വില്യം ഷേക്‌സ്‌പി​യ​റി​നെ കുറി​ച്ചുള്ള നിഗൂഢത

ബ്രിട്ടനിലെ ഉണരുക! ലേഖകൻ

വില്യം ഷേക്‌സ്‌പി​യർ. ലോക ചരി​ത്ര​ത്തി​ലെ നാടക സമ്രാട്ട്‌ ആയി അദ്ദേഹം പ്രകീർത്തി​ക്ക​പ്പെ​ടു​ന്നു. “അനേക​രു​ടെ​യും കണ്ണുക​ളിൽ അദ്ദേഹം ലോ​കോ​ത്തര നാടക​കൃ​ത്താണ്‌. അദ്ദേഹ​ത്തി​ന്റെ നാടകങ്ങൾ . . . ഇന്ന്‌ മറ്റേ​തൊ​രു നാടക​കൃ​ത്തി​ന്റെ​യും നാടക​ങ്ങ​ളെ​ക്കാൾ കൂടുതൽ തവണ, കൂടുതൽ രാജ്യ​ങ്ങ​ളിൽ അരങ്ങേ​റു​ന്നു” എന്ന്‌ ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക പ്രസ്‌താ​വി​ക്കു​ന്നു. അവ 70-ലധികം ഭാഷക​ളി​ലേക്കു പരിഭാ​ഷ​പ്പെ​ടു​ത്തി​യി​രി​ക്കു​ന്നു.

അദ്ദേഹ​ത്തി​ന്റെ പേരിൽ പുറത്തി​റ​ങ്ങിയ വമ്പിച്ച നാടക സമാഹാ​ര​ത്തി​ന്റെ ഗ്രന്ഥകർത്തൃ​ത്വ​ത്തെ കുറിച്ച്‌ ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇങ്ങനെ പറയുന്നു: “ഈ നാടക​ങ്ങ​ളും കവിത​ക​ളും ഷേക്‌സ്‌പി​യ​റാണ്‌ രചിച്ചത്‌ എന്ന കാര്യ​ത്തിൽ പ്രമുഖ ഷേക്‌സ്‌പി​യർ പണ്ഡിത​ന്മാ​രിൽ ആർക്കും തെല്ലും സംശയ​മില്ല.” എന്നാൽ മറ്റു ചിലർ അതിനെ എതിർക്കു​ന്നു. എന്തു​കൊണ്ട്‌?

1564-ൽ സ്‌ട്രാ​റ്റ്‌ഫോർഡ്‌ ഓൺ ആവണി​ലാ​യി​രു​ന്നു ഷേക്‌സ്‌പി​യ​റി​ന്റെ ജനനം. 1616-ൽ 52-ാം വയസ്സിൽ അദ്ദേഹം അവി​ടെ​വെച്ചു മരിച്ചു. രസകര​മായ ഒരു പ്രധാന ചോദ്യ​ത്തിന്‌ ഉത്തരം കണ്ടെത്താ​നുള്ള ശ്രമത്തിൽ വർഷങ്ങ​ളോ​ളം നീണ്ടു​നിന്ന ക്ഷമാപൂർവ​ക​മായ ഗവേഷ​ണ​ത്തി​നു ശേഷം അദ്ദേഹത്തെ കുറിച്ച്‌ എഴുതിയ പുസ്‌ത​ക​ങ്ങൾക്ക്‌ കയ്യും കണക്കു​മില്ല. ആ ചോദ്യ​മി​താണ്‌: വില്യം ഷേക്‌സ്‌പി​യ​റി​ന്റെ പേരിൽ അറിയ​പ്പെ​ടുന്ന സാഹി​ത്യ​ര​ച​നകൾ വാസ്‌ത​വ​ത്തിൽ അദ്ദേഹം തന്നെയാ​ണോ രചിച്ചത്‌?

അടിസ്ഥാന പ്രശ്‌ന​ങ്ങൾ

അസാധാ​ര​ണ​മായ ലോക പരിച​യ​മുള്ള വ്യക്തി​യാ​യി​രു​ന്നു ഷേക്‌സ്‌പി​യർ എന്ന്‌ അദ്ദേഹ​ത്തി​ന്റെ നാടകങ്ങൾ വ്യക്തമാ​ക്കു​ന്നു. ഉദാഹ​ര​ണ​ത്തിന്‌, നിയമ കാര്യങ്ങൾ നല്ല വശമാ​യി​രു​ന്ന​തി​നാൽ അദ്ദേഹം മതിപ്പു​ള​വാ​ക്കുന്ന വിധത്തിൽ നിയമ ഭാഷയും മുൻവ​ഴ​ക്ക​ങ്ങ​ളും കൈകാ​ര്യം ചെയ്‌തി​ട്ടുണ്ട്‌. ഷേക്‌സ്‌പി​യ​റിന്‌ വൈദ്യ ശാസ്‌ത്ര​ത്തിൽ അഗാധ​മായ അവഗാ​ഹ​മു​ണ്ടാ​യി​രു​ന്നു എന്ന്‌ 1860-ൽ, ഷേക്‌സ്‌പി​യ​റി​ന്റെ വൈദ്യ​ശാ​സ്‌ത്ര വിജ്ഞാനം എന്ന ഗ്രന്ഥത്തിൽ സർ ജോൺ ബക്‌നിൽ സൂചി​പ്പി​ക്കു​ക​യു​ണ്ടാ​യി. നായാ​ട്ടി​ലും പ്രാപ്പി​ടി​യ​ന്മാ​രെ കൊണ്ടുള്ള വേട്ടയി​ലും മറ്റു വിനോ​ദ​ങ്ങ​ളി​ലും രാജകീയ ആചാര​മ​ര്യാ​ദ​ക​ളി​ലും അദ്ദേഹ​ത്തി​നു നല്ല പാടവ​മു​ണ്ടാ​യി​രു​ന്നു. ചരി​ത്ര​കാ​ര​നായ ജോൺ മൈക്കിൾ, ഷേക്‌സ്‌പി​യ​റി​നെ “സർവജ്ഞാ​നി​യായ എഴുത്തു​കാ​രൻ” എന്നാണു വിശേ​ഷി​പ്പി​ക്കു​ന്നത്‌.

ഷേക്‌സ്‌പി​യ​റു​ടെ നാടക​ങ്ങ​ളിൽ കപ്പൽച്ചേ​ത​ങ്ങളെ അഞ്ചു തവണ വിശേ​ഷ​വ​ത്‌ക​രി​ക്കു​ന്നുണ്ട്‌. നാവിക പദപ്ര​യോ​ഗങ്ങൾ ഉപയോ​ഗി​ച്ചി​രി​ക്കുന്ന വിധത്തിൽനിന്ന്‌ അദ്ദേഹം അനുഭ​വ​പ​രി​ച​യ​മുള്ള സമു​ദ്ര​സ​ഞ്ചാ​രി ആയിരു​ന്നു​വെന്നു വ്യക്തമാണ്‌. ഷേക്‌സ്‌പി​യർ വിദേശ യാത്രകൾ നടത്തി​യോ? നാവിക സേവന​ത്തിൽ ചേരാൻ നിർബ​ന്ധി​ത​നാ​യോ? 1588-ൽ സ്‌പാ​നീഷ്‌ അർമേ​ഡയെ പരാജ​യ​പ്പെ​ടു​ത്തു​ന്ന​തിൽ അദ്ദേഹ​ത്തി​നു പങ്കുണ്ടാ​യി​രു​ന്നോ? ഈ പറഞ്ഞ കാര്യ​ങ്ങ​ളോ​രോ​ന്നും ഷേക്‌സ്‌പി​യ​റു​ടെ ഗ്രന്ഥകർത്തൃ​ത്വ​ത്തെ സ്ഥിരീ​ക​രി​ക്കു​ന്നു എന്നുവ​രാം. എന്നാൽ അവ ഉപോ​ദ്‌ബ​ല​ക​മായ തെളിവു പ്രദാനം ചെയ്യാൻ അപര്യാ​പ്‌ത​മാണ്‌. അതു​പോ​ലെ, സൈനിക കാര്യാ​ദി​ക​ളും കാലാൾ ഭടന്മാ​രു​ടെ ഭാഷാ പ്രയോ​ഗ​ങ്ങ​ളും അദ്ദേഹ​ത്തി​നു വശമാ​യി​രു​ന്നു.

ഷേക്‌സ്‌പി​യർ കൃതി​ക​ളിൽ ഉടനീളം ബൈബിൾ വാക്യങ്ങൾ ഉദ്ധരി​ച്ചി​രി​ക്കു​ന്നതു കാണാം. അദ്ദേഹം അവ തന്റെ അമ്മയിൽനി​ന്നു പഠിച്ച​താ​യി​രി​ക്കണം. എന്നാൽ അമ്മയ്‌ക്ക്‌ അക്ഷരാ​ഭ്യാ​സം ഉണ്ടായി​രു​ന്നു എന്നതിന്‌ തെളി​വൊ​ന്നു​മില്ല. ബൈബി​ളി​നെ കുറി​ച്ചുള്ള ഷേക്‌സ്‌പി​യ​റി​ന്റെ അറിവ്‌ അദ്ദേഹ​ത്തി​ന്റെ വിദ്യാ​ഭ്യാ​സം സംബന്ധി​ച്ചു ചോദ്യ​ങ്ങൾ ഉയർത്തു​ന്നു.

വിദ്യാ​സ​മ്പ​ന്ന​നായ വ്യക്തി​യോ?

വില്യ​മി​ന്റെ പിതാ​വാ​യി​രുന്ന ജോൺ കയ്യുറകൾ, കമ്പിളി​നൂൽ തുടങ്ങി​യവ വ്യാപാ​രം ചെയ്‌തി​രു​ന്നു. അദ്ദേഹം കശാപ്പു​കാ​രൻ ആയിരു​ന്നി​രി​ക്കാ​നും സാധ്യ​ത​യുണ്ട്‌. പഠിപ്പി​ല്ലാ​യി​രു​ന്നെ​ങ്കി​ലും അദ്ദേഹം ജനസമ്മ​ത​നായ വ്യക്തി​യാ​യി​രു​ന്നു. സ്‌ട്രാ​റ്റ്‌ഫോർഡി​ലെ പ്രാഥ​മിക വിദ്യാ​ല​യ​ത്തിൽ പഠിച്ച കുട്ടി​ക​ളു​ടെ ലിസ്റ്റ്‌ ലഭ്യമ​ല്ലെ​ങ്കി​ലും ബാലനാ​യി​രുന്ന വില്യം ആ സ്‌കൂ​ളിൽ പഠിച്ചി​രു​ന്നു എന്നാണ്‌ അനേക​രു​ടെ​യും അഭി​പ്രാ​യം. വർഷങ്ങൾക്കു ശേഷം വില്യ​മി​ന്റെ സുഹൃ​ത്തും നാടക​കൃ​ത്തും ആയിരുന്ന ബെൻ ജോൺസൻ, വില്യ​മിന്‌ “കുറച്ചു ലത്തീനും അൽപ്പസ്വൽപ്പം ഗ്രീക്കും” അറിയാ​മാ​യി​രു​ന്ന​താ​യി അഭി​പ്രാ​യ​പ്പെട്ടു. ഒരുപക്ഷേ, വില്യ​മി​നു പ്രാഥ​മിക വിദ്യാ​ഭ്യാ​സമേ ഉണ്ടായി​രു​ന്നു​ള്ളൂ എന്ന്‌ അതു സൂചി​പ്പി​ച്ചേ​ക്കാം.

എങ്കിലും ആ നാടക​കൃ​ത്തിന്‌ ഗ്രീക്ക്‌, റോമൻ സാഹി​ത്യ​ത്തിൽ നല്ല അറിവു​ണ്ടാ​യി​രു​ന്നു. അതു​പോ​ലെ​തന്നെ, ഇറ്റലി, ഫ്രാൻസ്‌, സ്‌പെ​യിൻ എന്നിവി​ട​ങ്ങ​ളി​ലെ സാഹി​ത്യ​വും സാധ്യ​ത​യ​നു​സ​രിച്ച്‌ ഭാഷയും അദ്ദേഹ​ത്തി​നു വശമാ​യി​രു​ന്നു. വിപു​ല​മായ പദസമ്പത്ത്‌ അദ്ദേഹ​ത്തി​നു കൈമു​ത​ലാ​യി ഉണ്ടായി​രു​ന്നു. അഭ്യസ്‌ത​വി​ദ്യ​നായ ഒരു വ്യക്തി ഇന്ന്‌ സംഭാ​ഷ​ണ​ത്തിൽ 4,000-ത്തിലധി​കം പദങ്ങൾ ഉപയോ​ഗി​ക്കാ​റില്ല. 17-ാം നൂറ്റാ​ണ്ടി​ലെ ആംഗലേയ കവിയായ ജോൺ മിൽട്ടൺ തന്റെ കൃതി​ക​ളിൽ 8,000-ത്തോളം പദങ്ങളേ ഉപയോ​ഗി​ച്ചി​ട്ടു​ള്ളൂ. എന്നാൽ ഷേക്‌സ്‌പി​യർ 21,000-ത്തിൽ കുറയാ​തെ പദങ്ങൾ ഉപയോ​ഗി​ച്ച​താ​യി ഒരു പ്രമാ​ണ​ഗ്രന്ഥം പറയുന്നു!

പുസ്‌ത​ക​ങ്ങ​ളും കയ്യെഴു​ത്തു​പ്ര​തി​ക​ളും

മൂന്നു പേജുള്ള വിൽപ്പ​ത്ര​ത്തിൽ ഷേക്‌സ്‌പി​യർ തന്റെ മുഴു സ്വത്തു​ക്ക​ളെ​യും കുറിച്ചു പ്രതി​പാ​ദി​ച്ചു. എന്നാൽ, അതിൽ പുസ്‌ത​ക​ങ്ങ​ളെ​യോ കയ്യെഴു​ത്തു​പ്ര​തി​ക​ളെ​യോ കുറിച്ച്‌ യാതൊ​ന്നും പരാമർശി​ക്കു​ന്നില്ല. അവ മൂത്ത മകളായ സൂസന്ന​യ്‌ക്കു കൊടു​ത്ത​താ​കു​മോ? അങ്ങനെ​യെ​ങ്കിൽ, അത്‌ തീർച്ച​യാ​യും അവളുടെ സന്തതി പരമ്പര​ക​ളു​ടെ ഇടയിൽ വിതരണം ചെയ്‌തി​രി​ക്കേ​ണ്ട​താണ്‌. ഈ നിഗൂ​ഢ​ത​യിൽ ആകൃഷ്ട​നാ​യി 18-ാം നൂറ്റാ​ണ്ടി​ലെ ഒരു വൈദി​കൻ സ്‌ട്രാ​റ്റ്‌ഫോർഡ്‌ ഓൺ ആവണിലെ 80 കിലോ​മീ​റ്റർ ചുറ്റള​വി​ലുള്ള എല്ലാ ഗ്രന്ഥശാ​ല​ക​ളും ചികഞ്ഞു​പെ​റു​ക്കി. എന്നാൽ ഷേക്‌സ്‌പി​യ​റി​ന്റേ​തായ ഒറ്റ വാല്യം പോലും കണ്ടെത്താ​നാ​യില്ല.

നാടക​ങ്ങ​ളു​ടെ കയ്യെഴു​ത്തു​പ്ര​തി​ക​ളു​മാ​യി ബന്ധപ്പെട്ട മറ്റൊരു വലിയ പ്രശ്‌ന​മുണ്ട്‌—മൂലകൃ​തി​കൾ ഒന്നും അവശേ​ഷി​ക്കു​ന്ന​താ​യി അറിവില്ല. ഷേക്‌സ്‌പി​യർ മരിച്ച്‌ ഏഴു വർഷത്തി​നു ശേഷം, 1623-ൽ, പുറത്തി​റ​ക്കിയ ഫസ്റ്റ്‌ ഫോളി​യോ എന്ന പതിപ്പിൽ മുപ്പത്താ​റു നാടകങ്ങൾ ഉണ്ടായി​രു​ന്നു. അദ്ദേഹ​ത്തി​ന്റെ ജീവി​ത​കാ​ലത്ത്‌ ആളുകൾ സാഹി​ത്യ​ചോ​രണം നടത്തി പല പതിപ്പു​കൾ പുറത്തി​റക്കി. എങ്കിലും, കുശാ​ഗ്ര​ബു​ദ്ധി​യായ ബിസി​ന​സു​കാ​ര​നാ​യി​രുന്ന ഷേക്‌സ്‌പി​യർ അവയുടെ പ്രസി​ദ്ധീ​ക​രണം തടയു​ന്ന​തിന്‌ നിയമ​പ​ര​മായ യാതൊ​രു നടപടി​യും കൈ​ക്കൊ​ണ്ടില്ല.

ലണ്ടനി​ലേക്ക്‌—ഒപ്പം യശസ്സും

എലിസ​ബീ​ഥൻ കാലങ്ങ​ളിൽ അഭി​നേ​താ​ക്ക​ളു​ടെ കൂട്ടങ്ങൾ ഊരു​ചു​റ്റുക പതിവാ​യി​രു​ന്നു. അവരിൽ ചിലർ 1587-ൽ സ്‌ട്രാ​റ്റ്‌ഫോർഡ്‌ ഓൺ ആവണി​ലെത്തി. അവരോ​ടൊ​പ്പം പോ​യെ​ങ്കിൽ ഷേക്‌സ്‌പി​യർ ആ വർഷത്തെ ശരത്‌കാ​ലത്ത്‌ ലണ്ടനിൽ എത്തിയി​ട്ടു​ണ്ടാ​കണം. അദ്ദേഹം ലണ്ടനിലെ പ്രസി​ദ്ധി​യാർജിച്ച ലോർഡ്‌ ചേംബർലെയ്‌ൻ മെൻ എന്ന നാടക കമ്പനി​യിൽ ചേർന്ന കാര്യം നമുക്ക​റി​യാം. ആ കമ്പനി പിന്നീട്‌ കിങ്‌സ്‌ മെൻ എന്ന പേരി​ലാണ്‌ അറിയ​പ്പെ​ട്ടത്‌. തലസ്ഥാന നഗരി​യിൽ എത്തിയ​തോ​ടെ അദ്ദേഹ​ത്തി​ന്റെ ഭാഗ്യം തെളിഞ്ഞു. വർഷങ്ങൾകൊണ്ട്‌ അദ്ദേഹം ലണ്ടനി​ലും സ്‌ട്രാ​റ്റ്‌ഫോർഡ്‌ ഓൺ ആവണി​ലും വസ്‌തു​വ​കകൾ സമ്പാദി​ച്ചു. എന്നാൽ 1583 മുതൽ 1592 വരെയുള്ള കാലഘ​ട്ട​ങ്ങ​ളി​ലെ അദ്ദേഹ​ത്തി​ന്റെ പ്രവർത്ത​ന​ങ്ങളെ കുറിച്ചു വ്യക്തമായ യാതൊ​രു വിവര​വു​മില്ല. അത്‌ മർമ​പ്ര​ധാ​ന​മായ “നഷ്ട വർഷങ്ങ”ളായി അവശേ​ഷി​ക്കു​ന്നു.

1599-ൽ സൗത്ത്‌വർക്കിൽ ഗ്ലോബ്‌ നാടക​ശാല നിർമി​ക്ക​പ്പെട്ടു. അതിനു മുമ്പു​തന്നെ ഷേക്‌സ്‌പി​യ​റി​ന്റെ പേരി​ലുള്ള നാടകങ്ങൾ ലണ്ടനിൽ വിഖ്യാ​ത​മാ​യി​രു​ന്നു. എങ്കിലും അവയുടെ രചയി​താവ്‌ എന്ന നിലയിൽ അദ്ദേഹം ഒരിക്ക​ലും വിശ്രു​ത​നാ​യില്ല. മരിച്ച​പ്പോൾ അദ്ദേഹ​ത്തിന്‌, ബെൻ ജോൺസൻ, ഫ്രാൻസിസ്‌ ബോമാന്റ്‌ തുടങ്ങിയ നാടക​കൃ​ത്തു​ക്കൾക്കു ലഭിച്ച അത്രയും ഗംഭീ​ര​മായ ശവസം​സ്‌കാ​രം ലഭിച്ചില്ല. ലണ്ടനിലെ വെസ്റ്റ്‌മി​നി​സ്റ്റർ ആബിയിൽ വലിയ ചടങ്ങു​ക​ളോ​ടെ ആയിരു​ന്നു അവർ ഇരുവ​രു​ടെ​യും ശവസം​സ്‌കാ​രം.

രചയി​താ​ക്ക​ളാ​യി​രി​ക്കാൻ സാധ്യ​ത​യു​ള്ള​വർ

ഷേക്‌സ്‌പി​യർ എന്ന പേര്‌ യഥാർഥ ഗ്രന്ഥകർത്താ​വി​ന്റെ—ഗ്രന്ഥകർത്താ​ക്ക​ളു​ടെ പോലും—പേർ മറച്ചു​വെ​ക്കാൻ ഉപയോ​ഗി​ച്ചി​രു​ന്ന​താ​ണോ? 60-ലധികം സാധ്യ​തകൾ ആളുകൾ നിരത്തി​യി​ട്ടുണ്ട്‌. അതിൽ ക്രിസ്റ്റഫർ മാർലോa എന്ന നാടക​കൃ​ത്തി​ന്റെ​യും ഒട്ടും പ്രതീ​ക്ഷി​ക്കാ​തി​രുന്ന കർദി​നാൾ വൂൾസി, സർ വാൾട്ടർ റോളി, എലിസ​ബത്ത്‌ I രാജ്ഞി എന്നിവ​രു​ടെ​യും പേരുകൾ ഉൾപ്പെ​ടു​ന്നു. ഇവരിൽ ആരുടെ പേരാണ്‌ ഏറ്റവു​മ​ധി​കം പരിചി​ന്തനം അർഹി​ക്കു​ന്ന​താ​യി സൈദ്ധാ​ന്തി​കർ അവകാ​ശ​പ്പെ​ടു​ന്നത്‌?

ഒന്നാമ​ത്തെ​യാൾ കേം​ബ്രി​ഡ്‌ജ്‌ യൂണി​വേ​ഴ്‌സി​റ്റി​യിൽ വിദ്യാ​ഭ്യാ​സം നേടിയ ഫ്രാൻസിസ്‌ ബേക്കനാണ്‌. അദ്ദേഹ​ത്തി​നു ഷേക്‌സ്‌പി​യ​റി​നെ​ക്കാൾ മൂന്നു വയസ്സു കൂടു​ത​ലുണ്ട്‌. വിഖ്യാ​ത​നായ അഭിഭാ​ഷ​ക​നും കൊട്ടാര ഉദ്യോ​ഗ​സ്ഥ​നു​മാ​യി​രുന്ന അദ്ദേഹം അനവധി സാഹിത്യ കൃതികൾ രചിച്ചി​ട്ടുണ്ട്‌. ഷേക്‌സ്‌പി​യ​റി​ന്റെ കൃതികൾ ബേക്കനാണ്‌ എഴുതി​യ​തെന്ന വാദം ആദ്യമാ​യി ഉയർന്നു​വ​ന്നത്‌ 1769-ലാണ്‌. എന്നാൽ 80 വർഷ​ത്തോ​ളം ആരും അത്‌ കാര്യ​മാ​യെ​ടു​ത്തില്ല. ആ വാദഗ​തിക്ക്‌ ആക്കം കൂട്ടാൻ 1885-ൽ ബേക്കൻ സൊ​സൈറ്റി രൂപീ​കൃ​ത​മാ​യി. പ്രസ്‌തുത വാദഗ​തി​യെ പിന്താ​ങ്ങാ​നാ​യി നിരവധി വസ്‌തു​ത​ക​ളും നിരത്തു​ക​യു​ണ്ടാ​യി. ഉദാഹ​ര​ണ​ത്തിന്‌, ബേക്കൻ താമസി​ച്ചി​രു​ന്നത്‌ ലണ്ടന്‌ 20 മൈൽ വടക്കുള്ള സെന്റ്‌ അലബാൻസ്‌ പട്ടണത്തിന്‌ അടുത്താണ്‌. ഷേക്‌സ്‌പി​യ​റി​ന്റെ കൃതി​ക​ളിൽ ആ പട്ടണത്തി​ന്റെ പേര്‌ 15 തവണ പരാമർശി​ച്ചി​ട്ടുണ്ട്‌. എന്നാൽ ഷേക്‌സ്‌പി​യ​റി​ന്റെ ജന്മനാ​ടായ സ്‌ട്രാ​റ്റ്‌ഫോർഡ്‌ ഓൺ ആവണിനെ കുറിച്ച്‌ യാതൊ​രു പരാമർശ​വു​മില്ല.

റുട്ട്‌ല​ണ്ടി​ലെ അഞ്ചാമത്തെ പ്രഭു​വായ റോജർ മാനേ​ഴ്‌സ്‌, ഡെർബി​യി​ലെ ആറാമത്തെ പ്രഭു​വായ വില്യം സ്റ്റാൻലി എന്നിവ​രു​ടെ​യും പേരുകൾ നിർദേ​ശി​ക്കു​ന്ന​വ​രുണ്ട്‌. നല്ല വിദ്യാ​ഭ്യാ​സ​വും കോടതി കാര്യ​ങ്ങ​ളിൽ വളരെ​യ​ധി​കം അനുഭ​വ​പ​രി​ച​യ​വും ഉണ്ടായി​രു​ന്ന​വ​രാണ്‌ അവർ. എന്നാൽ അവർ തങ്ങളുടെ തൊഴിൽ എന്തിനു മറച്ചു​പി​ടി​ക്കണം? റൂട്ട്‌ല​ണ്ടി​നു​വേണ്ടി വാദി​ച്ചു​കൊണ്ട്‌ 1939-ൽ പ്രൊ​ഫസർ എസ്‌. പോ​റോ​ഹൊ​ഫ്‌ഷി​കൊഫ്‌ ഇങ്ങനെ പറഞ്ഞു: “അദ്ദേഹ​ത്തി​ന്റെ ആദ്യ കൃതികൾ പേരു​വെ​ക്കാ​തെ​യാണ്‌ അച്ചടി​ച്ചത്‌. മറ്റു കൃതികൾ തൂലികാ നാമത്തി​ലും. കാരണം ലളിത​മാണ്‌, സാധാരണ ജനങ്ങളു​ടെ നാടക​ശാ​ല​കൾക്കു വേണ്ടി ഒരു പ്രഭു നാടകം രചിക്കു​ന്നത്‌ അനുചി​ത​മാ​യി​രു​ന്നു.”

ഷേക്‌സ്‌പി​യ​റി​ന്റെ നാടകങ്ങൾ പല ഗ്രന്ഥകർത്താ​ക്ക​ന്മാർ തങ്ങളുടെ വൈദ​ഗ്‌ധ്യം സംഭാവന ചെയ്‌തു​കൊണ്ട്‌ രചിച്ച കൃതി​ക​ളു​ടെ സമാഹാ​ര​മാ​ണെന്നു ചിലർ അവകാ​ശ​പ്പെ​ടു​ന്നു. നേരേ​മ​റിച്ച്‌, വിദഗ്‌ധ​നായ നടൻ എന്ന നിലയിൽ ഷേക്‌സ്‌പി​യർ മറ്റുള്ള​വ​രു​ടെ നാടകങ്ങൾ തിരുത്തി വേദി​യിൽ അവതരി​പ്പി​ക്കു​ക​യാ​യി​രു​ന്നോ? തന്റെ കയ്യെഴു​ത്തു​പ്ര​തി​യിൽ ഒരിക്ക​ലും ‘ഒരു വരി പോലും മായ്‌ച്ചു കളഞ്ഞി​രു​ന്നില്ല’ എന്ന്‌ അദ്ദേഹത്തെ കുറിച്ചു പറയ​പ്പെ​ടു​ന്നു. അദ്ദേഹം തിരു​ത്ത​ലു​കൾ വരുത്തി​യി​രു​ന്നത്‌ തന്നെ ഏൽപ്പിച്ച മറ്റു നാടക​കൃ​ത്തു​ക്ക​ളു​ടെ രചനക​ളി​ലാ​യി​രു​ന്നു എങ്കിൽ ആ പ്രസ്‌താ​വ​ന​യിൽ കഴമ്പു​ണ്ടെന്നു പറയാൻ സാധി​ക്കും.

രചയി​താവ്‌ ഷേക്‌സ്‌പി​യർ ആയിരു​ന്നോ എന്നു ചിലർ സംശയി​ക്കു​ന്ന​തി​ന്റെ മുഖ്യ കാരണ​മെ​ന്താണ്‌? “സ്‌ട്രാ​റ്റ്‌ഫോർഡ്‌ ഓൺ ആവണിൽ നിന്നുള്ള ഒരു നടൻ അവ രചി​ച്ചെന്നു വിശ്വ​സി​ക്കാൻ ആളുകൾ ഒരുക്ക​മാ​യി​രു​ന്നില്ല. ഷേക്‌സ്‌പി​യ​റി​ന്റെ വെറും സാധാ​ര​ണ​മായ നാട്ടും​പുറ പശ്ചാത്തലം ആ നാടകങ്ങൾ രചിച്ച പ്രതി​ഭാ​ശാ​ലി​യു​ടെ പ്രതി​ച്ഛാ​യ​യ്‌ക്കു ചേർന്നതല്ല” എന്ന്‌ ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ അഭി​പ്രാ​യ​പ്പെ​ടു​ന്നു. ഗ്രന്ഥകർത്താ​ക്ക​ളാ​യി നിർദേ​ശി​ക്ക​പ്പെട്ട മിക്കവ​രും “പ്രഭു​ക്ക​ന്മാ​രോ ഉന്നത കുലജാ​ത​രോ ആയിരു​ന്നു” എന്ന്‌ അതു കൂട്ടി​ച്ചേർക്കു​ന്നു. അതു​കൊണ്ട്‌, “വിദ്യാ​സ​മ്പ​ന്ന​നും സമൂഹ​ത്തി​ന്റെ മേൽത്ത​ട്ടി​ലുള്ള ഉന്നത ചിന്താ​ഗ​തി​ക്കാ​ര​നു​മായ ഒരാൾക്കേ ആ നാടകങ്ങൾ എഴുതാൻ കഴിയു​മാ​യി​രു​ന്നു​ള്ളൂ” എന്ന്‌ ഷേക്‌സ്‌പി​യ​റി​ന്റെ ഗ്രന്ഥകർത്തൃ​ത്വ​ത്തിൽ സംശയ​മു​ന്ന​യി​ക്കുന്ന അനേക​രും വിശ്വ​സി​ക്കു​ന്നു. എങ്കിലും, ഈ ലേഖന​ത്തി​ന്റെ ആരംഭ​ത്തിൽ പരാമർശിച്ച പ്രകാരം നിരവധി ഷേക്‌സ്‌പി​യർ പണ്ഡിത​ന്മാ​രും ഷേക്‌സ്‌പി​യ​റാണ്‌ രചയി​താവ്‌ എന്നു വിശ്വ​സി​ക്കു​ന്നു.

ഈ വിവാ​ദ​ത്തിന്‌ താമസി​യാ​തെ പരിഹാ​രം ഉണ്ടാകു​മോ? അതിനു സാധ്യ​ത​യില്ല. മൂലകൃ​തി​ക​ളോ വിട്ടു​പോയ വർഷങ്ങൾ സംബന്ധിച്ച പുതിയ തെളി​വു​ക​ളോ ലഭിക്കാ​തെ വില്യം ഷേക്‌സ്‌പി​യർ എന്ന “ഈ നിസ്‌തുല പ്രതി​ഭാ​ശാ​ലി”യെ കുറി​ച്ചുള്ള കൗതു​ക​മു​ണർത്തുന്ന നിഗൂഢത ചുരു​ള​ഴി​യാ​തെ കിടക്കും.

[24-ാം പേജിലെ ചതുരം]

[അടിക്കു​റിപ്പ്‌]

സാക്ഷര​ത​യും യശസ്സും

ലഭ്യമായ നാലു രേഖക​ളിൽ വില്യം ഷേക്‌സ്‌പി​യർ സാധ്യ​ത​യ​നു​സ​രിച്ച്‌ ആറു തവണ ഒപ്പിട്ടി​ട്ടുണ്ട്‌. അദ്ദേഹ​ത്തി​ന്റെ പേര്‌ അതിൽ അത്ര വ്യക്തമല്ല, പല പദവി​ന്യാ​സ​ങ്ങ​ളാണ്‌ പേരിൽ ഉപയോ​ഗി​ച്ചി​രി​ക്കു​ന്നത്‌. അഭിഭാ​ഷകർ ഷേക്‌സ്‌പി​യ​റി​നു വേണ്ടി വിൽപ്പ​ത്ര​ത്തിൽ ഒപ്പിട്ടി​രി​ക്കാം എന്നാണു ചില വിദഗ്‌ധ​രു​ടെ അഭി​പ്രാ​യം. എന്നാൽ അതു ശ്രദ്ധേ​യ​മായ ഒരു ചോദ്യം ഉന്നയി​ക്കു​ന്നു: വില്യം ഷേക്‌സ്‌പി​യ​റിന്‌ അക്ഷരാ​ഭ്യാ​സം ഉണ്ടായി​രു​ന്നോ? അദ്ദേഹ​മെ​ഴു​തിയ ഒറ്റ കയ്യെഴു​ത്തു​പ്ര​തി​യും ലഭ്യമല്ല. അദ്ദേഹ​ത്തി​ന്റെ പുത്രി​യായ സൂസന്ന​യ്‌ക്ക്‌ ഒപ്പിടാൻ അറിയാ​മാ​യി​രു​ന്നു എന്നതിൽ കവിഞ്ഞ്‌ എന്തെങ്കി​ലും ചെയ്യാൻ കഴിയു​മാ​യി​രു​ന്ന​താ​യി യാതൊ​രു തെളി​വു​മില്ല. ഷേക്‌സ്‌പി​യ​റി​ന്റെ മറ്റൊരു മകളാ​യി​രുന്ന ജൂഡിത്ത്‌ പിതാ​വു​മാ​യി വലിയ അടുപ്പം പുലർത്തി​യി​രു​ന്നു. അവളുടെ ഒപ്പ്‌ വെറു​മൊ​രു അടയാ​ള​മാ​യി​രു​ന്നു. അവൾക്കു തെല്ലും അക്ഷരാ​ഭ്യാ​സ​മി​ല്ലാ​യി​രു​ന്നു. തന്റെ മക്കൾ സാഹി​ത്യ​ത്തി​ന്റെ അമൂല്യ പ്രയോ​ജ​നങ്ങൾ ആസ്വദി​ക്കു​ന്നു​വെന്ന്‌ ഉറപ്പു​വ​രു​ത്തു​ന്ന​തിൽ ഷേക്‌സ്‌പി​യർ പരാജ​യ​മ​ട​ഞ്ഞ​തി​ന്റെ കാരണം ആർക്കും അറിഞ്ഞു​കൂ​ടാ.

[23-ാം പേജിലെ ചിത്രങ്ങൾ]

ഷേക്‌സ്‌പിയർ എങ്ങനെ​യി​രു​ന്നു​വെന്ന്‌ ഉറപ്പു പറയാ​നാ​വി​ല്ലെ​ങ്കി​ലും, അദ്ദേഹ​ത്തി​ന്റെ ചില മുൻകാല ചിത്രങ്ങൾ

[കടപ്പാട്‌]

Encyclopædia Britannica/11th Edition (1911)

Culver Pictures