ഏണികൾ ഉപയോ​ഗി​ക്കു​മ്പോൾ—സുരക്ഷി​ത​ത്വ​ത്തി​നു വേണ്ടി നിങ്ങൾ പിൻവ​രു​ന്നവ ശ്രദ്ധി​ക്കാ​റു​ണ്ടോ?

അയർലൻഡിലെ ഉണരുക! ലേഖകൻ

പോളിന്‌ തന്റെ വീടിനു വെളി​യിൽ പിടി​പ്പി​ച്ചി​രി​ക്കുന്ന ഒരു ബൾബ്‌ മാറ്റി​യി​ട​ണ​മാ​യി​രു​ന്നു. മുകളി​ലത്തെ നിലയി​ലെ മുറി​ക​ളു​ടെ പുറത്തെ ജനലു​ക​ളും അദ്ദേഹ​ത്തി​നു വൃത്തി​യാ​ക്കേ​ണ്ട​തു​ണ്ടാ​യി​രു​ന്നു. ഇതെല്ലാം ഭാര്യ അദ്ദേഹത്തെ എത്രതവണ ഓർമ​പ്പെ​ടു​ത്തി​യ​താ​ണെന്ന്‌ അറിയാ​മോ. എന്നാൽ പോളാ​കട്ടെ, പിന്നെ ചെയ്യാം പിന്നെ ചെയ്യാം എന്നും പറഞ്ഞ്‌ ഈ ജോലി​കൾ എല്ലാം മാറ്റി​വെ​ക്കു​ക​യാ​യി​രു​ന്നു. കാരണം? ഈ ജോലി​കൾ ചെയ്യു​ന്ന​തിന്‌ അദ്ദേഹ​ത്തിന്‌ ഒരു ഏണി ഉപയോ​ഗി​ക്കേ​ണ്ട​തു​ണ്ടാ​യി​രു​ന്നു.

അദ്ദേഹ​ത്തി​ന്റെ പേടി മനസ്സി​ലാ​ക്കാ​വു​ന്ന​തേ​യു​ള്ളൂ. ഏണി ഉപയോ​ഗി​ക്കു​മ്പോൾ ഉണ്ടാ​യേ​ക്കാ​വുന്ന അപകടങ്ങൾ ഗുരു​ത​ര​മോ മാരകം പോലു​മോ ആയിരു​ന്നേ​ക്കാം എന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. മിക്ക​പ്പോ​ഴും ഇവ സംഭവി​ക്കു​ന്നത്‌ ഏണി ശരിയാ​യി ഉപയോ​ഗി​ക്കേണ്ട വിധം സംബന്ധി​ച്ചു വേണ്ടത്ര ശ്രദ്ധി​ക്കാ​ത്തതു കൊണ്ടാണ്‌.

തന്റെ ജോലി​കൾ ചെയ്‌തു തുടങ്ങു​ന്ന​തി​നു മുമ്പ്‌ പോൾ ഏണിയെ കുറിച്ച്‌ എന്തെല്ലാം കാര്യങ്ങൾ ശ്രദ്ധി​ക്കേ​ണ്ടി​യി​രു​ന്നു? സുരക്ഷി​ത​മാ​യി ഏണി ഉപയോ​ഗി​ക്കാൻ അദ്ദേഹത്തെ സഹായിച്ച പത്തു നിർദേ​ശങ്ങൾ ചുവടെ ചേർക്കു​ന്നു.

ഏണി സുരക്ഷി​ത​മോ?

1 ഒത്ത ഏണി സംഘടി​പ്പി​ക്കുക. ഏണിക്കു തീരെ പൊക്കം കുറവാ​ണെ​ങ്കിൽ അത്‌ ഉപയോ​ഗി​ക്കു​മ്പോൾ നിങ്ങൾക്ക്‌ എത്തിവ​ലി​യേണ്ടി വരും. അതിനു നീളം വളരെ കൂടു​ത​ലാ​ണെ​ങ്കി​ലോ അത്‌ ഒരുപാ​ടു ചെരി​ച്ചു​വെ​ക്കേണ്ടി വരും. ഇത്‌ അപകട​ക​ര​വു​മാണ്‌. തട്ടിൻപു​റത്ത്‌ കയറു​ന്ന​തിന്‌ കവര ഏണി (stepladder) ഉപയോ​ഗി​ക്ക​രുത്‌. പകരം, പറ്റിയ ഒരു ഏണി അതിനു വേണ്ടി സ്ഥിരമാ​യി ഉറപ്പിച്ചു വെക്കുക. അതല്ലെ​ങ്കിൽ ചാരി വെക്കാ​വുന്ന ഒരു ഏണി ഉപയോ​ഗി​ക്കുക.

2 ഏണി ശ്രദ്ധാ​പൂർവം പരി​ശോ​ധി​ക്കുക. ഏണി വെളി​യിൽ ആയിരു​ന്നോ സൂക്ഷി​ച്ചി​രു​ന്നത്‌? മരം കൊണ്ടു​ണ്ടാ​ക്കിയ ഏണികൾ നനയു​മ്പോൾ വികസി​ക്കു​ക​യും ഉണങ്ങു​മ്പോൾ സങ്കോ​ചി​ക്കു​ക​യും ചെയ്യും. കുറച്ചു​കാ​ലം കഴിയു​മ്പോൾ അതിന്റെ ചവിട്ടു​പ​ടി​കൾ ഇളകി​ത്തു​ട​ങ്ങു​ക​യും അങ്ങനെ ഏണിയു​ടെ ഉറപ്പു കുറയു​ക​യും ചെയ്യും. ചവിട്ടു​പ​ടി​ക​ളിൽ ഏതെങ്കി​ലും പൊട്ടു​ക​യോ ചെതു​ക്കു​ക​യോ മറ്റോ ചെയ്‌തി​ട്ടു​ണ്ടോ? മിക്ക​പ്പോ​ഴും മരം കൊണ്ടു​ണ്ടാ​ക്കിയ ചവിട്ടു​പ​ടി​ക​ളു​ടെ അടിയിൽ അവയ്‌ക്കു താങ്ങായി ലോഹ​ക്ക​ഷണം പിടി​പ്പി​ക്കാ​റുണ്ട്‌. അത്‌ അതിന്റെ ശരിയായ സ്ഥാനത്ത്‌, നന്നായി ഉറച്ചി​രി​ക്കു​ന്നു​വോ? ലോഹ​ക്ക​ഷ​ണ​ങ്ങളെ ഏണിയു​ടെ കാലു​ക​ളിൽ ഉറപ്പി​ക്കാൻ ഉപയോ​ഗി​ച്ചി​രി​ക്കുന്ന പിരി​യാ​ണി​ക​ളും മടക്കാ​ണി​ക​ളും ഒടിയു​ക​യോ തുരു​മ്പി​ക്കു​ക​യോ ചെയ്‌തി​ട്ടു​ണ്ടോ? വലിയ, നീട്ടാ​വുന്ന തരത്തി​ലുള്ള ഏണികൾക്ക്‌ (extension ladders) കപ്പിയും കയറും ഉണ്ടായി​രു​ന്നേ​ക്കാം. കപ്പികൾ സുഗമ​മാ​യി പ്രവർത്തി​ക്കു​ന്നു​ണ്ടോ? കയറു പൊട്ടി​പ്പോ​കാൻ സാധ്യ​ത​യു​ണ്ടോ? അതിനു വേണ്ടത്ര നീളമു​ണ്ടോ? എന്തെങ്കി​ലും കേടു​പാ​ടു​കൾ തീർക്കാ​നോ പുതിയ കയർ ഇടാനോ മറ്റോ ഉണ്ടെങ്കിൽ വെച്ചു താമസി​പ്പി​ക്കാ​തെ അതു വേഗം ചെയ്യുക.

ചവിട്ടു​പ​ടി​കൾ കയറു​മ്പോൾ തെന്നി​പ്പോ​കാ​തി​രി​ക്കാ​നാ​യി, അവയുടെ പ്രതലത്തെ പരുപ​രു​ത്ത​താ​ക്കുന്ന ചാലുകൾ പോലുള്ള ഭാഗങ്ങൾ മിക്ക​പ്പോ​ഴും ഏണിയിൽ ഉണ്ടായി​രി​ക്കും. ഇവയിൽ അഴുക്ക്‌ അടിഞ്ഞു കൂടി​യി​ട്ടു​ണ്ടെ​ങ്കിൽ അതു നീക്കം ചെയ്യാൻ പ്രത്യേ​കം ശ്രദ്ധി​ക്കണം. ഏണികൾ തെന്നി​പ്പോ​കാ​തി​രി​ക്കാൻ അവയുടെ കാലു​കൾക്ക്‌ അടിയിൽ പാഡുകൾ ഉണ്ടായി​രി​ക്കേ​ണ്ട​താണ്‌. അവ ഉണ്ടെന്നും നല്ല നിലയിൽ ആണെന്നും ഉറപ്പു വരുത്തുക.

3 ഏണികൾ സുരക്ഷി​ത​മാ​യി കൊണ്ടു​പോ​കുക. ഒരു സ്ഥലത്തു നിന്നു മറ്റൊരു സ്ഥലത്തേക്കു വാഹന​ത്തി​ലാണ്‌ ഏണി കൊണ്ടു​പോ​കു​ന്നത്‌ എങ്കിൽ, ഏണി വെക്കു​ന്ന​തി​നുള്ള റാക്കിൽത്തന്നെ അത്‌ ഉറപ്പിച്ചു വെക്കുക. ഏണി വെക്കു​ന്ന​തി​നു പ്രത്യേക സൗകര്യ​മി​ല്ലെ​ങ്കിൽ, അതു വാഹന​ത്തിൽ കെട്ടി​വെ​ക്കുക. ചുരു​ങ്ങി​യ​പക്ഷം രണ്ടു സ്ഥലങ്ങളിൽ എങ്കിലും കെട്ട്‌ ഉണ്ടായി​രി​ക്കണം. ഏണിക്കു നീളം കൂടു​ത​ലാ​ണെ​ങ്കിൽ അതു വാഹന​ത്തി​ന്റെ പിന്നി​ലേക്കു തള്ളിനി​ന്നേ​ക്കാം. അതു​കൊണ്ട്‌ പിന്നാലെ വരുന്ന​വർക്കു പെട്ടെന്നു കാണാൻ പാകത്തിന്‌ ഒരു തുണി​യോ മറ്റോ അതിൽ കെട്ടി​യി​ടുക.

നീളമുള്ള ഒരു ഏണി രണ്ടു പേർ ചേർന്നു ചുമക്കു​ന്ന​താണ്‌ ഏറ്റവും സുരക്ഷി​തം. എന്നാൽ, നിങ്ങൾ തനിയെ ഒരു ഏണി എടുത്തു​കൊ​ണ്ടു പോകു​ക​യാണ്‌ എന്നിരി​ക്കട്ടെ. നിങ്ങൾ അതു വിലങ്ങ​നെ​യാ​ണു പിടി​ക്കു​ന്നത്‌ എങ്കിൽ, ഒരു കൈ അതിന്റെ നടുക്കു കൂടി​യിട്ട്‌ തോളത്തു വെക്കുക. എന്നിട്ട്‌ ചെരിഞ്ഞു പോകാ​തി​രി​ക്കാൻ മറ്റേ കൈ കൊണ്ട്‌ അതു താങ്ങി​പ്പി​ടി​ക്കുക. ഏണി ആരു​ടെ​യും ദേഹത്തു കൊള്ളാ​തി​രി​ക്കേ​ണ്ട​തിന്‌ അതിന്റെ മുൻവശം തലപ്പൊ​ക്ക​ത്തി​ലും ഉയരത്തിൽ ആയിരി​ക്കണം. ഏണിയു​ടെ മുൻപോ​ട്ടുള്ള അത്രയും നീളം തന്നെ പുറ​കോ​ട്ടും ഉണ്ടെന്നുള്ള കാര്യം മറക്കരുത്‌! ഏണി​കൊ​ണ്ടുള്ള ഇടി കൊള്ളു​ന്നത്‌ വലിയ തമാശ​യാ​യി​ട്ടാ​ണു ഹാസ്യ​ചി​ത്രങ്ങൾ അവതരി​പ്പി​ക്കാ​റു​ള്ളത്‌. എന്നാൽ യഥാർഥ ജീവി​ത​ത്തിൽ, അതിൽ സ്വൽപ്പം പോലും തമാശ​യില്ല, വിശേ​ഷി​ച്ചും പരിക്കു പറ്റുന്നത്‌ നിങ്ങൾക്കാ​ണെ​ങ്കിൽ.

ഇനി, ഏണി പിടി​ക്കു​ന്നതു കുത്തനെ ആണെങ്കി​ലോ? ഏണിയു​ടെ ഭാരം അരയ്‌ക്കു മേൽപ്പോ​ട്ടു വരാൻ പാകത്തിന്‌ ഒരു കൈ കൊണ്ട്‌ അതു പിടി​ക്കുക. എന്നിട്ട്‌ ചെരിഞ്ഞു പോകാ​തി​രി​ക്കു​ന്ന​തി​നു മറ്റേ കൈ കൊണ്ട്‌ അതു താങ്ങി​പ്പി​ടി​ക്കുക. തോളി​നു മുകളി​ലാ​യി വേണം കൈ പിടി​ക്കാൻ. എന്നാൽ, തലയ്‌ക്കു മുകളിൽ ഉള്ള കമ്പികൾ, ലൈറ്റ്‌ ഷെയ്‌ഡു​കൾ, ബോർഡു​കൾ എന്നിവ​യിൽ തട്ടാതെ സൂക്ഷി​ക്കണേ!

4 ഏണി ശരിയായ വിധത്തിൽ വെക്കുക. ഏണി വെക്കു​മ്പോൾ അത്‌ വശങ്ങളി​ലേക്കു ചെരി​ഞ്ഞു​പോ​കാ​തെ ശ്രദ്ധി​ക്കണം. അത്‌ അപകട​ക​ര​മാണ്‌. എന്നാൽ നിലത്തു നിന്ന്‌ അത്‌ എപ്പോ​ഴും 75 ഡിഗ്രി ചെരി​ച്ചു​വേണം വെക്കാൻ.

5 ഏണിയു​ടെ മുകൾഭാ​ഗ​ത്തി​നും ചുവടി​നും താങ്ങു​കൊ​ടു​ക്കുക. ഏണിയു​ടെ മുകൾഭാ​ഗം എവി​ടെ​യാ​ണു ചാരു​ന്നത്‌ എന്നു പ്രത്യേ​കം ശ്രദ്ധി​ക്കണം. ആ പ്രതലം ഇളകാ​ത്ത​തോ തെന്നാ​ത്ത​തോ ആണെന്ന്‌ ഉറപ്പാ​ക്കണം. പ്ലാസ്റ്റിക്‌, സ്‌ഫടിക പ്രതലങ്ങൾ എപ്പോ​ഴും ഒഴിവാ​ക്കണം. സാധ്യ​മാ​കു​മ്പോ​ഴെ​ല്ലാം, ഏണിയു​ടെ മുകൾഭാ​ഗം നിങ്ങൾക്കു കയറി​ച്ചെ​ല്ലേണ്ട ഇടത്തു​നിന്ന്‌ ഒരു മീറ്റ​റോ​ളം ഉയർന്നു​നിൽക്കത്തക്ക വിധത്തിൽ, ഇളകി​പ്പോ​കാ​ത​വണ്ണം എവി​ടെ​യെ​ങ്കി​ലും കെട്ടി​വെ​ക്കണം.

നിങ്ങൾ ആദ്യം ഏണിയിൽ കയറു​മ്പോൾത്തന്നെ, അതിന്റെ മുകൾഭാ​ഗം കെട്ടി​വെ​ക്കാൻ പ്രത്യേ​കം ശ്രദ്ധി​ക്കുക. ഏണിയു​ടെ മുകൾഭാ​ഗം കെട്ടി​വെ​ക്കു​ന്ന​തി​നു വേണ്ടി ആദ്യം കയറു​മ്പോ​ഴും അതു​പോ​ലെ തന്നെ കെട്ട്‌ അഴിച്ച ശേഷം ഒടുവിൽ ഇറങ്ങു​മ്പോ​ഴും ഏണി മറിയാ​നി​ട​യുണ്ട്‌. അങ്ങനെ സംഭവി​ക്കാ​തി​രി​ക്കാ​നാ​യി, ആരെങ്കി​ലും അതിന്റെ ചുവട്ടിൽ ഒന്നു പിടി​ച്ചു​ത​രാ​നുള്ള ഏർപ്പാടു ചെയ്യുക. എന്നിരു​ന്നാ​ലും, ഏണിക്ക്‌ അഞ്ചുമീ​റ്റ​റി​ല​ധി​കം നീളമു​ണ്ടെ​ങ്കിൽ ഇങ്ങനെ ചെയ്യു​ന്നതു കൊണ്ട്‌ യാതൊ​രു പ്രയോ​ജ​ന​വു​മില്ല.

ഇനി, ഏണി വെച്ചി​രി​ക്കു​ന്നി​ടം കെട്ടി​ട​ത്തി​ന്റെ തറനി​ര​പ്പി​നെ​ക്കാൾ ചെരി​ഞ്ഞാണ്‌ ഇരിക്കു​ന്നത്‌ എങ്കിൽ, ഭാരമുള്ള എന്തെങ്കി​ലും അതിന്റെ ചുവട്ടിൽ വെക്കുക. അല്ലെങ്കിൽ അടിഭാ​ഗ​ത്തുള്ള ചവിട്ടു​പ​ടി​ക​ളിൽ ഒന്ന്‌ എവി​ടെ​യെ​ങ്കി​ലും ഭദ്രമാ​യി കെട്ടി​വെ​ക്കുക. നിലം നിരപ്പ​ല്ലാ​ത്ത​തും അതേസ​മയം ഉറപ്പു​ള്ള​തും ആണെങ്കിൽ, ഏണിയു​ടെ കാലുകൾ ഒരേ നിരപ്പിൽ ആയിരി​ക്കു​ന്ന​തിന്‌ ആപ്പു​പോ​ലെ എന്തെങ്കി​ലും അടിയിൽ തിരുകി വെക്കുക. നിലം ഉറപ്പി​ല്ലാ​ത്തത്‌ ആണെങ്കി​ലോ, ഏണി തെന്നി​പ്പോ​കാ​തി​രി​ക്കാൻ ഒരു മരപ്പല​ക​യോ മറ്റോ അതിന്റെ അടിയിൽ വെക്കുക.

നിങ്ങൾ ഒരു കവര ഏണിയാണ്‌ ഉപയോ​ഗി​ക്കു​ന്നത്‌ എങ്കിൽ, അതിന്റെ നാലു​കാ​ലു​ക​ളും നിലത്ത്‌ ഉറച്ചാണ്‌ ഇരിക്കു​ന്നത്‌ എന്നു തീർച്ച​യാ​ക്കുക. കവര ഏണിയു​ടെ രണ്ടുവ​ശ​ത്തേ​ക്കു​മുള്ള കാലുകൾ പരമാ​വധി അകത്തി​വെ​ക്കുക. അവ അടുത്തു​പോ​കാ​തി​രി​ക്കാ​നാ​യി എന്തെങ്കി​ലും സംവി​ധാ​ന​മു​ണ്ടെ​ങ്കിൽ അവ ഉപയോ​ഗി​ക്കാൻ ശ്രദ്ധി​ക്കുക.

നിങ്ങൾ സുരക്ഷി​ത​നാ​ണോ?

6 നിങ്ങളു​ടെ ചെരിപ്പ്‌ ശ്രദ്ധി​ക്കുക. ഏണിയിൽ കയറു​ന്ന​തിന്‌ മുമ്പ്‌ നിങ്ങളു​ടെ ചെരി​പ്പി​ന്റെ അടിവശം നല്ലവണ്ണം ഉണങ്ങി​യാ​ണോ ഇരിക്കു​ന്നത്‌ എന്നു നോക്കുക. നിങ്ങൾ തെന്നി​വീ​ഴാൻ ഇടയാ​ക്കി​യേ​ക്കാ​വുന്ന എന്തും, ചെളി​യോ മറ്റെ​ന്തെ​ങ്കി​ലു​മോ ചെരി​പ്പി​ന​ടി​യിൽ പറ്റിപ്പി​ടി​ച്ചി​ട്ടു​ണ്ടെ​ങ്കിൽ അതു തൂത്തു​ക​ള​യാൻ മറക്കരുത്‌.

7 സാധന​ങ്ങ​ളും കൊണ്ടു കയറു​മ്പോൾ സൂക്ഷി​ക്കുക. ഏണിയിൽ കയറു​മ്പോൾ രണ്ടു​കൈ​യും സ്വത​ന്ത്ര​മാ​യി​രി​ക്കു​ന്ന​തിന്‌, സാധ്യ​മെ​ങ്കിൽ ഒരു സഞ്ചിയി​ലോ മറ്റോ പണിസാ​ധ​നങ്ങൾ എടുത്തിട്ട്‌ അത്‌ തോള​ത്തി​ട്ടു കൊണ്ടു കയറുക. കൂടെ​കൊ​ണ്ടു​പോ​കാൻ ബുദ്ധി​മു​ട്ടുള്ള സാധനങ്ങൾ മുകളി​ലെ​ത്തി​ക്കു​ന്ന​തി​നു മറ്റെ​ന്തെ​ങ്കി​ലും മാർഗം കണ്ടുപി​ടി​ക്കാൻ ശ്രമി​ക്കുക. എന്നാൽ ഏണി ഉപയോ​ഗി​ക്കാ​തെ തരമി​ല്ലെ​ങ്കിൽ, ഒഴിവുള്ള കൈ​കൊണ്ട്‌ ഏണിയിൽ പിടിച്ചു പിടിച്ചേ കയറാവൂ. ധൃതി കൂട്ടാതെ വളരെ ശ്രദ്ധിച്ച്‌, സാവധാ​നം വേണം കയറാൻ.

വൈദ്യു​തി കൊണ്ടു പ്രവർത്തി​പ്പി​ക്കുന്ന പണിയാ​യു​ധങ്ങൾ ആണ്‌ നിങ്ങൾ ഉപയോ​ഗി​ക്കു​ന്ന​തെ​ങ്കിൽ രണ്ടു​കൈ​യും ഉപയോ​ഗിച്ച്‌ അവ പ്രവർത്തി​പ്പി​ക്ക​രുത്‌. ഉദാഹ​ര​ണ​ത്തിന്‌, തുരക്കുന്ന യന്ത്രത്തി​ന്റെ കാര്യ​മെ​ടു​ക്കുക. പ്രവർത്തി​പ്പി​ച്ചു കൊണ്ടി​രി​ക്കു​ന്ന​തിന്‌ ഇടയിൽ അത്‌ അപ്രതീ​ക്ഷി​ത​മാ​യി നിന്നു​പോ​കു​ക​യോ കൈയിൽ നിന്നു വഴുതി​പ്പോ​കു​ക​യോ ചെയ്‌തേ​ക്കാം. അങ്ങനെ സംഭവി​ച്ചാൽ ബാലൻസ്‌ നഷ്ടപ്പെട്ടു നിങ്ങൾ വീണു​പോ​യേ​ക്കാം. ഇതു​പോ​ലു​ള്ളവ ഒരിക്ക​ലും പ്രവർത്തി​ക്കുന്ന നിലയിൽ ലോക്കു ചെയ്‌തു വെക്കരുത്‌. അങ്ങനെ ചെയ്‌താൽ പ്രവർത്തി​ച്ചു കൊണ്ടി​രി​ക്കുന്ന നിലയിൽ തന്നെ അവ താഴെ​വീ​ണേ​ക്കാം.

8 മറ്റുള്ള​വ​രോ​ടു പരിഗണന ഉള്ളവരാ​യി​രി​ക്കുക. നിങ്ങൾ ഒരു പൊതു​സ്ഥ​ല​ത്താ​ണു ജോലി ചെയ്യു​ന്നത്‌ എങ്കിൽ, എല്ലാവർക്കും പെട്ടെന്നു കാണാ​വുന്ന വിധത്തിൽ ആയിരി​ക്കണം ഏണി വെക്കേ​ണ്ടത്‌. സാധ്യ​മെ​ങ്കിൽ, ഏണി വെച്ചി​രി​ക്കുന്ന ഭാഗം കയറോ മറ്റോ കെട്ടി വേർതി​രി​ക്കുക. ഏണിയും കൊണ്ട്‌ നിങ്ങൾക്ക്‌ ഏതെങ്കി​ലും വളവു​തി​രി​ഞ്ഞു പോ​കേ​ണ്ട​തുണ്ട്‌ എങ്കിൽ, മറ്റുള്ളവർ ഇങ്ങനെ​യൊ​ന്നു പ്രതീ​ക്ഷി​ക്കു​ന്നു​ണ്ടാ​വില്ല എന്ന കാര്യം മറക്കരുത്‌. അതു​കൊണ്ട്‌, വഴിയിൽ നിന്നു മാറി​നിൽക്കാൻ സൗഹാർദ​പൂർവം ഉറക്കെ വിളി​ച്ചു​പ​റ​യുക. വഴിയിൽ തടസ്സങ്ങൾ ഒന്നുമി​ല്ലെന്ന്‌ ഉറപ്പാ​ക്കു​ക​യും ചെയ്യേ​ണ്ട​തുണ്ട്‌.

ഏണിയിൽ കയറി നിൽക്കു​മ്പോൾ നിങ്ങളു​ടെ കൈവശം പണിസാ​ധ​നങ്ങൾ ഉണ്ടെങ്കി​ലോ? ചെറിയ ഒരു സ്‌ക്രൂ​ഡ്രൈവർ പോലും നല്ല ഉയരത്തിൽ നിന്നു താഴേക്കു വീണാൽ പരിക്കു​ണ്ടാ​ക്കും എന്ന കാര്യം ഓർമ​യിൽ വെക്കണം. ഇനി, എന്തെങ്കി​ലും കാരണ​വ​ശാൽ നിങ്ങൾക്ക്‌ അവി​ടെ​നിന്ന്‌ ഒന്നു മാറണ​മെ​ന്നി​രി​ക്കട്ടെ. ഏണി സുരക്ഷി​ത​മാ​യി കെട്ടി​യു​റ​പ്പി​ക്കാ​നും നിങ്ങൾക്കു പറ്റിയില്ല. എങ്കിൽ, ഒന്നുകിൽ ഏണിയു​ടെ അടുത്ത്‌ ആരെ​യെ​ങ്കി​ലും നിറു​ത്തി​യി​ട്ടു പോകുക അല്ലെങ്കിൽ, തിരി​ച്ചു​വ​രു​ന്നതു വരെ അതു സുരക്ഷി​ത​മാ​യി തറയിൽ ചെരി​ച്ചി​ടുക. അല്ലാതെ അതു വെറുതെ ചാരി​വെ​ച്ചി​ട്ടു പോക​രുത്‌.

9 നിങ്ങളു​ടെ ആരോ​ഗ്യ​സ്ഥി​തി പരി​ശോ​ധി​ക്കുക. ഏണിയിൽ കയറു​ന്ന​തിന്‌ നിങ്ങൾക്കു ബാലൻസും ഒരു പ്രത്യേക താളവും ആവശ്യ​മാ​യി​രി​ക്കു​ന്ന​തി​നാൽ, സുഖമി​ല്ലെ​ങ്കി​ലോ മനംപി​ര​ട്ട​ലോ തലകറ​ക്ക​മോ അനുഭ​വ​പ്പെ​ടു​ന്നു​വെ​ങ്കി​ലോ കയറാ​തി​രി​ക്കു​ന്ന​താ​ണു നല്ലത്‌.

10 സുരക്ഷി​ത​മാ​യി കയറുക. എല്ലായ്‌പോ​ഴും സുരക്ഷി​ത​ത്വ​ബോ​ധ​മു​ള്ളവർ ആയിരി​ക്കണം. ഒരേ സമയം രണ്ടോ അതില​ധി​ക​മോ ആളുകൾ ഒരു ഏണിയിൽ കയറാൻ ഒരിക്ക​ലും അനുവ​ദി​ക്ക​രുത്‌. ശക്തമായ കാറ്റും കോളും ഉള്ളപ്പോൾ ഒരുകാ​ര​ണ​വ​ശാ​ലും ഏണിയിൽ കയറരുത്‌. കവര ഏണിയു​ടെ മുകളി​ലത്തെ ചവിട്ടു​പ​ടി​യിൽ ഒരിക്ക​ലും കയറി​നിൽക്ക​രുത്‌. അതു​പോ​ലെ തന്നെ നീളമുള്ള ഏണിയിൽ കയറു​മ്പോൾ മുകളിൽ നിന്നു നാലു ചവിട്ടു​പടി ഒഴിച്ചി​ടാൻ ശ്രദ്ധി​ക്കണം. നീട്ടാ​വുന്ന തരത്തി​ലുള്ള ഏണിയാ​ണു നിങ്ങൾ ഉപയോ​ഗി​ക്കു​ന്നത്‌ എങ്കിൽ, അത്‌ ഒരുപാട്‌ നീട്ടരുത്‌, അതായത്‌ കുറഞ്ഞത്‌ മൂന്നു ചവിട്ടു​പ​ടി​ക​ളെ​ങ്കി​ലും മുകളി​ലേക്കു നീട്ടാതെ ഒഴിച്ചി​ടണം. ഏണിയിൽ കയറി​നിൽക്കു​മ്പോൾ ഒരിക്ക​ലും എത്തിവ​ലി​യാ​തി​രി​ക്കാൻ ശ്രദ്ധി​ക്കണം. അങ്ങനെ ചെയ്‌താൽ, നിങ്ങൾക്ക്‌ പെട്ടെന്നു ബാലൻസ്‌ നഷ്ടമാ​വു​ക​യും വീഴു​ക​യും ചെയ്‌തേ​ക്കാം. ഏണിയിൽ നിന്ന്‌ എത്തിവ​ലി​ഞ്ഞു വീണു പരിക്കു പറ്റുന്ന​തി​ലും നല്ലത്‌, ആവശ്യ​മുള്ള സ്ഥാന​ത്തേക്ക്‌ ഏണി നീക്കി​വെ​ക്കു​ന്ന​താണ്‌. അങ്ങനെ ചെയ്യു​ന്നത്‌ കുറച്ചു സമയം കൂടുതൽ എടുത്താ​ലും അതാണു സുരക്ഷി​തം. ഏണിയിൽ കയറുന്ന സമയത്ത്‌ എപ്പോ​ഴും മുകളി​ലേക്കു തന്നെ നോക്കണം.

എന്തെല്ലാം മുൻക​രു​ത​ലു​കൾ എടുത്താ​ലും ശരി, ഏണി ഉപയോ​ഗി​ക്കു​മ്പോൾ എപ്പോ​ഴും അപകടങ്ങൾ സംഭവി​ക്കാ​വു​ന്ന​താണ്‌. ഒരുപക്ഷേ ഈ നിർദേ​ശ​ങ്ങ​ളു​ടെ സഹായ​ത്തോ​ടെ നിങ്ങൾക്ക്‌ അവ കുറയ്‌ക്കാൻ സാധി​ച്ചേ​ക്കും. ഈ നിർദേ​ശങ്ങൾ പോളി​നു സഹായ​ക​മാ​യി. അവ പാലി​ച്ചതു വഴി, യാതൊ​രു അപകട​വും കൂടാതെ അദ്ദേഹം വെളി​യി​ലെ ബൾബ്‌ മാറ്റി​യി​ട്ടു. എന്നാൽ ജനാലകൾ വൃത്തി​യാ​ക്കുന്ന കാര്യ​മോ? അത്‌ . . . . ഒരുപക്ഷേ അദ്ദേഹം പിന്നീട്‌ ഒരിക്കൽ ആയിരി​ക്കും ചെയ്യുക!

[22-ാം പേജിലെ ചിത്രം]

1 ഒത്ത ഏണി സംഘടി​പ്പി​ക്കു​ക

2 ഏണി ശ്രദ്ധാ​പൂർവം പരി​ശോ​ധി​ക്കു​ക

3 ഏണികൾ സുരക്ഷി​ത​മാ​യി കൊണ്ടു​പോ​കു​ക

4 ഏണി ശരിയായ വിധത്തിൽ വെക്കുക

5 ഏണിയു​ടെ മുകൾഭാ​ഗ​ത്തി​നും ചുവടി​നും താങ്ങു​കൊ​ടു​ക്കുക

6 നിങ്ങളു​ടെ ചെരിപ്പ്‌ ശ്രദ്ധി​ക്കു​ക

7 സാധന​ങ്ങ​ളും കൊണ്ടു കയറു​മ്പോൾ സൂക്ഷി​ക്കു​ക

8 മറ്റുള്ള​വ​രോ​ടു പരിഗണന ഉള്ളവരാ​യി​രി​ക്കുക

9 നിങ്ങളു​ടെ ആരോ​ഗ്യ​സ്ഥി​തി പരി​ശോ​ധി​ക്കു​ക

10 സുരക്ഷി​ത​മാ​യി കയറുക