അരക്ഷി​താ​വസ്ഥ ഒരു ആഗോള വ്യാധി

നിങ്ങളു​ടെ ജീവി​ത​വും ജീവി​ത​രീ​തി​യും അരക്ഷി​ത​ത്വ​ത്തി​ന്റെ​യും അനിശ്ചി​ത​ത്വ​ത്തി​ന്റെ​യും പിടി​യിൽ അമരു​ന്ന​താ​യി ചില​പ്പോ​ഴൊ​ക്കെ നിങ്ങൾക്കു തോന്നാ​റു​ണ്ടോ? നിങ്ങൾക്കു മാത്രമല്ല, ദശലക്ഷ​ക്ക​ണ​ക്കിന്‌ ആളുകൾക്ക്‌ അങ്ങനെ തോന്നു​ന്നു. ദേശീ​യ​മോ മതപര​മോ സാമൂ​ഹി​ക​മോ ആയ അതിർ വരമ്പു​ക​ളെ​ല്ലാം ഭേദിച്ച്‌ അരക്ഷി​താ​വസ്ഥ ഒരു പകർച്ച വ്യാധി പോലെ ലോക​മെ​മ്പാ​ടും ഉള്ള ആളുകളെ ബാധി​ക്കു​ന്നു.

ജീവിതം അരക്ഷി​താ​വ​സ്ഥ​യിൽ ആയിരി​ക്കു​മ്പോൾ, ഒരു നിഘണ്ടു പറയു​ന്നതു പോലെ, നമ്മെ “ഭയവും ഉത്‌ക​ണ്‌ഠ​യും ഗ്രസി​ക്കു​ന്നു.” സമ്മർദം ഉളവാ​ക്കുന്ന ഒരു വൈകാ​രിക ഭാരമാണ്‌ ഉത്‌കണ്‌ഠ. അതു നമ്മുടെ ആരോ​ഗ്യ​ത്തെ ക്ഷയിപ്പി​ച്ചേ​ക്കാം. എന്നാൽ, നമുക്ക്‌ ഉത്‌ക​ണ്‌ഠ​യും അരക്ഷി​ത​ത്വ​വും തോന്നാൻ കാരണം എന്താണ്‌?

യൂറോ​പ്പി​ലെ ഉത്‌ക​ണ്‌ഠ​കൾ

യൂറോ​പ്യൻ യൂണി​യ​നിൻ (ഇയു) 6-ൽ ഒരാൾ വീതം ദാരി​ദ്ര്യ രേഖയ്‌ക്കു താഴെ​യാ​ണു ജീവി​ക്കു​ന്നത്‌. 1.8 കോടി ആളുകൾ തൊഴിൽര​ഹി​തർ ആണ്‌. അസംഖ്യം ആളുകൾ തൊഴിൽ നഷ്ടപ്പെ​ടു​മെന്ന ഭയത്തിൽ കഴിയു​ന്നു. നിരവധി ഇയു ദേശങ്ങ​ളിൽ ബാലര​തി​പ്രി​യർ മൂലം മാതാ​പി​താ​ക്കൾ തങ്ങളുടെ കുട്ടി​കളെ കുറിച്ചു ഭയചി​ത്ത​രാണ്‌. ഒരു ഇയു രാജ്യത്ത്‌ 3-ൽ 2 പേർ വീതം കുറ്റകൃ​ത്യ ഭീഷണി നിമിത്തം ഉത്‌ക​ണ്‌ഠാ​കു​ല​രാണ്‌. റൗഡി​ത്തരം, ഭീകര​പ്ര​വർത്തനം, മലിനീ​ക​രണം എന്നിവ മൂലം മറ്റ്‌ ഇയു ദേശനി​വാ​സി​ക​ളും പൂർവാ​ധി​കം പരി​ഭ്രാ​ന്ത​രാണ്‌.

ജീവി​ത​വും ഉപജീ​വ​ന​മാർഗ​വും പ്രതി​സ​ന്ധി​യിൽ ആയിരി​ക്കു​ന്ന​തിന്‌ അത്തരം സാമൂ​ഹിക ധർമ​ഭ്രം​ശ​ങ്ങൾക്കു മാത്രമല്ല ഉത്തരവാ​ദി​ത്വം ഉള്ളത്‌, പ്രകൃതി ദുരന്ത​ങ്ങൾക്കും അതിൽ പങ്കുണ്ട്‌. ഉദാഹ​ര​ണ​ത്തിന്‌, 1997-ലും 1998-ലും പേമാ​രി​യും മണ്ണിടി​ച്ചി​ലും ചുഴലി​ക്കാ​റ്റും ഐക്യ​നാ​ടു​ക​ളു​ടെ ചില ഭാഗങ്ങളെ തകർത്തു തരിപ്പ​ണ​മാ​ക്കി. 1997-ൽ ഓഡെർ, നൈസ എന്നീ നദികൾ കരകവിഞ്ഞ്‌ ഒഴുകി​യ​തി​ന്റെ ഫലമായി മധ്യ യൂറോപ്പ്‌ പ്രളയ​ത്തി​ലാ​യി. പോള​ണ്ടി​ലെ വാരി​ക​യായ പോളി​റ്റി​ക്കാ പറയുന്ന പ്രകാരം, വിശാ​ല​മായ കൃഷി​യി​ട​ങ്ങ​ളും 86 നഗരങ്ങ​ളും പട്ടണങ്ങ​ളും ഏതാണ്ട്‌ 900 ഗ്രാമ​ങ്ങ​ളും വെള്ളത്തിന്‌ അടിയി​ലാ​യി. 50,000-ത്തോളം കുടും​ബ​ങ്ങൾക്ക്‌ വിളകൾ നഷ്ടമായി. ഏകദേശം 50 പേർക്ക്‌ ജീവഹാ​നി സംഭവി​ച്ചു. 1998-ന്റെ തുടക്ക​ത്തിൽ ദക്ഷിണ ഇറ്റലി​യിൽ ഉണ്ടായ ഉരുൾപൊ​ട്ട​ലു​ക​ളിൽ ബഹുദശം ആളുകൾ കൊല്ല​പ്പെ​ടു​ക​യു​ണ്ടാ​യി.

വ്യക്തി​പ​ര​മായ സുരക്ഷി​ത​ത്വം

എന്നാൽ, പത്തു വർഷം മുമ്പ​ത്തെ​ക്കാൾ ജീവിതം ഇപ്പോൾ കൂടുതൽ സുരക്ഷി​തം ആണെന്നു നമുക്ക്‌ ഉറപ്പു ലഭിക്കു​ന്നി​ല്ലേ? ശീതസ​മ​ര​ത്തി​ന്റെ അവസാ​ന​ത്തോ​ടെ സൈനിക ശക്തി വെട്ടി​ക്കു​റ​യ്‌ക്ക​പ്പെ​ട്ടി​ട്ടി​ല്ലേ? ഉവ്വ്‌, ദേശീയ സുരക്ഷി​ത​ത്വം മെച്ച​പ്പെ​ട്ടി​രി​ക്കാം. എന്നാൽ, ഭവനത്തി​നു​ള്ളി​ലും തെരു​വി​ലും നടക്കുന്ന സംഗതി​കൾ വ്യക്തി​പ​ര​മായ സുരക്ഷി​ത​ത്വ​ത്തെ ബാധി​ക്കു​ന്നു. തൊഴിൽ നഷ്ടപ്പെ​ടു​ക​യോ വീടിനു വെളി​യിൽ ഒരു മോഷ്ടാ​വോ ബാലര​തി​പ്രി​യ​നോ മറഞ്ഞി​രി​ക്കു​ന്നു എന്ന തോന്നൽ ഉണ്ടാകു​ക​യോ ചെയ്യു​ന്ന​പക്ഷം, എത്ര തന്നെ ആയുധങ്ങൾ വെട്ടി​ക്കു​റ​ച്ചാ​ലും നമുക്ക്‌ ഉത്‌ക​ണ്‌ഠ​യും അരക്ഷി​ത​ത്വ​വും തോന്നും.

ജീവി​ത​ത്തി​ന്റെ അനിശ്ചി​താ​വ​സ്ഥയെ ചിലർ തരണം ചെയ്യു​ന്നത്‌ എങ്ങനെ​യാണ്‌? അതിലും പ്രധാ​ന​മാ​യി, സകലരു​ടെ​യും—നിങ്ങളു​ടെ ഉൾപ്പെടെ—ജീവിതം സ്ഥായി​യാ​യി സുരക്ഷി​തം ആക്കാൻ എന്തെങ്കി​ലും മാർഗ​മു​ണ്ടോ? തുടർന്നുള്ള രണ്ടു ലേഖനങ്ങൾ ഈ ആശയങ്ങൾ പരിചി​ന്തി​ക്കു​ന്ന​താണ്‌.

[3-ാം പേജിലെ ചിത്ര​ത്തിന്‌ കടപ്പാട്‌]

UN PHOTO 186705/J. Isaac

[3-ാം പേജിലെ ചിത്ര​ത്തിന്‌ കടപ്പാട്‌]

FAO photo/B. Imevbore