ലാക്ടോസ്‌-ദഹന​ക്കേ​ടുള്ള ആളാണോ നിങ്ങൾ?

മെക്‌സിക്കോയിലെ ഉണരുക! ലേഖകൻ

“ഞാനും ഭർത്താ​വും മെക്‌സി​ക്കോ​യി​ലെ പ്വെബ്ല​യി​ലുള്ള ഏതാനും സുഹൃ​ത്തു​ക്കളെ സന്ദർശി​ക്കു​ക​യാ​യി​രു​ന്നു. അവർക്കു കറവപ്പ​ശു​ക്കൾ ഉണ്ടായി​രു​ന്ന​തു​കൊണ്ട്‌, രാവി​ല​ത്തെ​യും വൈകു​ന്നേ​ര​ത്തെ​യും ഭക്ഷണ​ത്തോ​ടൊ​പ്പം ഞങ്ങൾക്കു പാലും നൽകി.

“അന്ന്‌ രാത്രി ഞങ്ങൾക്കു വയറ്റിൽ അസ്വാ​സ്ഥ്യം തോന്നി, പിറ്റേന്ന്‌ സ്ഥിതി വളരെ മോശ​മാ​യി. വല്ലാതെ കമ്പിച്ച എന്റെ വയറ്‌ കണ്ടാൽ, ഏതാണ്ട്‌ മാസം തികയാ​റാ​യ​തു​പോ​ലെ തോന്നി​യി​രു​ന്നു. ഞങ്ങൾക്കു രണ്ടു​പേർക്കും കലശലായ വയറി​ള​ക്ക​വും തുടങ്ങി.

“ഞങ്ങൾക്ക്‌ ലാക്ടോ​സി​നെ ദഹിപ്പി​ക്കാ​നുള്ള കഴിവ്‌ കുറവാ​ണെന്ന കാര്യം വർഷങ്ങൾക്കു ശേഷമാണ്‌ ഞങ്ങൾ മനസ്സി​ലാ​ക്കി​യത്‌.”—ബെർത്ത.

ബെർത്ത​യു​ടേത്‌ ഒറ്റപ്പെട്ട ഒരു സംഭവമല്ല. ലോക​ത്തി​ലെ മുതിർന്ന​വ​രിൽ 75 ശതമാ​ന​ത്തോ​ളം ആളുക​ളും ഈ പ്രശ്‌ന​ത്തി​ന്റെ ലക്ഷണങ്ങ​ളിൽ ചിലതോ അല്ലെങ്കിൽ മുഴു​വ​നു​മോ അനുഭ​വി​ക്കു​ന്നു​ണ്ടാ​കാ​മെന്നു ചിലർ കണക്കാ​ക്കു​ന്നു.a എന്താണ്‌ ഈ അവസ്ഥ? അതിനു കാരണ​മെ​ന്താണ്‌? ഏറ്റവും പ്രധാ​ന​മാ​യി, ഈ പ്രശ്‌ന​വു​മാ​യി എങ്ങനെ പൊരു​ത്ത​പ്പെട്ടു പോകാൻ സാധി​ക്കും?

പാലിലെ പ്രധാന പഞ്ചസാ​ര​യായ ലാക്ടോ​സി​നെ ദഹിപ്പി​ക്കാ​നുള്ള ശരീര​ത്തി​ന്റെ കഴിവു കുറവി​നെ​യാണ്‌ ലാക്ടോസ്‌-ദഹന​ക്കേട്‌ എന്നു പറയു​ന്നത്‌. ലാക്ടോസ്‌ രക്തത്തി​ലേക്ക്‌ ആഗിരണം ചെയ്യ​പ്പെ​ട​ണ​മെ​ങ്കിൽ, അത്‌ ഗ്ലൂക്കോ​സും ഗാല​ക്ടോ​സു​മാ​യി വിഘടി​ക്ക​പ്പെ​ടണം. ഇതു നടക്കണ​മെ​ങ്കിൽ, ലാക്ടേസ്‌ എന്ന എൻസൈം ആവശ്യ​മാണ്‌. എന്നാൽ, ശൈശവം കഴിയു​ന്ന​തോ​ടെ ശരീരം ഉത്‌പാ​ദി​പ്പി​ക്കുന്ന ലാക്ടേ​സി​ന്റെ അളവ്‌ വളരെ കുറയു​ന്നു എന്നതാണു പ്രശ്‌നം. അങ്ങനെ വേണ്ടത്ര ലാക്ടേസ്‌ ഇല്ലാത്തതു നിമിത്തം മുതിർന്ന​വ​രായ അനേകർക്കും ലാക്ടോ​സി​നെ ദഹിപ്പി​ക്കാൻ ബുദ്ധി​മു​ട്ടു നേരി​ടു​ന്നു.

ഒരു വ്യക്തി അയാളു​ടെ ശരീര​ത്തി​നു ദഹിപ്പി​ക്കാൻ കഴിയു​ന്ന​തി​നെ​ക്കാൾ കൂടുതൽ ലാക്ടോസ്‌ പാലി​ലൂ​ടെ​യും പാലു​ത്‌പ​ന്ന​ങ്ങ​ളി​ലൂ​ടെ​യും കഴിക്കു​മ്പോൾ, കുടലി​ലെ ബാക്ടീ​രിയ അതിനെ ലാക്ടിക്‌ അമ്ലവും കാർബൺഡ​യോ​ക്‌​സൈ​ഡു​മാ​ക്കി മാറ്റുന്നു. വെറും 30 മിനി​ട്ടി​നു​ള്ളിൽ, മനംപി​രട്ടൽ, വയറ്റിൽ കുത്തുന്ന വേദന, വയറു​ക​മ്പി​ക്കൽ, അതിസാ​രം എന്നിവ ഉൾപ്പെ​ടെ​യുള്ള ലക്ഷണങ്ങൾ കണ്ടുതു​ട​ങ്ങു​ന്നു. തങ്ങൾക്ക്‌ ലാക്ടോസ്‌ ദഹിപ്പി​ക്കാ​നുള്ള കഴിവ്‌ കുറവാ​ണെന്നു മനസ്സി​ലാ​ക്കാ​ത്തവർ, കൂടുതൽ പാൽ കുടിച്ച്‌ വയറിന്റെ പ്രശ്‌നങ്ങൾ ശമിപ്പി​ക്കാൻ ശ്രമി​ച്ചേ​ക്കാം, അങ്ങനെ സാഹച​ര്യം കൂടുതൽ വഷളാ​കു​ന്നു.

ലാക്ടോ​സി​നെ ദഹിപ്പി​ക്കാ​നുള്ള കഴിവ്‌ ഓരോ​രു​ത്ത​രി​ലും വ്യത്യ​സ്‌ത​മാ​യി​രി​ക്കും. ചിലർക്ക്‌ ഒരു അൽപ്പം പാൽ കുടി​ച്ചാൽ പ്രശ്‌ന​മൊ​ന്നും ഉണ്ടാകില്ല. മറ്റുചി​ലർക്കാ​ണെ​ങ്കിൽ അതു​പോ​ലും പ്രശ്‌നം സൃഷ്ടി​ച്ചേ​ക്കാം. നിങ്ങൾക്ക്‌ എന്തുമാ​ത്രം ദഹിപ്പി​ക്കാൻ കഴിയു​മെന്നു കണ്ടുപി​ടി​ക്കു​ന്ന​തിന്‌, തുടക്ക​ത്തിൽ ഒരു അൽപ്പം പാൽ കുടി​ക്കാൻ ചിലർ നിർദേ​ശി​ക്കു​ന്നു. പിന്നെ പതു​ക്കെ​പ്പ​തു​ക്കെ നിങ്ങൾ കുടി​ക്കുന്ന പാലിന്റെ അളവ്‌ വർധി​പ്പി​ച്ചു​കൊ​ണ്ടു​വ​രിക. ലാക്ടോസ്‌-ദഹന​ക്കേ​ടി​ന്റെ ലക്ഷണങ്ങൾ അസ്വാ​സ്ഥ്യ​ജ​ന​ക​മാ​ണെ​ങ്കി​ലും, അപൂർവ​മാ​യി മാത്രമേ അവ അപകട​ക​ര​മാ​യി​ത്തീ​രു​ക​യു​ള്ളൂ എന്ന വസ്‌തുത ഈ അവസര​ത്തിൽ ഓർത്തി​രി​ക്കുക.

കഴിക്കാ​വു​ന്ന​വ​യും കഴിക്കാൻ പാടി​ല്ലാ​ത്ത​വ​യും

നിങ്ങൾക്ക്‌ ലാക്ടോ​സി​നെ ദഹിപ്പി​ക്കാ​നുള്ള കഴിവ്‌ കുറവു​ണ്ടെ​ങ്കിൽ, നിങ്ങൾക്ക്‌ എന്തൊക്കെ കഴിക്കാ​മെ​ന്നും എന്തൊക്കെ കഴിക്കാൻ പാടി​ല്ലെ​ന്നും നിശ്ചയ​പ്പെ​ടു​ത്തണം. അതു കൂടു​ത​ലും ലാക്ടോ​സി​നെ ദഹിപ്പി​ക്കാ​നുള്ള നിങ്ങളു​ടെ കഴിവി​നെ ആശ്രയി​ച്ചി​രി​ക്കും. ലാക്ടോസ്‌ അടങ്ങി​യി​രി​ക്കുന്ന ഭക്ഷണ പദാർഥ​ങ്ങ​ളാണ്‌ പാൽ, ഐസ്‌ക്രീം, തൈര്‌, വെണ്ണ, പാൽക്കട്ടി എന്നിവ. കേക്കുകൾ, ധാന്യങ്ങൾ, സാലഡിൽ രുചി​വർധ​ക​മാ​യി ചേർക്കുന്ന കൂട്ട്‌ എന്നിവ​യി​ലും ലാക്ടോസ്‌ കണ്ടേക്കാം. അതു​കൊണ്ട്‌, ഈ പ്രശ്‌ന​മു​ള്ളവർ ഇത്തരം ഉത്‌പ​ന്ന​ങ്ങ​ളു​ടെ ന്യു​ട്രി​ഷൻ ലേബൽ പരി​ശോ​ധി​ച്ചു​നോ​ക്കണം.

പാലിൽ നിന്നാണ്‌ നമുക്കു മുഖ്യ​മാ​യും കാൽസ്യം ലഭിക്കു​ന്നത്‌. കാൽസ്യം കുറഞ്ഞു​പോ​യാൽ അസ്ഥി​ദ്ര​വീ​ക​രണം ബാധി​ച്ചേ​ക്കാം. അതു​കൊണ്ട്‌, ലാക്ടോ​സി​നെ ദഹിപ്പി​ക്കാ​നുള്ള കഴിവു കുറവു​ള്ളവർ കാൽസ്യം ലഭിക്കാ​നാ​യി മറ്റു മാർഗങ്ങൾ തേടേ​ണ്ട​താണ്‌. ബ്രോ​ക്കൊ​ലി, കാബേജ്‌, വശളച്ചീര എന്നിങ്ങ​നെ​യുള്ള ചില പച്ചക്കറി​ക​ളി​ലും ബദാം, എള്ള്‌, കട്ടികു​റഞ്ഞ മുള്ളുള്ള മത്തി, സാൽമൺ തുടങ്ങിയ മത്സ്യങ്ങ​ളി​ലും കാത്സ്യം അടങ്ങി​യി​ട്ടുണ്ട്‌.

നിങ്ങൾക്ക്‌ ഈ പ്രശ്‌നം ഉണ്ടെങ്കിൽപോ​ലും, പാലും പാലു​ത്‌പ​ന്ന​ങ്ങ​ളും അപ്പാടെ ഉപേക്ഷി​ക്കേ​ണ്ട​തി​ല്ലാ​യി​രി​ക്കാം. പകരം, എന്തുമാ​ത്രം ദഹിപ്പി​ക്കാ​നാ​കു​മെന്നു കണ്ടുപി​ടി​ക്കുക, എന്നിട്ട്‌ ആ അളവി​ലും ഒട്ടും കൂടുതൽ കഴിക്കാ​തി​രി​ക്കുക. സാധ്യ​മാ​കു​മ്പോ​ഴൊ​ക്കെ, ലാക്ടോസ്‌ അടങ്ങുന്ന ഭക്ഷണ പദാർഥ​ങ്ങ​ളു​ടെ കൂടെ മറ്റ്‌ ആഹാര പദാർഥ​ങ്ങ​ളും ഉൾപ്പെ​ടു​ത്തുക. പഴക്കമുള്ള പാൽക്ക​ട്ടി​ക​ളിൽ ലാക്ടോ​സി​ന്റെ അളവ്‌ കുറവാണ്‌. അതു​കൊണ്ട്‌ അതു പ്രശ്‌നം ഉണ്ടാക്കാ​നി​ട​യില്ല. തൈരി​ന്റെ കാര്യ​മോ? ഏതാണ്ട്‌ പാലിൽ ഉള്ള അത്രയും തന്നെ ലാക്ടോസ്‌ ഇതിലും ഉണ്ട്‌. എങ്കിലും, ലാക്ടോ​സി​നെ ദഹിപ്പി​ക്കാ​നുള്ള കഴിവ്‌ കുറവുള്ള ചിലർക്ക്‌ ഇതിനെ എളുപ്പം ദഹിപ്പി​ക്കാൻ കഴിയും. എന്തു​കൊണ്ട്‌? കാരണം, തൈരിൽ ലാക്ടേ​സി​നെ സംശ്ലേ​ഷി​പ്പി​ക്കുന്ന സൂക്ഷ്‌മ​ജീ​വി​ക​ളുണ്ട്‌. ഇത്‌ ലാക്ടോ​സി​നെ ദഹിപ്പി​ക്കാൻ സഹായി​ക്കു​ന്നു.

നിങ്ങൾക്ക്‌ ഈ പ്രശ്‌നം ഉണ്ടെങ്കിൽ വിഷമി​ക്കേ​ണ്ട​തില്ല. നാം കണ്ടതു​പോ​ലെ പ്രശ്‌ന​ത്തെ​ക്കു​റിച്ച്‌ അറിഞ്ഞി​രി​ക്കു​ന്നത്‌ അതുമാ​യി പൊരു​ത്ത​പ്പെട്ടു പോകാൻ നിങ്ങളെ സഹായി​ക്കും. താഴെ പറയുന്ന കാര്യങ്ങൾ മനസ്സിൽ പിടി​ക്കുക:

(1) നിങ്ങൾക്ക്‌ എന്തുമാ​ത്രം ലാക്ടോസ്‌ ദഹിപ്പി​ക്കാൻ കഴിയു​മെന്നു മനസ്സി​ലാ​ക്കാൻ മറ്റു ഭക്ഷണ​ത്തോ​ടൊ​പ്പം പാലും പാലു​ത്‌പ​ന്ന​ങ്ങ​ളും ചെറിയ തോതിൽ കഴിക്കുക.

(2) തൈരും പഴക്കമുള്ള പാൽക്ക​ട്ടി​ക​ളും കഴിക്കുക. അവ സാധാ​ര​ണ​ഗ​തി​യിൽ എളുപ്പം ദഹിക്കും.

(3) ലാക്ടോസ്‌ ഇല്ലാത്ത​തോ ലാക്ടേസ്‌ ഉള്ളതോ ആയ ഉത്‌പ​ന്നങ്ങൾ ലഭ്യമാ​ണെ​ങ്കിൽ അവ ഉപയോ​ഗ​പ്പെ​ടു​ത്തുക.

ഈ നിർദേ​ശങ്ങൾ പിൻപ​റ്റു​ന്നെ​ങ്കിൽ നിങ്ങൾക്ക്‌ ഈ പ്രശ്‌ന​വു​മാ​യി പൊരു​ത്ത​പ്പെട്ടു പോകാൻ കഴിയും.

[അടിക്കു​റിപ്പ്‌]