യുവജ​നങ്ങൾ ചോദി​ക്കു​ന്നു . . .

എനിക്ക്‌ എങ്ങനെ ബൈബിൾ വായന കൂടുതൽ ആസ്വാ​ദ്യ​മാ​ക്കാ​നാ​കും?

“ചില​പ്പോൾ ബൈബിൾ വായി​ച്ചാൽ ഒന്നും മനസ്സി​ലാ​വില്ല. അപ്പോൾ ആകപ്പാടെ നിരു​ത്സാ​ഹം തോന്നും.”—അനലിസ, 17 വയസ്സ്‌.

“ബൈബിൾ വായി​ക്കു​മ്പോൾ എനിക്കു ബോറ​ടി​ച്ചി​രു​ന്നു.”—കിംബർളി, 22 വയസ്സ്‌.

അനേകർക്കും വായന ഇഷ്ടമല്ല. അതു​കൊണ്ട്‌ ബൈബിൾ പോലെ വലിയ ഒരു പുസ്‌തകം വായി​ക്കു​ന്ന​തി​നെ കുറിച്ച്‌ അവർക്ക്‌ ഓർക്കാൻ പോലും വയ്യാ. വായന ഇഷ്ടമു​ള്ള​വ​രു​ടെ കാര്യ​ത്തിൽ പോലും ഇതു സത്യമാ​യി​രി​ക്കാം. 17 വയസ്സു​കാ​രി ടാമി ഇങ്ങനെ പറയുന്നു: “കടിച്ചാൽ പൊട്ടാത്ത അനേകം വാക്കുകൾ അടങ്ങിയ തടിച്ച ഒരു പുസ്‌ത​ക​മാ​യി​ട്ടാണ്‌ ഞാൻ ബൈബി​ളി​നെ കണ്ടിരു​ന്നത്‌. ബൈബിൾ വായി​ക്കാൻ വളരെ​യ​ധി​കം ഏകാ​ഗ്ര​ത​യും സഹിഷ്‌ണു​ത​യും ആവശ്യ​മാണ്‌.”

കൂടാതെ, ഗൃഹപാ​ഠം, വീട്ടു​ജോ​ലി​കൾ, വിനോ​ദം എന്നിവ​യ്‌ക്കാ​യി നിങ്ങളു​ടെ സമയത്തി​ന്റെ വലി​യൊ​രു ഭാഗം നിങ്ങൾ ചെലവ​ഴി​ച്ചേ​ക്കാം. അതു​കൊ​ണ്ടും ബൈബിൾ വായന ആസ്വദി​ക്കു​ന്ന​തും അതിൽ ശ്രദ്ധ കേന്ദ്രീ​ക​രി​ക്കു​ന്ന​തും ബുദ്ധി​മു​ട്ടാ​യി​ത്തീർന്നേ​ക്കാം. ഇതി​നെ​ല്ലാം പുറമേ, യഹോ​വ​യു​ടെ സാക്ഷി​ക​ളിൽ ഒരുവ​ളായ ആലിസി​യാ ക്രിസ്‌തീയ യോഗ​ങ്ങൾക്ക്‌ തയ്യാറാ​കാ​നും ഹാജരാ​കാ​നും തന്റെ വിശ്വാ​സങ്ങൾ മറ്റുള്ള​വ​രു​മാ​യി പങ്കു​വെ​ക്കാ​നും സമയം ചെലവ​ഴി​ക്കു​ന്നു. അവൾ ഇങ്ങനെ തുറന്നു സമ്മതി​ക്കു​ന്നു: “ചെയ്‌തു​തീർക്കേണ്ട കാര്യ​ങ്ങൾക്ക്‌ യാതൊ​രു അന്തവു​മി​ല്ലാ​ത്ത​താ​യി കാണ​പ്പെ​ടു​ന്ന​തി​നാൽ ബൈബിൾ വായന ബുദ്ധി​മു​ട്ടാ​യി തോന്നി​യേ​ക്കാം.”

എന്നാൽ ആലിസി​യാ​യും ടാമി​യും മറ്റനേകം യുവജ​ന​ങ്ങ​ളും ഈ ബുദ്ധി​മു​ട്ടു​കളെ വിജയ​ക​ര​മാ​യി മറിക​ട​ന്നി​രി​ക്കു​ന്നു. ഇപ്പോൾ അവർ ക്രമമാ​യി ബൈബിൾ വായി​ക്കു​ക​യും അത്‌ ആസ്വദി​ക്കു​ക​യും ചെയ്യുന്നു. നിങ്ങൾക്കും അതിനു കഴിയും! ബൈബിൾ വായന കൂടുതൽ ആസ്വാ​ദ്യ​മാ​ക്കി​ത്തീർക്കാൻ നിങ്ങൾക്കു ചെയ്യാ​വുന്ന മൂന്നു കാര്യങ്ങൾ പരിചി​ന്തി​ക്കുക.

ബൈബിൾ വായന​യ്‌ക്കു സമയം കണ്ടെത്തുക

“ബൈബിൾ വായന ബോറ​ടി​പ്പി​ക്കു​ന്ന​താ​ണെന്ന്‌ യുവജ​നങ്ങൾ പറയു​ന്നത്‌ അവർ അത്‌ ആവശ്യ​ത്തി​നു വായി​ച്ചി​ട്ടി​ല്ലാ​ത്ത​തി​നാ​ലാണ്‌ എന്നാണ്‌ എനിക്കു തോന്നു​ന്നത്‌” എന്ന്‌ 18 വയസ്സുള്ള കെല്ലി പറയുന്നു. പതിവാ​യി ഒരു കളിയിൽ ഏർപ്പെ​ടു​മ്പോൾ അത്‌ ആസ്വാ​ദ്യ​മാ​യി​ത്തീ​രു​ന്നതു പോലെ, ബൈബിൾ ക്രമമാ​യി വായി​ക്കു​മ്പോൾ നിങ്ങൾ അത്‌ ആസ്വദി​ക്കും.

എന്നാൽ നിങ്ങൾക്കു തീരെ കുറച്ച്‌ ഒഴിവു സമയമേ കിട്ടു​ന്നു​ള്ളു​വെ​ങ്കി​ലോ? അപ്പൊ​സ്‌ത​ല​നായ പൗലൊസ്‌ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ. ഇതു ദുഷ്‌കാ​ല​മാ​ക​യാൽ സമയം തക്കത്തിൽ ഉപയോ​ഗി​ച്ചു​കൊൾവിൻ [‘അവസ​രോ​ചിത സമയം വിലയ്‌ക്കു വാങ്ങി​ക്കൊൾവിൻ,’ NW].” (എഫെസ്യർ 5:15, 16) ടിവി കാണൽ പോ​ലെ​യുള്ള അത്യാ​വ​ശ്യ​മി​ല്ലാത്ത പ്രവർത്ത​ന​ങ്ങൾക്കാ​യി ചെലവ​ഴി​ക്കുന്ന സമയം കുറച്ചു​കൊണ്ട്‌ നിങ്ങൾക്കു സമയം ‘വിലയ്‌ക്കു വാങ്ങാൻ’ കഴിയും. “സമയം” എന്നതിനു പൗലൊസ്‌ ഉപയോ​ഗിച്ച പദത്തിന്‌ ഒരു പ്രത്യേക ഉദ്ദേശ്യ​ത്തി​നാ​യി നീക്കി​വെ​ക്കുന്ന സമയത്തെ കുറി​ക്കാ​നാ​വും. ബൈബിൾ വായന​യ്‌ക്കാ​യി നിങ്ങൾക്ക്‌ ഏതു സമയം നീക്കി​വെ​ക്കാൻ കഴിയും?

പലരും രാവിലെ തിരു​വെ​ഴു​ത്തു​കൾ ദൈനം​ദി​നം പരിശോധിക്കൽa എന്ന ചെറു​പു​സ്‌ത​ക​ത്തിൽ നിന്നുള്ള തിരു​വെ​ഴു​ത്തും അഭി​പ്രാ​യ​വും പരിചി​ന്തിച്ച ശേഷം ബൈബിൾ വായി​ക്കു​ന്നു. മറ്റു ചിലർക്ക്‌ രാത്രി ഉറങ്ങാൻ പോകു​ന്ന​തി​നു മുമ്പ്‌ വായി​ക്കു​ന്ന​താണ്‌ ഇഷ്ടം. നിങ്ങൾക്ക്‌ പ്രാ​യോ​ഗി​ക​മായ ഒരു സമയം തിര​ഞ്ഞെ​ടു​ക്കു​ക​യും ആവശ്യാ​നു​സ​രണം പൊരു​ത്ത​പ്പെ​ടു​ത്ത​ലു​കൾ വരുത്തു​ക​യും ചെയ്യുക. ആലിസി​യാ പറയുന്നു: “വഴക്കമു​ള്ളവൾ ആയിരി​ക്കു​ന്ന​തി​നാ​ലാണ്‌ എനിക്കു വായന ക്രമമാ​യി നടത്താൻ സാധി​ക്കു​ന്നത്‌.”

ചില ക്രിസ്‌തീയ യുവജ​നങ്ങൾ ദിവസ​വും 10 മുതൽ 15 വരെ മിനിട്ട്‌ ബൈബിൾ വായന​യ്‌ക്കാ​യി മാറ്റി വെക്കുന്നു. അങ്ങനെ ചെയ്യു​ക​വഴി ഒന്നോ രണ്ടോ വർഷം​കൊണ്ട്‌ മുഴു ബൈബി​ളും വായി​ച്ചു​തീർക്കാൻ അവർക്കു കഴിഞ്ഞി​രി​ക്കു​ന്നു! അങ്ങനെ ചെയ്യാൻ കഴിയു​ന്നി​ല്ലെ​ങ്കിൽ പോലും ദിവസ​വും ബൈബി​ളി​ന്റെ കുറച്ചു ഭാഗ​മെ​ങ്കി​ലും വായി​ക്കാൻ ലക്ഷ്യമി​ടാ​വു​ന്ന​താണ്‌. ബൈബിൾ വായന​യ്‌ക്കാ​യി നീക്കി​വെ​ച്ചി​രി​ക്കുന്ന സമയ​ത്തോട്‌ വിശ്വ​സ്‌ത​മാ​യി പറ്റിനിൽക്കു​മ്പോൾ ദൈവ​വ​ച​ന​ത്തോ​ടുള്ള നിങ്ങളു​ടെ സ്‌നേഹം വർധി​ക്കും.—സങ്കീർത്തനം 119:97; 1 പത്രൊസ്‌ 2:2, 3.

ജ്ഞാനത്തി​നാ​യി പ്രാർഥി​ക്കു​ക

വാസ്‌ത​വ​ത്തിൽ, ക്രമമാ​യി ബൈബിൾ വായി​ക്കു​ന്നവർ പോലും ദൈവ​വ​ച​ന​ത്തി​ന്റെ ചില ഭാഗങ്ങൾ മനസ്സി​ലാ​ക്കാൻ ബുദ്ധി​മു​ട്ടു​ള്ള​താ​യി കണ്ടെത്തു​ന്നു. ബൈബി​ളി​ന്റെ ഗ്രന്ഥകർത്താ​വായ യഹോ​വ​യാം ദൈവം നിങ്ങൾ അവന്റെ വചനം മനസ്സി​ലാ​ക്ക​ണ​മെന്ന്‌ ആഗ്രഹി​ക്കു​ന്നു. യെശയ്യാവ്‌ 53-ാം അധ്യാ​യ​ത്തി​ലെ ഒരു പ്രവചനം പൂർണ​മാ​യി ഗ്രഹി​ക്കാൻ കഴിയാഞ്ഞ ഒരു എത്യോ​പ്യൻ യാത്ര​ക്കാ​രനെ കുറിച്ചു പ്രവൃ​ത്തി​ക​ളു​ടെ പുസ്‌തകം പറയുന്നു. ആ മനുഷ്യൻ സഹായം ചോദി​ക്കാൻ സന്നദ്ധനാ​യി​രു​ന്നു. യഹോ​വ​യു​ടെ ദൂതൻ മിഷന​റി​യായ ഫിലി​പ്പൊ​സി​നെ പ്രവച​ന​ത്തി​ന്റെ അർഥം വിശദീ​ക​രി​ച്ചു കൊടു​ക്കു​ന്ന​തി​നാ​യി ആ വ്യക്തി​യു​ടെ അടു​ത്തേക്കു നയിച്ചു.—പ്രവൃ​ത്തി​കൾ 8:26-39.

അതു​കൊണ്ട്‌ ഫലപ്ര​ദ​മായ ബൈബിൾ വായന തുടങ്ങു​ന്നത്‌ വായന​യോ​ടെയല്ല, പ്രാർഥ​ന​യോ​ടെ​യാണ്‌. ബൈബിൾ തുറക്കു​ന്ന​തി​നു മുമ്പ്‌ തങ്ങൾ വായി​ക്കാൻ പോകുന്ന ഭാഗത്തെ പാഠങ്ങൾ മനസ്സി​ലാ​ക്കാ​നും ഉൾക്കൊ​ള്ളാ​നു​മുള്ള ജ്ഞാനത്തി​നാ​യി യഹോ​വ​യോ​ടു പ്രാർഥി​ക്കു​ന്നത്‌ ചിലർ ഒരു ശീലമാ​ക്കി​യി​രി​ക്കു​ന്നു. (2 തിമൊ​ഥെ​യൊസ്‌ 2:7; യാക്കോബ്‌ 1:5) ചോദ്യ​ങ്ങൾക്ക്‌ ഉത്തരം നൽകു​ന്ന​തും പരി​ശോ​ധ​ന​കളെ തരണം ചെയ്യാൻ സഹായി​ക്കു​ന്ന​തു​മായ ബൈബിൾ വാക്യങ്ങൾ നിങ്ങളു​ടെ ഓർമ​യി​ലേക്കു കൊണ്ടു​വ​രാൻ പോലും ദൈവാ​ത്മാ​വി​നു കഴിയും.

ഒരു യുവ ക്രിസ്‌ത്യാ​നി ഓർക്കു​ന്നു: “എനിക്കു 12 വയസ്സു​ള്ള​പ്പോൾ അച്ഛൻ ഞങ്ങളെ ഉപേക്ഷി​ച്ചു പോയി. ഒരു ദിവസം രാത്രി ഉറങ്ങു​ന്ന​തി​നു മുമ്പായി എന്റെ അച്ഛൻ തിരി​ച്ചു​വ​രാൻ ഇടയാ​ക്ക​ണമേ എന്നു ഞാൻ യഹോ​വ​യോട്‌ യാചിച്ചു. അതിനു​ശേഷം ഞാൻ ബൈബിൾ എടുത്ത്‌ ‘അഗതി തന്നെത്താൻ നിങ്കൽ [യഹോ​വ​യി​ങ്കൽ] ഏല്‌പി​ക്കു​ന്നു; അനാഥന്നു നീ സഹായി ആകുന്നു’ എന്നു പറയുന്ന സങ്കീർത്തനം 10:14 വായിച്ചു. ഒരു നിമിഷം ഞാൻ വായന നിറുത്തി ചിന്തിച്ചു. യഹോവ എന്നോടു സംസാ​രി​ക്കു​ക​യാ​ണെ​ന്നും അവൻ എന്റെ സഹായി​യും പിതാ​വും ആണെന്ന്‌ എന്നെ അറിയി​ക്കു​ക​യാ​ണെ​ന്നും എനിക്കു തോന്നി. അവനെ പോലുള്ള നല്ല ഒരു പിതാ​വി​നെ വേറെ എവി​ടെ​യാ​ണു കിട്ടുക?”

ബൈബിൾ വായി​ക്കാൻ ഇരിക്കുന്ന ഓരോ തവണയും പ്രാർഥി​ക്കു​ന്നത്‌ നിങ്ങൾക്കൊ​രു ശീലമാ​ക്കാൻ കഴിയു​മോ? ഏഡ്രിയൻ പിൻവ​രുന്ന നിർദേശം നൽകുന്നു: “വായന​യ്‌ക്കു മുമ്പും അതു​പോ​ലെ​തന്നെ അതു കഴിഞ്ഞും പ്രാർഥി​ക്കുക. അപ്പോൾ അതു ശരിക്കും യഹോ​വ​യു​മാ​യുള്ള ആശയവി​നി​മയം ആയിത്തീ​രും.” നിങ്ങളു​ടെ ബൈബിൾ വായന പട്ടിക​യോട്‌ പറ്റിനിൽക്കാ​നും ദൈവ​വു​മാ​യുള്ള ബന്ധം ശക്തീക​രി​ക്കാ​നും ഹൃദയം​ഗ​മ​മായ പ്രാർഥന സഹായി​ക്കും.—യാക്കോബ്‌ 4:8.

വായന ജീവസ്സു​റ്റ​താ​ക്കു​ക

തുടക്ക​ത്തിൽ പരാമർശിച്ച കിംബർളിക്ക്‌ ബൈബിൾ വായി​ക്കു​മ്പോൾ ബോറ​ടി​ച്ചി​രു​ന്നു. ബൈബിൾ അതിപു​രാ​ത​ന​മായ ഒരു ഗ്രന്ഥമാണ്‌ എന്നുള്ളത്‌ ശരിയാണ്‌. കമ്പ്യൂ​ട്ട​റോ ടെലി​വി​ഷ​നോ വിമാ​ന​മോ ഒക്കെ കണ്ടുപി​ടി​ക്കു​ന്ന​തി​നു വളരെ മുമ്പാണ്‌ അത്‌ എഴുത​പ്പെ​ട്ടത്‌. അതിലെ കഥാപാ​ത്ര​ങ്ങ​ളെ​ല്ലാം മരിച്ചിട്ട്‌ ഇപ്പോൾ ആയിര​ക്ക​ണ​ക്കി​നു വർഷങ്ങ​ളാ​യി. എന്നിരു​ന്നാ​ലും അപ്പൊ​സ്‌ത​ല​നായ പൗലൊസ്‌ ‘ദൈവ​ത്തി​ന്റെ വചനം ജീവനു​ള്ള​തും ശക്തി ചെലു​ത്തു​ന്ന​തു​മാണ്‌’ എന്ന്‌ എഴുതി. (എബ്രായർ 4:12, NW) ഇത്രയും പുരാ​ത​ന​മായ ഒരു ഗ്രന്ഥത്തിന്‌ എങ്ങനെ​യാണ്‌ ശക്തി ചെലു​ത്തുന്ന ഒന്നായി​രി​ക്കാൻ കഴിയുക?

പകർപ്പെ​ഴു​ത്തു​കാ​ര​നായ എസ്രാ​യു​ടെ നാളിൽ ആയിര​ക്ക​ണ​ക്കിന്‌ പുരു​ഷ​ന്മാ​രും സ്‌ത്രീ​ക​ളും ‘കേട്ടു ഗ്രഹി​പ്പാൻ പ്രാപ്‌തി​യുള്ള എല്ലാവ​രും’ യെരൂ​ശ​ലേ​മിൽ മോ​ശൈക ന്യായ​പ്ര​മാ​ണ​ത്തി​ന്റെ വായന കേൾക്കാൻ കൂടി​വന്നു. ന്യായ​പ്ര​മാ​ണം ലഭിച്ചിട്ട്‌ അപ്പോൾത്തന്നെ 1,000-ത്തിലേറെ വർഷം കഴിഞ്ഞി​രു​ന്നു! എന്നിരു​ന്നാ​ലും എസ്രാ​യും അവന്റെ സഹായി​ക​ളും “ദൈവ​ത്തി​ന്റെ ന്യായ​പ്ര​മാ​ണ​പു​സ്‌തകം തെളി​വാ​യി വായി​ച്ചു​കേൾപ്പി​ക്ക​യും വായി​ച്ചതു ഗ്രഹി​പ്പാൻത​ക്ക​വണ്ണം അർത്ഥം പറഞ്ഞു​കൊ​ടു​ക്ക​യും ചെയ്‌തു.” ഈ പുരു​ഷ​ന്മാർ തിരു​വെ​ഴു​ത്തു​കൾ വിശദീ​ക​രി​ക്കു​ക​യും ഉത്സാഹ​പൂർവം വായി​ക്കു​ക​യും ചെയ്‌ത​തി​ന്റെ ഫലം എന്തായി​രു​ന്നു? “തങ്ങളോ​ടു പറഞ്ഞ വചനം ബോദ്ധ്യ​മാ​യ​തു​കൊ​ണ്ടു ജനമെ​ല്ലാം പോയി തിന്നു​ക​യും കുടി​ക്ക​യും പകർച്ച കൊടു​ത്ത​യ​ക്ക​യും അത്യന്തം സന്തോ​ഷി​ക്ക​യും ചെയ്‌തു.”—നെഹെ​മ്യാ​വു 8:1-12.

നിങ്ങൾക്ക്‌ എങ്ങനെ നിങ്ങളു​ടെ ബൈബിൾ വായന അർഥസ​മ്പു​ഷ്ട​മാ​ക്കാൻ കഴിയും? വായന വളരെ ബുദ്ധി​മു​ട്ടാ​യി തോന്നുന്ന കാത്തി ഏകാഗ്രത നിലനി​റു​ത്താൻ ഉച്ചത്തിൽ വായി​ക്കു​ന്നു. രേഖ​പ്പെ​ടു​ത്തി​യി​രി​ക്കുന്ന വിവര​ണ​ത്തി​ന്റെ പശ്ചാത്ത​ല​ത്തിൽ തന്നെത്തന്നെ കാണാൻ നിക്കി ശ്രമി​ക്കു​ന്നു. “ആ സാഹച​ര്യ​ത്തിൽ എനിക്ക്‌ എന്തു തോന്നു​മാ​യി​രു​ന്നു എന്ന്‌ വിഭാവന ചെയ്യാൻ ഞാൻ ശ്രമി​ക്കു​ന്നു,” അവൾ പറയുന്നു. “എനിക്ക്‌ ഏറ്റവും ഇഷ്ടപ്പെട്ട കഥ രൂത്തി​ന്റെ​യും നൊ​വൊ​മി​യു​ടേ​തു​മാണ്‌. അത്‌ എത്ര വായി​ച്ചാ​ലും എനിക്കു മടുപ്പു തോന്നില്ല. ഒരു പുതിയ നഗരത്തി​ലേക്കു താമസം മാറേണ്ടി വന്നപ്പോൾ ഈ കഥ എനിക്ക്‌ ആശ്വാസം നൽകി. പരിച​യ​മുള്ള ആരും ഇല്ലാത്ത ഒരു പുതിയ സ്ഥലത്തേക്കു പോയ​പ്പോൾ രൂത്തിന്‌ എന്തായി​രി​ക്കും തോന്നി​യി​രി​ക്കുക എന്നതിനെ കുറിച്ചു ഞാൻ ഓർത്തു. അവളെ പോ​ലെ​തന്നെ യഹോ​വ​യിൽ ആശ്രയി​ക്കാൻ അത്‌ എന്നെ സഹായി​ച്ചു.”—രൂത്ത്‌ 1-4 അധ്യാ​യങ്ങൾ.

വായി​ക്കു​ന്ന കാര്യ​ങ്ങളെ കുറിച്ചു ധ്യാനി​ക്കു​മ്പോ​ഴാണ്‌ ബൈബിൾ “ശക്തി ചെലു​ത്തുന്ന” ഒന്നായി​ത്തീ​രു​ന്നത്‌. ഓരോ തവണ തിരു​വെ​ഴു​ത്തു​കൾ വായി​ക്കു​മ്പോ​ഴും നിങ്ങൾ വായിച്ച ഭാഗത്തെ കുറിച്ചു ധ്യാനി​ക്കാ​നും പഠിച്ച കാര്യങ്ങൾ എങ്ങനെ ഉപയോ​ഗി​ക്കാ​നാ​കും എന്നതിനെ കുറിച്ചു ചിന്തി​ക്കാ​നും സമയം എടുക്കുക. നിങ്ങളു​ടെ വായനയെ സമ്പുഷ്ട​മാ​ക്കാൻ കഴിയുന്ന, യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ച്ചി​ട്ടുള്ള ബൈബിൾ പഠന സഹായി​കൾ ഉപയോ​ഗ​പ്പെ​ടു​ത്താൻ നിങ്ങൾ ആഗ്രഹി​ച്ചേ​ക്കും.b

പറ്റിനിൽക്കുക!

ബൈബിൾ വായന പട്ടിക​യോ​ടു പറ്റിനിൽക്കുക എന്നത്‌ എളുപ്പമല്ല. ഏറ്റവും നല്ല ബൈബിൾ വായന പരിപാ​ടി​യിൽ പോലും ചില​പ്പോ​ഴൊ​ക്കെ പൊരു​ത്ത​പ്പെ​ടു​ത്ത​ലു​കൾ വരു​ത്തേണ്ടി വന്നേക്കാം. ദിവസ​വും ബൈബിൾ വായി​ക്കുക എന്ന ലക്ഷ്യത്തിൽ ഉറച്ചു​നിൽക്കാൻ എങ്ങനെ കഴിയും?

സുഹൃ​ത്തു​ക്കൾക്കും കുടും​ബ​ത്തി​നും സഹായി​ക്കാ​നാ​വും. പതിനഞ്ചു വയസ്സുള്ള ആമ്പർ പറയുന്നു: “ഞാനും എന്റെ അനുജ​ത്തി​യും ഒരു മുറി​യി​ലാ​ണു കിടക്കു​ന്നത്‌. ചില ദിവസ​ങ്ങ​ളിൽ ആകെ ക്ഷീണിച്ച്‌ എങ്ങനെ​യെ​ങ്കി​ലും ഒന്ന്‌ ഉറങ്ങി​യാൽ മതി എന്നു വിചാ​രി​ച്ചാ​യി​രി​ക്കും ഞാൻ കിടക്കാൻ വരിക. എന്നാൽ ബൈബിൾ വായി​ച്ചി​ല്ല​ല്ലോ എന്ന്‌ എന്റെ അനുജത്തി എന്നെ ഓർമി​പ്പി​ക്കും. അതു​കൊണ്ട്‌ ഞാൻ അത്‌ ഒരിക്ക​ലും മറക്കാ​റില്ല!” ഏതെങ്കി​ലും ഒരു തിരു​വെ​ഴു​ത്തോ അല്ലെങ്കിൽ ഭാഗമോ താത്‌പ​ര്യ​ജ​ന​ക​മാ​യി കണ്ടെത്തു​ന്നെ​ങ്കിൽ അതിനെ കുറിച്ചു മറ്റുള്ള​വ​രോ​ടു സംസാ​രി​ക്കുക. ഇത്‌ ദൈവ​വ​ച​ന​ത്തോ​ടുള്ള നിങ്ങളു​ടെ വിലമ​തി​പ്പു വർധി​പ്പി​ക്കും. അതു​പോ​ലെ ബൈബിൾ വായന​യി​ലുള്ള അവരുടെ താത്‌പ​ര്യ​ത്തെ ഉണർത്താൻ പോലും അതിനു കഴി​ഞ്ഞേ​ക്കാം. (റോമർ 1:11, 12) ഒരു ദിവസ​ത്തേ​ക്കോ അതിൽ കൂടുതൽ സമയ​ത്തേ​ക്കോ ബൈബിൾ വായന നടത്താൻ കഴിയാ​തെ പോയാൽ ശ്രമം ഉപേക്ഷി​ക്ക​രുത്‌! നിറു​ത്തി​യി​ടത്ത്‌ വീണ്ടും തുടങ്ങുക. നിങ്ങളു​ടെ പട്ടിക​യോ​ടു പറ്റിനിൽക്കാൻ ദൃഢനി​ശ്ചയം ചെയ്യുക.

ദിവ​സേ​ന​യു​ള്ള ബൈബിൾ വായന കൈവ​രു​ത്തുന്ന സമൃദ്ധ​മായ അനു​ഗ്ര​ഹങ്ങൾ എപ്പോ​ഴും മനസ്സിൽ പിടി​ക്കുക. യഹോ​വ​യു​ടെ വചനത്തി​ലൂ​ടെ അവൻ പറയു​ന്ന​തി​നു ചെവി​കൊ​ടു​ക്കു​മ്പോൾ നിങ്ങൾ അവനു​മാ​യി ഒരു അടുത്ത ബന്ധം ആസ്വദി​ക്കും. അവന്റെ ചിന്തക​ളും വികാ​ര​ങ്ങ​ളും മനസ്സി​ലാ​ക്കാൻ നിങ്ങൾക്കു കഴിയും. (സദൃശ​വാ​ക്യ​ങ്ങൾ 2:1-5) നമ്മുടെ സ്വർഗീയ പിതാ​വിൽനി​ന്നുള്ള ഈ അമൂല്യ സത്യങ്ങൾ ഒരു സംരക്ഷ​ണ​മാ​യി ഉതകും. “ബാലൻ തന്റെ നടപ്പിനെ നിർമ്മ​ല​മാ​ക്കു​ന്നതു എങ്ങനെ?” എന്നു സങ്കീർത്ത​ന​ക്കാ​രൻ ചോദി​ച്ചു. “നിന്റെ വചന​പ്ര​കാ​രം അതിനെ സൂക്ഷി​ക്കു​ന്ന​തി​നാൽ തന്നേ.” (സങ്കീർത്തനം 119:9) അതു​കൊണ്ട്‌ ബൈബിൾ വായന നിങ്ങളു​ടെ ദിനച​ര്യ​യു​ടെ ഭാഗമാ​ക്കുക, അതി​നോ​ടു പറ്റിനിൽക്കുക. അതിനു നിങ്ങൾ വിചാ​രി​ച്ച​തി​നെ​ക്കാൾ ആസ്വാ​ദ്യ​മാ​യി​രി​ക്കാൻ കഴിയു​മെന്ന്‌ നിങ്ങൾ കണ്ടെത്തിയേക്കാം!(g01 8/22)

[അടിക്കു​റി​പ്പു​കൾ]

[18-ാം പേജിലെ ചിത്രങ്ങൾ]

പ്രാർഥനയും ഗവേഷ​ണ​വും നിങ്ങളു​ടെ ബൈബിൾ വായനയെ സമ്പുഷ്ട​മാ​ക്കു​ക​യും തിരു​വെ​ഴു​ത്തു​ക​ളു​ടെ അർഥം ഗ്രഹി​ക്കാൻ സഹായി​ക്കു​ക​യും ചെയ്യും

[19-ാം പേജിലെ ചിത്രം]

വിവരണത്തിന്റെ പശ്ചാത്ത​ല​ത്തിൽ നിങ്ങൾ ആയിരി​ക്കു​ന്ന​താ​യി സങ്കൽപ്പി​ക്കു​മ്പോൾ തിരു​വെ​ഴു​ത്തു​കൾ ശക്തി ചെലു​ത്തുന്ന ഒന്നായി​ത്തീ​രും