നിങ്ങൾക്ക്‌ യഥാർഥ​ത്തിൽ ഇന്റർനെ​റ്റി​ന്റെ ആവശ്യ​മു​ണ്ടോ?

നിങ്ങൾ ഇന്റർനെറ്റ്‌ ഉപയോ​ഗി​ക്ക​ണ​മോ? തീർച്ച​യാ​യും, അതു വ്യക്തി​പ​ര​മായ, നിങ്ങൾ ശ്രദ്ധാ​പൂർവം വിലയി​രു​ത്തേണ്ട ഒരു കാര്യ​മാണ്‌. നിങ്ങളു​ടെ തീരു​മാ​നത്തെ സ്വാധീ​നി​ച്ചേ​ക്കാ​വുന്ന ഘടകങ്ങൾ എന്തൊ​ക്കെ​യാണ്‌?

ആവശ്യം—നിങ്ങൾ ചെലവു കണക്കു​കൂ​ട്ടി​യോ?

ഇന്റർനെ​റ്റി​ന്റെ അടുത്ത​കാ​ലത്തെ വളർച്ച​യി​ല​ധി​ക​ത്തി​നും കാരണം ബിസി​നസ്‌ ലോക​ത്തി​ന്റെ ശക്തമായ വിപണന ശ്രമങ്ങ​ളാണ്‌. വ്യക്തമാ​യും, ഒരു ആവശ്യ​ബോ​ധം സൃഷ്ടി​ക്കു​ക​യെ​ന്ന​താണ്‌ അവരുടെ ഉദ്ദേശ്യം. ഈ സാങ്കൽപ്പിക ആവശ്യം നട്ടുവ​ളർത്തി​ക്ക​ഴി​ഞ്ഞാൽപ്പി​ന്നെ, ചില സ്ഥാപനങ്ങൾ അംഗത്വ​മോ യാതൊ​രു ചെലവും കൂടാതെ നിങ്ങൾക്കാ​ദ്യം ലഭിച്ച വിവര​ങ്ങൾക്കോ സേവന​ത്തി​നോ ഉള്ള വാർഷിക വരിപ്പ​ണ​മോ ആവശ്യ​പ്പെ​ടു​ന്നു. ഇന്റർനെ​റ്റി​നു​വേണ്ടി മാസം​തോ​റും അടയ്‌ക്കേ​ണ്ടി​വ​രുന്ന പണത്തിനു പുറ​മേ​യാണ്‌ ഈ ഫീസ്‌. ഇന്റർനെ​റ്റി​ലെ ചില പത്രങ്ങൾ ഈ നടപടിക്ക്‌ ഒരു സാധാരണ ഉദാഹ​ര​ണ​മാണ്‌.

സജ്ജീക​ര​ണ​ങ്ങൾക്കും സോഫ്‌റ്റ്‌വെ​യ​റി​നും വേണ്ടി​വ​രുന്ന പണച്ചെ​ല​വി​നെ നിങ്ങളു​ടെ യഥാർഥ ആവശ്യ​വു​മാ​യി തട്ടിച്ചു​നോ​ക്കി​യോ? (ലൂക്കൊസ്‌ 14:28 താരത​മ്യം ചെയ്യുക.) ഇന്റർനെറ്റ്‌ സൗകര്യ​മുള്ള പബ്ലിക്ക്‌ ലൈ​ബ്ര​റി​ക​ളോ സ്‌കൂ​ളു​ക​ളോ ഉണ്ടോ? ആദ്യം ഇവ ഉപയോ​ഗി​ച്ചു​നോ​ക്കു​ന്നത്‌ വളരെ​യ​ധി​കം പണം മുടക്കി ഒരു വ്യക്തിഗത കമ്പ്യൂ​ട്ട​റും ബന്ധപ്പെട്ട സജ്ജീക​ര​ണ​ങ്ങ​ളും വാങ്ങാതെ ആവശ്യം നിർണ​യി​ക്കാൻ നിങ്ങളെ സഹായി​ച്ചേ​ക്കാം. ആ സൗകര്യ​ങ്ങൾ വാസ്‌ത​വ​ത്തിൽ എത്ര കൂടെ​ക്കൂ​ടെ ആവശ്യ​മാ​ണെന്നു വ്യക്തമാ​കു​ന്ന​തു​വരെ അനു​യോ​ജ്യ​മായ പൊതു ഇന്റർനെറ്റ്‌ സൗകര്യ​ങ്ങൾ ഉപയോ​ഗി​ക്കാ​വു​ന്ന​താണ്‌. പൊതു​ജനം ഇന്റർനെ​റ്റി​നെ​ക്കു​റിച്ച്‌ കേൾക്കു​ന്ന​തിന്‌, തീർച്ച​യാ​യും അതിന്റെ ആവശ്യം മനസ്സി​ലാ​ക്കു​ന്ന​തിന്‌, രണ്ടു പതിറ്റാ​ണ്ടി​ലേ​റെ​ക്കാ​ലം മുമ്പു​തന്നെ ഇന്റർനെറ്റ്‌ സ്ഥിതി​ചെ​യ്‌തി​രു​ന്നു എന്ന കാര്യം ഓർമി​ക്കുക!

സുരക്ഷി​ത​ത്വം—നിങ്ങളു​ടെ സ്വകാ​ര്യത സംരക്ഷി​ക്ക​പ്പെ​ട്ടി​രി​ക്കു​ന്നു​വോ?

മറ്റൊരു മുഖ്യ പ്രശ്‌നം രഹസ്യം സൂക്ഷി​ക്ക​ലാണ്‌. ഉദാഹ​ര​ണ​ത്തിന്‌, നിങ്ങളു​ടെ ഇലക്‌​ട്രോ​ണിക്‌ തപാൽ സന്ദേശം നിങ്ങൾ ആർക്കയ​യ്‌ക്കു​ന്നു​വോ ആ ആൾ മാത്രമേ കാണാൻ പാടുള്ളൂ. പക്ഷേ, കത്ത്‌ പൊയ്‌ക്കൊ​ണ്ടി​രി​ക്കു​മ്പോൾ മിടു​ക്കു​ള്ള​വ​നും സാധ്യ​ത​യ​നു​സ​രിച്ച്‌ തത്ത്വദീ​ക്ഷ​യി​ല്ലാ​ത്ത​വ​നു​മായ ഒരു വ്യക്തിക്ക്‌, അല്ലെങ്കിൽ വ്യക്തി​ക​ളു​ടെ കൂട്ടത്തിന്‌, നിങ്ങളു​ടെ കത്ത്‌ തടയാ​നോ നിരീ​ക്ഷി​ക്കാ​നോ കഴിയും. സന്ദേശങ്ങൾ സംരക്ഷി​ക്കു​ന്ന​തി​നാ​യി ചിലർ കത്ത്‌ അയയ്‌ക്കു​ന്ന​തി​നു മുമ്പായി അതിന്റെ രഹസ്യ ഉള്ളടക്കങ്ങൾ ഇലക്‌​ട്രോ​ണിക്‌ തപാൽ സോഫ്‌റ്റ്‌വെയർ ഉത്‌പ​ന്നങ്ങൾ ഉപയോ​ഗിച്ച്‌ അവ്യക്ത​മാ​ക്കു​ന്നു. കത്തു ലഭിക്കുന്ന ആൾക്ക്‌ സന്ദേശ​ത്തി​ന്റെ അവ്യക്തത നീക്കു​ന്ന​തിന്‌ സമാന​മായ സോഫ്‌റ്റ്‌വെയർ ആവശ്യ​മാ​യി​വ​ന്നേ​ക്കാം.

അടുത്ത​കാ​ലത്ത്‌, ക്രെഡിറ്റ്‌ കാർഡും വാണി​ജ്യോ​പ​യോ​ഗ​ത്തി​നുള്ള മറ്റു രഹസ്യ വിവര​ങ്ങ​ളും ഇന്റർനെ​റ്റി​ലൂ​ടെ കൈമാ​റു​ന്ന​തി​നെ​പ്പറ്റി വളരെ​യ​ധി​കം ചർച്ചകൾ നടന്നി​ട്ടുണ്ട്‌. വിപ്ലവ​ക​ര​മായ പരിഷ്‌ക​ര​ണങ്ങൾ സുരക്ഷി​ത​ത്വം വർധി​പ്പി​ക്കു​മെന്ന്‌ പ്രതീ​ക്ഷി​ക്കു​ന്നു​ണ്ടെ​ങ്കി​ലും, “പൂർണ സുരക്ഷി​ത​ത്വം പ്രദാ​നം​ചെ​യ്യുന്ന സംവി​ധാ​നങ്ങൾ ഉണ്ടായി​രി​ക്കുക സാധ്യമല്ല, എന്നാൽ സുരക്ഷി​ത​ത്വ​മി​ല്ലായ്‌മ ഗണ്യമായ അളവിൽ—ഒരുപക്ഷേ സംവി​ധാ​ന​ങ്ങ​ളിൽ സംഭരി​ച്ചി​രി​ക്കുന്ന വിവര​ങ്ങ​ളു​ടെ മൂല്യ​ത്തി​നും കമ്പ്യൂട്ടർ പ്രോ​ഗ്രാ​മിങ്‌ വിദഗ്‌ധ​രും രഹസ്യ വിവരങ്ങൾ അറിയാൻ കഴിവുള്ള സ്ഥാനത്തി​രി​ക്കു​ന്ന​വ​രും ഉയർത്തുന്ന ഭീഷണി​ക്കും ആനുപാ​തി​ക​മാ​യി—കുറയ്‌ക്കാൻ കഴിയും” എന്ന്‌ ശ്രദ്ധേ​യ​നായ കമ്പ്യൂട്ടർ സുരക്ഷി​തത്വ വിശകലന വിദഗ്‌ധ​യായ ഡോ​റൊ​ത്തി ഡെനിങ്‌ പ്രസ്‌താ​വി​ക്കു​ന്നു. ഇന്റർനെ​റ്റു​മാ​യി ബന്ധിപ്പി​ക്ക​പ്പെ​ട്ട​താ​യാ​ലും അല്ലെങ്കി​ലും പരിപൂർണ സുരക്ഷി​ത​ത്വം യാതൊ​രു കമ്പ്യൂട്ടർ സംവി​ധാ​ന​ത്തി​ലും സാധ്യമല്ല.

നിങ്ങൾക്കു വേണ്ടത്ര സമയമു​ണ്ടോ?

പ്രധാ​ന​പ്പെട്ട മറ്റൊരു സംഗതി സമയമാണ്‌. ഇന്റർനെറ്റ്‌ പ്രവർത്തി​പ്പി​ക്കു​ന്ന​തി​നു മുമ്പായി ഉപകര​ണങ്ങൾ സ്ഥാപി​ക്കാ​നും അവ ഉപയോ​ഗി​ക്കുന്ന വിധം പഠിക്കാ​നു​മൊക്ക എത്ര സമയ​മെ​ടു​ക്കും? ഇന്റർനെ​റ്റി​ലെ സർഫിങ്‌ “ഒരു പുതിയ ഇന്റർനെറ്റ്‌ ഉപഭോ​ക്താ​വി​നെ സംബന്ധി​ച്ചി​ട​ത്തോ​ളം ഏറ്റവും ആസക്തി​പൂ​ണ്ട​തും സമയ​ച്ചെ​ല​വു​ള്ള​തു​മായ പ്രവർത്ത​ന​ങ്ങ​ളി​ലൊ​ന്നാ​യി​രി​ക്കാൻ കഴിയും” എന്ന്‌ അനുഭ​വ​സ​മ്പ​ന്ന​നായ ഒരു ഇന്റർനെറ്റ്‌ അധ്യാ​പകൻ ചൂണ്ടി​ക്കാ​ണി​ച്ചു. അതെന്തു​കൊ​ണ്ടാണ്‌?

രസകര​മാ​യ ഒട്ടനവധി വിഷയ​ങ്ങ​ളും അസംഖ്യം പുതിയ സംഗതി​ക​ളും കണ്ടെത്താ​നുണ്ട്‌. ഫലത്തിൽ, നയനാ​കർഷ​ക​മായ ഡോക്യു​മെ​ന്റു​ക​ളോ​ടു​കൂ​ടിയ ലൈ​ബ്ര​റി​ക​ളു​ടെ ഒരു വൻശേ​ഖ​ര​മാണ്‌ ഇന്റർനെറ്റ്‌. അതിന്റെ ഒരംശം കാണാ​നോ വായി​ക്കാ​നോ ഏതാണ്ട്‌ ഒരു മുഴു വൈകു​ന്നേ​ര​വും വേണ്ടി​വ​രും, നിങ്ങൾക്ക്‌ ഉറക്കം​പോ​ലും വരുക​യില്ല. (13-ാം പേജിലെ “നിങ്ങളു​ടെ സമയം എത്ര വില​പ്പെ​ട്ട​താണ്‌?” എന്ന ചതുരം കാണുക.) തീർച്ച​യാ​യും, വെബ്ബ്‌ ഉപഭോ​ക്താ​ക്കൾക്കൊ​ന്നും ആത്മസം​യ​മനം ഇല്ലെന്നല്ല ഇതിന്റെ അർഥം. എന്നിരു​ന്നാ​ലും, വെബ്ബിൽ സർഫിങ്‌ നടത്തു​മ്പോൾ സമയത്തി​ന്റെ​യും ഉള്ളടക്ക​ത്തി​ന്റെ​യും കാര്യ​ത്തിൽ നിയ​ന്ത്ര​ണങ്ങൾ വെക്കു​ന്നത്‌ ബുദ്ധി​യാണ്‌—പ്രത്യേ​കി​ച്ചും കുട്ടി​ക​ളു​ടെ കാര്യ​ത്തിൽ. അനേകം കുടും​ബ​ങ്ങ​ളും ടെലി​വി​ഷന്റെ കാര്യ​ത്തിൽ അതാണു ചെയ്യു​ന്നത്‌.a കുടുംബ പ്രവർത്ത​ന​ങ്ങൾക്കും ആത്മീയ പ്രവർത്ത​ന​ങ്ങൾക്കും വേണ്ടത്ര സമയം ചെലവി​ടാൻ ഇതു സഹായി​ക്കും.—ആവർത്ത​ന​പു​സ്‌തകം 6:6, 7; മത്തായി 5:3.

നിങ്ങൾക്ക്‌ എന്തെങ്കി​ലും നഷ്ടപ്പെ​ടു​ന്നു​ണ്ടോ?

കാല​ക്ര​മ​ത്തിൽ, ലോക​ത്തി​ന്റെ വികസ്വര ഭാഗങ്ങ​ളിൽ ഇന്റർനെറ്റ്‌ സാങ്കേ​തി​ക​വി​ദ്യ കൂടുതൽ പൂർണ​മാ​യി വ്യാപി​ക്കു​ന്ന​താ​യി​രി​ക്കും. എന്നാൽ, ആദ്യ ലേഖന​ത്തി​ന്റെ തുടക്ക​ത്തിൽ പരാമർശിച്ച ആളുകളെ ഓർമി​ക്കുക. അവർക്കു ലഭിച്ച മിക്ക വിവര​ങ്ങ​ളും ലൈ​ബ്ര​റി​ക​ളോ, ടെല​ഫോ​ണു​ക​ളോ, പരമ്പരാ​ഗത രീതി​യി​ലുള്ള തപാൽസേ​വ​ന​മോ വർത്തമാ​ന​പ​ത്ര​ങ്ങ​ളോ വഴി ലഭിക്കു​മാ​യി​രു​ന്നു. തീർച്ച​യാ​യും ഈ രീതി​ക​ളിൽ ചിലതിന്‌ കൂടുതൽ സമയവും പണച്ചെ​ല​വും ആവശ്യ​വാ​യി​വ​ന്നേ​ക്കാം. എങ്കിലും, ഭൂമി​യി​ലെ​മ്പാ​ടു​മുള്ള ഭൂരി​ഭാ​ഗ​മാ​ളു​ക​ളു​ടെ​യും കാര്യ​ത്തിൽ കൂടുതൽ പരമ്പരാ​ഗ​ത​മായ ഈ രീതികൾ കുറെ​ക്കാ​ല​ത്തേക്ക്‌ മുഖ്യ ആശയവി​നി​മയ സരണി​ക​ളാ​യി തുടരാൻ സാധ്യ​ത​യുണ്ട്‌.

[അടിക്കു​റി​പ്പു​കൾ]

[9-ാം പേജിലെ ചിത്രം]

ആത്മസംയമനം ഇല്ലെങ്കിൽ ഇന്റർനെ​റ്റി​ലെ സർഫിങ്‌ ഒരു കെണി​യാ​യി​ത്തീർന്നേ​ക്കാം