നിങ്ങളു​ടെ മനോ​ഭാ​വത്തെ സ്വാധീ​നി​ക്കു​ന്നത്‌ എന്ത്‌

ഏതാണ്ട്‌ 2,700 വർഷം മുമ്പ്‌ ഒരു നിശ്വസ്‌ത എഴുത്തു​കാ​രൻ ചിന്തോ​ദ്ദീ​പ​ക​മായ ഈ പഴമൊ​ഴി എഴുതി: ‘ദോഷം ചെയ്യു​ന്നതു ഭോഷന്നു കളിയാ​കു​ന്നു.’ (സദൃശ​വാ​ക്യ​ങ്ങൾ 10:23) ഈ വാക്കു​ക​ളു​ടെ സത്യത, ലൈം​ഗി​ക​വി​പ്ലവം ആരംഭി​ച്ച​തു​മു​തൽ വെളി​വാ​യി​രി​ക്കു​ന്നു. എയ്‌ഡ്‌സി​നെ​ക്കു​റി​ച്ചുള്ള ഭീതി പരക്കു​ന്ന​തി​നു​മുമ്പ്‌, ലൈം​ഗി​കത ഒരു ‘കായി​ക​വി​നോ​ദ​മാ​ണെ​ന്നും ഭവിഷ്യ​ത്തു​കൾ എന്തുത​ന്നെ​യാ​യാ​ലും ലൈം​ഗിക തൃഷ്‌ണ ശമിപ്പി​ക്ക​ണ​മെന്നു’മുള്ള ഒരു മനോ​ഭാ​വ​മാ​ണു നിലവി​ലു​ണ്ടാ​യി​രു​ന്നത്‌. ഈ മനോ​ഭാ​വ​ത്തി​നു മാറ്റം വന്നിട്ടു​ണ്ടോ? ഇല്ലെന്നു​തന്നെ പറയാം.

ലൈം​ഗി​ക​ത​യോ​ടുള്ള ഇന്നത്തെ ആസക്തി, ഇപ്പോ​ഴും “സ്‌ത്രീ​ല​മ്പടൻ”മാരെ​യും ‘കല്യാ​ണ​വീ​രൻ’മാരെ​യും “ലൈം​ഗിക ആഭാസൻ”മാരെ​യും ഉളവാ​ക്കി​ക്കൊ​ണ്ടി​രി​ക്കു​ന്നു. ധാർമി​കത ഒരു വ്യക്തി​പ​ര​മായ കാര്യ​മാ​ണെ​ന്നും ഒന്നില​ധി​കം പങ്കാളി​ക​ളു​മാ​യുള്ള സ്വതന്ത്ര ലൈം​ഗി​കത ഒരു സാധാരണ സംഗതി​യാ​ണെ​ന്നും അവർ വാദി​ക്കു​ന്നു. (6-ാം പേജിലെ ‘ലൈം​ഗിക ജീവി​ത​രീ​തി​കൾ’ എന്ന ചതുരം കാണുക.) പ്രായ​പൂർത്തി​യാ​യവർ പരസ്‌പര സമ്മത​ത്തോ​ടെ നടത്തുന്ന ലൈം​ഗി​ക​വേഴ്‌ച ‘ആർക്കും ദോഷം ചെയ്യു​ക​യില്ല’ എന്ന്‌ അവർ അവകാ​ശ​പ്പെ​ടു​ന്നു. 1964-ൽ, ഐയ്യോവ സ്റ്റേറ്റ്‌ യൂണി​വേ​ഴ്‌സി​റ്റി​യി​ലെ സമുദാ​യ​ശാ​സ്‌ത്ര​ജ്ഞ​നായ ഐറ റൈസ്‌ ഇതിനെ “പ്രേമ​പൂർവ​മുള്ള അനുവാ​ദാ​ത്മകത” എന്നു വർണിച്ചു.

സ്‌കോ​ട്ട്‌ലൻഡി​ലെ എഡിൻബർഗി​ലുള്ള ആംഗ്ലിക്കൻ ബിഷപ്പി​നും സമാന ചിന്താ​ഗ​തി​യാ​ണു​ള്ള​തെന്നു തോന്നു​ന്നു. കാരണം, മനുഷ്യന്‌ ഒന്നില​ധി​കം കാമു​കീ​കാ​മു​ക​ന്മാർ ഉണ്ടായി​രി​ക്കാൻ ഉദ്ദേശി​ക്ക​പ്പെ​ട്ടി​രി​ക്കു​ന്നു​വെ​ന്നാണ്‌ അദ്ദേഹം പറഞ്ഞത്‌. ലൈം​ഗി​ക​ത​യും ക്രിസ്‌ത്യാ​നി​ത്വ​വും സംബന്ധിച്ച ഒരു പ്രസം​ഗ​ത്തിൽ അദ്ദേഹം പറഞ്ഞു: “ദൈവം നമ്മെ സൃഷ്ടി​ച്ച​പ്പോൾ, നമ്മുടെ ലൈം​ഗി​കാ​ഭി​ലാ​ഷ​ങ്ങളെ തൃപ്‌തി​പ്പെ​ടു​ത്താ​നുള്ള വഴികൾ തേടാൻ തക്കവണ്ണം ഒരു ലൈം​ഗിക തൃഷ്‌ണ അവൻ നമുക്കു നൽകി​യി​ട്ടു​ണ്ടെ​ന്നു​ള്ളത്‌ അവനറി​യാം. അനുവാ​ദാ​ത്മ​ക​ത​യു​ടെ ജീനു​കളെ അവൻ നമുക്കു നൽകി​യി​രി​ക്കു​ന്നു. തങ്ങളുടെ സഹജവാ​സ​ന​കൾക്ക​നു​സൃ​ത​മാ​യി പ്രവർത്തി​ച്ച​വരെ കുറ്റ​പ്പെ​ടു​ത്തു​ന്നതു സഭയെ സംബന്ധി​ച്ചി​ട​ത്തോ​ളം തെറ്റാ​യി​രി​ക്കു​മെന്നു ഞാൻ കരുതു​ന്നു.”

അത്തര​മൊ​രു വീക്ഷണ​ഗതി ആരോ​ഗ്യാ​വ​ഹ​മാ​ണോ? സ്വതന്ത്ര ലൈം​ഗി​ക​ത​യ്‌ക്ക്‌ ഒടു​ക്കേ​ണ്ടി​വ​രുന്ന വില എന്തായി​രി​ക്കും? ഒന്നില​ധി​കം ലൈം​ഗിക പങ്കാളി​ക​ളു​മാ​യുള്ള ഹ്രസ്വ​കാല ബന്ധങ്ങൾ സംതൃ​പ്‌തി​യും സന്തുഷ്ടി​യും കൈവ​രു​ത്തു​ന്നു​ണ്ടോ?

ലൈം​ഗി​ക​രോ​ഗങ്ങൾ ലോക​മൊ​ട്ടാ​കെ പടർന്നു​പി​ടി​ച്ചി​രി​ക്കു​ന്ന​തും വിശേ​ഷിച്ച്‌ കൗമാ​ര​പ്രാ​യ​ക്കാർക്കി​ട​യി​ലെ കോടി​ക്ക​ണ​ക്കി​നു​വ​രുന്ന അവിഹിത ഗർഭധാ​ര​ണ​ങ്ങ​ളും ഇത്തര​മൊ​രു തത്ത്വശാ​സ്‌ത്ര​ത്തി​ന്റെ പരാജ​യ​ത്തി​നു സാക്ഷ്യം വഹിക്കു​ന്നു. ന്യൂസ്‌വീക്ക്‌ മാഗസിൻ പറയു​ന്ന​ത​നു​സ​രിച്ച്‌, വർഷം​തോ​റും ഐക്യ​നാ​ടു​ക​ളിൽ മാത്രം ഏതാണ്ട്‌ 30 ലക്ഷം കൗമാ​ര​പ്രാ​യ​ക്കാ​രെ ലൈം​ഗി​ക​രോ​ഗങ്ങൾ പിടി​കൂ​ടു​ന്നു. ഇതിനു​പു​റമേ, “പരസ്‌പര സമ്മത​ത്തോ​ടെ ബന്ധപ്പെ​ടുന്ന ഈ പ്രായ​പൂർത്തി​യാ​യവ”രിൽ പലരും “വാത്സല്യ​മി​ല്ലാത്ത”വരായി അല്ലെങ്കിൽ മിക്ക​പ്പോ​ഴും തങ്ങളുടെ വേഴ്‌ച​യു​ടെ ഫലമാ​യി​ട്ടു​ണ്ടാ​കുന്ന അജാത ശിശു​വി​നോട്‌ കർത്തവ്യ​ബോ​ധം ഇല്ലാത്ത​വ​രാ​യി കാണ​പ്പെ​ടു​ന്നു. അതു​കൊണ്ട്‌ അവർ വേഗത്തിൽ ഗർഭം അലസി​പ്പി​ക്കാ​നുള്ള വഴികൾ തേടുന്നു. (2 തിമൊ​ഥെ​യൊസ്‌ 3:3) അങ്ങനെ അമ്മയിൽനി​ന്നു ക്രൂര​മാ​യി പറി​ച്ചെ​റി​യ​പ്പെ​ടു​മ്പോൾ ഈ അജാത​ശി​ശു​വിന്‌ ഒടു​ക്കേ​ണ്ടി​വ​രുന്ന വില അതിന്റെ ജീവനാണ്‌. യുവ മാതാ​വി​നാ​കട്ടെ, ഇതുമൂ​ലം ജീവി​ത​കാ​ലം മുഴുവൻ അവളെ വേട്ടയാ​ടുന്ന തരത്തി​ലുള്ള ആഴമായ വിഷാ​ദ​വും കുറ്റ​ബോ​ധ​വും അനുഭ​വ​പ്പെ​ട്ടേ​ക്കാം.

ലൈം​ഗി​ക​വി​പ്ല​വ​ത്തി​ന്റെ ഫലമായി ’90-കളുടെ മധ്യത്തിൽ ബ്രിട്ട​നിൽ മാത്ര​മാ​യി പ്രതി​വർഷം 2,000 കോടി ഡോളർ വീതം ചെലവാ​യ​താ​യി ഡോ. പാട്രിക്ക്‌ ഡിക്‌സൻ കണക്കു​കൂ​ട്ടി. പ്രേമ​ത്തി​ന്റെ ഉയരുന്ന വില (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ, എയ്‌ഡ്‌സ്‌ ഉൾപ്പെ​ടെ​യുള്ള ലൈം​ഗി​ക​രോ​ഗ​ങ്ങ​ളു​ടെ ചികിത്സാ ചെലവും വിവാ​ഹ​മോ​ച​ന​ത്തോ​ടു ബന്ധപ്പെട്ട ചെലവും മാതാ​വോ പിതാ​വോ തനിച്ച്‌ മക്കളെ വളർത്തി​ക്കൊ​ണ്ടു​വ​രു​മ്പോൾ സമൂഹ​ത്തി​നു​ണ്ടാ​കുന്ന ചെലവും കുടും​ബ​ങ്ങ​ളെ​യും കുട്ടി​ക​ളെ​യും ചികി​ത്സാ​വി​ധേ​യ​മാ​ക്കു​ന്ന​തി​നുള്ള പണച്ചെ​ല​വു​മെ​ല്ലാം രേഖ​പ്പെ​ടു​ത്തി​ക്കൊ​ണ്ടാണ്‌ ഡോ. ഡിക്‌സൻ ഈ സംഖ്യ​യിൽ എത്തി​ച്ചേർന്നത്‌. കാനഡ​യി​ലെ ഒരു വർത്തമാ​ന​പ​ത്ര​മായ ദ ഗ്ലോബ്‌ ആൻഡ്‌ മെയിൽ റിപ്പോർട്ടു ചെയ്‌ത​ത​നു​സ​രിച്ച്‌ ഡോ. ഡിക്‌സൻ ഇപ്രകാ​രം ഉപസം​ഹ​രി​ക്കു​ന്നു: “നമുക്കു സ്വാത​ന്ത്ര്യം വാഗ്‌ദാ​നം ചെയ്‌ത ലൈം​ഗിക ബന്ധങ്ങളി​ലെ ഒരു വിപ്ലവം, ലൈം​ഗിക കുഴപ്പങ്ങൾ, ദുരന്തം, ഏകാന്തത, വൈകാ​രിക വേദന, അക്രമം, ദുഷ്‌പെ​രു​മാ​റ്റങ്ങൾ എന്നിവ നിമിത്തം താറു​മാ​റായ ഒരു ലോകത്തു പലരെ​യും തളച്ചി​ട്ടി​രി​ക്കു​ന്നു.”

എന്നാൽ, ലൈം​ഗി​കാ​സ​ക്തി​യും ഹ്രസ്വ​കാല ബന്ധങ്ങ​ളോ​ടുള്ള ആഭിമു​ഖ്യ​വും കണക്കു​ബോ​ധി​പ്പി​ക്കേ​ണ്ട​തി​ല്ലാത്ത സ്വതന്ത്ര ലൈം​ഗി​ക​ത​യ്‌ക്കു വേണ്ടി​യുള്ള പിടി​വാ​ശി​യും തുടരു​ന്ന​തെ​ന്തു​കൊ​ണ്ടാണ്‌? ഇക്കഴിഞ്ഞ മൂന്നു ദശകങ്ങ​ളിൽ ഇത്ര വ്യക്തമായ തിക്തഫ​ലങ്ങൾ കൊ​യ്യേ​ണ്ടി​വ​ന്നി​ട്ടും ഈ നശീകരണ ആസക്തിക്കു വഴിമ​രു​ന്നി​ടു​ന്നത്‌ എന്താണ്‌?

അശ്ലീല മാധ്യ​മങ്ങൾ ലൈം​ഗി​ക​തയെ വികല​മാ​ക്കു​ന്നു

ലൈം​ഗി​കാ​സ​ക്തി​ക്കു വഴിമ​രു​ന്നി​ടുന്ന ഒരു ഘടകമാ​യി അശ്ലീല മാധ്യ​മത്തെ പരാമർശി​ച്ചി​രി​ക്കു​ന്നു. ലൈം​ഗിക ആസക്ത​നെന്ന്‌ ഏറ്റുപറഞ്ഞ ഒരു വ്യക്തി ദ ടൊറ​ന്റോ സ്റ്റാർ എന്ന വർത്തമാ​ന​പ​ത്ര​ത്തിൽ ഇപ്രകാ​രം എഴുതു​ന്നു: “ഞാൻ അഞ്ചു വർഷം​മുമ്പ്‌ പുകവ​ലി​യും രണ്ടു വർഷം​മുമ്പ്‌ മദ്യപാ​ന​വും നിറുത്തി. എന്നാൽ, ലൈം​ഗി​ക​ത​യോ​ടും അശ്ലീല കാര്യ​ങ്ങ​ളോ​ടു​മുള്ള ആസക്തി തരണം ചെയ്യു​ന്ന​തി​നോ​ളം ബുദ്ധി​മുട്ട്‌ എനിക്കു ജീവി​ത​ത്തിൽ മറ്റൊരു കാര്യ​ത്തി​ലും അനുഭ​വ​പ്പെ​ട്ടി​ട്ടില്ല.”

സ്ഥിരമാ​യി അശ്ലീല കാര്യങ്ങൾ വായി​ക്കു​ക​യും നിരീ​ക്ഷി​ക്കു​ക​യും ചെയ്യുന്ന കൗമാ​ര​പ്രാ​യ​ക്കാർ ലൈം​ഗിക പെരു​മാ​റ്റങ്ങൾ സംബന്ധിച്ച്‌ വികല​മാ​യൊ​രു വീക്ഷണ​ഗതി വളർത്തി​യെ​ടു​ക്കു​മെ​ന്നും അയാൾ ഉറച്ചു വിശ്വ​സി​ക്കു​ന്നു. അവർ ലൈം​ഗിക ഭാവന​ക​ള​നു​സ​രി​ച്ചു ജീവി​ക്കു​ന്നു. യഥാർഥ ബന്ധങ്ങൾ സങ്കീർണ​വും പ്രയാ​സങ്ങൾ നിറഞ്ഞ​തു​മാ​ണെന്ന്‌ അവർക്കു തോന്നു​ന്നു. ഇതുമൂ​ലം ഒറ്റപ്പെട്ടു ജീവി​ക്കാ​നുള്ള പ്രവണ​ത​യും മറ്റു പ്രശ്‌ന​ങ്ങ​ളും ഉളവാ​കു​ന്നു. നിലനിൽക്കുന്ന സ്‌നേ​ഹ​ബ​ന്ധങ്ങൾ വാർത്തെ​ടു​ക്കു​ന്ന​തിൽ അനുഭ​വ​പ്പെ​ടുന്ന പ്രയാ​സ​മാണ്‌ ഏറ്റവും വലിയ പ്രശ്‌നം.

വിനോ​ദ​ലോ​കം ലൈം​ഗി​ക​തയെ ചൂഷണം ചെയ്യുന്നു

നിയമ​പ​ര​മാ​യും അല്ലാ​തെ​യും ഒന്നില​ധി​കം ലൈം​ഗിക പങ്കാളി​കൾ ഉണ്ടായി​രി​ക്കു​ന്ന​തുൾപ്പെടെ, കുത്തഴിഞ്ഞ ജീവി​ത​രീ​തി​യാണ്‌ വിനോ​ദ​ലോ​ക​ത്തു​ള്ളവർ പരക്കെ നയിക്കു​ക​യും പരസ്യ​മാ​യി പ്രദർശി​പ്പി​ക്കു​ക​യും ചെയ്യു​ന്നത്‌. വെള്ളി​ത്തി​ര​യിൽ പ്രദർശി​പ്പി​ക്ക​പ്പെ​ടുന്ന സ്‌നേ​ഹ​ശൂ​ന്യ​മായ, തരംതാഴ്‌ന്ന ലൈം​ഗി​ക​വേ​ഴ്‌ചകൾ ലൈം​ഗി​കാ​സ​ക്തി​യെ ആളിക്ക​ത്തി​ക്കു​ന്നു, അങ്ങനെ ഈ തലമു​റ​യ്‌ക്ക്‌ മാനവ​ലൈം​ഗി​ക​ത​യെ​ക്കു​റി​ച്ചു വികല​മായ ഒരു കാഴ്‌ച​പ്പാ​ടു ലഭിക്കു​ന്നു. വിനോ​ദ​മാ​ധ്യ​മങ്ങൾ മിക്ക​പ്പോ​ഴും വിവാ​ഹ​ബാ​ഹ്യ ലൈം​ഗി​ക​തയെ സ്‌നേ​ഹ​ബ​ന്ധ​ത്തോ​ടു വ്യാജ​മാ​യി തുലനം ചെയ്യുന്നു. വിനോ​ദ​ലോ​ക​ത്തി​ലെ താരങ്ങളെ ആരാധി​ക്കു​ന്ന​വർക്ക്‌ കാമവും സ്‌നേ​ഹ​വും തമ്മിലോ ഹ്രസ്വ​കാല പ്രേമ​ബ​ന്ധ​ങ്ങ​ളും ദീർഘ​കാല പ്രതി​ബ​ദ്ധ​ത​യും തമ്മിലോ മിഥ്യ​യും യാഥാർഥ്യ​വും തമ്മിലോ വേർതി​രി​വു കൽപ്പി​ക്കാൻ സാധി​ക്കാ​ത്ത​താ​യി തോന്നു​ന്നു.

അതു​പോ​ലെ​ത​ന്നെ, പരസ്യ ലോകം ലൈം​ഗി​ക​തയെ ഒരു വിപണന ഉപാധി​യാ​യി ചൂഷണം ചെയ്‌തി​രി​ക്കു​ന്നു. ലൈം​ഗി​കത, “ഒരു ഉത്‌പ​ന്ന​ത്തി​ലേക്കു ശ്രദ്ധയാ​കർഷി​ക്കാ​നുള്ള അമൂർത്ത വസ്‌തു​വാ​യി” മാറി​യി​രി​ക്കു​ന്നു​വെന്ന്‌ ഒരു ലൈം​ഗിക ചികി​ത്സകൻ പറഞ്ഞു. പരസ്യ​ക്കാർ ലൈം​ഗി​ക​തയെ ചൂഷണം ചെയ്‌ത്‌ ലൈം​ഗിക പ്രകട​ന​ങ്ങളെ ഒരു അഭില​ഷ​ണീയ ജീവി​ത​ത്തോ​ടു ബന്ധപ്പെ​ടു​ത്തി​യി​രി​ക്കു​ന്നു. എങ്കിലും കുടുംബ ബന്ധങ്ങൾ (ഇംഗ്ലീഷ്‌) എന്ന പത്രിക പറയു​ന്ന​തു​പോ​ലെ ഇത്‌ 20-ാം നൂറ്റാ​ണ്ടി​ലെ മറ്റൊരു “വികല​മായ ലൈം​ഗിക വീക്ഷണ”മാണ്‌.

മാറി​ക്കൊ​ണ്ടി​രി​ക്കുന്ന ധർമങ്ങൾ മനോ​ഭാ​വ​ങ്ങളെ വളച്ചൊ​ടി​ക്കു​ന്നു

മാറി​ക്കൊ​ണ്ടി​രി​ക്കുന്ന സാമൂ​ഹിക പരിതഃ​സ്ഥി​തി​യും 1960-ൽ ഗർഭനി​രോ​ധന ഗുളി​കകൾ വിപണി​യിൽ ഇറക്കി​യ​തും ലക്ഷക്കണ​ക്കി​നു സ്‌ത്രീ​ക​ളു​ടെ ലൈം​ഗിക പെരു​മാ​റ്റ​ങ്ങ​ളിൽ മാറ്റം വരുത്തി. ഈ ഗുളിക, സ്‌ത്രീ​കൾക്കു പുരു​ഷ​ന്മാ​രു​മാ​യി ഒരു സാങ്കൽപ്പിക ലൈം​ഗിക സമത്വം—മുമ്പൊ​രി​ക്ക​ലും തിരി​ച്ച​റി​ഞ്ഞി​ട്ടി​ല്ലാത്ത ഒരു ലൈം​ഗിക സ്വാത​ന്ത്ര്യം—നൽകു​ക​യു​ണ്ടാ​യി. അനാവശ്യ ഗർഭധാ​ര​ണ​ങ്ങ​ളെ​ക്കു​റി​ച്ചുള്ള ഭയമി​ല്ലാ​തെ പുരു​ഷ​ന്മാ​രെ​പ്പോ​ലെ അവർക്കും ഇപ്പോൾ ഹ്രസ്വ​കാല ബന്ധങ്ങൾ പരീക്ഷി​ച്ചു​നോ​ക്കാ​മെ​ന്നാ​യി. തങ്ങളുടെ ലൈം​ഗിക വിമോ​ച​ന​ത്തിൽ മതിമ​റന്ന്‌ സ്‌ത്രീ​പു​രു​ഷ​ന്മാർ സ്വാഭാ​വിക കുടും​ബ​ങ്ങ​ളെ​യും ലൈം​ഗിക ധർമങ്ങ​ളെ​യും നാമാ​വ​ശേ​ഷ​മാ​ക്കുന്ന ഘട്ടത്തോ​ളം എത്തിച്ചി​രി​ക്കു​ന്നു.

അത്തരം ആളുക​ളെ​ക്കു​റിച്ച്‌ ഒന്നാം നൂറ്റാ​ണ്ടി​ലെ ഒരു ബൈബി​ളെ​ഴു​ത്തു​കാ​രൻ ഇങ്ങനെ പറഞ്ഞു: ‘അവർ വ്യഭി​ചാ​രി​ണി​യെ കണ്ടു രസിക്ക​യും പാപം കണ്ടു തൃപ്‌തി​പ്പെ​ടാ​തി​രി​ക്ക​യും ചെയ്യുന്ന കണ്ണുള്ള​വ​രും ദ്രവ്യാ​ഗ്ര​ഹ​ത്താൽ അഭ്യാസം തികഞ്ഞ ഹൃദയ​മു​ള്ള​വ​രു​മാണ്‌. അവർ നേർവഴി വിട്ടു തെറ്റി​പ്പോ​യി.’—2 പത്രൊസ്‌ 2:14, 15.

വിദ്യാ​ല​യ​ങ്ങ​ളി​ലെ ലൈം​ഗിക വിദ്യാ​ഭ്യാ​സം

“ലൈം​ഗിക വിദ്യാ​ഭ്യാ​സ കോഴ്‌സു​ക​ളാ​ലും ജനനനി​യ​ന്ത്ര​ണ​ത്തെ​ക്കു​റിച്ച്‌ തങ്ങൾക്കു​ണ്ടെന്ന്‌ കൗമാ​ര​പ്രാ​യ​ക്കാർ അവകാ​ശ​പ്പെ​ടുന്ന അറിവി​നാ​ലും അളക്ക​പ്പെ​ടുന്ന വിജ്ഞാനം” അവിവാ​ഹി​ത​രായ കൗമാ​ര​പ്രാ​യ​ക്കാർക്കി​ട​യിൽ കണ്ടുവ​രുന്ന ഗർഭധാ​രണ നിരക്കി​ന്മേൽ ഒരു ഫലവു​മു​ള​വാ​ക്കി​യി​ട്ടില്ല എന്ന്‌ അവിവാ​ഹി​ത​രായ 10,000 പെൺകു​ട്ടി​കളെ ഉൾപ്പെ​ടു​ത്തി​ക്കൊ​ണ്ടു നടത്തിയ ഒരു യു.എസ്‌. പഠനം വെളി​പ്പെ​ടു​ത്തി. ചില പൊതു​വി​ദ്യാ​ല​യങ്ങൾ തങ്ങളുടെ വിദ്യാർഥി​കൾക്കു സൗജന്യ​മാ​യി ഗർഭനി​രോ​ധന ഉറകൾ നൽകി​ക്കൊണ്ട്‌ ഈ സാം​ക്ര​മിക പ്രവണ​ത​യ്‌ക്കെ​തി​രെ പ്രതി​ക​രി​ക്കു​ന്നു. എങ്കിലും ഈ നടപടി ചൂടു​പി​ടിച്ച ഒരു സംവാ​ദ​വി​ഷ​യ​മാണ്‌.

കാൽഗരി ഹെറാൾഡ്‌ പത്രം അഭിമു​ഖം നടത്തി​യ​പ്പോൾ 17-കാരി​യായ ഒരു ഹൈസ്‌കൂൾ വിദ്യാർഥി​നി ഇപ്രകാ​രം പറഞ്ഞു: ‘ഹൈസ്‌കൂ​ളു​ക​ളി​ലെ കൗമാ​ര​പ്രാ​യ​ക്കാ​രിൽ ഭൂരി​ഭാ​ഗ​വും, 12 വയസ്സുള്ള ചില കുട്ടി​കൾപ്പോ​ലും, ലൈം​ഗി​ക​ബ​ന്ധ​ത്തി​ലേർപ്പെ​ടു​ന്നു​ണ്ടെ​ന്നു​ള്ള​താ​ണു സത്യം.’

സ്‌നേ​ഹ​വും പ്രതി​ബ​ദ്ധ​ത​യും എന്താണ്‌?

സ്‌നേഹം, വിശ്വാ​സം, വിലപ്പെട്ട സഖിത്വം എന്നൊക്കെ പറയു​ന്നത്‌ ഒരു നൈമി​ഷിക ലൈം​ഗി​കാ​കർഷ​ണ​ത്തി​ന്റെ​യോ ലൈം​ഗിക വികാ​ര​ങ്ങ​ളു​ടെ ശമനത്തി​ന്റെ​യോ സ്വാഭാ​വിക ഉത്‌പ​ന്ന​ങ്ങളല്ല. ലൈം​ഗി​ക​ബന്ധം ഒന്നു​കൊ​ണ്ടു​മാ​ത്രം യഥാർഥ സ്‌നേഹം ഉളവാ​കു​ന്നില്ല. നിലനിൽക്കുന്ന ഒരു ബന്ധം കെട്ടി​പ്പ​ടു​ക്കാൻ പ്രതി​ജ്ഞാ​ബ​ദ്ധ​രായ, പരസ്‌പരം കരുതുന്ന രണ്ടു വ്യക്തി​ക​ളു​ടെ ഹൃദയ​ങ്ങ​ളി​ലാണ്‌ സ്‌നേ​ഹ​വും അടുപ്പ​വും അങ്കുരി​ക്കു​ന്നത്‌.

ഹ്രസ്വ​കാ​ല ബന്ധങ്ങൾ, ഒടുവിൽ ഒരുവനെ അരക്ഷി​താ​വ​സ്ഥ​യി​ലും ഏകാന്ത​ത​യി​ലും ഒരുപക്ഷേ എയ്‌ഡ്‌സ്‌പോ​ലുള്ള ഒരു ലൈം​ഗി​ക​രോ​ഗം പിടി​പെട്ട അവസ്ഥയി​ലും കൊ​ണ്ടെ​ത്തി​ക്കു​ന്നു. സ്വതന്ത്ര ലൈം​ഗി​ക​ത​യ്‌ക്കു​വേണ്ടി വാദി​ക്കു​ന്ന​വരെ 2 പത്രൊസ്‌ 2:19-ലെ വാക്കു​ക​ളാൽ വർണി​ക്കാൻ സാധി​ക്കും: “തങ്ങൾ തന്നേ നാശത്തി​ന്റെ അടിമ​ക​ളാ​യി​രി​ക്കെ മററവർക്കും സ്വാത​ന്ത്ര്യ​ത്തെ വാഗ്‌ദത്തം ചെയ്യുന്നു. ഒരുത്തൻ ഏതി​നോ​ടു തോല്‌ക്കു​ന്നു​വോ അതിന്നു അടിമ​പ്പെ​ട്ടി​രി​ക്കു​ന്നു.”

ചർച്ച്‌ ഓഫ്‌ ഇംഗ്ലണ്ടി​ന്റെ സാമൂ​ഹിക ഉത്തരവാ​ദി​ത്വ സമിതി 1995 ജൂണിൽ, “കൊണ്ടാ​ടേണ്ട ഒന്ന്‌” എന്ന തലക്കെ​ട്ടോ​ടെ ഒരു റിപ്പോർട്ടു പുറത്തി​റക്കി. ടൊറ​ന്റോ സ്റ്റാർ പറഞ്ഞത​നു​സ​രിച്ച്‌, ബൈബിൾ ബുദ്ധ്യു​പ​ദേ​ശ​ത്തി​നു നേർവി​പ​രീ​ത​മാ​യി, “‘പാപത്തിൽ ജീവിക്കൽ’ എന്ന വാചകം മായ്‌ച്ചു​ക​ള​യാ​നും വിവാ​ഹി​ത​രാ​കാ​തെ ഒരുമി​ച്ചു പാർക്കു​ന്ന​വർക്കെ​തി​രെ​യുള്ള സഭയുടെ മനോ​ഭാ​വത്തെ മാറ്റാ​നും” സമിതി സഭയെ പ്രേരി​പ്പി​ച്ചു. ‘എല്ലാവർക്കും തങ്ങളുടെ ജീവി​ത​ത്തിൽ ദൈവ​സാ​ന്നി​ധ്യം ദർശി​ക്കേ​ണ്ട​തിന്‌, ഭാര്യാ​ഭർത്താ​ക്ക​ന്മാ​രെ​പ്പോ​ലെ ജീവി​ക്കു​ന്ന​വരെ സഭകൾ സ്വാഗതം ചെയ്യണ​മെ​ന്നും അവർ പറയു​ന്നതു ശ്രദ്ധി​ക്ക​ണ​മെ​ന്നും അവരിൽനി​ന്നു പഠിക്ക​ണ​മെ​ന്നും’ റിപ്പോർട്ടു ശുപാർശ ചെയ്‌തു.

അത്തരം മതനേ​താ​ക്ക​ന്മാ​രെ യേശു എന്തു വിളി​ക്കു​മാ​യി​രു​ന്നു? “കുരു​ടൻമാ​രായ വഴികാ​ട്ടി​കൾ” എന്നു വിളി​ക്കു​മെ​ന്ന​തിൽ യാതൊ​രു സംശയ​വു​മില്ല. അത്തരം വഴികാ​ട്ടി​കളെ പിന്തു​ട​രു​ന്ന​വ​രു​ടെ കാര്യ​മോ? അവൻ ന്യായ​വാ​ദം ചെയ്‌തു: ‘കുരുടൻ കുരു​ടനെ വഴി നടത്തി​യാൽ ഇരുവ​രും കുഴി​യിൽ വീഴും.’ “വ്യഭി​ചാ​രം,” “പരസംഗം” എന്നിവ ‘മനുഷ്യ​നെ അശുദ്ധ​നാ​ക്കുന്ന’ കാര്യ​ങ്ങ​ളിൽ പെടു​ന്നു​വെന്ന്‌ യേശു വ്യക്തമാ​യി പറഞ്ഞു​വെ​ന്ന​തിൽ യാതൊ​രു സംശയ​ത്തി​ന്റെ​യും ആവശ്യ​മില്ല.—മത്തായി 15:14, 18-20.

ലൈം​ഗി​ക​ത​യെ വികല​മാ​ക്കുന്ന, ചൂഷണം ചെയ്യുന്ന ഇത്തരം ഘടകങ്ങ​ളു​ള്ള​പ്പോൾ ഒരു വ്യക്തിക്ക്‌, പ്രത്യേ​കിച്ച്‌ യുവാ​ക്കൾക്ക്‌, ലൈം​ഗി​കാ​സ​ക്തി​യിൽനിന്ന്‌ എങ്ങനെ മോചനം നേടാൻ സാധി​ക്കും? സന്തുഷ്ടി നിറഞ്ഞ, നിലനിൽക്കുന്ന ബന്ധങ്ങളു​ടെ രഹസ്യം എന്താണ്‌? ഭാവി​ക്കു​വേണ്ടി തയ്യാറാ​കു​ന്ന​തിൽ യുവാ​ക്കളെ സഹായി​ക്കാൻ മാതാ​പി​താ​ക്കൾക്ക്‌ എന്തു ചെയ്യാ​നാ​കും എന്നതി​നെ​ക്കു​റി​ച്ചു​ള്ള​താണ്‌ അടുത്ത ലേഖനം.

[5-ാം പേജിലെ ആകർഷ​ക​വാ​ക്യം]

ഐക്യനാടുകളിൽ മാത്രം പ്രതി​വർഷം ഏതാണ്ട്‌ 30 ലക്ഷം കൗമാ​ര​പ്രാ​യ​ക്കാ​രെ ലൈം​ഗി​ക​രോ​ഗങ്ങൾ പിടി​കൂ​ടു​ന്നു

[6-ാം പേജിലെ ചതുരം]

ലൈംഗിക ജീവി​ത​രീ​തി​കൾ

സ്‌ത്രീ​ല​മ്പ​ട​ന്മാർ (Attraction Junkies): പ്രേമ​ബ​ന്ധ​ത്തി​ലേർപ്പെ​ടാൻ അവർ ഇഷ്ടപ്പെ​ടു​ന്നു. അതു​കൊണ്ട്‌ കമ്പം തീരു​മ്പോൾ അവർ മറ്റൊരു ബന്ധം തേടി പോകു​ന്നു. ന്യൂ​യോർക്ക്‌ സ്റ്റേറ്റ്‌ സൈക്ക്യാ​ട്രിക്ക്‌ ഇൻസ്റ്റി​റ്റ്യൂ​ട്ടി​ലെ ഡോ. മൈക്കിൾ ലീബവി​റ്റ്‌സ്‌ ആണ്‌ ഈ പദത്തിനു രൂപം നൽകി​യത്‌.

കല്യാ​ണ​വീ​ര​ന്മാർ: വിവാഹം, വിവാ​ഹ​മോ​ചനം, പുനർവി​വാ​ഹം എന്നീ നിയമ​പ​ര​മായ നടപടി​കൾ ഉൾപ്പെ​ടു​ത്തി​ക്കൊ​ണ്ടു​തന്നെ ഒന്നൊ​ന്നാ​യി പ്രേമ​ബ​ന്ധ​ങ്ങ​ളി​ലേർപ്പെ​ടുന്ന ആളുകളെ സമുദാ​യ​ശാ​സ്‌ത്ര​ജ്ഞ​ന്മാർ തിരി​ച്ച​റി​യി​ക്കു​ന്നത്‌ ഈ പേരി​നാ​ലാണ്‌.

ലൈം​ഗിക ആഭാസ​ന്മാർ: ഒന്നില​ധി​കം ലൈം​ഗിക പങ്കാളി​ക​ളു​മാ​യി ബന്ധപ്പെ​ട്ടു​കൊണ്ട്‌ തങ്ങളുടെ ലൈം​ഗിക ശൗര്യം പ്രകടി​പ്പി​ക്കാൻ അവർ ശ്രമി​ക്കു​ന്നു​വെന്ന്‌ കുടും​ബ​ങ്ങ​ളെ​ക്കു​റി​ച്ചു പഠനം നടത്തു​ന്ന​വ​നും അംഗീ​ക​രി​ക്ക​പ്പെട്ട ലൈം​ഗിക ചികി​ത്സ​ക​നു​മായ ലൂതർ ബേക്കർ അഭി​പ്രാ​യ​പ്പെ​ടു​ന്നു. കുട്ടി​കളെ ലൈം​ഗി​ക​മാ​യി പീഡി​പ്പി​ക്കു​ന്ന​വരെ വിശേ​ഷി​പ്പി​ക്കാ​നും ഈ പദം ഇപ്പോൾ ഉപയോ​ഗി​ക്കാ​റുണ്ട്‌.

[7-ാം പേജിലെ ചിത്രം]

അശ്ലീല മാധ്യ​മങ്ങൾ ആസക്തി ഉളവാ​ക്കു​ക​യും ലൈം​ഗിക സ്വഭാവം സംബന്ധിച്ച വികല​മായ ഒരു കാഴ്‌ച​പ്പാ​ടി​ലേക്കു നയിക്കു​ക​യും ചെയ്യുന്നു