഞങ്ങളുടെ രണ്ടാമത്തെ കുട്ടിയെ ഗർഭം ധരിച്ചി​രി​ക്കു​ക​യാ​യി​രു​ന്നു.”

ഏതാണ്ട്‌ 1,35,000 ആളുകൾക്കു മാറി​ത്താ​മ​സി​ക്കേ​ണ്ടി​വന്നു. റിയാ​ക്ട​റിന്‌ 30 കിലോ​മീ​റ്റർ ചുറ്റു​പാ​ടു​മുള്ള എല്ലാ വാസസ്ഥ​ല​ങ്ങ​ളും ഉപേക്ഷി​ക്കേ​ണ്ടി​വന്നു. റുഡ്‌നിക്‌ കുടും​ബം ബന്ധുക്ക​ളോ​ടൊ​പ്പം മാറി​ത്താ​മ​സി​ച്ചു. എന്നിരു​ന്നാ​ലും, റുഡ്‌നിക്‌ കുടും​ബം തങ്ങളി​ലേക്കു റേഡി​യോ ആക്ടീവത പകർത്തു​മോ എന്ന്‌ ഈ ബന്ധുക്കൾ ഭയന്നു. “അവർ അസ്വസ്ഥ​രാ​യി​രു​ന്നു. ഒടുവിൽ ഞങ്ങളോട്‌ അവിടന്നു പോകാൻ ആവശ്യ​പ്പെട്ടു,” ആന്ന പറഞ്ഞു. ഒഴിച്ചു​മാ​റ്റ​പ്പെട്ട മറ്റുള്ള​വർക്കും വേദനാ​ജ​ന​ക​മായ സമാന അനുഭവം ഉണ്ടായി. ഒടുവിൽ, റഷ്യയി​ലെ മോസ്‌കോ​യിൽനിന്ന്‌ 170 കിലോ​മീ​റ്റർ തെക്കു​പ​ടി​ഞ്ഞാ​റുള്ള കലൂഗ​യിൽ 1986 സെപ്‌റ്റം​ബ​റിൽ റുഡ്‌നിക്‌ കുടും​ബം താമസ​മു​റ​പ്പി​ച്ചു.

“ഞങ്ങൾക്ക്‌ ഒരിക്ക​ലും തിരി​ച്ചു​പോ​കാ​നാ​വി​ല്ലെന്നു ഞങ്ങൾ ഒടുവിൽ മനസ്സി​ലാ​ക്കി,” ആന്ന അഭി​പ്രാ​യ​പ്പെട്ടു. “ഞങ്ങൾ ജനിച്ചു വളർന്ന ഞങ്ങളുടെ പ്രിയ​പ്പെട്ട കുടും​ബ​വീട്‌ ഞങ്ങൾക്കു നഷ്ടമായി. പൂക്കളും പുൽത്ത​കി​ടി​ക​ളും അരുവി​യിൽ ജലലി​ല്ലി​ക​ളു​മുള്ള സുന്ദര​മായ സ്ഥലമാ​യി​രു​ന്നു അത്‌. പഴങ്ങളും കൂണു​ക​ളും​കൊണ്ട്‌ ആ വനം സമൃദ്ധ​മാ​യി​രു​ന്നു.”

യൂ​ക്രെ​യി​ന്റെ ചാരു​ത​യ്‌ക്കു മങ്ങലേൽക്കുക മാത്രമല്ല, സോവി​യറ്റ്‌ യൂണി​യന്റെ ധാന്യ​സം​ഭ​രണി എന്ന അതിന്റെ പങ്കി​നെ​യും ആ ദുരന്തം ബാധിച്ചു. ആ ശരത്‌കാ​ലത്തു രാജ്യ​ത്തു​ണ്ടായ വിളയി​ല​ധി​ക​വും മലിനീ​കൃ​ത​മാ​യി. അതു​പോ​ലെ, സ്‌കാൻഡി​നേ​വി​യ​യി​ലെ മാനി​റ​ച്ചി​യിൽ 70 ശതമാ​ന​വും ഭക്ഷ്യ​യോ​ഗ്യ​മ​ല്ലാ​ത്ത​താ​യി പ്രഖ്യാ​പി​ക്ക​പ്പെട്ടു. കാരണം, ആ മൃഗങ്ങൾ തിന്നത്‌ വികി​രണം ബാധിച്ച കൽപ്പാ​യ​ലാ​യി​രു​ന്നു. ജർമനി​യി​ലെ ചില ഭാഗങ്ങ​ളിൽ മലിനീ​ക​ര​ണത്തെ ഭയന്നു പച്ചക്കറി​കൾ ശേഖരി​ക്കാ​ഞ്ഞ​തി​നാൽ അവ പാടങ്ങ​ളിൽത്തന്നെ അഴുകി​പ്പോ​കാ​നി​ട​യാ​യി.

വികി​രണം മൂലമുള്ള ആരോ​ഗ്യ​പ്ര​ശ്‌നങ്ങൾ

അപകടം നടന്ന്‌ അഞ്ചു വർഷത്തി​നു​ശേഷം പുറത്തി​റ​ക്കിയ ഔദ്യോ​ഗിക കണക്കുകൾ കാണി​ക്കു​ന്നതു വികി​ര​ണ​മേ​റ്റ​വ​രു​ടെ സംഖ്യ 5,76,000 ആണെന്നാണ്‌. അത്തരക്കാർക്കി​ട​യിൽ കാൻസർസം​ബ​ന്ധ​വും അല്ലാത്ത​തു​മായ രോഗങ്ങൾ കൂടു​ത​ലാ​ണെന്നു റിപ്പോർട്ടു ചെയ്യ​പ്പെ​ടു​ന്നു. പ്രത്യേ​കി​ച്ചും യുവജ​ന​ങ്ങളെ അതു ബാധി​ച്ചി​രി​ക്കു​ന്നു. “ചെർണോ​ബി​ലിൽനി​ന്നു കൂടിയ അളവി​ലുള്ള അണു​പ്ര​സ​ര​ണ​ത്തി​നു വിധേ​യ​രായ ഒരു വയസ്സിനു താഴെ​യുള്ള കുട്ടി​ക​ളിൽ 40 ശതമാ​ന​ത്തി​നും പ്രായ​പൂർത്തി​യെ​ത്തു​മ്പോൾ തൈ​റോ​യ്‌ഡ്‌ കാൻസ​റു​ണ്ടാ​കു​ന്നു”വെന്നു യൂറോ​പ്പി​ലെ പ്രമുഖ തൈ​റോ​യ്‌ഡ്‌ വിദഗ്‌ധ​രി​ലൊ​രാൾ വിശ്വ​സി​ക്കു​ന്ന​താ​യി 1995 ഡിസംബർ 2-ലെ ന്യൂ സയൻറിസ്റ്റ്‌ മാഗസിൻ റിപ്പോർട്ടു ചെയ്‌തു.

ആന്ന വികി​ര​ണ​ത്തി​നു വിധേ​യ​യാ​യ​തു​കൊണ്ട്‌ ഗർഭച്ഛി​ദ്രം നടത്തണ​മെന്നു ഡോക്ടർമാർ നിർബന്ധം പിടിച്ചു. വിക്ടറും ആന്നയും അതു നിരസി​ച്ച​പ്പോൾ, ജനിക്കുന്ന കുട്ടിക്കു വൈക​ല്യ​മു​ണ്ടെ​ങ്കിൽപോ​ലും അവർ ആ കുട്ടിയെ പരിപാ​ലി​ച്ചു​കൊ​ള്ളാ​മെ​ന്നുള്ള ഒരു ഉടമ്പടി പത്രത്തിൽ അവർക്ക്‌ ഒപ്പി​ടേ​ണ്ടി​വന്നു. ആന്യാ വൈക​ല്യ​മു​ള്ള​വ​ള​ല്ലെ​ങ്കി​ലും അവൾക്കു നേത്ര​രോ​ഗ​വും ശ്വസന​സം​ബ​ന്ധ​മായ പ്രശ്‌ന​ങ്ങ​ളും ഹൃദയ-ധമനീ രോഗ​ങ്ങ​ളു​മുണ്ട്‌. അതിനു പുറമേ, ആ ദുരന്ത​ത്തി​നു​ശേഷം റുഡ്‌നിക്‌ കുടും​ബ​ത്തി​ലെ മറ്റംഗ​ങ്ങ​ളു​ടെ ആരോ​ഗ്യ​വും ക്ഷയിച്ചി​രി​ക്കു​ന്നു. വിക്ടറി​നും യിലനാ​യ്‌ക്കും ഹൃദയ​സം​ബ​ന്ധ​മായ കുഴപ്പ​ങ്ങ​ളു​ണ്ടാ​യി. എന്നാൽ ആന്ന ചെർണോ​ബിൽ രോഗി​യാ​യി രജിസ്റ്റർ ചെയ്യ​പ്പെ​ട്ടി​രി​ക്കുന്ന അനേക​രിൽ ഒരാളാണ്‌.

കേടു​പ​റ്റി​യ ആണവനി​ലയം മുദ്ര​വെച്ച ലിക്വി​ഡേ​റ്റേ​ഴ്‌സ്‌ ഏറ്റവും കൂടുതൽ അണു​പ്ര​സ​ര​ണ​ത്തി​നു വിധേ​യ​രാ​യ​വ​രിൽ പെടുന്നു. ശുചീ​ക​ര​ണ​ത്തിൽ സഹായിച്ച ആയിരങ്ങൾ അകാല​ച​ര​മ​മ​ട​ഞ്ഞ​താ​യി പറയ​പ്പെ​ടു​ന്നു. അതിജീ​വ​ക​രായ പലർക്കും നാഡീ​സം​ബ​ന്ധ​മായ കുഴപ്പങ്ങൾ മാത്രമല്ല ശാരീ​രിക-മനോ​ജന്യ പ്രശ്‌ന​ങ്ങ​ളു​മുണ്ട്‌. വിഷാദം വളരെ വ്യാപ​ക​മാണ്‌. ആത്മഹത്യ​യും സാധാ​രണം.

അതിജീ​വ​ക​രിൽ ഒരാളാണ്‌ ആൻഷല. അവൾക്കു ഗുരു​ത​ര​മായ ആരോ​ഗ്യ​പ്ര​ശ്‌നങ്ങൾ അനുഭ​വ​പ്പെ​ടാൻ തുടങ്ങി. ദുരന്ത​സ​മ​യത്ത്‌ അവൾ താമസി​ച്ചി​രു​ന്നത്‌ യൂ​ക്രെ​യി​നി​ന്റെ തലസ്ഥാ​ന​മായ കിയേ​വി​ലാ​യി​രു​ന്നു. ചെർണോ​ബി​ലിൽനിന്ന്‌ 80 കിലോ​മീ​റ്റർ അകലെ​യുള്ള സ്ഥലമാ​ണത്‌. എന്നാൽ പിന്നീട്‌ റിയാ​ക്ട​റിൽ ലിക്വി​ഡേ​റ്റേ​ഴ്‌സിന്‌ സാധനങ്ങൾ എത്തിച്ചു​കൊ​ടു​ക്കു​ന്ന​തിന്‌ അവൾ സമയം ചെലവ​ഴി​ച്ചു. സ്വെറ്റ്‌ലാന മറ്റൊരു അതിജീ​വ​ക​യാണ്‌. കിയേ​വി​ന​ടു​ത്തുള്ള ഇർപ്പി​നി​ലാ​ണു താമസം. കാൻസർ പിടി​പെട്ട അവൾ ശസ്‌ത്ര​ക്രി​യ​യ്‌ക്കു വിധേ​യ​യാ​യി.

പിന്തി​രി​ഞ്ഞു​നോ​ക്കൽ

ആ മഹാ ദുരന്തം നടന്ന്‌ പത്തു വർഷത്തി​നു​ശേഷം 1996 ഏപ്രി​ലിൽ മിഖാ​യേൽ ഗോർബ​ച്ചേവ്‌ ഇങ്ങനെ സമ്മതി​ച്ചു​പ​റഞ്ഞു: “അത്തര​മൊ​രു സാഹച​ര്യം കൈകാ​ര്യം ചെയ്യാൻ ഞങ്ങൾ സജ്ജരാ​യി​രു​ന്നില്ല.” അതേസ​മയം, റഷ്യയു​ടെ പ്രസി​ഡൻറ്‌ യെൽസിൻ ഇങ്ങനെ​യാണ്‌ അഭി​പ്രാ​യ​പ്പെ​ട്ടത്‌: “ഇത്രയും വലിയ, ഇത്രയും മാരക പരിണ​ത​ഫ​ല​ങ്ങ​ളുള്ള, ഒഴിവാ​ക്കാൻ ഇത്രയും ബുദ്ധി​മു​ട്ടുള്ള ഒരു ദാരുണ സംഭവത്തെ മനുഷ്യ​വർഗം മുമ്പൊ​രി​ക്ക​ലും അഭിമു​ഖീ​ക​രി​ച്ചി​ട്ടില്ല.”

ചെർണോ​ബിൽ ദുരന്ത​ത്തി​ന്റെ പരിണ​ത​ഫ​ലത്തെ, ഒരു ഇടത്തരം ആണവയു​ദ്ധ​ത്തി​ന്റെ ഫലമായി ഉണ്ടാകു​മാ​യി​രുന്ന വിപത്തി​നോ​ടു സയൻറി​ഫിക്‌ അമേരി​ക്കന്റെ ജർമൻ പതിപ്പു താരത​മ്യം ചെയ്‌തതു ശ്രദ്ധേ​യ​മാണ്‌. ദുരന്ത​ത്തി​ന്റെ ഫലമായി മരിച്ച​വ​രു​ടെ സംഖ്യ 30,000 വരു​മെന്നു ചിലർ കണക്കാ​ക്കു​ന്നു.

കഴിഞ്ഞ വർഷത്തെ ഒരു വാർത്താ​റി​പ്പോർട്ട​നു​സ​രിച്ച്‌, അപകട​ത്തി​ന്റെ പത്താം വാർഷി​ക​ത്തി​ലും ആ ആണവനി​ല​യ​ത്തി​നു ചുറ്റു​മുള്ള 29 കിലോ​മീ​റ്റർ പ്രദേശം മനുഷ്യ​ജീ​വനു പറ്റിയ​താ​യി​രു​ന്നില്ല. എന്നിരു​ന്നാ​ലും, “ദൃഢനി​ശ്ചയം ചെയ്‌ത 647 താമസ​ക്കാർ കൈക്കൂ​ലി കൊടുത്ത്‌ ഉള്ളിൽ കടക്കു​ക​യോ ആ മേഖല​യി​ലേക്കു പരസ്യ​മാ​യി പ്രവേ​ശി​ക്കു​ക​യോ ചെയ്‌തു”വെന്ന്‌ ആ റിപ്പോർട്ടു പറയു​ക​യു​ണ്ടാ​യി. അതിങ്ങനെ നിരീ​ക്ഷി​ച്ചു: “ആണവനി​ല​യ​ത്തി​ന്റെ 10 കിലോ​മീ​റ്റർ ചുറ്റള​വി​ലുള്ള പ്രദേ​ശത്ത്‌ ആരും താമസി​ക്കു​ന്നില്ല. അതിനെ ചുറ്റി​യുള്ള വേറേ 20 കിലോ​മീ​റ്റർ വരുന്ന പ്രദേ​ശ​ത്തേ​ക്കാണ്‌ ഏതാനും ശതം ആളുകൾ മടങ്ങി​യി​രി​ക്കു​ന്നത്‌.”

വ്യാപ​ക​മായ ഭയത്തിൻമ​ധ്യേ​യും ഉറപ്പ്‌

ചെർണോ​ബി​ലി​നു സമീപത്ത്‌ ഒരിക്കൽ താമസി​ച്ചി​രുന്ന ആയിര​ക്ക​ണ​ക്കിന്‌ ആളുകളെ സംബന്ധി​ച്ചി​ട​ത്തോ​ളം ജീവിതം ദുഷ്‌ക​ര​മാ​യി​രു​ന്നു, ഇപ്പോ​ഴും ദുഷ്‌ക​ര​മാണ്‌. ഒഴിച്ചു​മാ​റ്റ​പ്പെ​ട്ട​വ​രെ​ക്കു​റി​ച്ചുള്ള ഒരു പഠനം സൂചി​പ്പി​ക്കു​ന്നത്‌ അവരിൽ 80 ശതമാ​ന​വും തങ്ങളുടെ പുതിയ ഭവനങ്ങ​ളിൽ അസന്തു​ഷ്ട​രാണ്‌ എന്നാണ്‌. അവർ ദുഃഖി​ത​രാണ്‌, ക്ഷീണി​ത​രാണ്‌, സമാധാ​ന​മി​ല്ലാ​ത്ത​വ​രാണ്‌, അസ്വാ​സ്ഥ്യ​മു​ള്ള​വ​രാണ്‌, ഏകാന്തത അനുഭ​വി​ക്കു​ന്ന​വ​രാണ്‌. ചെർണോ​ബിൽ കേവല​മൊ​രു ആണവ അപകട​മാ​യി​രു​ന്നില്ല—ഞെട്ടി​ക്കുന്ന അളവി​ലുള്ള സാമൂ​ഹി​ക​വും മനശ്ശാ​സ്‌ത്ര​പ​ര​വു​മായ ഒരു പ്രതി​സ​ന്ധി​യാ​യി​രു​ന്നു. ചെർണോ​ബിൽ ദുരന്ത​പൂർവ, ചെർണോ​ബിൽ ദുരന്താ​നന്തര എന്നിങ്ങ​നെ​യുള്ള വിശേ​ഷ​ണങ്ങൾ പലരും സംഭവ​ങ്ങൾക്കു നൽകു​ന്നത്‌ അതിശ​യമല്ല.

മറ്റു പലരിൽനി​ന്നും വ്യത്യ​സ്‌ത​മാ​യി, റുഡ്‌നിക്‌ കുടും​ബം ഈ സാഹച​ര്യ​ത്തെ കൈകാ​ര്യം ചെയ്യു​ന്നതു വളരെ മികച്ച വിധത്തി​ലാണ്‌. അവർ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി. തത്‌ഫ​ല​മാ​യി, നീതി​യുള്ള പുതിയ ലോക​ത്തെ​ക്കു​റി​ച്ചു ദൈവ​വ​ച​ന​ത്തിൽ കാണുന്ന വാഗ്‌ദ​ത്ത​ങ്ങ​ളിൽ ശക്തമായ വിശ്വാ​സം വളർത്തി​യെ​ടു​ത്തു. (യെശയ്യാ​വു 65:17-25; 2 പത്രൊസ്‌ 3:13; വെളി​പ്പാ​ടു 21:3, 4) 1995-ൽ വിക്ടറും ആന്നയും ജലസ്‌നാ​പ​ന​മേ​റ്റു​കൊണ്ട്‌ ദൈവ​ത്തി​നുള്ള തങ്ങളുടെ സമർപ്പ​ണത്തെ പ്രതീ​ക​പ്പെ​ടു​ത്തി. പിന്നീട്‌ അവരുടെ പുത്രി യിലനാ​യും സ്‌നാ​പ​ന​മേറ്റു.

വിക്ടർ ഇങ്ങനെ വിശദീ​ക​രി​ക്കു​ന്നു: “നമ്മുടെ സ്രഷ്ടാ​വായ യഹോ​വ​യാം ദൈവ​ത്തെ​യും ഭൂമി​യി​ലെ മനുഷ്യ​വർഗത്തെ സംബന്ധിച്ച അവന്റെ ഉദ്ദേശ്യ​ങ്ങ​ളെ​യും കുറിച്ച്‌ അറിയാൻ ബൈബിൾ പഠനം ഞങ്ങളെ പ്രാപ്‌ത​രാ​ക്കി​യി​രി​ക്കു​ന്നു. ഞങ്ങൾ മേലാൽ വിഷാ​ദ​മ​ഗ്നരല്ല. കാരണം, ദൈവ​രാ​ജ്യം വരു​മ്പോൾ അത്തരം ഭീകര​മായ ദുരന്തങ്ങൾ മേലാൽ ഉണ്ടാകു​ക​യി​ല്ലെന്ന്‌ ഞങ്ങൾക്ക​റി​യാം. ചെർണോ​ബി​ലി​ന​ടുത്ത്‌ ഞങ്ങൾ താമസി​ച്ചി​രുന്ന ഗ്രാമം അതിന്റെ ദാരുണ അവസ്ഥയിൽനി​ന്നു കരകയറി അത്ഭുത​ക​ര​മായ പറുദീ​സ​യു​ടെ ഭാഗമാ​യി​ത്തീ​രുന്ന കാലത്തി​നു വേണ്ടി ഞങ്ങൾ നോക്കി​പ്പാർത്തി​രി​ക്കു​ന്നു.”

നീതി​യു​ള്ള ഒരു പുതിയ ലോക​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദ​ത്ത​ങ്ങ​ളിൽ വിശ്വ​സി​ക്കുന്ന ആൻഷല​യും സ്വെറ്റ്‌ലാ​ന​യും വികി​രണം മൂലമുള്ള രോഗാ​വ​സ്ഥ​യി​ലാ​ണെ​ങ്കി​ലും അതേ വീക്ഷണ​മു​ള്ള​വ​രാണ്‌. “സ്രഷ്ടാ​വി​നെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള പരിജ്ഞാ​ന​മി​ല്ലാത്ത ജീവിതം ദുഷ്‌ക​ര​മാ​യി​രി​ക്കും. എന്നാൽ യഹോ​വ​യു​മാ​യി അടുത്ത ബന്ധമു​ണ്ടാ​യി​രി​ക്കു​ന്നതു ക്രിയാ​ത്മ​ക​മാ​യി നില​കൊ​ള്ളാൻ എന്നെ സഹായി​ക്കു​ന്നു. എന്റെ ആഗ്രഹം ബൈബി​ളി​ന്റെ മുഴു​സമയ പ്രസം​ഗ​ക​യാ​യി അവനെ സേവി​ക്കു​ന്ന​തിൽ തുടരു​ക​യെ​ന്ന​താണ്‌” എന്ന്‌ ആൻഷല അഭി​പ്രാ​യ​പ്പെട്ടു. സ്വെറ്റ്‌ലാന ഇപ്രകാ​രം കൂട്ടി​ച്ചേർത്തു: “എന്റെ ക്രിസ്‌തീയ സഹോ​ദ​രീ​സ​ഹോ​ദ​ര​ന്മാർ എനിക്കു വലി​യൊ​രു സഹായ​മാണ്‌.”

“കാലവും മൂൻകൂ​ട്ടി​ക്കാ​ണാ​നാ​കാത്ത സംഭവ​വും” ഹേതു​വാ​യു​ണ്ടാ​കുന്ന അത്യാ​ഹി​തങ്ങൾ എവിടെ ജീവി​ച്ചി​രു​ന്നാ​ലും ഏതുത​ര​ക്കാ​രാ​യി​രു​ന്നാ​ലും ആളുകളെ ബാധി​ക്കു​മെന്നു ബൈബി​ളി​ന്റെ പഠനം അത്തരക്കാർക്കു വെളി​പ്പെ​ടു​ത്തി​യി​രി​ക്കു​ന്നു. (സഭാ​പ്ര​സം​ഗി 9:11, NW) തങ്ങളുടെ കുഴപ്പങ്ങൾ എത്ര മാരക​മാ​യി​രു​ന്നാ​ലും, യഹോ​വ​യാം ദൈവ​ത്തി​നു നീക്കാ​നാ​വാത്ത യാതൊ​രു കുഴപ്പ​ങ്ങ​ളു​മി​ല്ലെന്ന്‌, അവനു സൗഖ്യ​മാ​ക്കാൻ കഴിയാത്ത യാതൊ​രു മുറി​വു​മി​ല്ലെന്ന്‌, അവനു മടക്കി​ത്ത​രാൻ കഴിയാത്ത യാതൊ​രു നഷ്ടവു​മി​ല്ലെന്ന്‌ ബൈബിൾ വിദ്യാർഥി​കൾ പഠിച്ചി​രി​ക്കു​ന്നു.

ദൈവ​ത്തി​ന്റെ വാഗ്‌ദ​ത്ത​ങ്ങ​ളിൽ വിശ്വാ​സം വളർത്തി​യെ​ടു​ത്തു​കൊ​ണ്ടു ശോഭ​ന​മായ ഒരു പ്രത്യാശ നിങ്ങൾക്കും ഉണ്ടായി​രി​ക്കാൻ എങ്ങനെ കഴിയും? ബൈബിൾ പുസ്‌ത​ക​മായ സദൃശ​വാ​ക്യ​ങ്ങ​ളു​ടെ എഴുത്തു​കാ​രൻ ഇങ്ങനെ ഉത്തരം നൽകുന്നു: “നിന്റെ ആശ്രയം യഹോ​വ​യിൽ ആയിരി​ക്കേ​ണ്ട​തി​ന്നു ഞാൻ ഇന്നു നിന്നോ​ടു, നിന്നോ​ടു തന്നേ, ഉപദേ​ശി​ച്ചി​രി​ക്കു​ന്നു.” (സദൃശ​വാ​ക്യ​ങ്ങൾ 22:19) അതേ, ക്രമമായ ബൈബി​ള​ധ്യ​യ​ന​ത്തി​ലൂ​ടെ നിങ്ങൾ പരിജ്ഞാ​നം നേടേ​ണ്ട​തുണ്ട്‌. അങ്ങനെ ചെയ്യു​ന്ന​തി​നു നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​കൾക്കു നിങ്ങളെ സഹായി​ക്കാ​നാ​കും. നിങ്ങൾക്കു സൗകര്യ​പ്ര​ദ​മായ സ്ഥലത്തും സമയത്തും ബൈബിൾ പഠിക്കു​ന്ന​തിന്‌ അവർ ക്രമീ​ക​രണം ചെയ്യും.

[14-ാം പേജിലെ ആകർഷ​ക​വാ​ക്യം]

“ഇത്രയും വലിയ, ഇത്രയും മാരക പരിണ​ത​ഫ​ല​ങ്ങ​ളുള്ള, നീക്കം ചെയ്യാൻ ഇത്രയും ബുദ്ധി​മു​ട്ടുള്ള ഒരു ദാരുണ സംഭവം മനുഷ്യ​വർഗം മുമ്പൊ​രി​ക്ക​ലും അനുഭ​വി​ച്ചി​ട്ടില്ല.” റഷ്യൻ പ്രസി​ഡൻറ്‌ യെൽസിൻ

[15-ാം പേജിലെ ആകർഷ​ക​വാ​ക്യം]

ചെർണോബിൽ കേവല​മൊ​രു ആണവ അപകട​മാ​യി​രു​ന്നില്ല—ഞെട്ടി​ക്കുന്ന അളവി​ലുള്ള സാമൂ​ഹി​ക​വും മനശ്ശാ​സ്‌ത്ര​പ​ര​വു​മായ ഒരു പ്രതി​സ​ന്ധി​യാ​യി​രു​ന്നു

[12-ാം പേജിലെ ചിത്ര​ത്തിന്‌ കടപ്പാട്‌]

Tass/Sipa Press