യുവജ​നങ്ങൾ ചോദി​ക്കു​ന്നു. . .

ഞാൻ ചെയ്യു​ന്ന​തൊ​ന്നും ഒരിക്ക​ലും വേണ്ടു​വോ​ളം നന്നാകാ​ത്തത്‌ എന്തു​കൊണ്ട്‌?

“ഞാനെന്റെ പിതാ​വി​നു​വേണ്ടി ജോലി ചെയ്‌ത​പ്പോൾ അദ്ദേഹത്തെ തൃപ്‌തി​പ്പെ​ടു​ത്താൻ എനിക്കു വളരെ ബുദ്ധി​മു​ട്ടാ​യി​രു​ന്നു. എനിക്കു പതിനഞ്ചു വയസ്സു മാത്രമേ പ്രായം ഉണ്ടായി​രു​ന്നു​ള്ളു, ജോലി​യാ​ണെ​ങ്കിൽ വളരെ സങ്കീർണ്ണ​വു​മാ​യി​രു​ന്നു; ഞാൻ ഒരു പിഴവു വരുത്തി​യ​പ്പോൾ, അദ്ദേഹം വിമർശി​ക്കു​ന്ന​വ​നാ​യി​ത്തീർന്നു.”—റാൻഡി.

“എന്റെ അമ്മ പെരു​മാ​റു​ന്നത്‌ ഒരു പൊലീസ്‌ ഡിറെ​റ​ക്ടീ​വി​നെ​പ്പോ​ലെ​യാണ്‌—എപ്പോ​ഴും ഞാൻ പരാജ​യ​പ്പെ​ടു​ന്ന​തെ​വി​ടെ​യെന്നു നോക്കി​ക്കൊ​ണ്ടി​രി​ക്കു​ന്നു. എന്റെ ദൈനം​ദിന ജോലി​കൾ തീർക്കാൻ സമയം കിട്ടു​ന്ന​തി​നു മുമ്പായി, പിശകു​കൾ അന്വേ​ഷി​ച്ചു​കൊണ്ട്‌ എന്റെ വേല അവർ പരി​ശോ​ധി​ക്കു​മാ​യി​രു​ന്നു.”—ക്രെയ്‌ഗ്‌.

“എന്റെ മാതാ​പി​താ​ക്കൾ എപ്പോ​ഴും എന്തി​നെ​കു​റി​ച്ചെ​ങ്കി​ലും എന്നെ ഉപദേ​ശി​ച്ചു​കൊ​ണ്ടി​രി​ക്കും. പ്രവൃ​ത്തി​യിൽ അടുക്കും ചിട്ടയു​മുള്ള ഒരുവ​നാ​യി എന്നെ അവർ കാണു​ന്നില്ല എന്നാണ്‌ അവർ പറയു​ന്നത്‌. സ്‌കൂ​ളും വീടും സഭയും—അവർ എനിക്ക്‌ ഒരു ഇടവേ​ള​യും തരാറില്ല.”—ജയിംസ്‌.

നിങ്ങൾ ചെയ്യു​ന്ന​തൊ​ന്നും നിങ്ങളു​ടെ മാതാ​പി​താ​ക്കളെ തൃപ്‌തി​പ്പെ​ടു​ത്താൻത​ക്ക​വണ്ണം ഒരിക്ക​ലും വേണ്ടു​വോ​ളം നന്നാകാ​റി​ല്ലെന്ന്‌ ചില​പ്പോ​ഴൊ​ക്കെ തോന്നാ​റു​ണ്ടോ? ഒരിക്ക​ലും പരി​ശോ​ധ​ന​യിൽനി​ന്നും ഒഴിക​ഴി​വു ലഭിക്കാ​തെ, നിരന്തരം കുററ​വും കുറവും നോക്കി നിങ്ങളെ ആരോ എപ്പോ​ഴും നിരീ​ക്ഷി​ക്കു​ന്ന​തി​നാൽ, നിങ്ങളു​ടെ ഓരോ പ്രവൃ​ത്തി​യും ഒരു സൂക്ഷ്‌മ​ദർശി​നി​ക്കു കീഴെ ആണെന്നു നിങ്ങൾക്കെ​പ്പോ​ഴെ​ങ്കി​ലും തോന്നാ​റു​ണ്ടോ? അങ്ങനെ​യെ​ങ്കിൽ, മാതാ​പി​താ​ക്ക​ളു​ടെ അപ്രീ​തി​ക്കു പാത്ര​മാ​യാ​ണു നിങ്ങൾ ജീവി​ക്കു​ന്നത്‌ എന്നു നിങ്ങൾക്കു തോന്നി​യേ​ക്കാം.

നിങ്ങളു​ടെ അവസ്ഥ തീർത്തും ഒററപ്പെട്ട ഒന്നല്ല. ഡോ. ജോയ്‌സി എൽ. വൊഡ്രൽ ഇങ്ങനെ അഭി​പ്രാ​യ​പ്പെ​ടു​ന്നു: “മിക്ക കൗമാ​ര​പ്രാ​യ​ക്കാ​രും പറയു​ന്ന​ത​നു​സ​രിച്ച്‌, മാതാ​പി​താ​ക്കൾ അടിക്കടി കുററം കണ്ടുപി​ടി​ക്കു​ന്ന​വ​രാണ്‌ . . . നിങ്ങളു​ടെ മുറി വൃത്തി​യാ​യി സൂക്ഷി​ക്കു​ന്നതു മുതൽ ചവറു പുറത്തു​കൊ​ണ്ടു​പോ​യി കളയു​ന്നതു വരെയും, കുളി​മു​റി ഉപയോ​ഗി​ക്കു​ന്ന​തു​മു​തൽ നിങ്ങൾ വസ്‌ത്രം ധരിക്കുന്ന വിധം​വ​രെ​യും, നിങ്ങളു​ടെ സുഹൃ​ത്തു​ക്കളെ തിര​ഞ്ഞെ​ടു​ക്കു​ന്ന​തു​മു​തൽ നിങ്ങളു​ടെ സ്‌കൂ​ളി​ലെ മാർക്കു നിലവാ​ര​വും ഗൃഹപാ​ഠ​വും​വ​രെ​യുള്ള സകലത്തിൻമേ​ലും അവർ വീണ്ടും വീണ്ടും വിസ്‌ത​രി​ച്ചു പറഞ്ഞു​കൊ​ണ്ടി​രി​ക്കും.” ഇത്‌ വ്യക്തമാ​യും നിങ്ങളെ ചില​പ്പോ​ഴൊ​ക്കെ പ്രകോ​പി​പ്പി​ച്ചേ​ക്കാ​മെ​ങ്കി​ലും, അത്‌ അവശ്യം ഒരു മോശ​മായ സംഗതി​യല്ല. മാതാ​പി​താ​ക്കൾ അവരുടെ മക്കൾക്കു ശിക്ഷണ​വും തിരു​ത്ത​ലു​ക​ളും കൊടു​ക്കു​ന്നതു സ്വാഭാ​വി​കം മാത്ര​മാണ്‌; അവരോ​ടുള്ള തങ്ങളുടെ സ്‌നേഹം പ്രകടി​പ്പി​ക്കാ​നുള്ള ഒരു വിധമാ​ണത്‌. ബൈബിൾ പ്രസ്‌താ​വി​ക്കു​ന്ന​തു​പോ​ലെ, “ഇഷ്ടപുത്ര”നെ ഒരു പിതാവു ശാസി​ക്കും.—സദൃശ​വാ​ക്യ​ങ്ങൾ 3:12.

നിങ്ങളു​ടെ മാതാ​പി​താ​ക്ക​ളിൽനി​ന്നും തിരു​ത്ത​ലി​ന്റെ​തായ ഒരു വാക്കു നിങ്ങൾക്ക്‌ ഒരിക്ക​ലും ലഭിച്ചി​ട്ടി​ല്ലെ​ങ്കിൽ, നിങ്ങളിൽ അവർക്കു ശ്രദ്ധയു​ണ്ടോ എന്ന സംഗതി​യിൽ നിങ്ങൾ അത്ഭുത​പ്പെ​ടി​ല്ലേ? (സദൃശ​വാ​ക്യ​ങ്ങൾ 13:24; എബ്രായർ 12:8 താരത​മ്യ​പ്പെ​ടു​ത്തുക.) അപ്പോൾ നിങ്ങളെ നേരെ​യാ​ക്കാൻ വേണ്ടു​വോ​ളം ശ്രദ്ധി​ക്കുന്ന മാതാ​പി​താ​ക്കൾ നിങ്ങൾക്കു​ള്ള​തിൽ നിങ്ങൾക്കു നന്ദിയു​ള്ള​വ​രാ​യി​രി​ക്കാൻ കഴിയും! എന്തൊ​ക്കെ​യാ​ണെ​ങ്കി​ലും, നിങ്ങൾ ചെറു​പ്പ​വും താരത​മ്യേന അനുഭ​വ​ജ്ഞാ​ന​മി​ല്ലാ​ത്ത​വ​രു​മാ​ണ​ല്ലോ; തിരുത്തൽ ചില​പ്പോൾ ഉചിത​മാ​യി​രി​ക്കാം. മാർഗ്ഗ​നിർദ്ദേ​ശ​മി​ല്ലാത്ത അവസ്ഥയിൽ, “യൌവ​ന​മോ​ഹങ്ങൾ” നിങ്ങളെ എളുപ്പ​ത്തിൽ കീഴട​ക്കി​യേ​ക്കാം.—2 തിമൊ​ഥെ​യൊസ്‌ 2:22.

അത്തരം മോഹ​ങ്ങൾക്കു യുവാ​ക്ക​ളു​ടെ​മേൽ വരുത്താ​വുന്ന ചില പ്രശ്‌ന​ങ്ങ​ളെ​കു​റി​ച്ചു ചിന്തി​ക്കുക. എഴുത്തു​കാ​ര​നായ ക്ലെററൻ ബോർബോ പറയുന്നു: “കൗമാ​ര​പ്രാ​യ​ക്കാർക്ക്‌ അപകട​ക​ര​മായ ഒരു ലോക​മാ​ണിത്‌: മദ്യപാ​ന​വു​മാ​യി ബന്ധപ്പെട്ട വാഹന അപകട​ത്തിൽ ഒരോ മണിക്കൂ​റി​ലും ഒരു യുവാവു മരിക്കു​ന്നു; പന്തീരാ​യി​രം കൗമാ​ര​പ്രാ​യ​ക്കാർ ഓരോ വർഷവും ആത്മഹത്യ ചെയ്യു​ന്ന​താ​യി കണക്കാ​ക്ക​പ്പെ​ടു​ന്നു; പത്തു ലക്ഷം പെൺകു​ട്ടി​കൾ ഒരോ വർഷവും ഗർഭം ധരിക്കു​ന്നു; മുപ്പതു ലക്ഷം കുട്ടികൾ ഇന്നു മദ്യാ​സ​ക്ത​രാണ്‌; ലൈം​ഗി​ക​മാ​യി പകരുന്ന രോഗങ്ങൾ വ്യാപ​ക​മാണ്‌.” (ഹൗ ററു റേസ്‌ പേരൻറ്‌സ്‌) തിരു​ത്ത​ലി​ന്റെ ഒരു നിലയ്‌ക്കാത്ത പ്രവാഹം നിങ്ങളു​ടെ​മേൽ ചൊരി​യാൻ നിങ്ങളു​ടെ മാതാ​പി​താ​ക്കൾ ചായ്‌വു​ള്ള​വ​രാ​കു​ന്ന​തിൽ അതിശ​യി​ക്കാ​നില്ല! ബൈബിൾ പറയു​ന്ന​തു​പോ​ലെ, “ജ്ഞാനി കേട്ടിട്ടു വിദ്യാ​ഭി​വൃ​ദ്ധി പ്രാപി​പ്പാ​നും . . . ഭോഷൻമാ​രോ ജ്ഞാനവും പ്രബോ​ധ​ന​വും നിരസി​ക്കു​ന്നു.”—സദൃശ​വാ​ക്യ​ങ്ങൾ 1:5, 7; സദൃശ​വാ​ക്യ​ങ്ങൾ 10:17 താരത​മ്യ​പ്പെ​ടു​ത്തുക.

അതു വ്രണ​പ്പെ​ടു​ത്തു​ന്നത്‌ എന്തു​കൊണ്ട്‌?

എന്നിരു​ന്നാ​ലും, “ഏതു ശിക്ഷയും (ശിക്ഷണവും, NW) തല്‌ക്കാ​ലം സന്തോ​ഷ​ക​രമല്ല ദുഃഖ​ക​ര​മ​ത്രേ.” (എബ്രായർ 12:11) നിങ്ങൾ ചെറു​പ്പ​മാ​യ​തി​നാൽ വിശേ​ഷി​ച്ചും അത്‌ അങ്ങനെ​യാണ്‌. എന്തൊ​ക്കെ​യാ​ണെ​ങ്കി​ലും നിങ്ങളു​ടെ വ്യക്തി​ത്വം പൂർണ്ണ​മാ​യി വികാസം പ്രാപി​ച്ചി​ട്ടില്ല; നിങ്ങൾ ഇപ്പോ​ഴും വളരു​ക​യാണ്‌; നിങ്ങൾ ആരെന്നു നിങ്ങൾ മനസ്സി​ലാ​ക്കി​വ​രു​ന്ന​തേ​യു​ള്ളു. അതു​കൊ​ണ്ടു ശ്രദ്ധാ​പൂർവ്വം ആസൂ​ത്രണം ചെയ്‌ത്‌ ദയാപു​ര​സരം നല്‌കു​ന്ന​താ​യാൽപ്പോ​ലും, വിമർശനം നിങ്ങളെ നീരസ​പ്പെ​ടു​ത്തി​യേ​ക്കാം. കൗമാ​ര​പ്രാ​യ​ക്കാർക്ക്‌ “വിമർശ​ന​ത്തോട്‌ അങ്ങേയ​റ​റത്തെ സംവേ​ദ​ന​ക്ഷമത”യാണു​ള്ളത്‌ എന്ന്‌ ഹൗ ററു സെർ​വൈവ്‌ യൂർ അഡോ​ലെ​സൻറ്‌സ്‌സ്‌ അഡോ​ലെ​സൻറ്‌സ്‌ എന്ന പുസ്‌തകം നിഗമനം ചെയ്യുന്നു. ഒരു യുവാവു പറയു​ന്ന​തു​പോ​ലെ “വിമർശനം എന്നെ വൃണ​പ്പെ​ടു​ത്തു​ന്നു.”

എന്നാൽ അതു നിങ്ങളു​ടെ മാതാ​പി​താ​ക്ക​ളിൽ നിന്നാ​കു​മ്പോൾ മുറി​വി​നു വിശേ​ഷി​ച്ചും ആഴമു​ള്ള​താ​യി​രി​ക്കാൻ കഴിയും. “മററു​ള്ള​വ​രു​ടെ അഗീകാ​ര​മോ അല്ലെങ്കിൽ അഗീകാ​ര​മി​ല്ലാ​യ്‌മ​യോ” അതിലൂ​ടെ​യാണ്‌ ഒരു യുവാവ്‌ “തന്റെ യോഗ്യ​ത​യെ​ക്കു​റി​ച്ചും ഒരു മനുഷ്യ വ്യക്തി എന്ന നിലയി​ലുള്ള തന്റെ മൂല്യ​ത്തെ​ക്കു​റി​ച്ചും അഭി​പ്രാ​യം സ്വരൂ​പി​ക്കു​ന്നത്‌” എന്ന്‌ ഹെൽപ്പിങ്‌ യൂർ ററ​നേജർ വിത്ത്‌ സ്‌​ട്രെസ്സ്‌ എന്ന പുസ്‌ത​ക​ത്തിൽ ഡോ. ബെററി യംഗ്‌സ്‌ നമ്മെ അനുസ്‌മ​രി​പ്പി​ക്കു​ന്നു. എന്നിരു​ന്നാ​ലും, തന്നെക്കു​റി​ച്ചുള്ള ധാരണ രൂപ​പ്പെ​ടു​ത്തി​യെ​ടു​ക്കാൻ ഒരു യുവാ​വി​നെ സഹായി​ക്കു​ന്ന​തിൽ ഏററവും വലിയ ഘടകം മാതാ​പി​താ​ക്കൾ തന്നെയാണ്‌. അതിനാൽ മാതാ​പി​താ​ക്ക​ളിൽ ആരെങ്കി​ലും നിങ്ങളെ തിരു​ത്തു​ക​യോ അല്ലെങ്കിൽ നിങ്ങൾ ഒരു കാര്യം ചെയ്യുന്ന വിധ​ത്തെ​പ്പ​ററി പരാതി പറയു​ക​യോ ചെയ്യു​മ്പോൾ, അതു തകർക്കു​ന്ന​തും വേദനാ​ക​ര​വു​മാ​യേ​ക്കാം.

അങ്ങനെ​യാ​ണെ​ങ്കിൽപ്പോ​ലും, നിങ്ങൾ ചെയ്യു​ന്ന​തൊ​ന്നും ഒരിക്ക​ലും വേണ്ടു​വോ​ളം നന്നാവു​ന്നില്ല എന്നോ അല്ലെങ്കിൽ നിങ്ങളു​ടെ മാതാ​പി​താ​ക്കൾ നിങ്ങളു​ടെ ചില പാളി​ച്ചകൾ ചൂണ്ടി​ക്കാ​ണി​ച്ചു എന്നതി​നാൽ മാത്രം നിങ്ങൾ ഒരു സമ്പൂർണ്ണ പരാജ​യ​മാ​ണെ​ന്നോ നിങ്ങൾ നിഗമനം ചെയ്യേ​ണ്ട​തു​ണ്ടോ? വാസ്‌ത​വ​ത്തിൽ, എല്ലാ മനുഷ്യ​രും സങ്കടക​ര​മാ​യി​ത്തന്നെ പൂർണ്ണ​ത​യിൽനി​ന്നും വിദൂ​ര​ത്താണ്‌. (റോമർ 3:23) തന്നെയു​മല്ല, പിഴവു​കൾ സംഭവി​ക്കു​ന്നതു പഠന​പ്ര​ക്രി​യ​യു​ടെ ഒരു ഭാഗവു​മാണ്‌. (ഇയ്യോബു 6:24 താരത​മ്യ​പ്പെ​ടു​ത്തുക.) നിങ്ങൾ ശരിയാ​യതു ചെയ്യു​മ്പോൾ നിങ്ങളു​ടെ മാതാ​പി​താ​ക്കൾ മിണ്ടാ​തി​രി​ക്കു​ക​യും—നിങ്ങൾ അബദ്ധങ്ങൾ കാണി​ക്കു​മ്പോൾ അവർ വാചാ​ല​മാ​വു​ക​യും ചെയ്യു​ന്ന​താ​കാം പ്രശ്‌ന​മാ​കു​ന്നത്‌! ഇതു മുറി​പ്പെ​ടു​ത്തു​ന്നു, എന്നാൽ നിങ്ങൾ ഒരു സമ്പൂർണ്ണ പരാജ​യ​മാ​ണെന്ന്‌ ഇതിനർത്ഥ​മില്ല. അതിനെ തുച്ഛീ​ക​രി​ക്കാ​തെ​യും അല്ലെങ്കിൽ അതിനാൽ കീഴ്‌പ്പെ​ടു​ത്ത​പ്പെ​ടാ​തെ​യും ന്യായ​യു​ക്ത​മായ വിമർശനം സംയമ​ന​ത്തോ​ടെ സ്വീക​രി​ക്കു​വാൻ പഠിക്കുക.—എബ്രായർ 12:5 താരത​മ്യ​പ്പെ​ടു​ത്തുക.

അനുചി​ത​മായ വിമർശ​നം

വിമർശനം അനുചി​ത​മാ​ണെ​ങ്കിൽ എന്ത്‌? ചില മാതാ​പി​താ​ക്കൾ ന്യായ​യു​ക്ത​മ​ല്ലാത്ത ഉന്നത നിലവാ​രങ്ങൾ തങ്ങളുടെ കുട്ടി​കൾക്കു വെക്കുന്നു. നിസ്സാര കാര്യ​ങ്ങളെ ചൊല്ലി തുടർച്ച​യാ​യി വീണ്ടും വീണ്ടും വിസ്‌ത​രി​ച്ചു​കൊണ്ട്‌ തങ്ങളുടെ കുട്ടി​കളെ പ്രകോ​പി​പ്പി​ച്ചേ​ക്കാം. പരാതി​ക്കു ന്യായ​മായ കാരണ​ങ്ങ​ളുള്ള മാതാ​പി​താ​ക്കൾ പരുഷ​മാ​യും തരംതാ​ഴ്‌ത്തുന്ന വിധത്തി​ലും വിമർശ​നത്തെ ക്രമ​പ്പെ​ടു​ത്തി​യേ​ക്കാം. മാതാ​പി​താ​ക്ക​ളു​ടെ “പേരു വിളി​യും ശകാര​വും പരിഹാ​സ​വും നാണം​കെ​ടു​ത്ത​ലും കുററ​പ്പെ​ടു​ത്ത​ലും ഭീഷണി​പ്പെ​ടു​ത്ത​ലും” എല്ലാം “കുട്ടി​യു​ടെ ആത്മവി​ശ്വാ​സ​ത്തി​ന്റെ​യും തന്നെ​ക്കൊണ്ട്‌ ഉപയോ​ഗ​മുണ്ട്‌ എന്ന ബോധ​ത്തി​ന്റെ​യും അടിത്തറ തോണ്ടുന്ന. . . ആശയവി​നി​മ​യ​ത്തി​ന്റെ വിനാ​ശ​ക​ര​മായ പ്രതി​രൂ​പ​ങ്ങ​ളാണ്‌” എന്നു കൂടെ ഡോ. ബെററി യംഗ്‌സ്‌ പറയുന്നു.

അനുചി​ത​മായ വിമർശനം ചൊരി​ഞ്ഞു​കൊ​ണ്ടു നീതി​മാ​നായ ഇയ്യോ​ബി​നെ ആക്രമി​ച്ച​പ്പോൾ, അദ്ദേഹം ഇങ്ങനെ വിളിച്ചു പറഞ്ഞു: “നിങ്ങൾ എത്ര​ത്തോ​ളം എന്റെ മനസ്സു വ്യസനി​പ്പി​ക്ക​യും മൊഴി​ക​ളാൽ എന്നെ തകർക്കു​ക​യും ചെയ്യും?” (ഇയ്യോബു 19:2) ഇതേ വിധത്തിൽ, മാതാ​പി​താ​ക്ക​ളി​ലാ​രെ​ങ്കി​ലും ഒരാൾ കൗമാ​ര​പ്രാ​യ​ക്കാ​രെ നിരന്തരം തരംതാ​ഴ്‌ത്തി സംസാ​രി​ക്കു​ന്ന​തോ അല്ലെങ്കിൽ അവാസ്‌ത​വി​ക​മാ​യി ഉന്നതമായ നിലവാ​ര​ങ്ങ​ളാൽ അളക്കു​ന്ന​തോ ഒരു യുവാ​വി​നെ “അധൈ​ര്യ​പ്പെടു”ന്നവനാ​കാൻ ഇടയാ​ക്കി​യേ​ക്കാം. (കൊ​ലൊ​സ്സ്യർ 3:21) കാതലീൻ മകോ​യി​യു​ടെ കോപ്പിങ്‌ വിത്ത്‌ ററീ​നേജ്‌ ഡി​പ്രെഷൻ ഉറപ്പിച്ചു പറയുന്നു: “മാതാ​പി​താ​ക്ക​ളു​ടെ ഉന്നത പ്രതീ​ക്ഷ​യ്‌ക്കൊത്ത്‌ ഉയരാൻ കഴിയാ​തെ വരുന്നത്‌ ആത്മാഭി​മാ​ന​ത്തി​ന്റെ കാര്യ​മായ നഷ്ടത്തിൽ കലാശി​ക്കാ​നും പ്രത്യാ​ഘാ​ത​മെ​ന്നോ​ണം കൗമാ​ര​പ്രാ​യ​ക്കാ​രിൽ അപകർഷം വരുത്തി​ക്കൂ​ട്ടു​ക​യും ചെയ്‌തേ​ക്കാം.”

നിശ്ചയ​മാ​യും, അത്തരം അനാ​രോ​ഗ്യ വിമർശനം പലപ്പോ​ഴും ഒരു ദൂഷി​ത​വ​ലയം സൃഷ്ടി​ക്കു​ന്നു: നിങ്ങളു​ടെ മാതാ​പി​താ​ക്കൾ നിങ്ങളെ കുററ​പ്പെ​ടു​ത്തു​ന്നു. നിങ്ങ​ളെ​ക്കു​റി​ച്ചു​തന്നെ മോശ​മാ​യി വിചാ​രി​ച്ചു​കൊ​ണ്ടു നിങ്ങൾ പ്രതി​ക​രി​ക്കു​ന്നു. നിങ്ങ​ളെ​ക്കു​റി​ച്ചു​തന്നെ നിങ്ങൾ മോശ​മാ​യി വിചാ​രി​ക്കു​ന്ന​തു​കൊണ്ട്‌, നിങ്ങളു​ടെ മാതാ​പി​താ​ക്കൾ എന്തെങ്കി​ലും നിങ്ങ​ളോ​ടു ചെയ്യാൻ ആവശ്യ​പ്പെ​ടു​മ്പോൾ നിങ്ങൾ മോശ​മാ​യി പ്രവർത്തി​ക്കാൻ ചായ്‌വു കാണി​ക്കു​ന്നു. ഫലമോ? കൂടുതൽ വിമർശനം!

വിമർശ​ന​ത്തി​നു പിന്നിൽ

ഈ വിനാ​ശ​ക​ര​മായ വലയത്തെ നിങ്ങൾക്കു തടയാൻ കഴിയു​ന്ന​തെ​ങ്ങനെ? ആദ്യമാ​യി, മാതാ​പി​താ​ക്കൾക്ക്‌ അങ്ങനെ തോന്നു​ന്നത്‌ എന്തു​കൊ​ണ്ടെന്നു മനസ്സി​ലാ​ക്കാൻ പരി​ശ്ര​മി​ക്കുക. കൂടെ​ക്കൂ​ടെ​യുള്ള അവരുടെ കുററ​പ്പെ​ടു​ത്തൽ അല്ലെങ്കിൽ നിരന്തര വിമർശനം വാസ്‌ത​വ​ത്തിൽ ദ്വേഷ​പൂർവ്വ​ക​മാ​ണോ? അതിനു സാദ്ധ്യ​ത​യില്ല. ഡോ. ജോയ്‌സി എൽ. വൊഡ്രൽ ചോദി​ക്കു​ന്നു: “എന്തു​കൊ​ണ്ടാണ്‌ കൂടെ​ക്കൂ​ടെ അവർ കുററ​പ്പെ​ടു​ത്തു​ന്നത്‌? ആരും അവരെ ശ്രദ്ധി​ക്കു​ന്നി​ല്ലെ​ന്ന​തു​കൊ​ണ്ടാണ്‌, അല്ലെങ്കിൽ ചുരു​ങ്ങി​യ​പക്ഷം തങ്ങൾ അങ്ങനെ​യാ​ണെന്നു സമ്മതി​ക്കു​ന്നി​ല്ലെ​ന്ന​തു​കൊ​ണ്ടാണ്‌ കൂടെ​ക്കൂ​ടെ അവർ കുററ​പ്പെ​ടു​ത്തു​ന്നത്‌. അവരെ എത്ര​ത്തോ​ളം അവഗണി​ക്കു​ന്നു​വോ അത്രയും കൂടു​ത​ലാ​യി അവർ കുററ​പ്പെ​ടു​ത്തും.” അവരുടെ പരാതി​ക​ളോ​ടു നിങ്ങൾ പ്രതി​ക​രി​ക്കു​ന്നു​ണ്ടെന്നു നിങ്ങളു​ടെ മാതാ​പി​താ​ക്കൾക്കു നിങ്ങൾ വാസ്‌ത​വ​ത്തിൽ തെളിവു നല്‌കു​ന്നു​ണ്ടോ? അല്ലെങ്കിൽ അവരുടെ വാക്കു​കൾക്കു നിങ്ങൾ യാതൊ​രു ശ്രദ്ധയും കൊടു​ക്കു​ന്നി​ല്ലേ? അങ്ങനെ​യെ​ങ്കിൽ, കുററം കണ്ടുപി​ടി​ക്ക​ലി​ന്റെ ആവൃത്തി കൂടി​ക്കൂ​ടി വരിക​യും കാഠി​ന്യ​മേ​റി​വ​രി​ക​യും ചെയ്‌താൽ അത്ഭുത​പ്പെ​ടേ​ണ്ട​തില്ല! എന്നിരു​ന്നാ​ലും, സദൃശ​വാ​ക്യ​ങ്ങൾ 19:20-ലെ വാക്കുകൾ നിങ്ങ​ളൊ​ന്നു ബാധക​മാ​ക്കി​യാൽ അത്‌ അവസാ​നി​ച്ചേ​ക്കു​മോ? ആ വാക്യം ഇങ്ങനെ വായി​ക്കു​ന്നു: “പിന്ന​ത്തേ​തിൽ നീ ജ്ഞാനി​യാ​കേ​ണ്ട​തി​ന്നു ആലോചന കേട്ടു പ്രബോ​ധനം കൈ​ക്കൊൾക.”

ചില​പ്പോൾ മാതാ​പി​താ​ക്ക​ളിൽ ആരെങ്കി​ലും അമിത​മാ​യി വിമർശി​ക്കുന്ന വ്യക്തി​യാ​യി​ത്തീർന്നേ​ക്കാം, അത്‌ നിങ്ങളു​ടെ ഭാഗത്തെ പ്രത്യേ​കി​ച്ചുള്ള ഏതെങ്കി​ലും വീഴ്‌ച കൊണ്ടല്ല, എന്നാൽ അദ്ദേഹ​മോ അല്ലെങ്കിൽ അവരോ അസുഖ​ക​ര​മായ മാനസി​കാ​വ​സ്ഥ​യി​ലാ​യ​തു​കൊ​ണ്ടാ​കാം. നിങ്ങളു​ടെ മമ്മിക്ക്‌ അന്നു ജോലി​സ്ഥ​ലത്തു ദുഷ്‌ക്ക​ര​മായ ഒരു ദിനമാ​യി​രു​ന്നോ? അപ്പോൾ നിങ്ങളു​ടെ മുറി വൃത്തി​യ​ല്ലാ​ത്ത​തി​ന്റെ പേരിൽ നിങ്ങ​ളോ​ടു സാധാ​ര​ണ​യിൽ കവിഞ്ഞ കടുപ്പ​ത്തിൽ സംസാ​രി​ക്കാൻ അവർ കൂടുതൽ ചായ്‌വു കാണി​ച്ചേ​ക്കാം. കുടു​ബ​ത്തി​ന്റെ സാമ്പത്തിക നില അവതാ​ള​ത്തി​ലാ​യ​തു​കൊ​ണ്ടു നിങ്ങളു​ടെ ഡാഡി ദേഷ്യ​ത്തി​ലും നിരാ​ശ​യി​ലു​മാ​ണോ? എങ്കിൽ അയാൾ ചിന്തയി​ല്ലാ​തെ അസുഖ​ക​ര​മാ​യി “വാളു കൊണ്ടു കുത്തും പോലെ” സംസാ​രി​ച്ചേ​ക്കാം. (സദൃശ​വാ​ക്യ​ങ്ങൾ 12:18) ഇത്‌ ഉചിത​മ​ല്ലെന്നു സമ്മതി​ക്കാം. എന്നാൽ “നാം എല്ലാവ​രും പലതി​ലും തെററി​പ്പോ​കു​ന്നു; ഒരുത്തൻ വാക്കിൽ തെററാ​തി​രു​ന്നാൽ, . . . സൽഗു​ണ​പൂർത്തി​യുള്ള പുരുഷൻ ആകുന്നു.” (യാക്കോബ്‌ 3:2) അതു​കൊ​ണ്ടു മമ്മി അല്ലെങ്കിൽ ഡാഡി സംഘർഷ​പൂ​രി​ത​നോ അല്ലെങ്കിൽ ആകുല​ചി​ത്ത​നോ ആയി കാണ​പ്പെ​ടു​ന്നെ​ങ്കിൽ, ചെയ്യേണ്ട ബുദ്ധി​പൂർവ്വ​ക​മായ സംഗതി ശ്രദ്ധാ​പൂർവ്വം പെരു​മാ​റു​ക​യും ഏതെങ്കി​ലും വിമർശനം ഒഴിവാ​ക്കു​ക​യു​മാണ്‌.

അപൂർണ്ണ മനുഷ്യ​രെന്ന നിലയിൽ, അപര്യാ​പ്‌തതാ ബോധ​ത്താൽ മാതാ​പി​താ​ക്ക​ളും വിഷമി​ച്ചേ​ക്കാം. നിങ്ങളു​ടെ ഭാഗത്തെ പരാജ​യ​ത്തിന്‌ അവർ പരാജ​യ​മ​ട​ഞ്ഞ​വ​രാണ്‌ എന്ന്‌ അവരെ​ക്കൊ​ണ്ടു തോന്നി​പ്പി​ക്കാൻ കഴിയും! ഡോ. വൊഡ്രൽ വിശദീ​ക​രി​ക്കു​ന്നു: “നിങ്ങൾ മോശ​മായ ഒരു റിപ്പോർട്ട്‌ കാർഡ്‌ വീട്ടിൽ കൊണ്ടു​വ​രു​മ്പോൾ, നിങ്ങളു​ടെ പിതാവ്‌ ‘നീ എന്തൊരു വിഡ്‌ഢി​യാണ്‌? എനിക്കു മകനായി കിട്ടി​യത്‌ ഒരു മരത്തല​യ​നെ​യാ​ണ​ല്ലോ’ എന്നു പറഞ്ഞേ​ക്കാം. നിശ്ചയ​മാ​യും നിങ്ങളു​ടെ പിതാവ്‌ നിങ്ങൾ ഒരു വിഡ്‌ഢി ആണ്‌ എന്ന്‌ യഥാർത്ഥ​ത്തിൽ ചിന്തി​ക്കു​ന്നേ​യില്ല. വാസ്‌ത​വ​ത്തിൽ അയാൾ പറയു​ന്നത്‌ ഇതാണ്‌, ‘പഠിത്ത​ത്തി​നാ​യി നിന്നെ ഉത്തേജി​പ്പി​ക്കാൻ തക്കവണ്ണം ഞാൻ എന്റെ ജോലി ചെയ്യു​ന്നി​ല്ലെന്നു ഞാൻ ഭയപ്പെ​ടു​ന്നു.’”

അത്തരം ഭയങ്ങൾ അവാസ്‌ത​വി​ക​മാ​യി ഉയർന്ന നിലവാ​രങ്ങൾ വെക്കാൻ മാതാ​പി​താ​ക്കളെ പ്രേരി​പ്പി​ക്കുക കൂടി ചെയ്‌തേ​ക്കാം. ജയ്‌സൻ എന്നു പേരായ ഒരു യുവാവ്‌ ഇങ്ങനെ വിലപി​ച്ചു: “ഞാൻ ചെയ്‌തി​ട്ടുള്ള യാതൊ​ന്നും ഒരിക്ക​ലും പ്രതീ​ക്ഷ​യോ​ള​മെ​ത്തി​യില്ല. ഞാൻ നിലത്തെ ഇലകൾ വാരി​ക്കൂ​ട്ടു​ക​യാ​ണെ​ങ്കിൽ, അതു തീർത്ത​തി​നു ശേഷം ഞാൻ എന്തു​കൊ​ണ്ടു ഗാരേജ്‌ വൃത്തി​യാ​ക്കി​യില്ല എന്നാണു ഡാഡിക്ക്‌ അറി​യേ​ണ്ടത്‌. സ്‌കൂ​ളിൽ ഞാൻ ‘ഒന്നാം നിര’യിൽ എത്തിയി​ല്ലെ​ങ്കിൽ എന്റെ മാതാ​പി​താ​ക്കൾ ഞാൻ എന്തു​കൊണ്ട്‌ ‘ഒന്നാം നിര’യിൽ എത്തിയില്ല എന്ന്‌ അറിയാൻ ആഗ്രഹി​ക്കു​ക​യും ഞാൻ ഒരു പരാജ​യ​മാ​ണെന്ന്‌ എന്നോടു പറയു​ക​യും ചെയ്യും.” എന്നാൽ ഒരു സ്‌കൂൾ ഉപദേ​ഷ്ടാ​വു ജയ്‌സന്റെ മാതാ​പി​താ​ക്ക​ളോ​ടു സംസാ​രി​ച്ചു. അപ്പോൾ മനസ്സി​ലാ​ക്കാൻ കഴിഞ്ഞത്‌ ഇതാണ്‌: “അവരുടെ മകനു​വേ​ണ്ടി​യുള്ള അവരുടെ അമിത​മാ​യി ഉയർന്ന പ്രതീ​ക്ഷ​ക​ളിൽ പ്രതി​ഫ​ലി​ക്കു​ന്നത്‌ അവരു​ടെ​തന്നെ സ്വന്തം അപര്യാ​പ്‌ത​താ​ബോ​ധ​വും ജീവി​ത​വൃ​ത്തി തിര​ഞ്ഞെ​ടു​ക്കു​ന്ന​തി​നോ​ടും സാമ്പത്തിക നിലവാ​ര​ത്തോ​ടും ബന്ധപ്പെട്ട നിരാ​ശ​യു​മാണ്‌.”—കോപ്പിഗ്‌ വിത്ത്‌ ററീ​നേജ്‌ ഡി​പ്രെഷൻ.

നിങ്ങളു​ടെ കുടും​ബ​സാ​ഹ​ച​ര്യം എന്തുതന്നെ ആയാലും, ചില സമയങ്ങ​ളിൽ നിങ്ങളു​ടെ സ്വന്തം മാതാ​പി​താ​ക്കൾ വിമർശി​ക്കു​ന്ന​വ​രാ​കാൻ ചായ്‌വു കാണി​ക്കു​ന്നത്‌ എന്തു​കൊ​ണ്ടെന്ന്‌ ഒരുപക്ഷേ നിങ്ങൾക്കു മെച്ചമാ​യി വിലമ​തി​ക്കാൻ കഴിയും. എന്നാൽ മാതാ​പി​താ​ക്കൾ നടത്തുന്ന കുററം​ക​ണ്ടു​പി​ടി​ക്കൽ പ്രവൃ​ത്തി​യെ നേരി​ടാ​നുള്ള ചില വഴിക​ളേവ? അവരുടെ വിമർശ​ന​ത്തിൽനി​ന്നും പ്രയോ​ജനം കിട്ടാ​നുള്ള വഴിക​ളു​ണ്ടോ? ഈ ചോദ്യ​ങ്ങൾ ഒരു ഭാവി ലേഖന​ത്തിൽ ചർച്ച ചെയ്യു​ന്ന​താ​യി​രി​ക്കും. (g92 11/22)

[10-ാം പേജിലെ ചിത്രം]

നിങ്ങൾ ഒരു കാര്യം ചെയ്യു​ന്ന​തി​നെ​പ്പ​ററി മാതാ​പി​താ​ക്ക​ളി​ലാ​രെ​ങ്കി​ലും പരാതി​പ്പെ​ടു​മ്പോൾ, അതിനു വിനാ​ശ​ക​ര​മാ​യി​രി​ക്കാൻ കഴിയും