യുദ്ധം കുരുന്നു ജീവൻ അരിഞ്ഞു​വീ​ഴ്‌ത്തു​ന്നു

ബാല്യം സന്തോ​ഷ​ത്തി​ന്റെ ഒരു കാലമാ​യി​രി​ക്ക​ണ​മെ​ന്നാ​ണു പൊതു​വേ​യുള്ള കാഴ്‌ച​പ്പാട്‌. പരിപാ​ലി​ക്ക​പ്പെ​ടേണ്ട, സംരക്ഷി​ക്ക​പ്പെ​ടേണ്ട ഒരു കാലം. നിഷ്‌ക​ള​ങ്ക​ത​യു​ടെ ഒരു കാലം. കുട്ടികൾ കളിക്കാ​നും പഠിക്കാ​നും വളർന്നു​വ​ലു​താ​കു​മ്പോൾ ഉത്തരവാ​ദി​ത്വ​ബോ​ധ​മു​ള്ള​വ​രാ​യി​രി​ക്കാൻ സഹായി​ക്കുന്ന ഗുണങ്ങൾ വളർത്തി​യെ​ടു​ക്കാ​നും പ്രതീ​ക്ഷി​ക്ക​പ്പെ​ടു​ന്നു. കുട്ടികൾ കൊല ചെയ്യ​പ്പെ​ടാൻ പ്രതീ​ക്ഷി​ക്ക​പ്പെ​ടു​ന്നില്ല, കൊല​യാ​ളി​ക​ളാ​കാ​നും. എങ്കിലും യുദ്ധകാ​ലത്ത്‌ അരുതാത്ത പലതും സംഭവി​ക്കു​ന്നു.

സങ്കടക​ര​മെ​ന്നു പറയട്ടെ, ഗോള​വ്യാ​പ​ക​മാ​യി യുദ്ധം വർധി​ച്ചു​വ​രു​ന്നു. അത്‌ കുരുന്നു ജീവൻ അപഹരി​ക്കു​ന്നു. കുട്ടി​ക​ളെ​യും കുട്ടി​ക്കാ​ല​ത്തെ​യും അതു നശിപ്പി​ക്കു​ന്നു. 1993-ൽ, 42 രാജ്യ​ങ്ങ​ളിൽ വലിയ സംഘട്ട​ന​ങ്ങ​ളും വേറേ 37 രാജ്യ​ങ്ങ​ളിൽ രാഷ്‌ട്രീയ അക്രമ​ങ്ങ​ളും അരങ്ങേറി. ഈ 79 രാജ്യ​ങ്ങ​ളി​ലും കുട്ടികൾ ജീവി​ച്ചി​രു​ന്നു.

ഇന്നത്തെ പല യുവജ​ന​ങ്ങ​ളും സമാധാ​നം എന്തെന്ന്‌ അറിഞ്ഞി​ട്ടില്ല. 1995-ന്റെ അവസാ​ന​മാ​യ​പ്പോ​ഴേ​ക്കും, യുദ്ധം തുടങ്ങി​യിട്ട്‌ അംഗോ​ള​യിൽ 30 വർഷവും അഫ്‌ഗാ​നി​സ്ഥാ​നിൽ 17 വർഷവും ശ്രീല​ങ്ക​യിൽ 11 വർഷവും സൊമാ​ലി​യ​യിൽ 7 വർഷവും പിന്നി​ട്ടി​രു​ന്നു. ഓരോ​രോ സ്ഥലങ്ങളി​ലും രാഷ്‌ട്രീ​യ​ക്കാർ “സമാധാന പദ്ധതി”കളെക്കു​റിച്ച്‌ ശുഭാ​പ്‌തി വിശ്വാ​സ​ത്തോ​ടെ സംസാ​രി​ച്ചു​വെ​ങ്കി​ലും ഒന്നിനു​പു​റകേ ഒന്നായി അരങ്ങേ​റിയ യുദ്ധങ്ങൾ മനുഷ്യ​ജീ​വി​തത്തെ നശിപ്പി​ച്ചു​കൊ​ണ്ടി​രു​ന്നു.

യുദ്ധം കുട്ടി​കൾക്ക്‌ എപ്പോ​ഴും ദ്രോ​ഹമേ ചെയ്‌തി​ട്ടു​ള്ളൂ. എന്നാൽ അടുത്ത​കാ​ലത്ത്‌ യുദ്ധത്തി​ന്റെ സ്വഭാ​വ​ത്തി​നു മാറ്റം വന്നിരി​ക്കു​ന്നു. കുട്ടികൾ ഉൾപ്പെ​ടെ​യുള്ള സൈനി​കേതര പൗരന്മാ​രു​ടെ വർധിച്ച മരണനി​ര​ക്കി​നു കാരണം ഇതാണ്‌. 18-ഉം 19-ഉം നൂറ്റാ​ണ്ടു​ക​ളി​ലും ഈ നൂറ്റാ​ണ്ടി​ന്റെ ആരംഭ​ത്തി​ലും നടന്നി​ട്ടുള്ള ഏറ്റുമു​ട്ട​ലു​കൾക്ക്‌ ഇരയാ​യ​വ​രിൽ പകുതി​യോ​ളം സൈനി​കേതര പൗരന്മാ​രാ​യി​രു​ന്നു. എന്നാൽ, 1939 മുതൽ 1945 വരെ നീണ്ടു​നിന്ന രണ്ടാം ലോക​മ​ഹാ​യു​ദ്ധ​ത്തിൽ മരണമ​ട​ഞ്ഞ​വ​രിൽ മൂന്നിൽ രണ്ടു ഭാഗവും സൈനി​കേതര പൗരന്മാ​രാ​യി​രു​ന്നു. ഇതിന്റെ ഭാഗി​ക​മായ കാരണം നഗരങ്ങ​ളി​ലെ കടുത്ത ബോം​ബു​വർഷ​മാ​യി​രു​ന്നു.

1980-ഓടെ, യുദ്ധത്തിൽ മരിച്ച സൈനി​കേതര പൗരന്മാ​രു​ടെ എണ്ണം ഏതാണ്ട്‌ 90 ശതമാ​ന​മാ​യി ഉയർന്നി​രു​ന്നു. യുദ്ധങ്ങൾ കൂടുതൽ സങ്കീർണ​മാ​യി​ത്തീർന്നി​രി​ക്കു​ന്നു എന്നതാണ്‌ ഇതിനുള്ള ഒരു കാരണം. സൈന്യ​ങ്ങൾ തമ്മിൽ ഏറ്റുമു​ട്ടു​ന്നത്‌ യുദ്ധക്ക​ള​ത്തിൽവെച്ചു മാത്ര​മ​ല്ലാ​താ​യി​രി​ക്കു​ന്നു. രാജ്യങ്ങൾ തമ്മിലല്ല, പിന്നെ​യോ രാജ്യ​ങ്ങൾക്കു​ള്ളിൽത്ത​ന്നെ​യാണ്‌ ഇന്ന്‌ മിക്ക യുദ്ധങ്ങ​ളും നടക്കു​ന്നത്‌. യുദ്ധങ്ങൾ നടക്കു​ന്നത്‌ ഗ്രാമ​ങ്ങ​ളി​ലാ​കാം, നഗരങ്ങ​ളി​ലാ​കാം. അക്രമ​വാ​സ​ന​യും സംശയ​വും നിറഞ്ഞു​നിൽക്കുന്ന ഒരന്തരീ​ക്ഷ​ത്തിൽ തങ്ങൾ കൊല്ലു​ന്നതു ശത്രു​ക്ക​ളെ​യാ​ണോ നിരപ​രാ​ധി​ക​ളെ​യാ​ണോ എന്നൊ​ന്നും കൊല​യാ​ളി​കൾക്കു നോട്ട​മില്ല.

യുദ്ധത്തിൽ കൊല്ല​പ്പെ​ടുന്ന കുട്ടി​ക​ളു​ടെ എണ്ണം വലുതാണ്‌. ഐക്യ​രാ​ഷ്‌ട്ര ശിശു​ക്ഷേ​മ​നി​ധി പറയു​ന്ന​ത​നു​സ​രിച്ച്‌, കഴിഞ്ഞ പത്തു വർഷത്തിൽ മാത്ര​മാ​യി 20 ലക്ഷം കുട്ടികൾ കൊല്ല​പ്പെ​ടു​ക​യും 40 ലക്ഷംമു​തൽ 50 ലക്ഷംവരെ കുട്ടി​കൾക്ക്‌ അംഗ​വൈ​ക​ല്യം സംഭവി​ക്കു​ക​യും ചെയ്‌തി​ട്ടു​ണ്ടെന്ന്‌ കണക്കാ​ക്ക​പ്പെ​ടു​ന്നു. യുദ്ധം 10 ലക്ഷത്തി​ലേറെ കുട്ടി​കളെ അനാഥ​രും 1 കോടി 20 ലക്ഷം കുട്ടി​കളെ ഭവനര​ഹി​ത​രു​മാ​ക്കി​യി​രി​ക്കു​ന്നു. യുദ്ധം ഏതാണ്ട്‌ ഒരു കോടി കുട്ടി​കൾക്ക്‌ മാനസി​ക​ക്ഷതം ഏൽപ്പി​ച്ചി​രി​ക്കു​ന്നു.

പുസ്‌ത​ക​ശാ​ല​കൾ യുദ്ധ​ത്തെ​ക്കു​റി​ച്ചുള്ള പുസ്‌ത​ക​ങ്ങൾക്കൊ​ണ്ടു നിറഞ്ഞി​രി​ക്കു​ന്നു. യുദ്ധങ്ങൾ എങ്ങനെ, എന്തിന്‌ നടന്നു എന്നൊ​ക്കെ​യുള്ള വിവരങ്ങൾ അവയി​ലുണ്ട്‌; എത്തരത്തി​ലുള്ള ആയുധ​ങ്ങ​ളും യുദ്ധത​ന്ത്ര​ങ്ങ​ളു​മാണ്‌ ഉപയോ​ഗി​ച്ചത്‌ എന്ന്‌ അവ വിവരി​ക്കു​ന്നു; കൂട്ടക്കു​രു​തിക്ക്‌ നേതൃ​ത്വം നൽകിയ സൈന്യാ​ധി​പ​ന്മാർ ആരൊ​ക്കെ​യെന്ന്‌ അവ ഓർമി​പ്പി​ക്കു​ന്നു. സിനി​മകൾ യുദ്ധത്തി​ന്റെ ആവേശ​ത്തി​മിർപ്പി​നെ പെരു​പ്പി​ച്ചു​കാ​ട്ടു​ക​യും ദുരി​ത​ങ്ങളെ ലഘൂക​രി​ക്കു​ക​യും ചെയ്യുന്നു. അത്തരം പുസ്‌ത​ക​ങ്ങ​ളും സിനി​മ​ക​ളും നിഷ്‌ക​ള​ങ്ക​രായ ബലിയാ​ടു​ക​ളെ​ക്കു​റിച്ച്‌ യാതൊ​ന്നും പ്രതി​പാ​ദി​ക്കു​ന്നി​ല്ലെ​ന്നു​തന്നെ പറയാം. ഭടന്മാ​രെന്ന നിലയിൽ കുട്ടികൾ എപ്രകാ​ര​മാണ്‌ ചൂഷണം ചെയ്യ​പ്പെ​ട്ടി​രി​ക്കു​ന്നത്‌, അവർ ഏറ്റവും എളുപ്പ​ത്തിൽ ഇരകളാ​യി​ത്തീ​രു​ന്നത്‌ എങ്ങനെ​യാണ്‌, ഇന്നത്തെ കുട്ടി​കൾക്ക്‌ ഒരു യഥാർഥ ശോഭന ഭാവി ആസ്വദി​ക്കാ​നാ​കു​മെന്ന്‌ ഞങ്ങൾ പറയു​ന്നത്‌ എന്തു​കൊ​ണ്ടാണ്‌ എന്നിവ​യെ​ക്കു​റിച്ച്‌ പിൻവ​രുന്ന ലേഖനങ്ങൾ ചർച്ച​ചെ​യ്യു​ന്നു.