ഗംഭീര നഭോ​ദൃ​ശ്യ​ങ്ങൾ

ആകാശ​ത്തി​ലെ ഏറ്റവും ഗംഭീര ദൃശ്യ​ങ്ങ​ളിൽ ഒന്നാണ്‌ ഗോളാ​കാര താരാ​ഗ​ണങ്ങൾ. ഓരോ ഗണത്തി​ലും പതിനാ​യി​രം മുതൽ ലക്ഷക്കണ​ക്കി​നു വരെ നക്ഷത്രങ്ങൾ ഉണ്ടായി​രി​ക്കും. നമ്മുടെ ക്ഷീരപഥ ഗാലക്‌സി​യിൽ, അറിയ​പ്പെ​ടുന്ന ഏതാണ്ട്‌ 100 ഗോളാ​കാര താരാ​ഗ​ണങ്ങൾ ഉണ്ട്‌.

ക്ഷീരപ​ഥ​ത്തിൽ നമ്മുടെ അയലത്തു സ്ഥിതി ചെയ്യുന്ന നക്ഷത്രങ്ങൾ തമ്മിലുള്ള ശരാശരി അകലം, നാലു മുതൽ അഞ്ചു വരെ പ്രകാ​ശ​വർഷ​ങ്ങ​ളാണ്‌.a എന്നാൽ, ഒരു ഗോളാ​കാര താരാ​ഗ​ണ​ത്തിൽ നക്ഷത്രങ്ങൾ ഇടതി​ങ്ങി​യാ​ണു കാണ​പ്പെ​ടു​ന്നത്‌, നക്ഷത്രങ്ങൾ തമ്മിലുള്ള അകലം ഒരു പ്രകാ​ശ​വർഷ​ത്തി​ന്റെ ഏതാണ്ട്‌ പത്തി​ലൊന്ന്‌ ആയിരി​ക്കും.

ചിത്ര​ത്തിൽ കാണി​ച്ചി​രി​ക്കുന്ന താരാ​ഗണം ഒമേഗ സെന്റൊ​റൈ ആണ്‌. നഗ്നനേ​ത്രം​കൊ​ണ്ടു നോക്കി​യാൽ അത്‌ ഒരൊറ്റ നക്ഷത്ര​മാ​ണെന്നേ തോന്നൂ. എന്നാൽ വലിയ ഒരു ദൂരദർശ​നി​യി​ലൂ​ടെ നോക്കു​ക​യാ​ണെ​ങ്കിൽ മൊത്തം ഏതാണ്ട്‌ പത്തു ലക്ഷം നക്ഷത്ര​ങ്ങ​ളുള്ള കണ്ണഞ്ചി​ക്കുന്ന ഒരു താരാ​ഗണം ആണ്‌ അതെന്നു മനസ്സി​ലാ​കും. ഒമേഗ സെന്റൊ​റൈയെ ഏറ്റവും നന്നായി കാണാൻ കഴിയു​ന്നതു ദക്ഷിണാർധ​ഗോ​ള​ത്തിൽ നിന്നാണ്‌. എങ്കിലും, വസന്തകാ​ല​ത്തും വേനൽക്കാ​ല​ത്തും വൈകു​ന്നേ​ര​ങ്ങ​ളിൽ ഉത്തരാർധ​ഗോ​ള​ത്തി​ലെ മധ്യ അക്ഷാം​ശങ്ങൾ വരെയുള്ള ഭാഗങ്ങ​ളിൽ നിന്നു​നോ​ക്കി​യാ​ലും അതു കാണാം. ദക്ഷിണ ചക്രവാ​ള​ത്തി​ലാണ്‌ അപ്പോൾ അത്‌ ദൃശ്യ​മാ​കുക.

ഒമേഗ സെന്റൊ​റൈ​യു​ടെ വ്യാസം ഏതാണ്ട്‌ 150 പ്രകാ​ശ​വർഷ​മാണ്‌; ഇവിടെ കൊടു​ത്തി​രി​ക്കുന്ന താരാ​ഗ​ണ​ത്തി​ന്റെ ചിത്ര​ത്തി​ന്റെ മുകളിൽനി​ന്നു താഴെ വരെ സഞ്ചരി​ക്കാൻ പ്രകാ​ശ​ത്തിന്‌ ഏതാണ്ട്‌ 150 വർഷം വേണ്ടി​വ​രും! ഭൂമി​യിൽനിന്ന്‌ ഒമേഗ സെന്റൊ​റൈ​യി​ലേ​ക്കുള്ള ദൂരം 17,000 പ്രകാ​ശ​വർഷ​മാണ്‌ എന്നു കണക്കാ​ക്ക​പ്പെ​ടു​ന്നു.

ഒമേഗ ഒരൊറ്റ നക്ഷത്രം ആണെന്നാ​ണു യുഗങ്ങ​ളാ​യി കരുതി​പ്പോ​ന്നത്‌. 17-ാം നൂറ്റാ​ണ്ടിൽ ജർമൻകാ​ര​നായ അമച്ച്വർ ബഹിരാ​കാശ ശാസ്‌ത്രജ്ഞൻ യോഹാൻ ബൈയർ അതിന്‌ ഒമേഗ (ω) എന്നു പേരിട്ടു. ഗ്രീക്ക്‌ അക്ഷരമാ​ല​യി​ലെ ഒരു അക്ഷരമാണ്‌ ഇത്‌. എന്നാൽ 1677-ൽ, ഇംഗ്ലീ​ഷു​കാ​ര​നായ ബഹിരാ​കാശ ശാസ്‌ത്രജ്ഞൻ എഡ്‌മണ്ട്‌ ഹാലി​യാണ്‌ അത്‌ ഒരു ഗോളാ​കാര താരാ​ഗണം ആണെന്ന്‌ ആദ്യമാ​യി തിരി​ച്ച​റി​ഞ്ഞത്‌.

ഉത്തരാർധ​ഗോ​ള​ത്തിൽ, നിരീ​ക്ഷി​ക്കാൻ പറ്റിയ ഏറ്റവും നല്ല ഒരു താരാ​ഗണം ഹെർക്കു​ലിസ്‌ നക്ഷത്ര​മ​ണ്ഡ​ല​ത്തി​ലെ എം13 ആണ്‌. അതിൽ ഏതാണ്ട്‌ പത്തു ലക്ഷം നക്ഷത്രങ്ങൾ ഉണ്ട്‌. ഇത്‌ ഭൂമി​യിൽനിന്ന്‌ ഒമേഗ സെന്റൊ​റൈ​യെ​ക്കാൾ 4,000 പ്രകാ​ശ​വർഷം അകലെ​യാണ്‌. അതു​കൊ​ണ്ടാണ്‌ അതു ചെറു​താ​യി കാണ​പ്പെ​ടു​ന്നത്‌.

എപ്പോ​ഴെ​ങ്കി​ലും, ഒരുവി​ധം വലിയ ദൂരദർശി​നി​യി​ലൂ​ടെ ഒരു ഗോളാ​കാര താരാ​ഗ​ണത്തെ നിരീ​ക്ഷി​ക്കാൻ അവസരം ലഭിച്ചാൽ യാതൊ​രു കാരണ​വ​ശാ​ലും അതു പാഴാ​ക്ക​രുത്‌. നിശാ​ന​ഭ​സ്സിൽ ദൃശ്യ​മാ​കുന്ന അതിഗം​ഭീര സൃഷ്ടി​ക​ളിൽ ഒന്നാണ്‌ അത്‌.

[അടിക്കു​റിപ്പ്‌]

[31-ാം പേജിലെ ചിത്രങ്ങൾ]

ഒമേഗ സെന്റൊ​റൈ

[കടപ്പാട്‌]

National Optical Astronomy Observatories

[31-ാം പേജിലെ ചിത്രങ്ങൾ]

എം13

[കടപ്പാട്‌]

ക്ഷീരപഥ ഗാലക്‌സി​യും എം13-ഉം: Courtesy United States Naval Observatory