കറുത്ത മരണം ലോക​ത്തി​ന്റെ അവസാ​ന​മാ​യി​രു​ന്നില്ല

ആയിര​ത്തി​മു​ന്നൂ​റ്റി​നാൽപ്പ​ത്തേഴ്‌ ഒക്‌ടോ​ബർ. പൗരസ്‌ത്യ​ദേ​ശ​ത്തു​നി​ന്നുള്ള വാണിജ്യ കപ്പലുകൾ സിസി​ലി​യി​ലെ മെസീ​ന​യു​ടെ തുറമു​ഖത്തു വന്നണഞ്ഞു. അമരത്ത്‌ രോഗ​ബാ​ധി​ത​രായ, മരിച്ചു​കൊ​ണ്ടി​രി​ക്കുന്ന പുരു​ഷ​ന്മാർ. അവരുടെ ശരീര​ത്തി​ലെ, മുട്ടയു​ടെ വലുപ്പ​ത്തി​ലുള്ള ഇരുണ്ട മുഴക​ളിൽനിന്ന്‌ രക്തവും ചലവും ഒലിക്കു​ന്നു. ഒപ്പം കടുത്ത വേദന​യും. രോഗ​ത്തി​ന്റെ ആദ്യല​ക്ഷ​ണങ്ങൾ പ്രകട​മാ​യി ഏതാനും ദിവസ​ങ്ങൾക്കകം അവർ മരിച്ചു.

പ്രദേ​ശ​ത്തു​ള്ള മറ്റു കരണ്ടു​തീ​നി​ക​ളോ​ടൊ​പ്പം ചേരാൻ കപ്പലി​ലുള്ള എലികൾ പുറ​ത്തേക്കു ചാടി. മനുഷ്യ ജീവനു ഭീഷണി​യു​യർത്തുന്ന ഒരുതരം രോഗാ​ണു​ക്കൾ ബാധി​ച്ചി​രുന്ന ചെള്ളു​ക​ളു​ടെ വാഹക​രാ​യി​രു​ന്നു ഈ എലികൾ. അങ്ങനെ പ്ലേഗ്‌ എന്നറി​യ​പ്പെ​ടുന്ന പകർച്ച​വ്യാ​ധി—അതായത്‌, കറുത്ത മരണം—പടർന്നു​പി​ടി​ച്ചു. യൂറോ​പ്പി​ന്റെ ചരി​ത്ര​ത്തിൽ ഉണ്ടായി​ട്ടു​ള്ള​തി​ലേ​ക്കും​വെച്ച്‌ ഏറ്റവും വിപത്‌ക​ര​മായ പകർച്ച​വ്യാ​ധി​യാ​യി​രു​ന്നു അത്‌.

രണ്ടിനം പ്ലേഗ്‌ ഉണ്ടായി​രു​ന്നു. രോഗാ​ണു ബാധി​ച്ചി​രുന്ന ചെള്ളിന്റെ കടിയി​ലൂ​ടെ പകർന്ന്‌ രക്തത്തിൽ വ്യാപിച്ച്‌, മുഴക​ളും ആന്തര രക്തസ്രാ​വ​വും ഉളവാ​ക്കി​യി​രു​ന്നു ഒരിനം. മറ്റൊന്ന്‌ ശ്വാസ​കോ​ശത്തെ ബാധി​ക്കു​ന്ന​താ​യി​രു​ന്നു. ചുമയി​ലൂ​ടെ​യോ തുമ്മലി​ലൂ​ടെ​യോ ആണ്‌ അതു മറ്റുള്ള​വ​രി​ലേക്കു പകർന്നി​രു​ന്നത്‌. പ്ലേഗിന്റെ രണ്ടിന​വും നിലവി​ലു​ണ്ടാ​യി​രു​ന്ന​തി​നാൽ രോഗം ശീഘ്ര​ഗ​തി​യിൽ, ഭീതി​ദ​മാം​വി​ധം പടർന്നു​പി​ടി​ച്ചു. വെറും മൂന്നു വർഷം​കൊണ്ട്‌ അത്‌ യൂറോ​പ്പി​ലെ ജനസം​ഖ്യ​യു​ടെ കാൽഭാ​ഗത്തെ തുടച്ചു​നീ​ക്കി; 2.5 കോടി ആളുക​ളെ​ങ്കി​ലും മരിച്ചു​പോ​യി​രി​ക്കാം.

രോഗം പകരു​ന്നത്‌ എങ്ങനെ​യെന്ന്‌ അക്കാലത്ത്‌ ആർക്കും അറിയി​ല്ലാ​യി​രു​ന്നു. ഒരു ഭൂകമ്പ​മോ ഗ്രഹനി​ല​യിൽ വന്ന അസാധാ​രണ മാറ്റമോ ഹേതു​വാ​യി വായു വിഷലി​പ്‌ത​മാ​യി​രി​ക്കാ​മെന്നു ചിലർ വിശ്വ​സി​ച്ചു. മറ്റു ചിലരാ​കട്ടെ, രോഗ​ബാ​ധി​ത​നായ ഒരു വ്യക്തിയെ നോക്കി​യാൽ മതി രോഗം പിടി​പെ​ടാൻ എന്നു കരുതി. അഭി​പ്രാ​യങ്ങൾ വ്യത്യ​സ്‌ത​മാ​യി​രു​ന്നെ​ങ്കി​ലും രോഗം അങ്ങേയറ്റം സാം​ക്ര​മി​ക​മാ​യി​രു​ന്നെന്നു വ്യക്തം. രോഗി​യായ ഒരു വ്യക്തി​യിൽനിന്ന്‌ “മുഴു​ലോ​ക​ത്തി​നും രോഗം പിടി​പെടാ”മെന്ന പോലെ കാണ​പ്പെ​ട്ട​താ​യി ഫ്രഞ്ചു​കാ​ര​നായ ഒരു ഡോക്‌ടർ അഭി​പ്രാ​യ​പ്പെട്ടു.

ആളുകൾക്ക്‌ രോഗ​പ്ര​തി​രോ​ധ​ത്തി​നോ രോഗ​നി​വാ​ര​ണ​ത്തി​നോ ഉള്ള മാർഗ​ങ്ങ​ളൊ​ന്നും അറിയി​ല്ലാ​യി​രു​ന്നു. പലരും അന്ത്യകാ​ലത്ത്‌ പകർച്ച​വ്യാ​ധി​ക​ളു​ണ്ടാ​കു​മെന്നു മുൻകൂ​ട്ടി​പ്പറഞ്ഞ, ലൂക്കൊസ്‌ 21:11-ൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലുള്ള ബൈബിൾ പ്രവച​നങ്ങൾ ഓർത്തു. പള്ളിക​ളി​ലേക്കു പണം ഒഴുകി​യെ​ങ്കി​ലും പ്ലേഗ്‌ അതിന്റെ സംഹാ​ര​താ​ണ്ഡവം തുടർന്നു. അക്കാലത്ത്‌ ഒരു ഇറ്റലി​ക്കാ​രൻ എഴുതി: “ആരെങ്കി​ലും മരിച്ചാൽ, അയാളു​ടെ നഷ്ടം എത്ര വലുതാ​യി​രു​ന്നാ​ലും, പള്ളിമ​ണി​കൾ മുഴങ്ങു​ക​യോ ആരെങ്കി​ലും അയാ​ളെ​ച്ചൊ​ല്ലി വിലപി​ക്കു​ക​യോ ചെയ്‌തില്ല. കാരണം എല്ലാവ​രും​തന്നെ മരണം പ്രതീ​ക്ഷി​ച്ചി​രു​ന്നു . . . ‘ഇത്‌ ലോകാ​വ​സാ​ന​മാണ്‌’ എന്ന്‌ ആളുകൾ പറയു​ക​യും വിശ്വ​സി​ക്കു​ക​യും ചെയ്‌തു.”

എന്നാൽ അത്‌ അവസാ​ന​മാ​യി​രു​ന്നില്ല. 14-ാം നൂറ്റാ​ണ്ടി​ന്റെ അവസാ​ന​ത്തോ​ടെ പ്ലേഗ്‌ അപ്രത്യ​ക്ഷ​മാ​യി. ലോകം പിന്നെ​യും മുമ്പോ​ട്ടു പോയി.

[3-ാം പേജിലെ ചിത്ര​ത്തിന്‌ കടപ്പാട്‌]

Archive Photos