യുവജ​നങ്ങൾ ചോദി​ക്കു​ന്നു . . .

പ്രാർഥ​ന​യ്‌ക്ക്‌ എന്നെ എങ്ങനെ സഹായി​ക്കാ​നാ​വും?

“ജീവിതം വീണ്ടും നേർവ​ഴി​ക്കാ​ക്കാൻ എന്നെ സഹായി​ച്ചതു പ്രാർഥ​ന​യാണ്‌.”—ബ്രാഡ്‌.a

അനേകം യുവജ​നങ്ങൾ—ഒരുപക്ഷേ നിങ്ങൾ വിചാ​രി​ക്കു​ന്ന​തി​ലും കൂടുതൽ പേർ—പ്രാർഥി​ക്കു​ന്നുണ്ട്‌. ഐക്യ​നാ​ടു​ക​ളിൽ 13-നും 17-നും ഇടയ്‌ക്കു പ്രായ​മു​ള്ള​വ​രു​ടെ ഇടയിൽ നടത്തിയ ഒരു ‘ഗാലപ്‌ യുവജന സർവേ’ അവരിൽ 56 ശതമാനം അത്താഴ​ത്തി​നു മുമ്പ്‌ പ്രാർഥി​ക്കാ​റു​ണ്ടെന്നു വെളി​പ്പെ​ടു​ത്തി. പ്രായ​പൂർത്തി​യായ യുവജ​ന​ങ്ങ​ളിൽ നടത്തിയ ഒരു സർവേ അവരിൽ 62 ശതമാനം ദിവസ​വും പ്രാർഥി​ക്കാ​റു​ണ്ടെന്നു കാണിച്ചു.

എന്നിരു​ന്നാ​ലും, പല യുവജ​ന​ങ്ങ​ളെ​യും സംബന്ധി​ച്ചി​ട​ത്തോ​ളം പ്രാർഥന നിരർഥ​ക​മായ ഒരു യാന്ത്രിക കർമം മാത്ര​മാണ്‌. ബൈബിൾ പറയുന്ന ‘ദൈവ​ത്തെ​ക്കു​റി​ച്ചുള്ള പരിജ്ഞാ​നം’ ഉള്ള യുവജ​നങ്ങൾ വളരെ കുറവാണ്‌. (കൊ​ലൊ​സ്സ്യർ 1:9, 10) അതു​കൊ​ണ്ടു​തന്നെ അവരുടെ ജീവി​ത​ത്തിൽ ദൈവ​ത്തിന്‌ വലിയ സ്ഥാന​മൊ​ന്നും ഇല്ല. ഏതെങ്കി​ലും ഒരു പ്രധാന തീരു​മാ​നം എടുക്കുന്ന ഘട്ടത്തിൽ സഹായ​ത്തി​നാ​യി എപ്പോ​ഴെ​ങ്കി​ലും ദൈവ​ത്തി​ലേക്കു തിരി​ഞ്ഞി​ട്ടു​ണ്ടോ എന്ന്‌ ഒരു സർവേ​യിൽ കൗമാ​ര​പ്രാ​യ​ക്കാ​രോ​ടു ചോദി​ച്ച​പ്പോൾ ഒരു പെൺകു​ട്ടി​യു​ടെ മറുപടി ഇതായി​രു​ന്നു: “ജീവി​ത​ത്തിൽ ശരിയായ വഴികൾ തിര​ഞ്ഞെ​ടു​ക്കാ​നുള്ള മാർഗ​നിർദേ​ശ​ത്തി​നാ​യി ഞാൻ എപ്പോ​ഴും ദൈവ​ത്തോ​ടു പ്രാർഥി​ക്കാ​റുണ്ട്‌.” എന്നാൽ അവൾ ഇപ്രകാ​രം തുറന്നു സമ്മതിച്ചു: “പക്ഷേ അങ്ങനെ എടുത്ത ഏതെങ്കി​ലും ഒരു പ്രത്യേക തീരു​മാ​നം ഇപ്പോൾ എന്റെ ഓർമ​യി​ലേക്കു വരുന്നില്ല.” പ്രാർഥ​ന​യ്‌ക്കു ശക്തിയു​ണ്ടെ​ന്നോ അതിന്‌ തങ്ങളെ സഹായി​ക്കാ​നാ​കു​മെ​ന്നോ ഉള്ള ബോധ്യം ഇന്ന്‌ അനേകം യുവജ​ന​ങ്ങൾക്കും ഇല്ലാത്ത​തിൽ അതിശ​യ​മില്ല!

എന്നിരു​ന്നാ​ലും, തുടക്ക​ത്തിൽ പരാമർശിച്ച ബ്രാഡി​നെ പോലുള്ള ആയിര​ക്ക​ണ​ക്കി​നു യുവജ​നങ്ങൾ പ്രാർഥ​ന​യു​ടെ ശക്തി വ്യക്തി​പ​ര​മാ​യി അനുഭ​വി​ച്ച​റി​ഞ്ഞി​ട്ടുണ്ട്‌. നിങ്ങൾക്കും അതിനു കഴിയും! ദൈവം നമ്മുടെ പ്രാർഥ​നകൾ കേൾക്കു​മെന്ന്‌ നമുക്ക്‌ എന്തു​കൊണ്ട്‌ ഉറപ്പു​ണ്ടാ​യി​രി​ക്കാൻ കഴിയു​മെന്ന്‌ ഞങ്ങളുടെ ഒരു മുൻ ലേഖനം പ്രകട​മാ​ക്കു​ക​യു​ണ്ടാ​യി.b ഇപ്പോൾ ചോദ്യം ഇതാണ്‌, പ്രാർഥ​ന​യ്‌ക്ക്‌ നിങ്ങളെ എങ്ങനെ സഹായി​ക്കാ​നാ​വും? ആദ്യം, ദൈവം നമ്മുടെ പ്രാർഥ​ന​കൾക്ക്‌ എങ്ങനെ ഉത്തരം നൽകുന്നു എന്നു നോക്കാം.

ദൈവം പ്രാർഥ​ന​കൾക്ക്‌ ഉത്തരം നൽകുന്ന വിധം

ബൈബിൾ കാലങ്ങ​ളിൽ ചില വിശ്വസ്‌ത വ്യക്തി​ക​ളു​ടെ പ്രാർഥ​ന​കൾക്ക്‌ നേരിട്ട്‌, ചില​പ്പോൾ അത്ഭുത​ക​ര​മാ​യി പോലും ഉത്തരങ്ങൾ ലഭിച്ചു. ഉദാഹ​ര​ണ​ത്തിന്‌, തനിക്കു മാരക രോഗ​മാ​ണെന്നു മനസ്സി​ലാ​ക്കിയ ഹിസ്‌കീ​യാ രാജാവ്‌ രോഗ​സൗ​ഖ്യ​ത്തി​നാ​യി ദൈവ​ത്തോട്‌ അപേക്ഷി​ച്ചു. ദൈവം ഇങ്ങനെ പ്രതി​വ​ചി​ച്ചു: “ഞാൻ നിന്റെ പ്രാർത്ഥന കേട്ടു നിന്റെ കണ്ണുനീർ കണ്ടിരി​ക്കു​ന്നു; ഞാൻ നിന്നെ സൌഖ്യ​മാ​ക്കും.” (2 രാജാ​ക്ക​ന്മാർ 20:1-6) ദൈവ​ഭ​യ​മുള്ള മറ്റു സ്‌ത്രീ​പു​രു​ഷ​ന്മാ​രു​ടെ കാര്യ​ത്തി​ലും ദൈവം നേരിട്ട്‌ ഇടപെ​ട്ടി​ട്ടുണ്ട്‌.—1 ശമൂവേൽ 1:1-20; ദാനീ​യേൽ 10:2-12; പ്രവൃ​ത്തി​കൾ 4:24-31; 10:1-7.

എന്നാൽ, ബൈബിൾ കാലങ്ങ​ളിൽ പോലും ദൈവം എല്ലായ്‌പോ​ഴും നേരിട്ട്‌ ഇടപെ​ട്ടി​രു​ന്നില്ല. മിക്ക സന്ദർഭ​ങ്ങ​ളി​ലും ദൈവം തന്റെ ദാസർക്ക്‌ ഉത്തരം കൊടു​ത്തി​രു​ന്നത്‌ അത്ഭുത​ക​ര​മാ​യി ഇടപെ​ട്ടു​കൊ​ണ്ടല്ല, മറിച്ച്‌ ‘ആത്മിക​മായ സകല ജ്ഞാനത്തി​ലും വിവേ​ക​ത്തി​ലും അവന്റെ ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞു​വ​രാൻ’ അവരെ സഹായി​ച്ചു​കൊ​ണ്ടാണ്‌. (കൊ​ലൊ​സ്സ്യർ 1:9, 10) അതേ, തന്റെ ജനത്തെ ആത്മീയ​മാ​യും ധാർമി​ക​മാ​യും ശക്തീക​രി​ച്ചു​കൊണ്ട്‌ ദൈവം അവരെ സഹായി​ച്ചു. ബുദ്ധി​പൂർവ​ക​മായ തീരു​മാ​നങ്ങൾ എടുക്കാ​നുള്ള ജ്ഞാനവും വിവേ​ക​വും അവൻ അവർക്കു നൽകി. ക്രിസ്‌ത്യാ​നി​കൾ പ്രയാസ സാഹച​ര്യ​ങ്ങളെ നേരി​ട്ട​പ്പോ​ഴെ​ല്ലാം ദൈവം അവശ്യം ആ പരി​ശോ​ധ​ന​കളെ നീക്കി​ക്ക​ള​ഞ്ഞി​രു​ന്നില്ല. മറിച്ച്‌ അവയെ സഹിച്ചു​നിൽക്കാൻ കഴി​യേ​ണ്ട​തിന്‌ അവൻ അവർക്കു “സാധാ​ര​ണ​യി​ലും കവിഞ്ഞ ശക്തി” പ്രദാനം ചെയ്‌തു!—2 കൊരി​ന്ത്യർ 4:7, NW; 2 തിമൊ​ഥെ​യൊസ്‌ 4:17.

സമാന​മാ​യി ഇന്ന്‌, വളരെ നാടകീ​യ​മായ വിധത്തിൽ അല്ലായി​രി​ക്കാം നിങ്ങളു​ടെ പ്രാർഥ​ന​യ്‌ക്ക്‌ ഉത്തരം ലഭിക്കു​ന്നത്‌. എന്നാൽ മുൻകാ​ല​ങ്ങ​ളിൽ ചെയ്‌തതു പോലെ ദൈവ​ത്തിന്‌ തന്റെ പരിശു​ദ്ധാ​ത്മാ​വി​നെ നിങ്ങൾക്കു നൽകാ​നും ഏതു സാഹച​ര്യ​ത്തെ​യും കൈകാ​ര്യം ചെയ്യാൻ നിങ്ങളെ ശക്തീക​രി​ക്കാ​നും കഴിയും. (ഗലാത്യർ 5:22, 23) ദൃഷ്ടാ​ന്ത​മെന്ന നിലയിൽ, പ്രാർഥ​ന​യ്‌ക്കു നിങ്ങളെ സഹായി​ക്കാൻ കഴിയുന്ന നാലു വിധങ്ങൾ നമുക്കി​പ്പോൾ പരിചി​ന്തി​ക്കാം.

തീരു​മാ​നങ്ങൾ എടുക്കാൻ സഹായം

ഉയർന്ന ആത്മീയ ലക്ഷ്യങ്ങൾ ഉള്ളതായി തോന്നിയ ഒരു യുവാ​വു​മാ​യി കാരെൻ ഡേറ്റി​ങ്ങിൽ ഏർപ്പെട്ടു. “സഭയിൽ ഒരു മൂപ്പൻ ആയിത്തീ​രാൻ താൻ ആഗ്രഹി​ക്കു​ന്നു​വെന്ന്‌ അയാൾ എപ്പോ​ഴും എന്നോടു പറയു​മാ​യി​രു​ന്നു,” അവൾ പറയുന്നു. അതി​നൊ​ന്നും ഒരു കുഴപ്പ​വും ഇല്ലായി​രു​ന്നു. എന്നാൽ “താൻ തുടങ്ങാൻ പോകുന്ന ബിസി​ന​സ്സി​നെ കുറി​ച്ചും അതു തുടങ്ങി​ക്ക​ഴി​ഞ്ഞാൽ എനിക്ക്‌ എന്തൊക്കെ സാധനങ്ങൾ വാങ്ങി​ത്ത​രാൻ കഴിയു​മെ​ന്ന​തി​നെ കുറി​ച്ചു​മൊ​ക്കെ അയാൾ ഒരുപാ​ടു സംസാ​രി​ച്ചി​രു​ന്നു. അയാളു​ടെ ആത്മാർഥത സംബന്ധിച്ച്‌ എനിക്കു സംശയം തോന്നി​ത്തു​ടങ്ങി.” കാരെൻ അതേക്കു​റി​ച്ചു പ്രാർഥി​ച്ചു. “എന്റെ കണ്ണു തുറക്കാ​നും അയാളെ കുറിച്ച്‌ ഞാൻ അറി​യേ​ണ്ട​തെ​ല്ലാം എന്നെ കാണി​ച്ചു​ത​രാ​നും ഞാൻ യഹോ​വ​യോ​ടു യാചിച്ചു.”

ചില സമയങ്ങ​ളിൽ പ്രാർഥന എന്ന ക്രിയ​തന്നെ പ്രയോ​ജ​ന​ക​ര​മാണ്‌. കാരണം, ഒരു സംഗതി സംബന്ധിച്ച്‌ യഹോ​വ​യു​ടെ വീക്ഷണം എന്താണ്‌ എന്നതിനെ കുറിച്ചു ചിന്തി​ക്കാൻ അതു നിങ്ങളെ സഹായി​ക്കും. എന്നാൽ കാരെനു പ്രാ​യോ​ഗിക ബുദ്ധി​യു​പ​ദേ​ശ​വും ആവശ്യ​മാ​യി​രു​ന്നു. അവൾക്ക്‌ അത്ഭുത​ക​ര​മായ ഒരു ഉത്തരം ലഭിക്കു​മാ​യി​രു​ന്നോ? ശരി, ദാവീദു രാജാ​വി​നെ കുറി​ച്ചുള്ള ഒരു ബൈബിൾ വിവരണം പരിചി​ന്തി​ക്കുക. തന്റെ വിശ്വസ്‌ത സുഹൃ​ത്തായ അഹീ​ഥോ​ഫെൽ മത്സരി​യായ തന്റെ മകൻ അബ്‌ശാ​ലോ​മി​ന്റെ ഉപദേ​ഷ്ടാവ്‌ ആയിത്തീർന്നു​വെന്നു മനസ്സി​ലാ​ക്കി​യ​പ്പോൾ അവൻ ഇങ്ങനെ പ്രാർഥി​ച്ചു: “യഹോവേ, അഹീ​ഥോ​ഫെ​ലി​ന്റെ ആലോ​ച​നയെ അബദ്ധമാ​ക്കേ​ണമേ.” (2 ശമൂവേൽ 15:31) എന്നാൽ ദാവീദ്‌ തന്റെ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കു​ക​യും ചെയ്‌തു. “അഹീ​ഥോ​ഫെ​ലി​ന്റെ ആലോ​ച​നയെ വ്യർത്ഥ​മാ​ക്കു​വാൻ” ഉള്ള ദൗത്യം അവൻ സുഹൃ​ത്തായ ഹൂശാ​യി​യെ ഏൽപ്പിച്ചു. (2 ശമൂവേൽ 15:34) സമാന​മായ ഒരു വിധത്തിൽ കാരെ​നും തന്റെ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ച്ചു. താൻ ഡേറ്റി​ങ്ങിൽ ഏർപ്പെ​ട്ടി​രുന്ന ചെറു​പ്പ​ക്കാ​രനെ അറിയാ​മാ​യി​രുന്ന പക്വത​യുള്ള ഒരു ക്രിസ്‌തീയ മൂപ്പനു​മാ​യി അവൾ സംസാ​രി​ച്ചു. അവൾ ഭയപ്പെ​ട്ടി​രുന്ന സംഗതി അദ്ദേഹം സ്ഥിരീ​ക​രി​ച്ചു: അയാൾ യാതൊ​രു ആത്മീയ അഭിവൃ​ദ്ധി​യും വരുത്തി​യി​രു​ന്നില്ല.

കാരെൻ പറയുന്നു: “ആ സംഭവം ശരിക്കും പ്രാർഥ​ന​യു​ടെ ശക്തിക്കു നേരെ എന്റെ കണ്ണു തുറപ്പി​ച്ചു.” സങ്കടക​ര​മെന്നു പറയട്ടെ, അവൾ മുമ്പ്‌ ഡേറ്റി​ങ്ങിൽ ഏർപ്പെ​ട്ടി​രുന്ന വ്യക്തി ദൈവ​സേ​വനം ഉപേക്ഷിച്ച്‌ പണത്തിനു പിന്നാലെ പോയി. “അയാളെ വിവാഹം ചെയ്‌തി​രു​ന്നെ​ങ്കിൽ ഇന്ന്‌ ഒരുപക്ഷേ ഞാൻ ഒറ്റയ്‌ക്കാ​യി​രു​ന്നേനെ യോഗ​ങ്ങൾക്കു വരുന്നത്‌,” കാരെൻ കൂട്ടി​ച്ചേർക്കു​ന്നു. ജ്ഞാനപൂർവ​ക​മായ ഒരു തീരു​മാ​നം എടുക്കാൻ പ്രാർഥന കാരെനെ സഹായി​ച്ചു.

വികാ​ര​ങ്ങളെ നിയ​ന്ത്രി​ക്കു​ന്ന​തി​നു സഹായം

“മൂഢൻ തന്റെ കോപത്തെ മുഴു​വ​നും വെളി​പ്പെ​ടു​ത്തു​ന്നു; ജ്ഞാനി​യോ അതിനെ അടക്കി ശമിപ്പി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 29:11 പറയുന്നു. ഇന്ന്‌ അനേക​രും കടുത്ത വൈകാ​രിക സമ്മർദം അനുഭ​വി​ക്കു​ന്ന​തി​നാൽ പലപ്പോ​ഴും അവർക്കു സ്വയം നിയ​ന്ത്രി​ക്കാൻ കഴിയു​ന്നില്ല എന്നതാണു പ്രശ്‌നം. ചില​പ്പോൾ അതിന്റെ പ്രത്യാ​ഘാ​തങ്ങൾ വിപത്‌ക​ര​മാ​യി​രു​ന്നേ​ക്കാം. യുവാ​വായ ബ്രയൻ ഒരു സംഭവം അനുസ്‌മ​രി​ക്കു​ന്നു: “ഒരു സഹജോ​ലി​ക്കാ​ര​നു​മാ​യി എനിക്കു ചില പ്രശ്‌നങ്ങൾ ഉണ്ടായി​രു​ന്നു. ഒരു ദിവസം അയാൾ കത്തിയു​മാ​യി എന്റെ നേരെ വന്നു.” ആ സാഹച​ര്യ​ത്തിൽ നിങ്ങളാ​യി​രു​ന്നെ​ങ്കിൽ എന്തു ചെയ്യു​മാ​യി​രു​ന്നു? ബ്രയൻ ദൈവ​ത്തോ​ടു പ്രാർഥി​ച്ചു. അവൻ പറയുന്നു: “ശാന്തനാ​യി​രി​ക്കാൻ യഹോവ എന്നെ സഹായി​ച്ചു. എന്തൊ​ക്കെ​യോ പറഞ്ഞ്‌ ഞാൻ അയാളെ പിന്തി​രി​പ്പി​ച്ചു. അയാൾ കത്തി താഴെ​യി​ട്ടി​ട്ടു നടന്നു​പോ​യി.” വികാ​ര​ങ്ങളെ നിയ​ന്ത്രി​ച്ചത്‌ കോപി​ക്കാ​തി​രി​ക്കാൻ ബ്രയനെ സഹായി​ച്ചു. സാധ്യ​ത​യ​നു​സ​രിച്ച്‌, അതാണ്‌ അവന്റെ ജീവൻ രക്ഷിച്ചത്‌.

ആരെങ്കി​ലും കത്തി കാട്ടി ഭയപ്പെ​ടു​ത്തുന്ന ഒരു സാഹച​ര്യം നിങ്ങൾക്ക്‌ ഒരുപക്ഷേ വന്നെന്നി​രി​ക്കില്ല. എന്നാൽ വികാ​ര​ങ്ങളെ നിയ​ന്ത്രി​ക്കേ​ണ്ട​തായ അനവധി സാഹച​ര്യ​ങ്ങൾ ജീവി​ത​ത്തിൽ നിങ്ങൾക്കു നേരി​ടേണ്ടി വരും. ശാന്തത കൈവി​ടാ​തി​രി​ക്കാൻ പ്രാർഥ​ന​യ്‌ക്കു നിങ്ങളെ സഹായി​ക്കാ​നാ​കും.

ഉത്‌ക​ണ്‌ഠ​പ്പെ​ടാ​തി​രി​ക്കാൻ സഹായം

ഏതാനും വർഷം മുമ്പ്‌ “പ്രയാ​സ​ക​ര​മായ ഒരു സമയത്തെ അഭിമു​ഖീ​ക​രി​ച്ചത്‌” ബാർബറ ഓർക്കു​ന്നു. അവൾ പറയുന്നു: “എന്റെ ജോലി, കുടും​ബം, സുഹൃ​ദ്‌ബ​ന്ധങ്ങൾ—എല്ലാം താളം തെറ്റു​ന്ന​തു​പോ​ലെ എനിക്കു തോന്നി. എന്തു ചെയ്യണ​മെന്ന്‌ എനിക്ക്‌ അറിയി​ല്ലാ​യി​രു​ന്നു.” പ്രാർഥി​ക്കാ​നാണ്‌ ബാർബ​റ​യ്‌ക്കു സ്വാഭാ​വി​ക​മാ​യി തോന്നി​യത്‌. എന്നാൽ ഒരു പ്രശ്‌ന​മു​ണ്ടാ​യി​രു​ന്നു. “യഹോ​വ​യോട്‌ എന്താണു പ്രാർഥി​ക്കേ​ണ്ടത്‌ എന്ന്‌ എനിക്ക്‌ അറിയി​ല്ലാ​യി​രു​ന്നു,” അവൾ പറയുന്നു. “ഒടുവിൽ മനസ്സമാ​ധാ​ന​ത്തി​നാ​യി ഞാൻ പ്രാർഥി​ച്ചു. അമിത​മാ​യി ഉത്‌ക​ണ്‌ഠ​പ്പെ​ടാ​തി​രി​ക്കാൻ എന്നെ സഹായി​ക്കു​ന്ന​തിന്‌ എന്നും രാത്രി ഞാൻ അവനോട്‌ അപേക്ഷി​ച്ചു.”

ആ പ്രാർഥന എങ്ങനെ​യാണ്‌ അവളെ സഹായി​ച്ചത്‌? അവൾ പറയുന്നു: “ഏതാനും ദിവസം കഴിഞ്ഞ​പ്പോൾ, എന്റെ പ്രശ്‌നങ്ങൾ മാറി​ക്കി​ട്ടി​യി​ല്ലെ​ങ്കി​ലും അവയെ കുറിച്ച്‌ മുമ്പ​ത്തേതു പോലെ ഞാൻ വിഷമി​ക്കു​ക​യോ ഉത്‌ക​ണ്‌ഠ​പ്പെ​ടു​ക​യോ ചെയ്യു​ന്നില്ല എന്നു ഞാൻ കണ്ടെത്തി.” ബൈബിൾ വാഗ്‌ദാ​നം ചെയ്യുന്നു: “നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു. എന്നാൽ സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.”—ഫിലി​പ്പി​യർ 4:6, 7.

ദൈവ​ത്തോട്‌ അടുക്കാൻ സഹായം

യുവാ​വായ പോളി​ന്റെ അനുഭവം എടുക്കുക. അവൻ പറയുന്നു: “ഞാൻ ചില ബന്ധുക്ക​ളോ​ടൊ​പ്പം താമസം തുടങ്ങി​യതേ ഉണ്ടായി​രു​ന്നു​ള്ളൂ. ഒരു രാത്രി ഞാൻ അങ്ങേയറ്റം വിഷാ​ദ​ചി​ത്ത​നാ​യി. ഞാൻ ഹൈസ്‌കൂ​ളിൽനി​ന്നു പാസാ​യത്‌ ആയിടെ ആയിരു​ന്നു. എന്റെ കൂട്ടു​കാ​രെ​യെ​ല്ലാം വിട്ടു​പി​രി​ഞ്ഞ​തിൽ എനിക്കു വളരെ വിഷമം തോന്നി. ഞങ്ങൾ ഒരുമിച്ച്‌ സന്തോ​ഷ​പൂർവം ചെലവിട്ട നാളു​കളെ കുറിച്ച്‌ ഓർത്ത​പ്പോൾ എന്റെ കണ്ണുകൾ നിറഞ്ഞു.” പോളിന്‌ എന്തു ചെയ്യാൻ കഴിയു​മാ​യി​രു​ന്നു? അന്ന്‌ ആദ്യമാ​യി പോൾ ഉള്ളുരു​കി പ്രാർഥി​ച്ചു. അവൻ പറയുന്നു: “ഞാൻ യഹോ​വ​യു​ടെ മുമ്പാകെ ഹൃദയം പകരു​ക​യും ശക്തിക്കും മനസ്സമാ​ധാ​ന​ത്തി​നു​മാ​യി അവനോട്‌ അപേക്ഷി​ക്കു​ക​യും ചെയ്‌തു.”

എന്തായി​രു​ന്നു ഫലം? പോൾ അനുസ്‌മ​രി​ക്കു​ന്നു: “പിറ്റേന്നു രാവിലെ എഴു​ന്നേ​റ്റ​പ്പോൾ ജീവി​ത​ത്തിൽ അന്നേവരെ അനുഭ​വി​ച്ചി​ട്ടി​ല്ലാത്ത ഒരുതരം സമാധാ​നം എനിക്ക്‌ അനുഭ​വ​പ്പെട്ടു. മനസ്സിന്റെ തീവ്ര​വേ​ദ​ന​യു​ടെ സ്ഥാനത്ത്‌ ‘സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം.’” മനസ്സ്‌ ശാന്തമാ​യ​പ്പോൾ വികാ​ര​പ​ര​മാ​യല്ല, മറിച്ച്‌ വിവേ​ക​പൂർവം കാര്യ​ങ്ങളെ വിലയി​രു​ത്താൻ പോളി​നു കഴിഞ്ഞു. ‘ആ പഴയ നല്ല നാളുകൾ’ അത്രകണ്ട്‌ നല്ലതാ​യി​രു​ന്നില്ല എന്നു പെട്ടെ​ന്നു​തന്നെ അവനു ബോധ്യ​മാ​യി. (സഭാ​പ്ര​സം​ഗി 7:10) ആരെ വിട്ടു​പി​രി​യാ​നാ​ണോ അവന്‌ വളരെ​യ​ധി​കം വിഷമം തോന്നി​യത്‌ ആ “കൂട്ടു​കാർ” വാസ്‌ത​വ​ത്തിൽ അവന്റെ​മേൽ അത്ര നല്ല സ്വാധീ​നം അല്ലായി​രു​ന്നു.

സർവോ​പ​രി, വ്യക്തി​പ​ര​മായ ഒരു വിധത്തിൽ പോൾ യഹോ​വ​യു​ടെ കരുതൽ അനുഭ​വി​ച്ചു. “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വ​രും” എന്ന യാക്കോബ്‌ 4:8-ലെ വാക്കു​ക​ളു​ടെ സത്യത അവൻ മനസ്സി​ലാ​ക്കി. പോളിന്‌ ഇത്‌ ഒരു വലിയ വഴിത്തി​രിവ്‌ ആയിരു​ന്നു. ജീവി​ത​ത്തിൽ മറ്റെന്തി​നെ​ക്കാ​ളും വലിയ സ്ഥാനം യഹോ​വ​യ്‌ക്കു നൽകാ​നും തന്റെ ജീവിതം അവനു സമർപ്പി​ക്കാ​നും ഇത്‌ അവനെ പ്രേരി​പ്പി​ച്ചു.

ദൈവ​ത്തോ​ടു സംസാ​രി​ക്കുക!

ഈ നല്ല അനുഭ​വ​ങ്ങ​ളെ​ല്ലാം പ്രാർഥ​ന​യ്‌ക്കു നിങ്ങളെ സഹായി​ക്കാ​നാ​വും എന്ന ഉറപ്പു നൽകുന്നു. തീർച്ച​യാ​യും ദൈവത്തെ അറിയാ​നും അവനു​മാ​യി സൗഹൃദം നട്ടുവ​ളർത്താ​നും ആത്മാർഥ​മാ​യി ശ്രമി​ക്കു​ന്നെ​ങ്കി​ലേ അതു സത്യമാ​യി​രി​ക്കൂ. സങ്കടക​ര​മെന്നു പറയട്ടെ, പല യുവജ​ന​ങ്ങ​ളും അങ്ങനെ ചെയ്യു​ന്ന​തിൽ അമാന്തം കാട്ടുന്നു. കരിസ ഒരു ക്രിസ്‌തീയ കുടും​ബ​ത്തി​ലാ​ണു വളർന്നു വന്നത്‌. എന്നാൽ അവൾ ഇങ്ങനെ തുറന്നു പറയുന്നു: “യഹോ​വ​യു​മാ​യുള്ള നമ്മുടെ അനുപ​മ​മായ ബന്ധം എത്ര അമൂല്യ​മാ​ണെന്ന്‌ ഞാൻ പൂർണ​മാ​യി ഗ്രഹി​ച്ചത്‌ കഴിഞ്ഞ ഏതാനും വർഷങ്ങൾകൊ​ണ്ടു മാത്ര​മാണ്‌ എന്നു തോന്നു​ന്നു.” തുടക്ക​ത്തിൽ പരാമർശിച്ച ബ്രാഡ്‌ ഒരു ക്രിസ്‌ത്യാ​നി​യാ​യാ​ണു വളർത്ത​പ്പെ​ട്ട​തെ​ങ്കി​ലും കുറെ വർഷ​ത്തേക്കു സത്യാ​രാ​ധ​ന​യിൽനി​ന്നു വീണു​പോ​യി. “എനിക്കു നഷ്ടപ്പെ​ട്ടത്‌ എന്താ​ണെന്നു മനസ്സി​ലാ​ക്കി​യ​പ്പോൾ മാത്ര​മാണ്‌ ഞാൻ യഹോ​വ​യി​ലേക്കു തിരി​ഞ്ഞത്‌. അവനു​മാ​യുള്ള ബന്ധം ഇല്ലാത്ത ജീവിതം എത്ര അർഥശൂ​ന്യ​വും പാഴു​മാ​ണെന്ന്‌ ഇപ്പോൾ എനിക്ക്‌ അറിയാം” എന്ന്‌ അവൻ പറയുന്നു.

എന്നാൽ ഒരു പ്രതി​സന്ധി നേരി​ടട്ടെ, അപ്പോൾ ദൈവ​ത്തോട്‌ അടുക്കാം എന്നു കരുത​രുത്‌. അവനു​മാ​യി ക്രമമാ​യി സംസാ​രി​ച്ചു​കൊണ്ട്‌ ഇപ്പോൾത്തന്നെ അവനോട്‌ അടുക്കാൻ തുടങ്ങുക! (ലൂക്കൊസ്‌ 11:9-13) ‘നിങ്ങളു​ടെ ഹൃദയം അവന്റെ മുമ്പിൽ പകരുക.’ (സങ്കീർത്തനം 62:8) പ്രാർഥ​ന​യ്‌ക്ക്‌ നിങ്ങളെ യഥാർഥ​ത്തിൽ സഹായി​ക്കാൻ കഴിയു​മെന്നു നിങ്ങൾ പെട്ടെ​ന്നു​തന്നെ മനസ്സി​ലാ​ക്കും! (g01 7/22)

[അടിക്കു​റി​പ്പു​കൾ]

[15-ാം പേജിലെ ചതുരം/ചിത്രങ്ങൾ]

പ്രാർഥനയ്‌ക്ക്‌ നിങ്ങളെ സഹായി​ക്കാൻ കഴിയുന്ന ചില വിധങ്ങൾ

● മെച്ചപ്പെട്ട തീരു​മാ​നങ്ങൾ എടുക്കാൻ

● സമ്മർദ​ത്തിൻ കീഴിൽ ശാന്തരാ​യി​രി​ക്കാൻ

● ഉത്‌ക​ണ്‌ഠ​യിൽനിന്ന്‌ ആശ്വാസം നേടാൻ

● ദൈവ​ത്തോട്‌ അടുക്കാൻ