ടാസ്‌മാ​നിയ, കൊച്ചു ദ്വീപ്‌, അസാധാ​രണ കഥ

ഓസ്‌ട്രേലിയയിലെ ഉണരുക! ലേഖകൻ

“ദക്ഷിണ സമു​ദ്ര​ത്തിൽ ഞങ്ങൾ ആദ്യമാ​യി കണ്ടെത്തിയ ദ്വീപെന്ന നിലയി​ലും മറ്റൊരു യൂറോ​പ്യൻ രാജ്യ​ത്തി​നും ഇതേപ്പറ്റി അറിവി​ല്ലാ​ത്ത​തി​നാ​ലും ബഹുമാ​ന​പ്പെട്ട ഗവർണർ ജനറലി​നോ​ടുള്ള ആദരസൂ​ച​ക​മാ​യി ഞങ്ങൾ ഇതിന്‌ അന്റോണീ വാൻ ഡീമെൻസ്‌ലൻറ്‌ എന്നു നാമക​രണം ചെയ്‌തി​രി​ക്കു​ന്നു.” 1642 നവംബർ 25-ന്‌ ഡച്ചുകാ​ര​നായ ആബൽ ടാസ്‌മാൻ ഓസ്‌​ട്രേ​ലി​യ​യു​ടെ രണ്ടാമത്തെ പഴക്ക​മേ​റിയ ഭരണ​പ്ര​ദേ​ശ​മായ ടാസ്‌മാ​നിയ ദ്വീപു കണ്ടെത്തി​യ​തി​ന്റെ പിറ്റേന്നു പറഞ്ഞതാണ്‌ ഈ വാക്കുകൾ.a ആളുക​ളെ​യൊ​ന്നും കണ്ടി​ല്ലെ​ങ്കി​ലും ദൂരെ തീ കത്തുന്ന​തി​ന്റെ പുകയും അടുത്തുള്ള വൃക്ഷങ്ങ​ളിൽ 1.5 മീറ്റർ ഇടവിട്ട്‌ കുത വെട്ടി​യി​രി​ക്കു​ന്ന​തും ടാസ്‌മാൻ ശ്രദ്ധിച്ചു. ആ കുത​വെ​ട്ടി​യത്‌ ആരായി​രു​ന്നാ​ലും, ഒന്നുകിൽ അവർക്ക്‌ ഒരു അസാധാ​രണ രീതി​യി​ലുള്ള മരംക​യ​റ്റ​മാണ്‌ ഉണ്ടായി​രു​ന്നത്‌, അല്ലെങ്കിൽ അവർ ആജാനു​ബാ​ഹു​ക്ക​ളാ​യി​രി​ക്കണം എന്ന്‌ അദ്ദേഹം എഴുതി! വാസ്‌ത​വ​ത്തിൽ ആ കുത​വെ​ട്ടി​യി​രു​ന്നതു മരംക​യ​റ്റ​ത്തി​നു വേണ്ടി​യാ​യി​രു​ന്നു.

അതിനു​ശേ​ഷം, ഫ്രഞ്ചു​കാ​ര​നായ മാര്യോൻ ഡ്യൂ​ഫ്രെ​നും ഇംഗ്ലീ​ഷു​കാ​ര​നായ റ്റോബ​യസ്‌ ഫർനോ​യും അവിടം സന്ദർശി​ക്കു​ന്ന​തു​വരെ 130 വർഷ​ത്തോ​ളം വാൻ ഡീമെൻസ്‌ലൻറ്‌ സമുദ്ര പര്യ​വേ​ക്ഷ​ക​രു​ടെ സഞ്ചാര​ച​രി​ത്ര​ങ്ങ​ളിൽനിന്ന്‌ അപ്രത്യ​ക്ഷ​മാ​യി. 1777-ൽ ക്യാപ്‌റ്റൻ ജെയിംസ്‌ കുക്ക്‌ അവിടെ എത്തി​ച്ചേ​രു​ക​യും ഡ്യൂ​ഫ്രെ​നെ​പ്പോ​ലെ, അവിടു​ത്തെ അസാധാ​ര​ണ​പ്ര​കൃ​ത​മുള്ള ആദിവാ​സി​ക​ളു​മാ​യി ബന്ധം സ്ഥാപി​ക്കു​ക​യും ചെയ്‌തു. എങ്കിലും, അദ്ദേഹ​ത്തി​ന്റെ സന്ദർശനം ഒരു ദുരന്ത​ത്തി​ന്റെ തുടക്ക​മാ​യി​രു​ന്നു: “ചില ജനതകൾക്ക്‌ [കുക്ക്‌] സംസ്‌കാ​ര​ത്തി​ലേ​ക്കും മതത്തി​ലേ​ക്കു​മുള്ള വഴി തുറന്നു​കൊ​ടു​ത്തു [എങ്കിലും] ഈ വംശത്തിന്‌ [ആദിവാ​സി​കൾക്ക്‌] അദ്ദേഹം മരണത്തി​ന്റെ മുന്നോ​ടി​യാ​യി​രു​ന്നു” എന്ന്‌ ടാസ്‌മാ​നി​യ​യു​ടെ ചരിത്രം (ഇംഗ്ലീഷ്‌) എന്ന പുസ്‌ത​ക​ത്തിൽ ജോൺ വെസ്റ്റ്‌ പറയുന്നു. അത്തര​മൊ​രു ദുഃഖ​ക​ര​മായ അനന്തര​ഫ​ല​ത്തി​ലേക്കു നയിച്ച​തെ​ന്താ​യി​രു​ന്നു?

ടാസ്‌മാ​നിയ “സാമ്രാ​ജ്യ​ത്തി​ന്റെ ജയിലു”കളിൽ ഒന്നായി​മാ​റു​ന്നു

നാടു​ക​ട​ത്ത​ലോ രാജ്യ​ഭ്ര​ഷ്ടോ ആയിരു​ന്നു ബ്രിട്ടീഷ്‌ ശിക്ഷാ​രീ​തി. അങ്ങനെ, ടാസ്‌മാ​നിയ ബ്രിട്ടന്റെ ശിക്ഷാ​കോ​ള​നി​ക​ളി​ലൊ​ന്നാ​യിത്തീർന്നു. 1803 മുതൽ 1852 വരെ ഏകദേശം 67,500 പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും​പോ​ലും—ചിലർക്കു വെറും ഏഴു വയസ്സേ​യു​ണ്ടാ​യി​രു​ന്നു​ള്ളൂ—പ്രാർഥനാ പുസ്‌ത​കങ്ങൾ മോഷ്ടി​ച്ച​തു​മു​തൽ ബലാൽസം​ഗം​വ​രെ​യുള്ള കുറ്റങ്ങ​ളെ​പ്രതി ഇംഗ്ലണ്ടിൽനി​ന്നു ടാസ്‌മാ​നി​യ​യി​ലേക്കു നാടു​ക​ട​ത്ത​പ്പെട്ടു. എന്നാൽ, കുറ്റവാ​ളി​ക​ളിൽ മിക്കവ​രും കുടി​യേ​റ്റ​ക്കാർക്കു​വേ​ണ്ടി​യോ ഗവണ്മെൻറ്‌ പദ്ധതി​ക​ളി​ലോ ജോലി ചെയ്‌തു. “10 ശതമാ​ന​ത്തിൽ താഴെ ആളുകൾ മാത്രമേ . . . എപ്പോ​ഴെ​ങ്കി​ലും ശിക്ഷാ​ന​ട​പ​ടി​കൾക്കുള്ള സ്ഥലം കണ്ടുള്ളൂ, മാത്രമല്ല അതു കണ്ടിട്ടുള്ള മിക്കവ​രും വളരെ ചുരു​ങ്ങിയ കാലമേ അവിടെ കഴിഞ്ഞു​ള്ളൂ” എന്നു ദി ഓസ്‌​ട്രേ​ലി​യൻ എൻ​സൈ​ക്ലോ​പീ​ഡിയ പറയുന്നു. ടാസ്‌മാൻ ഉപദ്വീ​പി​ലെ പോർട്ട്‌ ആർതറാ​യി​രു​ന്നു ശിക്ഷാ​ന​ട​പ​ടി​കൾക്കുള്ള പ്രധാന സ്ഥലം. എന്നാൽ നിയ​ന്ത്രി​ക്കാൻ ഏറ്റവും പ്രയാ​സ​മുള്ള കുറ്റവാ​ളി​കളെ “പീഡന​ത്തി​നു ഖ്യാതി നേടിയ ഇട”മെന്ന പേരിൽ ചിര​പ്ര​തിഷ്‌ഠ നേടിയ മാക്ക്വാ​റീ ഹാർബ​റി​ലേക്ക്‌ അയച്ചി​രു​ന്നു. തുറമു​ഖ​ത്തി​ന്റെ വീതി​കു​റഞ്ഞ പ്രവേ​ശ​ന​ക​വാ​ടം നരകക​വാ​ടങ്ങൾ എന്ന ഭീകര​മായ പേരും സമ്പാദി​ച്ചു.

ഇതാണ്‌ ഓസ്‌​ട്രേ​ലിയ (ഇംഗ്ലീഷ്‌) എന്ന പുസ്‌ത​ക​ത്തിൽ ഡോ. റൂഡോൾഫ്‌ ബ്രാഷ്‌ ഈ അവിക​സിത കോള​നി​യു​ടെ മറ്റൊരു മുഖ​ത്തെ​ക്കു​റി​ച്ചു വിശദീ​ക​രി​ക്കു​ന്നു—അതിന്റെ ആത്മീയത, അതായത്‌ അതിന്റെ അഭാവം. അദ്ദേഹം എഴുതു​ന്നു: “ഓസ്‌​ട്രേ​ലി​യ​യി​ലെ [ടാസ്‌മാ​നിയ ഉൾപ്പെടെ] മതം തുടക്കം​മു​തൽതന്നെ അവഗണി​ക്ക​പ്പെ​ടു​ക​യും അലക്ഷ്യ​മാ​ക്ക​പ്പെ​ടു​ക​യും ചെയ്‌തി​രു​ന്നു​വെന്നു മാത്രമല്ല ഭരണകൂ​ടം അതിനെ പരമാ​വധി ചൂഷണം ചെയ്യു​ക​യും ചെയ്‌തു. കോളനി സ്ഥാപി​ച്ച​പ്പോൾ പ്രാർഥന നടത്തി​യില്ല, മാത്രമല്ല ഓസ്‌​ട്രേ​ലി​യൻ മണ്ണിൽവെച്ചു നടന്ന ആദ്യത്തെ കുർബാ​ന​യാ​കട്ടെ സർവസം​ഗ​തി​ക​ളും നടന്നു​ക​ഴി​ഞ്ഞു​ണ്ടായ ഒരു പിൻബു​ദ്ധി​യാ​യി​രു​ന്നു.” വടക്കേ അമേരി​ക്ക​യി​ലെ പിൽഗ്രി​മു​കൾ പള്ളിക​ളു​ണ്ടാ​ക്കി​യ​പ്പോൾ “ഓസ്‌​ട്രേ​ലി​യ​യി​ലെ ആദ്യത്തെ കുടി​യേ​റ്റ​ക്കാർ പള്ളിയിൽ ഹാജരാ​കു​ന്ന​തി​ന്റെ മടുപ്പിൽനി​ന്നു രക്ഷപ്പെ​ടാൻ തങ്ങളുടെ ആദ്യത്തെ പള്ളിക്കു തീവെച്ചു” എന്നു ടാസ്‌മാ​നി​യ​യു​ടെ ചരിത്രം പറയുന്നു.

അതി​നോ​ട​കം തന്നെ ദുഷി​ച്ചു​പോ​യി​രുന്ന ധാർമി​കത റമ്മിന്റെ ധാരാ​ളി​ത്തം​കൂ​ടി​യാ​യ​പ്പോൾ കൂടുതൽ വഷളായി. സാധാ​ര​ണ​ക്കാ​ര​നും സൈനി​ക​നും ഒരു​പോ​ലെ, “സമ്പത്തു നേടി​ക്കൊ​ടു​ക്കു​ന്ന​തി​നുള്ള സുനി​ശ്ചിത മാർഗ​മാ​യി​രു​ന്നു” റമ്മെന്നു ചരി​ത്ര​കാ​ര​നായ ജോൺ വെസ്റ്റ്‌ പറയുന്നു.

എന്നാൽ, ഭക്ഷണത്തി​നു ചില​പ്പോ​ഴൊ​ക്കെ വല്ലാതെ ദൗർല​ഭ്യ​മ​നു​ഭ​വ​പ്പെ​ട്ടി​രു​ന്നു. ഇത്തരം സമയങ്ങ​ളിൽ ആദിവാ​സി​കൾ കുന്തം​കൊ​ണ്ടു വേട്ടയാ​ടി​യ​തു​പോ​ലെ സ്വത​ന്ത്ര​രായ കുറ്റവാ​ളി​ക​ളും കുടി​യേ​റ്റ​ക്കാ​രും തോക്കു​കൾകൊ​ണ്ടു വേട്ടയാ​ടി. സ്വാഭാ​വി​ക​മാ​യും പ്രശ്‌നങ്ങൾ വർധിച്ചു. വർഗ​ത്തെ​പ്രതി വെള്ളക്കാർക്കു​ണ്ടാ​യി​രുന്ന ദുരഭി​മാ​ന​വും റമ്മിന്റെ ധാരാ​ളി​ത്ത​വും ഒരുത​ര​ത്തി​ലും പൊരു​ത്ത​പ്പെ​ടാ​നാ​കാത്ത സാംസ്‌കാ​രിക വ്യത്യാ​സ​ങ്ങ​ളും ഈ സ്‌ഫോ​ട​നാ​ത്മ​ക​മായ സങ്കീർണ​തകൾ വർധി​പ്പി​ച്ചു. യൂറോ​പ്യ​ന്മാർ അതിർത്തി​കൾ രേഖ​പ്പെ​ടു​ത്തി വേലികൾ കെട്ടി; ആദിവാ​സി​കൾ വേട്ടയാ​ടു​ക​യും ഊരു​ചു​റ്റി​ന​ടന്നു സമ്പാദി​ക്കു​ക​യും ചെയ്‌തു. സ്‌ഫോ​ട​ന​ത്തിന്‌ ഒരു തീപ്പൊ​രി​മാ​ത്രം മതിയാ​യി​രു​ന്നു.

ഒരു വംശം അപ്രത്യ​ക്ഷ​മാ​കു​ന്നു

തീപ്പൊ​രി​യു​ണ്ടാ​യത്‌ 1804-ലാണ്‌. വേട്ടയാ​ടി​ക്കൊ​ണ്ടി​രുന്ന പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും ഉൾക്കൊ​ള്ളുന്ന ആദിവാ​സി​ക​ളു​ടെ ഒരു വലിയ സംഘത്തി​നു നേരേ യാതൊ​രു പ്രകോ​പ​ന​വും കൂടാതെ ലെഫ്‌റ്റ​നൻറ്‌ മൂർ നയിച്ച ഒരു സായു​ധ​സം​ഘം വെടി​വെച്ചു. അവരിൽ വളരെ​യേ​റെ​പ്പേരെ കൊല്ലു​ക​യും പരി​ക്കേൽപ്പി​ക്കു​ക​യും ചെയ്‌തു. അങ്ങനെ, “കറുത്ത​വ​രു​ടെ യുദ്ധം”—വെടി​യു​ണ്ട​കൾക്കെ​തി​രെ കുന്തങ്ങ​ളും കല്ലുക​ളും പ്രയോ​ഗി​ച്ചു​ള്ളത്‌—ആരംഭി​ച്ചു.

ഒട്ടുമിക്ക യൂറോ​പ്യ​ന്മാർക്കും ആദിവാ​സി​ക​ളു​ടെ ഈ കൂട്ട​ക്കൊ​ല​യോ​ടു യോജി​പ്പു​ണ്ടാ​യി​രു​ന്നില്ല. ഗവർണർ സർ ജോർജ്‌ ആർതറിന്‌ അങ്ങേയറ്റം തീവ്ര​വേ​ദ​ന​തോ​ന്നി​യ​തി​നാൽ ‘ഗവൺമെൻറി​ന്റെ ഭാഗത്തു​നി​ന്നു സംഭവിച്ച പിഴവു​കൾ നിമിത്തം ആദിവാ​സി​ക​ളു​ടെ​മേൽ അടി​ച്ചേൽപ്പി​ക്ക​പ്പെട്ട കഷ്ടതകൾക്കു നഷ്ടപരി​ഹാ​ര​മെന്ന നിലയിൽ’ എന്തു ചെയ്യാ​നും താൻ ഒരുക്ക​മാ​ണെന്ന്‌ അദ്ദേഹം വ്യക്തമാ​ക്കി. അങ്ങനെ അദ്ദേഹം അവരെ “ഒരുമി​ച്ചു ചേർക്കു​ന്ന​തി​നും” “സംസ്‌കാ​ര​മു​ള്ള​വ​രാ​ക്കി​ത്തീർക്കു​ന്ന​തി​നും” വേണ്ടി​യുള്ള ഒരു പരിപാ​ടി​ക്കു തുടക്കം​കു​റി​ച്ചു. “കറുത്ത അതിർരേ​ഖകൾ” എന്നു വിളി​ക്ക​പ്പെട്ട ഒരു പ്രചര​ണ​പ​രി​പാ​ടി​യി​ലൂ​ടെ ഏകദേശം 2,000 പട്ടാള​ക്കാ​രും കുടി​യേ​റ്റ​ക്കാ​രും കുറ്റവാ​ളി​ക​ളും ഒത്തൊ​രു​മിച്ച്‌ കാട്ടു​പ്ര​ദേ​ശ​ങ്ങ​ളിൽനിന്ന്‌ ആദിവാ​സി​കളെ തേടി​പ്പി​ടി​ക്കാ​നും സുരക്ഷിത സ്ഥലത്തു പുനര​ധി​വ​സി​പ്പി​ക്കാ​നു​മുള്ള ശ്രമം നടത്തി. പക്ഷേ ആ പ്രസ്ഥാനം അമ്പേ പരാജ​യ​പ്പെട്ടു; അവർക്കാ​കെ കണ്ടുപി​ടി​ക്കാ​നാ​യത്‌ ഒരു സ്‌ത്രീ​യെ​യും ഒരാൺകു​ട്ടി​യെ​യും മാത്ര​മാ​യി​രു​ന്നു. പിന്നീട്‌, പ്രമുഖ മെഥഡി​സ്റ്റു​കാ​ര​നായ ജോർജ്‌ എ. റോബിൻസ​ണി​ന്റെ നേതൃ​ത്വ​ത്തിൽ കുറെ​ക്കൂ​ടി അനുന​യ​ത്തോ​ടെ​യുള്ള ഒരു സമീപനം കൈ​ക്കൊ​ണ്ടു, അതു ഫലിക്കു​ക​യും ചെയ്‌തു. ആദിവാ​സി​കൾ അദ്ദേഹത്തെ വിശ്വ​സി​ക്കു​ക​യും ടാസ്‌മാ​നി​യ​യ്‌ക്കു വടക്കുള്ള ഫ്‌ളി​ന്റേ​ഴ്‌സ്‌ ദ്വീപിൽ പുനര​ധി​വ​സി​പ്പി​ക്കാം എന്ന അദ്ദേഹ​ത്തി​ന്റെ വാഗ്‌ദാ​നം സ്വീക​രി​ക്കു​ക​യും ചെയ്‌തു.

ഒരു ഓസ്‌​ട്രേ​ലി​യൻ ചരിത്രം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ മാർജരാ ബർണാഡ്‌, റോബിൻസ​ണി​ന്റെ നേട്ട​ത്തെ​ക്കു​റിച്ച്‌ ഇങ്ങനെ പറയുന്നു: “വാസ്‌ത​വ​ത്തിൽ, അദ്ദേഹ​ത്തിന്‌ അതേപ്പറ്റി അറിവി​ല്ലാ​യി​രു​ന്നെ​ങ്കിൽക്കൂ​ടി ആ അനുന​യ​ത്തിന്‌ ഒരു യൂദാസ്‌ സ്‌പർശം ഉണ്ടായി​രു​ന്നു. നിർഭാ​ഗ്യ​വാ​ന്മാ​രായ തദ്ദേശീ​യരെ ബാസ്സ്‌ കടലി​ടു​ക്കി​ലെ ഫ്‌ളി​ന്റേ​ഴ്‌സ്‌ ദ്വീപിൽ മാറ്റി​ത്താ​മ​സി​പ്പി​ച്ചു. രക്ഷാകർത്താ​വാ​യി റോബിൻസ​ണും അവരുടെ കൂടെ​യു​ണ്ടാ​യി​രു​ന്നു. ഊർജ​സ്വ​ല​ത​യും ആരോ​ഗ്യ​വും ക്ഷയിച്ച്‌ അവർ മരിച്ചു.” തോക്കു​കൾ അവശേ​ഷി​പ്പി​ച്ച​വരെ അടി​ച്ചേൽപ്പി​ക്കപ്പട്ട ജീവി​ത​രീ​തി​യും ഭക്ഷണശീ​ല​ങ്ങ​ളും മുട്ടു​കു​ത്തി​ച്ചു. ഒരു പുസ്‌തകം പറയു​ന്ന​ത​നു​സ​രിച്ച്‌ “തനി ടാസ്‌മാ​നി​യൻ ആദിവാ​സി​യെന്നു പറയാ​മാ​യി​രുന്ന അവസാ​നത്തെ വ്യക്തി 1905-ൽ ഹോബാർട്ടിൽവെച്ചു മരണമടഞ്ഞ ഫാന്നി കാക്രൻ സ്‌മിത്ത്‌ ആയിരു​ന്നു.” വിദഗ്‌ധർക്ക്‌ ഇതേപ്പറ്റി വിഭിന്ന അഭി​പ്രാ​യ​ങ്ങ​ളുണ്ട്‌. 1876-ൽ ഹോബാർട്ടിൽവെച്ചു മരിച്ച ട്രൂഗാ​നീ​നി എന്ന സ്‌ത്രീ​യാ​ണെ​ന്നാ​ണു ചിലരു​ടെ അഭി​പ്രാ​യം. മറ്റുചി​ലർ 1888-ൽ കങ്കാരൂ ദ്വീപിൽവെച്ചു മരിച്ച വേറൊ​രു സ്‌ത്രീ​യാ​ണെന്ന്‌ അഭി​പ്രാ​യ​പ്പെ​ടു​ന്നു. ടാസ്‌മാ​നി​യൻ ആദിവാ​സി​ക​ളു​ടെ സങ്കരവർഗ​ത്തിൽപ്പെട്ട പിൻഗാ​മി​കൾ ഇപ്പോ​ഴും ജീവി​ച്ചി​രി​ക്കു​ക​യും തൃപ്‌തി​ക​ര​മായ ജീവിതം നയിക്കു​ക​യും ചെയ്യുന്നു. മനുഷ്യ​വർഗ​ത്തി​ന്റെ തുടർന്നു​കൊ​ണ്ടി​രി​ക്കുന്ന ചൂഷണ​ങ്ങ​ളു​ടെ പട്ടിക​യിൽ ഈ സംഭവത്തെ യഥോ​ചി​തം “രാജ്യ​ത്തി​ലെ ഏറ്റവും വലിയ ദുരന്തം” എന്നു വിളി​ച്ചി​രി​ക്കു​ന്നു. കൂടാതെ ഇത്‌ “മനുഷ്യ​നു മനുഷ്യ​ന്റെ​മേൽ അവന്റെ ദോഷ​ത്തി​നാ​യി അധികാ​രമു”ണ്ട്‌ എന്ന ബൈബി​ള​ധി​ഷ്‌ഠിത സത്യത്തെ അടിവ​ര​യിട്ട്‌ ഉറപ്പി​ക്കു​ക​യും ചെയ്യുന്നു.—സഭാ​പ്ര​സം​ഗി 8:9.

ടാസ്‌മാ​നി​യ​യി​ലെ വൈരു​ദ്ധ്യ​മാർന്ന ദൃശ്യങ്ങൾ

ഇന്ന്‌, ഏതെങ്കി​ലും കാഴ്‌ച​ബം​ഗ്ലാ​വു​ക​ളോ ഗ്രന്ഥശാ​ല​ക​ളോ തടവറ​ക​ളു​ടെ അവശി​ഷ്ട​ങ്ങ​ളോ സന്ദർശി​ക്കു​ന്നെ​ങ്കി​ല​ല്ലാ​തെ ഈ മനോ​ഹ​ര​മായ ദ്വീപി​നു നേരി​ടേ​ണ്ടി​വന്ന അഗ്നിപ​രീ​ക്ഷ​ണ​ങ്ങ​ളെ​ക്കു​റി​ച്ചു നിങ്ങൾ അറിയാ​നുള്ള സാധ്യത തുലോം തുച്ഛമാണ്‌. റോം, സാപൊ​റോ, ബോസ്റ്റെൺ എന്നീ സ്ഥലങ്ങൾ ഭൂമധ്യ​രേ​ഖ​യിൽനിന്ന്‌ എത്രമാ​ത്രം വടക്കു സ്ഥിതി​ചെ​യ്യു​ന്നു​വോ അത്രതന്നെ ദൂരം തെക്കാ​യി​ട്ടാണ്‌ ടാസ്‌മാ​നിയ സ്ഥിതി​ചെ​യ്യു​ന്നത്‌. ദ്വീപി​ന്റെ ഒരു ഭാഗവും കടലിൽനിന്ന്‌ 115 കിലോ​മീ​റ്റ​റി​ലേറെ അകലത്തി​ല​ല്ലെ​ങ്കി​ലും, അതിന്റെ ചരി​ത്ര​ത്തി​ലെ​ന്ന​പോ​ലെ ഭൂമി​ശാ​സ്‌ത്ര​ത്തി​ലും വ്യക്തമായ വൈരു​ദ്ധ്യ​ങ്ങ​ളുണ്ട്‌.

ടാസ്‌മാ​നി​യ​യു​ടെ മൊത്തം വിസ്‌തീർണ​ത്തിൽ, 44 ശതമാനം വനവും 21 ശതമാനം ദേശീയ പാർക്കു​മാണ്‌. ഇത്തരം അനുപാ​തങ്ങൾ അപൂർവ​മാണ്‌! ദ ലിറ്റിൽ ടാസ്സീ ഫാക്‌റ്റ്‌ ബുക്ക്‌ പറയു​ന്ന​ത​നു​സ​രിച്ച്‌ “പശ്ചിമ ടാസ്‌മാ​നി​യ​യു​ടെ ലോക പൈതൃക മേഖല ലോക​ത്തി​ലെ നശിപ്പി​ക്ക​പ്പെ​ടാത്ത വലിയ മിതോഷ്‌ണ വനപ്ര​ദേ​ശ​ങ്ങ​ളിൽ ഒന്നാണ്‌.” മഴയും മഞ്ഞും ശേഖരി​ക്കുന്ന തടാക​ങ്ങ​ളും നിറയെ ട്രൗട്ട്‌ മത്സ്യങ്ങൾ ഉള്ള നദിക​ളും വെള്ളച്ചാ​ട്ട​ങ്ങ​ളും പെൻസിൽ പൈൻ, യൂക്കാ​ലി​പ്‌റ്റസ്‌, മിർട്ടിൽസ്‌, ബ്ലാക്ക്‌വുഡ്‌, സാസ്സാ​ഫ്രാസ്‌, ലെതർവുഡ്‌, സീലറി-ടോപ്പ്‌ഡ്‌ പൈൻ, ഹ്വോൻ പൈൻ തുടങ്ങി പലതര​ത്തി​ലുള്ള വൃക്ഷങ്ങൾ നിറഞ്ഞ വനങ്ങളെ ഫലഭൂ​യി​ഷ്‌ഠ​മാ​ക്കു​ന്നു. മധ്യ-പശ്ചിമ പീഠഭൂ​മി​യു​ടെ ഉയർന്ന സമതല​ങ്ങ​ളി​ലെ വൃക്ഷങ്ങൾക്കി​ട​യി​ലൂ​ടെ​യുള്ള മനോ​ഹ​ര​മായ കാഴ്‌ച​ക​ളും മിക്ക​പ്പോ​ഴും മഞ്ഞുമൂ​ടി​ക്കി​ട​ക്കുന്ന കൊടു​മു​ടി​ക​ളും പ്രകൃതി സ്‌നേ​ഹി​കളെ വീണ്ടും വീണ്ടും അവി​ടേ​ക്കാ​കർഷി​ക്കു​ന്ന​തിൽ തെല്ലും അതിശ​യി​ക്കാ​നില്ല.

എന്നാൽ “ലോക പൈതൃക” സംരക്ഷണം യാതൊ​രെ​തിർപ്പും കൂടാതെ നേടി​യെ​ടു​ത്തതല്ല. എന്നുത​ന്നെയല്ല, ഇപ്പോ​ഴും പരിസ്ഥി​തി സംരക്ഷ​ണ​വാ​ദി​കൾ ഖനനത്തി​നും കടലാസ്‌ നിർമാ​ണ​ത്തി​നും ജല​വൈ​ദ്യു​തി-ഊർജോ​ത്‌പാ​ദ​ന​ത്തി​നും വേണ്ടി വാദി​ക്കു​ന്ന​വർക്കെ​തി​രെ പ്രക്ഷോ​ഭം തുടരു​ന്നു. ഖനനം നടന്നു​കൊ​ണ്ടി​രി​ക്കുന്ന പട്ടണമായ ക്വീൻസ്‌ടൗ​ണി​ന്റെ ചന്ദ്രോ​പ​രി​ത​ല​സ​മാന ഭൂപ്ര​ദേശം പ്രകൃ​തി​വി​ഭ​വങ്ങൾ വിവേ​ക​ശൂ​ന്യ​മാ​യി ചൂഷണം ചെയ്യു​ന്ന​തി​ന്റെ ഭവിഷ്യ​ത്തു​കളെ അസുഖ​ക​ര​മാം​വി​ധം ഓർമി​പ്പി​ക്കു​ന്നു.

തദ്ദേശീയ മൃഗങ്ങൾക്കും ദ്രോഹം സഹി​ക്കേണ്ടി വന്നിട്ടുണ്ട്‌—പ്രത്യേ​കി​ച്ചും തവിട്ടു​നി​റ​മുള്ള ഒരു സഞ്ചിമൃ​ഗ​മായ തൈല​സൈന്‌ അല്ലെങ്കിൽ ടാസ്‌മാ​നി​യൻ കടുവ​യ്‌ക്ക്‌. അതിന്റെ മുതു​കി​ലും പൃഷ്‌ഠ​ഭാ​ഗ​ത്തു​മുള്ള കറുത്ത വരകളാണ്‌ അതിനു കടുവ എന്ന പേരു നേടി​ക്കൊ​ടു​ത്തത്‌. നിർഭാ​ഗ്യ​ക​ര​മെന്നു പറയട്ടെ, മെലിഞ്ഞു നാണം​കു​ണു​ങ്ങി​യായ ഈ മാംസ​ഭോ​ജി കോഴി​ക​ളെ​യും ആടുക​ളെ​യും പിടി​ച്ചു​തി​ന്നു​മാ​യി​രു​ന്നു. അതു​കൊണ്ട്‌ അതിനെ കൊല്ലു​ന്ന​വർക്ക്‌ ഒരു പാരി​തോ​ഷി​കം പ്രഖ്യാ​പി​ച്ചു, 1936-ഓടെ അതിനു വംശനാ​ശം സംഭവി​ച്ചു.

ടാസ്‌മാ​നി​യ​യിൽ മാത്രം കാണ​പ്പെ​ടുന്ന മറ്റൊരു സഞ്ചിമൃ​ഗ​മായ ടാസ്‌മാ​നി​യൻ ഡെവി​ളിന്‌ ഇപ്പോ​ഴും വംശനാ​ശം സംഭവി​ച്ചി​ട്ടില്ല. അഞ്ചുമു​തൽ എട്ടുവരെ കിലോ​ഗ്രാം തൂക്കമുള്ള ഈ ശക്തനായ ശവംതീ​നിക്ക്‌ തന്റെ ശക്തി​യേ​റിയ താടി​യെ​ല്ലു​ക​ളും പല്ലുക​ളു​മു​പ​യോ​ഗിച്ച്‌ ഒരു ചത്ത കങ്കാരു​വി​നെ മുഴുവൻ—തലയോ​ട്ടി​യുൾപ്പെടെ—തിന്നു​തീർക്കാൻ സാധി​ക്കും.

കുറി​യ​വാ​ലൻ ഷിയർവാ​റ്റർ അല്ലെങ്കിൽ മട്ടൺബേർഡ്‌ എന്നറി​യ​പ്പെ​ടുന്ന പക്ഷിയു​ടെ കാര്യ​ത്തി​ലും ടാസ്‌മാ​നിയ പ്രശസ്‌ത​മാണ്‌. ടാസ്‌മാ​നി​യൻ കടലിനു മുകളി​ലൂ​ടെ ദേശാ​ട​ന​മാ​രം​ഭിച്ച്‌ പ്രാ​യോ​ഗിക ബുദ്ധി​യു​പ​യോ​ഗി​ച്ചു പസഫി​ക്കു​വഴി ഭൂപ്ര​ദ​ക്ഷി​ണം നടത്തി അത്‌ അതിന്റെ പഴയ മണൽമാ​ള​ത്തിൽ മടങ്ങി​യെ​ത്തു​ന്നു—അതിന്റെ രൂപകൽപ്പി​താ​വും സ്രഷ്ടാ​വു​മാ​യ​വനു നിശ്ചയ​മാ​യും മഹത്ത്വം കരേറ്റു​മാ​റുള്ള ഒരു അനന്യ​സാ​ധാ​രണ കൃത്യം​തന്നെ.

അതിന്റെ പ്രജനന സ്ഥലങ്ങളായ നിശാ​താ​വ​ള​ങ്ങ​ളു​ടെ അടുത്തു​തന്നെ മറ്റൊരു പക്ഷി ജീവി​ക്കു​ന്നു, വെള്ളത്തി​ന​ടി​യി​ലൂ​ടെ “പറക്കുന്ന” ഒന്ന്‌—കണ്ടാലാ​രു​മി​ഷ്ട​പ്പെ​ടുന്ന, ഒരു കിലോ​ഗ്രാം തൂക്കമുള്ള, ചെറിയ കൊക്കു​ക​ളോ​ടു​കൂ​ടിയ ഒരു തൂവൽക്കെട്ട്‌—മാലാ​ഖ​പ്പെൻഗ്വിൻ. പെൻഗ്വി​നു​ക​ളു​ടെ കൂട്ടത്തിൽ നന്നേ ചെറി​യ​തെ​ങ്കി​ലും ഏറ്റവും ബഹളക്കാ​രൻ ഇവനാണ്‌! അതിന്റെ ചേഷ്ടക​ളും പാട്ടും സാന്ദ്ര​ത​യിൽ വ്യത്യ​സ്‌തത പുലർത്തു​ന്നു, ചില​പ്പോ​ഴൊ​ക്കെ ആകെ വെകി​ളി​പി​ടി​ച്ച​തു​പോ​ലെ ഉച്ചസ്ഥാ​യി​യി​ലെ​ത്തു​ന്നു. പ്രണയ​കാ​ലത്ത്‌ ഒരു ജോഡി, അന്യോ​ന്യ​മുള്ള തങ്ങളുടെ അടുപ്പം ഉറപ്പി​ക്കു​ന്ന​തി​നു​വേണ്ടി ചില​പ്പോൾ ഒരു യുഗ്മഗാ​നം​പോ​ലും പാടി​യേ​ക്കാം. എങ്കിലും സങ്കടക​ര​മെന്നു പറയട്ടെ, അനേക​മെണ്ണം മീൻപി​ടി​ത്ത​ക്കാ​രു​ടെ ചാളവ​ല​യിൽ കുടു​ങ്ങി​യോ എണ്ണതൂ​ക​ലി​ന്റെ ഫലമാ​യോ ഭക്ഷണ​മെന്നു വിചാ​രി​ച്ചു പ്ലാസ്റ്റിക്ക്‌ കഷണങ്ങൾ വിഴു​ങ്ങു​ന്ന​തി​നാ​ലോ പട്ടിക​ളും അലഞ്ഞു​തി​രി​യുന്ന പൂച്ചക​ളും പിടി​ക്കു​ന്ന​തി​നാ​ലോ ചത്തു​പോ​കു​ന്നു.

ദ്വീപി​ന്റെ കുറെ​ക്കൂ​ടി പ്രശാ​ന്ത​മായ മുഖം

മധ്യപീ​ഠ​ഭൂ​മി​യു​ടെ അറ്റത്തു​നി​ന്നു വടക്കു​ഭാ​ഗ​ത്തേ​ക്കോ കിഴക്കു​ഭാ​ഗ​ത്തേ​ക്കോ നോക്കു​ക​യാ​ണെ​ങ്കിൽ നിങ്ങൾക്കു ടാസ്‌മാ​നി​യ​യു​ടെ കുറെ​ക്കൂ​ടി സുന്ദര​മായ മറ്റൊരു മുഖം കാണാൻ സാധി​ക്കും. ചോക്ക​ലേറ്റ്‌ നിറമാർന്ന ഉഴുതു​മ​റിച്ച പാടങ്ങൾ; വളഞ്ഞു പുള​ഞ്ഞൊ​ഴു​കുന്ന പുഴക​ളും തോടു​ക​ളും; ഇരുവ​ശ​ങ്ങ​ളി​ലും നിരനി​ര​യാ​യി വൃക്ഷങ്ങൾ വെച്ചു​പി​ടി​പ്പിച്ച പാതകൾ; അങ്ങിങ്ങ്‌ പൊട്ടു​കൾപോ​ലെ മേയുന്ന ചെമ്മരി​യാ​ടു​ക​ളും കന്നുകാ​ലി​ക​ളു​മുള്ള മരതക​പ്പ​ച്ച​യാർന്ന മേച്ചിൽപ്പു​റങ്ങൾ. വടക്കൻ പട്ടണമായ ലിലീ​ഡേ​യ്‌ലി​ന​ടുത്ത്‌, ജനുവ​രി​മാ​സ​ത്തിൽ കർപ്പൂ​ര​വ​ള്ളി​പ്പാ​ടങ്ങൾ മുഴുവൻ പൂക്കു​മ്പോൾ ഈ ഉൾനാടൻ വർണ​പ്പൊ​ലി​മ​യിൽ നീല​ലോ​ഹി​ത​വർണം കൂടി​ക്ക​ല​രു​ന്ന​തോ​ടൊ​പ്പം ഹൃദയ​ഹാ​രി​യായ സുഗന്ധ​വും പ്രസരി​ക്കു​ന്നു.

ടാസ്‌മാ​നി​യ​യ്‌ക്ക്‌ ആപ്പിൾ ദ്വീപ്‌ എന്നു പേരു നേടി​ക്കൊ​ടുത്ത ആപ്പിൾത്തോ​ട്ട​ത്തിൽനിന്ന്‌ ഏറെ അകലെ​യ​ല്ലാ​തെ, ഡെർവെൻറ്‌ നദിക്കി​രു​വ​ശ​ത്തു​മാ​യി, തലസ്ഥാന നഗരി​യായ ഹോബാർട്ട്‌ നഗരം സ്ഥിതി​ചെ​യ്യു​ന്നു. അതിന്റെ ജനസംഖ്യ ഏകദേശം 1,82,000 ആണ്‌. 1,270 മീറ്റർ ഉയരമുള്ള ഭീമൻ വെല്ലി​ങ്‌ടൺ പർവതം അതിന്റെ സ്ഥലത്തിന്റെ ഭൂരി​ഭാ​ഗ​വും കയ്യടക്കി​യി​രി​ക്കു​ന്നു. മിക്ക സമയത്തും മഞ്ഞിൻ മകുട​മ​ണി​ഞ്ഞു കിടക്കുന്ന പർവത​ത്തി​നു മുകളിൽ നിന്ന്‌, ഒരു തെളിഞ്ഞ പകൽസ​മ​യത്തു നോക്കി​യാൽ പട്ടണത്തി​ന്റെ ഒരു വിഹഗ​വീ​ക്ഷണം ലഭിക്കു​ന്നു. 1803-ൽ ലെഫ്‌റ്റ​നൻറ്‌ ജോൺ ബോവ​നും 35 കുറ്റവാ​ളി​ക​ള​ട​ങ്ങുന്ന 49 പേരുടെ സംഘവും ആദ്യമാ​യി റിസ്‌ഡൺ കോവിൽ തീരമ​ണ​ഞ്ഞ​പ്പോ​ഴ​ത്തെ​തി​നെ​ക്കാൾ ഹോബാർട്ട്‌ വളരെ​യേറെ പുരോ​ഗ​മി​ച്ചി​രി​ക്കു​ന്നു. കാൻവാസ്‌ പായക​ളും കിരു​കി​രു​ക്കുന്ന തടിക​ളും ഉള്ള കപ്പലു​ക​ളു​ടെ കാലം പൊയ്‌പോ​യി​രി​ക്കു​ന്നു എന്നതു സത്യമാണ്‌. എങ്കിലും, വർഷത്തി​ലൊ​രി​ക്കൽ നടത്ത​പ്പെ​ടുന്ന, സിഡ്‌നി​യിൽനി​ന്നു ഹോബാർട്ടു​വ​രെ​യുള്ള ആവേശ​ജ​ന​ക​മായ കളിവള്ള മത്സരത്തിൽ നിറപ്പ​കി​ട്ടാർന്ന കപ്പൽപ്പാ​യ​ക​ളും ചലനത​ട​സ്സങ്ങൾ പരമാ​വധി കുറയ്‌ക്കും​വി​ധം രൂപകൽപ്പ​ന​ചെ​യ്യ​പ്പെട്ട ഉടലു​മുള്ള കളിവ​ള്ളങ്ങൾ ആർപ്പി​ടുന്ന ആൾക്കൂ​ട്ടത്തെ കടന്ന്‌ ഹോബാർട്ടി​ന്റെ ഹൃദയ​ഭാ​ഗ​ത്തേക്കു പായു​മ്പോൾ നാം വീണ്ടും ആ പഴയകാ​ല​ത്തി​ലെ​ത്തി​ച്ചേ​രു​ന്നു.

പീഡന​ത്തി​ന്റെ ദേശം ആത്മീയ പറുദീ​സ​യാ​കു​ന്നു

ലോൺസെ​സ്റ്റ​ണിൽ നടന്ന 1994-ലെ “ദൈവഭയ” ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ 2,447 പ്രതി​നി​ധി​ക​ളി​ലൊ​രു​വ​നായ ജെഫ്രി ബട്ടർവർത്ത്‌ തന്റെ ഓർമകൾ അയവി​റ​ക്കു​ന്നു: “ടാസ്‌മാ​നി​യ​യിൽ മൊത്തം 40 സാക്ഷി​ക​ളി​ലേ​റെ​യി​ല്ലാ​തി​രുന്ന നാളുകൾ ഞാനോർക്കു​ന്നു.” ഇപ്പോൾ ഏകദേശം 26 സഭകളും 23 രാജ്യ​ഹാ​ളു​ക​ളു​മുണ്ട്‌.

“പക്ഷേ അവസ്ഥകൾ എല്ലായ്‌പോ​ഴും അനുകൂ​ല​മാ​യി​രു​ന്നില്ല,” ജെഫ്‌ കൂട്ടി​ച്ചേർക്കു​ന്നു. “ഉദാഹ​ര​ണ​ത്തിന്‌, പണ്ട്‌ 1938-ൽ ടോം കിറ്റോ​യും റോഡ്‌ മക്ക്വി​ല്ലി​യും ഞാനും മുമ്പി​ലും പുറകി​ലു​മാ​യി പരസ്യങ്ങൾ തൂക്കി​യി​ട്ടു​കൊണ്ട്‌ ‘വസ്‌തു​ത​കളെ അഭിമു​ഖീ​ക​രി​ക്കുക’ എന്ന ബൈബി​ള​ധി​ഷ്‌ഠിത പ്രസം​ഗ​ത്തെ​ക്കു​റി​ച്ചു പരസ്യ​പ്പെ​ടു​ത്തു​ക​യാ​യി​രു​ന്നു. വ്യാജ​മ​തത്തെ നിർദാ​ക്ഷി​ണ്യം തുറന്നു​കാ​ട്ടി​ക്കൊണ്ട്‌ ലണ്ടനിൽനി​ന്നു റേഡി​യോ ശൃംഖ​ല​വ​ഴി​യുള്ള ഒരു സം​പ്രേ​ക്ഷ​ണ​മാ​യി​രു​ന്നു അത്‌. ഞാൻ മറ്റുള്ള​വ​രു​ടെ അടുത്തു തിരി​ച്ചെ​ത്തി​യ​പ്പോൾ അവരെ ഒരു സംഘം ചെറു​പ്പ​ക്കാർ ചേർന്നു ഭീഷണി​പ്പെ​ടു​ത്തു​ക​യാ​യി​രു​ന്നു. പൊലീസ്‌ കൈയും​കെട്ടി നോക്കി നിന്ന​തേ​യു​ള്ളൂ! അവരെ സഹായി​ക്കാ​നാ​യി ഞാൻ ഓടി​ച്ചെ​ന്നെ​ങ്കി​ലും എന്നെ അടിച്ചു താഴെ​യി​ട്ടു. എന്നാൽ ഒരു മനുഷ്യൻ എന്നെ ഷർട്ടിന്റെ പുറകു​വ​ശത്തു കൂട്ടി​പ്പി​ടിച്ച്‌ അവി​ടെ​നി​ന്നു വലിച്ചു​മാ​റ്റി. എന്നെ അടിക്കു​ന്ന​തി​നു പകരം ആ മനുഷ്യൻ ഉറക്കെ വിളി​ച്ചു​പ​റഞ്ഞു: ‘അവരെ വെറുതെ വിടൂ!’ എന്നിട്ട്‌ അദ്ദേഹം എന്നോ​ടാ​യി പതു​ക്കെ​പ്പ​റഞ്ഞു: ‘പീഡി​പ്പി​ക്ക​പ്പെ​ടുക എന്നാ​ലെ​ന്താ​ണെന്ന്‌ എനിക്ക​റി​യാം, സുഹൃത്തേ. ഞാനൊ​രു അയർലൻഡു​കാ​ര​നാണ്‌.’”

ആ പഴയകാ​ലത്തെ പയനി​യർമാ​രെ യഹോവ അനു​ഗ്ര​ഹി​ച്ചു, കാരണം ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത 4,52,000 പേരുള്ള ദ്വീപി​ന്റെ എല്ലാ കോണി​ലും എത്തി​ച്ചേർന്നി​രി​ക്കു​ന്നു. പഴയ കുറ്റവാ​ളി​ക​ളു​ടെ അനേകം പിൻമു​റ​ക്കാ​രും ആദിവാ​സി​ക​ളും ഒരു ശുദ്ധീ​ക​രി​ക്ക​പ്പെട്ട ഭൂമി​യി​ലേക്ക്‌, ആ ക്രൂര​മായ പഴയനാ​ളു​ക​ളിൽ അന്യാ​യ​മാ​യി കൊല​ചെ​യ്യ​പ്പെട്ട—കറുത്ത​വ​രും വെളു​ത്ത​വ​രു​മായ—എല്ലാവ​രെ​യും തിരികെ സ്വാഗതം ചെയ്യാൻ നോക്കി​പ്പാർത്തി​രി​ക്കു​ന്നു. കാരണം ബൈബിൾ ഇപ്രകാ​രം ഉറപ്പു നൽകുന്നു, “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.” (പ്രവൃ​ത്തി​കൾ 24:15) ആ മാറ്റം സമ്പൂർണ​മാ​യി​രി​ക്കു​മെ​ന്ന​തി​നാൽ “മുമ്പി​ലെത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല.”—യെശയ്യാ​വു 65:17.

[അടിക്കു​റിപ്പ്‌]

[25-ാം പേജിലെ ചിത്ര​ങ്ങ​ളും ഭൂപട​ങ്ങ​ളും]

മുകളിൽ: ക്രാഡിൽ പർവത​വും ഡോവ്‌ തടാക​വും

മുകളിൽ വലത്ത്‌: ടാസ്‌മാ​നി​യൻ ഡെവിൾ

താഴെ വലത്ത്‌: തെക്കു​പ​ടി​ഞ്ഞാ​റൻ ടാസ്‌മാ​നി​യ​യി​ലെ മഴവനം

ടാസ്‌മാനിയ

ഓസ്‌ട്രേലിയ

[കടപ്പാട്‌]

Tasmanian devil and map of Tasmania: Department of Tourism, Sport and Recreation – Tasmania; Map of Australia: Mountain High Maps® Copyright © 1995 Digital Wisdom, Inc.