യുവജ​നങ്ങൾ ചോദി​ക്കു​ന്നു . . .

കുറ്റം എപ്പോ​ഴും എനിക്കാ​യി​രി​ക്കു​ന്നത്‌ എന്തു​കൊണ്ട്‌?

“ഡാഡിക്ക്‌ അലർജി​യുണ്ട്‌. പുകവ​ലി​ക്കുന്ന ആളുക​ളോ​ടൊ​പ്പം വേണം അദ്ദേഹ​ത്തി​നു ജോലി ചെയ്യാൻ. ചില​പ്പോൾ ആകെ വിഷമി​ച്ചാ​യി​രി​ക്കും അദ്ദേഹം വീട്ടിൽ തിരി​ച്ചെ​ത്തു​ന്നത്‌. എന്തെങ്കി​ലും സാധനം അദ്ദേഹ​ത്തി​ന്റെ കൈയിൽനി​ന്നു കളഞ്ഞു​പോ​യാൽ അതിന്‌ എന്നെ കുറ്റ​പ്പെ​ടു​ത്തും. സാധനം നഷ്ടപ്പെ​ടു​ത്തി​യത്‌ അദ്ദേഹ​മാണ്‌ എന്നു ഞാൻ പറഞ്ഞാ​ലോ, ആകെ ദേഷ്യ​മാ​കും. ഞാൻ അദ്ദേഹത്തെ തിരു​ത്താ​റാ​യി​ട്ടി​ല്ലെന്നു പറയും.”—ഒരു കൗമാ​ര​പ്രാ​യ​ക്കാ​രി.

ഭവനത്തി​ലെ ബലിയാട്‌ നിങ്ങളാ​ണെന്നു ചില​പ്പോൾ തോന്നാ​റു​ണ്ടോ? എന്തു കുഴപ്പം പറ്റിയാ​ലും നിങ്ങളെ പഴിചാ​രു​ന്ന​തു​പോ​ലെ കാണ​പ്പെ​ടാ​റു​ണ്ടോ? 14 വയസ്സു​കാ​രി ജയയ്‌ക്കു തോന്നു​ന്നത്‌ അങ്ങനെ​യാണ്‌. അമ്മയി​ല്ലാ​ത്ത​തു​കൊണ്ട്‌ അവളാണ്‌ മിക്ക​പ്പോ​ഴും അനുജ​നെ​യും അനുജ​ത്തി​യെ​യും നോക്കു​ന്നത്‌. “അവർ വഴക്കടി​ക്കു​മ്പോൾ ഞാൻ താഴത്തെ നിലയി​ലാ​യി​രി​ക്കും,” ജയ പരാതി​പ്പെ​ടു​ന്നു. “തീരെ വിവരം​കെട്ട രീതി​യിൽ, പക്വത​യി​ല്ലാ​തെ​യാണ്‌ അവർ പെരു​മാ​റു​ന്നത്‌. പക്ഷേ ഡാഡി വീട്ടിൽ തിരി​ച്ചെ​ത്തു​മ്പോൾ എന്റെ നേരേ തട്ടിക്ക​യ​റും, അവരുടെ വഴക്കു തീർക്കാൻ ഞാൻ ചെല്ലാ​ഞ്ഞ​തിന്‌.”

നിങ്ങളെ ലാളിച്ചു വഷളാ​ക്കി​യെന്നു മാതാ​പി​താ​ക്കൾ പറയു​ന്നു​വെ​ന്നി​രി​ക്കട്ടെ, അല്ലെങ്കിൽ മടിയ​നെ​ന്നും അലസ​നെ​ന്നും തുടങ്ങി നിങ്ങൾ ഒരിക്ക​ലും നേരേ​യാ​കാൻ പോകു​ന്നി​ല്ലെന്നു സൂചി​പ്പി​ക്കുന്ന തരത്തി​ലുള്ള പേരുകൾ നിരന്തരം വിളി​ക്കു​ന്നു​വെ​ന്നി​രി​ക്കട്ടെ, നിങ്ങൾക്കു തെറ്റു പറ്റാൻ അവർ പ്രതീ​ക്ഷി​ക്കു​ന്ന​താ​യി​പോ​ലും ചില​പ്പോൾ തോന്നി​യേ​ക്കാം. രാമന്റെ വീട്ടു​കാർ അവനു മറവി​ക്കാ​രൻ പ്രൊ​ഫസർ എന്നു പേരിട്ടു, അവനു തീരെ ഇഷ്ടമി​ല്ലാ​യി​രുന്ന ഒരു പരിഹാ​സ​പ്പേര്‌. സ്‌നേ​ഹ​പൂർവ​മാ​ണെ​ങ്കിൽപ്പോ​ലും നിങ്ങളു​ടെ കുറവു​കളെ എടുത്തു​കാ​ണി​ക്കുന്ന ഒരു പരിഹാ​സ​പ്പേര്‌ വിളി​ക്കു​ന്നത്‌ നിങ്ങൾക്കും ദേഷ്യ​മാ​യി​രി​ക്കാം. പുരോ​ഗതി പ്രാപി​ക്കാൻ പ്രേരി​പ്പി​ക്കു​ന്ന​തി​നു​പ​കരം താഴ്‌ത്തി​ക്കെ​ട്ടു​ന്ന​തരം പേരുകൾ, കുറ്റം ചുമ​ക്കേ​ണ്ടതു നിങ്ങളാ​ണെന്ന തോന്നൽ ബലപ്പെ​ടു​ത്തി​യേ​ക്കാം.

പക്ഷപാ​ത​ത്തി​ന്റെ ഫലമാ​യി​ട്ടു​ള്ള​താ​ണെ​ങ്കിൽ പഴിചാ​രൽ വിശേ​ഷി​ച്ചും വേദനാ​ജ​ന​ക​മാ​യേ​ക്കാം. “നടുക്കത്തെ കുട്ടി ഞാനാ​യ​തു​കൊണ്ട്‌ എപ്പോ​ഴും കുറ്റം മുഴുവൻ എനിക്കാണ്‌,” കൗമാ​ര​പ്രാ​യ​ക്കാ​ര​നായ ഫ്രാങ്കി പറയുന്നു. നിങ്ങളു​ടെ കൂടപ്പി​റ​പ്പു​കൾ എല്ലായ്‌പോ​ഴും നിഷ്‌ക​ള​ങ്ക​രാ​യി വീക്ഷി​ക്ക​പ്പെ​ട്ടേ​ക്കാം. എന്നാൽ എന്തെങ്കി​ലും കുഴപ്പം തലപൊ​ക്കു​മ്പോൾത്തന്നെ നിങ്ങളെ കുറ്റക്കാ​ര​നാ​യി മുദ്ര​കു​ത്തി​യേ​ക്കാം.

മാതാ​പി​താ​ക്കൾ കുറ്റ​പ്പെ​ടു​ത്തു​ന്ന​തി​ന്റെ കാരണം

മക്കൾ തെറ്റു​ചെ​യ്യു​മ്പോൾ മാതാ​പി​താ​ക്കൾ അവരെ തിരു​ത്തു​ന്നതു സ്വാഭാ​വി​കം മാത്രം. ആരോ​ഗ്യാ​വ​ഹ​വും ക്രിയാ​ത്മ​ക​വു​മായ തിരുത്തൽ നൽകു​ന്ന​താണ്‌, ദൈവ​ഭ​യ​മുള്ള മാതാ​പി​താ​ക്കൾ മക്കളെ “കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും” വളർത്തി​ക്കൊ​ണ്ടു​വ​രുന്ന രീതി​ക​ളി​ലൊന്ന്‌. (എഫെസ്യർ 6:4) എങ്കിലും, ചില സമയങ്ങ​ളിൽ ഏറ്റവും നല്ലവരായ മാതാ​പി​താ​ക്കൾപോ​ലും അമിത​മാ​യി പ്രതി​ക​രി​ക്കു​ക​യോ തെറ്റായ നിഗമ​ന​ങ്ങ​ളി​ലേക്ക്‌ എടുത്തു​ചാ​ടു​ക​യോ ചെയ്‌തേ​ക്കാം. യേശു ബാലനാ​യി​രു​ന്ന​പ്പോ​ഴത്തെ ഒരു സംഭവം പരിചി​ന്തി​ക്കുക. അവനെ കാണാ​തെ​പോ​യ​താണ്‌ സന്ദർഭം. അവൻ ദൈവ​ത്തി​ന്റെ ആലയത്തിൽ ബൈബിൾ ചർച്ച​ചെ​യ്‌തു​കൊ​ണ്ടി​രി​ക്കു​ക​യാ​യി​രു​ന്നു. എങ്കിലും മാതാ​പി​താ​ക്കൾ അവനെ കണ്ടെത്തി​യ​പ്പോൾ അവന്റെ അമ്മ ചോദി​ച്ചത്‌ ഇങ്ങനെ​യാണ്‌: ‘മകനേ, ഞങ്ങളോ​ടു ഇങ്ങനെ ചെയ്‌തതു എന്തു? നിന്റെ അപ്പനും ഞാനും വ്യസനി​ച്ചു​കൊ​ണ്ടു നിന്നെ തിരഞ്ഞു.’—ലൂക്കൊസ്‌ 2:48.

യേശു പൂർണ​ത​യു​ള്ള​വ​നാ​യി​രു​ന്ന​തു​കൊണ്ട്‌ അവൻ ദുഷ്‌കർമ​ങ്ങ​ളിൽ ഏർപ്പെ​ടു​മെന്നു ഭയപ്പെ​ടാൻ യാതൊ​രു കാരണ​വു​മി​ല്ലാ​യി​രു​ന്നു. എന്നാൽ സ്‌നേ​ഹ​സ​മ്പ​ന്ന​രായ മറ്റേതു മാതാ​പി​താ​ക്ക​ളെ​യും​പോ​ലെ, തന്റെ മകന്റെ​മേൽ ഉത്തരവാ​ദി​ത്വ​മു​ള്ള​താ​യി തോന്നി​യ​തു​കൊണ്ട്‌ അവന്റെ അമ്മ തീവ്ര​മാ​യി പ്രതി​ക​രി​ച്ചു. അവന്റെ ക്ഷേമം അപകട​ത്തി​ലാ​കു​മെന്ന്‌ ഒരുപക്ഷേ അവൾ ഭയന്നി​രി​ക്കാം. ഇതു​പോ​ലെ നിങ്ങളു​ടെ മാതാ​പി​താ​ക്ക​ളും ചില സമയങ്ങ​ളിൽ അമിത​മാ​യി പ്രതി​ക​രി​ച്ചേ​ക്കാം. അവർ ശല്യക്കാ​രോ ക്രൂര​രോ ആകാൻ ശ്രമി​ക്കു​കയല്ല, മറിച്ച്‌ അവർക്കു വാസ്‌ത​വ​ത്തിൽ നിങ്ങ​ളെ​ക്കു​റി​ച്ചു കരുത​ലു​ള്ള​തു​കൊ​ണ്ടാണ്‌ അങ്ങനെ ചെയ്യു​ന്നത്‌.

നാം “ദുർഘ​ട​സ​മയങ്ങ”ളിലാണു ജീവി​ക്കു​ന്ന​തെ​ന്നും തിരി​ച്ച​റി​യുക. (2 തിമൊ​ഥെ​യൊസ്‌ 3:1) കുടും​ബത്തെ പോറ്റാൻ ജോലി ചെയ്യേ​ണ്ട​തു​ള്ള​തു​കൊണ്ട്‌ നിങ്ങളു​ടെ മാതാ​പി​താ​ക്കൾ വളരെ സമ്മർദ​ത്തിൻ കീഴി​ലാ​യി​രി​ക്കും. അവർ നിങ്ങ​ളോ​ടു പെരു​മാ​റുന്ന വിധ​ത്തെ​യും ഇതു ബാധി​ച്ചേ​ക്കാം. (സഭാ​പ്ര​സം​ഗി 7:7 താരത​മ്യം ചെയ്യുക.) ഒരു മാനസി​കാ​രോ​ഗ്യ പ്രവർത്തക ഇപ്രകാ​രം അഭി​പ്രാ​യ​പ്പെട്ടു: “ചില കുടും​ബ​ങ്ങ​ളിൽ, എന്തെങ്കി​ലു​മൊ​രു പ്രതി​സന്ധി ഉണ്ടെങ്കിൽ, പൊതു​വേ നല്ലവരായ മാതാ​പി​താ​ക്കൾപ്പോ​ലും കുപി​ത​രാ​യി തിടു​ക്ക​ത്തിൽ തീരു​മാ​നങ്ങൾ കൈ​ക്കൊ​ണ്ടേ​ക്കാം.”

ഇണ നഷ്ടപ്പെട്ട മാതാ​വോ പിതാ​വോ വിശേ​ഷി​ച്ചും തങ്ങളുടെ നിരാ​ശ​ക​ളെ​ല്ലാം മക്കളുടെ മേൽ കെട്ടി​വെ​ക്കാൻ ചായ്‌വു കാട്ടി​യേ​ക്കാം. കാര്യങ്ങൾ ചർച്ച ചെയ്യാൻ അവർക്ക്‌ ഒരു ഇണയി​ല്ലാ​ത്ത​താ​ണു കാരണം. ഒരു മാതാ​വി​ന്റെ​യോ പിതാ​വി​ന്റെ​യോ വ്യക്തി​പ​ര​മായ നിരാ​ശകൾ നിമിത്തം ശിക്ഷ​യേൽക്കേ​ണ്ടി​വ​രു​ന്നത്‌ തമാശ​യ​ല്ലെ​ന്നു​ള്ളതു ശരിതന്നെ. 17 വയസ്സു​കാ​രി ലൂസി പറയുന്നു: “ഞാൻ എന്തെങ്കി​ലും കുറ്റം ചെയ്‌തി​ട്ടാണ്‌ ശിക്ഷ​യേൽക്കു​ന്ന​തെ​ങ്കിൽ കുഴപ്പ​മി​ല്ലാ​യി​രു​ന്നു. പക്ഷേ അമ്മ അത്ര നല്ല മൂഡി​ല​ല്ലാ​ത്ത​തു​കൊ​ണ്ടു​മാ​ത്രം ശിക്ഷ​യേൽക്കേ​ണ്ടി​വ​രു​ന്നതു വാസ്‌ത​വ​ത്തിൽ കഷ്ടമാണ്‌.”

മറ്റൊരു ഘടകമാണ്‌ പക്ഷപാതം. സാധാരണ ഒരു മാതാ​വോ പിതാ​വോ തന്റെ മക്കളെ​യെ​ല്ലാം സ്‌നേ​ഹി​ക്കു​മെ​ങ്കി​ലും ഒരു കുട്ടി​യോ​ടു പ്രത്യേക വാത്സല്യം തോന്നു​ന്നത്‌ അസാധാ​ര​ണമല്ല.a (ഉല്‌പത്തി 37:3 താരത​മ്യം ചെയ്യുക.) നിങ്ങ​ളോ​ടു സ്‌നേഹം കുറവാ​ണെന്ന തോന്നൽ അതിൽത്തന്നെ വേദനാ​ജ​ന​ക​മാണ്‌. എന്നാൽ നിങ്ങളു​ടെ ആവശ്യങ്ങൾ അവഗണി​ക്ക​പ്പെ​ടു​ന്ന​താ​യോ കൂടപ്പി​റ​പ്പു​കൾ ചെയ്യുന്ന കാര്യ​ങ്ങൾക്ക്‌ മിക്ക​പ്പോ​ഴും നിങ്ങളെ കുറ്റ​പ്പെ​ടു​ത്തു​ന്ന​താ​യോ തോന്നു​ന്നെ​ങ്കിൽ അമർഷം ഉണ്ടാകു​മെ​ന്നു​ള്ളതു തീർച്ച​യാണ്‌. “എനി​ക്കൊ​രു അനുജ​നുണ്ട്‌, ഡാരൻ,” കൊച്ചു റാക്‌സാൻ പറയുന്നു. “അവനാണ്‌ മമ്മിയു​ടെ പുന്നാ​ര​മോൻ. . . അവനൊ​രു കുറ്റവും ചെയ്യു​ക​യി​ല്ലെ​ന്നാ​ണു മമ്മിയു​ടെ വിചാരം, എല്ലായ്‌പോ​ഴും എന്നെ കുറ്റ​പ്പെ​ടു​ത്തും.”

പ്രക്ഷുബ്ധ കുടും​ബ​ങ്ങൾ

കെട്ടു​റ​പ്പുള്ള കുടും​ബ​ങ്ങ​ളിൽ വല്ലപ്പോ​ഴു​മൊ​ക്കെ അനുചി​ത​മായ കുറ്റ​പ്പെ​ടു​ത്ത​ലു​കൾ ഉണ്ടാ​യേ​ക്കാം. എന്നാൽ പ്രക്ഷുബ്ധ കുടും​ബ​ങ്ങ​ളിൽ കുറ്റ​പ്പെ​ടു​ത്ത​ലും നാണം​കെ​ടു​ത്ത​ലും അപമാ​നി​ക്ക​ലു​മെ​ല്ലാം നിത്യ​സം​ഭ​വ​ങ്ങ​ളാ​യി​രി​ക്കാം. ചില സമയങ്ങ​ളിൽ കുറ്റ​പ്പെ​ടു​ത്ത​ലി​ന്റെ കൂട്ടത്തിൽ “കോപ​വും ക്രോ​ധ​വും കൂറ്റാ​ര​വും ദൂഷണ​വും” പോലും ഉണ്ടായി​രി​ക്കും.—എഫെസ്യർ 4:31.

മാതാ​പി​താ​ക്കൾ അത്തരത്തിൽ പൊട്ടി​ത്തെ​റി​ക്കു​ന്ന​തിന്‌ ഒരു കുട്ടിയെ കുറ്റ​പ്പെ​ടു​ത്താൻ സാധി​ക്കു​മോ? അനുസ​ര​ണ​മി​ല്ലാത്ത ഒരു മകനോ മകളോ മാതാ​പി​താ​ക്കൾക്കു ‘വ്യസനം’ ആയിരി​ക്കാ​മെ​ന്നതു ശരിതന്നെ. (സദൃശ​വാ​ക്യ​ങ്ങൾ 17:25) എങ്കിലും ‘നിങ്ങളു​ടെ മക്കളെ കോപി​പ്പി​ക്ക​രുത്‌ [അക്ഷരീ​യ​മാ​യി, “ദേഷ്യം​പി​ടി​പ്പി​ക്കാൻ ശ്രമി​ക്ക​രുത്‌”]’ എന്നു ബൈബിൾ പറയു​ന്നത്‌ മാതാ​പി​താ​ക്ക​ളോ​ടാണ്‌. (എഫെസ്യർ 6:4) എല്ലാ ക്രിസ്‌ത്യാ​നി​ക​ളു​ടെ​യും കാര്യ​ത്തി​ലെ​ന്ന​പോ​ലെ, ഒരു മാതാ​വോ പിതാ​വോ ‘ദോഷം സഹിക്കു​ന്ന​വ​രാ​യി’ ആത്മനി​യ​ന്ത്രണം പാലി​ക്കണം. (2 തിമൊ​ഥെ​യൊസ്‌ 2:24) അതു​കൊണ്ട്‌ ഒരു മാതാ​വി​നോ പിതാ​വി​നോ ആത്മനി​യ​ന്ത്രണം നഷ്ടമാ​കു​മ്പോൾ അവർക്കു കുട്ടി​ക​ളു​ടെ കുറവു​ക​ളി​ന്മേൽ പഴിചാ​രാൻ സാധി​ക്കു​ക​യില്ല.

ഒരു മാതാ​വോ പിതാ​വോ വൈകാ​രിക വേദന​യോ വിഷാ​ദ​മോ ആത്മാഭി​മാ​ന​ക്കു​റ​വോ അനുഭ​വി​ക്കു​ന്ന​തി​ന്റെ തെളി​വാ​യി​രി​ക്കാം വാക്കു​കൾക്കൊ​ണ്ടുള്ള ആക്രമ​ണങ്ങൾ. വൈവാ​ഹിക കലഹങ്ങൾ, മദ്യപാ​നം തുടങ്ങിയ പ്രശ്‌ന​ങ്ങ​ളെ​യും അതു സൂചി​പ്പി​ച്ചേ​ക്കാം. ഒരു പ്രസി​ദ്ധീ​ക​രണം പറയു​ന്ന​ത​നു​സ​രിച്ച്‌, മദ്യത്തി​നും മയക്കു​മ​രു​ന്നി​നും അടിമ​പ്പെട്ട മാതാ​പി​താ​ക്ക​ളു​ടെ കുട്ടി​ക​ളാ​ണു മിക്ക​പ്പോ​ഴും ബലിയാ​ടു​ക​ളാ​കു​ന്നത്‌. “അവർ ചെയ്യു​ന്ന​തെ​ല്ലാം കുറ്റമാ​യി​രി​ക്കും. ‘വിഡ്‌ഢി,’ ‘കൊള്ള​രു​താ​ത്തവൻ,’ ‘സ്വാർഥൻ’ എന്നൊക്കെ അവരെ വിളി​ച്ചേ​ക്കാം. തുടർന്ന്‌, കുടും​ബാം​ഗങ്ങൾ തങ്ങളുടെ സ്വന്തം വിഷമ​ങ്ങ​ളും പ്രശ്‌ന​ങ്ങ​ളും മറക്കു​ക​യും പകരം ആ കുട്ടിയെ (അല്ലെങ്കിൽ കുട്ടി​കളെ) ‘പ്രശ്‌ന’മായി കണക്കാ​ക്കു​ക​യും ചെയ്‌തേ​ക്കാം.”

അനുചി​ത​മായ കുറ്റ​പ്പെ​ടു​ത്തൽ കൈകാ​ര്യം ചെയ്യൽ

ഡോ. കാത്‌ലീൻ മക്കോയി അഭി​പ്രാ​യ​പ്പെ​ടു​ന്നു: “[ഒരു] കുട്ടിക്ക്‌ പരിഹാ​സ​പ്പേ​രി​ടു​ന്ന​തും അവനെ താഴ്‌ത്തി​ക്കെ​ട്ടു​ന്ന​തും വിമർശി​ക്കു​ന്ന​തും . . . ആയിരി​ക്കാം കൗമാ​ര​പ്രാ​യ​ത്തിൽ ആത്മാഭി​മാ​ന​ക്കു​റ​വും വിഷാ​ദ​വും ആശയവി​നി​മ​യ​ക്കു​റ​വും ഉളവാ​ക്കുന്ന ഒരു ഘടകം.” അല്ലെങ്കിൽ ബൈബിൾതന്നെ പറയു​ന്ന​തു​പോ​ലെ പരുക്കൻ മട്ടിൽ പെരു​മാ​റു​ന്നത്‌ കുട്ടി​കളെ ‘പ്രകോ​പി​പ്പി​ക്കു​ക​യും’ ‘അധൈ​ര്യ​പ്പെ​ടാൻ’ ഇടയാ​ക്കു​ക​യും ചെയ്‌തേ​ക്കാം. (കൊ​ലൊ​സ്സ്യർ 3:21) ഒന്നിനും കൊള്ളാ​ത്ത​വ​നാ​ണെന്ന ചിന്ത നിങ്ങളിൽ ഉടലെ​ടു​ത്തേ​ക്കാം. നിങ്ങൾ മാതാ​പി​താ​ക്കൾക്കു​നേരേ നിഷേ​ധാ​ത്മക ചിന്തകൾ വളർത്തി​യെ​ടു​ത്തേ​ക്കാം. അവരെ ഒരുത​ര​ത്തി​ലും പ്രസാ​ദി​പ്പി​ക്കാൻ സാധി​ക്കു​ക​യി​ല്ലെ​ന്നും അതിനു ശ്രമി​ച്ച​തു​കൊണ്ട്‌ യാതൊ​രു ഫലവു​മി​ല്ലെ​ന്നും നിങ്ങൾ നിഗമനം ചെയ്‌തേ​ക്കാം. കോപ​വും വിദ്വേ​ഷ​വും നിങ്ങളു​ടെ സ്വഭാ​വ​ത്തി​ന്റെ ഭാഗമാ​യി​ത്തീർന്നേ​ക്കാം. ഇത്‌ ഏതുത​ര​ത്തി​ലുള്ള ശിക്ഷണ​വും—ക്രിയാ​ത്മ​ക​മായ വിമർശ​നം​പോ​ലും—തള്ളിക്ക​ള​യു​ന്ന​തി​ലേക്കു നയി​ച്ചേ​ക്കാം.—സദൃശ​വാ​ക്യ​ങ്ങൾ 5:12 താരത​മ്യം ചെയ്യുക.

നിങ്ങൾക്കിത്‌ എങ്ങനെ കൈകാ​ര്യം ചെയ്യാൻ കഴിയും? ഇത്‌ വലി​യൊ​ര​ള​വോ​ളം നിങ്ങളു​ടെ സാഹച​ര്യ​ത്തെ ആശ്രയി​ച്ചി​രി​ക്കും. എന്തു​കൊണ്ട്‌ നിങ്ങൾക്കതു വാസ്‌ത​വി​ക​മാ​യി വിശക​ലനം ചെയ്‌തു​കൂ​ടാ? ഉദാഹ​ര​ണ​ത്തിന്‌, നിങ്ങളെ എപ്പോ​ഴും കുറ്റ​പ്പെ​ടു​ത്തു​ന്നു​വെ​ന്നതു സത്യമാ​ണോ? അല്ലെങ്കിൽ നിങ്ങളു​ടെ മാതാ​പി​താ​ക്കൾ വല്ലപ്പോ​ഴു​മൊ​ക്കെ ഒരൽപ്പം കൂടു​ത​ലാ​യി വിമർശനം നടത്തി തെറ്റായി എന്തെങ്കി​ലും പറഞ്ഞു​പോ​കു​ന്ന​താ​ണോ? “നാം എല്ലാവ​രും പലതി​ലും തെററി​പ്പോ​കു​ന്നു” എന്ന്‌ ബൈബിൾ പറയുന്നു, ഇതിൽ മാതാ​പി​താ​ക്ക​ളും ഉൾപ്പെ​ടും. (യാക്കോബ്‌ 3:2) അതു​കൊണ്ട്‌ നിങ്ങളു​ടെ മാതാ​പി​താ​ക്കൾ ചില്ല​പ്പോ​ഴെ​ല്ലാം അമിത​മാ​യി പ്രതി​ക​രി​ക്കു​ക​യാ​ണെ​ങ്കിൽത്തന്നെ നിങ്ങളും അങ്ങനെ ചെയ്യേ​ണ്ട​തു​ണ്ടോ? കൊ​ലൊ​സ്സ്യർ 3:13-ലെ ബൈബിൾ ബുദ്ധ്യു​പ​ദേശം ഇവിടെ നന്നായി ബാധക​മാ​ക്കാൻ കഴിയും: “അന്യോ​ന്യം പൊറു​ക്ക​യും ഒരുവ​നോ​ടു ഒരുവന്നു വഴക്കു​ണ്ടാ​യാൽ തമ്മിൽ ക്ഷമിക്ക​യും ചെയ്‌വിൻ; കർത്താവു നിങ്ങ​ളോ​ടു ക്ഷമിച്ച​തു​പോ​ലെ നിങ്ങളും ചെയ്‌വിൻ.”

മാതാ​പി​താ​ക്ക​ളോ​ടുള്ള സമാനു​ഭാ​വം ഇതു ചെയ്യാൻ നിങ്ങളെ സഹായി​ക്കും. സദൃശ​വാ​ക്യ​ങ്ങൾ 19:11 പറയുന്നു: “വിവേ​ക​ബു​ദ്ധി​യാൽ മനുഷ്യ​ന്നു ദീർഘ​ക്ഷ​മ​വ​രു​ന്നു; ലംഘനം ക്ഷമിക്കു​ന്നതു അവന്നു ഭൂഷണം.” ഡാഡി വീട്ടിൽ തിരി​ച്ചെ​ത്തു​മ്പോൾ പതിവി​ല്ലാ​ത്ത​വി​ധം തൊട്ട​തി​നും പിടി​ച്ച​തി​നു​മൊ​ക്കെ ദേഷ്യ​പ്പെ​ടു​ക​യും ചെയ്യാത്ത കാര്യ​ത്തി​നു നിങ്ങളെ കുറ്റ​പ്പെ​ടു​ത്തു​ക​യു​മാ​ണെ​ങ്കിൽ അത്‌ വലി​യൊ​രു കാര്യ​മാ​ക്കി​യെ​ടു​ക്കേ​ണ്ട​തു​ണ്ടോ? അദ്ദേഹം സമ്മർദ​ത്തിൻകീ​ഴി​ലാ​ണെ​ന്നും ക്ഷീണി​ത​നാ​ണെ​ന്നും മനസ്സി​ലാ​ക്കു​ന്നത്‌ അദ്ദേഹ​ത്തി​ന്റെ ‘ലംഘനം ക്ഷമിക്കാൻ’ നിങ്ങളെ സഹായി​ച്ചേ​ക്കും.

എന്നാൽ ചെയ്യാത്ത കുറ്റത്തിന്‌ വല്ലപ്പോ​ഴു​മല്ല, പിന്നെ​യോ നിരന്തരം, നിഷ്‌ഠു​ര​മാ​യി പഴി കേൾക്കേണ്ടി വരു​ന്നെ​ങ്കി​ലോ? നിങ്ങളു​ടെ സാഹച​ര്യ​ത്തെ മെച്ച​പ്പെ​ടു​ത്താ​നുള്ള മാർഗ​ങ്ങ​ളെ​ക്കു​റിച്ച്‌ ഒരു ഭാവി​ലേ​ഖ​ന​ത്തിൽ ചർച്ച ചെയ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

[19-ാംപേ​ജി​ലെ ചിത്രം]

ആവശ്യമായ സന്ദർഭ​ങ്ങ​ളിൽ തിരുത്തൽ നൽകു​ന്നത്‌ ഒരു മാതാ​വി​നെ​യോ പിതാ​വി​നെ​യോ സംബന്ധി​ച്ചി​ട​ത്തോ​ളം തെറ്റല്ല