നമ്മുടെ ഭൂമിയെ ആർ ശുചീ​ക​രി​ക്കും?

“രണ്ടായി​ര​ത്തി​രു​പ​ത്ത​ഞ്ചാ​മാ​ണ്ടോ​ടെ നമ്മുടെ രാഷ്‌ട്ര​ത്തി​ന്റെ പദസഞ്ച​യ​ത്തിൽനിന്ന്‌ ‘മലിനീ​ക​രണം’—വ്യവസാ​യം മൂലമുള്ള മലിനീ​ക​രണം—എന്ന പദം മിക്കവാ​റും അപ്രത്യ​ക്ഷ​മാ​യി കഴിഞ്ഞി​രി​ക്കു​മെന്നു ഞാൻ പ്രവചി​ക്കു​ക​യാണ്‌.” ഒരു കെമിക്കൽ കോർപ്പ​റേഷൻ പ്രസി​ഡന്റ്‌ അടുത്ത​യി​ടെ നടത്തിയ പ്രസ്‌താ​വ​ന​യാണ്‌ അത്‌. അതു സംഭവി​ക്കു​മെന്നു നിങ്ങൾ കരുതു​ന്നു​ണ്ടോ? ഉണ്ടെങ്കിൽ എങ്ങനെ​യാ​യി​രി​ക്കും അതു സംഭവി​ക്കുക?

സുരക്ഷി​ത​മ​ല്ലാ​ത്ത ഉത്‌പ​ന്നങ്ങൾ വിറ്റഴി​ക്കു​ന്ന​തി​നു പിന്നിൽ പലപ്പോ​ഴും ലാഭേ​ച്ഛ​യാണ്‌ ഉള്ളത്‌. ഉദാഹ​ര​ണ​ത്തിന്‌, തങ്ങളുടെ ഉത്‌പ​ന്ന​ങ്ങ​ളിൽ അടങ്ങി​യി​രി​ക്കുന്ന ഘടകങ്ങളെ “നിഷ്‌ക്രി​യം” എന്നു പരാമർശി​ച്ചു​കൊണ്ട്‌ ലാഭം കൊയ്യാൻ തങ്ങളെ സഹായി​ക്കുന്ന ചില രാസവാ​ക്യ​ങ്ങൾ രഹസ്യ​മാ​യി സൂക്ഷി​ക്കാൻ വ്യാപാര രഹസ്യ നിയമങ്ങൾ കീടനാ​ശി​നി കമ്പനി​കൾക്ക്‌ അനുമതി നൽകുന്നു. “നിഷ്‌ക്രി​യം” എന്നു കാണു​മ്പോൾ അവ “നിരു​പ​ദ്ര​വ​കരം” ആയിരി​ക്കാം എന്ന്‌ വേഗം തെറ്റി​ദ്ധ​രി​ക്കാൻ ഇടയുണ്ട്‌. എങ്കിലും “നിഷ്‌ക്രി​യ​മായ 394 ഘടകങ്ങൾ എങ്കിലും ക്രിയാ​ശീ​ല​ത​യുള്ള കീടനാ​ശി​നി​ക​ളാ​യി ഉപയോ​ഗി​ച്ചു വരുന്നുണ്ട്‌” എന്ന്‌ കെമിക്കൽ വീക്ക്‌ എന്ന മാഗസിൻ റിപ്പോർട്ടു ചെയ്യുന്നു. ഈ ഘടകങ്ങ​ളിൽ 209 എണ്ണം ആപത്‌ക​ര​മായ മാലി​ന്യ​കാ​രി​ക​ളാണ്‌, 21 എണ്ണം കാൻസർജ​ന​ക​ങ്ങ​ളാ​യി ഔദ്യോ​ഗി​ക​മാ​യി തരംതി​രി​ക്ക​പ്പെ​ട്ടി​ട്ടു​ള്ള​വ​യാണ്‌, 127 എണ്ണം തൊഴിൽ മേഖല​യിൽ അപകടങ്ങൾ ഉയർത്തു​ന്ന​വ​യാണ്‌!

ഗവൺമെ​ന്റു വെക്കുന്ന സുരക്ഷാ നിയ​ന്ത്ര​ണങ്ങൾ പലപ്പോ​ഴും പ്രയോ​ജ​ന​കരം ആയിരു​ന്നി​ട്ടുണ്ട്‌ എന്നു സമ്മതി​ക്കു​ന്നു. എന്നാൽ ഒരു ലേഖകൻ പറയു​ന്ന​തു​പോ​ലെ, ഗവൺമെ​ന്റു​ക​ളു​ടെ മുഖ്യ താത്‌പ​ര്യം “സാമ്പത്തിക വളർച്ച​യി​ലും വ്യാവ​സാ​യിക നേട്ടങ്ങ​ളി​ലും” ആണ്‌. അതു​കൊണ്ട്‌, നേട്ടങ്ങ​ളെ​യും അപകട​സാ​ധ്യ​ത​ക​ളെ​യും സമനി​ല​യിൽ നിർത്തേ​ണ്ട​തി​ന്റെ വെല്ലു​വി​ളി​യെ അവർ നിരന്തരം അഭിമു​ഖീ​ക​രി​ക്കു​ന്നു. തത്‌ഫ​ല​മാ​യി അവർക്ക്‌ മലിനീ​ക​ര​ണത്തെ നിയ​ന്ത്രി​ക്കാൻ മാത്രമേ കഴിഞ്ഞി​ട്ടു​ള്ളൂ.

അതു​കൊണ്ട്‌ പരിഹാ​ര​ത്തി​നാ​യി നമുക്ക്‌ എങ്ങോ​ട്ടാ​ണു തിരി​യാ​നാ​കുക? ഒരു യഹോ​വ​യു​ടെ സാക്ഷി സൗഹൃദ ഭാവം കാണിച്ച ഒരു വീട്ടു​കാ​രി​യോട്‌ ഈ ചോദ്യം ചോദി​ക്കു​ക​യു​ണ്ടാ​യി. മാനവ നേതാ​ക്ക​ന്മാ​രി​ലും ശാസ്‌ത്ര​ജ്ഞ​ന്മാ​രി​ലും ആശ്രയം പ്രകട​മാ​ക്കി​ക്കൊണ്ട്‌ ആ സ്‌ത്രീ ഇങ്ങനെ മറുപടി പറഞ്ഞു: “ഒരു നാൾ അവർ കാര്യ​ങ്ങ​ളെ​ല്ലാം നേരെ​യാ​ക്കും.”

“എന്നാൽ അവർ ആരാണ്‌?” സാക്ഷി ചോദി​ച്ചു. “എന്നെ​പ്പോ​ലെ​യും നിങ്ങ​ളെ​പ്പോ​ലെ​യും ഉള്ള ആളുക​ളല്ലേ അവരും? ഒരുപക്ഷേ അവർക്കു കൂടുതൽ വിദ്യാ​ഭ്യാ​സം ഉണ്ടായി​രി​ക്കാം, എന്നാൽ അവർക്കും തങ്ങളു​ടേ​തായ പരിമി​തി​ക​ളും ബലഹീ​ന​ത​ക​ളും ഉണ്ട്‌. അവർക്കും അബദ്ധങ്ങൾ പറ്റുന്നു.” അനവധി പ്രശ്‌നങ്ങൾ അവരെ​യും വേട്ടയാ​ടു​ന്നു. അതി​നെ​ല്ലാം പുറമേ അത്യാ​ഗ്ര​ഹ​വും അഴിമ​തി​യും മനുഷ്യ സമൂഹത്തെ ഗ്രസി​ച്ചി​രി​ക്കു​ന്നു.

നിങ്ങളും അങ്ങനെ​യാ​ണോ വിശ്വ​സി​ക്കു​ന്നത്‌, അതായത്‌ അവർ കാര്യ​ങ്ങ​ളെ​ല്ലാം നേരെ​യാ​ക്കും എന്ന്‌? അപ്രകാ​രം ചെയ്യു​ന്ന​തി​ലുള്ള മനുഷ്യ​ന്റെ പരാജ​യ​ത്തി​ന്റെ ദീർഘ​കാല ചരിത്രം ആശയ്‌ക്കു വകനൽകു​ന്നില്ല. “ശാസ്‌ത്ര​ജ്ഞ​ന്മാർക്കും അവരുടെ ഏജൻസി​കൾക്കും മലിനീ​കരണ പ്രശ്‌നങ്ങൾ പരിഹ​രി​ക്കു​ന്ന​തി​ലും വളരെ​യേറെ മിടുക്ക്‌ അവയെ​ക്കു​റി​ച്ചു പഠിക്കു​ന്ന​തി​ലാണ്‌” എന്ന്‌ ഔട്ട്‌ഡോർ ലൈഫ്‌ എന്ന മാഗസിൻ പറയു​ക​യു​ണ്ടാ​യി. മനുഷ്യർക്ക്‌ ഗുരു​ത​ര​മായ ഈ പ്രശ്‌നം പരിഹ​രി​ക്കാൻ കഴിയു​മെ​ന്നതു സംബന്ധിച്ച്‌ എന്തു പ്രത്യാ​ശ​യുണ്ട്‌?

മനുഷ്യന്‌ ഒറ്റയ്‌ക്ക്‌ അതിനു കഴിയു​മോ?

രാസ മലിനീ​ക​രണം നിയ​ന്ത്രി​ക്കു​ന്നത്‌ പ്രാ​ദേ​ശിക അധികാ​രി​കൾ മാത്രം നേരി​ടുന്ന ഒരു പ്രശ്‌നമല്ല. ഒരു രാജ്യത്ത്‌ ഉപയോ​ഗി​ക്കുന്ന രാസവ​സ്‌തു​ക്കൾ അയൽ രാജ്യ​ങ്ങ​ളിൽ ഉള്ളവ​രെ​യും ലോക​മെ​മ്പാ​ടു​മുള്ള ആളുക​ളെ​യും പോലും ബാധി​ക്കു​ന്നു എന്നതാണ്‌ അതിനു കാരണം! ഇത്തരത്തി​ലുള്ള ലോക പ്രശ്‌നങ്ങൾ പരിഹ​രി​ക്കാ​നാ​യി സഹകരി​ച്ചു പ്രവർത്തി​ക്കു​ന്ന​തിൽ മനുഷ്യർ പരാജ​യ​മ​ട​യു​ക​യും ചെയ്‌തി​രി​ക്കു​ന്നു. അത്‌ എന്തു​കൊ​ണ്ടെന്ന്‌ ബൈബിൾ സൂചി​പ്പി​ക്കു​ന്നുണ്ട്‌. അത്‌ ഇപ്രകാ​രം പറയുന്നു: ‘മനുഷ്യൻ മമനു​ഷ്യ​ന്റെ മേൽ അവന്റെ ദോഷ​ത്തി​ന്നാ​യി അധികാ​രം നടത്തി​യി​രി​ക്കു​ന്നു.’ (സഭാ​പ്ര​സം​ഗി 8:9) മനുഷ്യർക്കു തങ്ങളെ​ത്തന്നെ വിജയ​പ്ര​ദ​മാ​യി ഭരിക്കാൻ കഴിയാ​ത്തത്‌ എന്തു​കൊണ്ട്‌? അതിന്റെ കാരണ​വും ബൈബിൾ വിശദീ​ക​രി​ക്കു​ന്നു: ‘നടക്കു​ന്ന​വന്നു [“നടക്കുന്ന മനുഷ്യന്‌,” NW] തന്റെ കാലടി​കളെ നേരെ ആക്കുന്നതു സ്വാധീ​നമല്ല.’ (യിരെ​മ്യാ​വു 10:23) അതു കാണി​ക്കു​ന്നത്‌ എന്താണ്‌?

ദൈവ​ത്തി​ന്റെ മാർഗ​നിർദേശം കൂടാതെ മനുഷ്യർ തങ്ങളെ​ത്തന്നെ ഭരിക്കാൻ ഒരിക്ക​ലും ഉദ്ദേശി​ച്ചി​ട്ടി​ല്ലാ​യി​രു​ന്നു എന്ന്‌. മനുഷ്യർ അത്ഭുത​ക​ര​മായ കാര്യങ്ങൾ ചെയ്‌തി​ട്ടുണ്ട്‌—അവർ മണിമാ​ളി​കകൾ പണിതി​രി​ക്കു​ന്നു, വിദഗ്‌ധോ​പ​ക​ര​ണങ്ങൾ ഉണ്ടാക്കി​യി​രി​ക്കു​ന്നു, എന്തിന്‌ ചന്ദ്രനിൽ പോലും കാലു​കു​ത്തി​യി​രി​ക്കു​ന്നു. എങ്കിലും ദിവ്യ മാർഗ​നിർദേശം കൂടാതെ തങ്ങളെ​ത്തന്നെ ഭരിക്കാൻ അവർ അപ്രാ​പ്‌ത​രാണ്‌. അതാണ്‌ ബൈബിൾ പഠിപ്പി​ക്കു​ന്നത്‌. ചരിത്രം ബൈബിൾ പറയു​ന്നതു സത്യമാ​ണെന്നു തെളി​യി​ക്കു​ന്നു.

ശുചീ​ക​രി​ക്ക​പ്പെട്ട ഒരു ഭൂമി—എന്തു മുഖാ​ന്തരം?

നമ്മുടെ സ്രഷ്ടാ​വായ യഹോ​വ​യാം ദൈവം മനുഷ്യ​വർഗ​ത്തി​ലും താൻ അവർക്കു​വേണ്ടി തയ്യാറാ​ക്കിയ ഭൂമി​യി​ലും എല്ലായ്‌പോ​ഴും തത്‌പ​ര​നാ​യി​രു​ന്നി​ട്ടുണ്ട്‌. മനുഷ്യ​രെ സൃഷ്ടി​ച്ച​ശേഷം, ഭൂമി​യെ​യും അതിലെ ജീവജാ​ല​ങ്ങ​ളെ​യും കാത്തു​പ​രി​പാ​ലി​ക്കാൻ ദൈവം അവർക്കു നിർദേശം നൽകി. (ഉല്‌പത്തി 1:27, 28; 2:15) പിന്നീട്‌ ആദ്യ ദമ്പതികൾ അവന്റെ മാർഗ​നിർദേ​ശ​ങ്ങ​ളോട്‌ അനുസ​ര​ണ​ക്കേടു കാട്ടി​യ​പ്പോൾ ദേശത്തെ കാത്തു​പ​രി​പാ​ലി​ക്കു​ന്നതു സംബന്ധിച്ച്‌ അവൻ പുരാതന ഇസ്രാ​യേൽ ജനതയ്‌ക്ക്‌ നിർദേ​ശങ്ങൾ കൊടു​ത്തു. ഏഴു വർഷം കൂടു​മ്പോൾ ഒരു വർഷ​ത്തേക്ക്‌ നിലം വെറുതെ ഇട്ടേക്കാ​നുള്ള നിർദേ​ശ​വും ഇതിൽ ഉൾപ്പെ​ടു​ന്നു. അത്‌ നിലത്തി​ന്റെ ഉത്‌പാ​ദ​ന​ശേഷി വർധി​ക്കാൻ ഇടവരു​ത്തു​മാ​യി​രു​ന്നു. (പുറപ്പാ​ടു 23:11; ലേവ്യ​പു​സ്‌തകം 25:4-6) എന്നാൽ ജനങ്ങൾ അത്യാർത്തി​പൂണ്ട്‌ ദൈവ​ത്തോട്‌ അനുസ​ര​ണ​ക്കേടു കാണിച്ചു. അതുമൂ​ലം അവരും ദേശവും വളരെ​യേറെ ബുദ്ധി​മു​ട്ടി.

ഇന്നത്തേ​തു​പോ​ലുള്ള രാസമ​ലി​നീ​ക​രണം അന്നില്ലാ​യി​രു​ന്നു. എങ്കിലും, ദൈ​വോ​ദ്ദേ​ശ്യ​പ്ര​കാ​രം ഇസ്രാ​യേ​ല്യർ ദേശത്തി​നു വിശ്രമം കൊടു​ക്കാ​ഞ്ഞ​തു​കൊണ്ട്‌ ആ ദേശം നശിച്ചു. നിരപ​രാ​ധി​കൾ യാതന അനുഭ​വി​ക്കു​ക​യും ചെയ്‌തു. അതു​കൊണ്ട്‌, ഇസ്രാ​യേ​ലി​നെ ജയിച്ച​ട​ക്കാ​നും ആ ജനതയെ 70 വർഷ​ത്തേക്ക്‌ ബാബി​ലോ​നി​ലെ പ്രവാ​സി​ക​ളാ​യി കൊണ്ടു​പോ​കാ​നും ദൈവം ബാബി​ലോ​ന്യ​രെ അനുവ​ദി​ച്ചു. ഈ ശിക്ഷാ നടപടി​യും പൂർവ​സ്ഥി​തി​യിൽ ആകാൻ തക്കവണ്ണം ദേശത്തി​നു വിശ്രമം പ്രദാനം ചെയ്‌തു.—ലേവ്യ​പു​സ്‌തകം 26:27, 28, 34, 35, 43; 2 ദിനവൃ​ത്താ​ന്തം 36:20, 21.

ഭൂമി​യോട്‌ മനുഷ്യർ ചെയ്യു​ന്ന​തി​നൊ​ക്കെ​യും ദൈവം അവരോ​ടു കണക്കു​ചോ​ദി​ക്കും എന്ന്‌ ഈ ചരിത്രം കാണി​ക്കു​ന്നു. (റോമർ 15:4) “ഭൂമിയെ നശിപ്പി​ക്കു​ന്ന​വരെ നശിപ്പി”ക്കും എന്ന്‌ ദൈവം വാഗ്‌ദാ​നം ചെയ്യുന്നു. (വെളി​പ്പാ​ടു 11:18) ഭൂമിയെ ‘നശിപ്പി​ക്കു​ന്നത്‌’ ഏതു തരത്തി​ലുള്ള ആളുക​ളാണ്‌ എന്നതിനെ കുറിച്ച്‌ ബൈബിൾ വർണി​ക്കു​ന്നതു ശ്രദ്ധേ​യ​മാണ്‌. ബൈബി​ളിൽ 2 തിമൊ​ഥെ​യൊസ്‌ 3:1-5-ൽ പട്ടിക​പ്പെ​ടു​ത്തി​യി​രി​ക്കുന്ന അവരുടെ പ്രമുഖ സ്വഭാ​വ​വി​ശേ​ഷ​ത​ക​ളിൽ പണത്തി​ലും സ്വന്തം കാര്യ​ങ്ങ​ളി​ലു​മുള്ള അമിത താത്‌പ​ര്യം ഉൾപ്പെ​ടു​ന്നു. ദൈവ​ത്തി​ലും സഹമനു​ഷ്യർ ഉൾപ്പെ​ടെ​യുള്ള ദൈവ​ത്തി​ന്റെ സൃഷ്ടി​യി​ലും തീരെ കുറച്ചു മാത്രം താത്‌പ​ര്യം കാട്ടുന്ന അളവോ​ളം പ്രബല​മാണ്‌ ഇവ.

അതു​കൊണ്ട്‌, ഈ രണ്ട്‌ ബൈബിൾ ഭാഗങ്ങ​ളും—2 തിമൊ​ഥെ​യൊസ്‌ 3:1-5-ഉം വെളി​പ്പാ​ടു 11:18-ഉം—രണ്ട്‌ ഉറച്ച നിഗമ​ന​ങ്ങ​ളിൽ നമ്മെ കൊ​ണ്ടെ​ത്തി​ക്കു​ന്നു. ഒന്ന്‌, മലിന​മായ മനസ്സുകൾ ഭൂമി​യെ​യും മലിനീ​ക​രി​ക്കു​ന്നു. രണ്ട്‌, ഈ രണ്ടു തരത്തി​ലുള്ള മലിനീ​ക​ര​ണ​ങ്ങ​ളും മൂർധ​ന്യാ​വ​സ്ഥ​യിൽ എത്തു​മ്പോൾ ഭൂമി​യെ​യും ദൈവ​ഭ​ക്തി​യുള്ള മനുഷ്യ​രെ​യും രക്ഷിക്കു​ന്ന​തി​നാ​യി ദൈവം ഇടപെ​ടും. എന്നാൽ ദൈവം എങ്ങനെ​യാ​യി​രി​ക്കും ഇടപെ​ടു​ന്നത്‌?

ദാനീ​യേൽ പ്രവാ​ച​ക​നി​ലൂ​ടെ ദൈവം ഇങ്ങനെ മുൻകൂ​ട്ടി പറഞ്ഞു: “ഈ രാജാ​ക്ക​ന്മാ​രു​ടെ [ഇത്‌ വ്യക്തമാ​യും ഇന്നത്തെ ഗവൺമെ​ന്റു​കളെ പരാമർശി​ക്കു​ന്നു] കാലത്തു സ്വർഗ്ഗ​സ്ഥ​നായ ദൈവം . . . ഒരു രാജത്വം സ്ഥാപി​ക്കും; ആ രാജത്വം . . . ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” (ദാനീ​യേൽ 2:44) ആ രാജ്യം ഒരു യഥാർഥ ലോക ഗവൺമെ​ന്റാണ്‌. ആ ഗവൺമെ​ന്റി​നു വേണ്ടി പ്രാർഥി​ക്കാൻ യേശു​ക്രി​സ്‌തു തന്റെ അനുഗാ​മി​കളെ പഠിപ്പി​ച്ചു. അവൻ ഇങ്ങനെ പറഞ്ഞു: “നിങ്ങൾ ഈവണ്ണം പ്രാർത്ഥി​പ്പിൻ: സ്വർഗ്ഗ​സ്ഥ​നായ ഞങ്ങളുടെ പിതാവേ, . . . നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:9, 10.

ദൈവ​രാ​ജ്യ​ത്തി​ന്റെ സ്‌നേ​ഹ​പു​ര​സ്സ​ര​മായ മേൽനോ​ട്ട​ത്തിൻ കീഴിൽ, ഭൂവാ​സി​കൾ മുഴു ഭൂമി​യെ​യും ഒരു പറുദീ​സ​യാ​ക്കി മാറ്റുക എന്ന അതിവി​ശി​ഷ്ട​മായ പദവി ആസ്വദി​ക്കും. ശുദ്ധവും സുഖശീ​ത​ള​വു​മായ വായു, മലിന​മു​ക്ത​മായ തെളി​നീർ അരുവി​കൾ, മലിനീ​ക​രണം ലവലേശം ബാധി​ക്കാത്ത സസ്യജാ​ലങ്ങൾ വളരുന്ന ഫലഭൂ​യി​ഷ്ട​മായ മണ്ണ്‌. (സങ്കീർത്തനം 72:16; യെശയ്യാ​വു 35:1-10; ലൂക്കൊസ്‌ 23:43) ബൈബിൾ വാഗ്‌ദാ​നം ചെയ്യു​ന്നത്‌ അനുസ​രിച്ച്‌, അതിനു​ശേഷം “മുമ്പി​ലെത്തവ [ഇന്നത്തെ രോഗ​വും കഷ്ടപ്പാ​ടും മലിനീ​ക​ര​ണ​വും മറ്റനേകം ദുരി​ത​ങ്ങ​ളും] ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല.”—യെശയ്യാ​വു 65:17.

[10-ാം പേജിലെ ചിത്രം]

ശുചീകരിക്കപ്പെട്ട ഒരു ഭൂമി—അതു കാണാൻ നിങ്ങൾ ജീവി​ച്ചി​രി​ക്കു​മോ?