സ്രഷ്ടാ​വി​നെ മഹത്ത്വ​പ്പെ​ടു​ത്താൻ ആഗ്രഹിച്ച ഒരു വ്യക്തി

ഒരു അമേരി​ക്കൻ ശിൽപ്പി​യും ചിത്ര​ശ​ല​ഭ​ങ്ങ​ളു​ടെ ശേഖര​ണ​ത്തിൽ ഏർപ്പെ​ട്ടി​രുന്ന ആളുമായ ഹെർമൻ സ്‌​ട്രെക്കർ മരണമ​ട​ഞ്ഞിട്ട്‌ ഒരു നൂറ്റാ​ണ്ടാ​യി. ചിത്ര​ശ​ല​ഭ​ങ്ങ​ളു​ടെ​യും നിശാ​ശ​ല​ഭ​ങ്ങ​ളു​ടെ​യും ഒരു ശേഖരം തന്നെ ഉണ്ടായി​രു​ന്നു അദ്ദേഹ​ത്തി​ന്റെ പക്കൽ. അമേരി​ക്ക​ക​ളിൽ അന്നുണ്ടാ​യി​രുന്ന ചിത്ര​ശലഭ ശേഖര​ങ്ങ​ളിൽ ഏറ്റവും വലുതാ​യി​രു​ന്നു അത്‌. ഏകദേശം 50,000 ഇനങ്ങൾ അടങ്ങിയ ആ വൻ ശേഖര​ത്തിൽ ഭൂരി​ഭാ​ഗ​വും ഇപ്പോൾ ഐക്യ​നാ​ടു​ക​ളി​ലെ ഇല്ലി​നോ​യ്‌സി​ലുള്ള ചിക്കാ​ഗോ​യി​ലെ ഫീൽഡ്‌ മ്യൂസി​യ​ത്തിൽ കാണാൻ കഴിയും. അക്കൂട്ട​ത്തിൽ, പ്രത്യേക ശ്രദ്ധ അർഹി​ക്കു​ന്നത്‌ തെക്കേ അമേരി​ക്ക​യിൽ നിന്നുള്ള വലിയ ഒരിനം പട്ടുനൂൽശ​ലഭം ആണ്‌. അതിന്റെ കാരണ​മാ​കട്ടെ അതിന്റെ പേരും. ലെപി​ഡോ​പ്‌ടെറാ എന്ന തന്റെ പുസ്‌ത​ക​ത്തിൽ സ്‌​ട്രെക്കർ വിശദീ​ക​രി​ക്കുന്ന പ്രകാരം, തന്റെ ബഹുമാ​നാർഥം ഒരു വിരു​ന്നൊ​രു​ക്കിയ ആരു​ടെ​യെ​ങ്കി​ലും പേരോ കുറെ പണം വായ്‌പ നൽകിയ ആളുടെ പേരോ ഒന്നുമല്ല അദ്ദേഹം അതിനി​ട്ടത്‌.a പിന്നെ​യോ, സ്രഷ്ടാ​വി​ന്റെ പേരാണ്‌. അതുവഴി “വിസ്‌മയം ഉണർത്തുന്ന” ആ ശലഭം അതിനെ കാണുന്ന ഏതൊ​രാ​ളി​ന്റെ​യും ചിന്തയെ ദൈവ​ത്തി​ലേക്കു നയിക്കു​ന്നു. അങ്ങനെ, സ്രഷ്ടാ​വി​നെ ബഹുമാ​നി​ക്കുക എന്ന സ്‌​ട്രെ​ക്ക​റി​ന്റെ അഭിലാ​ഷ​ത്തി​ന്റെ ഫലമായി, ഇന്ന്‌ ആ പട്ടുനൂൽശ​ലഭം കോപി​യോ​പ്‌ടെ​റി​ക്‌സ്‌ ജെഹോവ എന്ന ശാസ്‌ത്രീ​യ​നാ​മം വഹിക്കു​ന്നു.

എന്നാൽ സ്‌​ട്രെക്കർ ദൈവ​നാ​മം ഉപയോ​ഗി​ച്ച​തി​നെ അദ്ദേഹ​ത്തി​ന്റെ സമകാ​ലി​ക​രിൽ ചിലർ എതിർത്തു. അതിനെ കുറിച്ച്‌ ഒരു വിമർശകൻ ഇങ്ങനെ എഴുതി: “ദൈവ​നാ​മം ഈ വിധത്തിൽ ഉപയോ​ഗി​ക്കു​ന്നത്‌, ചിന്തക​രു​ടെ​യും പണ്ഡിത​രു​ടെ​യും ശ്രദ്ധ പവിത്ര കാര്യ​ങ്ങ​ളി​ലേക്കു തിരി​ക്കാ​നേ ഉതകൂ.” സ്‌​ട്രെക്കർ അതി​നോട്‌ ഇങ്ങനെ പ്രതി​ക​രി​ച്ചു. “അങ്ങനെ​യെ​ങ്കിൽ, ആ പേര്‌ തിര​ഞ്ഞെ​ടു​ത്ത​തിൽ ഞാൻ തികച്ചും സന്തുഷ്ട​നാണ്‌. കാരണം, സ്രഷ്ടാ​വി​നെ കുറിച്ചു ചിന്തി​ക്കാൻ നമ്മെ പ്രേരി​പ്പി​ക്കു​ന്ന​തെ​ന്തും . . . പ്രയോ​ജ​ന​പ്ര​ദ​മാണ്‌ എന്നു ഞാൻ കരുതു​ന്നു. അത്യു​ന്ന​തന്റെ മാഹാ​ത്മ്യ​ത്തി​നും ശക്തിക്കും തെളിവു നൽകുന്ന കാര്യ​ങ്ങളെ കുറിച്ച്‌ ചിന്തി​ക്കു​ന്ന​തി​നെ​ക്കാൾ ശ്രേഷ്‌ഠ​മാ​യി മറ്റെന്താ​ണു​ള്ളത്‌?” അദ്ദേഹം ഇങ്ങനെ ഉപസം​ഹ​രി​ച്ചു: “സ്രഷ്ടാ​വി​ന്റെ ഏറ്റവും മനോ​ഹ​ര​മായ സൃഷ്ടി​ക​ളിൽ ഒന്നിന്‌ അവന്റെ തന്നെ പേര്‌ കൊടു​ക്കു​ന്ന​തി​നെ എതിർക്കു​ന്ന​തിൽ എന്തെങ്കി​ലും ന്യായ​മു​ണ്ടെന്ന്‌ എനിക്കു തോന്നു​ന്നില്ല.”

സ്രഷ്ടാ​വി​നോ​ടുള്ള സ്‌​ട്രെ​ക്ക​റി​ന്റെ ഭക്തിയും ബഹുമാ​ന​വും ശ്രദ്ധേ​യ​മാണ്‌. ഇന്ന്‌ ക്രിസ്‌ത്യാ​നി​കൾ യഹോവ എന്ന മഹനീയ നാമം, മഹിമ കരേറ്റുന്ന വിധത്തിൽ ഉപയോ​ഗി​ക്കാൻ ശ്രദ്ധാ​ലു​ക്ക​ളാണ്‌. (g01 1/22)

[അടിക്കു​റിപ്പ്‌]

[31-ാം പേജിലെ ചിത്രം]

ഹെർമൻ സ്‌ട്രെക്കർ: From the book The Passing Scene, Vol. 8/The Historical Society of Berks County

[കടപ്പാട്‌]

ഹെർമൻ സ്‌​ട്രെ​ക്കർ

[31-ാം പേജിലെ ചിത്രം]

(യഥാർഥ വലിപ്പം)