ആണവഭീ​ഷണി—ഒടുവിൽ അവസാ​നി​ച്ചെ​ന്നോ?

“ഭൂമി​യിൽ സമാധാ​ന​ത്തി​നുള്ള സാധ്യത രണ്ടാം ലോക​മ​ഹാ​യു​ദ്ധ​ത്തെ​തു​ടർന്നുള്ള ഏതൊരു കാലയ​ള​വി​നെ​ക്കാ​ളു​മ​ധി​കം ഇപ്പോ​ഴു​ള്ള​താ​യി തോന്നു​ന്നു.” ശ്രദ്ധേ​യ​മായ നിരാ​യു​ധീ​കരണ കരാറു​ക​ളും അപ്രതീ​ക്ഷി​ത​മായ രാഷ്‌ട്രീയ കോളി​ള​ക്ക​ങ്ങ​ളും ഒടുവിൽ ശീതസ​മ​ര​ത്തിന്‌ അന്ത്യം കുറി​ച്ച​തി​ന്റെ അടിസ്ഥാ​ന​ത്തി​ലാ​യി​രു​ന്നു ഒരു പത്ര​ലേ​ഖകൻ 1980-കളുടെ അവസാനം ഇങ്ങനെ​യൊ​രു ശുഭാ​പ്‌തി​വി​ശ്വാ​സം പ്രകടി​പ്പി​ച്ചത്‌. എന്നാൽ മുൻ വൻശക്തി​യു​ടെ ഏററു​മു​ട്ട​ലി​നു മാററു​കൂ​ട്ടി​ക്കൊ​ണ്ടി​രുന്ന ആണവഭീ​ഷ​ണി​യും അവസാ​നി​ച്ചാ​യി​രു​ന്നോ? നിലനിൽക്കുന്ന സമാധാ​ന​വും സുരക്ഷി​ത​ത്വ​വും യഥാർഥ​ത്തിൽ എത്തിപ്പി​ടി​ക്കാ​വുന്ന ദൂരത്തി​ലാ​യി​രു​ന്നോ?

അണ്വാ​യുധ വ്യാപ​ന​ത്തി​ന്റെ വിപത്തു​കൾ

സമാധാ​നം നിലനിർത്തു​ന്ന​തി​നു ശീതസ​മ​ര​കാ​ലത്ത്‌ ശാക്തിക സന്തുല​ന​ത്തിൽ ആശ്രയി​ക്കവേ സമാധാ​നം പിന്തു​ട​രാൻ അണ്വാ​യുധ സാങ്കേ​തിക വിദ്യ വികസി​പ്പി​ക്കു​ന്ന​തി​നു വൻശക്തി​കൾ സമ്മതം​മൂ​ളി. എന്നാൽ ഈ പരിപാ​ടി​യിൽ ഏർപ്പെ​ടുന്ന രാഷ്‌ട്ര​ങ്ങ​ളു​ടെ എണ്ണം അവർ പരിമി​ത​പ്പെ​ടു​ത്തി. 1970-ൽ അണ്വാ​യുധ വ്യാപന നിരോ​ധന കരാർ പ്രാബ​ല്യ​ത്തിൽ വന്നു. പിന്നീട്‌, ഏതാണ്ടു 140 രാഷ്‌ട്രങ്ങൾ അതിനു സമ്മതം​മൂ​ളു​ക​യു​ണ്ടാ​യി. എങ്കിലും അണ്വാ​യു​ധങ്ങൾ നിർമി​ക്കാൻ സാധ്യ​ത​യുള്ള അർജൻറീന, ഇന്ത്യ, ഇസ്രാ​യേൽ, ബ്രസീൽ എന്നീ രാഷ്‌ട്രങ്ങൾ ഇന്നുവരെ അതിൽ ഒപ്പു​വെ​യ്‌ക്കു​ന്ന​തി​നു വിസമ്മ​തി​ച്ചി​രി​ക്കു​ന്നു.

എന്നിരു​ന്നാ​ലും, ആണവശ​ക്തി​യാ​യി​ത്തീ​രു​ന്ന​തി​നു സാധ്യ​ത​യു​ണ്ടാ​യി​രുന്ന ഉത്തര കൊറിയ 1985-ൽ അതിൽ ഒപ്പു​വെച്ചു. അതു​കൊണ്ട്‌, 1993 മാർച്ച്‌ 12-ന്‌ തങ്ങൾ കരാറിൽനി​ന്നു പിൻവാ​ങ്ങു​ന്ന​താ​യി അത്‌ അറിയി​പ്പു നൽകി​യ​പ്പോൾ ന്യായ​മാ​യും അത്ര സുഖക​ര​മാ​യല്ല ലോകം പ്രതി​ക​രി​ച്ചത്‌. ജർമൻ വാർത്താ​പ​ത്ര​മായ ഡെർ സ്‌പീജൽ അഭി​പ്രാ​യ​പ്പെ​ടു​ന്നു: “അണ്വാ​യുധ വ്യാപന നിരോ​ധന കരാറിൽനി​ന്നുള്ള പിൻവാ​ങ്ങൽ ഒരു മുന്നറി​യി​പ്പാണ്‌: ഇനിയി​പ്പോൾ അണ്വാ​യുധ മത്സരത്തി​ന്റെ ഭീഷണി​യുണ്ട്‌. ഏഷ്യയിൽ അതു തുടങ്ങി​ക്ക​ഴി​ഞ്ഞു. അത്‌ വൻശക്തി​കൾ തമ്മിലുള്ള ബോംബ്‌ കിടമ​ത്സ​ര​ത്തെ​ക്കാൾ കൂടുതൽ അപകട​ക​ര​മാ​യേ​ക്കാം.”

ദേശീ​യ​വാ​ദം വിസ്‌മ​യ​ജ​ന​ക​മാം​വി​ധം പുതിയ രാഷ്‌ട്ര​ങ്ങൾക്കു ജൻമം നൽകു​ന്ന​തി​നാൽ ആണവ ശക്തിക​ളു​ടെ എണ്ണം ഒരുപക്ഷേ വർധി​ച്ചേ​ക്കും. (ചതുരം കാണുക.) പത്ര​പ്ര​വർത്ത​ക​നായ ചാൾസ്‌ ക്രൗത്താ​മർ പിൻവ​രുന്ന മുന്നറി​യി​പ്പു നൽകുന്നു: “സോവി​യ​ററ്‌ ഭീഷണി​യു​ടെ അന്ത്യം ആണവ അപകട​ത്തി​ന്റെ അന്ത്യത്തെ അർഥമാ​ക്കു​ന്നില്ല. യഥാർഥ അപകടം ആണവശ​ക്തി​ക​ളു​ടെ വ്യാപ​ന​മാണ്‌. അതി​പ്പോൾ തുടങ്ങി​യി​ട്ടേ​യു​ള്ളൂ.”

ബോം​ബു​കൾ വില്‌പ​ന​യ്‌ക്ക്‌

ഭാവി ആണവശ​ക്തി​കൾ ഈ ആയുധങ്ങൾ വെച്ചു​നീ​ട്ടുന്ന പ്രശസ്‌തി​യും ശക്തിയും നേടി​യെ​ടു​ക്കു​ന്ന​തിന്‌ ഉത്സുക​രാണ്‌. ഒരു രാജ്യം കസാക്ക്‌സ്ഥാ​നിൽനി​ന്നു ചുരു​ങ്ങി​യ​പക്ഷം രണ്ട്‌ അണ്വാ​യു​ധ​ത്ത​ല​പ്പു​ക​ളെ​ങ്കി​ലും വാങ്ങി​യ​താ​യി പറയ​പ്പെ​ടു​ന്നു. ഈ അണ്വാ​യു​ധ​ത്ത​ല​പ്പു​കൾ “കാണാ​തെ​പോയ”തായാണ്‌ ഈ മുൻ സോവി​യ​ററ്‌ റിപ്പബ്ലിക്ക്‌ ഔദ്യോ​ഗി​ക​മാ​യി പട്ടിക​പ്പെ​ടു​ത്തു​ന്നത്‌.

1992 ഒക്‌ടോ​ബ​റിൽ, ജർമനി​യി​ലെ ഫ്രാങ്ക്‌ഫർട്ടിൽവെച്ച്‌ അനേകം പേരെ അറസ്‌റ​റു​ചെ​യ്യു​ക​യു​ണ്ടാ​യി. ഒരു മുഴു പട്ടണത്തി​ന്റെ​യും ജലവി​ത​ര​ണത്തെ വിഷലി​പ്‌ത​മാ​ക്കാൻപോന്ന വൻതോ​തിൽ അണു വികി​ര​ണ​മുള്ള 200 ഗ്രാം സെസിയം അവരുടെ കൈവശം കണ്ടെത്തി. ഒരാഴ്‌ച​ക്കു​ശേഷം മ്യൂനി​ക്കിൽവെച്ച്‌ ഏഴു കള്ളക്കട​ത്തു​കാ​രെ പിടി​കൂ​ടു​ക​യു​ണ്ടാ​യി. അവരുടെ പക്കൽനി​ന്നു 2.2 കിലോ​ഗ്രാം യുറേ​നി​യം കണ്ടെടു​ത്തു. രണ്ടാഴ്‌ച​ക്കു​ള്ളിൽ രണ്ടു കള്ളക്കടത്തു സംഘങ്ങളെ കണ്ടുപി​ടി​ച്ചത്‌ ഔദ്യോ​ഗി​ക​വൃ​ന്ദത്തെ സംഭ്രാ​ന്ത​രാ​ക്കി. എന്തു​കൊ​ണ്ടെ​ന്നാൽ, കഴിഞ്ഞ വർഷം ലോക​ത്താ​ക​മാ​നം അഞ്ചു കേസു​കളേ റിപ്പോർട്ടു ചെയ്‌തി​രു​ന്നു​ള്ളൂ.

ഈ വ്യക്തികൾ ഇതു ഭീകര​വി​ഭാ​ഗ​ത്തി​നാ​ണോ അതോ ദേശീയ സർക്കാ​രി​നാ​ണോ വിൽക്കാൻ ഉദ്ദേശി​ച്ചി​രു​ന്നത്‌ എന്ന്‌ അറിഞ്ഞു​കൂ​ടാ. എന്തുത​ന്നെ​യാ​യാ​ലും ആണവ ഭീകര​പ്ര​വർത്ത​ന​ത്തി​നുള്ള സാധ്യത വർധി​ച്ചു​വ​രു​ക​യാണ്‌. യൂറോ​പ്യൻ അണ്വാ​യുധ വ്യാപന വാർത്താ​വി​തരണ കേന്ദ്ര​ത്തി​ലെ ഡോ. ഡേവിഡ്‌ ലോറി, അപകട​ത്തെ​ക്കു​റി​ച്ചു വിശദീ​ക​രി​ക്കു​ന്നു: “ഒരു ഭീകരൻ ആകെ ചെയ്യേ​ണ്ടത്‌ ഇത്രയേ ഉള്ളൂ: പരി​ശോ​ധ​ന​ക്കാ​യി സൽപ്പേ​രുള്ള ഒരു ഉദ്യോ​ഗ​സ്ഥന്‌, ഞങ്ങളുടെ കൈവശം ഇത്രമാ​ത്രം യുറേ​നി​യം ഉണ്ട്‌, ഇതാ അതിനു തെളിവ്‌ എന്നു പറഞ്ഞു​കൊണ്ട്‌ അതീവ സമ്പുഷ്ട​മാ​ക്കി​ത്തീർത്ത യുറേ​നി​യ​ത്തി​ന്റെ സാമ്പിൾ അയച്ചു​കൊ​ടു​ക്കുക. അത്‌ അപഹർത്താവ്‌ ഇരയുടെ ഒരു ചെവി​മു​റിച്ച്‌ അയച്ചു​കൊ​ടു​ക്കു​ന്ന​തു​പോ​ലെ​യാണ്‌.”

സമാധാ​ന​പ​ര​മായ “ടൈം ബോബു​ക​ളും മരണക്കു​ടു​ക്കു​ക​ളും”

1992-ന്റെ ആരംഭ​ത്തിൽ 420 ആണവ റിയാ​ക്ട​റു​കൾ വൈദ്യു​തോ​ത്‌പാ​ദ​ന​മെന്ന സമാധാ​ന​ദൗ​ത്യ​ത്തിൽ ഏർപ്പെ​ട്ടി​രു​ന്നു; അതേസ​മയം വേറെ 76 എണ്ണം നിർമാ​ണ​ത്തിൻകീ​ഴി​ലാ​യി​രു​ന്നു. കാലം കടന്നു​പോ​കവേ റിയാ​ക്ട​റി​നാ​ലുള്ള അപകടങ്ങൾ രോഗങ്ങൾ, ചാപ്പിള്ള ജനനം, ജനന​വൈ​ക​ല്യ​ങ്ങൾ എന്നിവ​യു​ടെ വർധന​വിന്‌ ഇടയാ​ക്കു​ന്ന​താ​യി റിപ്പോർട്ടു ചെയ്യ​പ്പെട്ടു. ഒരു റിപ്പോർട്ടു പറയുന്ന പ്രകാരം 1967-ഓടെ ഒരു സോവി​യ​ററ്‌ പ്ലൂറേ​റാ​ണി​യം പ്ലാൻറിൽ നടന്ന സംഭവങ്ങൾ ചെർണോ​ബിൽ ദുരന്ത​ത്തി​ന്റെ മൂന്നി​രട്ടി റേഡി​യോ ആക്ടീവ​ത​യ്‌ക്ക്‌ ഇടയാക്കി.

1986 ഏപ്രി​ലിൽ ഉക്രെ​യി​നി​ലുള്ള ചെർണോ​ബി​ലിൽ വച്ചുനടന്ന രണ്ടാമതു സൂചി​പ്പിച്ച ഈ സംഭവ​മാണ്‌ വാർത്താ​മാ​ധ്യ​മ​ങ്ങ​ളിൽ പ്രഥമ​സ്ഥാ​നം പിടി​ച്ചത്‌. അന്തരീ​ക്ഷ​ത്തി​ലേക്കു തള്ളിവിട്ട “റേഡി​യോ ആക്ടീവ​ത​യു​ടെ അതിഭ​യ​ങ്ക​ര​മായ അളവിന്റെ ദീർഘ​കാല ഭവിഷ്യ​ത്തു​കൾ കണക്കി​ലെ​ടു​ത്താൽ അതിനെ പത്തു ഹിരോ​ഷിമ ബോം​ബു​ക​ളോ​ടു തുലനം ചെയ്യാ​വു​ന്ന​താണ്‌” എന്ന്‌ 1970-കളിൽ ചെർണോ​ബിൽ പ്ലാൻറി​ന്റെ ഡെപ്യൂ​ട്ടി ചീഫ്‌ ആണവ എൻജി​നി​യ​റാ​യി​രുന്ന ഗ്രി​ഗോ​റി മെഡ്‌വെ​ഡഫ്‌ വിശദീ​ക​രി​ക്കു​ന്നു.

1980-കളുടെ മധ്യ​ത്തോ​ടെ സോവി​യ​ററ്‌ യൂണി​യ​നിൽ ഗൗരവ​ത​ര​മായ 11 ആണവ റിയാക്ടർ അപകട​ങ്ങ​ളും ഐക്യ​നാ​ടു​ക​ളിൽ 12 അപകട​ങ്ങ​ളും നടന്നതാ​യി ചെർണോ​ബി​ല​സ്‌കാ​യാ ക്രോ​ണി​ക്കാ എന്ന തന്റെ പുസ്‌ത​ക​ത്തിൽ മെഡ്‌വെ​ഡഫ്‌ പട്ടിക​പ്പെ​ടു​ത്തു​ന്നു. 1979-ൽ ത്രീ മൈൽ ഐലൻഡിൽ നടന്ന ഞെട്ടി​പ്പി​ക്കുന്ന അപകടം രണ്ടാമ​ത്തേ​തിൽ ഉൾപ്പെ​ടു​ന്നു. ആ സംഭവ​ത്തെ​ക്കു​റി​ച്ചു മെഡ്‌വെ​ഡഫ്‌ അഭി​പ്രാ​യ​പ്പെ​ടു​ന്നു: “ഇത്‌ ആണവോർജ​ത്തി​നെ​തി​രെ​യുള്ള ഗൗരവ​ത​ര​മായ ആദ്യത്തെ പ്രഹര​മാ​യി​രു​ന്നു. ഇത്‌ ആണവോർജ നിലയ​ങ്ങ​ളു​ടെ സുരക്ഷി​ത​ത്വം സംബന്ധിച്ച്‌ അനേക​രു​ടെ​യും മനസ്സു​ക​ളിൽ അബദ്ധധാ​ര​ണകൾ വിതറി—എന്നാൽ സകലരു​ടെ​യും മനസ്സു​ക​ളിൽ എന്നു പറയാ​നാ​വില്ല.”

ആപത്തുകൾ ഇപ്പോ​ഴും ഭവിക്കു​ന്ന​തി​ന്റെ കാരണം ഇതു വിശദീ​ക​രി​ക്കു​ന്നു. 1992-ൽ റഷ്യയിൽ അത്‌ 20 ശതമാ​ന​ത്തോ​ളം വർധിച്ചു. ഇവയിൽ ഒരെണ്ണം നടന്നതി​നു​ശേഷം ആ വർഷം മാർച്ചിൽ റഷ്യയി​ലുള്ള സെൻറ്‌ പീറേ​റ​ഴ്‌സ്‌ബർഗി​ലെ സോസ്‌നോ​വി ബോറ വൈദ്യു​തി നിലയ​ത്തിൽ അണു വികിരണ പരിധി വടക്കു​കി​ഴക്കൻ ഇംഗ്ലണ്ടിൽ 50 ശതമാ​ന​ത്തോ​ളം ഉയരു​ക​യും എസ്‌റേ​റാ​ണി​യ​യി​ലും ദക്ഷിണ ഫിൻലൻഡി​ലും അനുവ​ദി​ച്ചി​രി​ക്കുന്ന പരമാ​വധി പരിധി​യു​ടെ ഇരട്ടി​യാ​യി​ത്തീ​രു​ക​യും ചെയ്‌തു. ന്യൂകാ​സിൽ യൂണി​വേ​ഴ്‌സി​ററി പ്രൊ​ഫ​സ്സ​റായ ജോൺ അർക്കർട്ട്‌ ഇങ്ങനെ സമ്മതിച്ചു പറയുന്നു: “സോസ്‌നോ​വി ബോറ​യാ​ണു വർധന​വിന്‌ ഇടയാ​ക്കി​യത്‌ എന്ന്‌ എനിക്കു തെളി​യി​ക്കാ​നാ​വില്ല—എന്നാൽ സോസ്‌നോ​വി ബോറ​യ​ല്ലെ​ങ്കിൽപ്പി​ന്നെ എന്താണ്‌ അതിനു കാരണം?”

ചെർണോ​ബി​ലി​ലെ റിയാ​ക്ട​റു​കൾ മാതി​രി​യു​ള്ള​വ​യു​ടെ രൂപക​ല്‌പ​ന​യിൽ ന്യൂന​ത​യു​ണ്ടെ​ന്നും അതു പ്രവർത്തി​പ്പി​ക്കു​ന്നത്‌ അത്യന്തം അപകട​ക​ര​മാ​ണെ​ന്നും ചില അധികാ​രി​കൾ അവകാ​ശ​പ്പെ​ടു​ന്നു. വൈദ്യു​തി​യു​ടെ വൻതോ​തി​ലുള്ള ആവശ്യം നിറ​വേ​റ​റു​ന്ന​തി​നാ​യി ഒരു ഡസനി​ല​ധി​കം റിയാ​ക്‌ട​റു​കൾ ഇപ്പോൾ ഉപയോ​ഗി​ച്ചു​കൊ​ണ്ടാ​ണി​രി​ക്കു​ന്നത്‌. വോൾട്ടേജ്‌ വർധി​പ്പി​ക്കു​ന്ന​തി​നു​വേണ്ടി ചില റിയാ​ക്‌ടർ ഓപ്പ​റേ​റ​റർമാർ സുരക്ഷാ നിയന്ത്രണ യന്ത്രം (safety override) ഓഫ്‌ ചെയ്‌തി​ടു​ന്ന​താ​യും കുററ​പ്പെ​ടു​ത്തി​യി​രി​ക്കു​ന്നു. വൈദ്യു​തി​യു​ടെ 70 ശതമാ​ന​വും ആണവനി​ല​യങ്ങൾ ഉപയോ​ഗിച്ച്‌ ഉത്‌പാ​ദി​പ്പി​ക്കുന്ന ഫ്രാൻസ്‌പോ​ലുള്ള രാജ്യ​ങ്ങളെ ഇത്തരം റിപ്പോർട്ടു​കൾ സംഭ്രാ​ന്ത​രാ​ക്കു​ന്നു. “ചെർണോ​ബിൽ” സംഭവം​പോ​ലെ വേറൊന്ന്‌ ഉണ്ടായാൽ ഫ്രാൻസി​ലെ പല നിലയ​ങ്ങ​ളും ശാശ്വ​ത​മാ​യി അടച്ചു​പൂ​ട്ടാൻ നിർബ​ന്ധി​ത​രാ​യേ​ക്കാം.

“സുരക്ഷിത” റിയാ​ക്ട​റു​കൾപോ​ലും കാലപ്പ​ഴ​ക്ക​ത്താൽ സുരക്ഷി​ത​മ​ല്ലാ​താ​യി​ത്തീ​രു​മെ​ന്നതു സ്‌പഷ്ട​മാണ്‌. 1993-ൽ ഒരു പതിവു സുരക്ഷി​തത്വ പരി​ശോ​ധ​ന​യിൽ ജർമനി​യി​ലെ ഏററവും പഴക്കമുള്ള ബ്രൂൺസ്‌ബ്യൂ​ട്ടൽ റിയാ​ക്ട​റി​ന്റെ സ്‌ററീൽ കുഴലു​ക​ളിൽ നൂറി​ല​ധി​കം പിളർപ്പു​ക​ളു​ള്ള​താ​യി കണ്ടെത്തി. ഫ്രാൻസി​ലെ​യും സ്വിറ​റ്‌സർലൻഡി​ലെ​യും റിയാ​ക്ട​റു​ക​ളി​ലും സമാന​മായ പിളർപ്പു​കൾ കണ്ടെത്തി. ജപ്പാനിൽ ആദ്യമാ​യി ഒരു ഗുരു​ത​ര​മായ ആണവനി​ലയ അപകടം ഉണ്ടായത്‌ 1991-ലായി​രു​ന്നു. സാധ്യ​ത​യ​നു​സ​രിച്ച്‌ അതിനു കാരണം അതിന്റെ കാലപ്പ​ഴ​ക്ക​മാണ്‌. ഐക്യ​നാ​ടു​ക​ളു​ടെ മുന്നിൽ ഇതൊരു ചോദ്യ​ചി​ഹ്ന​മാ​യി നില​കൊ​ള്ളു​ന്നു. കാരണം, അവിടെ മൂന്നിൽ രണ്ടു കൊ​മേ​ഴ്‌സ്യൽ റിയാ​ക്ട​റു​ക​ളും ഒരു ദശകത്തി​ല​ധി​കം കാലപ്പ​ഴ​ക്ക​മു​ള്ള​വ​യാണ്‌.

ആണവ റിയാക്ടർ അപകടങ്ങൾ എവി​ടെ​വേ​ണ​മെ​ങ്കി​ലും ഏതുസ​മ​യ​ത്തും സംഭവി​ക്കാം. റിയാ​ക്ട​റു​കൾ എത്രയ​ധി​ക​മോ ഭീഷണി​യും അത്രയ​ധി​കം; റിയാ​ക്ട​റി​ന്റെ പഴക്കം എത്ര കൂടു​ത​ലാ​ണോ അപകട​സാ​ധ്യ​ത​യും അത്ര കൂടു​ത​ലാണ്‌. ഒരു വാർത്താ​പ​ത്രം അവയ്‌ക്കു സ്‌പന്ദി​ക്കുന്ന ടൈം ബോംബ്‌ എന്നും റേഡി​യോ ആക്ടീവ്‌ മരണക്കു​ടുക്ക്‌ എന്നും ഇരട്ട​പ്പേ​രി​ട്ടതു വെറു​തെയല്ല.

ആണവ അവശിഷ്ടം അവർ എവിടെ എറിഞ്ഞു കളയണം?

ഈയിടെ ഫ്രഞ്ച്‌ ആൽപ്‌സി​ലെ നദീതീ​ര​ത്തുള്ള ഒരു പിക്‌നിക്ക്‌ സ്ഥല വേലി​കെട്ടി പൊലീസ്‌ അതിനു കാവൽ നിൽക്കു​ന്നതു കണ്ട്‌ ആളുകൾ സ്‌തബ്ധ​രാ​യി. ദ യൂറോ​പ്യൻ എന്ന വാർത്താ​പ​ത്രം ഇപ്രകാ​രം വിശദീ​ക​രി​ക്കു​ന്നു: “രണ്ടു മാസം മുമ്പ്‌ ബെറീ​ലി​യം വിഷബാ​ധ​യാൽ പ്രദേ​ശ​ത്തുള്ള ഒരു സ്‌ത്രീ മരിച്ച​തി​നു​ശേഷം റേഡി​യോ ആക്ടീവ​ത​യു​ടെ പതിവു പരി​ശോ​ധന നടത്തു​ന്ന​തിന്‌ ആജ്ഞ പുറ​പ്പെ​ടു​വി​ച്ചു. പിക്‌നിക്‌ സ്ഥലത്തുള്ള റേഡി​യോ ആക്ടീവ​ത​യു​ടെ നിരക്ക്‌ ചുററു​മുള്ള പ്രദേ​ശ​ത്തെ​ക്കാൾ 100 മടങ്ങ്‌ അധിക​മാ​ണെന്ന്‌ അതു തെളി​യി​ച്ചു.”

വിവിധ പ്രക്രി​യ​ക​ളാൽ നിർമി​ക്ക​പ്പെ​ടുന്ന വളരെ കനംകു​റഞ്ഞ ഒരു ലോഹ​മാണ്‌ ബെറീ​ലി​യം. വ്യോ​മ​യാന വ്യവസാ​യ​ത്തിൽ അത്‌ ഉപയോ​ഗി​ച്ചു​വ​രു​ന്നു. രശ്‌മി​പ്ര​സ​ര​ണ​ത്തി​നു വിധേ​യ​മാ​കു​മ്പോൾ ആണവോർജ കേന്ദ്ര​ങ്ങ​ളി​ലും ഉപയോ​ഗി​ക്കു​ന്നു. ഇങ്ങനെ ബെറീ​ലി​യം ഉത്‌പാ​ദി​പ്പി​ക്കുന്ന ഒരു ഫാക്ടറി ആപത്‌ക​ര​മായ രശ്‌മി​പ്ര​സ​ര​ണ​ത്തി​ലൂ​ടെ ഉണ്ടായ അവശി​ഷ്ടങ്ങൾ പിക്‌നിക്‌ സ്ഥലത്തോ അതിന​ടുത്ത പ്രദേ​ശ​ത്തോ ഉപേക്ഷി​ച്ചു​ക​ള​ഞ്ഞി​രി​ക്കണം. “രശ്‌മി​പ്ര​സ​ര​ണ​മേ​റ​റി​ല്ലെ​ങ്കിൽപ്പോ​ലും ബെറീ​ലി​യം ധൂളി അറിയ​പ്പെ​ടുന്ന വ്യവസായ അവശി​ഷ്ട​ങ്ങ​ളിൽ ഏററവും മാരക​മാണ്‌” എന്ന്‌ ദ യൂറോ​പ്യൻ അഭി​പ്രാ​യ​പ്പെ​ടു​ക​യു​ണ്ടാ​യി.

ഇതി​നോ​ട​കം 30 വർഷം​കൊണ്ട്‌ ഏതാണ്ട്‌ 17,000 പെട്ടി റേഡി​യോ ആക്ടീവ്‌ അവശി​ഷ്ടങ്ങൾ നോവയാ സെംല​യു​ടെ തീരത്തു​നി​ന്നു കുറച്ച​ക​ലെ​യാ​യി കടലിൽ താഴ്‌ത്തി​ക്ക​ള​ഞ്ഞ​താ​യി റിപ്പോർട്ടു ചെയ്യ​പ്പെട്ടു. 1950-കളുടെ ആദ്യഘ​ട്ട​ത്തിൽ ആണവ പരി​ശോ​ധ​ന​ക്കുള്ള സ്ഥലമായി സോവി​യ​ററ്‌ യൂണിയൻ ഇത്‌ ഉപയോ​ഗി​ച്ചി​രു​ന്നു. ഇതിനു​പു​റമേ, ആണവ അന്തർവാ​ഹി​നി​ക​ളു​ടെ റേഡി​യോ ആക്ടീവ്‌ വിഭാ​ഗ​ങ്ങ​ളും ചുരു​ങ്ങി​യത്‌ 12 റിയാ​ക്ട​റു​ക​ളു​ടെ ഭാഗങ്ങ​ളും സൗകര്യ​പ്ര​ദ​മായ ഈ ചവററു​കൊ​ട്ട​യിൽ കൊ​ണ്ടെ​ത്തള്ളി.

മനഃപൂർവ​മാ​യാ​ലും അല്ലാഞ്ഞാ​ലും ആണവ മലിനീ​ക​രണം അപകട​ക​ര​മാണ്‌. 1989-ൽ നോർവീ​ജി​യൻ തീരത്തു മുങ്ങി​പ്പോയ അന്തർവാ​ഹി​നി​യെ​ക്കു​റിച്ച്‌ ടൈം ഇപ്രകാ​രം മുന്നറി​യി​പ്പു നൽകു​ക​യു​ണ്ടാ​യി: “കപ്പലിൽനി​ന്നു തീരത്ത​ടിഞ്ഞ കഷണങ്ങ​ളിൽനിന്ന്‌ ഇപ്പോൾത്തന്നെ കാർസി​നോ​ജ​നിക്ക്‌ ഐസോ​ടോ​പ്പായ സെൽസി​യം-137 ബഹിർഗ​മി​ച്ചു​കൊ​ണ്ടി​രി​ക്കു​ക​യാണ്‌. സമു​ദ്ര​ജീ​വി​ക​ളെ​യോ മമനു​ഷ്യ​ന്റെ ആരോ​ഗ്യ​ത്തെ​യോ ബാധി​ക്ക​ത്ത​ക്ക​വി​ധം അത്ര ശക്തമല്ല ഈ ബഹിർഗ​മനം എന്നാണ്‌ ഇന്നോളം കരുതി​പ്പോ​ന്നത്‌. എന്നാൽ കോം​സ​മോ​ലി​യെ​റ​റ്‌സ്‌ അന്തർവാ​ഹി​നി​ക്കു​ള്ളിൽ 13 കി.ഗ്രാം [29 പൗണ്ട്‌] പ്ലൂട്ടോ​ണി​യം ഉൾക്കൊ​ള്ളുന്ന രണ്ട്‌ ആണവ ടോർപ്പി​ഡോ​ക​ളു​മുണ്ട്‌. അവയുടെ ഹാഫ്‌ ലൈഫ്‌ 24,000 വർഷമാണ്‌. അതിന്റെ ഒരു തരിക്കു​പോ​ലും ഒരാളെ കൊല്ലാൻ കഴിയും കാരണം അത്രകണ്ടു വിഷലി​പ്‌ത​മാ​ണത്‌. പ്ലൂട്ടോ​ണി​യം വെള്ളത്തിൽ വീണ്‌ 1994-ഓടെ അതിവി​സ്‌തൃ​ത​മായ ദൂര​ത്തോ​ളം സമു​ദ്രത്തെ മലിന​മാ​ക്കാ​നി​ട​യുണ്ട്‌ എന്നു റഷ്യൻ വിദഗ്‌ധർ മുന്നറി​യി​പ്പു നൽകി​യി​രി​ക്കു​ന്നു.”

റേഡി​യോ ആക്ടീവ്‌ അവശിഷ്ടം പുറന്ത​ള്ളു​ക​യെ​ന്നത്‌ ഫ്രാൻസി​നെ​യും റഷ്യ​യെ​യും മാത്രം വലയ്‌ക്കുന്ന പ്രശ്‌നമല്ല. ഐക്യ​നാ​ടു​കളെ സംബന്ധി​ച്ചാ​ണെ​ങ്കി​ലോ, “റേഡി​യോ ആക്ടീവ്‌ അവശി​ഷ്ടങ്ങൾ കുന്നു​പോ​ലെ കൂടി​ക്കി​ട​ക്കു​ക​യാണ്‌, അതു കൂട്ടി​വെ​ക്കാൻ ഒരു സുനി​ശ്ചിത ഇടമില്ല” എന്നു ടൈം റിപ്പോർട്ടു​ചെ​യ്യു​ന്നു. അതു പറയു​ന്നത്‌ മാരക​മായ ഒരു ദശലക്ഷം ബാരലു​കൾ ഒരു തത്‌കാല സംഭര​ണി​യിൽ വെച്ചി​രി​ക്കു​ക​യാണ്‌ എന്നാണ്‌. എപ്പോൾ വേണ​മെ​ങ്കി​ലും അതു “നഷ്ടപ്പെ​ട്ടു​പോ​കു​ന്ന​തി​നും മോഷ്ടി​ക്ക​പ്പെ​ടു​ന്ന​തി​നും ദുരു​പ​യോ​ഗം​മൂ​ലം പരിസ്ഥി​തി​യെ ഹനിക്കു​ന്ന​തി​നു​മുള്ള അപകട​സാ​ധ്യ​ത​യുണ്ട്‌.”

ഈ അപകടം ദൃഷ്ടാ​ന്തീ​കരി​ക്കാ​നെ​ന്ന​പോ​ലെ​യാ​യി​രു​ന്നു 1993 ഏപ്രി​ലിൽ സൈബീ​രി​യ​യി​ലുള്ള ടോം​സ്‌കി​ലെ ആണവ അവശിഷ്ട ടാങ്കിന്റെ പൊട്ടി​ത്തെറി. അത്‌ ചെർണോ​ബി​ലി​ന്റേ​തി​നു സമാന​മായ അപകട​ത്തി​ന്റെ ഭീതി​പ്പെ​ടു​ത്തുന്ന ചിത്രങ്ങൾ മനസ്സി​ലു​ണർത്തി.

ആണവഭീ​ഷ​ണി അവസാ​നി​ക്കു​മെന്ന സങ്കൽപ്പ​ത്തി​ന്റെ അടിസ്ഥാ​ന​ത്തിൽ നടത്തുന്ന സമാധാ​ന​ത്തി​ന്റെ​യും സുരക്ഷി​ത​ത്വ​ത്തി​ന്റെ​യും ഏതെങ്കി​ലും ഉത്‌ഘോ​ഷ​ണങ്ങൾ അടിസ്ഥാ​ന​ര​ഹി​ത​മാണ്‌ എന്നതു സ്‌പഷ്ട​മാണ്‌. എന്നുവ​രി​കി​ലും സമാധാ​ന​വും സുരക്ഷി​ത​ത്വ​വും സമീപി​ച്ചി​രി​ക്കുക തന്നെയാണ്‌. നമു​ക്കെ​ങ്ങനെ അറിയാം?

[4-ാം പേജിലെ ചതുരം]

ആണവശക്തികൾ

ഇപ്പോൾ 12, എന്നാൽ വർധി​ച്ചു​വ​രു​ന്നു

പ്രഖ്യാ​പി​ക്ക​പ്പെ​ട്ടത്‌ അഥവാ യഥാർഥ​ത്തി​ലു​ള്ളത്‌: ഇന്ത്യ, ഇസ്രാ​യേൽ, ഉക്രെ​യിൻ, ഐക്യ​നാ​ടു​കൾ, കസാക്ക്‌സ്ഥാൻ, ചൈന, ദക്ഷിണാ​ഫ്രിക്ക, പാകി​സ്ഥാൻ, ബെലാ​റൂസ്‌, ബ്രിട്ടൻ, ഫ്രാൻസ്‌, റഷ്യ

സാധ്യ​ത​യു​ള്ളത്‌: അർജൻറീന, അൾജീ​രിയ, ഇറാക്ക്‌, ഇറാൻ, ഉത്തര കൊറിയ, തയ്‌വാൻ, ദക്ഷിണ കൊറിയ, ബ്രസീൽ, ലിബിയ, സിറിയ

[5-ാം പേജിലെ ചിത്രം]

ആണവോർജത്തിന്റെ സമാധാ​ന​പ​ര​മായ ഉപയോ​ഗം​പോ​ലും അപകട​ക​ര​മാ​യി​ത്തീ​രാം

[ചിത്ര​ത്തി​നു കടപ്പാട്‌]

Background: U.S. National Archives photo

[മുഖചി​ത്ര​ത്തി​നു കടപ്പാട്‌]

Cover: Stockman/International Stock

[3-ാം പേജിലെ ചിത്ര​ത്തി​നു കടപ്പാട്‌]

U.S. National Archives photo