ക്ഷീണം—ലോറി ഡ്രൈ​വർമാ​രു​ടെ കാണാ​ക്കെ​ണി

ജർമനിയിലെ ഉണരുക! ലേഖകൻ

മണിക്കൂ​റു​ക​ളോ​ള​മുള്ള യാത്ര​യും അതോ​ടൊ​പ്പം ശക്തി​യേ​റിയ എഞ്ചിന്റെ വിരസ​മായ ഇരമ്പലും 14 ചക്രങ്ങൾ റോഡിൽ തിരി​യുന്ന ശബ്ദവു​മൊ​ക്കെ​ക്കൂ​ടി​യാ​കു​മ്പോൾ ലോറി ഡ്രൈവർ ക്ഷീണി​ച്ച​വ​ശ​നാ​കു​ന്നു. ഹെഡ്‌​ലൈ​റ്റു​ക​ളു​ടെ വെളി​ച്ച​ത്തിൽ റോഡ​ട​യാ​ളങ്ങൾ നിശബ്ദം പിന്നിൽ മറയുന്നു. പൊടു​ന്നനേ ട്രെയ്‌ലർ ആടിയു​ല​യു​ന്നു; അതു റോഡിൽനി​ന്നു മാറി​പ്പോ​കാൻ തുടങ്ങി​യി​രി​ക്കു​ന്നു.

ഡ്രൈവർ തന്റെ സർവശ​ക്തി​യും ഉപയോ​ഗി​ച്ചു സ്റ്റിയറിങ്‌ തിരിച്ച്‌ 40 ടൺ ഭാരമുള്ള വാഹനത്തെ റോഡി​ലേക്കു തിരികെ കയറ്റുന്നു. സ്ഥലകാ​ല​ബോ​ധം വന്നപ്പോൾ കഴിഞ്ഞ ഏതാനും സെക്കൻഡു​ക​ളെ​ക്കു​റിച്ച്‌ തനിക്ക്‌ യാതൊ​രോർമ​യും ഇല്ലാത്ത​താ​യി അയാൾ മനസ്സി​ലാ​ക്കു​ന്നു. അയാൾ ക്ഷീണത്താൽ വലയു​ക​യാണ്‌.a

ക്ഷീണ​ത്തോ​ടു മല്ലിട്ടു​കൊ​ണ്ടു വാഹന​മോ​ടി​ക്കുന്ന ഏതൊ​രാ​ളും ക്ഷണനേ​ര​ത്തേക്ക്‌ ഉറക്കം​തൂ​ങ്ങി​യേ​ക്കാം. ഇന്നത്തെ തിരക്കു​പി​ടിച്ച റോഡു​ക​ളിൽ അത്‌ അങ്ങേയറ്റം അപകട​ക​ര​മാ​യി​രി​ക്കാൻ കഴിയും—മറ്റു റോഡു യാത്ര​ക്കാർക്കു പോലും. ഉദാഹ​ര​ണ​ത്തിന്‌, ദക്ഷിണാ​ഫ്രി​ക്ക​യിൽ 1989 ജനുവ​രി​ക്കും 1994 മാർച്ചി​നും ഇടയ്‌ക്കുള്ള കാലയ​ള​വിൽ നടന്ന ചരക്കു​വാ​ഹന അപകട​ങ്ങ​ളു​ടെ 35-ലധികം ശതമാ​ന​ത്തി​നും കാരണം വാഹന​മോ​ടി​ച്ചു​കൊ​ണ്ടി​രു​ന്ന​പ്പോൾ ഡ്രൈവർ ഉറങ്ങി​പ്പോ​യ​താ​യി​രു​ന്നു.

വർധിച്ച ക്ഷീണം മാന്ദ്യ​ത്തി​നി​ട​യാ​ക്കു​ക​യും മദ്യത്തി​ന്റേ​തി​നോ​ടു സമാന​മായ ഫലങ്ങൾ ഉളവാ​ക്കു​ക​യും ചെയ്യു​ന്നു​വെന്നു ഡ്രൈ​വർമാ​രു​ടെ പെരു​മാ​റ്റ​ത്തെ​ക്കു​റി​ച്ചു ഗവേഷണം നടത്തുന്ന പ്രൊ​ഫസർ ജി. ഷ്‌റ്റോ​ക്കർ ജർമൻ മാസി​ക​യായ ഫാർഷൂ​ളിൽ പറഞ്ഞു. തീർച്ച​യാ​യും, അദ്ദേഹ​ത്തി​ന്റെ അഭി​പ്രാ​യങ്ങൾ ലോറി ഡ്രൈ​വർമാർക്കു മാത്രമല്ല മറ്റു ഡ്രൈ​വർമാർക്കും ബാധക​മാണ്‌.

ക്ഷീണത്തി​ന്റെ കാരണങ്ങൾ

ഒരു ലോറി ഡ്രൈ​വർക്ക്‌ ലോറി​യോ​ടി​ക്കാൻ കഴിയുന്ന പരമാ​വധി സമയം എത്ര​യെന്നു പല രാജ്യ​ങ്ങ​ളി​ലും നിയമം ശുപാർശ​ചെ​യ്യു​ക​യോ നിഷ്‌കർഷി​ക്കു​ക​പോ​ലു​മോ ചെയ്യുന്ന സ്ഥിതിക്ക്‌ ക്ഷീണവു​മാ​യി ബന്ധപ്പെട്ട അപകടങ്ങൾ ഇത്ര കൂടെ​ക്കൂ​ടെ സംഭവി​ക്കു​ന്ന​തെ​ന്തു​കൊ​ണ്ടാണ്‌? ആദ്യം​തന്നെ, ലോറി ഡ്രൈ​വർമാർ മൊത്തം എത്ര സമയം ജോലി​ചെ​യ്യു​ന്നു​വെന്നു നാം നോ​ക്കേ​ണ്ടി​യി​രി​ക്കു​ന്നു. ഇതിൽ വണ്ടി​യോ​ടി​ക്കുന്ന സമയം മാത്രമല്ല, മറ്റു ജോലി​കൾ ചെയ്യാ​നെ​ടു​ക്കുന്ന സമയവും ഉൾപ്പെ​ടു​ന്നു. ഈ ജോലി​സ​മയം മിക്ക​പ്പോ​ഴും ദീർഘ​വും ക്രമം​തെ​റ്റി​യ​തു​മാണ്‌.

മിക്ക ലോറി ഡ്രൈ​വർമാ​രും ഒരു ജോലി തീർന്നു​കാ​ണു​ന്നത്‌ ആസ്വദി​ക്കു​ന്നു. അതിന്റെ അർഥം അവർ ഏതു കാലാ​വ​സ്ഥ​യി​ലും ചരക്കുകൾ ഉപഭോ​ക്താ​വി​ന്റെ പക്കൽ എത്തിക്കു​ന്നു​വെ​ന്നാണ്‌. സഞ്ചരി​ക്കുന്ന ദൂരത്തി​ന്റെ​യും കയറ്റി​ക്കൊ​ണ്ടു​പോ​കുന്ന ചരക്കി​ന്റെ​യും അടിസ്ഥാ​ന​ത്തി​ലാണ്‌ കാര്യ​ശേഷി അളക്കു​ന്നത്‌. അവർക്കു ശരാശരി ജോലി​സ​മ​യ​ത്തെ​ക്കാ​ളും വളരെ​യ​ധി​കം മണിക്കൂർ ജോലി​ചെ​യ്യേ​ണ്ടി​വ​ന്നേ​ക്കാം. ജർമനി​യിൽ മിക്കയാ​ളു​ക​ളും ആഴ്‌ച​യിൽ 40-ൽ താഴെ മണിക്കൂർ ജോലി ചെയ്യു​ന്ന​വ​രാണ്‌. എന്നാൽ പല ലോറി ഡ്രൈ​വർമാ​രും അതിന്റെ ഇരട്ടി സമയം ജോലി​ചെ​യ്യു​ന്നു.

മറ്റുചില രാജ്യ​ങ്ങ​ളി​ലെ അവസ്ഥയും മെച്ച​മൊ​ന്നു​മല്ല. ദക്ഷിണാ​ഫ്രി​ക്ക​യിൽ വേതനം കുറവാ​യ​തു​കൊണ്ട്‌ ഡ്രൈ​വർമാർ കൂടുതൽ മണിക്കൂർ വാഹന​മോ​ടി​ച്ചു വരുമാ​നം വർധി​പ്പി​ക്കാൻ ശ്രമി​ക്കു​ന്നു. ഇന്ത്യയിൽ ഗതാഗത കമ്പനികൾ ഡ്രൈ​വർമാർക്കു യാത്ര പൂർത്തി​യാ​ക്കാൻ വേണ്ടത്ര സമയം അനുവ​ദി​ക്കു​ന്നു​ണ്ടെ​ങ്കി​ലും വരുമാ​നം വർധി​പ്പി​ക്കു​ന്ന​തി​നാ​യി പല ലോറി ഡ്രൈ​വർമാ​രും ഏറെ സമയം വണ്ടി​യോ​ടി​ച്ചു കൂടുതൽ ചരക്കുകൾ മറ്റു സ്ഥലങ്ങളി​ലെ​ത്തി​ക്കു​ന്ന​താ​യി അവി​ടെ​നി​ന്നുള്ള റിപ്പോർട്ടു​കൾ സൂചി​പ്പി​ക്കു​ന്നു. കമ്പനി​യിൽ സമയത്തു തിരി​ച്ചെ​ത്തു​ന്ന​തിന്‌ അവർക്ക്‌ ഉറക്കമി​ളച്ച്‌ വാഹന​മോ​ടി​ക്കേ​ണ്ടി​വ​രു​ന്നു.

യൂറോ​പ്യൻ യൂണി​യ​നിൽ, നിയമം അനുവ​ദി​ക്കുന്ന പരമാ​വധി സമയം ഉപയോ​ഗ​പ്പെ​ടു​ത്തി​യാൽ ഒരു ലോറി ഡ്രൈ​വർക്ക്‌ ആഴ്‌ച​യിൽ 56 മണിക്കൂർ ലോറി​യോ​ടി​ക്കാൻ കഴിയും. എന്നാൽ പിറ്റേ ആഴ്‌ച​യിൽ അയാൾക്കു പരമാ​വധി 34 മണിക്കൂ​റേ ജോലി ചെയ്യാൻ അനുവാ​ദ​മു​ള്ളൂ. ചരക്കു കയറ്റാ​നും ഇറക്കാ​നും എടുക്കുന്ന സമയമുൾപ്പെടെ അയാൾ ജോലി​ചെ​യ്യുന്ന സമയം ഒരു നിരീക്ഷണ ഉപകരണം രേഖ​പ്പെ​ടു​ത്തി​വെ​ക്കു​ന്നു. ഓരോ ഡ്രൈ​വ​റും നിയ​ന്ത്ര​ണങ്ങൾ പാലി​ക്കു​ന്നു​ണ്ടോ​യെന്നു പരി​ശോ​ധി​ക്കാൻ ഈ രേഖ സഹായി​ക്കു​ന്നു.

വാഹന​മോ​ടി​ക്കുന്ന സമയത്തി​ന്റെ അളവിനെ ബാധി​ക്കുന്ന മറ്റൊരു ഘടകം ഉടമയു​ടെ വീക്ഷണ​ഗ​തി​യാണ്‌. അദ്ദേഹ​ത്തി​ന്റെ ലോറി ലാഭക​ര​മാ​യി ഉപയോ​ഗ​പ്പെ​ടു​ത്തേണ്ട ചെല​വേ​റിയ ഒരു നിക്ഷേ​പ​മാണ്‌. സാധി​ക്കു​മെ​ങ്കിൽ 24 മണിക്കൂ​റും അതിൽ ചരക്കു കയറ്റി​ക്കൊ​ണ്ടു പോകണം. ഗതാഗത കമ്പനികൾ തമ്മിലുള്ള മത്സരം വളർന്നു​വ​രി​ക​യാണ്‌. കൂടുതൽ സമയം സ്വമേ​ധയാ ജോലി​ചെ​യ്യാൻ മാനേ​ജർമാർ ഡ്രൈ​വർമാ​രെ നിർബ​ന്ധി​ക്കു​ക​യും ചെയ്യുന്നു.

കൂടുതൽ സമയം ജോലി​ചെ​യ്യു​മ്പോ​ഴും പതിവു​തെറ്റി ജോലി തുടങ്ങു​മ്പോ​ഴും ക്ഷീണം ഉണ്ടാകു​ന്നു. ഉദാഹ​ര​ണ​ത്തിന്‌, രാവിലെ ഒരുമ​ണി​ക്കും നാലു​മ​ണി​ക്കും ഇടയ്‌ക്ക്‌ ജോലി തുടങ്ങു​ന്നതു സാധാ​ര​ണ​മാണ്‌. പല ഡ്രൈ​വർമാർക്കും ഊർജ​സ്വ​ല​ത​യും ഏകാ​ഗ്ര​ത​യും ഏറ്റവും കുറവുള്ള സമയമാ​ണത്‌. ഏറ്റവും കുറച്ചു സാധനങ്ങൾ കൈവ​ശം​വെ​ക്കുന്ന കമ്പനികൾ ‘കൃത്യ​സ​മ​യത്ത്‌’ ചരക്കെ​ത്തി​ക്ക​ണ​മെന്നു പറയു​മ്പോൾ സമ്മർദം വർധി​ക്കു​ന്നു. പറഞ്ഞൊത്ത സമയത്തു​തന്നെ ഡ്രൈവർ ചരക്കു​മാ​യി ഉപഭോ​ക്താ​വി​ന്റെ വളപ്പിൽ എത്തിയി​രി​ക്കണം എന്നാണ്‌ ഇതി​ന്റെ​യർഥം. തിരക്കു​പി​ടിച്ച ഗതാഗതം, മോശ​മായ കാലാവസ്ഥ, റോഡ്‌ നന്നാക്ക​ലു​കൾ എന്നിവ താമസം വരുത്തി​യേ​ക്കാ​മെ​ങ്കി​ലും ഡ്രൈവർ എങ്ങനെ​യെ​ങ്കി​ലും സമയത്ത്‌ എത്തി​ക്കൊ​ള്ളണം.

വാഹന​മോ​ടി​ക്കാൻ അനുവ​ദ​നീ​യ​മായ സമയം സംബന്ധിച്ച്‌ നിയ​ന്ത്ര​ണ​ങ്ങ​ളു​ണ്ടെ​ങ്കി​ലും പൊലീ​സി​ന്റെ ഓർക്കാ​പ്പു​റ​ത്തുള്ള പരി​ശോ​ധ​നകൾ നിയമ​ലം​ഘ​നങ്ങൾ ഉള്ളതായി വെളി​പ്പെ​ടു​ത്തു​ന്നു. “ലോറി​കൾ, ബസ്സുകൾ, അപകട​ക​ര​മായ ചരക്കു വാഹനങ്ങൾ എന്നിവ​യി​ലെ ഡ്രൈ​വർമാ​രിൽ ഏതാണ്ട്‌ 8-ൽ ഒരാൾ വീതം വാഹന​മോ​ടി​ക്കു​ന്ന​തി​നും വിശ്ര​മ​ത്തി​നും വേണ്ടി നിർദേ​ശി​ക്ക​പ്പെ​ട്ടി​രി​ക്കുന്ന സമയ​ത്തോ​ടു പറ്റിനിൽക്കു​ന്നില്ല” എന്ന്‌ പോലി​റ്റ്‌സൈ ഫെർകേർ & ടെച്ച്‌നിക്‌ എന്ന മാഗസിൻ പ്രസ്‌താ​വി​ക്കു​ന്നു. ഹാംബർഗി​ലെ ഒരു വാഹന​ഗ​താ​ഗത പരി​ശോ​ധ​ന​യിൽ, 32 മണിക്കൂർ വിശ്ര​മ​മി​ല്ലാ​തെ വണ്ടി​യോ​ടിച്ച ഒരു ലോറി ഡ്രൈ​വറെ പൊലീസ്‌ കണ്ടെത്തി.

അപകടം തിരി​ച്ച​റി​യൽ

30 വർഷക്കാ​ലം അന്തർദേ​ശീ​യ​മാ​യി ചരക്കു കൊണ്ടു​പൊ​യ്‌ക്കൊ​ണ്ടി​രുന്ന ഒരു ദീർഘ​ദൂര ഡ്രൈ​വ​റോ​ടു ക്ഷീണ​ത്തെ​ക്കു​റി​ച്ചു ചോദി​ക്കു​ക​യു​ണ്ടാ​യി. അദ്ദേഹം ഇങ്ങനെ അഭി​പ്രാ​യ​പ്പെട്ടു: “അഹങ്കാ​ര​വും അമിത​മായ ആത്മവി​ശ്വാ​സ​വും ഒരു ഡ്രൈ​വറെ ക്ഷീണം അവഗണി​ക്കു​ന്ന​തി​ലേക്കു നയി​ച്ചേ​ക്കാം. അങ്ങനെ​യാണ്‌ അപകട​ങ്ങ​ളു​ണ്ടാ​കു​ന്നത്‌.” ക്ഷീണത്തി​ന്റെ സൂചനകൾ 22-ാം പേജിലെ ചതുര​ത്തിൽ കൊടു​ത്തി​രി​ക്കു​ന്നു.

ആദ്യ മുന്നറി​യി​പ്പിൻ സൂചനകൾ തിരി​ച്ച​റി​യു​ന്നതു ജീവൻ രക്ഷി​ച്ചേ​ക്കാം. ദേശീയ ഗതാഗത സുരക്ഷാ സമിതി ഐക്യ​നാ​ടു​ക​ളിൽ നടത്തിയ ഒരു പഠനം ഞെട്ടി​പ്പി​ക്കുന്ന ഒരു സ്ഥിതി​വി​വ​ര​ക്ക​ണക്കു വെളി​പ്പെ​ടു​ത്തി: 107 ഒറ്റ-ലോറി അപകട​ങ്ങ​ളിൽ 62 എണ്ണത്തി​നും കാരണം ഡ്രൈ​വർമാ​രു​ടെ ക്ഷീണമാ​യി​രു​ന്നു. അതു​കൊണ്ട്‌, ഡ്രൈവർ ഉറങ്ങി​പ്പോ​കു​മ്പോൾ മുന്നറി​യി​പ്പു നൽകുന്ന സാങ്കേ​തിക സഹായ​മാർഗങ്ങൾ വികസി​പ്പി​ച്ചെ​ടു​ക്കു​ന്ന​തിന്‌ ലോറി നിർമാണ വ്യവസാ​യം വളരെ​യ​ധി​കം പ്രാധാ​ന്യം കൽപ്പി​ക്കു​ന്നുണ്ട്‌.

ഡ്രൈ​വ​റു​ടെ കണ്ണ്‌ എത്ര കൂടെ​ക്കൂ​ടെ അടഞ്ഞു​പോ​കു​ന്നു​ണ്ടെന്ന്‌ ഒരു വീഡി​യോ ക്യാമ​റ​യു​ടെ സഹായ​ത്താൽ നിരീ​ക്ഷി​ക്കുന്ന ഒരു ഇലക്‌​ട്രോ​ണിക്‌ സംവി​ധാ​നം ജപ്പാനി​ലെ ഒരു കമ്പനി വികസി​പ്പി​ച്ചെ​ടു​ത്തു​കൊ​ണ്ടി​രി​ക്കു​ക​യാണ്‌. അയാൾ തന്റെ കണ്ണുകൾ അനേക തവണ പതുക്കെ അടച്ചു​തു​റ​ക്കു​ന്നെ​ങ്കിൽ മുൻകൂ​ട്ടി റെക്കോർഡു ചെയ്‌ത ഒരു ശബ്ദം അയാൾക്ക്‌ അപകട സാഹച​ര്യ​ത്തെ​ക്കു​റി​ച്ചു മുന്നറി​യി​പ്പു നൽകുന്നു. വാഹന​ത്തി​ന്റെ ഗതി എത്ര സുഗമ​മാ​യി നിയ​ന്ത്രി​ക്ക​പ്പെ​ടു​ന്നു​വെന്ന്‌ അളക്കുന്ന ഒരു ഉപകരണം യൂറോ​പ്പി​ലെ ഒരു കമ്പനി വികസി​പ്പി​ച്ചെ​ടു​ത്തു​കൊ​ണ്ടി​രി​ക്കു​ക​യാണ്‌. ലോറി ആടിയു​ല​യു​ന്നെ​ങ്കിൽ കാബി​നിൽ ഒരു മുന്നറി​യി​പ്പിൻ ശബ്ദം മുഴങ്ങു​ന്നു. എന്നിരു​ന്നാ​ലും, ഫലപ്ര​ദ​മായ സഹായ​മാർഗങ്ങൾ ഉണ്ടാക്കി​യെ​ടു​ക്കാൻ സമയ​മെ​ടു​ക്കും.

അപകടം തടയുക

ക്ഷീണം മിക്കവാ​റു​മെല്ലാ വാഹന​ങ്ങ​ളി​ലെ​യും ക്ഷണിക്ക​പ്പെ​ടാത്ത, സ്വാഗ​തം​ചെ​യ്യ​പ്പെ​ടാത്ത യാത്ര​ക്കാ​ര​നാണ്‌. അതു​കൊണ്ട്‌ അതിനെ എങ്ങനെ തുരത്താ​മെ​ന്ന​താണ്‌ ചോദ്യം. ചില ഡ്രൈ​വർമാർ കഫീന​ട​ങ്ങിയ പാനീ​യങ്ങൾ ലിറ്റർ കണക്കിനു കുടി​ക്കു​ന്നു. എന്നാൽ ക്ഷീണത്തി​ന്റെ നിർദയ കരങ്ങൾ പിന്നെ​യും അവരെ പിടി​കൂ​ടു​ന്നു. വേറേ ചിലർ മറ്റ്‌ ഉത്തേജ​ക​ങ്ങ​ളി​ലേക്കു തിരി​യു​ന്നു. ഇവ ആരോ​ഗ്യ​ത്തിന്‌ ഹാനി​ക​ര​മാ​ണെ​ന്നു​ള്ളത്‌ എടുത്തു പറയേ​ണ്ട​തി​ല്ല​ല്ലോ. മെക്‌സി​ക്കോ​യി​ലെ ചില ഡ്രൈ​വർമാർ ഉണർന്നി​രി​ക്കു​ന്ന​തി​നാ​യി മുളകു (വളരെ എരിവുള്ള തരം) തിന്നുന്നു.

രാവിലെ ജോലി തുടങ്ങു​ന്ന​തി​നു മുമ്പായി വേണ്ടത്ര ഉറങ്ങു​ന്നതു നല്ലതാണ്‌. ഒരു തത്ത്വമെന്ന നിലയിൽ, വണ്ടി​യോ​ടി​ക്കാൻ നിർദേ​ശി​ക്ക​പ്പെ​ട്ടി​രി​ക്കുന്ന സമയ​ത്തോട്‌ ഒരാൾ പറ്റിനിൽക്കണം. അഞ്ചു മണിക്കൂർ വണ്ടി​യോ​ടി​ച്ച​ശേഷം വണ്ടിനിർത്തി വിശ്ര​മി​ക്കാൻ ദക്ഷിണാ​ഫ്രി​ക്ക​യി​ലെ വിദഗ്‌ധർ ശുപാർശ ചെയ്യുന്നു. നീണ്ടു​നി​വർന്നു​കി​ട​ക്കുന്ന റോഡി​ലൂ​ടെ വണ്ടി​യോ​ടി​ക്കു​മ്പോൾ ഡ്രൈവർ മനസ്സിനെ സജീവ​മാ​ക്കി ജോലി​യിൽ കേന്ദ്രീ​ക​രി​ച്ചു നിർത്തണം. ചില ഡ്രൈ​വർമാർ റേഡി​യോ ശ്രദ്ധി​ക്കു​ക​യോ സിബി റേഡി​യോ​യി​ലൂ​ടെ മറ്റു ഡ്രൈ​വർമാ​രോ​ടു സംസാ​രി​ക്കു​ക​യോ ചെയ്യാ​റുണ്ട്‌. യഹോ​വ​യു​ടെ സാക്ഷി​ക​ളി​ലൊ​രാ​ളായ ഒരു ഡ്രൈവർ ബൈബിൾ വിഷയ​ങ്ങ​ള​ട​ങ്ങിയ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും കാസെ​റ്റു​ക​ളും അതു​പോ​ലെ​തന്നെ ബൈബിൾ ഭാഗങ്ങ​ള​ട​ങ്ങിയ കാസെ​റ്റു​ക​ളും ശ്രദ്ധി​ക്കു​ന്നു. ഈ പേജിൽ കൊടു​ത്തി​രി​ക്കുന്ന ചതുര​ത്തിൽ മറ്റുചില നിർദേ​ശങ്ങൾ കാണാ​വു​ന്ന​താണ്‌.

ജീവി​ത​ച്ചെ​ല​വി​നാ​വ​ശ്യ​മാ​യതു സമ്പാദി​ക്കു​ക​യെ​ന്നത്‌ കൂടുതൽ കൂടുതൽ ദുഷ്‌ക​ര​മാ​യി​ത്തീർന്നു​കൊ​ണ്ടി​രി​ക്കു​ക​യാണ്‌. അതു​കൊണ്ട്‌ സമനി​ല​യു​ള്ള​വ​രാ​യി​രി​ക്കുക എളുപ്പമല്ല. ക്ഷീണം എന്ന കെണി ഡ്രൈ​വർമാർക്കു വരുത്തുന്ന അപകടത്തെ ചില കമ്പനി​ക​ളും മാനേ​ജർമാ​രും വേണ്ടത്ര ഗൗരവ​ത്തോ​ടെ കാണു​ന്നില്ല. അപ്പോൾ, ഗതാഗത വ്യവസാ​യ​വു​മാ​യി ബന്ധപ്പെട്ട എല്ലാവ​രും ക്ഷീണ​ത്തെ​ക്കു​റിച്ച്‌ ഇതുവരെ മനസ്സി​ലാ​ക്കിയ കാര്യങ്ങൾ മനസ്സിൽ പിടി​ക്കു​ന്നതു നന്നായി​രി​ക്കും. കൂടാതെ, ഡ്രൈ​വർമാർക്കു പലപ്പോ​ഴും തങ്ങളുടെ സ്വന്തം പ്രവർത്ത​ന​പ​രി​ച​യ​ത്തിൽനി​ന്നു പ്രയോ​ജ​ന​ക​ര​മായ വിവരങ്ങൾ ലഭിച്ചി​ട്ടു​ണ്ടാ​യി​രി​ക്കും. മാന്ദ്യത്തെ ചെറു​ത്തു​നിൽക്കാൻ ഇവ മറ്റുള്ള​വർക്കു സഹായ​ക​മാണ്‌.

ഉണർന്നി​രി​ക്കു​ന്ന​തി​നുള്ള ഏറ്റവും നല്ല മാർഗം ശരീരം ആവശ്യ​പ്പെ​ടു​ന്നത്‌ അതിനു കൊടു​ക്കു​ന്ന​താണ്‌: നിങ്ങൾ മുന്നറി​യി​പ്പിൻ സൂചനകൾ എന്തെങ്കി​ലും ശ്രദ്ധി​ക്കു​ന്ന​പക്ഷം വിശ്ര​മി​ക്കാൻ പറ്റിയ അടുത്ത സ്ഥലത്തു വണ്ടി നിർത്തി കുറച്ചു നേരം ഉറങ്ങുക. അതിനു​ശേഷം വണ്ടി​യോ​ടി​ക്ക​ലി​ന്റെ വെല്ലു​വി​ളി ഒരിക്കൽക്കൂ​ടി ഏറ്റെടു​ക്കുക. ക്ഷീണമെന്ന കാണാ​ക്കെ​ണി​യിൽ വീണു​പോ​ക​രുത്‌!

[അടിക്കു​റി​പ്പു​കൾ]

[22-ാം പേജിലെ ചതുരം]

സത്വര നടപടി ആവശ്യ​മുള്ള മുന്നറി​യി​പ്പിൻ സൂചനകൾ

• നിങ്ങളു​ടെ കണ്ണുകൾക്കു നീറ്റല​നു​ഭ​വ​പ്പെ​ടു​ക​യും കൺപോ​ളകൾ അടഞ്ഞു​പോ​കു​ക​യും ചെയ്യു​ന്നു​ണ്ടോ?

• നിങ്ങൾ ഭാവന​യിൽ മുഴു​കു​ക​യോ ദിവാ​സ്വ​പ്‌നം കാണു​ക​യോ ചെയ്യു​ന്നു​ണ്ടോ?

• റോഡി​നെ വേർതി​രി​ക്കുന്ന വരകളി​ലൂ​ടെ വണ്ടി​യോ​ടി​ക്കേ​ണ്ടി​വ​ര​ത്ത​ക്ക​വി​ധം റോഡി​നു വീതി കുറവു​ള്ള​താ​യി തോന്നു​ന്നു​ണ്ടോ?

• യാത്ര​യു​ടെ ചില ഘട്ടങ്ങൾ നിങ്ങൾക്ക്‌ ഓർക്കാൻ കഴിയാ​തെ വരുന്നു​വോ?

• നിങ്ങൾ സ്റ്റിയറി​ങ്ങും ബ്രേക്കും ഉപയോ​ഗി​ക്കു​ന്നതു സാധാ​ര​ണ​യി​ലും മയമി​ല്ലാ​തെ​യാ​ണോ?

മുകളിൽ കൊടു​ത്തി​രി​ക്കുന്ന ചോദ്യ​ങ്ങ​ളിൽ ഒന്നി​നെ​ങ്കി​ലും ഉവ്വ്‌ എന്നാണ്‌ ഉത്തര​മെ​ങ്കിൽ നിങ്ങൾ ഉടൻതന്നെ വിശ്ര​മി​ക്കേ​ണ്ട​തു​ണ്ടെ​ന്നാണ്‌ അർഥം

[23-ാം പേജിലെ ചതുരം]

ദീർഘദൂര യാത്ര​ക​ളിൽ

• വേണ്ടത്ര ഉറങ്ങുക

• ഉത്തേജ​ക​ങ്ങളെ ആശ്രയി​ക്കാ​തി​രി​ക്കുക

• ക്രമമായ ഇടവേ​ള​ക​ളിൽ വിശ്ര​മി​ക്കുക, മാംസ​പേ​ശി​കളെ ഊർജി​ത​പ്പെ​ടു​ത്തു​ന്ന​തിന്‌ വ്യായാ​മം ചെയ്യുക

• നീണ്ടു​നി​വർന്നു​കി​ട​ക്കുന്ന റോഡു​കൾ പ്രത്യേ​കി​ച്ചും അപകട​ക​ര​മാ​ണെ​ന്നുള്ള കാര്യം മനസ്സിൽ പിടി​ക്കു​ക

• വിശന്നു​പൊ​രിഞ്ഞ വയറു​മാ​യി യാത്ര തുടങ്ങ​രുത്‌. നല്ല ഭക്ഷണശീ​ലങ്ങൾ—ലഘുവും ആരോ​ഗ്യാ​വ​ഹ​വു​മായ ഭക്ഷണ​ക്രമം—പരിശീ​ലി​ക്കു​ക

• ധാരാളം പാനീ​യങ്ങൾ കുടി​ക്കുക, മദ്യം ഒഴിവാ​ക്കു​ക