നോവുന്ന പാദങ്ങൾക്ക്‌ സഹായം

“എന്റെ പാദങ്ങൾ പൊട്ടി​പ്പൊ​ളി​യു​ക​യാണ്‌!” അത്‌ ഒരു അതിശ​യോ​ക്തി​യാണ്‌. എങ്കിലും, ഐക്യ​നാ​ടു​ക​ളിൽ പാദങ്ങ​ളു​ടെ വേദന ഗുരു​ത​ര​മായ ഒരു പ്രശ്‌ന​മാണ്‌. അതായത്‌, അവിടെ അത്‌ ആയിര​ക്ക​ണ​ക്കിന്‌ പാദ​രോ​ഗ​ചി​കി​ത്സ​കർക്ക്‌ ഉപജീ​വ​ന​മാർഗ​മാണ്‌.

അസ്ഥിശ​സ്‌ത്ര​ക്രി​യാ വിദഗ്‌ധ​നായ ഡോ. മൈക്കിൾ കൗഗ്ലിൻ താൻ 14 വർഷം​കൊ​ണ്ടു നടത്തിയ 2,000-ത്തിലധി​കം പാദശ​സ്‌ത്ര​ക്രി​യ​ക​ളി​ലേക്ക്‌ ഒരു തിരി​ഞ്ഞു​നോ​ട്ടം നടത്തി​യ​പ്പോൾ ഞെട്ടി​പ്പി​ക്കുന്ന ഒരു സംഗതി കണ്ടെത്തി. അദ്ദേഹം പറയുന്നു: “എനിക്കു വിശ്വ​സി​ക്കാ​നാ​യില്ല, ആ ശസ്‌ത്ര​ക്രി​യകൾ മിക്കതും നടത്ത​പ്പെ​ട്ടത്‌ സ്‌ത്രീ​ക​ളി​ലാ​യി​രു​ന്നു.” പാദസം​ബ​ന്ധ​മായ പ്രശ്‌നങ്ങൾ പ്രത്യേ​കിച്ച്‌ സ്‌ത്രീ​കൾക്ക്‌ ഉണ്ടാകു​ന്ന​തെ​ന്തു​കൊ​ണ്ടാണ്‌?

പാകവും ഫാഷനും പാദവും

356 സ്‌ത്രീ​കളെ ഉൾപ്പെ​ടു​ത്തി​ക്കൊ​ണ്ടു നടത്തിയ ഒരു സർവേ വെളി​പ്പെ​ടു​ത്തി​യത്‌, ഏകദേശം 10-ൽ 9 പേരും വല്ലാതെ ഇറുകിയ ഷൂസ്‌ ധരിച്ചി​രു​ന്നു​വെ​ന്നാണ്‌! സ്‌ത്രീ​ക​ളു​ടെ ഷൂസ്‌ നിർമി​ക്ക​പ്പെ​ടുന്ന വിധവും പ്രശ്‌ന​ത്തി​നി​ട​യാ​ക്കു​ന്നു. “ഉപ്പൂറ്റി വീതി​കു​റ​ച്ചും മുൻഭാ​ഗം വീതി​കൂ​ട്ടി​യും ഉണ്ടാക്കു​ന്ന​തി​നുള്ള സംയോ​ജിത ചെരി​പ്പച്ച്‌ ഷൂ നിർമാ​താ​ക്കൾ മേലാൽ ഉപയോ​ഗി​ക്കു​ന്നില്ല” എന്ന്‌ അസ്ഥിശ​സ്‌ത്ര​ക്രി​യാ വിദഗ്‌ധ​യായ ഫ്രാൻസെസ്‌ക തോംസൺ വിശദീ​ക​രി​ക്കു​ന്നു.a

അതു​കൊണ്ട്‌, ഷൂസ്‌ ഇട്ടു​നോ​ക്കു​മ്പോൾ മുൻഭാ​ഗം നന്നായി പാകമാ​കു​മ്പോൾ ഉപ്പൂറ്റി അയഞ്ഞി​രി​ക്കു​ന്ന​താ​യും ഉപ്പൂറ്റി നന്നായി പാകമാ​കു​മ്പോൾ മുൻഭാ​ഗം ഇറുകി​യി​രി​ക്കു​ന്ന​താ​യും പല സ്‌ത്രീ​ക​ളും കണ്ടെത്തു​ന്നു. മറ്റു ചിലർ മുൻഭാ​ഗം ഇറുകി​യ​തെ​ങ്കി​ലും ഉപ്പൂറ്റി പാകമായ ഷൂസ്‌ തിര​ഞ്ഞെ​ടു​ക്കു​ന്നു. എന്തു​കൊ​ണ്ടെ​ന്നാൽ ഉപ്പൂറ്റി പാകമ​ല്ലാത്ത ഷൂസ്‌ തിര​ഞ്ഞെ​ടു​ത്താൽ ഓരോ അടി വെക്കു​മ്പോ​ഴും കാൽ ചെരി​പ്പി​ന്റെ ഉപ്പൂറ്റി​യിൽനിന്ന്‌ തെന്നി​പ്പോ​കും.

പാദാ​ഗ്രം ഷൂവിന്റെ ഇടുങ്ങിയ മുൻഭാ​ഗ​ത്തേക്ക്‌ കുത്തി​ത്തി​രു​കു​ന്നത്‌ വളരെ അസ്വാ​സ്ഥ്യ​ജ​ന​ക​മാണ്‌. അതും പോരാ​ഞ്ഞിട്ട്‌ രൂപകൽപ്പ​നാ​വി​ദ​ഗ്‌ധർ ഷൂവിന്റെ ഉപ്പൂറ്റി​യു​ടെ ഉയരം ഏതാനും സെൻറി​മീ​റ്റർ കൂട്ടു​ക​യും ചെയ്യുന്നു. ഉപ്പൂറ്റി ഉയർന്ന ചെരിപ്പ്‌ ഫാഷനാ​ണെ​ങ്കി​ലും അത്‌ മുഴു സമ്മർദ​വും പെരു​വി​ര​ലി​ന്റെ അടിയിൽ ചെലു​ത്തു​ക​യും അപ്പോൾത്തന്നെ വല്ലാതെ ഇടുങ്ങി​യി​രി​ക്കുന്ന ഷൂവിന്റെ മുൻഭാ​ഗ​ത്തേക്ക്‌ പാദത്തെ തള്ളുക​യും ചെയ്യുന്നു. “ഉപ്പൂറ്റി പൊങ്ങിയ, ആരോ​ഗ്യാ​വ​ഹ​മായ ഷൂ എന്നു പറയുന്ന ഒന്നില്ല” എന്ന്‌ പാദ​രോ​ഗ​ചി​കി​ത്സ​ക​നായ ഡോ. ഡേവിഡ്‌ ഗാരറ്റ്‌ തറപ്പി​ച്ചു​പ​റ​യു​ന്നു. ഉപ്പൂറ്റി ഉയർന്ന ചെരിപ്പ്‌ പാദത്തി​നും കണ്ണയ്‌ക്കും ചെറു​വ​ണ്ണ​ത്തു​ട​യ്‌ക്കും മുട്ടി​നും മുതു​കി​നും ക്രമേണ കേടു​വ​രു​ത്തു​മെന്ന്‌ ചിലർ പറയുന്നു. അവ കാലു​ക​ളി​ലെ പേശി​ക​ളും സ്‌നാ​യു​ക്ക​ളും സങ്കോ​ചി​ക്കു​ന്ന​തി​നും ഇടയാ​ക്കു​ന്നു. ഇത്‌ പ്രത്യേ​കി​ച്ചും ഓട്ടക്കാർക്ക്‌ ഗുരു​ത​ര​മായ പരിക്കു​കൾ സംഭവി​ക്കാൻ ഇടയാ​ക്കു​ന്നു.

സ്‌ത്രീ​ക​ളു​ടെ പാദങ്ങൾ അതനു​ഭ​വി​ക്കുന്ന കഷ്ടങ്ങ​ളോട്‌ നന്നായി പൊരു​ത്ത​പ്പെ​ടു​ന്നില്ല. വാസ്‌ത​വ​ത്തിൽ, പാദത്തി​ന്റെ മുൻവ​ശ​ത്തി​നു മാത്രമേ വർഷങ്ങൾകൊ​ണ്ടു വീതി കൂടു​ന്നു​ള്ളു—ഒരാൾക്കു പ്രായ​പൂർത്തി​യാ​യാ​ലും അതിനു വികസി​ക്കാൻ കഴിയും. എന്നാൽ ഉപ്പൂറ്റി​യു​ടെ കാര്യം അങ്ങനെയല്ല. “ഉപ്പൂറ്റി​യിൽ ഒരസ്ഥി​യേ​യു​ള്ളൂ. 14-ാം വയസ്സിലെ വലുപ്പമേ 84-ാം വയസ്സി​ലും അതിന്‌ ഉണ്ടായി​രി​ക്കൂ” എന്ന്‌ ഡോ. തോംസൺ പറയുന്നു. ഇത്‌, ഉപ്പൂറ്റി​മു​തൽ കാൽവി​രൽവരെ നന്നായി പാകമാ​കുന്ന ഷൂ കണ്ടെത്താ​നുള്ള സ്‌ത്രീ​ക​ളു​ടെ ബുദ്ധി​മുട്ട്‌ വർധി​പ്പി​ക്കു​ന്നു.

ഷോപ്പിങ്‌ നുറു​ങ്ങു​കൾ

ഷൂസിന്റെ പാകവും ഫാഷനും പ്രശ്‌നം സൃഷ്ടിക്കെ സ്‌ത്രീ​കൾക്ക്‌ പാദങ്ങ​ളു​ടെ വേദന എങ്ങനെ തടയാ​നാ​കും? ഉത്തരം ചെരിപ്പു കടയിൽതന്നെ തുടങ്ങു​ന്നു. ചില വിദഗ്‌ധർ പിൻവ​രുന്ന കാര്യങ്ങൾ നിർദേ​ശി​ക്കു​ന്നു:

● ഷൂ വാങ്ങൽ വൈകു​ന്നേ​ര​മാ​ക്കുക. അപ്പോൾ നിങ്ങളു​ടെ പാദങ്ങൾ അൽപ്പം ചീർത്തി​രി​ക്കും.

● ഷൂ രണ്ടും ഇട്ടു​നോ​ക്കുക—ഒരെണ്ണം മാത്രം പോരാ.

● ഉപ്പൂറ്റി പാകമാ​ണെ​ന്നും ഷൂവിന്റെ മുൻഭാ​ഗ​ത്തിന്‌ നീളവും വീതി​യും ഉയരവും ഒക്കെ ആവശ്യ​ത്തി​നു​ണ്ടെ​ന്നും ഉറപ്പു​വ​രു​ത്തുക.

● കടയിലെ വളരെ മൃദു​വായ പരവതാ​നി​യി​ലൂ​ടെ നടക്കു​മ്പോൾ പാകമ​ല്ലാത്ത ഷൂസു​പോ​ലും തത്‌കാ​ല​ത്തേക്ക്‌ സുഖക​ര​മാ​യി തോന്നു​മെന്ന കാര്യം ഓർമി​ക്കുക.

● മിനു​സ​ത്തു​കൽകൊ​ണ്ടോ കൃത്രിമ പദാർഥ​ങ്ങൾകൊ​ണ്ടോ ഉണ്ടാക്കിയ ഷൂസ്‌ ധരിക്കു​ന്നത്‌ ഒഴിവാ​ക്കുക. മയമുള്ള തുകലിൽനി​ന്നും ഊറയ്‌ക്കി​ടാത്ത ആട്ടിൻതോ​ലിൽനി​ന്നും വ്യത്യ​സ്‌ത​മാ​യി അവ നടക്കു​മ്പോൾ വഴങ്ങി​ത്ത​രു​ന്നില്ല.

● ഉപ്പൂറ്റി വളരെ ഉയർന്ന ഷൂസ്‌ വാങ്ങി​ക്കു​മ്പോൾ കൂടു​ത​ലാ​യി അകത്തു നിറയ്‌ക്കാൻ തുകൽ സോളു​കൾ ഉപയോ​ഗി​ക്കുക. ഉപ്പൂറ്റി ഉയർന്ന ചെരി​പ്പു​കൾ കുറച്ചു നേര​ത്തേക്കു മാത്രം ധരിക്കുക. ദിവസ​ത്തിൽ ഇടയ്‌ക്കി​ട​യ്‌ക്ക്‌ ഉപ്പൂറ്റി താഴ്‌ന്ന ചെരി​പ്പു​കൾ ധരിക്കുക.

കൂടാതെ, വാങ്ങി​ക്കുന്ന സമയത്തു​തന്നെ ഷൂസ്‌ ഇട്ടു നടക്കാൻ സുഖമു​ള്ള​താ​യി​രി​ക്ക​ണ​മെന്ന്‌ എപ്പോ​ഴും ഓർമി​ക്കുക. കുറച്ചു നാൾകൊണ്ട്‌ ഷൂസ്‌ വലിഞ്ഞു വികസി​ച്ചു​കൊ​ള്ളും എന്ന ആളുക​ളു​ടെ വിശ്വാ​സം ശരിയല്ല. “ഇറുകി​പ്പി​ടി​ച്ചി​രി​ക്കുന്ന ഷൂ കുറച്ചു​നാ​ളി​ട്ടു കഴിയു​മ്പോൾ ശരിയാ​യി​ക്കൊ​ള്ളും എന്ന്‌ വിൽപ്പ​ന​ക്കാ​രൻ പറയു​ന്നത്‌ ഒരിക്ക​ലും വിശ്വ​സി​ക്ക​രുത്‌. അയാളു​ടെ വാക്കു വിശ്വ​സി​ച്ചാൽ നിങ്ങളു​ടെ പാദങ്ങൾ പൊട്ടും” എന്ന്‌ ഡോ. കൗഗ്ലിൻ മുന്നറി​യി​പ്പു നൽകുന്നു.

മുൻഭാ​ഗം ഇറുകി​യ​തും ഉപ്പൂറ്റി പാകമു​ള്ള​തും അല്ലെങ്കിൽ മുൻഭാ​ഗം പാകമു​ള്ള​തും ഉപ്പൂറ്റി അയഞ്ഞതും എന്നിങ്ങനെ രണ്ടു തിര​ഞ്ഞെ​ടു​പ്പു​കളേ ഉള്ളെങ്കി​ലോ? ശരിയാ​ക്കാൻ എളുപ്പ​മു​ള്ളത്‌ ഏതാ​ണെന്ന്‌ നിങ്ങൾ തീരു​മാ​നി​ക്കണം എന്ന്‌ പാദ​രോ​ഗ​ചി​കി​ത്സ​ക​യായ ഡോ. ആനൂ ഗോയൽ പറയുന്നു. “രണ്ടു വിധത്തിൽ ഇതു ചെയ്യാം. ഒന്നുകിൽ, മുൻഭാ​ഗ​ത്തിന്‌ ആവശ്യ​ത്തിന്‌ വീതി​യുള്ള ഷൂസ്‌ വാങ്ങി​യിട്ട്‌ പാഡുകൾ തിരുകി ഉപ്പൂറ്റി ശരിയാ​ക്കാം. അല്ലെങ്കിൽ ഉപ്പൂറ്റി പാകമുള്ള ഷൂ വാങ്ങി​യിട്ട്‌ മുൻഭാ​ഗം വലിച്ചു​നീ​ട്ടാം. എന്നാൽ സാധാ​ര​ണ​ഗ​തി​യിൽ ഈ വിദ്യ തുകൽ ഷൂസിലേ ഫലിക്കു​ക​യു​ള്ളൂ,” അവർ പറയുന്നു.

പല സ്‌ത്രീ​ക​ളും ദിവസം 15 കിലോ​മീ​റ്റർ നടക്കു​ന്ന​താ​യി കണക്കാ​ക്ക​പ്പെ​ടു​ന്നു. അതു​കൊണ്ട്‌ അവർ തങ്ങളുടെ പാദര​ക്ഷകൾ പരി​ശോ​ധി​ക്കു​ന്നതു നന്നായി​രി​ക്കും. “പാദങ്ങളെ കൂടുതൽ കരുത​ലോ​ടെ പരിച​രി​ക്കുക വഴി—പ്രത്യേ​കി​ച്ചും പാകമുള്ള ഷൂസ്‌ ധരിക്കു​ക​വഴി—പാദങ്ങൾക്കു​ണ്ടാ​കുന്ന മിക്ക പ്രശ്‌ന​ങ്ങ​ളും നിങ്ങൾക്കു പൂർണ​മാ​യി തടയാ​നാ​കും” എന്ന്‌ അമേരി​ക്കൻ ഹെൽത്ത്‌ മാഗസിൻ പറയുന്നു.

[26-ാം പേജിലെ ചതുരം]

പാദങ്ങൾക്ക്‌ സാധാരണ ഉണ്ടാകാ​റുള്ള നാലു പ്രശ്‌ന​ങ്ങൾ

പെരു​വി​രൽവീ​ക്കം. പെരു​വി​ര​ലി​ന്റെ ചുവട്ടി​ലു​ണ്ടാ​കുന്ന വീക്കമാ​ണിത്‌. പാരമ്പ​ര്യ​മാ​യി കിട്ടി​യ​ത​ല്ലെ​ങ്കിൽ അതുണ്ടാ​യത്‌ ഇറുകി​പ്പി​ടി​ച്ച​തോ ഉപ്പൂറ്റി ഉയർന്ന​തോ ആയ ഷൂസ്‌ ധരിച്ച​തു​കൊ​ണ്ടാ​യി​രി​ക്കാം. ചൂടു പിടി​ക്കു​ക​യോ ഐസു വെക്കു​ക​യോ ചെയ്‌താൽ വേദന​യ്‌ക്ക്‌ തത്‌കാല ശമനം ലഭിക്കും. എന്നാൽ അതു പാടേ നീക്കം ചെയ്യാൻ ശസ്‌ത്ര​ക്രിയ വേണം.

വളഞ്ഞ കാൽവി​ര​ലു​കൾ. പാദാ​ഗ്ര​ത്തിൽ വളരെ​യ​ധി​കം സമ്മർദം ചെലു​ത്തുന്ന ഷൂസ്‌ ധരിക്കു​ന്ന​തു​മൂ​ലം കാൽവി​ര​ലു​കൾ കീഴ്‌പോ​ട്ടു മടങ്ങി​നിൽക്കുന്ന അവസ്ഥ. ഈ വൈക​ല്യം ശരിയാ​ക്കു​ന്ന​തിന്‌ ശസ്‌ത്ര​ക്രിയ വേണ്ടി​വ​ന്നേ​ക്കാം.

ആണി. ഉരസലും സമ്മർദ​വും കാരണം കാൽവി​ര​ലു​ക​ളി​ലു​ണ്ടാ​കുന്ന കോണാ​കൃ​തി​യി​ലുള്ള തടിപ്പു​കൾ. വല്ലാതെ ഇടുങ്ങിയ ഷൂസ്‌ ധരിക്കു​ന്ന​തും ചില​പ്പോൾ ഇതിനി​ട​യാ​ക്കി​യേ​ക്കാം. വീട്ടു​ചി​കി​ത്സകൾ തത്‌കാല ശമനം നൽകി​യേ​ക്കാം. എന്നാൽ ഉരസലു​ണ്ടാ​ക്കുന്ന വികല​മായ കാൽവി​ര​ലു​കൾ ശരിയാ​ക്കാൻ സാധാ​ര​ണ​ഗ​തി​യിൽ ശസ്‌ത്ര​ക്രിയ ആവശ്യ​മാണ്‌.

തഴമ്പ്‌. കട്ടിയുള്ള, നിർജീ​വ​മായ ചർമപാ​ളി​കൾ പാദങ്ങളെ തുടർച്ച​യായ ഉരസലിൽനി​ന്നു സംരക്ഷി​ക്കു​ന്നു. ഇളം ചൂടു​വെ​ള്ള​ത്തി​ലും എപ്‌സം സോൾട്ടു​ക​ളി​ലും പാദം മുക്കി​വെ​ക്കു​ന്നത്‌ മൃദു​ത്വം പ്രദാനം ചെയ്യും. എന്നാൽ അവ മുറി​ക്കാൻ ശ്രമി​ക്ക​രുത്‌, അണുബാ​ധ​യു​ണ്ടാ​യേ​ക്കാം.

[അടിക്കു​റി​പ്പു​കൾ]

[26-ാം പേജിലെ ചിത്ര​ത്തിന്‌ കടപ്പാട്‌]

The Complete Encyclopedia of Illustration/ J. G. Heck