സംഗീതം സമനി​ല​യുള്ള കാഴ്‌ച​പ്പാട്‌ പുലർത്തു​ക

സംഗീത വ്യവസാ​യം ഇന്നു കോടി​കൾ മറിയുന്ന ഒരു ബിസി​ന​സ്സാ​യി മാറി​യി​രി​ക്കു​ന്നു. ജനസമ്മ​തി​യാർജിച്ച സംഗീ​ത​ജ്ഞ​രും അവരുടെ പിന്നണി പ്രവർത്ത​ക​രും കണക്കി​ല്ലാ​തെ പണം കൊയ്യു​ക​യാണ്‌. പ്രശസ്‌തി​യു​ടെ കൊടു​മു​ടി​കൾ കീഴട​ക്കിയ ചില സംഗീ​ത​ജ്ഞ​രു​ടെ ജീവിതം പക്ഷേ അസന്തു​ഷ്ട​മാ​യി​രു​ന്നു. ചിലർ അകാല​ത്തിൽ മൃതി​യ​ടഞ്ഞു, ചിലർ ആത്മഹത്യ ചെയ്‌തു. ഇതു കൂടാതെ, ചില തരം സംഗീതം ധാർമി​ക​വും വൈകാ​രി​ക​വും ആത്മീയ​വും ആയ അധഃപ​ത​ന​ത്തിന്‌ ഇടയാ​ക്കും എന്നതിനു മതിയായ തെളി​വു​കൾ ഉണ്ട്‌, അതിന്‌ അക്രമാ​സ​ക്ത​വും സാമൂ​ഹി​ക​വി​രു​ദ്ധ​വു​മായ പെരു​മാ​റ്റ​ങ്ങൾക്കു പ്രേരി​പ്പി​ക്കാൻ കഴിയു​മെ​ന്നും.

സംഗീ​ത​ത്തെ കുറിച്ച്‌ ഒരു സമനി​ല​യുള്ള കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌ ആവശ്യ​മാണ്‌. ദുഷി​പ്പി​ക്കുന്ന, ഹാനി​ക​ര​മായ അനേകം വശങ്ങൾ ഈ കലാരൂ​പ​ത്തിന്‌ ഉണ്ട്‌ എന്നതു വസ്‌തു​ത​യാ​ണെ​ങ്കി​ലും, ചില സംഗീ​ത​ത്തിന്‌ ഒരുവന്റെ ജീവിതം സമ്പുഷ്ട​മാ​ക്കാ​നും ഒരളവു വരെ ആനന്ദവും സംതൃ​പ്‌തി​യും പകർന്നു നൽകാ​നും കഴിയും. കൂടാതെ, വൈകാ​രി​ക​വും ആത്മീയ​വു​മാ​യി നമ്മെ പ്രബു​ദ്ധ​രാ​ക്കാ​നും അതിനു കഴിവുണ്ട്‌. ചില ഉദാഹ​ര​ണങ്ങൾ പരിചി​ന്തി​ക്കുക.

ബൈബി​ളി​ലെ 150 സങ്കീർത്ത​നങ്ങൾ അത്യുത്തമ സാഹിത്യ രചനക​ളാണ്‌. ഭാവഗാ​ന​ങ്ങ​ളും വിശു​ദ്ധ​ഗീ​ത​ങ്ങ​ളും പ്രാർഥ​ന​ക​ളും ചേർന്ന ഇവ ഇന്നു നൂറു​ക​ണ​ക്കി​നു ഭാഷക​ളിൽ ലഭ്യമാണ്‌. അവയുടെ വായന ഇന്നും ഒരു അനുപ​മ​സു​ന്ദ​ര​മായ അനുഭ​വ​മാ​ണു വായന​ക്കാ​രനു നൽകുക. എന്നിരു​ന്നാ​ലും, പുരാതന എബ്രായർ സങ്കീർത്ത​നങ്ങൾ കേവലം വായി​ക്കുക ആയിരു​ന്നില്ല. പകരം അവർ അവ പാടി, മിക്ക​പ്പോ​ഴും ശ്രുതി​മ​ധു​ര​മായ വാദ്യ​സം​ഗീ​ത​ത്തി​ന്റെ അകമ്പടി​യോ​ടെ. തങ്ങളുടെ ദൈവ​മായ യഹോ​വ​യു​ടെ ജ്ഞാനത്തെ പ്രകീർത്തി​ച്ചു​കൊ​ണ്ടുള്ള ആ സങ്കീർത്ത​നങ്ങൾ പരിശീ​ലനം സിദ്ധിച്ച ഗായകർ ഭാവസാ​ന്ദ്ര​മാ​യി ആലപി​ക്കു​മ്പോൾ, അതിലെ ആശയങ്ങൾ ശ്രോ​താ​ക്ക​ളു​ടെ ഹൃദയ​ങ്ങ​ളി​ലേക്ക്‌ ആഴ്‌ന്നി​റ​ങ്ങു​മാ​യി​രു​ന്നു. എബ്രായ സംഗീതം തീരെ ലളിത​മോ പ്രാചീ​ന​മോ ആയിരു​ന്നില്ല. നിലവാ​ര​ത്തി​ന്റെ​യും ശൈലി​യു​ടെ​യും കാര്യ​ത്തി​ലാ​ണെ​ങ്കിൽ, അവ അയൽ രാജ്യ​ങ്ങ​ളു​ടേ​തി​നെ​ക്കാൾ വളരെ ഉയർന്ന​താ​യി​രു​ന്നു.

പിന്നീട്‌ ഒന്നാം നൂറ്റാ​ണ്ടിൽ, ക്രിസ്‌ത്യാ​നി​കൾ ദൈവത്തെ സ്‌തു​തി​ക്കു​ന്ന​തി​നും വൈകാ​രി​ക​മായ പിരി​മു​റു​ക്ക​ങ്ങൾക്ക്‌ അയവു വരുത്തു​ന്ന​തി​നു​മാ​യി സങ്കീർത്ത​ന​ങ്ങ​ളും മറ്റു വിശു​ദ്ധ​ഗീ​ത​ങ്ങ​ളും ആലപി​ക്കു​മാ​യി​രു​ന്നു. അങ്ങനെ, സംഗീതം അവരുടെ ജീവി​തത്തെ കൂടുതൽ അർഥസ​മ്പു​ഷ്ട​മാ​ക്കി. ബൈബി​ളി​നെ ആസ്‌പ​ദ​മാ​ക്കി​യുള്ള ഗീതങ്ങൾ ആലപി​ക്കു​ന്നത്‌, അവരുടെ ജീവി​ത​ങ്ങളെ നയിക്കു​ന്ന​തിന്‌ ആവശ്യ​മായ ദൈവ​പ​രി​ജ്ഞാ​നം ഹൃദയ​ങ്ങ​ളിൽ കൂടുതൽ ആഴത്തിൽ പതിയാൻ വഴി​യൊ​രു​ക്കി.—മത്തായി 26:30; പ്രവൃ​ത്തി​കൾ 16:25.

സംഗീ​ത​ത്തിന്‌ ഒരാളു​ടെ വ്യക്തി​ത്വം വാർത്തെ​ടു​ക്കാൻ കഴിയു​മെന്നു പുരാതന ഗ്രീക്കു​കാർ വിശ്വ​സി​ച്ചി​രു​ന്നു. സ്‌ത്രീ​യാ​യാ​ലും പുരു​ഷ​നാ​യാ​ലും അതിന്‌ ഒരാളെ കൂടുതൽ തികഞ്ഞ വ്യക്തി​യാ​ക്കി തീർക്കാൻ കഴിയും എന്നും അവർ കരുതി​പ്പോ​ന്നി​രു​ന്നു. ശാസ്‌ത്രം, ധനതത്ത്വ​ശാ​സ്‌ത്രം, യുക്തി എന്നിവ​യ്‌ക്കെ​ല്ലാം ഊന്നൽ നൽകുന്ന 20-ാം നൂറ്റാ​ണ്ടി​ലെ വിദ്യാ​ഭ്യാ​സ സമ്പ്രദാ​യ​ത്തിൽ പക്ഷേ മിക്ക​പ്പോ​ഴും സുകു​മാര കലകളി​ലൂ​ടെ​യുള്ള നമ്മുടെ വ്യക്തി​ത്വ​ത്തി​ന്റെ വൈകാ​രി​ക​വ​ശ​ത്തി​ന്റെ വികസനം അവഗണി​ക്ക​പ്പെ​ടു​ക​യാണ്‌.

സമനില കാത്തു​സൂ​ക്ഷി​ക്കു​ക

ഇമ്പമധു​ര​മാർന്ന ഒരു ഗാനം ശ്രവി​ക്കു​ന്നത്‌ ഒരുവനെ ആനന്ദ നിർവൃ​തി​യ​ട​യാൻ സഹായി​ച്ചേ​ക്കാം. അതു പ്രയോ​ജ​ന​പ്ര​ദ​വും ആയിരു​ന്നേ​ക്കാം. എന്നാൽ, ഏതെങ്കി​ലും ഒരു സംഗീ​തോ​പ​ക​രണം വായി​ക്കു​ന്ന​തോ ഒരു സുഹൃ​ദ്‌സം​ഘ​ത്തോ​ടൊ​പ്പം പാടു​ന്ന​തോ അതിലു​മേറെ ആസ്വാ​ദ്യ​മാ​യി​രു​ന്നേ​ക്കാം. സംഗീ​തത്തെ കുറി​ച്ചുള്ള അറിവിന്‌ സന്തുഷ്ടി​യു​ടെ വിശാ​ല​ലോ​ക​ത്തേക്കു തുറക്കുന്ന ഒരു ജാലകം ആയിരി​ക്കാൻ കഴിയും.

ജീവി​ത​ത്തിൽ നാം ആസ്വദി​ക്കുന്ന മറ്റേ​തൊ​രു സംഗതി​യു​ടെ​യും കാര്യ​ത്തിൽ എന്നപോ​ലെ, ഇവി​ടെ​യും മിതത്വ​വും നല്ല വിവേ​ച​ന​യും കാത്തു​സൂ​ക്ഷി​ക്കേ​ണ്ട​തുണ്ട്‌. അതോ​ടൊ​പ്പം നല്ല തിര​ഞ്ഞെ​ടു​പ്പു നടത്തു​ന്ന​തി​ലും ശ്രദ്ധാ​ലു​ക്ക​ളാ​യി​രി​ക്കണം. ഏതു തരം സംഗീതം ശ്രവി​ക്കു​ന്നു എന്നതിനു മാത്രമല്ല, എത്ര നേരം ശ്രവി​ക്കു​ന്നു അല്ലെങ്കിൽ എത്ര നേരം സംഗീ​തോ​പ​ക​ര​ണങ്ങൾ വായി​ക്കു​ന്നു എന്ന കാര്യ​ത്തി​നും ഇതു ബാധക​മാണ്‌.

ചില പ്രത്യേക തരം സംഗീതം നിങ്ങളു​ടെ വികാ​രങ്ങൾ, പ്രവർത്ത​നങ്ങൾ, ബന്ധങ്ങൾ എന്നിവയെ പ്രതി​കൂ​ല​മാ​യി ബാധി​ക്കു​ന്നു​ണ്ടെ​ങ്കിൽ, അത്‌ ഉപേക്ഷിച്ച്‌ മറ്റു തരത്തി​ലുള്ള സംഗീതം തിര​ഞ്ഞെ​ടു​ക്കാൻ ശ്രദ്ധി​ക്കുക. നിങ്ങളു​ടെ ഹൃദയ​ത്തെ​യും മനസ്സി​നെ​യും സംരക്ഷി​ക്കു​ന്ന​തിന്‌ നിങ്ങളു​ടെ വികാ​ര​ങ്ങ​ളെ​യും, വികാ​ര​ങ്ങളെ കാക്കു​ന്ന​തി​നു നിങ്ങളു​ടെ കാതു​ക​ളെ​യും സംരക്ഷി​ക്കുക!

പാട്ടിന്റെ ഈരടി​ക​ളു​ടെ കാര്യ​ത്തിൽ ഇതു വിശേ​ഷാൽ സത്യമാണ്‌. പതിയെ പതിയെ, ജീവി​ത​വും ധാർമി​ക​ത​യും സംബന്ധി​ച്ചു നിങ്ങളു​ടേ​തിൽ നിന്നു വ്യത്യ​സ്‌ത​മായ കാഴ്‌ച​പ്പാ​ടു വെച്ചു​പു​ലർത്തുന്ന, അഭക്തവും അധാർമി​ക​വു​മായ ജീവിത രീതികൾ പ്രോ​ത്സാ​ഹി​പ്പി​ക്കുന്ന വ്യക്തി​ക​ളു​ടെ അഭീഷ്ട​ങ്ങൾക്ക​നു​സ​രിച്ച്‌ നിങ്ങളു​ടെ മനസ്സും വാർത്തെ​ടു​ക്ക​പ്പെ​ട്ടേ​ക്കാം. ചില​പ്പോൾ പാട്ടിന്റെ ശീർഷകം പോലും ഉള്ളിൽ തെറ്റായ ചിന്തകൾ കടന്നു​വ​രു​ന്ന​തിന്‌ ഇടയാ​ക്കി​യേ​ക്കാം.

ദൈവത്തെ പ്രസാ​ദി​പ്പി​ക്കാൻ ഇഷ്ടപ്പെ​ടു​ന്ന​വരെ “ആത്മീയ ആരാധ​ന​യാ​യി [തങ്ങളുടെ] ശരീര​ങ്ങളെ വിശു​ദ്ധ​വും ദൈവ​ത്തി​ന്നു സ്വീകാ​ര്യ​വു​മായ ജീവനുള്ള ബലിയാ​യി സമർപ്പി”ക്കാൻ ദൈവ​വ​ച​ന​മായ ബൈബിൾ ബുദ്ധി​യു​പ​ദേ​ശി​ക്കു​ന്നു. (റോമർ 12:1, ഓശാന ബൈബിൾ) സ്‌പഷ്ട​മാ​യും, നമ്മുടെ വികാ​ര​ങ്ങ​ളും ആ ‘ജീവനുള്ള ബലിയിൽ’ ഉൾപ്പെ​ടു​ന്നു. അതു​കൊണ്ട്‌, സംഗീ​ത​ത്തി​ന്റെ വശ്യശ​ക്തി​യാൽ, വികാ​രങ്ങൾ നിങ്ങളു​ടെ വിവേ​ചനാ പ്രാപ്‌തി​യെ​യും ന്യായ​ബോ​ധ​ത്തെ​യും കീഴട​ക്കു​ന്ന​താ​യും അങ്ങനെ നിങ്ങളു​ടെ പ്രവർത്ത​ന​ങ്ങളെ തെറ്റായി സ്വാധീ​നി​ക്കു​ന്ന​താ​യും മനസ്സി​ലാ​ക്കു​ന്നു​വെ​ങ്കിൽ, സംഗീതം സംബന്ധിച്ച നിങ്ങളു​ടെ അഭിരു​ചി​ക്കു മാറ്റം വരുത്താ​നുള്ള സമയമാ​യി​രി​ക്കു​ന്നു. ഓർക്കുക: സംഗീ​ത​ത്തി​ന്റെ ശക്തിക്ക്‌ നിങ്ങളു​ടെ ഹൃദയ​ത്തെ​യും മനസ്സി​നെ​യും സ്വാധീ​നി​ക്കാൻ കഴിയും—ഒന്നുകിൽ ഗുണക​ര​മാ​യി അല്ലെങ്കിൽ ദോഷ​ക​ര​മാ​യി!

[10-ാം പേജിലെ ചതുരം/ചിത്രം]

പഠനപ്രാപ്‌തി മെച്ച​പ്പെ​ടു​ത്തൽ

“താളാ​ത്മ​ക​മായ സംഗീതം ദിവസേന കേൾക്കു​ന്നതു കുഞ്ഞു​ങ്ങ​ളു​ടെ പഠന​പ്രാ​പ്‌തി മെച്ച​പ്പെ​ടു​ത്തു​മെന്നു ഗവേഷ​ണങ്ങൾ സൂചി​പ്പി​ക്കു​ന്നു. എന്നാൽ, അനേകം കുടും​ബ​ങ്ങ​ളി​ലും, കുഞ്ഞുങ്ങൾ അതു കേൾക്കു​ന്നേ​യില്ല.”—ഓഡി​യോ, മാർച്ച്‌ 1999.