മാറി​വ​രുന്ന മനോ​ഭാ​വങ്ങൾ ഉയർത്തുന്ന പുതിയ ചോദ്യ​ങ്ങൾ

“ലൈം​ഗി​ക​വി​പ്ലവം,” “ലൈം​ഗി​ക​വി​സ്‌ഫോ​ടനം,” “ധാർമി​ക​വി​പ്ലവം.” ഇത്തരം പദങ്ങൾ ലൈം​ഗി​കത സംബന്ധിച്ച്‌ മാറി​വ​രുന്ന മനോ​ഭാ​വ​ങ്ങളെ പരസ്യ​പ്പെ​ടു​ത്തി, വിശേ​ഷിച്ച്‌ 1960-കളുടെ മധ്യത്തി​ലും അതിനു​ശേ​ഷ​മുള്ള വർഷങ്ങ​ളി​ലും. പലരും “സ്വതന്ത്ര ലൈം​ഗി​കത” എന്ന മുദ്രാ​വാ​ക്യം സ്വീക​രി​ച്ചു. വ്യക്തികൾ വിവാ​ഹ​വും ചാരി​ത്ര്യ​വും തള്ളിക്ക​ള​യുന്ന ജീവി​ത​രീ​തി​യാ​യി​രു​ന്നു അതിന്റെ സവി​ശേഷത.

“ഒരു പ്രവൃത്തി ചെയ്‌ത​ശേഷം അതു നല്ലതെന്നു നിങ്ങൾക്കു തോന്നു​ന്നെ​ങ്കിൽ അതാണ്‌ ധാർമി​കത. ഒരു പ്രവൃത്തി ചെയ്‌ത​ശേഷം അതു മോശ​മാ​ണെന്നു തോന്നു​ന്നെ​ങ്കിൽ അതാണ്‌ അധാർമി​കത” എന്ന എഴുത്തു​കാ​ര​നായ ഏർണസ്റ്റ്‌ ഹെമി​ങ്‌വേ​യു​ടെ പ്രസ്‌താ​വന, ലൈം​ഗിക സ്വാത​ന്ത്ര്യ​ത്തി​ന്റെ​യും സംതൃ​പ്‌തി​യു​ടെ​യും വാഗ്‌ദാ​ന​ങ്ങ​ളിൽ കുടു​ങ്ങി​പ്പോ​യ​വ​രു​ടെ മനോ​ഭാ​വത്തെ നന്നായി സംക്ഷേ​പി​ക്കു​ന്നു. ഈ തത്ത്വചി​ന്ത​യു​ടെ സ്വീകാ​ര്യത, ഒന്നില​ധി​കം പങ്കാളി​ക​ളു​മാ​യുള്ള ഹ്രസ്വ​കാല ലൈം​ഗി​ക​ബ​ന്ധ​ങ്ങളെ ന്യായീ​ക​രി​ച്ചു. ഇത്തരം ബന്ധങ്ങളി​ലൂ​ടെ സ്‌ത്രീ​പു​രു​ഷ​ന്മാർ തങ്ങളുടെ ലൈം​ഗി​കത പരീക്ഷി​ച്ചു​നോ​ക്കി. ലൈം​ഗിക “സംതൃ​പ്‌തി”ക്ക്‌ അതിരു​ക​ളി​ല്ലാ​യി​രു​ന്നു. ഇതേ ദശകത്തിൽത്തന്നെ പുറത്തി​റ​ക്കിയ ഗർഭനി​രോ​ധന ഗുളി​കകൾ, വിലക്കു​ക​ളി​ല്ലാത്ത ലൈം​ഗിക പരീക്ഷ​ണ​ത്തി​നു കൂടുതൽ പ്രചോ​ദ​ന​മേകി.

എന്നാൽ, എയ്‌ഡ്‌സും മറ്റു ലൈം​ഗി​ക​രോ​ഗ​ങ്ങ​ളും ഇത്തരം കുത്തഴിഞ്ഞ ജീവി​ത​രീ​തി​യു​ടെ മുഖമു​ദ്ര​യാ​യി​മാ​റി. സദാചാ​ര​ബോ​ധ​മി​ല്ലാത്ത ഒരു തലമു​റ​യു​ടെ ലൈം​ഗിക മനോ​ഭാ​വ​ങ്ങ​ളു​ടെ അടിത്ത​റ​യി​ളകി. ഏതാനും വർഷങ്ങൾക്കു​മുമ്പ്‌ ടൈം മാഗസി​നിൽ, “’80-കളിലെ ലൈം​ഗി​കത—വിപ്ലവം സമാപി​ച്ചി​രി​ക്കു​ന്നു” എന്ന തലക്കെട്ടു പ്രത്യ​ക്ഷ​പ്പെ​ട്ടി​രു​ന്നു. മുഖ്യ​മാ​യും, പല അമേരി​ക്ക​ക്കാർക്കും പിടി​പെട്ട വ്യാപ​ക​മായ ലൈം​ഗി​ക​രോ​ഗ​ങ്ങളെ ആസ്‌പ​ദ​മാ​ക്കി​യു​ള്ള​താ​യി​രു​ന്നു ഈ പ്രസ്‌താ​വന. ലോക​മെ​മ്പാ​ടു​മുള്ള എയ്‌ഡ്‌സ്‌ രോഗി​ക​ളു​ടെ എണ്ണം ഞെട്ടി​ക്കുന്ന സംഖ്യ​യി​ലെ​ത്തി​യി​രി​ക്കു​ന്നു. ഏതാണ്ട്‌ മൂന്നു കോടി!

ലൈം​ഗി​ക​രോ​ഗ​ങ്ങ​ളെ​ക്കു​റി​ച്ചുള്ള ഭയം, ഹ്രസ്വ​കാല ലൈം​ഗി​ക​ബ​ന്ധങ്ങൾ സംബന്ധിച്ച പലരു​ടെ​യും മനോ​ഭാ​വ​ങ്ങ​ളിൽ കുറെ​ക്കൂ​ടെ മാറ്റം വരുത്തി. ഒരു വിനോ​ദ​മാ​ഗ​സി​നായ യുഎസി​ന്റെ 1992 ലക്കം, ഒരു ഗവൺമെൻറ്‌ സർവേ​യെ​ക്കു​റി​ച്ചു റിപ്പോർട്ടു ചെയ്യവേ ഇപ്രകാ​രം പറഞ്ഞു: “എയ്‌ഡ്‌സി​നോ​ടും മറ്റു ലൈം​ഗി​ക​രോ​ഗ​ങ്ങ​ളോ​ടു​മുള്ള ഭയം മൂലം അവിവാ​ഹി​ത​രായ 68 ലക്ഷത്തോ​ളം സ്‌ത്രീ​കൾ തങ്ങളുടെ ലൈം​ഗിക സ്വഭാ​വ​ങ്ങ​ളിൽ മാറ്റം വരുത്തി​യി​രി​ക്കു​ന്നു.” ലേഖനം പറയു​ന്ന​ത​നു​സ​രിച്ച്‌, വ്യക്തമായ സന്ദേശം ഇതാണ്‌: “ലൈം​ഗി​കത ഒരു നിസ്സാര സംഗതി​യല്ല. തീക്കളി​യാണ്‌.”

പ്രക്ഷു​ബ്ധ​മാ​യ ഈ ദശകങ്ങൾ, ലൈം​ഗി​ക​ബ​ന്ധ​ങ്ങ​ളോ​ടുള്ള മനോ​ഭാ​വ​ങ്ങളെ ഏതു വിധത്തി​ലാ​ണു ബാധി​ച്ചി​രി​ക്കു​ന്നത്‌? സമീപ ദശകങ്ങ​ളി​ലെ സ്വതന്ത്ര ലൈം​ഗി​ക​ത​യാൽ സവി​ശേ​ഷ​മാ​ക്ക​പ്പെട്ട, വരും​വ​രാ​യ്‌ക​ക​ളെ​ക്കു​റി​ച്ചു ചിന്തി​ക്കാ​തെ​യുള്ള എടുത്തു​ചാ​ട്ട​ത്തിൽനി​ന്നും ’80-കളിലെ ലൈം​ഗി​ക​രോ​ഗങ്ങൾ സംബന്ധിച്ച കയ്‌പേ​റിയ യാഥാർഥ്യ​ങ്ങ​ളിൽനി​ന്നും എന്തെങ്കി​ലും പാഠം പഠിച്ചി​ട്ടു​ണ്ടോ? പൊതു​വി​ദ്യാ​ല​യ​ങ്ങ​ളിൽ ഏർപ്പെ​ടു​ത്തി​യി​രി​ക്കുന്ന ലൈം​ഗിക വിദ്യാ​ഭ്യാ​സം, തങ്ങളുടെ ലൈം​ഗി​ക​പ്രാ​പ്‌തി​കളെ വിജയ​ക​ര​മാ​യി കൈകാ​ര്യം ചെയ്യാൻ യുവതീ​യു​വാ​ക്കളെ സഹായി​ച്ചി​ട്ടു​ണ്ടോ? ലൈം​ഗി​ക​ത​യോ​ടുള്ള ഇക്കാലത്തെ മാറ്റം വന്ന മനോ​ഭാ​വ​ങ്ങ​ളു​ടെ വെല്ലു​വി​ളി​യെ നേരി​ടാ​നുള്ള ഏറ്റവും നല്ല മാർഗം ഏതാണ്‌?