ലോകത്തെ വീക്ഷിക്കൽ

മലിനീ​ക​ര​ണ​വും കുട്ടി​ക​ളി​ലെ അർബു​ദ​വും

ഒരു മലിനീ​കരണ സ്രോ​ത​സ്സിൽനിന്ന്‌ അഞ്ചു കിലോ​മീ​റ്റർ പരിധി​ക്കു​ള്ളിൽ ജനിക്കുന്ന കുട്ടികൾ മറ്റുകു​ട്ടി​ക​ളെ​ക്കാൾ രക്താർബു​ദ​വും ഇതര ശൈശ​വാർബു​ദ​ങ്ങ​ളും നിമിത്തം മരണമ​ട​യാ​നുള്ള അപകട സാധ്യത 20 ശതമാനം കൂടു​ത​ലു​ള്ള​താ​യി ബ്രിട്ടീ​ഷു​കാ​രായ 22,400 കുട്ടി​ക​ളെ​ക്കു​റി​ച്ചുള്ള 27 വർഷത്തെ ഒരു പഠനം അപഗ്ര​ഥി​ച്ച​ശേഷം ഒരു സംഘം സാം​ക്ര​മി​ക​രോഗ ശാസ്‌ത്ര​ജ്ഞൻമാർ കണ്ടെത്തി. മിക്ക ശൈശ​വാർബുദ കേസു​കൾക്കു​മുള്ള “ഏറ്റവും സാധാ​ര​ണ​മായ ഘടകം” വായു​ജന്യ മാലി​ന്യ​കാ​രി​കൾക്ക്‌ വിധേ​യ​മാ​കു​ന്ന​താ​ണെന്ന്‌ ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു. എണ്ണ ശുദ്ധീ​ക​ര​ണ​ശാ​ലകൾ, മോ​ട്ടോർ വാഹന ഫാക്ടറി​കൾ, ആണവേതര വൈദ്യു​ത​നി​ല​യങ്ങൾ, ഉരുക്കു നിർമാ​ണ​ശാ​ലകൾ, സിമന്റു ഫാക്ടറി​കൾ തുടങ്ങിയ വ്യവസാ​യ​ശാ​ല​ക​ളിൽനി​ന്നു വമിക്കുന്ന പെ​ട്രോൾ ധൂമങ്ങ​ളോ ബാഷ്‌പ​ശീ​ല​മുള്ള മറ്റു കാർബ​ണിക രാസവ​സ്‌തു​ക്ക​ളോ ആണ്‌ മാലി​ന്യ​കാ​രി​കൾ എന്നു കരുതു​ന്നു. ഹൈ​വേ​ക​ളിൽനി​ന്നും റെയിൽപ്പാ​ത​ക​ളിൽനി​ന്നും നാലു​കി​ലോ​മീ​റ്റർ ചുറ്റു​വ​ട്ട​ത്തി​നു​ള്ളിൽ ജനിക്കുന്ന കുട്ടി​ക​ളി​ലും അർബുദം നിമിത്തം കൂടുതൽ മരണം നടക്കു​ന്നെന്നു പ്രസ്‌തുത പഠനം റിപ്പോർട്ടു ചെയ്യുന്നു. പെ​ട്രോൾ, ഡീസൽ ഇന്ധനങ്ങ​ളാണ്‌ ഇതിനു കാരണ​മെന്ന്‌ ഈ റിപ്പോർട്ട്‌ തയ്യാറാ​ക്കി​യവർ അവകാ​ശ​പ്പെ​ടു​ന്നു.

ബ്രസീ​ലി​ലെ മതം

“99 ശതമാനം ബ്രസീ​ലു​കാ​രും ദൈവ​ത്തിൽ വിശ്വ​സി​ക്കുന്ന”തായി അടുത്ത​കാ​ലത്തു നടത്തിയ ഒരു സർവേ സൂചി​പ്പി​ക്കു​ന്നെന്ന്‌ ഇഎൻഐ ബുള്ളറ്റിൻ റിപ്പോർട്ടു ചെയ്യുന്നു. ഏതാണ്ട്‌ 2,000 പേർ പങ്കെടുത്ത ആ സർവേ​യിൽ 72 ശതമാനം കത്തോ​ലി​ക്ക​രാ​ണെ​ന്നും 11 ശതമാനം പ്രൊ​ട്ട​സ്റ്റ​ന്റു​കാ​രാ​ണെ​ന്നും അവകാ​ശ​പ്പെട്ടു. എന്നാൽ 9 ശതമാനം പേർ തങ്ങൾ ഏതെങ്കി​ലും പ്രത്യേക മതാനു​ഭാ​വി​ക​ളാ​ണെന്ന്‌ അവകാ​ശ​പ്പെ​ട്ടില്ല. ശേഷി​ച്ചവർ ബ്രസീ​ലി​യൻ മതങ്ങളോ ആഫ്രിക്കൻ പാരമ്പ​ര്യ​മുള്ള ബ്രസീ​ലി​യൻ മതങ്ങളോ അനുവർത്തി​ക്കു​ന്ന​വ​രാ​യി​രു​ന്നു. “തലേ വാരാ​ന്ത​ത്തിൽ ഏതെങ്കി​ലും ദേവാ​ല​യ​ത്തി​ലോ മതസ്ഥാ​പ​ന​ത്തി​ലോ പോയി​രു​ന്നോ എന്ന ചോദ്യ​ത്തിന്‌ അവരിൽ 57 ശതമാ​ന​വും ഇല്ല എന്ന്‌ മറുപടി പറഞ്ഞു” എന്ന്‌ ഇഎൻഐ റിപ്പോർട്ടു ചെയ്യുന്നു. 44 ശതമാനം മാത്രമേ നിത്യ​ദ​ണ്ഡ​ന​ത്തിൽ വിശ്വ​സി​ക്കു​ന്നു​ള്ളൂ. 69 ശതമാനം ബ്രസീ​ലു​കാർ സ്വർഗ​ത്തിൽ വിശ്വ​സി​ക്കു​ന്നു​ണ്ടെ​ങ്കി​ലും കേവലം 32 ശതമാ​ന​ത്തി​നേ അവിടെ പോകു​മെന്ന പ്രതീ​ക്ഷ​യു​ള്ളൂ.

റിമോട്ട്‌ കൺ​ട്രോ​ളി​ന്റെ നിയ​ന്ത്രണം ആർക്ക്‌?

ഇറ്റലി​യിൽ യൂറി​സ്‌പെ​സി​ലെ (സാമു​ദാ​യിക, രാഷ്‌ട്രീയ, സാമ്പത്തിക, സാമൂ​ഹിക പഠനസ്ഥാ​പനം) ഗവേഷകർ, ടിവി കാണൽ ശീലം സംബന്ധി​ച്ചുള്ള ഒരു പഠനത്തി​ന്റെ ഫലങ്ങൾ അടുത്ത​കാ​ലത്തു പ്രസി​ദ്ധീ​ക​രി​ക്കു​ക​യു​ണ്ടാ​യി. ഏകദേശം 2,000 ഇറ്റാലി​യൻ കുടും​ബ​ങ്ങ​ളു​മാ​യി അഭിമു​ഖം നടത്തി. മറ്റു ചോദ്യ​ങ്ങൾക്കൊ​പ്പം, ഭവനത്തിൽ ടിവി റിമോട്ട്‌ കൺ​ട്രോൾ—ഒരു വർത്തമാ​ന​പ്പ​ത്ര​ത്തി​ലെ ലേഖനം അതിനെ ഭവനത്തി​ലെ ആധുനിക ചെങ്കോ​ലാ​യി വിശേ​ഷി​പ്പി​ക്കു​ക​യു​ണ്ടാ​യി—മിക്കവാ​റും പിടി​ക്കു​ന്ന​തും പ്രവർത്തി​പ്പി​ക്കു​ന്ന​തും ആരാ​ണെന്നു ചോദി​ച്ചു. മിക്കവാ​റു​മെല്ലാ ഭവനങ്ങ​ളി​ലും പിതാ​വാ​യി​രു​ന്നു നിയ​ന്ത്രി​ച്ചി​രു​ന്നത്‌. ചാനൽ തിര​ഞ്ഞെ​ടു​ക്കുന്ന കാര്യ​ത്തിൽ കുട്ടി​കൾക്കാ​യി​രു​ന്നു രണ്ടാം സ്ഥാനം. റിമോട്ട്‌ കൺ​ട്രോൾ പിടി​ക്കാ​നുള്ള കുടും​ബ​ത്തി​ലെ അധികാര വടംവ​ലി​യിൽ ഏറ്റവും പിമ്പിൽ വന്നതാ​കട്ടെ അമ്മയും.

കൗമാ​ര​പ്രാ​യ​ക്കാ​രു​ടെ ലൈം​ഗി​കത

നൈജീ​രി​യ​യി​ലെ വർത്തമാ​ന​പ്പ​ത്ര​മായ വീക്കെൻഡ്‌ കോൺകോർഡ്‌ പറയു​ന്ന​ത​നു​സ​രിച്ച്‌, “ലോക​ത്തേ​റ്റ​വും കൂടുതൽ ലൈം​ഗിക തൃഷ്‌ണ​യു​ള്ള​വ​രിൽ നൈജീ​രി​യ​ക്കാ​രായ കൗമാ​ര​പ്രാ​യ​ക്കാർ ഉൾപ്പെ​ടു​ന്നു”വെന്ന്‌ അടുത്ത​കാ​ലത്തു നടത്തിയ ഒരു പഠനം കണ്ടെത്തി. “താരു​ണ്യ​ത്തി​ലെത്തി അധികം താമസി​യാ​തെ” തങ്ങൾ ശാരീ​രിക ബന്ധത്തിൽ ഏർപ്പെ​ട്ട​താ​യി 14-നും 19-നുമി​ട​യ്‌ക്കു പ്രായ​മുള്ള ഏകദേശം 68 ശതമാനം ആൺകു​ട്ടി​ക​ളും 43 ശതമാനം പെൺകു​ട്ടി​ക​ളും സമ്മതിച്ചു പറഞ്ഞു. ഇത്‌ അനേകം അനഭി​ല​ഷ​ണീയ ഗർഭധാ​ര​ണ​ങ്ങൾക്ക്‌ ഇടയാ​ക്കി​യി​രി​ക്കു​ന്നു. “നൈജീ​രി​യ​യിൽ 19 വയസ്സിൽ താഴെ​യുള്ള യുവതി​ക​ളു​ടെ മരണത്തി​ന്റെ 71 ശതമാ​ന​വും ഗർഭച്ഛി​ദ്ര സംബന്ധ​മായ പ്രശ്‌ന​ങ്ങ​ളോ​ടു ബന്ധപ്പെ​ട്ട​താ​യി​രു​ന്നു” എന്ന്‌ മറ്റൊരു പഠനം പ്രകട​മാ​ക്കു​ന്ന​താ​യി കോൺകോർഡ്‌ പറയുന്നു.

കൈക​ഴു​കൽ പ്രതി​സ​ന്ധി

ഫ്രഞ്ച്‌ വൈദ്യ​ശാ​സ്‌ത്ര​പ​ത്ര​മായ ലെ കോട്ടി​ഡ്യൻ ഡ്യു മെഡി​സ​നിൽ അടുത്ത​കാ​ല​ത്തു​വന്ന ഒരു ലേഖനം, വർധി​ച്ചു​വ​രു​ന്ന​താ​യി കാണ​പ്പെ​ടുന്ന ഉപദ്ര​വ​ക​ര​മായ ഒരു പ്രവണ​തയെ എടുത്തു​കാ​ട്ടി—ആഹാരം കഴിക്കു​ന്ന​തി​നു മുമ്പോ കക്കൂസിൽ പോയ​ശേ​ഷ​മോ കൈക​ഴു​കാ​തി​രി​ക്കൽ. ഡോ. ഫ്രെഡ​റിക്‌ സാൽഡ്‌മാൻ പറയു​ന്ന​ത​നു​സ​രിച്ച്‌, വ്യക്തി​പ​ര​മായ ശുചി​ത്വം പാലി​ക്കു​ന്ന​തി​ലുള്ള ഈ ചെറിയ വീഴ്‌ച സങ്കീർണ​മായ ഭക്ഷ്യജന്യ രോഗ​ങ്ങ​ളിൽ കലാശി​ക്കു​ന്നു, ഇതു വിപു​ല​വ്യാ​പ​ക​വു​മാണ്‌. ഇംഗ്ലണ്ടി​ലെ അംഗീ​കൃത ഭക്ഷണശാ​ല​ക​ളി​ലെ കടലപ്പാ​ത്ര​ങ്ങ​ളിൽ 12 വ്യത്യസ്‌ത വ്യക്തി​ക​ളു​ടെ മൂത്ര​ക​ണങ്ങൾ പറ്റിപ്പി​ടി​ച്ചി​രി​ക്കു​ന്ന​താ​യി കണ്ടെത്തിയ ഒരു പഠന റിപ്പോർട്ടി​നെ​ക്കു​റിച്ച്‌ ആ ലേഖനം പരാമർശി​ക്കു​ക​യു​ണ്ടാ​യി. ഒരു അധ്യാ​പ​കന്റെ മേൽനോ​ട്ട​ത്തിൽ നടത്തിയ ക്രമമായ കൈക​ഴു​കൽ, ദഹനസം​ബ​ന്ധ​മായ പ്രശ്‌നങ്ങൾ നിമിത്തം സ്‌കൂ​ളിൽ ഹാജരാ​കാ​തി​രി​ക്കുന്ന കുട്ടി​ക​ളു​ടെ എണ്ണം 51 ശതമാ​ന​മാ​യും ശ്വസന​സം​ബ​ന്ധ​മായ പ്രശ്‌ന​ങ്ങൾനി​മി​ത്തം ഹാജരാ​കാ​തി​രി​ക്കുന്ന കുട്ടി​ക​ളു​ടെ എണ്ണം 23 ശതമാ​ന​മാ​യും കുറ​ച്ചെന്ന്‌ അമേരി​ക്ക​യി​ലെ ഒരു സ്‌കൂ​ളിൽ നടത്തിയ മറ്റൊരു പഠനം വെളി​പ്പെ​ടു​ത്തി. ശൈശ​വം​മു​തലേ കുട്ടി​കളെ ശുചി​ത്വ​ത്തി​ന്റെ ഇത്തരം അടിസ്ഥാന നിയമങ്ങൾ പഠിപ്പി​ക്കേ​ണ്ട​തി​ന്റെ പ്രാധാ​ന്യ​ത്തിന്‌ ഊന്നൽ നൽകി​ക്കൊണ്ട്‌ പ്രസ്‌തുത ലേഖനം ഉപസം​ഹ​രി​ക്കു​ന്നു.

വർധി​ക്കുന്ന സാമ്പത്തി​ക​സ്ഥി​തി​യും ദാരി​ദ്ര്യ​വും

1975 മുതൽ 1985 വരെയുള്ള കാലയ​ള​വിൽ ആഗോള സാമ്പത്തി​ക​സ്ഥി​തി 40 ശതമാനം ഉയർന്നെ​ങ്കി​ലും “ലോക​വ്യാ​പ​ക​മാ​യി ദരി​ദ്ര​രു​ടെ എണ്ണം 17% വർധിച്ച”തായി മനുഷ്യാ​വ​കാശ ഹൈക്ക​മ്മീ​ഷ​ണ​റു​ടെ ഓഫീ​സിൽനി​ന്നുള്ള ഔദ്യോ​ഗിക വിജ്ഞാ​പ​ന​മായ എച്ച്‌സി​എ​ച്ച്‌ആർ ന്യൂസ്‌ പ്രസ്‌താ​വി​ക്കു​ന്നു. 89 രാജ്യ​ങ്ങ​ളിൽ, പത്തോ അതി​ലേ​റെ​യോ വർഷം​മുമ്പ്‌ ഉണ്ടായി​രു​ന്ന​തി​നെ​ക്കാൾ ശോച​നീ​യ​മാണ്‌ ആളുക​ളു​ടെ ഇന്നത്തെ സാമ്പത്തി​കാ​വസ്ഥ. 70 വികസ്വ​ര​രാ​ജ്യ​ങ്ങ​ളി​ലെ വരുമാ​ന​നി​ല​വാ​രം 20-ഓ ചില​പ്പോൾ 30-ഓ വർഷം​മുമ്പ്‌ ഉണ്ടായി​രു​ന്ന​തി​നെ​ക്കാൾപോ​ലും കുറവാണ്‌. സാമ്പത്തിക വളർച്ച “ഒരു ന്യൂന​പക്ഷം രാജ്യങ്ങൾ”ക്കു മാത്രമേ പ്രയോ​ജനം ചെയ്‌തി​ട്ടു​ള്ളു​വെന്ന്‌ എച്ച്‌സി​എ​ച്ച്‌ആർ ന്യൂസ്‌ ഉപസം​ഹ​രി​ക്കു​ന്നു.

ഇറ്റലി​യി​ലെ സുരക്ഷി​ത​മ​ല്ലാത്ത കെട്ടി​ട​ങ്ങൾ

ഭൂകമ്പ​ങ്ങൾനി​മി​ത്തം ഇക്കഴിഞ്ഞ നൂറ്റാ​ണ്ടിൽ ഇറ്റലി​യിൽ 1,20,000-ത്തിലധി​കം പേർ മരണമ​ടഞ്ഞു. എന്നിട്ടും ഏതാണ്ട്‌ 2.5 കോടി ഇറ്റലി​ക്കാർ വസിക്കുന്ന മേഖല​ക​ളി​ലെ “64 ശതമാനം കെട്ടി​ട​ങ്ങൾക്കും ഭൂകമ്പ​പ്ര​തി​രോധ സംവി​ധാ​ന​ങ്ങ​ളില്ല,” കൊറീ​യെറേ ദേല്ലാ സേറാ റിപ്പോർട്ടു ചെയ്യുന്നു. സുരക്ഷി​ത​മ​ല്ലാത്ത രീതി​യിൽ നിർമി​ച്ചി​ട്ടുള്ള കെട്ടി​ട​ങ്ങ​ളിൽ ആശുപ​ത്രി​കൾ, അഗ്നിശമന കേന്ദ്രങ്ങൾ എന്നിങ്ങനെ ആപത്തു​ണ്ടാ​കു​ന്ന​പക്ഷം അടിയ​ന്തിര സഹായ കേന്ദ്ര​ങ്ങ​ളാ​കേണ്ട കെട്ടി​ട​ങ്ങ​ളും ഉൾപ്പെ​ടു​ന്നു. പ്രകൃ​തി​വി​പ​ത്തു​ക​ളും വ്യാവ​സാ​യിക ദുരന്ത​ങ്ങ​ളും നിമി​ത്ത​മു​ണ്ടാ​കുന്ന കേടു​പാ​ടു​കൾ പോക്കാ​നാ​യി ഇറ്റലി​യിൽ ഓരോ വർഷവും ശരാശരി 7,00,000 കോടി ലിറ (400 കോടി അമേരി​ക്കൻ ഡോളർ) ചെലവ​ഴി​ക്കു​ന്നു. “അപകട സാധ്യ​ത​യേ​റിയ അതേ സ്ഥലത്ത്‌, അതേവി​ധ​ത്തിൽ [കെട്ടി​ടങ്ങൾ] പുനർനിർമി​ക്കാ​നാണ്‌ . . . വിനാ​ശ​ങ്ങ​ളു​ടെ വാലിൽക്കെ​ട്ടുന്ന ഈ ഭീമമായ തുക മിക്ക​പ്പോ​ഴും വിനി​യോ​ഗി​ക്കുന്ന”തെന്ന്‌ ഒരു വിദഗ്‌ധൻ വിശദീ​ക​രി​ക്കു​ന്നു.

രക്തവും എച്ച്‌ഐവി രോഗ​ബാ​ധ​യും

ലോക​വ്യാ​പ​ക​മാ​യി എച്ച്‌ഐവി/എയ്‌ഡ്‌സ്‌ രോഗ​ബാ​ധി​ത​രായ ഏകദേശം 2.2 കോടി​യാ​ളു​ക​ളിൽ, 90 ശതമാ​ന​ത്തി​ല​ധി​ക​വും വസിക്കു​ന്നത്‌ വികസ്വര രാജ്യ​ങ്ങ​ളി​ലാണ്‌. “വികസ്വര രാജ്യ​ങ്ങ​ളി​ലെ പുതിയ എച്ച്‌ഐവി രോഗ​ബാ​ധ​ക​ളു​ടെ ഏതാണ്ട്‌ പത്തു ശതമാ​ന​ത്തി​നും കാരണം രക്തപ്പകർച്ച​യാണ്‌,” ലണ്ടൻ ആസ്ഥാന​മാ​യുള്ള ഒരു വിജ്ഞാപന കേന്ദ്ര​മായ പാനോസ്‌ റിപ്പോർട്ടു ചെയ്യുന്നു. മിക്ക രാജ്യ​ങ്ങ​ളി​ലും രക്തശേ​ഖരം സുരക്ഷി​തമല്ല, കാരണം പരീക്ഷ​ണ​ശാ​ല​ക​ളിൽവെച്ച്‌ എച്ച്‌ഐവി കണ്ടെത്താ​നുള്ള ഉപാധി​കൾ പൂർണ​മാ​യും ആശ്രയ​യോ​ഗ്യ​മല്ല. ഉദാഹ​ര​ണ​ത്തിന്‌, പാകി​സ്ഥാ​നിൽ പകുതി​യിൽ കുറവ്‌ രക്തബാ​ങ്കു​ക​ളി​ലേ എച്ച്‌ഐവി നിർണയ സംവി​ധാ​ന​മു​ള്ളൂ. തത്‌ഫ​ല​മാ​യി അവിടെ, പുതിയ എച്ച്‌ഐവി രോഗ​ബാ​ധ​ക​ളു​ടെ 12 ശതമാ​ന​ത്തി​നും കാരണം രക്തപ്പകർച്ച​യാണ്‌. 15-ലധികം വർഷം​മുമ്പ്‌ എയ്‌ഡ്‌സി​ന്റെ ആദ്യത്തെ കേസുകൾ റിപ്പോർട്ടു ചെയ്യ​പ്പെ​ട്ട​ശേഷം ലോക​വ്യാ​പ​ക​മാ​യി ഏകദേശം മൂന്നു കോടി ആളുകളെ പ്രസ്‌തുത രോഗ​ത്തി​നി​ട​യാ​ക്കുന്ന എച്ച്‌ഐവി വൈറസ്‌ ബാധി​ച്ചി​രി​ക്കു​ന്നു.

ദൈവ​ത്തോ​ടുള്ള അതിരു​ക​വിഞ്ഞ ഭയം

അടുത്ത​കാ​ലത്തു നടത്തിയ ഒരു പഠനത്തിൽ, സമ്മർദം നിമിത്തം കഷ്ടതയ​നു​ഭ​വി​ക്കുന്ന ബ്രസീ​ലു​കാ​രായ കുട്ടി​കളെ അഭിമു​ഖം നടത്തു​ക​യു​ണ്ടാ​യി. ഇഎൻഐ ബുള്ളറ്റിൻ പ്രസ്‌താ​വി​ച്ച​ത​നു​സ​രിച്ച്‌, അവരിൽ ഒരു വലിയ സംഖ്യ ദൈവ​ത്തോ​ടുള്ള അതിരു​ക​വിഞ്ഞ ഭയംനി​മി​ത്തം അങ്ങേയറ്റം ഉത്‌കണ്‌ഠ അനുഭ​വി​ക്കു​ന്ന​താ​യി കണ്ടെത്തി. 25 ശതമാനം കുട്ടികൾ കുടും​ബ​പ്ര​ശ്‌ന​ങ്ങ​ളോ ഒരു ബന്ധുവി​ന്റെ മരണമോ നിമിത്തം ആകുലത അനുഭ​വി​ച്ച​പ്പോൾ 75 ശതമാനം കുട്ടി​ക​ളാ​കട്ടെ, ശിക്ഷി​ക്കാൻ തീരു​മാ​നി​ച്ചു​റച്ച ഒരു പ്രതി​കാ​ര​ദാ​ഹി​യാണ്‌ ദൈവം എന്നു കരുതു​ന്ന​തി​നാൽ ഉത്‌ക​ണ്‌ഠ​യു​ടെ ലക്ഷണങ്ങൾ പ്രകടി​പ്പി​ച്ചു. ആ പഠനം “ദൈവം തങ്ങളെ സഹായി​ക്കു​ന്ന​വ​നും മനസ്സി​ലാ​ക്കു​ന്ന​വ​നും ആണെന്ന്‌ കുട്ടി​കളെ പഠിപ്പി​ക്കാൻ മാതാ​പി​താ​ക്കളെ പ്രോ​ത്സാ​ഹി​പ്പിച്ച”തായി ഇഎൻഐ റിപ്പോർട്ടു ചെയ്യുന്നു.

ആനകളു​ടെ ആശയവി​നി​മ​യം

ആനയുടെ സ്വനനാ​ളി​കൾ സെക്കൻഡിൽ 20-ഓ അതിൽക്കു​റ​വോ അടിസ്ഥാന ആവൃത്തി​യി​ലുള്ള ശബ്ദം പുറ​പ്പെ​ടു​വി​ക്ക​ത്ത​ക്ക​വണ്ണം അത്ര വലുതാണ്‌. ആ ശബ്ദം മനുഷ്യ​നു കേൾക്കാൻ കഴിയു​ന്ന​തി​ലും വളരെ താഴ്‌ന്ന നിലയി​ലു​ള്ള​താണ്‌. അത്തരം വളരെ താഴ്‌ന്ന ആവൃത്തി​യി​ലുള്ള ശബ്ദം കൂടുതൽ ദൂരം സഞ്ചരി​ക്കു​ന്നു. ഒന്നര കിലോ​മീ​റ്റർ അകലെ​വെ​ച്ചു​പോ​ലും ആനകൾക്കതു തിരി​ച്ച​റി​യാ​നാ​കും. 150-ഓളം വ്യത്യസ്‌ത ആനകളിൽനി​ന്നുള്ള ശബ്ദം ഗ്രഹിച്ച്‌ കുടും​ബാം​ഗ​ങ്ങ​ളിൽനി​ന്നും തന്റെ കൂട്ടത്തി​ലെ അംഗങ്ങ​ളിൽനി​ന്നു​മുള്ള ശബ്ദത്തോ​ടു ക്രിയാ​ത്മ​ക​മാ​യി പ്രതി​ക​രി​ക്കാ​നും അവയ്‌ക്കാ​കും. പൊതു​വേ ഒരാന അപരി​ചി​ത​രായ മറ്റാന​ക​ളു​ടെ ശബ്ദത്തെ അവഗണി​ക്കു​ക​യോ ചില​പ്പോൾ ഇടയു​ക​യോ ചെയ്‌തേ​ക്കാം. കെനി​യ​യി​ലെ ആംബോ​സെലി ദേശീയ പാർക്കിൽവെച്ചു നടത്തിയ ഗവേഷ​ണ​ങ്ങൾക്കു​ശേഷം, “ശബ്ദത്തി​ലൂ​ടെ​യുള്ള ആശയവി​നി​മ​യ​ത്തി​ന്റെ ഇത്തരം വ്യാപ​ക​മായ ശൃംഖല മറ്റൊരു സസ്‌ത​നി​യി​ലും പ്രകടമല്ല” എന്ന്‌ മൃഗങ്ങ​ളു​ടെ സ്വഭാ​വ​ചേ​ഷ്ട​ക​ളെ​ക്കു​റി​ച്ചു പഠിക്കുന്ന, ബ്രിട്ട​നി​ലെ സസ്സെകസ്‌ സർവക​ലാ​ശാ​ല​യി​ലെ ഡോ. കാരെൻ മകോം വിശദീ​ക​രി​ച്ച​താ​യി ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു.