യുവജ​നങ്ങൾ ചോദി​ക്കു​ന്നു . . .

മുഴു ശ്രദ്ധയും എന്റെ സഹോ​ദ​രനു ലഭിക്കു​ന്ന​തെ​ന്തു​കൊണ്ട്‌?

“എന്റെ പ്രശ്‌ന​മി​താണ്‌, എന്റെ സഹോ​ദ​രീ​സ​ഹോ​ദ​രൻമാർ നന്നായി പെരു​മാ​റി​യാ​ലും മോശ​മാ​യി പെരു​മാ​റി​യാ​ലും അവർക്ക്‌ വളരെ​യ​ധി​കം ശ്രദ്ധ ലഭിക്കു​ന്നു. എന്നാൽ ഞാൻ അനുസ​ര​ണ​മുള്ള കുട്ടി​യാ​യ​തു​കൊണ്ട്‌ എന്നെ ആരും തിരി​ഞ്ഞു​നോ​ക്കാ​റില്ല.”—18 വയസ്സു​കാ​രി കേ.a

“എന്റെ സഹോ​ദ​രീ​സ​ഹോ​ദ​രൻമാർക്ക്‌ കൂടുതൽ ശ്രദ്ധ ലഭിക്കു​ക​യും മാതാ​പി​താ​ക്കൾ അവരോട്‌ മെച്ചമാ​യി പെരു​മാ​റു​ക​യും ചെയ്യുന്നു. എനിക്കു ലഭിക്കുന്ന ശ്രദ്ധയി​ല​ധി​ക​വും ഗുണ​ദോ​ഷ​ത്തി​ന്റെ രൂപത്തി​ലാണ്‌. അവരെ​യും ഗുണ​ദോ​ഷി​ക്കു​ന്നു​ണ്ടാ​യി​രു​ന്നെ​ങ്കിൽ പിന്നെ​യും സഹിക്കാ​മാ​യി​രു​ന്നു.”—15 വയസ്സു​കാ​രി രൂത്ത്‌.

“എന്റെ ജ്യേഷ്‌ഠൻമാർക്കും ജ്യേഷ്‌ഠ​ത്തി​മാർക്കും കൂടുതൽ പദവി​ക​ളും ശ്രദ്ധയും ലഭിക്കു​ന്ന​താ​യി എനിക്കു തോന്നു​ന്നു.”—13 വയസ്സു​കാ​രൻ ബിൽ.

പിറന്നു വീഴു​മ്പോൾമു​തൽ നമു​ക്കെ​ല്ലാ​വർക്കും മാതാ​പി​താ​ക്ക​ളു​ടെ ശ്രദ്ധ ആവശ്യ​മാണ്‌. അതിൽ നിങ്ങൾക്കുള്ള ഓഹരി കിട്ടു​ന്നി​ല്ലെന്നു തോന്നു​മ്പോൾ സ്വാഭാ​വി​ക​മാ​യും വിഷമ​വും ദേഷ്യ​വും തോന്നി​യേ​ക്കാം. നിങ്ങളു​ടെ കൂടപ്പി​റപ്പ്‌—ഏറ്റവും മൂത്തവ​നോ ഏറ്റവും ഇളയവ​നോ ഏറ്റവും നന്നായി പെരു​മാ​റു​ന്ന​വ​നോ തീരെ അനുസ​ര​ണം​കെ​ട്ട​വ​നോ—എല്ലായ്‌പോ​ഴും ശ്രദ്ധാ​വി​ഷയം ആകുന്ന​താ​യി തോന്നു​മ്പോൾ പിന്നെ പറയു​ക​യും വേണ്ട. ഒരുപക്ഷേ ദാവീ​ദി​നു തോന്നി​യ​തു​പോ​ലെ​തന്നെ നിങ്ങൾക്കും തോന്നി​യേ​ക്കാം. അവൻ ഇങ്ങനെ എഴുതി: “മരിച്ചു​പോ​യ​വ​നെ​പ്പോ​ലെ എന്നെ മറന്നു​ക​ള​ഞ്ഞി​രി​ക്കു​ന്നു; ഞാൻ ഒരു ഉടഞ്ഞ പാത്രം​പോ​ലെ ആയിരി​ക്കു​ന്നു.”—സങ്കീർത്തനം 31:12.

നിങ്ങൾക്കു കിട്ടാ​നാ​ഗ്ര​ഹി​ക്കുന്ന ശ്രദ്ധ സഹോ​ദ​ര​നോ സഹോ​ദ​രി​ക്കോ കിട്ടു​ന്നതു നിങ്ങളെ വേദനി​പ്പി​ച്ചേ​ക്കാം. എന്നാൽ നിങ്ങ​ളോട്‌ ആർക്കും സ്‌നേ​ഹ​മി​ല്ലെന്ന്‌ ഇത്‌ അവശ്യം അർഥമാ​ക്കു​ന്നു​ണ്ടോ? അശേഷ​മില്ല. ചില​പ്പോൾ ചില കുട്ടി​കൾക്ക്‌ കൂടു​ത​ലായ ശ്രദ്ധ ലഭിക്കു​ന്നത്‌ അവർക്ക്‌ അസാധാ​ര​ണ​മായ പ്രാപ്‌തി​ക​ളോ തുറന്നി​ട​പെ​ടുന്ന പ്രകൃ​ത​മോ ഉള്ളതി​നാ​ലാ​കാം. 11 വയസ്സു​കാ​ര​നായ കെന്നത്ത്‌ പറയുന്നു: “എന്റെ അനുജ​നായ ആർതർ മൂന്നാം ഗ്രേഡി​ലാ​ണെ​ങ്കി​ലും അവൻ അഞ്ചാം ഗ്രേഡു​കാ​രു​ടെ വാദ്യ​വൃ​ന്ദ​ത്തിൽ പങ്കെടു​ക്കു​ന്നു. കൂടാതെ, അവൻ സ്‌പോർട്‌സി​ലും കണക്കി​ലും മിടു​ക്ക​നാണ്‌. വാസ്‌ത​വ​ത്തിൽ, അവന്‌ സ്‌കൂ​ളിൽ എല്ലാ വിഷയ​ങ്ങൾക്കും എ ഗ്രേഡ്‌ കിട്ടുന്നു. ആളുകൾക്ക്‌ എന്നെക്കാ​ളും ഇഷ്ടം അവനെ​യാ​ണെന്ന്‌ ചില​പ്പോൾ എനിക്കു തോന്നാ​റുണ്ട്‌. എങ്കിലും അവനോ​ടെ​നിക്ക്‌ അസൂയ​യൊ​ന്നു​മില്ല. ഒരുപക്ഷേ അൽപ്പമു​ണ്ടാ​യി​രി​ക്കാം.”

ഏറ്റവും മൂത്തതോ ഇളയതോ ആയിരി​ക്കു​ന്ന​തു​കൊ​ണ്ടു മാത്രം ചില കുട്ടി​കൾക്കു മാതാ​പി​താ​ക്ക​ളു​ടെ സമയത്തി​ന്റെ സിംഹ​ഭാ​ഗ​വും ലഭിക്കു​ന്നു. യുവാ​വായ യോ​സേ​ഫി​നെ​ക്കു​റി​ച്ചു ബൈബിൾ പറയുന്നു: “യോ​സേഫ്‌ വാർദ്ധ​ക്യ​ത്തി​ലെ മകനാ​ക​കൊ​ണ്ടു യിസ്രാ​യേൽ എല്ലാമ​ക്ക​ളി​ലും​വെച്ചു അവനെ അധികം സ്‌നേ​ഹി​ച്ചു.” (ഉല്‌പത്തി 37:3, 4) എന്നാൽ 18 വയസ്സു​കാ​ര​നായ റ്റോഡി​നു തോന്നി​യത്‌ ഏറ്റവും മൂത്തതാ​യ​തു​കൊണ്ട്‌ തന്റെ സഹോ​ദരൻ പ്രീതി പിടി​ച്ചു​പ​റ്റു​ന്നു​വെ​ന്നാണ്‌. അവൻ ഇങ്ങനെ അനുസ്‌മ​രി​ക്കു​ന്നു: “ഒരിക്കൽ, സ്‌കൂ​ളിൽ ഒരു പരിപാ​ടി​ക്കാ​യി ഏറ്റവും ഇഷ്ടപ്പെട്ട ഒരു ശിശു​ചി​ത്രം കൊണ്ടു​വ​രാൻ ഞങ്ങളോട്‌ ആവശ്യ​പ്പെട്ടു. എന്റെ ചിത്രങ്ങൾ വിരലി​ലെ​ണ്ണാൻ മാത്രമേ ഉണ്ടായി​രു​ന്നു​ള്ളൂ, ചേട്ട​ന്റെ​യാ​കട്ടെ ഒരുപാ​ടും. അതെന്തു​കൊ​ണ്ടാ​യി​രി​ക്കു​മെന്ന്‌ ഞാൻ ചിന്തിച്ചു.”

എന്നാൽ, പലപ്പോ​ഴും ഒരു സഹോ​ദ​ര​നോ സഹോ​ദ​രി​ക്കോ കൂടുതൽ ശ്രദ്ധ ലഭിക്കു​ന്ന​തി​നു കാരണം അവന്‌ അല്ലെങ്കിൽ അവൾക്ക്‌ പ്രശ്‌ന​ങ്ങ​ളു​ള്ള​തു​കൊ​ണ്ടാ​യി​രി​ക്കാം—ഒരുപക്ഷേ ആ പ്രശ്‌ന​ങ്ങ​ളെ​ക്കു​റിച്ച്‌ നിങ്ങൾക്ക്‌ അറിയി​ല്ലാ​യി​രി​ക്കാം. “എനിക്ക്‌ ഏതാണ്ട്‌ 16 വയസ്സു​ണ്ടാ​യി​രു​ന്ന​പ്പോൾ ചേട്ടൻ പ്രയാ​സ​ക​ര​മായ ഒരു ഘട്ടത്തി​ലൂ​ടെ കടന്നു​പോ​കു​ക​യാ​യി​രു​ന്നു,” ഇപ്പോൾ 22 വയസ്സുള്ള കസാൻഡ്ര വിശദീ​ക​രി​ക്കു​ന്നു. “താൻ യഥാർഥ​ത്തിൽ യഹോ​വയെ സേവി​ക്കാൻ ആഗ്രഹി​ക്കു​ന്നു​ണ്ടോ​യെന്ന്‌ ചേട്ടന്‌ നിശ്ചയ​മി​ല്ലാ​യി​രു​ന്നു. എന്റെ മാതാ​പി​താ​ക്ക​ളു​ടെ ഏതാണ്ട്‌ മുഴു ശ്രദ്ധയും ചേട്ട​ന്റെ​മേ​ലാ​യി​രു​ന്നു. അതെന്തു​കൊ​ണ്ടാ​ണെന്ന്‌ അന്നെനിക്ക്‌ മനസ്സി​ലാ​യില്ല. അവർ എന്നെക്കു​റിച്ച്‌ ഒട്ടും കരുതു​ന്നി​ല്ലെ​ന്നാണ്‌ ഞാൻ വിചാ​രി​ച്ചത്‌. എന്നെ അവർ തഴയുന്നു എന്ന തോന്നൽ എന്നിലു​ള​വാ​യി, പിന്നെ സങ്കടവും ദേഷ്യ​വു​മൊ​ക്കെ തോന്നി.”

അവർ പക്ഷപാതം കാണി​ക്കു​ന്ന​തി​ന്റെ കാരണം

എന്നാൽ, ചില​പ്പോൾ മറകൂ​ടാ​തെ പക്ഷപാതം കാണി​ക്കു​ന്ന​തിൽ മാതാ​പി​താ​ക്കൾ കുറ്റക്കാ​രാണ്‌. ഒരു മാതാവ്‌ ഇങ്ങനെ സമ്മതി​ച്ചു​പ​റഞ്ഞു: “മോളിൽ ഞങ്ങൾ വളരെ​യ​ധി​കം അഭിമാ​നം കൊള്ളു​ന്നത്‌ എന്റെ മോൻ പോളി​നെ വേദനി​പ്പി​ക്കു​ന്നു​വെന്ന്‌ എനിക്ക​റി​യാം. അവൻ ഞങ്ങളോട്‌ അതേക്കു​റി​ച്ചു നേരിട്ടു പറഞ്ഞി​ട്ടുണ്ട്‌. ‘ലിസ്‌ എന്തെങ്കി​ലും പറയു​മ്പോൾ മമ്മിയും ഡാഡി​യും എപ്പോ​ഴും പരസ്‌പരം നോക്കു​ന്നു.’ ആദ്യ​മൊ​ക്കെ അവൻ എന്തി​നെ​ക്കു​റി​ച്ചാ​ണു പറയു​ന്ന​തെന്ന്‌ ഞങ്ങൾക്കു മനസ്സി​ലാ​യില്ല. ‘അവൾ എത്ര മിടു​ക്കി​യാ​ണല്ലേ’ എന്ന ഭാവത്തിൽ ഞങ്ങൾ എപ്പോ​ഴും പരസ്‌പരം നോക്കുന്ന കാര്യ​മാണ്‌ അവനീ പറയു​ന്ന​തെന്ന്‌ പിന്നീടു ഞങ്ങൾക്കു മനസ്സി​ലാ​യി. അവൻ ആ സംഗതി ഞങ്ങളുടെ ശ്രദ്ധയിൽ കൊണ്ടു​വ​ന്ന​തിൽപ്പി​ന്നെ അങ്ങനെ ചെയ്യാ​തി​രി​ക്കു​ന്ന​തിന്‌ ഞങ്ങൾ ഒരു യഥാർഥ ശ്രമം​തന്നെ നടത്തി​യി​ട്ടുണ്ട്‌.”

എന്നാൽ, മാതാ​പി​താ​ക്കൾ എന്തു​കൊ​ണ്ടാണ്‌ പക്ഷപാതം കാണി​ക്കു​ന്നത്‌? അവർതന്നെ വളർന്നു​വന്ന വിധം ഒരു ഘടകമാണ്‌. ഉദാഹ​ര​ണ​ത്തിന്‌, നിങ്ങളു​ടെ അമ്മ വീട്ടിലെ ഏറ്റവും ചെറിയ കുട്ടി​യാ​യി​രു​ന്നെ​ങ്കിൽ അവൾക്ക്‌ തന്റെ ഏറ്റവും ഇളയ കുട്ടി​യോട്‌ കൂടുതൽ അടുപ്പം തോന്നാം. താനറി​യാ​തെ​തന്നെ അവൾ ആ കുട്ടി​യു​ടെ പക്ഷം പിടി​ച്ചേ​ക്കാം. അല്ലെങ്കിൽ തന്റേതു​പോ​ലത്തെ പ്രകൃ​ത​മോ തനിക്കുള്ള അതേ അഭിരു​ചി​യോ ഉള്ള ഒരു കുട്ടി​യോട്‌ മാതാ​വി​നോ പിതാ​വി​നോ പ്രത്യേക അടുപ്പം തോന്നാ​വു​ന്ന​താണ്‌. തങ്ങളുടെ ഇരട്ട പുത്ര​ന്മാ​രായ യാക്കോ​ബി​നെ​യും ഏശാവി​നെ​യും കുറിച്ച്‌ യിസ്‌ഹാ​ക്കി​നും റിബെ​ക്ക​യ്‌ക്കും തോന്നി​യ​തെ​ന്താ​ണെന്നു പരിചി​ന്തി​ക്കുക. ബൈബിൾ പറയുന്നു: “കുട്ടികൾ വളർന്നു; ഏശാവ്‌ വേട്ടയിൽ സമർത്ഥ​നും വനസഞ്ചാ​രി​യും യാക്കോബ്‌ സാധു​ശീ​ല​നും കൂടാ​ര​വാ​സി​യും ആയിരു​ന്നു. ഏശാവി​ന്റെ വേട്ടയി​റ​ച്ചി​യിൽ രുചി​പി​ടി​ച്ചി​രു​ന്ന​തു​കൊ​ണ്ടു യിസ്‌ഹാക്ക്‌ അവനെ സ്‌നേ​ഹി​ച്ചു; റിബെ​ക്ക​യോ യാക്കോ​ബി​നെ സ്‌നേ​ഹി​ച്ചു.”—ഉല്‌പത്തി 25:27, 28.

മാതാ​പി​താ​ക്കൾ നിങ്ങളു​ടെ കൂടപ്പി​റ​പ്പു​ക​ളിൽ ഒരാ​ളോട്‌ പ്രത്യേക വാത്സല്യം കാണി​ക്കു​ന്ന​താ​യി തോന്നു​ന്നെ​ങ്കിൽ നിങ്ങൾ എന്തു ചെയ്യണം?b ശാന്തവും കുറ്റ​പ്പെ​ടു​ത്താ​ത്ത​തു​മായ രീതി​യിൽ മാതാ​പി​താ​ക്ക​ളോട്‌ അതേക്കു​റി​ച്ചു സംസാ​രി​ക്കാൻ ശ്രമി​ക്കാ​വു​ന്ന​താണ്‌. (സദൃശ​വാ​ക്യ​ങ്ങൾ 15:22) അവർ പറയു​ന്നത്‌ ആദരപൂർവം കേൾക്കു​ന്നത്‌ സംഗതി​കളെ അവരുടെ വിധത്തിൽ വീക്ഷി​ക്കാൻ നിങ്ങളെ സഹായി​ച്ചേ​ക്കാം. ഇത്‌ നിങ്ങളു​ടെ നിരാ​ശ​യ്‌ക്ക്‌ അയവു​വ​രു​ത്തി​യേ​ക്കാം. (സദൃശ​വാ​ക്യ​ങ്ങൾ 19:11, NW) ഒരു കൗമാ​ര​പ്രാ​യ​ക്കാ​രി ഇങ്ങനെ പറയുന്നു: “എന്നോ​ടു​ള്ള​തി​ലും അടുപ്പം മമ്മിക്ക്‌ എന്റെ ആങ്ങള​യോ​ടാ​യി​രു​ന്നത്‌ എന്നെ വാസ്‌ത​വ​ത്തിൽ വിഷമി​പ്പി​ച്ചു. ഞാൻ അതേക്കു​റി​ച്ചു ചോദി​ച്ച​പ്പോൾ, അവൻ പലതി​ലും ഡാഡി​യെ​പ്പോ​ലെ​യാ​യ​തു​കൊ​ണ്ടാണ്‌ തനിക്ക്‌ അവനോട്‌ അടുപ്പം തോന്നു​ന്ന​തെന്ന്‌ മമ്മി പറഞ്ഞു. ഞാൻ പലതി​ലും മമ്മി​യെ​പ്പോ​ലെ​യാ​യ​തു​കൊണ്ട്‌ ഡാഡിക്ക്‌ എന്നോട്‌ അടുപ്പ​മുണ്ട്‌. മമ്മിയും ഞാനും ഒരു​പോ​ലെ​യാ​യ​തു​കൊണ്ട്‌ ഞങ്ങൾ തമ്മിൽ തെറ്റുന്നു. ഡാഡി​യും ആങ്ങളയും ഒരു​പോ​ലെ​യാ​യ​തു​കൊണ്ട്‌ അവർ രണ്ടും​കൂ​ടി അടിയാണ്‌. ഒരിക്കൽ മമ്മി അങ്ങനെ വിശദീ​ക​രി​ച്ചു​ത​ന്ന​പ്പോൾ, വലിയ സന്തോ​ഷ​മൊ​ന്നും തോന്നി​യി​ല്ലെ​ങ്കിൽ പോലും എനിക്കത്‌ അംഗീ​ക​രി​ക്കാൻ കഴിഞ്ഞു.”

വ്യത്യസ്‌ത രീതി​യി​ലുള്ള ഇടപെടൽ—അനീതി​യോ?

മാതാ​പി​താ​ക്കൾ എല്ലാ മക്കളോ​ടും ഒരേ​പോ​ലെ ഇടപെ​ടാ​ത്തത്‌ എന്തു​കൊ​ണ്ടാണ്‌? ഇപ്പോൾ 18 വയസ്സുള്ള ബെത്ത്‌ പറയുന്നു: “എന്നോ​ടും ആങ്ങള​യോ​ടും മാതാ​പി​താ​ക്കൾ ഒരു​പോ​ലെ—യാതൊ​രു വ്യത്യാ​സ​വും കൽപ്പി​ക്കാ​തെ—ഇടപെ​ടേ​ണ്ട​താ​ണെന്ന്‌ ഏതാണ്ട്‌ 13 വയസ്സു​ള്ള​പ്പോൾ എനിക്കു തോന്നി​യി​രു​ന്നു. എന്നാൽ എല്ലായ്‌പോ​ഴും എന്നെയാ​ണു ശകാരി​ച്ചി​രു​ന്നത്‌. അവനോട്‌ ആരും ഒന്നും പറയു​ക​യി​ല്ലാ​യി​രു​ന്നു. കാറിൽ പണി​ചെ​യ്‌തു​കൊണ്ട്‌ അവൻ ഡാഡി​യു​മൊ​ന്നിച്ച്‌ കൂടുതൽ സമയം ചെലവി​ടു​ക​യും ചെയ്‌തി​രു​ന്നു. അത്‌ മഹാ അന്യാ​യ​മാ​യി തോന്നി.”

എന്നാൽ വ്യത്യസ്‌ത രീതി​യി​ലുള്ള ഇടപെടൽ അനീതി​യാ​യി​രി​ക്ക​ണ​മെന്നു നിർബ​ന്ധ​മില്ല. യേശു​ക്രി​സ്‌തു തന്റെ അപ്പോ​സ്‌ത​ല​ന്മാ​രോട്‌ ഇടപെട്ട വിധം പരിചി​ന്തി​ക്കുക. അവൻ 12 പേരെ​യും സ്‌നേ​ഹി​ച്ചി​രു​ന്നു​വെ​ന്ന​തിന്‌ രണ്ടു പക്ഷമില്ല. എങ്കിലും ചില പ്രത്യേക സംഭവ​ങ്ങൾക്കു സാക്ഷി​ക​ളാ​കാൻ അവൻ അവരിൽ 3 പേരേ മാത്രമേ ക്ഷണിച്ചു​ള്ളൂ. അവന്റെ രൂപാ​ന്ത​രീ​ക​ര​ണ​വും യായീ​റൊ​സി​ന്റെ പുത്രി​യു​ടെ പുനരു​ത്ഥാ​ന​വും ആ സംഭവ​ങ്ങ​ളിൽ പെടുന്നു. (മത്തായി 17:1; മർക്കൊസ്‌ 5:37) മാത്രമല്ല, യോഹ​ന്നാൻ അപ്പോ​സ്‌ത​ല​നു​മാ​യി യേശു പ്രത്യേ​കി​ച്ചും അടുത്ത സൗഹൃദം ആസ്വദി​ച്ചി​രു​ന്നു. (യോഹ​ന്നാൻ 13:23; 19:26; 20:2; 21:7, 20) ഇത്‌ വ്യത്യസ്‌ത രീതി​യി​ലുള്ള ഇടപെ​ട​ലാ​യി​രു​ന്നോ? തീർച്ച​യാ​യും. അത്‌ അനീതി​യാ​യി​രു​ന്നോ? അശേഷമല്ല. ചില​രോട്‌ യേശു​വിന്‌ കൂടുതൽ അടുപ്പം ഉണ്ടായി​രു​ന്നി​രി​ക്കാ​മെ​ങ്കി​ലും അവൻ തന്റെ മറ്റ്‌ അപ്പോ​സ്‌ത​ല​ന്മാ​രു​ടെ ആവശ്യ​ങ്ങളെ അവഗണി​ച്ചില്ല.—മർക്കൊസ്‌ 6:31-34.

സമാന​മാ​യ വിധത്തിൽ, നിങ്ങളു​ടെ കൂടപ്പി​റ​പ്പു​ക​ളി​ലൊ​രാൾക്ക്‌ പ്രത്യേക ശ്രദ്ധ ലഭിക്കു​ന്നത്‌ അവന്റെ അല്ലെങ്കിൽ അവളുടെ കഴിവു​ക​ളോ വ്യക്തി​ത്വ​മോ ആവശ്യ​ങ്ങ​ളോ നിമി​ത്ത​മാ​യി​രി​ക്കാം. അവർക്കതു ലഭിക്കു​ന്നതു കാണു​മ്പോൾ നിങ്ങൾക്കു സ്വാഭാ​വി​ക​മാ​യും വിഷമം തോന്നി​യേ​ക്കാം. എന്നാൽ ചോദ്യ​മി​താണ്‌, നിങ്ങളു​ടെ ആവശ്യങ്ങൾ യഥാർഥ​ത്തിൽ അവഗണി​ക്ക​പ്പെ​ടു​ന്നു​ണ്ടോ? നിങ്ങൾക്ക്‌ മാതാ​പി​താ​ക്ക​ളു​ടെ ഉപദേ​ശ​മോ സഹായ​മോ പിന്തു​ണ​യോ ആവശ്യ​മു​ള്ള​പ്പോൾ അവർ നിങ്ങളെ സഹായി​ക്കാൻ തയ്യാറാ​ണോ? എങ്കിൽ നിങ്ങൾ അനീതിക്ക്‌ ഇരയാ​ണെന്ന്‌ യഥാർഥ​ത്തിൽ പറയാൻ കഴിയു​മോ? മറ്റുള്ള​വ​രോട്‌ അവരുടെ “ആവശ്യ​ങ്ങ​ള​നു​സ​രിച്ച്‌” പെരു​മാ​റാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (റോമർ 12:13, NW) നിങ്ങളും നിങ്ങളു​ടെ സഹോ​ദ​രീ​സ​ഹോ​ദ​രൻമാ​രും വ്യത്യസ്‌ത ആവശ്യ​ങ്ങ​ളുള്ള വ്യക്തി​ക​ളാ​ക​യാൽ മാതാ​പി​താ​ക്കൾക്ക്‌ നിങ്ങ​ളോട്‌ എല്ലായ്‌പോ​ഴും ഒരു​പോ​ലെ ഇടപെ​ടാൻ സാധി​ക്കില്ല.

അങ്ങനെ, ഒരു​പോ​ലെ​യുള്ള ഇടപെടൽ എല്ലായ്‌പോ​ഴും നീതി​പൂർവ​ക​മ​ല്ലെ​ന്നും നീതി​പൂർവ​ക​മായ ഇടപെടൽ എല്ലായ്‌പോ​ഴും ഒരു​പോ​ലെ​യു​ള്ള​ത​ല്ലെ​ന്നും നേരത്തേ ഉദ്ധരിച്ച ബെത്ത്‌ മനസ്സി​ലാ​ക്കാ​നി​ട​യാ​യി. അവൾ പറയുന്നു: “ഞാനും എന്റെ ആങ്ങളയും വ്യത്യ​സ്‌ത​രായ രണ്ടാളു​ക​ളാ​ണെ​ന്നും ഞങ്ങളോട്‌ വ്യത്യസ്‌ത രീതി​ക​ളിൽ ഇടപെ​ടേ​ണ്ട​തു​ണ്ടെ​ന്നും ഞാൻ മനസ്സി​ലാ​ക്കാ​നി​ട​യാ​യി. പിന്തി​രി​ഞ്ഞു​നോ​ക്കു​മ്പോൾ, കുറെ​ക്കൂ​ടെ ചെറു​പ്പ​മാ​യി​രു​ന്ന​പ്പോൾ എനിക്കത്‌ മനസ്സി​ലാ​ക്കാൻ കഴിയാ​ഞ്ഞ​തിൽ ഞാൻ അതിശ​യി​ക്കു​ന്നു. ആ പ്രായ​ത്തിൽ ഒരുവൻ കാര്യ​ങ്ങളെ വീക്ഷി​ക്കുന്ന വിധമാണ്‌ അതിനു കാരണ​മെന്ന്‌ ഞാൻ ഊഹി​ക്കു​ന്നു.”

വിവേ​ക​മു​ള്ള​വ​രാ​യി​രി​ക്കാൻ പഠിക്കൽ

അതേ, ‘ഒരുവൻ കാര്യ​ങ്ങളെ വീക്ഷി​ക്കുന്ന വിധം’ സാഹച​ര്യ​ത്തോട്‌ അയാൾ പ്രതി​ക​രി​ക്കുന്ന വിധത്തെ വളരെ​യ​ധി​കം സ്വാധീ​നി​ക്കു​ന്നു. നിറമുള്ള കണ്ണടകൾപോ​ലെ, കാര്യ​ങ്ങളെ യഥാർഥ​മ​ല്ലാത്ത വിധത്തിൽ കാണു​ന്ന​തിന്‌ വികാ​രങ്ങൾ നിങ്ങളെ ഇടയാ​ക്കു​ന്നു. മാതാ​പി​താ​ക്ക​ളു​ടെ ശ്രദ്ധയ്‌ക്കും അംഗീ​കാ​ര​ത്തി​നും വേണ്ടി​യുള്ള കുട്ടി​ക​ളു​ടെ വൈകാ​രി​കാ​വ​ശ്യം ശക്തമാണ്‌. ഗവേഷ​ക​രായ സ്റ്റീവൻ ബാങ്കും മൈക്കൽ കാനും ഇങ്ങനെ അഭി​പ്രാ​യ​പ്പെ​ടു​ന്നു: “വളരെ ഭിന്നരായ തങ്ങളുടെ കുട്ടി​ക​ളോട്‌ ഒരു​പോ​ലെ ഇടപെ​ടു​ക​യെന്ന അസാധ്യ സ്വപ്‌നം മാതാ​പി​താ​ക്കൾക്ക്‌ സാക്ഷാ​ത്‌ക​രി​ക്കാൻ കഴിഞ്ഞാൽത്ത​ന്നെ​യും മാതാ​പി​താ​ക്കൾ മറ്റു കുട്ടി​ക​ളിൽ ആരോ​ടെ​ങ്കി​ലും പ്രത്യേക വാത്സല്യം കാട്ടു​ന്ന​താ​യി ഓരോ കുട്ടി​ക്കും തോന്നും.”

ഉദാഹ​ര​ണ​ത്തിന്‌, തുടക്ക​ത്തിൽ ഉദ്ധരിച്ച മൂന്നു കുട്ടികൾ പറഞ്ഞ കാര്യം ഒന്നുകൂ​ടെ പരിചി​ന്തി​ക്കാം. അവർ സഹോ​ദ​രീ​സ​ഹോ​ദ​രൻമാ​രാണ്‌! എന്ന്‌ അറിയു​ന്നി​ല്ലെ​ങ്കിൽ അവരുടെ സ്ഥിതി നിരാ​ശാ​ജ​ന​ക​മാ​യി തോന്നും. അതേ, മറ്റുള്ള​വർക്ക്‌ കൂടുതൽ ശ്രദ്ധ ലഭിക്കു​ക​യാ​ണെ​ന്നും തന്നെ തഴയു​ക​യാ​ണെ​ന്നും അവരി​ലോ​രോ​രു​ത്ത​രും സങ്കൽപ്പി​ക്കു​ന്നു! അതു​കൊണ്ട്‌, മിക്ക​പ്പോ​ഴും നമ്മുടെ വീക്ഷണം കുറ​ച്ചൊ​ക്കെ വികല​മാണ്‌. “വിവേ​ക​മു​ള്ളവൻ ശാന്തമാ​നസ്സൻ ആകുന്നു” എന്ന്‌ സദൃശ​വാ​ക്യ​ങ്ങൾ 17:27, (NW) പറയുന്നു. വിവേ​ക​മു​ള്ള​വ​രാ​യി​രി​ക്കുക എന്നു പറഞ്ഞാൽ വികാ​ര​ങ്ങൾക്ക്‌ അടിമ​പ്പെ​ടാ​തെ കാര്യ​ങ്ങളെ അവ യഥാർഥ​ത്തിൽ ആയിരി​ക്കുന്ന വിധത്തിൽ, വസ്‌തു​നി​ഷ്‌ഠ​മാ​യി വീക്ഷി​ക്കുക എന്നാണർഥം. മാതാ​പി​താ​ക്കൾ നിങ്ങ​ളോ​ടെ​ല്ലാ​വ​രോ​ടും ഒരു​പോ​ലെയല്ല ഇടപെ​ടു​ന്ന​തെ​ങ്കിൽക്കൂ​ടി നിങ്ങളു​ടെ​യെ​ല്ലാ​വ​രു​ടെ​യും അത്യുത്തമ താത്‌പ​ര്യ​ങ്ങ​ളാണ്‌ തീർച്ച​യാ​യും അവരുടെ മനസ്സി​ലു​ള്ള​തെന്ന്‌ തിരി​ച്ച​റി​യാൻ വിവേകം നിങ്ങളെ സഹായി​ക്കും! ഇതു മനസ്സി​ലാ​ക്കു​ന്നത്‌ ദേഷ്യ​വും കാലു​ഷ്യ​വും ഉള്ളവരാ​യി​രി​ക്കു​ന്ന​തിൽനിന്ന്‌ നിങ്ങളെ തടയും.

എന്നാൽ, കിട്ടേണ്ട ശ്രദ്ധ കിട്ടാ​ത്ത​താ​യി നിങ്ങൾക്ക്‌ ന്യായ​മാ​യി തോന്നു​ന്നെ​ങ്കി​ലെന്ത്‌? നിങ്ങൾക്ക്‌ എന്തു ചെയ്യാൻ കഴിയും? ഇത്‌ ഉണരുക!യുടെ ഒരു ഭാവി ലക്കത്തിൽ പരിചി​ന്തി​ക്കു​ന്ന​താ​യി​രി​ക്കും.

[അടിക്കു​റി​പ്പു​കൾ]

[26-ാം പേജിലെ ചിത്രം]

വ്യത്യസ്‌ത രീതി​യി​ലുള്ള ഇടപെടൽ നീതി​ര​ഹി​ത​മാ​യി തോന്നി​യേ​ക്കാം