ആഹാര​ശീല വൈക​ല്യ​ങ്ങൾ—സഹായം എന്ത്‌?

നിങ്ങളു​ടെ മകൾക്ക്‌ ആഹാര​ശീല വൈക​ല്യം ഉണ്ടെങ്കിൽ അവൾക്കു സഹായം ആവശ്യ​മാണ്‌. പ്രശ്‌നം തന്നെത്താൻ മാറി​ക്കൊ​ള്ളും എന്നു വിചാ​രിച്ച്‌ കാര്യങ്ങൾ നീട്ടി​ക്കൊ​ണ്ടു പോക​രുത്‌. ശാരീ​രി​ക​വും വൈകാ​രി​ക​വും ആയ ഘടകങ്ങൾ ഉള്ള ഒരു സങ്കീർണ രോഗ​മാണ്‌ ആഹാര​ശീല വൈക​ല്യം.

ആഹാര​ശീ​ല വൈക​ല്യ​ങ്ങൾക്കാ​യി, ആശയക്കു​ഴ​പ്പ​മു​ണ്ടാ​ക്കും വിധം ഒട്ടേറെ ചികി​ത്സാ​വി​ധി​കൾ വിദഗ്‌ധർ നിരത്തി​യി​ട്ടുണ്ട്‌. ചിലർ മരുന്നു​കൾ നിർദേ​ശി​ക്കു​ന്നു. മറ്റു ചിലരാ​കട്ടെ മനോ​രോ​ഗ​ചി​കിത്സ ശുപാർശ ചെയ്യുന്നു. രണ്ടും കൂടെ​യാ​യാൽ ഏറ്റവും മെച്ചമാ​യി​രി​ക്കും എന്നും കുറേ പേർ പറയു​ന്നുണ്ട്‌. ഇതിനു​പു​റമേ കുടുംബ കൗൺസ​ലി​ങ്ങും ഉണ്ട്‌, പ്രസ്‌തുത വൈക​ല്യ​ങ്ങൾ ഉള്ളവർ വീട്ടിൽത്ത​ന്നെ​യാ​ണു താമസി​ക്കു​ന്ന​തെ​ങ്കിൽ ഇതു വിശേ​ഷി​ച്ചും മർമ​പ്ര​ധാ​നം ആണെന്ന്‌ ചിലർ പറയുന്നു.a

വിദഗ്‌ധ​രു​ടെ സമീപനം വ്യത്യ​സ്‌തം ആയിരി​ക്കാ​മെ​ങ്കി​ലും മിക്കവ​രും ചുരു​ങ്ങി​യത്‌ ഒരു കാര്യ​ത്തി​ലെ​ങ്കി​ലും യോജി​പ്പു​ള്ള​വ​രാണ്‌: ആഹാര​ശീല വൈക​ല്യ​ത്തിൽ ആഹാരം മാത്രമല്ല ഉൾപ്പെ​ട്ടി​രി​ക്കു​ന്നത്‌. അനൊ​റെ​ക്‌സി​യ​യോ ബൂളി​മി​യ​യോ ഉള്ള ആരെ​യെ​ങ്കി​ലും സുഖ​പ്പെ​ടാൻ സഹായി​ക്കു​മ്പോൾ സാധാ​ര​ണ​മാ​യി ശ്രദ്ധ നൽകേണ്ട ഗൗരവ​മേ​റിയ ഏതാനും കാര്യങ്ങൾ നമുക്കു പരി​ശോ​ധി​ക്കാം.

ശരീര​പ്ര​കൃ​തി സംബന്ധിച്ച ഒരു സന്തുലിത വീക്ഷണം

“ഏതാണ്ട്‌ 24 വയസ്സു​ള്ള​പ്പോൾ ഫാഷൻ മാസി​കകൾ വാങ്ങി​ക്കുന്ന പതിവ്‌ ഞാൻ പാടേ നിർത്തി,” ഒരു സ്‌ത്രീ പറയുന്നു. “മോഡ​ലു​ക​ളു​മാ​യി എന്നെത്തന്നെ സാമ്യ​പ്പെ​ടു​ത്തു​ന്നത്‌ വളരെ ശക്തമായ പ്രതി​കൂല ഫലം ഉളവാക്കി.” മുമ്പു പറഞ്ഞതു​പോ​ലെ മാധ്യ​മങ്ങൾ സൗന്ദര്യം സംബന്ധിച്ച ഒരു പെൺകു​ട്ടി​യു​ടെ സങ്കൽപ്പത്തെ വികല​മാ​ക്കി​യേ​ക്കാം. “മെലി​യുക, മെലി​യുക, മെലി​യുക എന്ന സന്ദേശം ഉൾക്കൊ​ള്ളുന്ന പരസ്യങ്ങൾ പത്രമാ​സി​ക​ക​ളി​ലും ടെലി​വി​ഷ​നു​ക​ളി​ലും സ്ഥിരം പ്രത്യ​ക്ഷ​പ്പെ​ടുന്ന”തായി ആഹാര​ശീല വൈക​ല്യ​മുള്ള ഒരു പെൺകു​ട്ടി​യു​ടെ അമ്മ പറയുന്നു. അവർ ഇപ്രകാ​രം കൂട്ടി​ച്ചേർക്കു​ന്നു: “മെലിഞ്ഞ്‌ ഒതുങ്ങിയ ശരീര​മാണ്‌ എനിക്കും മകൾക്കും ഇഷ്ടം. എന്നാൽ സ്ഥിരം ഇതുതന്നെ കേൾക്കു​മ്പോൾ ഇതി​നെ​ക്കാൾ പ്രധാ​ന​മാ​യി ജീവി​ത​ത്തിൽ മറ്റൊ​ന്നും ഇല്ലെന്ന തോന്ന​ലു​ണ്ടാ​കും.” ആഹാര​ശീല വൈക​ല്യം മാറി സുഖം പ്രാപി​ക്ക​ണ​മെ​ങ്കിൽ യഥാർഥ സൗന്ദര്യ​ത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌ എന്നതിനെ കുറിച്ച്‌ പുതിയ ആശയങ്ങൾ സ്വീക​രി​ക്കേ​ണ്ട​തു​ണ്ടെന്നു വ്യക്തം.

ബൈബി​ളിന്‌ ഇക്കാര്യ​ത്തിൽ സഹായി​ക്കാൻ കഴിയും. ക്രിസ്‌തീയ അപ്പൊ​സ്‌ത​ല​നായ പത്രൊസ്‌ ഇപ്രകാ​രം എഴുതി: “നിങ്ങളു​ടെ അലങ്കാരം തലമുടി പിന്നു​ന്ന​തും പൊന്ന​ണി​യു​ന്ന​തും വസ്‌ത്രം ധരിക്കു​ന്ന​തും ഇങ്ങനെ പുറ​മേ​യു​ള്ളതല്ല, സൌമ്യ​ത​യും സാവധാ​ന​ത​യു​മുള്ള മനസ്സു എന്ന അക്ഷയഭൂ​ഷ​ണ​മായ ഹൃദയ​ത്തി​ന്റെ ഗൃഢമ​നു​ഷ്യൻ തന്നേ ആയിരി​ക്കേണം; അതു ദൈവ​സ​ന്നി​ധി​യിൽ വില​യേ​റി​യ​താ​കു​ന്നു.”—1 പത്രൊസ്‌ 3:3, 4.

ബാഹ്യ ആകാര​ത്തെ​ക്കാൾ ആന്തരിക ഗുണങ്ങ​ളിൽ ആയിരി​ക്കണം നാം താത്‌പ​ര്യം കാണി​ക്കേ​ണ്ടത്‌ എന്നാണു പത്രൊസ്‌ പറയു​ന്നത്‌. അതേ, ബൈബിൾ ഇങ്ങനെ ഉറപ്പു നൽകുന്നു: “മനുഷ്യൻ നോക്കു​ന്ന​തു​പോ​ലെയല്ല; മനുഷ്യൻ കണ്ണിന്നു കാണു​ന്നതു നോക്കു​ന്നു; യഹോ​വ​യോ ഹൃദയത്തെ നോക്കു​ന്നു.” (1 ശമൂവേൽ 16:7) ഇത്‌ ആശ്വാ​സ​ദാ​യ​ക​മാണ്‌. കാരണം, നമ്മുടെ ശരീര​ഘ​ട​ന​യു​ടെ ചില വശങ്ങൾ നമുക്കു മാറ്റാൻ സാധി​ക്കു​ക​യി​ല്ലെ​ങ്കി​ലും നമ്മുടെ വ്യക്തി​ത്വ​ത്തി​നു മാറ്റു കൂട്ടാൻ നമുക്ക്‌ എപ്പോ​ഴും കഴിയും.—എഫെസ്യർ 4:22-24.

ആത്മാഭി​മാ​നം കുറഞ്ഞ​വ​രു​ടെ ഇടയി​ലാണ്‌ ആഹാര​ശീല വൈക​ല്യ​ങ്ങൾ വികാസം പ്രാപി​ക്കു​ന്നത്‌ എന്നുള്ള​തു​കൊണ്ട്‌ ഒരു വ്യക്തി​യെന്ന നിലയി​ലുള്ള നിങ്ങളു​ടെ മൂല്യം വിലയി​രു​ത്തേ​ണ്ടത്‌ ഉണ്ടായി​രി​ക്കാം. ആവശ്യ​ത്തി​ല​ധി​കം നാം നമ്മെ കുറിച്ചു ചിന്തി​ക്ക​രുത്‌ എന്നു ബൈബിൾ പറയുന്നു. (റോമർ 12:3, NW) ഒരു കുരി​കി​ലി​നു പോലും ദൈവം വിലകൽപ്പി​ക്കു​ന്ന​താ​യും അതു നമ്മോടു പറയുന്നു. എന്നിട്ട്‌ അത്‌ ഇങ്ങനെ കൂട്ടി​ച്ചേർക്കു​ന്നു: “ഏറിയ കുരി​കി​ലി​നെ​ക്കാ​ളും [“അനേകം കുരി​കി​ലു​ക​ളെ​ക്കാ​ളും,” NW] നിങ്ങൾ വിശേ​ഷ​ത​യു​ള്ളവർ.” (ലൂക്കൊസ്‌ 12:6, 7) അതു​കൊണ്ട്‌ ആരോ​ഗ്യാ​വ​ഹ​മായ ആത്മാഭി​മാ​നം വളർത്തി​യെ​ടു​ക്കാൻ ബൈബിൾ സഹായി​ക്കു​ന്നു. നിങ്ങളു​ടെ ശരീരത്തെ വിലമ​തി​ക്കുക, നിങ്ങൾ അതിനെ പരിച​രി​ക്കും.—എഫെസ്യർ 5:29 താരത​മ്യം ചെയ്യുക.

എന്നാൽ നിങ്ങളു​ടെ തൂക്കം യഥാർഥ​ത്തിൽ കുറയ്‌ക്കേ​ണ്ട​തു​ണ്ടെ​ങ്കി​ലോ? ആരോ​ഗ്യ​ക​ര​മായ ഭക്ഷണ​ക്ര​മ​വും വ്യായാമ മുറക​ളും സഹായകം ആയിരു​ന്നേ​ക്കും. ഒരളവു​വരെ മാത്ര​മാ​ണെ​ങ്കി​ലും ‘ശരീരാ​ഭ്യാ​സം പ്രയോ​ജ​ന​മു​ള്ള​താണ്‌’ എന്നു ബൈബിൾ പറയു​ന്നുണ്ട്‌. (1 തിമൊ​ഥെ​യൊസ്‌ 4:8) എന്നാൽ ഒരിക്ക​ലും തൂക്കത്തെ കുറിച്ച്‌ അമിത​മാ​യി ചിന്തി​ക്കാൻ പാടില്ല. “കെട്ടി​ച്ച​മ​യ്‌ക്ക​പ്പെട്ട, സൗന്ദര്യ​ത്തി​ന്റെ മാനദ​ണ്ഡ​മാ​കുന്ന ഒരു ഇടുങ്ങിയ മൂശയി​ലേക്കു നിങ്ങ​ളെ​ത്തന്നെ തിരു​കി​ക്ക​യ​റ്റു​ന്ന​തി​നു പകരം നിങ്ങളാ​യി​രി​ക്കുന്ന വിധം​കൊണ്ട്‌ തൃപ്‌തി​പ്പെ​ടു​ന്ന​തും വേണ്ടു​വോ​ളം വ്യായാ​മം ചെയ്യു​ന്ന​തും ആയിരി​ക്കാം ഏറ്റവും ബുദ്ധി​പൂർവ​ക​മായ ഗതി” എന്ന്‌ ശരീര സങ്കൽപ്പത്തെ പറ്റി നടത്തിയ ഒരു സർവേ അഭി​പ്രാ​യ​പ്പെ​ടു​ന്നു. ഈ സമീപനം സഹായ​ക​മാ​ണെന്ന്‌ ഐക്യ​നാ​ടു​ക​ളിൽ താമസി​ക്കുന്ന 33 വയസ്സുള്ള ഒരു സ്‌ത്രീ കണ്ടെത്തി. അവൾ പറയുന്നു: “എന്നെ സംബന്ധി​ച്ചി​ട​ത്തോ​ളം കാര്യം വളരെ നിസ്സാ​ര​മാണ്‌. നിങ്ങൾക്കു മാറ്റം വരുത്താ​നാ​കുന്ന കാര്യങ്ങൾ മെച്ച​പ്പെ​ടു​ത്താൻ ശ്രമി​ക്കുക. അല്ലാത്ത​തി​നെ കുറിച്ചു വേവലാ​തി​പ്പെ​ടാ​തി​രി​ക്കുക.”

ജീവി​ത​ത്തെ കുറിച്ചു വസ്‌തു​നി​ഷ്‌ഠ​മായ വീക്ഷണം വെച്ചു​പു​ലർത്തു​ക​യും ആരോ​ഗ്യ​ക​ര​മായ ഭക്ഷണ​ക്ര​മ​വും ന്യായ​മായ വ്യായാമ മുറക​ളും പിൻപ​റ്റു​ക​യും ചെയ്യു​ന്നത്‌ ആവശ്യ​ത്തി​ല​ധി​ക​മുള്ള തൂക്കം കുറയാൻ സഹായി​ച്ചേ​ക്കും.

“യഥാർഥ സഹകാരി”യെ കണ്ടെത്തൽ

ബൂളി​മിയ ഉള്ള ഒട്ടേറെ സ്‌ത്രീ​ക​ളിൽ പഠനം നടത്തി​യ​ശേഷം പ്രൊ​ഫസർ ജെയിംസ്‌ പെന​ബേക്കർ, ആഹാരം കഴിക്കു​ന്ന​തും പിന്നീ​ടത്‌ പുറന്ത​ള്ളു​ന്ന​തും ഒരു ഇരട്ട ജീവിതം നയിക്കാൻ അവരെ വലിയ ഒരള​വോ​ളം നിർബ​ന്ധി​ത​രാ​ക്കു​ക​യാ​ണെന്ന നിഗമ​ന​ത്തി​ലെത്തി. അദ്ദേഹം പറയുന്നു: “ആഹാര​ശീ​ലങ്ങൾ അടുത്ത സുഹൃ​ത്തു​ക്ക​ളിൽനി​ന്നും കുടും​ബാം​ഗ​ങ്ങ​ളിൽനി​ന്നും മറച്ചു​വെ​ക്കാൻ വളരെ സമയവും ശ്രമവും ചെലു​ത്തേണ്ടി വരുന്നു​ണ്ടെന്ന്‌ അവരിൽ എല്ലാവ​രും​തന്നെ മടികൂ​ടാ​തെ സമ്മതി​ച്ചു​പ​റഞ്ഞു. അവരെ​ല്ലാ​വ​രും ഇരട്ടജീ​വി​ത​മാ​ണു നയിച്ചി​രു​ന്നത്‌, അത്തര​മൊ​രു ജീവിതം അവർ വെറു​ത്തി​രു​ന്നു.”

അതു​കൊണ്ട്‌ ഈ വൈക​ല്യ​ങ്ങൾ സുഖ​പ്പെ​ടു​ത്താ​നുള്ള ഒരു സുപ്ര​ധാന നടപടി നിശ്ശബ്ദത ഭേദി​ക്കു​ന്ന​താണ്‌. അനൊ​റെ​ക്‌സിയ രോഗി​ക​ളും ബൂളി​മിയ രോഗി​ക​ളും പ്രശ്‌നത്തെ കുറിച്ചു സംസാ​രി​ക്കേ​ണ്ടത്‌ ആവശ്യ​മാണ്‌. പക്ഷേ ആരോട്‌? ഒരു ബൈബിൾ സദൃശ​വാ​ക്യം ഇപ്രകാ​രം പറയുന്നു: “സ്‌നേ​ഹി​തൻ [“യഥാർഥ സഹകാരി,” NW] എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു.” (സദൃശ​വാ​ക്യ​ങ്ങൾ 17:17) ആ “യഥാർഥ സഹകാരി” മാതാ​പി​താ​ക്ക​ളിൽ ആരെങ്കി​ലു​മോ പക്വത​യുള്ള മറ്റൊരു മുതിർന്ന വ്യക്തി​യോ ആയിരി​ക്കാം. ആഹാര​ശീല വൈക​ല്യ​ങ്ങൾ ചികി​ത്സി​ച്ചു പരിച​യ​മുള്ള ആരോ​ടെ​ങ്കി​ലും കാര്യങ്ങൾ തുറന്നു പറയേ​ണ്ട​തും ആവശ്യ​മാ​ണെന്നു ചിലർ കണ്ടെത്തി​യി​ട്ടുണ്ട്‌.

യഹോ​വ​യു​ടെ സാക്ഷി​കൾക്കു മറ്റൊരു സഹായം​കൂ​ടെ ഉണ്ട്‌—സഭയിലെ മൂപ്പന്മാർ. “കാറ്റിൽനിന്ന്‌ ഒളിക്കാ​നുള്ള ഒരു സങ്കേതം​പോ​ലെ​യും കൊടു​ങ്കാ​റ്റിൽനി​ന്നു രക്ഷപ്പെ​ടാ​നുള്ള അഭയസ്ഥാ​നം​പോ​ലെ​യും ആയിരി”ക്കാൻ ഈ പുരു​ഷ​ന്മാർക്കു കഴിയും. (യെശയ്യാ​വു 32:2, പി.ഒ.സി. ബൈബിൾ) സുഖം പ്രാപി​ക്കു​ന്ന​തിന്‌ ആത്മീയ യോഗ്യ​ത​യുള്ള ഈ പുരു​ഷ​ന്മാർ വിസ്‌മ​യാ​വ​ഹ​മായ പിന്തുണ നൽകി​യേ​ക്കാം. (യാക്കോബ്‌ 5:14, 15) മൂപ്പന്മാ​രു​ടെ ബുദ്ധ്യു​പ​ദേശം പ്രയോ​ജ​ന​പ്രദം ആണെങ്കി​ലും അവർ ഡോക്‌ടർമാർ അല്ലാത്ത​തു​കൊണ്ട്‌ ഈ സഹായ​ത്തോ​ടൊ​പ്പം നിങ്ങൾക്കു വൈദ്യ​ചി​കി​ത്സ​യും ആവശ്യ​മാ​യി​രി​ക്കാം.b

എന്നിരു​ന്നാ​ലും കാര്യങ്ങൾ ഏറ്റവും നന്നായി തുറന്നു പറയാൻ കഴിയുക നിങ്ങളു​ടെ സ്രഷ്ടാ​വി​നോ​ടാണ്‌. സങ്കീർത്ത​ന​ക്കാ​രൻ ഇപ്രകാ​രം എഴുതി: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” (സങ്കീർത്തനം 55:22) അതേ, ഭൂമി​യി​ലുള്ള മക്കളുടെ കാര്യ​ത്തിൽ യഹോ​വ​യാം ദൈവം തത്‌പ​ര​നാണ്‌. അതു​കൊണ്ട്‌ മനസ്സിന്റെ ആഴത്തി​ലുള്ള ഉത്‌ക​ണ്‌ഠ​കളെ കുറിച്ചു പ്രാർഥ​ന​യിൽ അവനെ അറിയി​ക്കാ​തി​രി​ക്ക​രുത്‌. പത്രൊസ്‌ നമ്മെ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “അവൻ നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ.”—1 പത്രൊസ്‌ 5:7.

ആശുപ​ത്രി​യിൽ ആക്കേണ്ടി വരു​മ്പോൾ

ആശുപ​ത്രി​യിൽ ആക്കിയ​തു​കൊ​ണ്ടു മാത്രം അസുഖം ഭേദമാ​ക​ണ​മെ​ന്നില്ല. എങ്കിലും കടുത്ത അനൊ​റെ​ക്‌സി​യ​യു​ടെ ഫലമായി ഒരു പെൺകു​ട്ടി വികല​പോ​ഷി​ത​യാ​കു​മ്പോൾ അവൾക്കു പ്രത്യേക പരിച​രണം ലഭി​ക്കേ​ണ്ട​തു​ണ്ടാ​യി​രി​ക്കാം. ഈ നടപടി കൈ​ക്കൊ​ള്ളു​ന്നത്‌ ഒരു മാതാ​വി​നെ​യോ പിതാ​വി​നെ​യോ സംബന്ധി​ച്ചി​ട​ത്തോ​ളം എളുപ്പമല്ല. എമിലി​യു​ടെ കാര്യ​മെ​ടു​ക്കാം. അവരുടെ വാക്കു​ക​ളിൽത്തന്നെ പറയു​ക​യാ​ണെ​ങ്കിൽ മകളെ ആശുപ​ത്രി​യിൽ ആക്കേണ്ടി വന്നത്‌ ജീവിതം “അവൾക്കും ഞങ്ങൾക്കും ഒരു​പോ​ലെ ദുസ്സഹ​മാ​യ​പ്പോ​ഴാണ്‌.” അവർ കൂട്ടി​ച്ചേർക്കു​ന്നു: “അവളെ ആശുപ​ത്രി​യി​ലാ​ക്കി​യ​തും അപ്പോൾ അവൾ കിടന്നു കരഞ്ഞതു​മൊ​ന്നും എനിക്കു മറക്കാൻ കഴിയില്ല. ജീവി​ത​ത്തിൽ ഏറ്റവും പ്രയാസം അനുഭ​വിച്ച ദിവസ​മാ​യി​രു​ന്നു അത്‌.” ഇലെയ്‌ന്റെ മകളെ​യും ആശുപ​ത്രി​യിൽ ആക്കേണ്ടി​വന്നു. അവർ പറയുന്നു: “ആശുപ​ത്രി​യിൽവെച്ച്‌ അവൾ ഭക്ഷണം കഴിക്കാൻ വിസമ്മ​തി​ച്ച​പ്പോൾ ബലം​പ്ര​യോ​ഗിച്ച്‌ ട്യൂബി​ലൂ​ടെ ആഹാരം നൽകേണ്ടി വന്നു. എന്നെ ഏറ്റവും അധികം വേദനി​പ്പിച്ച ഒരു രംഗമാ​യി​രു​ന്നു അത്‌.”

ആശുപ​ത്രി​യിൽ ആക്കേണ്ടി വരുന്നത്‌ സുഖക​ര​മായ ഒരു കാര്യമല്ല. പക്ഷേ ചില സാഹച​ര്യ​ങ്ങ​ളിൽ അത്‌ ആവശ്യ​മാ​യി വന്നേക്കാം. ആഹാര​ശീല വൈക​ല്യ​മുള്ള ഒട്ടേറെ പേർക്ക്‌ അതു സുഖ​പ്പെ​ട​ലി​നുള്ള വഴി തുറന്നി​ട്ടുണ്ട്‌. തന്റെ മകളെ കുറിച്ച്‌ എമിലി പറയുന്നു: “അവളെ ആശുപ​ത്രി​യിൽ ആക്കേണ്ടത്‌ ആവശ്യ​മാ​യി​രു​ന്നു. ആശുപ​ത്രി​യിൽ ആക്കിയ ശേഷമാണ്‌ അവളുടെ അസുഖം കുറയാൻ തുടങ്ങി​യത്‌.”

ആഹാര​ശീല വൈക​ല്യ​ങ്ങൾ ഇല്ലാതെ ജീവിക്കൽ

സുഖ​പ്പെ​ട​ലി​ന്റെ ഭാഗമാ​യി അനൊ​റെ​ക്‌സി​യ​യോ ബൂളി​മി​യ​യോ ഉള്ളവർ ആഹാര​ശീല വൈക​ല്യം ഇല്ലാതെ ജീവി​ക്കാൻ പഠിക്കണം. അതു ബുദ്ധി​മു​ട്ടാ​യി​രി​ക്കാം. ഉദാഹ​ര​ണ​ത്തിന്‌, അനൊ​റെ​ക്‌സിയ ഉണ്ടായി​രു​ന്ന​പ്പോൾ പത്തു മാസം​കൊണ്ട്‌ കിമ്മിന്റെ തൂക്കം 18 കിലോ കുറഞ്ഞു. എന്നാൽ 16 കിലോ തൂക്കം വർധി​ക്കാൻ ഒമ്പതു വർഷം വേണ്ടി​വന്നു! കിം പറയുന്നു: “വളരെ ബുദ്ധി​മു​ട്ടോ​ടെ ആയിരു​ന്നെ​ങ്കി​ലും ആഹാര​ശീ​ലം സാധാരണ നിലയി​ലേക്കു കൊണ്ടു​വ​രാൻ പതുക്കെ പതുക്കെ എനിക്കു കഴിഞ്ഞു. കലോ​റി​യും തൂക്കവു​മൊ​ക്കെ അളന്ന്‌ ആഹാരം കഴിക്കുക, കലോറി തീരെ കുറഞ്ഞ ആഹാരം മാത്രം കഴിക്കുക ഇങ്ങനെ​യുള്ള രീതി​ക​ളൊ​ക്കെ ഇല്ലാതാ​യി. ഒരു വിഭവ​ത്തി​ലോ മധുര​പ​ല​ഹാ​ര​ത്തി​ലോ ഉള്ള ചേരു​വകൾ അറിയാൻ കഴിഞ്ഞി​ല്ലെ​ങ്കിൽ വേവലാ​തി​പ്പെ​ടുക, അല്ലെങ്കിൽ റെസ്റ്ററ​ന്റിൽ പോയാൽ സാലഡു​കൾ മാത്രം ഭക്ഷിക്കുക തുടങ്ങിയ സ്വഭാ​വ​വും മാറി.”

എന്നാൽ അസുഖം ഭേദമാ​കു​ന്ന​തിന്‌ കിം മറ്റു ചിലതു​കൂ​ടെ ചെയ്യേ​ണ്ട​തു​ണ്ടാ​യി​രു​ന്നു. “മനസ്സി​ലുള്ള വികാ​രങ്ങൾ തിരി​ച്ച​റി​യാ​നും പ്രവൃ​ത്തി​ക​ളി​ലൂ​ടെ​യോ ആഹാര​ശീ​ല​ങ്ങ​ളി​ലൂ​ടെ​യോ അല്ല മറിച്ച്‌ വാക്കു​ക​ളി​ലൂ​ടെ അവ പ്രകടി​പ്പി​ക്കാ​നും ഞാൻ പഠിച്ചു,” അവൾ പറയുന്നു. “മറ്റുള്ള​വ​രു​മാ​യുള്ള വിയോ​ജി​പ്പു​കൾ നേരി​ടാ​നും പരിഹ​രി​ക്കാ​നു​മുള്ള പുതിയ വഴികളെ കുറിച്ചു മനസ്സി​ലാ​ക്കി​യ​തോ​ടെ സുഹൃ​ത്തു​ക്ക​ളും കുടും​ബാം​ഗ​ങ്ങ​ളു​മാ​യി കൂടുതൽ അടുത്ത ബന്ധങ്ങൾ സ്ഥാപി​ക്കാൻ കഴിഞ്ഞു.”

ആഹാര​ശീ​ല വൈക​ല്യ​ത്തിൽനി​ന്നു മുക്തി നേടു​ന്നതു തീർച്ച​യാ​യും വെല്ലു​വി​ളി നിറഞ്ഞ ഒരു സംഗതി​യാണ്‌. എന്നാൽ ഒടുവിൽ അതു ശ്രമത്തി​നു തക്ക മൂല്യ​മു​ള്ള​താ​ണെന്നു തെളി​യും. ഈ പരമ്പര​യി​ലെ ആദ്യത്തെ ലേഖന​ത്തിൽ പരാമർശിച്ച ജീൻ അങ്ങനെ​യാ​ണു വിശ്വ​സി​ക്കു​ന്നത്‌. “ആഹാര​ശീല വൈക​ല്യ​ത്തി​ലേക്കു മടങ്ങി​പ്പോ​കു​ന്നത്‌, ഭ്രാന്താ​ശു​പ​ത്രി​ക്കു വെളി​യിൽ കുറച്ചു നാൾ സ്വത​ന്ത്ര​യാ​യി ജീവി​ച്ച​ശേഷം വീണ്ടും അവി​ടേക്കു മടങ്ങി​പ്പോ​കു​ന്ന​തു​പോ​ലി​രി​ക്കും,” അവൾ പറയുന്നു.

[അടിക്കു​റി​പ്പു​കൾ]

[11-ാം പേജിലെ ചതുരം]

സുഖം പ്രാപി​ക്ക​ലി​നുള്ള അടിസ്ഥാ​ന​മി​ടൽ

മകൾക്ക്‌ ആഹാര​ശീല വൈക​ല്യം ഉള്ളതായി സംശയി​ക്കു​ന്നെ​ങ്കിൽ നിങ്ങൾ എന്താണു ചെയ്യേ​ണ്ടത്‌? നിങ്ങൾക്കു സാഹച​ര്യ​ത്തെ അവഗണി​ക്കാ​നാ​വില്ല എന്നു വ്യക്തമാണ്‌. എന്നാൽ വിഷയം നിങ്ങൾ എങ്ങനെ അവതരി​പ്പി​ക്കും? “ചില​പ്പോൾ നേരിട്ട്‌ അവളോ​ടു ചോദി​ക്കു​ന്നതു ഫലി​ച്ചേ​ക്കും. എന്നാൽ മിക്ക​പ്പോ​ഴും ആ ശ്രമം വിഫല​മാ​കു​ന്നു,” ഗ്രന്ഥകർത്താ​വായ മൈക്കിൾ റിയെറ അഭി​പ്രാ​യ​പ്പെ​ടു​ന്നു.

അതു​കൊണ്ട്‌ കുറേ​ക്കൂ​ടെ സൗമ്യ​മായ സമീപനം കൂടുതൽ ഫലപ്ര​ദ​മാ​ണെന്നു തെളി​ഞ്ഞേ​ക്കാം. റിയെറ ഇങ്ങനെ നിർദേ​ശി​ക്കു​ന്നു: “മകളു​മാ​യി സംസാ​രി​ക്കു​മ്പോൾ നിങ്ങൾ യാതൊ​രു പ്രകാ​ര​ത്തി​ലും അവളെ കുറ്റ​പ്പെ​ടു​ത്തു​കയല്ല എന്ന്‌ അവൾക്കു മനസ്സി​ലാ​കണം. ഇത്തരത്തി​ലുള്ള ഒരു അന്തരീക്ഷം സൃഷ്ടി​ക്കാൻ സാധി​ച്ചാൽ പല കൗമാ​ര​പ്രാ​യ​ക്കാ​രും ഒരുവി​ധ​പ്പെട്ട കാര്യ​ങ്ങ​ളൊ​ക്കെ തുറന്നു​പ​റ​യും. അവർക്ക്‌ അൽപ്പം ആശ്വാ​സ​വും തോന്നി​യേ​ക്കാം. തങ്ങൾക്കുള്ള ഉത്‌ക​ണ്‌ഠ​യും തങ്ങളുടെ പിന്തു​ണ​യും അറിയി​ച്ചു​കൊ​ണ്ടുള്ള കത്തുകൾ എഴുതു​ന്നതു ഫലപ്ര​ദ​മാ​ണെന്ന്‌ ചില മാതാ​പി​താ​ക്കൾ കണ്ടെത്തി​യി​ട്ടുണ്ട്‌. പിന്നീടു കാര്യങ്ങൾ ചർച്ച ചെയ്യു​മ്പോ​ഴേ​ക്കും അവർ അടിത്തറ ഇട്ടുക​ഴി​ഞ്ഞി​രി​ക്കും.”

[12-ാം പേജിലെ ചതുരം]

മാതാപിതാക്കൾക്ക്‌ ഒരു വെല്ലു​വി​ളി

ആഹാര​ശീല വൈക​ല്യ​മുള്ള ഒരു കുട്ടി ഉണ്ടായി​രി​ക്കു​ന്നത്‌ മാതാ​പി​താ​ക്കൾക്ക്‌ അനേകം വെല്ലു​വി​ളി​കൾ ഉയർത്തു​ന്നു. “നിങ്ങളു​ടെ മനസ്സിനെ കല്ലാക്കി മാറ്റേ​ണ്ടി​വ​രും,” ഒരു പിതാവ്‌ പറയുന്നു. “സ്വന്തം കുഞ്ഞ്‌ കൺമു​മ്പിൽവെച്ചു നശിച്ചു​കൊ​ണ്ടി​രി​ക്കു​ക​യാണ്‌.”

ആഹാര​ശീല വൈക​ല്യം ഉള്ള ഒരു മകൾ ഉണ്ടെങ്കിൽ അവളുടെ പിടി​വാ​ശി കാണു​മ്പോൾ ചില​പ്പോ​ഴൊ​ക്കെ നിരാശ തോന്നുക സ്വാഭാ​വി​ക​മാണ്‌. എന്നാൽ ക്ഷമയു​ള്ളവർ ആയിരി​ക്കുക. സ്‌നേഹം പ്രകടി​പ്പി​ക്കു​ന്നത്‌ ഒരിക്ക​ലും നിർത്ത​രുത്‌. അത്‌ എപ്പോ​ഴും എളുപ്പ​മാ​യി​രു​ന്നില്ല എന്ന്‌ ഒരിക്കൽ അനൊ​റെ​ക്‌സി​യ​യ്‌ക്ക്‌ അടിമ​യാ​യി​രുന്ന മകളുള്ള എമിലി സമ്മതി​ക്കു​ന്നു. എങ്കിലും അവർ ഇപ്രകാ​രം പറയുന്നു: “എപ്പോ​ഴും ഞാൻ അവളെ സ്‌പർശി​ക്കാൻ ശ്രമി​ച്ചി​രു​ന്നു, അവളെ കെട്ടി​പ്പി​ടി​ക്കാ​നും ഉമ്മവെ​ക്കാ​നു​മൊ​ക്കെ. . . . അവളോ​ടു സ്‌നേഹം കാട്ടു​ന്നതു നിർത്തി​യാൽ പിന്നെ ആ പഴയ ബന്ധം ഒരിക്ക​ലും തിരി​ച്ചു​കി​ട്ടി​ല്ലെന്നു ഞാൻ കരുതി.”

ആഹാര​ശീല വൈക​ല്യ​ത്തിൽനി​ന്നു മുക്തി നേടു​ന്ന​തി​നു മകളെ സഹായി​ക്കാൻ കഴിയുന്ന ഏറ്റവും നല്ല വിധങ്ങ​ളി​ലൊന്ന്‌ അവളു​മാ​യി ആശയവി​നി​യമം നടത്തു​ന്ന​താണ്‌. അങ്ങനെ ചെയ്യുന്ന അവസര​ത്തിൽ നിങ്ങൾതന്നെ സംസാ​രി​ച്ചു​കൊ​ണ്ടി​രി​ക്കാ​തെ അവൾ പറയുന്ന കാര്യ​ങ്ങൾക്കു ശ്രദ്ധ കൊടു​ക്കേ​ണ്ടത്‌ ഉണ്ടായി​രി​ക്കാം. അവൾ സംസാ​രി​ക്കു​മ്പോൾ ഇടയ്‌ക്കു കയറി “അതു സത്യമല്ല” അല്ലെങ്കിൽ “നീ ഒരിക്ക​ലും അങ്ങനെ​യൊ​ന്നും വിചാ​രി​ക്ക​രുത്‌” എന്നെല്ലാം പറയാ​നുള്ള പ്രേര​ണയെ ചെറു​ക്കുക. “എളിയ​വന്റെ നിലവി​ളി​ക്കു ചെവി പൊത്തി​ക്കള”യാതി​രി​ക്കുക. (സദൃശ​വാ​ക്യ​ങ്ങൾ 21:13) തുറന്ന ആശയവി​നി​യമം ഉണ്ടെങ്കിൽ ഒരു കുട്ടിക്ക്‌ മനോ​വേദന ഉള്ളപ്പോൾ തിരി​യാൻ ഒരിടം കാണും. അങ്ങനെ​യാ​കു​മ്പോൾ അവൾ അനാ​രോ​ഗ്യ​ക​ര​മായ ആഹാര​ശീ​ല​ങ്ങ​ളി​ലേക്കു തിരി​യാ​നുള്ള സാധ്യത കുറവാ​യി​രു​ന്നേ​ക്കാം.

[10-ാം പേജിലെ ചിത്രം]

ആഹാരശീല വൈക​ല്യ​ങ്ങൾ ഉള്ളവരെ സഹായി​ക്കാൻ ക്ഷമയും സഹാനു​ഭൂ​തി​യും ധാരാളം സ്‌നേ​ഹ​വും പ്രകടി​പ്പി​ക്കേ​ണ്ട​തുണ്ട്‌