യുവജ​നങ്ങൾ ചോദി​ക്കു​ന്നു . . .

പക്ഷപാ​തത്തെ എനി​ക്കെ​ങ്ങനെ കൈകാ​ര്യം ചെയ്യാൻ കഴിയും?

“എന്റെ അനുജത്തി എന്നെക്കാൾ രണ്ടു വയസ്സിന്‌ ഇളപ്പമാണ്‌. അവൾക്കാണ്‌ എല്ലാ ശ്രദ്ധയും ലഭിക്കു​ന്നത്‌. . . . അതു ന്യായ​മാ​ണെന്ന്‌ എനിക്കു തോന്നു​ന്നില്ല.”—വീണ.a

നിങ്ങളു​ടെ സഹോ​ദ​ര​നോ സഹോ​ദ​രി​ക്കോ എത്രയ​ധി​കം ശ്രദ്ധ ലഭിക്കു​ന്നു​വോ നിങ്ങൾ അത്രയ​ധി​കം അവഗണി​ക്ക​പ്പെ​ടു​ന്ന​താ​യി തോന്നി​യേ​ക്കാം. തന്നെയു​മല്ല, ശ്രദ്ധേ​യ​മായ കഴിവു​ക​ളു​ള്ള​വ​രോ ഗുരു​ത​ര​മായ പ്രശ്‌നങ്ങൾ അഭിമു​ഖീ​ക​രി​ക്കു​ന്ന​വ​രോ അല്ലെങ്കിൽ താത്‌പ​ര്യ​ങ്ങ​ളി​ലും വ്യക്തിത്വ സവി​ശേ​ഷ​ത​ക​ളി​ലും മാതാ​പി​താ​ക്ക​ളോ​ടു സമാനത പുലർത്തു​ന്ന​വ​രോ ആയ കൂടപ്പി​റ​പ്പു​കൾ നിങ്ങൾക്കു​ണ്ടെ​ങ്കിൽ അൽപ്പ​മെ​ങ്കി​ലും ശ്രദ്ധ ലഭിക്കാൻ കഠിന​ശ്ര​മം​തന്നെ വേണ്ടി​വ​ന്നേ​ക്കാം! എത്രമാ​ത്രം അതി​നെ​ക്കു​റി​ച്ചു ചിന്തി​ക്കു​ന്നു​വോ അത്രയ​ധി​കം വേദന​യും കോപ​വും നിങ്ങൾക്കു തോന്നി​യേ​ക്കാം.b

എന്നിരു​ന്നാ​ലും, ബൈബിൾ മുന്നറി​യി​പ്പു നൽകുന്നു: “ക്ഷോഭി​ച്ചോ​ളൂ; പക്ഷേ പാപം ചെയ്യരുത്‌. നിങ്ങളു​ടെ കിടക്ക​ക​ളിൽ വച്ചു ഹൃദയം​കൊ​ണ്ടു സംവദി​ക്കുക; മൗനം പാലി​ക്കുക.” (സങ്കീർത്തനം 4:4, ഓശാന ബൈബിൾ) നിങ്ങൾ അസ്വസ്ഥ​നോ കോപി​ഷ്‌ഠ​നോ ആയിരി​ക്കു​മ്പോൾ പിന്നീടു ഖേദം തോന്നി​യേ​ക്കാ​വുന്ന എന്തെങ്കി​ലും പറയാ​നോ പ്രവർത്തി​ക്കാ​നോ വളരെ​യ​ധി​കം സാധ്യ​ത​യുണ്ട്‌. തന്റെ സഹോ​ദ​ര​നായ ഹാബെ​ലി​നു ദൈവ​മു​മ്പാ​കെ ഉണ്ടായി​രുന്ന സ്വീകാ​ര്യ​നില നിമിത്തം കയീൻ എപ്രകാ​രം അസ്വസ്ഥ​നാ​യി​ത്തീർന്നു​വെ​ന്നോർക്കുക. ദൈവം അവനു മുന്നറി​യി​പ്പു നൽകി: “പാപം വാതി​ല്‌ക്കൽ [പതുങ്ങി] കിടക്കു​ന്നു; അതിന്റെ ആഗ്രഹം നിങ്ക​ലേക്കു ആകുന്നു; നീയോ അതിനെ കീഴട​ക്കേണം.” (ഉല്‌പത്തി 4:3-16) കയീൻ തന്റെ വികാ​ര​ങ്ങളെ കീഴട​ക്കു​ന്ന​തിൽ പരാജി​ത​നാ​യി. ഫലം വിനാ​ശ​ക​ര​മാ​യി​രു​ന്നു!

തീർച്ച​യാ​യും നിങ്ങൾ കയീ​നെ​പ്പോ​ലെ ഒരു കൊല​പാ​ത​കി​യാ​യി​ത്തീ​രു​ന്ന​തി​ന്റെ വക്കി​ലെ​ത്തി​യി​ട്ടി​ല്ലാ​യി​രി​ക്കാം. എങ്കിലും, പക്ഷപാ​ത​ത്തി​നു മോശ​മായ ചിന്തക​ളും വികാ​ര​ങ്ങ​ളു​മു​ണർത്താൻ കഴിയും. അതു​കൊണ്ട്‌ ആപത്തുകൾ നിങ്ങളു​ടെ വാതിൽക്കൽ പതുങ്ങി​ക്കി​ട​ക്കു​ക​യാ​യി​രി​ക്കാം! അവയിൽ ചിലത്‌ എന്തൊ​ക്കെ​യാണ്‌? ഈ അവസ്ഥയെ കീഴട​ക്കാൻ നിങ്ങൾക്കെ​ങ്ങനെ സാധി​ക്കും?

നാവിനെ നിയ​ന്ത്രി​ക്കുക!

ബീനയ്‌ക്ക്‌ 13 വയസ്സു​ണ്ടാ​യി​രു​ന്ന​പ്പോൾ, മാതാ​പി​താ​ക്കൾ തന്റെ സഹോ​ദ​ര​നോ​ടു പക്ഷപാതം കാണി​ക്കു​ന്ന​താ​യും തന്നോട്‌ ന്യായ​ര​ഹി​ത​മാ​യി പെരു​മാ​റു​ന്ന​താ​യും അവൾക്കു തോന്നി. അവളി​ങ്ങനെ ഓർമി​ക്കു​ന്നു: “അമ്മയും ഞാനും പരസ്‌പരം വല്ലാതെ ഒച്ചവെ​ക്കു​മാ​യി​രു​ന്നു. പക്ഷേ അതു​കൊണ്ട്‌ യാതൊ​രു പ്രയോ​ജ​ന​വു​മി​ല്ലാ​യി​രു​ന്നു. അമ്മ പറയു​ന്നതു ഞാനൊ​രി​ക്ക​ലും ശ്രദ്ധി​ച്ചി​രു​ന്നില്ല. ഞാൻ പറയു​ന്നത്‌ അമ്മയും. അതു​കൊ​ണ്ടു​തന്നെ ഞങ്ങൾക്കു യാതൊ​ന്നും നേടാ​നും കഴിഞ്ഞില്ല.” ബഹളം കൂട്ടു​ന്നത്‌ മോശ​മായ അവസ്ഥയെ കൂടുതൽ വഷളാ​ക്കു​ക​യേ​യു​ള്ളു​വെന്നു നിങ്ങളും മനസ്സി​ലാ​ക്കി​യി​രി​ക്കാം. എഫെസ്യർ 4:31 പറയുന്നു: “എല്ലാ കൈപ്പും കോപ​വും ക്രോ​ധ​വും കൂററാ​ര​വും ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ.”

നിങ്ങളു​ടെ വീക്ഷണം വ്യക്തമാ​ക്കു​ന്ന​തിന്‌ ആക്രോ​ശി​ക്കേണ്ട ആവശ്യ​മില്ല. ശാന്തമായ സമീപനം സാധാ​ര​ണ​ഗ​തി​യിൽ കൂടുതൽ ഫലപ്ര​ദ​മാണ്‌. സദൃശ​വാ​ക്യ​ങ്ങൾ 25:15 ഇങ്ങനെ പറയുന്നു: “ദീർഘ​ക്ഷാ​ന്തി​കൊ​ണ്ടു ന്യായാ​ധി​പന്നു സമ്മതം വരുന്നു; മൃദു​വാ​യുള്ള നാവു അസ്ഥിയെ നുറു​ക്കു​ന്നു.” അതു​കൊണ്ട്‌ മാതാ​പി​താ​ക്കൾ പക്ഷപാതം കാണി​ക്കു​ന്ന​താ​യി തോന്നു​ന്നെ​ങ്കിൽ, അലറു​ക​യോ ആരോ​പ​ണ​ങ്ങ​ളു​ന്ന​യി​ക്കു​ക​യോ ചെയ്യാ​തി​രി​ക്കുക. അനു​യോ​ജ്യ​മായ ഒരു അവസര​ത്തി​നു​വേണ്ടി കാത്തി​രുന്ന്‌ സൗമ്യ​മാ​യി, ആദര​വോ​ടു​കൂ​ടി അവരോ​ടു സംസാ​രി​ക്കുക.—സദൃശ​വാ​ക്യ​ങ്ങൾ 15:23 താരത​മ്യം ചെയ്യുക.

മാതാ​പി​താ​ക്ക​ളു​ടെ കുറവു​ക​ളിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ അല്ലെങ്കിൽ അവർ ‘ന്യായ​ര​ഹി​ത​മാ​യി’ പെരു​മാ​റു​ന്നു​വെന്നു കുറ്റ​പ്പെ​ടു​ത്തു​ന്നെ​ങ്കിൽ നിങ്ങൾ അവരെ അകറ്റി​ക്ക​ള​യു​ക​യോ ആരോ​പ​ണ​ങ്ങളെ ചെറു​ക്കാൻ അവരെ പ്രേരി​പ്പി​ക്കു​ക​യോ മാത്രമേ ചെയ്യു​ക​യു​ള്ളൂ. അതിനു പകരം അവരുടെ ചെയ്‌തി​കൾ നിങ്ങളെ എങ്ങനെ ബാധിച്ചു എന്നതിൽ ശ്രദ്ധ കേന്ദ്രീ​ക​രി​ക്കുക. (‘നിങ്ങ​ളെന്നെ അവഗണി​ക്കു​മ്പോൾ എനിക്കു വല്ലാതെ വിഷമം തോന്നാ​റുണ്ട്‌,’ എന്നതു​പോ​ലെ.) സാധ്യ​ത​യ​നു​സ​രിച്ച്‌, അവർ നിങ്ങളു​ടെ വികാ​ര​ങ്ങളെ കൂടുതൽ ഗൗരവ​പൂർവം പരിഗ​ണി​ച്ചേ​ക്കും. കൂടാതെ “കേൾപ്പാൻ വേഗത”യുള്ളവ​രാ​യി​രി​ക്കുക. (യാക്കോബ്‌ 1:19) നിങ്ങളു​ടെ കൂടപ്പി​റ​പ്പി​നു കൂടുതൽ ശ്രദ്ധ നൽകു​ന്ന​തിന്‌ നിങ്ങളു​ടെ മാതാ​പി​താ​ക്കൾക്ക്‌ ഒരുപക്ഷേ ന്യായ​മായ കാരണ​ങ്ങ​ളു​ണ്ടാ​യി​രി​ക്കാം. ഒരുപക്ഷേ നിങ്ങൾക്ക​റി​യി​ല്ലാത്ത പ്രശ്‌നങ്ങൾ അവനു​ണ്ടാ​യി​രി​ക്കാം.

പക്ഷേ, കോപി​ഷ്‌ഠ​നാ​യി​രി​ക്കു​മ്പോൾ പൊട്ടി​ത്തെ​റി​ക്കാ​നോ, പരുഷ​മാ​യി സംസാ​രി​ക്കാ​നോ നിങ്ങൾ ചായ്‌വു​ള്ള​വ​നാ​ണെ​ങ്കി​ലെന്ത്‌? സദൃശ​വാ​ക്യ​ങ്ങൾ 25:28 “ആത്മസം​യമം ഇല്ലാത്ത പുരുഷ”നെ ‘മതിൽ ഇല്ലാത്ത’ പട്ടണ​ത്തോ​ടു താരത​മ്യ​പ്പെ​ടു​ത്തി​യി​രി​ക്കു​ന്നു. അയാൾ തന്റെ സ്വന്തം അപൂർണ​മായ ചായ്‌വു​കൾക്ക്‌ അധീന​നാ​കാൻ സാധ്യ​ത​യുണ്ട്‌. അതേസ​മയം നിങ്ങളു​ടെ വികാ​ര​ങ്ങ​ള​ട​ക്കാ​നുള്ള കഴിവ്‌ യഥാർഥ ശക്തിയു​ടെ തെളി​വാണ്‌! (സദൃശ​വാ​ക്യ​ങ്ങൾ 16:32) അങ്ങനെ​യെ​ങ്കിൽ, നിങ്ങളു​ടെ വികാ​രങ്ങൾ വാക്കു​ക​ളി​ലൂ​ടെ പ്രകടി​പ്പി​ക്കു​ന്ന​തി​നു​മുമ്പ്‌ ശാന്തനാ​കു​ന്ന​തു​വരെ, ഒരുപക്ഷേ അടുത്ത ദിവസം​വരെ എന്തു​കൊ​ണ്ടു നിങ്ങൾക്കു കാത്തി​രു​ന്നു​കൂ​ടാ? അത്തര​മൊ​രു അവസ്ഥ ഒഴിവാ​ക്കു​ന്ന​തി​നുള്ള ഒരു മാർഗ​മെ​ന്ന​നി​ല​യിൽ, ഒന്നു നടക്കാൻ പോകു​ന്ന​തോ അൽപ്പം വ്യായാ​മം ചെയ്യു​ന്ന​തോ സഹായ​ക​മാ​ണെന്നു നിങ്ങൾ കണ്ടെത്തി​യേ​ക്കാം. (സദൃശ​വാ​ക്യ​ങ്ങൾ 17:14) നാവിനെ നിയ​ന്ത്രി​ക്കു​ന്ന​തി​നാൽ വേദനി​പ്പി​ക്കു​ന്ന​തോ വിവേ​ക​ശൂ​ന്യ​മോ ആയ എന്തെങ്കി​ലും പറയു​ന്നത്‌ ഒഴിവാ​ക്കാൻ നിങ്ങൾക്കു കഴിയും.—സദൃശ​വാ​ക്യ​ങ്ങൾ 10:19; 13:3; 17:27.

തന്ത്രപ​ര​മായ അനുസ​ര​ണ​ക്കേട്‌

ഒഴിവാ​ക്കേണ്ട മറ്റൊരു കെണി​യാണ്‌ അനുസ​ര​ണ​ക്കേട്‌. തന്റെ കൊച്ച​നു​ജൻ കുടും​ബ​ബൈ​ബി​ള​ധ്യ​യനം അലങ്കോ​ല​പ്പെ​ടു​ത്തി​യാ​ലും അവനെ ഒരിക്ക​ലും ശിക്ഷി​ക്കാ​റി​ല്ലെന്നു പതിനാ​റു വയസ്സു​കാ​രി​യായ മീനയു​ടെ ശ്രദ്ധയിൽപ്പെട്ടു. പക്ഷപാതം കാണി​ക്കു​ന്ന​താ​യി​ട്ടാണ്‌ അവൾക്കു തോന്നി​യത്‌. ഇതിൽ നീരസം തോന്നിയ അവൾ അധ്യയ​ന​ത്തിൽ പങ്കെടു​ക്കാൻ വിസമ്മ​തി​ച്ചു​കൊണ്ട്‌ “സമരം” തുടങ്ങി. നിങ്ങ​ളോട്‌ അന്യായം കാണി​ച്ചെന്നു തോന്നിയ ഏതെങ്കി​ലും അവസര​ത്തിൽ നിശ്ശബ്ദ​മായ അവഗണ​ന​യോ നിസ്സഹ​ക​ര​ണ​മോ പ്രതി​ഷേധം കാണി​ക്കാ​നുള്ള ഉപാധി​യാ​യി നിങ്ങൾ തിര​ഞ്ഞെ​ടു​ത്തി​ട്ടു​ണ്ടോ?

അങ്ങനെ​യെ​ങ്കിൽ, അത്തരം തന്ത്രപ​ര​മായ സമരമു​റകൾ നിങ്ങളു​ടെ മാതാ​പി​താ​ക്കളെ ബഹുമാ​നി​ക്കു​ക​യും അനുസ​രി​ക്കു​ക​യും ചെയ്യാ​നുള്ള ബൈബിൾ കൽപ്പന​യ്‌ക്കു കടകവി​രു​ദ്ധ​മാ​ണെന്നു തിരി​ച്ച​റി​യുക. (എഫെസ്യർ 6:1, 2) മാത്രമല്ല, അനുസ​ര​ണ​ക്കേട്‌ മാതാ​പി​താ​ക്ക​ളു​മാ​യുള്ള നിങ്ങളു​ടെ ബന്ധത്തിനു തുരങ്കം​വെ​ക്കു​ക​യും ചെയ്യുന്നു. മാതാ​പി​താ​ക്ക​ളു​മാ​യി പ്രശ്‌നം തുറന്നു ചർച്ച ചെയ്യു​ക​യാണ്‌ മെച്ചം. സദൃശ​വാ​ക്യ​ങ്ങൾ 24:26 “നേരുള്ള ഉത്തരം പറയു​ന്നവൻ” മറ്റുള്ള​വ​രു​ടെ ബഹുമാ​നം നേടി​യെ​ടു​ക്കു​ന്നു​വെന്നു പറയുന്നു. മീന തന്റെ അമ്മയു​മാ​യി പ്രശ്‌നം ചർച്ച​ചെ​യ്‌ത​പ്പോൾ അവർ ഒരു പരസ്‌പര ധാരണ​യി​ലെ​ത്തി​ച്ചേർന്നു. അങ്ങനെ കാര്യങ്ങൾ മെച്ച​പ്പെ​ടാൻ തുടങ്ങി.

ഒറ്റപ്പെ​ട​ലി​ന്റെ അപകടം

പക്ഷപാ​തത്തെ നേരി​ടാ​നു​പ​യോ​ഗി​ക്കുന്ന മറ്റൊരു ആപത്‌ക​ര​മായ വിധമാണ്‌ കുടും​ബ​ത്തിൽനിന്ന്‌ അകലു​ക​യോ ശ്രദ്ധയ്‌ക്കു​വേണ്ടി അവിശ്വാ​സി​ക​ളി​ലേക്കു തിരി​യു​ക​യോ ചെയ്യു​ന്നത്‌. കമലിന്റെ കാര്യ​ത്തിൽ ഇതാണു സംഭവി​ച്ചത്‌: “ഞാനെന്റെ കുടും​ബ​ത്തിൽനിന്ന്‌ സ്വയം ഒറ്റപ്പെ​ടു​ക​യും സ്‌കൂ​ളി​ലെ ലൗകിക സുഹൃ​ത്തു​ക്ക​ളി​ലേക്കു തിരി​യു​ക​യും ചെയ്‌തു. എനിക്കു കാമു​ക​ന്മാർപോ​ലും ഉണ്ടായി​രു​ന്നു. പക്ഷേ എന്റെ മാതാ​പി​താ​ക്കൾക്ക്‌ അതേക്കു​റിച്ച്‌ അറിവു​ണ്ടാ​യി​രു​ന്നില്ല. എങ്കിലും, എന്റെ പോക്ക്‌ ശരിയ​ല്ലെന്ന്‌ അറിയാ​മാ​യി​രു​ന്ന​തി​നാൽ പിന്നീട്‌ വളരെ​യേറെ വിഷാ​ദ​വും കുറ്റ​ബോ​ധ​വും എനിക്ക​നു​ഭ​വ​പ്പെട്ടു. ആ സാഹച​ര്യ​ത്തിൽനി​ന്നു രക്ഷപ്പെ​ട​ണ​മെന്നു ഞാനാ​ഗ്ര​ഹി​ച്ചു, പക്ഷേ മാതാ​പി​താ​ക്ക​ളോട്‌ അതേപ്പറ്റി പറയാൻ ഒരു മാർഗ​വും എന്റെ മുമ്പിൽ തെളി​ഞ്ഞില്ല.”

നിങ്ങളു​ടെ കുടും​ബ​ത്തിൽനി​ന്നും സഹവി​ശ്വാ​സി​ക​ളിൽനി​ന്നും സ്വയം ഒറ്റപ്പെ​ടു​ത്തു​ന്നത്‌ അപകട​ക​ര​മാണ്‌—പ്രത്യേ​കി​ച്ചു നിങ്ങൾ അസ്വസ്ഥ​നും ശരിയാം​വി​ധം ചിന്തി​ക്കാൻ അപ്രാ​പ്‌ത​നും ആയിരി​ക്കു​മ്പോൾ. സദൃശ​വാ​ക്യ​ങ്ങൾ 18:1 മുന്നറി​യി​പ്പു നൽകുന്നു: “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും അവൻ കയർക്കു​ന്നു.” ഈ സമയങ്ങ​ളിൽ മാതാ​പി​താ​ക്കളെ സമീപി​ക്കാൻ ബുദ്ധി​മു​ട്ടു തോന്നു​ന്നെ​ങ്കിൽ സദൃശ​വാ​ക്യ​ങ്ങൾ 17:17-ൽ പറഞ്ഞി​രി​ക്കു​ന്ന​തു​പോ​ലുള്ള ഒരു സുഹൃ​ത്തി​നെ നേടാൻ ശ്രമി​ക്കുക. “സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു.” സാധാ​ര​ണ​ഗ​തി​യിൽ അത്തരം ‘ഒരു യഥാർഥ സ്‌നേ​ഹി​തനെ’ ഏറ്റവും എളുപ്പം കണ്ടെത്താൻ കഴിയു​ന്നത്‌ സഭയിലെ പക്വത​യു​ള്ള​വ​രു​ടെ ഇടയി​ലാണ്‌.

കമൽ അവൾക്കാ​വ​ശ്യ​മു​ണ്ടാ​യി​രുന്ന സമയത്ത്‌ ‘ഒരു യഥാർഥ സ്‌നേ​ഹി​തനെ’ കണ്ടെത്തി: “സർക്കിട്ട്‌ മേൽവി​ചാ​രകൻ [സഞ്ചാര ശുശ്രൂ​ഷകൻ] ഞങ്ങളുടെ സഭയെ സന്ദർശി​ച്ച​പ്പോൾ അദ്ദേഹ​ത്തോ​ടൊ​പ്പം ശുശ്രൂ​ഷ​യി​ലേർപ്പെ​ടാൻ എന്റെ മാതാ​പി​താ​ക്കൾ എന്നെ പ്രോ​ത്സാ​ഹി​പ്പി​ച്ചു. അദ്ദേഹ​വും ഭാര്യ​യും തികച്ചും യാഥാർഥ്യ​ബോ​ധ​മു​ള്ള​വ​രാ​യി​രു​ന്നു. അവരെ​ന്നിൽ യഥാർഥ താത്‌പ​ര്യം കാണിച്ചു. എനിക്ക്‌ അവരു​മാ​യി മനസ്സു​തു​റന്നു സംസാ​രി​ക്കാൻ കഴിഞ്ഞു. അവരെന്നെ കുറ്റ​പ്പെ​ടു​ത്തു​മെന്ന ഭയം എനിക്കു​ണ്ടാ​യില്ല. ഒരുവൻ ഒരു ക്രിസ്‌ത്യാ​നി​യാ​യി വളർത്ത​പ്പെട്ടു എന്നതു​കൊ​ണ്ടു മാത്രം അയാൾ കുറ്റമറ്റ വ്യക്തി​യാ​യി​രി​ക്ക​ണ​മെന്ന്‌ അർഥമി​ല്ലെന്ന്‌ അവർക്ക​റി​യാ​മാ​യി​രു​ന്നു.” അവരുടെ പ്രോ​ത്സാ​ഹ​ന​വും പക്വത​യാർന്ന ബുദ്ധ്യു​പ​ദേ​ശ​വും മാത്ര​മാ​യി​രു​ന്നു കമലിനു വേണ്ടി​യി​രു​ന്ന​തും!—സദൃശ​വാ​ക്യ​ങ്ങൾ 13:20.

ഈർഷ്യ​യു​ടെ അപകടം

സദൃശ​വാ​ക്യ​ങ്ങൾ 27:4 മുന്നറി​യി​പ്പു നൽകുന്നു: “ക്രോധം ക്രൂര​വും കോപം പ്രളയ​വും ആകുന്നു; ജാരശ​ങ്ക​യു​ടെ [“അസൂയ​യു​ടെ,” NW] മുമ്പി​ലോ ആർക്കു നില്‌ക്കാം?” പ്രീതി​ക്കു പാത്ര​മായ ഒരു കൂടപ്പി​റ​പ്പി​നോ​ടുള്ള ഈർഷ്യ​യും അസൂയ​യും ചില യുവജ​ന​ങ്ങളെ വീണ്ടു​വി​ചാ​ര​മി​ല്ലാത്ത പ്രവൃ​ത്തി​ക​ളി​ലേക്കു നയിച്ചി​ട്ടുണ്ട്‌. ഒരു സ്‌ത്രീ ഇങ്ങനെ ഏറ്റുപ​റ​യു​ന്നു: “എനിക്കു ചെറു​പ്പ​ത്തിൽ കട്ടികു​റഞ്ഞ്‌, ഉള്ളില്ലാത്ത ചെമ്പിച്ച മുടി​യാ​ണു​ണ്ടാ​യി​രു​ന്നത്‌. അതേസ​മയം എന്റെ സഹോ​ദ​രിക്ക്‌ അരക്കെ​ട്ടി​നു താഴെ​വരെ എത്തുന്ന നല്ല ഉള്ളുള്ള മനോ​ഹ​ര​മായ സ്വർണ മുടി​യു​ണ്ടാ​യി​രു​ന്നു. അച്ഛനെ​പ്പോ​ഴും അവളുടെ മുടിയെ പുകഴ്‌ത്തി​പ്പ​റ​യാ​റു​ണ്ടാ​യി​രു​ന്നു. അദ്ദേഹം അവളെ തന്റെ ‘റാപുൺസേൽ’ എന്നാണു വിളി​ച്ചി​രു​ന്നത്‌. ഒരു രാത്രി അവളു​റ​ങ്ങി​ക്കി​ട​ക്കു​മ്പോൾ ഞാൻ അമ്മയുടെ തയ്യൽക്ക​ത്രിക എടുത്ത്‌ ഒച്ചയു​ണ്ടാ​ക്കാ​തെ അവളുടെ കിടക്ക​യു​ടെ അടുത്തു​ചെന്ന്‌ എനിക്കു സാധി​ച്ചി​ട​ത്തോ​ളം മുടി മുറി​ച്ചു​ക​ളഞ്ഞു.”—അഡെൽ ഫാബറി​ന്റെ​യും ഇലേൻ മസ്ലിഷി​ന്റെ​യും ശത്രു​ത​യി​ല്ലാത്ത കൂടപ്പി​റ​പ്പു​കൾ (ഇംഗ്ലീഷ്‌).

ബൈബിൾ ഈർഷ്യ​യെ ദുഷ്ടമായ “ജഡത്തിന്റെ പ്രവൃ​ത്തിക”ളിലൊ​ന്നാ​യി തിരി​ച്ച​റി​യി​ച്ചി​രി​ക്കു​ന്ന​തിൽ യാതൊ​ര​ത്ഭു​ത​വു​മില്ല. (ഗലാത്യർ 5:19-21; റോമർ 1:28-32) എന്നിരു​ന്നാ​ലും, “ഈർഷ്യ കാണി​ക്കാ​നുള്ള ചായ്‌വ്‌” നമ്മി​ലെ​ല്ലാ​വ​രി​ലു​മുണ്ട്‌. (യാക്കോബ്‌ 4:5, NW) അതു​കൊണ്ട്‌, കൂടപ്പി​റ​പ്പി​നെ കുഴപ്പ​ത്തിൽ ചാടി​ക്കു​ന്ന​തി​നോ അവനു ചീത്ത​പ്പേ​രു​ണ്ടാ​ക്കു​ന്ന​തി​നോ ഏതെങ്കി​ലു​മൊ​ക്കെ വിധത്തിൽ അവനെ താഴ്‌ത്തി​ക്കെ​ട്ടു​ന്ന​തി​നോ ശ്രമി​ക്കു​ന്നെ​ങ്കിൽ ഈർഷ്യ വാസ്‌ത​വ​മാ​യും ‘വാതിൽക്കൽ പതുങ്ങി​ക്കി​ട​ക്കു​ക​യാ​യി​രി​ക്കാം,’ നിങ്ങളു​ടെ​മേൽ ആധിപ​ത്യ​മു​റ​പ്പി​ക്കാൻ ശ്രമി​ച്ചു​കൊണ്ട്‌!

അത്തരം ദ്രോ​ഹ​ക​ര​മായ വികാ​രങ്ങൾ നിങ്ങളു​ടെ മനസ്സിൽ ഗൂഢമാ​യി നിലനിൽക്കു​ന്നു​വെന്നു മനസ്സി​ലാ​ക്കു​ന്നെ​ങ്കിൽ നിങ്ങ​ളെന്തു ചെയ്യണം? ഒന്നാമ​താ​യി ദൈവ​ത്തോട്‌ അവന്റെ ആത്മാവി​നു​വേണ്ടി പ്രാർഥി​ച്ചു​നോ​ക്കുക. ഗലാത്യർ 5:16 ഇങ്ങനെ പറയുന്നു: “ആത്മാവി​നെ അനുസ​രി​ച്ചു​ന​ട​പ്പിൻ; എന്നാൽ നിങ്ങൾ ജഡത്തിന്റെ മോഹം നിവർത്തി​ക്ക​യില്ല.” (തീത്തൊസ്‌ 3:3-7 താരത​മ്യം ചെയ്യുക.) കൂടപ്പി​റ​പ്പി​നോ​ടുള്ള നമ്മുടെ യഥാർഥ വികാ​ര​മെ​ന്തെന്നു വിലയി​രു​ത്താ​നും അതു നമ്മെ സഹായി​ച്ചേ​ക്കാം. നീരസ​മൊ​ക്കെ​യു​ണ്ടെ​ങ്കി​ലും നിങ്ങൾക്ക്‌ അവനോട്‌ അൽപ്പം​പോ​ലും സ്‌നേ​ഹ​മി​ല്ലെന്നു തീർത്തു പറയാൻ കഴിയു​മോ? കൊള്ളാം, തിരു​വെ​ഴു​ത്തു​കൾ “സ്‌നേഹം സ്‌പർദ്ധി​ക്കു​ന്നില്ല” എന്നു നമ്മോടു പറയുന്നു. (1 കൊരി​ന്ത്യർ 13:4) അതു​കൊണ്ട്‌ നിഷേ​ധാ​ത്മ​ക​വും ഈർഷ്യ​യു​ണർത്തു​ന്ന​തു​മായ കാര്യ​ങ്ങ​ളെ​ക്കു​റി​ച്ചു മാത്രം ചിന്തി​ക്കാ​തി​രി​ക്കുക. അവനോ അവൾക്കോ ഏതെങ്കി​ലും തരത്തി​ലുള്ള പ്രത്യേക ശ്രദ്ധ നിങ്ങളു​ടെ മാതാ​പി​താ​ക്ക​ളിൽനി​ന്നു ലഭിക്കു​ന്നു​ണ്ടെ​ങ്കിൽ അവരോ​ടൊ​ത്തു സന്തോ​ഷി​ക്കാൻ ശ്രമി​ക്കുക.—റോമർ 12:15 താരത​മ്യം ചെയ്യുക.

മാതാ​പി​താ​ക്ക​ളു​മാ​യുള്ള നിങ്ങളു​ടെ സംഭാ​ഷ​ണ​വും ഈ വിഷയ​ത്തിൽ സഹായ​ക​മാ​യേ​ക്കാം. നിങ്ങൾക്കു കൂടുതൽ ശ്രദ്ധ നൽകേ​ണ്ട​തു​ണ്ടെന്ന്‌ അവർക്കു ബോധ്യം​വ​ന്നാൽ കൂടപ്പി​റ​പ്പി​നോ​ടു തോന്നുന്ന ഈർഷ്യ​പൂണ്ട ചിന്തകൾ ഒഴിവാ​ക്കാൻ അതു നിങ്ങളെ വളരെ​യേറെ സഹായി​ച്ചേ​ക്കാം. എന്നാൽ വീട്ടിൽ കാര്യങ്ങൾ മെച്ച​പ്പെ​ടു​ന്നു​മില്ല, പക്ഷപാതം തുടരു​ക​യും ചെയ്യു​ന്നെ​ങ്കി​ലെന്ത്‌? കോപാ​കു​ല​നാ​കു​ക​യോ ആക്രോ​ശി​ക്കു​ക​യോ മാതാ​പി​താ​ക്ക​ളോ​ടു മത്സരി​ക്കു​ക​യോ ചെയ്യരുത്‌. സഹായ​മ​ന​സ്ഥി​തി​യും അനുസരണ മനോ​ഭാ​വ​വും കാണി​ക്കു​ന്ന​തിൽ തുടരാൻ ശ്രമി​ക്കുക. അത്യാ​വ​ശ്യ​മെ​ങ്കിൽ ക്രിസ്‌തീ​യ​സ​ഭ​യി​ലെ പക്വത​യു​ള്ള​വ​രിൽനി​ന്നും സഹായ​മാ​വ​ശ്യ​പ്പെ​ടുക. എല്ലാറ്റി​നും മീതെ, യഹോ​വ​യാം ദൈവ​വു​മാ​യി അടുത്ത ബന്ധം പുലർത്തുക. സങ്കീർത്ത​ന​ക്കാ​രന്റെ പിൻവ​രുന്ന വാക്കുകൾ ഓർമി​ക്കുക: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും”—സങ്കീർത്തനം 27:10.

[അടിക്കു​റി​പ്പു​കൾ]

[19-ാം പേജിലെ ചിത്രം]

നിങ്ങൾ അവഗണി​ക്ക​പ്പെ​ട്ട​താ​യി തോന്നു​ന്നു​വെന്നു വിശദീ​ക​രി​ക്കു​ന്നത്‌ ഒരുപക്ഷേ പ്രശ്‌നം പരിഹ​രി​ച്ചേ​ക്കാം