കൺപീ​ലി​ക​ളുള്ള പക്ഷിയെ പരിച​യ​പ്പെ​ടൂ

ദക്ഷിണാഫ്രിക്കയിലെ ഉണരുക! ലേഖകൻ

“നിങ്ങൾ ഒരുപക്ഷേ ഞങ്ങളെ കണ്ടിട്ടു​ണ്ടാ​വില്ല. ഞങ്ങൾ പക്ഷിക​ളാണ്‌. ആഫ്രിക്കൻ നില​വേ​ഴാ​മ്പ​ലു​കൾ എന്ന പേരി​ലാണ്‌ മിക്കയാ​ളു​ക​ളും ഞങ്ങളെ അറിയു​ന്നത്‌.

“ഞങ്ങളെ കാണാൻ നല്ല രസമാണ്‌. എന്നാൽ, ഞങ്ങളെ​പ്പറ്റി കൗതു​ക​ക​ര​മായ മറ്റുചില വസ്‌തു​ത​ക​ളു​മുണ്ട്‌. അത്‌ നിങ്ങളു​മാ​യി പങ്കു​വെ​ക്കാൻ ഞങ്ങൾ ആഗ്രഹി​ക്കു​ന്നു. ഒന്നാമ​താ​യി, ഞങ്ങളുടെ പേരു സൂചി​പ്പി​ക്കു​ന്ന​തു​പോ​ലെ ഞങ്ങൾ കൂടുതൽ സമയവും നിലത്താ​ണു കഴിച്ചു​കൂ​ട്ടു​ന്നത്‌. ഞങ്ങൾക്ക്‌ ഏകദേശം ടർക്കി​ക്കോ​ഴി​യു​ടെ​യ​ത്ര​യും വലുപ്പം വരും. ടർക്കി​ക്കോ​ഴി​യെ​പ്പോ​ലെ​തന്നെ ഞങ്ങളും അധിക​മൊ​ന്നും പറക്കാ​റില്ല.

“ഞങ്ങളുടെ നടപ്പിന്‌ ഒരു പ്രത്യേ​ക​ത​യുണ്ട്‌. വളരെ പതുക്കെ കുണുങ്ങി കുണു​ങ്ങി​യാ​ണു ഞങ്ങളുടെ നടത്തം. അങ്ങനെ ഞങ്ങൾ ആഫ്രി​ക്ക​യു​ടെ മധ്യഭാ​ഗ​ത്തും തെക്കു​കി​ഴക്കു ഭാഗത്തും ചുറ്റി​യ​ടി​ക്കാ​റുണ്ട്‌. നമ്മളെ​ന്നെ​ങ്കി​ലും കണ്ടുമു​ട്ടി​യാൽ, ഞങ്ങളുടെ കടും​ചു​വപ്പു നിറത്തി​ലുള്ള കണ്‌ഠ​സ​ഞ്ചി​ക​ളും കണ്ണുകൾക്കു ചുറ്റു​മുള്ള പാടു​ക​ളും പിന്നെ അതിശ​യം​തോ​ന്നി​ക്കു​മാ​റുള്ള നീണ്ട കൺപീ​ലി​ക​ളും ഒക്കെ കാണു​മ്പോൾ നിങ്ങൾക്കു ഞങ്ങളെ മനസ്സി​ലാ​കാ​തെ പോകില്ല!

“ഞങ്ങൾ നില​വേ​ഴാ​മ്പ​ലു​കൾ പ്രജന​ന​ത്തി​ന്റെ കാര്യ​ത്തിൽ പിന്നി​ലാണ്‌. അതായത്‌ ഓരോ ആറു വർഷത്തി​ലും ശരാശരി ഒരു കുഞ്ഞിനെ മാത്രമേ ഞങ്ങൾ വളർത്തി​ക്കൊ​ണ്ടു​വ​രു​ന്നു​ള്ളൂ. പ്രജനന കാലത്ത്‌ ഞങ്ങളുടെ കൂട്ടത്തി​ലുള്ള ആണുങ്ങൾ കൂടി​ന​ക​ത്തു​വെ​ക്കാൻ ധാരാളം കരിയി​ലകൾ കൊണ്ടു​വ​രും. മരപ്പോ​ടു​ക​ളി​ലോ പാറയി​ലെ പൊത്തു​ക​ളി​ലോ ആണ്‌ സാധാ​ര​ണ​ഗ​തി​യിൽ ഞങ്ങൾ കൂടു​കെ​ട്ടാറ്‌. പെൺപ​ക്ഷി​കൾ മുട്ടകളെ 40 ദിവസം സശ്രദ്ധം പരിപാ​ലി​ക്കു​ന്നു. അപ്പോൾ ഞങ്ങളും ഞങ്ങളുടെ കുടും​ബ​ത്തി​ലെ മറ്റംഗ​ങ്ങ​ളും അടയി​രി​ക്കുന്ന തള്ളപ്പക്ഷിക്ക്‌ പുഴു​ക്ക​ളും ലാർവ​ക​ളും മറ്റു വിശി​ഷ്ട​ഭോ​ജ്യ​ങ്ങ​ളും മുറയ്‌ക്കെ​ത്തി​ച്ചു​കൊ​ടു​ക്കാ​നാ​യി തിരക്കിട്ട്‌ ഓടി​ന​ട​ക്കു​ന്നു. മുട്ടവി​രിഞ്ഞ്‌ മൂന്നു മാസത്തി​നു​ശേഷം നവാഗതർ കൂടു​വിട്ട്‌ ബാക്കി കുടും​ബാം​ഗ​ങ്ങ​ളോ​ടു ചേരു​മ്പോൾ ഞങ്ങൾക്കൊ​ക്കെ എത്ര സന്തോ​ഷ​മാ​ണെ​ന്നോ.

“ഞങ്ങളുടെ വളർച്ച പതു​ക്കെ​യാണ്‌—പൂർണ​വ​ളർച്ച​യെ​ത്താൻ ആറു വർഷ​മെ​ങ്കി​ലും വേണ്ടി​വ​രും. സ്വന്തമാ​യി ഒരു കുടും​ബ​മൊ​ക്കെ ആയിവ​രാ​നാ​ണെ​ങ്കിൽ അതിലു​മേറെ സമയ​മെ​ടു​ത്തേ​ക്കാം. എങ്കിലും, ഞങ്ങൾക്ക്‌ ദീർഘാ​യു​സ്സു​ള്ള​തു​കൊണ്ട്‌ (ഞങ്ങളിൽ പലരും 30 വർഷം ജീവി​ച്ചി​രി​ക്കു​ന്നു) മറ്റു തലമു​റ​ക​ളി​ലേക്ക്‌ ജീനുകൾ കൈമാ​റാൻ ധാരാളം സമയം ലഭിക്കു​ന്നു.

“നിങ്ങൾക്കു കാണാൻ കഴിയു​ന്ന​തു​പോ​ലെ കുടും​ബം ഒത്തൊ​രു​മി​ച്ചു കഴിയാ​നാ​ണു ഞങ്ങൾക്കി​ഷ്ടം. ഞങ്ങൾ എട്ടു പേരിൽ കവിയാത്ത കൂട്ടങ്ങ​ളാ​യി ഒരുമി​ച്ചു താമസി​ക്കു​ക​യും പണി​യെ​ടു​ക്കു​ക​യും ചെയ്യുന്നു. ആഫ്രി​ക്ക​യി​ലെ സാവന്നാ പ്രദേ​ശ​ങ്ങ​ളി​ലും വനപ്ര​ദേ​ശ​ങ്ങ​ളി​ലും പുൽപ്ര​ദേ​ശ​ങ്ങ​ളി​ലും ഓരോ കുടും​ബ​ത്തി​ന്റെ​യും വിഹാ​ര​മ​ണ്ഡലം ഏതാണ്ട്‌ 100 ചതുരശ്ര കിലോ​മീ​റ്റ​റാണ്‌. ആഫ്രി​ക്ക​യു​ടെ തെക്കു​ഭാ​ഗ​ത്തുള്ള ചില പ്രദേ​ശ​ങ്ങ​ളിൽ ഞങ്ങൾക്ക്‌ 70 ശതമാ​നം​വരെ ആവാസം നഷ്ടമാ​യി​രി​ക്കു​ക​യാണ്‌. കൃഷി​ചെ​യ്യാ​നും വീടു​വെ​ക്കാ​നു​മൊ​ക്കെ​യാ​യി മനുഷ്യർ അത്‌ കയ്യേറി​യി​രി​ക്കു​ന്നു.

“ഞങ്ങളുടെ പ്രദേ​ശ​ത്തി​ന്റെ സംരക്ഷ​ണ​ത്തിൽ ഞങ്ങൾ വളരെ ശ്രദ്ധയു​ള്ള​വ​രാണ്‌. ഞങ്ങൾ അതിർത്തി​ക​ളി​ലൂ​ടെ പതിവാ​യി റോന്തു​ചു​റ്റു​ന്നു. ഞങ്ങളുടെ ആഹാരം—പാമ്പുകൾ, ലാർവകൾ, കരയാ​മകൾ, ഷഡ്‌പ​ദങ്ങൾ എന്നിവ—മറ്റുള്ള​വ​രു​മാ​യി, മറ്റു കുടും​ബ​ങ്ങ​ളിൽനി​ന്നുള്ള വേഴാ​മ്പ​ലു​ക​ളു​മാ​യി​പോ​ലും, പങ്കു​വെ​ക്കു​ന്നത്‌ ഞങ്ങൾക്കി​ഷ്ടമല്ല. നുഴഞ്ഞു​ക​യ​റ്റ​ക്കാ​രെ അകറ്റി​യോ​ടി​ക്കു​ന്ന​തി​ലുള്ള വീറ്‌ നിമിത്തം ചില​പ്പോൾ ഞങ്ങൾ വിഡ്‌ഢി​ത്ത​ങ്ങ​ളും കാട്ടി​ക്കൂ​ട്ടാ​റുണ്ട്‌. എങ്ങനെ​യെ​ന്നല്ലേ? ജനൽച്ചി​ല്ലിൽ സ്വന്തം പ്രതി​ബിം​ബം കാണു​മ്പോൾ അത്‌ ഏതോ നുഴഞ്ഞു​ക​യ​റ്റ​ക്കാ​ര​നാ​ണെന്നു കരുതി ഞങ്ങൾ പലപ്പോ​ഴും ജനലിന്റെ അടു​ത്തേക്കു പാഞ്ഞു​ചെ​ല്ലു​ന്നു. നീണ്ടതും ഉറപ്പു​ള്ള​തു​മായ കൊക്കു​കൊണ്ട്‌ ആഞ്ഞു​കൊ​ത്തു​മ്പോൾ ജനൽച്ചില്ല്‌ തീർച്ച​യാ​യും പൊട്ടി​ത്ത​ക​രും. ഇങ്ങനെ ജനലുകൾ പലതു പൊട്ടി​യ​തി​ന്റെ ഫലമായി ചിലയാ​ളു​കൾ ജനലു​കൾക്കു വെളി​യിൽ കമ്പിവല പിടി​പ്പി​ച്ചി​ട്ടുണ്ട്‌. അതിനു ഞങ്ങൾ വളരെ നന്ദിയു​ള്ള​വ​രാണ്‌!

“ദുഃഖ​ക​ര​മെന്നു പറയട്ടെ, ഞങ്ങൾ മാരക​മായ ഭീഷണി​കളെ നേരി​ടു​ന്നു. അവയെ​ക്കു​റി​ച്ചോർക്കു​മ്പോൾ ഞങ്ങൾക്ക്‌ ആധിയാണ്‌. ചിലയാ​ളു​കൾ ഞങ്ങളുടെ ആവാസ​ത്തു​നി​ന്നു ഞങ്ങളെ പുറത്തു​ചാ​ടി​ക്കു​ന്നു. മറ്റുചി​ല​രാ​കട്ടെ, ഞങ്ങളുടെ നേരെ നിറ​യൊ​ഴി​ക്കു​ന്നു. കുറു​ന​രി​ക​ളെ​യും ഉപദ്ര​വ​കാ​രി​ക​ളായ മറ്റു ജന്തുക്ക​ളെ​യും പിടി​ക്കാ​നാ​യി കർഷകർ പലപ്പോ​ഴും വിഷം​ക​ലർത്തിയ സാധനങ്ങൾ വെക്കാ​റുണ്ട്‌. എന്നാൽ അതിൽ വിഷം​ക​ലർത്തി​യ​താ​ണെന്ന്‌ ഞങ്ങളെ​ങ്ങ​നെയാ അറിയുക? ഞങ്ങളുടെ സംരക്ഷ​ണ​ത്തി​നാ​ണെന്നു തോന്നു​ന്നു, കർഷകർ ചില​പ്പോൾ വിഷപ​ദാർഥങ്ങൾ കുഴി​ച്ചി​ടാ​റുണ്ട്‌. എന്നാൽ, ഞങ്ങൾ സാധാ​ര​ണ​ഗ​തി​യിൽ ഇരപി​ടി​ക്കു​ന്നത്‌ നീണ്ട കൊക്കു​കൾകൊണ്ട്‌ മണ്ണു കുഴി​ച്ചാണ്‌. അതു​കൊണ്ട്‌, വിഷം കലർന്ന ആഹാര​പ​ദാർഥങ്ങൾ കുഴി​ച്ചെ​ടുത്ത്‌ അകത്താ​ക്കു​മ്പോൾ ഒരർഥ​ത്തിൽ പറഞ്ഞാൽ, ഞങ്ങൾ സ്വന്തം ശവക്കുഴി തോണ്ടു​ക​യാ​ണു ചെയ്യു​ന്നത്‌.

“ഈ അപകട​ങ്ങ​ളിൽനി​ന്നു ഞങ്ങളെ സംരക്ഷി​ക്കാ​നാ​യി ചിലയാ​ളു​കൾ കിണഞ്ഞു പരി​ശ്ര​മി​ക്കു​ന്നുണ്ട്‌. സഹ പക്ഷിയായ ഡോ​ഡോ​യു​ടെ ഗതി—വംശനാ​ശം—ഞങ്ങൾക്കു വരി​ല്ലെന്നു ഞങ്ങൾ പ്രത്യാ​ശി​ക്കു​ന്നു. നിങ്ങൾ ഞങ്ങളുടെ പ്രദേ​ശത്ത്‌ എപ്പോൾ വന്നാലും ഡൂ-ഡൂ-ഡൂഡൂഡൂ ഡൂ-ഡൂ-ഡൂഡൂഡൂ എന്ന മുഴക്ക​ത്തി​ലുള്ള ഞങ്ങളുടെ വിളി കേൾക്കു​മ്പോൾ ഞങ്ങളുടെ അടു​ത്തൊ​ന്നു കയറി​യി​ട്ടേ പോകാ​വൂ. അപ്പോൾ ഞങ്ങൾ ഞങ്ങളുടെ നീളമുള്ള കൺപീ​ലി​കൾ ചലിപ്പിച്ച്‌ നില​വേ​ഴാ​മ്പ​ലി​ന്റെ പ്രദേ​ശ​ത്തേക്കു നിങ്ങളെ സ്വാഗതം ചെയ്യും.”