ഇന്റർനെറ്റ്‌—ജാഗ്ര​ത​യു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

തീർച്ച​യാ​യും ഇന്റർനെ​റ്റിന്‌ വിദ്യാ​ഭ്യാ​സ​പ​ര​മായ ഉപയോ​ഗ​മുണ്ട്‌, അത്‌ ദൈനം​ദിന ആശയവി​നി​മ​യ​വും സാധ്യ​മാ​ക്കു​ന്നു. എന്നാൽ, അതിന്റെ ഉയർന്ന സാങ്കേ​തി​ക​വി​ദ്യ​യി​ലുള്ള പുറം​മോ​ടി എടുത്തു​മാ​റ്റി​യാൽ ടെലി​വി​ഷൻ, ടെല​ഫോ​ണു​കൾ, വർത്തമാ​ന​പ​ത്രങ്ങൾ, ലൈ​ബ്ര​റി​കൾ എന്നിവയെ ദീർഘ​നാ​ളാ​യി പിടി​കൂ​ടി​യി​രി​ക്കുന്ന പ്രശ്‌ന​ങ്ങൾതന്നെ ഇന്റർനെ​റ്റി​നെ​യും ഗ്രസി​ച്ചി​രി​ക്കു​ന്നതു കാണാം. അതു​കൊണ്ട്‌, ഇങ്ങനെ ചോദി​ക്കു​ന്നത്‌ ഉചിത​മാ​യി​രു​ന്നേ​ക്കാം, ഇന്റർനെ​റ്റി​ലെ വിവരങ്ങൾ എനിക്കും എന്റെ കുടും​ബ​ത്തി​നും യോജി​ച്ച​താ​ണോ?

ഇന്റർനെ​റ്റിൽ അശ്ലീല വിവരങ്ങൾ ലഭ്യമാ​യി​രി​ക്കു​ന്ന​തി​നെ​ക്കു​റിച്ച്‌ അനേകം റിപ്പോർട്ടു​കൾ അഭി​പ്രാ​യ​പ്പെ​ട്ടി​ട്ടുണ്ട്‌. എന്നാൽ, ഇന്റർനെറ്റ്‌ കേവലം അസാൻമാർഗിക ലൈം​ഗിക വികടൻമാർ നിറഞ്ഞ ഒരു ചെളി​ക്കു​ണ്ടാ​ണെന്ന്‌ ഇതു സൂചി​പ്പി​ക്കു​ന്നു​ണ്ടോ? ഇതു വല്ലാത്ത അതിശ​യോ​ക്തി​യാ​ണെന്നു ചിലർ വാദി​ക്കു​ന്നു. ഒരുവൻ മനഃപൂർവം ഒരു ശ്രമം നടത്തി​യാ​ലേ ദോഷ​ക​ര​മായ വിവരങ്ങൾ കണ്ടെത്താൻ കഴിയൂ എന്നാണ്‌ അവരുടെ വാദം.

അനാ​രോ​ഗ്യ​ക​ര​മായ വിവരങ്ങൾ കണ്ടെത്താൻ ഒരുവന്റെ ഭാഗത്ത്‌ ശ്രമമാ​വ​ശ്യ​മാ​ണെ​ങ്കി​ലും മറ്റെവി​ട​ത്തെ​ക്കാ​ളും വളരെ​യേറെ എളുപ്പ​ത്തിൽ അവ ഇന്റർനെ​റ്റിൽ കണ്ടെത്താൻ കഴിയു​മെന്നു മറ്റു ചിലർ വാദി​ക്കു​ന്നു. ദൃശ്യ-ശ്രവ്യ വിവര​ങ്ങ​ളോ​ടു​കൂ​ടിയ ലൈം​ഗി​ക​തയെ തുറന്നു​കാ​ട്ടുന്ന ചിത്രങ്ങൾ പോ​ലെ​യുള്ള ലൈം​ഗി​കാ​സക്തി ഉണർത്തുന്ന കാര്യങ്ങൾ ഒരു ഉപഭോ​ക്താ​വി​നു കണ്ടെത്താൻ ഏതാനും കട്ടകളിൽ വിരല​മർത്തുക മാത്രമേ വേണ്ടൂ.

ഇന്റർനെ​റ്റിൽ എത്രമാ​ത്രം അശ്ലീലം ലഭ്യമാ​ണെ​ന്നു​ള്ളത്‌ ഇപ്പോൾ ചൂടു​പി​ടിച്ച ഒരു വാദവി​ഷ​യ​മാണ്‌. ഈ പ്രശ്‌നം വ്യാപ​ക​മാ​ണെന്നു സൂചി​പ്പി​ക്കുന്ന റിപ്പോർട്ടു​കൾ അതിശ​യോ​ക്തി കലർന്ന​താ​യി​രി​ക്കാ​മെന്നു ചിലർ വിചാ​രി​ക്കു​ന്നു. എന്നാൽ, നിങ്ങളു​ടെ വീടിന്റെ പിൻമു​റ്റത്ത്‌ 100 വിഷപ്പാ​മ്പു​ക​ളില്ല, ഏതാനു​മെ​ണ്ണമേ ഉള്ളു എന്നറി​ഞ്ഞാൽ കുടും​ബ​ത്തി​ന്റെ സുരക്ഷി​ത​ത്വ​ത്തെ​ക്കു​റി​ച്ചു നിങ്ങൾ ഉത്‌കണ്‌ഠ കുറവു​ള്ള​വ​നാ​യി​രി​ക്കു​മോ? ഇന്റർനെറ്റ്‌ സൗകര്യ​മുള്ള ആളുകൾ ജാഗ്ര​ത​പു​ലർത്തു​ന്നതു ബുദ്ധി​യാണ്‌.

കുട്ടി​കളെ ഇരയാ​ക്കു​ന്ന​വരെ സൂക്ഷി​ക്കുക!

ചില ബാലര​തി​പ്രി​യർ യുവജ​ന​ങ്ങ​ളു​മാ​യി ഇന്റർനെറ്റ്‌ പ്രതി​പ്ര​വർത്തിത ചാറ്റ്‌ ചർച്ചക​ളിൽ പങ്കെടു​ക്കു​ന്നു​വെന്ന്‌ അടുത്ത​കാ​ലത്തെ വാർത്താ​വി​വ​ര​ണങ്ങൾ പ്രകട​മാ​ക്കു​ക​യു​ണ്ടാ​യി. കൊച്ചു​കു​ട്ടി​ക​ളെ​പ്പോ​ലെ നടിച്ചു​കൊണ്ട്‌ ഈ മുതിർന്നവർ നിഷ്‌ക​ള​ങ്ക​രായ കുട്ടി​ക​ളിൽനി​ന്നു പേരു​ക​ളും മേൽവി​ലാ​സ​ങ്ങ​ളും സൂത്ര​ത്തിൽ കൈവ​ശ​മാ​ക്കി.

കാണാ​താ​യ​വ​രും ചൂഷണം ചെയ്യ​പ്പെ​ട്ട​വ​രു​മായ കുട്ടി​കൾക്കു​വേ​ണ്ടി​യുള്ള ദേശീയ കേന്ദ്രം (എൻസി​എം​ഇസി) ഈ പ്രവർത്ത​ന​ങ്ങ​ളിൽ ചിലതി​നെ​ക്കു​റിച്ച്‌ തെളി​വു​സ​ഹി​തം രേഖ​പ്പെ​ടു​ത്തി​യി​ട്ടുണ്ട്‌. ഉദാഹ​ര​ണ​ത്തിന്‌, 1996-ൽ യു.എസ്‌.എ.-യിലെ സൗത്ത്‌ കരോ​ളി​ന​യി​ലുള്ള കാണാ​തായ 13-ഉം 15-ഉം വയസ്സുള്ള രണ്ടു പെൺകു​ട്ടി​കളെ പൊലീസ്‌ കണ്ടെത്തി. അവരെ കാണാ​താ​യിട്ട്‌ ഒരാഴ്‌ച​യാ​യി​രു​ന്നു. ഇന്റർനെ​റ്റിൽ കണ്ടുമു​ട്ടിയ ഒരു 18 വയസ്സു​കാ​ര​ന്റെ​കൂ​ടെ അവർ മറ്റൊരു സ്റ്റേറ്റി​ലേക്കു പോയി​രു​ന്നു. മാതാ​പി​താ​ക്കൾ വീട്ടി​ലി​ല്ലാ​യി​രു​ന്ന​പ്പോൾ ഒരു 14 വയസ്സു​കാ​രനെ നിയമ​വി​രുദ്ധ ലൈം​ഗിക നടപടി​കൾക്കു പ്രലോ​ഭി​പ്പി​ച്ച​തിന്‌ ഒരു 35 വയസ്സു​കാ​രൻ കുറ്റാ​രോ​പി​ത​നാ​യി. ഒരു ഇന്റർനെറ്റ്‌ ചാറ്റ്‌ റൂമിൽവെ​ച്ചുള്ള സംഭാ​ഷ​ണ​മാ​യി​രു​ന്നു ഈ രണ്ടു സംഭവ​ങ്ങൾക്കും തുടക്ക​മി​ട്ടത്‌. 1995-ൽ, പ്രായ​പൂർത്തി​യായ മറ്റൊ​രാൾ ഒരു 15 വയസ്സു​കാ​രനെ ഇന്റർനെ​റ്റിൽ കണ്ടുമു​ട്ടു​ക​യും അവനെ കാണു​ന്ന​തി​നാ​യി ധൈര്യ​സ​മേതം സ്‌കൂ​ളി​ലേക്കു ചെല്ലു​ക​യും ചെയ്‌തു. മറ്റൊരു മുതിർന്ന​യാൾ ഒരു 14 വയസ്സു​കാ​രി​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടു​വെന്നു സമ്മതി​ച്ചു​പ​റഞ്ഞു. അവൾ തന്റെ പിതാ​വി​ന്റെ കമ്പ്യൂ​ട്ട​റു​പ​യോ​ഗിച്ച്‌ ഇന്റർനെറ്റ്‌ ബുള്ളറ്റിൻ ബോർഡു​ക​ളി​ലൂ​ടെ കൗമാ​ര​പ്രാ​യ​ക്കാ​രു​മാ​യി സംഭാ​ഷണം നടത്തി​യി​രു​ന്നു. അവളും ഈ പ്രായ​പൂർത്തി​യായ ആളെ ഇന്റർനെ​റ്റിൽവെ​ച്ചാണ്‌ കണ്ടുമു​ട്ടി​യത്‌. ഒടുവിൽ തങ്ങളുടെ യഥാർഥ പേരുകൾ വെളി​പ്പെ​ടു​ത്താൻ ഈ കുട്ടി​ക​ളെ​ല്ലാം നിർബ​ന്ധി​ത​രാ​ക്ക​പ്പെ​ട്ടി​രു​ന്നു.

മാതാ​പി​താ​ക്ക​ളു​ടെ മാർഗ​നിർദേ​ശ​ത്തി​ന്റെ ആവശ്യം

മേൽപ്പ​റ​ഞ്ഞ​തു​പോ​ലുള്ള സംഭവങ്ങൾ താരത​മ്യേന വിരള​മാ​ണെ​ങ്കി​ലും മാതാ​പി​താ​ക്കൾ ഈ സംഗതി അവധാ​ന​പൂർവം പരി​ശോ​ധി​ക്കേ​ണ്ടത്‌ അനിവാ​ര്യ​മാണ്‌. കുറ്റകൃ​ത്യ​ത്തി​ന്റെ​യും ചൂഷണ​ത്തി​ന്റെ​യും ഇരകളാ​കു​ന്ന​തിൽനി​ന്നു കുട്ടി​കളെ സംരക്ഷി​ക്കു​ന്ന​തി​നു മാതാ​പി​താ​ക്കൾക്ക്‌ എന്തു സൗകര്യ​ങ്ങ​ളാ​ണു ലഭ്യമാ​യി​രി​ക്കു​ന്നത്‌?

ചലച്ചി​ത്ര​ങ്ങൾക്കു​ള്ള​തു​പോ​ലുള്ള നിലവാര നിർണയ സംവി​ധാ​ന​ങ്ങൾമു​തൽ—ചില കാര്യങ്ങൾ കാണു​ന്ന​തി​നോ കേൾക്കു​ന്ന​തി​നോ തക്ക പ്രായ​മു​ണ്ടെന്ന്‌ തെളി​യി​ക്കാൻ ഉപഭോ​ക്താ​വി​നോട്‌ ആവശ്യ​പ്പെ​ടുന്ന സംവി​ധാ​ന​ങ്ങ​ളി​ലേക്ക്‌ അനഭി​ല​ഷ​ണീയ വിവരങ്ങൾ അരിച്ചു​മാ​റ്റുന്ന—വേർഡ്‌-ഡിറ്റക്ഷൻ സോഫ്‌റ്റ്‌വെ​യർവ​രെ​യുള്ള ഉപകര​ണങ്ങൾ കമ്പനികൾ പ്രദാ​നം​ചെ​യ്‌തു തുടങ്ങു​ന്നുണ്ട്‌. ചില സംവി​ധാ​നങ്ങൾ കുടും​ബ​ത്തി​ന്റെ കമ്പ്യൂ​ട്ട​റിൽ വിവരങ്ങൾ എത്തി​ച്ചേ​രു​ന്ന​തി​നു മുമ്പു​തന്നെ അവയെ തടയുന്നു. ഈ സംവി​ധാ​ന​ങ്ങ​ളി​ല​ധി​ക​വും നൂറു ശതമാനം സുരക്ഷി​ത​ത്വം ഉറപ്പു​ത​രു​ന്നില്ല. വ്യത്യസ്‌ത രീതി​ക​ളി​ലൂ​ടെ ഇവയുടെ കണ്ണു​വെ​ട്ടി​ക്കാ​നും കഴിയും. പുറം​ശ​ക്തി​കൾക്കു കൈക​ട​ത്താൻ പറ്റാത്ത വിധത്തി​ലാണ്‌ ഇന്റർനെറ്റ്‌ ആദ്യം രൂപകൽപ്പ​ന​ചെ​യ്യ​പ്പെ​ട്ടത്‌, അതു​കൊണ്ട്‌ സെൻസർ ചെയ്യുക ബുദ്ധി​മു​ട്ടാണ്‌.

കാലി​ഫോർണി​യ​യി​ലെ ഒരു ബാലചൂ​ഷ​ണാ​ന്വേ​ഷണ സംഘത്തി​ന്റെ മേൽനോ​ട്ടം​വ​ഹി​ക്കുന്ന പൊലീസ്‌ സാർജൻറ്‌ ഉണരുക!യുമാ​യുള്ള അഭിമു​ഖ​ത്തിൽ ഈ ഉപദേശം നൽകി: “മാതാ​പി​താ​ക്ക​ളു​ടെ മാർഗ​നിർദേ​ശ​ത്തി​നു പകരമാ​യി യാതൊ​ന്നു​മില്ല. എനിക്കും 12 വയസ്സുള്ള ഒരു കുട്ടി​യുണ്ട്‌. ഞാനും ഭാര്യ​യും ഇന്റർനെറ്റ്‌ ഉപയോ​ഗി​ക്കാൻ അവന്‌ അനുവാ​ദം കൊടു​ത്തി​ട്ടുണ്ട്‌, എന്നാൽ ഞങ്ങൾ കുടും​ബ​മൊ​ന്നി​ച്ചി​രുന്ന്‌ അതുപ​യോ​ഗി​ക്കു​ക​യും ചെലവ​ഴി​ക്കുന്ന സമയത്തി​നു ശ്രദ്ധാ​പൂർവം പരിധി​കൾ വെക്കു​ക​യും ചെയ്യുന്നു.” ഈ പിതാവ്‌ ചാറ്റ്‌ റൂമു​ക​ളു​ടെ കാര്യ​ത്തിൽ പ്രത്യേ​കം ജാഗ്ര​ത​പാ​ലി​ക്കു​ന്നു. അവയുടെ ഉപയോ​ഗ​ത്തിൽ അദ്ദേഹം നല്ല നിയ​ന്ത്രണം വെക്കു​ക​യും ചെയ്യുന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “പേഴ്‌സണൽ കമ്പ്യൂട്ടർ വെച്ചി​രി​ക്കു​ന്നത്‌ എന്റെ മകന്റെ മുറി​യി​ലല്ല, വീട്ടിലെ പൊതു​മു​റി​യി​ലാണ്‌.”

ഇന്റർനെറ്റ്‌ ഉപയോ​ഗി​ക്കാൻ കുട്ടി​കളെ അനുവ​ദി​ക്കു​ന്നെ​ങ്കിൽ, അതിലെ ഏതെല്ലാം സംഗതി​കൾ ഉപയോ​ഗി​ക്കാൻ അവരെ അനുവ​ദി​ക്കു​മെന്നു തീരു​മാ​നി​ക്കു​ന്ന​തിൽ മാതാ​പി​താ​ക്കൾ ഒരു ക്രിയാ​ത്മക താത്‌പ​ര്യം എടു​ക്കേ​ണ്ട​തുണ്ട്‌. പ്രാ​യോ​ഗി​ക​വും ന്യായ​യു​ക്ത​വു​മായ എന്തു മുൻക​രു​ത​ലു​കൾ പരിചി​ന്ത​നാർഹ​മാണ്‌?

ഭവനത്തിൽ ഇന്റർനെറ്റ്‌ സൗകര്യം ഉണ്ടായി​രി​ക്കാൻ തീരു​മാ​നി​ക്കുന്ന മാതാ​പി​താ​ക്കൾക്ക്‌ സാൻ ഹോസെ മെർക്കു​റി ന്യൂസി​ലെ സ്റ്റാഫ്‌ ലേഖക​നായ ഡേവിഡ്‌ പ്ലോട്‌നി​കോഫ്‌ പ്രയോ​ജ​ന​ക​ര​മായ ചില വിവരങ്ങൾ നൽകുന്നു.

• നിങ്ങ​ളോ​ടൊ​പ്പ​മാ​യി​രി​ക്കു​മ്പോൾ നിങ്ങളു​ടെ കുട്ടി​ക​ളു​ടെ ഇന്റർനെ​റ്റി​ലെ അനുഭവം ഏറ്റവും ഗുണക​ര​മാ​യി​രി​ക്കും. എന്തു​കൊ​ണ്ടെ​ന്നാൽ അപ്പോൾ അവർ നിങ്ങളു​ടെ തീരു​മാ​ന​ത്തി​ന്റെ​യും മാർഗ​നിർദേ​ശ​ത്തി​ന്റെ​യും മൂല്യം മനസ്സി​ലാ​ക്കു​ന്നു. നിങ്ങളു​ടെ മാർഗ​നിർദേ​ശ​മി​ല്ലെ​ങ്കിൽ “ഇന്റർനെ​റ്റി​ലെ സകല വിവര​ങ്ങ​ളും ഗ്ലാസ്സി​ല്ലാ​തെ വെള്ള​മൊ​ഴി​ക്കു​ന്ന​തു​പോ​ലെ​യാണ്‌” എന്ന്‌ അദ്ദേഹം മുന്നറി​യി​പ്പു നൽകുന്നു. നിങ്ങൾ കർശന​മാ​യി വെക്കുന്ന നിയമങ്ങൾ “കുട്ടി​കൾക്കു നിങ്ങൾ എപ്പോ​ഴും പറഞ്ഞു​കൊ​ടു​ത്തി​ട്ടുള്ള സാമാ​ന്യ​ബോ​ധ​ത്തി​നു നിരക്കുന്ന സംഗതി​കൾ തന്നെയാണ്‌.” അപരി​ചി​ത​രോ​ടു സംസാ​രി​ക്കു​ന്നതു സംബന്ധിച്ച്‌ നിങ്ങൾ വയ്‌ക്കുന്ന നിയമങ്ങൾ ഉദാഹ​ര​ണ​മാണ്‌.

• ഇന്റർനെറ്റ്‌ ഒരു പൊതു സ്ഥലമാണ്‌. അതിനെ കുഞ്ഞു​ങ്ങളെ നോക്കാ​നുള്ള സേവന​മാ​യി ഉപയോ​ഗ​പ്പെ​ടു​ത്തി​ക്കൂ​ടാ. “എന്തായാ​ലും, നിങ്ങൾ നിങ്ങളു​ടെ 10 വയസ്സുള്ള മകനെ​യോ മകളെ​യോ ഒരു വലിയ നഗരത്തിൽ കൊണ്ടു​വി​ട്ടിട്ട്‌ ഇനി കുറെ​നേരം നിന്റെ ഇഷ്ടം പോലെ കളിച്ചു​ന​ട​ന്നോ എന്നു പറയു​ക​യില്ല. ഉവ്വോ?”

• വിനോ​ദ​ങ്ങൾക്കോ വർത്തമാ​നം പറഞ്ഞി​രി​ക്കു​ന്ന​തി​നോ ഉള്ള ഇന്റർനെറ്റ്‌ സ്ഥലങ്ങളും ഗൃഹപാ​ഠം ചെയ്യു​ന്ന​തിൽ സഹായി​ക്കുന്ന സ്ഥലങ്ങളും തമ്മിലുള്ള വ്യത്യാ​സം മനസ്സി​ലാ​ക്കാൻ പഠിക്കുക.

വിജ്ഞാന ഹൈ​വേ​യിൽ കുട്ടി​ക​ളു​ടെ സുരക്ഷി​ത​ത്വം (ഇംഗ്ലീഷ്‌) എന്ന എൻസി​എം​ഇസി ലഘുലേഖ യുവജ​ന​ങ്ങൾക്ക്‌ അനേകം മാർഗ​നിർദേ​ശങ്ങൾ പ്രദാനം ചെയ്യുന്നു:

• നിങ്ങളു​ടെ മേൽവി​ലാ​സം, വീട്ടിലെ ഫോൺ നമ്പർ, സ്‌കൂ​ളി​ന്റെ പേര്‌, സ്ഥലം എന്നിങ്ങ​നെ​യുള്ള വ്യക്തി​പ​ര​മായ വിവരങ്ങൾ വെളി​പ്പെ​ടു​ത്ത​രുത്‌. നിങ്ങളു​ടെ മാതാ​പി​താ​ക്ക​ളു​ടെ അനുവാ​ദം കൂടാതെ ഫോ​ട്ടോ​കൾ അയച്ചു​കൊ​ടു​ക്ക​രുത്‌.

• നിങ്ങളെ വിഷമി​പ്പി​ക്കുന്ന തരത്തി​ലുള്ള വിവരങ്ങൾ കിട്ടു​ക​യാ​ണെ​ങ്കിൽ ഉടൻതന്നെ മാതാ​പി​താ​ക്കളെ അറിയി​ക്കുക. നിർദ​യ​മോ അക്രമാ​സ​ക്ത​മോ ആയ സന്ദേശ​ങ്ങ​ളോട്‌ ഒരിക്ക​ലും പ്രതി​ക​രി​ക്കാ​തി​രി​ക്കുക. ഇന്റർനെറ്റ്‌ സർവീ​സു​മാ​യി ബന്ധപ്പെ​ടാൻ തക്കവണ്ണം നിങ്ങളു​ടെ മാതാ​പി​താ​ക്ക​ളോട്‌ ഉടൻതന്നെ പറയുക.

• ദിവസ​ത്തി​ലെ ഏതു സമയത്ത്‌ എത്ര​നേരം ഇന്റർനെറ്റ്‌ ഉപയോ​ഗി​ക്ക​ണ​മെ​ന്നും സന്ദർശി​ക്കേണ്ട ഉചിത​മായ സ്ഥലങ്ങൾ ഏതൊ​ക്കെ​യാ​ണെ​ന്നും സംബന്ധിച്ച്‌ നിബന്ധ​നകൾ വെക്കു​ന്ന​തിൽ നിങ്ങളു​ടെ മാതാ​പി​താ​ക്ക​ളോ​ടു സഹകരി​ക്കുക; അവരുടെ തീരു​മാ​ന​ങ്ങ​ളോ​ടു പറ്റിനിൽക്കുക.

മുൻക​രു​ത​ലു​കൾ മുതിർന്ന​വർക്കും പ്രയോ​ജ​ന​ക​ര​മാ​ണെ​ന്നതു മനസ്സിൽ പിടി​ക്കുക. അശ്രദ്ധ​നി​മി​ത്തം ചില മുതിർന്നവർ ഇതി​നോ​ട​കം​തന്നെ ആഗ്രഹി​ക്കാത്ത ബന്ധങ്ങളു​ടെ​യും ഗുരു​ത​ര​മായ പ്രശ്‌ന​ങ്ങ​ളു​ടെ​യും കെണി​യി​ലാ​യി​ട്ടുണ്ട്‌. ചാറ്റ്‌ റൂമു​ക​ളു​ടെ നിഗൂഢത നിമിത്തം—ആളുകൾ മുഖാ​മു​ഖം കാണു​ന്നി​ല്ലെ​ന്ന​തി​നാ​ലും തെറ്റായ പേരു​പ​യോ​ഗി​ച്ചാ​ലും ആരും അറിയു​ക​യി​ല്ലെ​ന്ന​തി​നാ​ലും—ചിലർക്ക്‌ അതുപ​യോ​ഗി​ക്കാൻ അത്ര മടി​തോ​ന്നു​ന്നില്ല, അവർക്ക്‌ സുരക്ഷി​ത​ത്വ​ത്തെ​പ്പറ്റി ഒരു തെറ്റായ ബോധം ഉണ്ടായി​രി​ക്കു​ക​യാണ്‌. മുതിർന്നവർ ജാഗ്ര​ത​പാ​ലി​ക്കുക!

സന്തുലിത വീക്ഷണം പുലർത്തൽ

ഇന്റർനെ​റ്റി​ലെ ചില വിവര​ങ്ങൾക്കും പല സേവന​ങ്ങൾക്കും വിദ്യാ​ഭ്യാ​സ മൂല്യ​മുണ്ട്‌, അവ പ്രയോ​ജ​ന​ക​ര​വു​മാണ്‌. കൂടുതൽ കൂടുതൽ കോർപ്പ​റേ​ഷ​നു​കൾ ഇപ്പോൾ ആഭ്യന്തര ഡോക്യു​മെ​ന്റു​കൾ തങ്ങളുടെ ആഭ്യന്തര കമ്പ്യൂട്ടർ ശൃംഖ​ല​ക​ളിൽ അഥവാ ഇൻട്രാ​നെ​റ്റു​ക​ളിൽ സംഭരി​ച്ചു വെക്കു​ന്നുണ്ട്‌. ഇന്റർനെ​റ്റി​ലൂ​ടെ അന്യോ​ന്യം കണ്ടു​കൊ​ണ്ടും സ്വരം കേട്ടു​കൊ​ണ്ടും നടത്തുന്ന സമ്മേളനം നമ്മുടെ യാത്ര​യെ​യും ബിസി​നസ്‌ യോഗ​ങ്ങ​ളു​ടെ രീതി​യെ​യും എന്നന്നേ​ക്കു​മാ​യി മാറ്റാ​നുള്ള സാധ്യ​ത​യുണ്ട്‌. തങ്ങളുടെ കമ്പ്യൂട്ടർ സോഫ്‌റ്റ്‌വെയർ വിതരണം ചെയ്യു​ന്ന​തി​നു കമ്പനികൾ ഇന്റർനെറ്റ്‌ ഉപയോ​ഗി​ക്കു​ന്നു, അങ്ങനെ പണച്ചെ​ലവു കുറയ്‌ക്കു​ന്നു. ഇന്റർനെറ്റ്‌ ഉപഭോ​ക്താ​ക്കൾക്ക്‌ തങ്ങളുടെ കാര്യങ്ങൾ കുറെ​യൊ​ക്കെ​യോ മുഴു​വൻത​ന്നെ​യോ സ്വന്തമാ​യി നടത്താൻ കഴിയു​മ്പോൾ, യാത്രാ സേവന​ങ്ങ​ളും ഓഹരി-ദല്ലാൾ സേവന​ങ്ങ​ളും പോലുള്ള ബിസി​നസ്‌ ഇടപാ​ടു​കൾ കൈകാ​ര്യം ചെയ്യു​ന്ന​തിന്‌ ഇപ്പോൾ ആളുകളെ ഉപയോ​ഗി​ക്കുന്ന പല സംരം​ഭ​ങ്ങ​ളെ​യും അതു പ്രതി​കൂ​ല​മാ​യി ബാധി​ച്ചേ​ക്കാം. അതേ, ഇന്റർനെ​റ്റി​ന്റെ പ്രഭാവം വലുതാണ്‌. സാധ്യ​ത​യ​നു​സ​രിച്ച്‌, അതു വിവരങ്ങൾ പങ്കിടു​ന്ന​തി​നും ബിസി​നസ്‌ നടത്തു​ന്ന​തി​നും ആശയവി​നി​മ​യ​ത്തി​നു​മുള്ള ഒരു പ്രധാന മാധ്യ​മ​മാ​യി തുടരും.

മിക്ക ഉപകര​ണ​ങ്ങ​ളെ​യും പോ​ലെ​തന്നെ ഇന്റർനെ​റ്റിന്‌ പ്രയോ​ജ​ന​ക​ര​മായ ഉപയോ​ഗ​ങ്ങ​ളുണ്ട്‌. എന്നാൽ, അതിനെ ദുരു​പ​യോ​ഗം​ചെ​യ്യാ​നുള്ള സാധ്യ​ത​യുണ്ട്‌. ചിലർ ഇന്റർനെ​റ്റി​ന്റെ ക്രിയാ​ത്മക വശങ്ങ​ളെ​ക്കു​റിച്ച്‌ കൂടുതൽ അന്വേ​ഷണം നടത്തി​യേ​ക്കാം, എന്നാൽ മറ്റുചി​ലർ അങ്ങനെ ചെയ്യാ​തി​രു​ന്നേ​ക്കാം. വ്യക്തി​പ​ര​മായ കാര്യ​ങ്ങ​ളിൽ മറ്റൊ​രാ​ളു​ടെ തീരു​മാ​ന​ങ്ങളെ വിധി​ക്കാൻ ഒരു ക്രിസ്‌ത്യാ​നിക്ക്‌ അധികാ​ര​മില്ല.—റോമർ 14:4.

ഇന്റർനെറ്റ്‌ ഉപയോ​ഗി​ക്കു​ന്നത്‌ ഒരു രാജ്യ​ത്തേക്ക്‌ ആദ്യമാ​യി യാത്ര​ചെ​യ്യു​ന്ന​തു​പോ​ലെ​യാണ്‌. അനേകം പുതിയ കാര്യങ്ങൾ കാണാ​നും കേൾക്കാ​നു​മുണ്ട്‌. യാത്ര​ചെ​യ്യു​മ്പോൾ നാം നല്ല പെരു​മാ​റ്റ​രീ​തി​കൾ കാണി​ക്കു​ക​യും ന്യായ​മായ മുൻക​രു​ത​ലു​കൾ എടുക്കു​ക​യും ചെയ്യേ​ണ്ട​തുണ്ട്‌. ഇന്റർനെറ്റ്‌—വിജ്ഞാന സൂപ്പർ​ഹൈവേ—ഉപയോ​ഗി​ക്കാൻ തീരു​മാ​നി​ക്കു​ന്നെ​ങ്കിൽ അതുതന്നെ ആവശ്യ​മാണ്‌.

[12-ാം പേജിലെ ആകർഷ​ക​വാ​ക്യം]

“പേഴ്‌സണൽ കമ്പ്യൂട്ടർ വെച്ചി​രി​ക്കു​ന്നത്‌ എന്റെ മകന്റെ മുറി​യി​ലല്ല, വീട്ടിലെ പൊതു​മു​റി​യി​ലാണ്‌”

[13-ാം പേജിലെ ആകർഷ​ക​വാ​ക്യം]

ഇന്റർനെറ്റ്‌ ഒരു പൊതു സ്ഥലമാണ്‌. അതിനെ കുഞ്ഞു​ങ്ങളെ നോക്കാ​നുള്ള സേവന​മാ​യി ഉപയോ​ഗ​പ്പെ​ടു​ത്തി​ക്കൂ​ടാ

[11-ാം പേജിലെ ചതുരം/ചിത്രം]

മര്യാദയുടെയും ജാഗ്ര​ത​യു​ടെ​യും ആവശ്യം

മര്യാദ

മര്യാ​ദ​യോ​ടെ ഇടപെ​ടേണ്ട വിധവും പെരു​മാ​റ്റ​ച്ച​ട്ട​ങ്ങ​ളും മനസ്സി​ലാ​ക്കുക. മിക്ക ഇന്റർനെറ്റ്‌ സേവന ദാതാ​ക്ക​ളും പെരു​മാ​റ്റം സംബന്ധിച്ച ചിന്താ​പൂർവ​ക​വും സ്വീകാ​ര്യ​വു​മായ മാർഗ​രേ​ഖകൾ പ്രസി​ദ്ധ​പ്പെ​ടു​ത്തു​ന്നു. നിങ്ങൾ ഈ മാർഗ​രേ​ഖകൾ പിൻപ​റ്റു​ന്ന​തും നല്ല പെരു​മാ​റ്റ​രീ​തി​കൾ കാണി​ക്കു​ന്ന​തും മറ്റ്‌ ഉപഭോ​ക്താ​ക്കൾ വിലമ​തി​ക്കും.

ജാഗ്രത

ചില ചർച്ചാ​സം​ഘങ്ങൾ മതപര​മോ വിവാ​ദ​പ​ര​മോ ആയ വിഷയ​ങ്ങ​ളെ​ക്കു​റി​ച്ചുള്ള സംവാ​ദ​ത്തി​ലേർപ്പെ​ടു​ന്നു. അത്തരം ചർച്ചക​ളിൽ അഭി​പ്രാ​യങ്ങൾ പാസാ​ക്കു​മ്പോൾ ശ്രദ്ധയു​ള്ള​വ​രാ​യി​രി​ക്കുക; നിങ്ങളു​ടെ ഇലക്‌​ട്രോ​ണിക്‌ തപാൽ അഡ്രസ്സും പേരും സംഘത്തി​ലെ എല്ലാവർക്കും അയച്ചു​കൊ​ടു​ക്കാ​നുള്ള സാധ്യ​ത​യുണ്ട്‌. ഇതു പലപ്പോ​ഴും സമയം​പാ​ഴാ​ക്കുന്ന അനാവശ്യ കത്തിട​പാ​ടു​കൾക്കി​ട​യാ​ക്കു​ന്നു. വാസ്‌ത​വ​ത്തിൽ, വായി​ക്കാൻ കൊള്ളാത്ത, തീർച്ച​യാ​യും ഇടപെ​ടാൻ കൊള്ളാത്ത ചില ചർച്ചാ​വേ​ദി​ക​ളുണ്ട്‌.

സഹക്രി​സ്‌ത്യാ​നി​കൾക്കു​വേണ്ടി ഒരു ചർച്ചാ​സം​ഘം അഥവാ ചർച്ചാ​വേദി രൂപീ​ക​രി​ച്ചാൽ എങ്ങനെ​യുണ്ട്‌? ഇത്‌ ആദ്യം പ്രതീ​ക്ഷി​ച്ച​തി​ലും വലിയ പ്രശ്‌ന​ങ്ങൾക്കും അപകട​ങ്ങൾക്കും ഇടയാ​ക്കു​ന്നു. ഉദാഹ​ര​ണ​ത്തിന്‌, ഗൂഢോ​ദ്ദേ​ശ്യ​മുള്ള വ്യക്തികൾ ഇന്റർനെ​റ്റിൽ തങ്ങളെ​ത്തന്നെ തെറ്റായി പരിച​യ​പ്പെ​ടു​ത്തു​ന്ന​താ​യി അറിവു കിട്ടി​യി​ട്ടുണ്ട്‌. ഇപ്പോൾ, ഇന്റർനെറ്റ്‌ അതിൽ പ്രത്യ​ക്ഷ​പ്പെ​ടുന്ന ആളുകളെ മറ്റ്‌ ഉപഭോ​ക്താ​ക്ക​ളു​ടെ വ്യക്തി​ത്വം ഉറപ്പു​വ​രു​ത്താൻ അനുവ​ദി​ക്കു​ന്നില്ല. മാത്രമല്ല, അത്തര​മൊ​രു സംഘത്തെ ചില വിധങ്ങ​ളിൽ, ചുമത​ലാ​ബോ​ധ​ത്തോ​ടെ ആവശ്യ​മായ മേൽനോ​ട്ടം വഹിക്കു​ന്ന​തിന്‌ ആതി​ഥേ​യന്‌ വളരെ​യ​ധി​കം സമയവും പ്രാപ്‌തി​യും ആവശ്യ​മാ​ക്കി​ത്തീർക്കുന്ന, തുടർന്നു​പോ​കുന്ന ഒരു വലിയ സാമൂ​ഹിക കൂടി​വ​ര​വി​നോട്‌ ഉപമി​ക്കാ​വു​ന്ന​താണ്‌.—സദൃശ​വാ​ക്യ​ങ്ങൾ 27:12 താരത​മ്യം ചെയ്യുക.

[13-ാം പേജിലെ ചതുരം/ചിത്രം]

നിങ്ങളുടെ സമയം എത്ര വില​പ്പെ​ട്ട​താണ്‌?

ഈ 20-ാം നൂറ്റാ​ണ്ടിൽ ജീവിതം കൂടുതൽ കൂടുതൽ സങ്കീർണ​മാ​യി​ത്തീർന്നി​രി​ക്കു​ക​യാണ്‌. ചിലർക്കു പ്രയോ​ജ​ന​ക​ര​മാ​യി​ത്തീർന്നി​ട്ടുള്ള കണ്ടുപി​ടി​ത്തങ്ങൾ പലരെ​യും സംബന്ധി​ച്ചി​ട​ത്തോ​ളം മിക്ക​പ്പോ​ഴും സമയം​പാ​ഴാ​ക്കുന്ന പരിപാ​ടി​ക​ളാ​യി​ത്തീർന്നി​രി​ക്കു​ന്നു. കൂടാതെ, അധാർമി​ക​വും അക്രമാ​സ​ക്ത​വു​മായ ടിവി പരിപാ​ടി​കൾ, അശ്ലീല ഗ്രന്ഥങ്ങൾ, തരംതാഴ്‌ന്ന സംഗീത റെക്കോർഡി​ങ്ങു​കൾ എന്നിവ ആളുകൾ ദുരു​പ​യോ​ഗ​പ്പെ​ടു​ത്തി​യി​ട്ടുള്ള സാങ്കേ​തി​ക​വി​ദ്യ​കൾക്ക്‌ ഉദാഹ​ര​ണ​ങ്ങ​ളാണ്‌. അവ വിലപ്പെട്ട സമയം പാഴാ​ക്കു​ന്നെന്നു മാത്രമല്ല ആളുക​ളു​ടെ ആത്മീയത നശിപ്പി​ക്കു​ക​യും ചെയ്യുന്നു.

തീർച്ച​യാ​യും, ഒരു ക്രിസ്‌ത്യാ​നി പ്രഥമ സ്ഥാനം കൊടു​ക്കേ​ണ്ടത്‌ ആത്മീയ കാര്യ​ങ്ങൾക്കാണ്‌. ബൈബിൾ ദിവസേന വായി​ക്കു​ന്ന​തും വീക്ഷാ​ഗോ​പു​രം, ഉണരുക! മാസി​ക​ക​ളി​ലും വാച്ച്‌ ടവർ സൊ​സൈ​റ്റി​യു​ടെ മറ്റു പ്രസി​ദ്ധീ​ക​ര​ണ​ങ്ങ​ളി​ലും ചർച്ച​ചെ​യ്‌തി​രി​ക്കുന്ന അമൂല്യ​മായ ആത്മീയ സത്യങ്ങ​ളു​മാ​യി നന്നായി പരിചി​ത​മാ​കു​ന്ന​തും ഇതിലുൾപ്പെ​ടു​ന്നു. ഇന്റർനെ​റ്റിൽ സർഫിങ്‌ നടത്തു​ന്നതല്ല, പിന്നെ​യോ ഏകസത്യ​ദൈ​വ​ത്തെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറിച്ച്‌ അറിയു​ന്ന​തി​നും ആ അറിവ്‌ ഉത്സാഹ​പൂർവം ബാധക​മാ​ക്കു​ന്ന​തി​നും വേണ്ടി സമയമു​പ​യോ​ഗി​ക്കു​ന്ന​താണ്‌ നിങ്ങൾക്കു നിത്യ​പ്ര​യോ​ജ​നങ്ങൾ കൈവ​രു​ത്തു​ന്നത്‌.—യോഹ​ന്നാൻ 17:3; എഫെസ്യർ 5:15-17-ഉം കൂടെ കാണുക.