മർദന​ത്തിന്‌ ഇരയാ​കുന്ന സ്‌ത്രീ​കൾക്കു സഹായം

അക്രമ​ത്തിന്‌ ഇരയാ​കുന്ന സ്‌ത്രീ​കളെ എങ്ങനെ സഹായി​ക്കാ​നാ​കും? ഒന്നാമത്‌ അവർ അനുഭ​വി​ക്കു​ന്നത്‌ എന്താ​ണെന്നു മനസ്സി​ലാ​ക്കേ​ണ്ട​തുണ്ട്‌. പലപ്പോ​ഴും പീഡനം ദേഹോ​പ​ദ്ര​വ​ത്തിൽ മാത്രം ഒതുങ്ങി​നിൽക്കു​ന്നില്ല. വാക്കാ​ലുള്ള ഭീഷണി​ക​ളും ഭയപ്പെ​ടു​ത്ത​ലു​ക​ളും ഉണ്ടാ​യേ​ക്കാം. അതിന്റെ ഫലമായി താൻ ഒന്നിനും കൊള്ളാ​ത്ത​വ​ളും നിസ്സഹാ​യ​യും ആണെന്ന്‌ സ്‌ത്രീ​ക്കു തോന്നു​ന്നു.

ആദ്യ ലേഖന​ത്തിൽ പരാമർശിച്ച റോക്‌സാ​നാ​യു​ടെ കാര്യം എടുക്കുക. ചില​പ്പോൾ അവരുടെ ഭർത്താവ്‌ വാക്കു​കളെ ആയുധ​മാ​ക്കു​ന്നു. റോക്‌സാ​നാ പറയുന്നു: “അദ്ദേഹം എന്നെ ചീത്ത വിളി​ക്കും. ‘സ്‌കൂൾ പോലും പാസാ​യി​ട്ടി​ല്ലാ​ത്ത​വ​ളല്ലേ നീ? ഞാനി​ല്ലാ​തെ നീ എങ്ങനെ കുട്ടി​കളെ വളർത്തും? മടിച്ചി, കാൽക്കാ​ശി​നു കൊള്ളാ​ത്തവൾ. എന്നെ ഉപേക്ഷി​ച്ചാൽ കോടതി കുട്ടി​കളെ നിനക്കു വിട്ടു​ത​രു​മെന്നു തോന്നു​ന്നു​ണ്ടോ?’ എന്നൊക്കെ പറയും.”

റോക്‌സാ​നാ തന്റെ ചൊൽപ്പ​ടി​ക്കു നിൽക്കു​ന്നു​വെന്ന്‌ ഉറപ്പു​വ​രു​ത്തു​ന്ന​തിന്‌ അവരുടെ ഭർത്താവ്‌ പണത്തി​ന്മേൽ കടുത്ത നിയ​ന്ത്രണം ഏർപ്പെ​ടു​ത്തി​യി​രി​ക്കു​ന്നു. കാർ ഉപയോ​ഗി​ക്കാൻ അവർക്ക്‌ അനുവാ​ദ​മില്ല. റോക്‌സാ​നാ എന്തു ചെയ്യു​ക​യാ​ണെന്ന്‌ അറിയു​ന്ന​തിന്‌ ദിവസം മുഴു​വ​നും അയാൾ ഇടയ്‌ക്കി​ട​യ്‌ക്കു വീട്ടി​ലേക്കു ഫോൺ ചെയ്‌തു​കൊ​ണ്ടി​രി​ക്കും. അറിയാ​തെ​യെ​ങ്ങാ​നും ഒരു അഭി​പ്രാ​യം പറഞ്ഞു​പോ​യാൽ തീർന്നു കഥ. അയാൾ കോപം​കൊ​ണ്ടു പൊട്ടി​ത്തെ​റി​ക്കും. അതു​കൊണ്ട്‌ റോക്‌സാ​നാ ഇപ്പോൾ ഒരു കാര്യ​ത്തി​ലും അഭി​പ്രാ​യം പറയാ​റില്ല.

നമുക്കു കാണാൻ കഴിയു​ന്നതു പോലെ, ഭാര്യാ​മർദനം എന്നത്‌ വളരെ സങ്കീർണ​മായ ഒരു വിഷയ​മാണ്‌. സഹായം നൽകാൻ കഴിയ​ണ​മെ​ങ്കിൽ ദയാപൂർവം ശ്രദ്ധി​ക്കുക. മിക്ക​പ്പോ​ഴും താൻ അനുഭ​വി​ക്കു​ന്ന​തി​നെ കുറിച്ചു സംസാ​രി​ക്കു​ന്നത്‌ പീഡന​ത്തിന്‌ ഇരയാ​കുന്ന വ്യക്തിയെ സംബന്ധി​ച്ചി​ട​ത്തോ​ളം ബുദ്ധി​മു​ട്ടുള്ള കാര്യ​മാ​ണെന്ന്‌ ഓർക്കുക. വ്യക്തിയെ ബലപ്പെ​ടു​ത്തു​ക​യും സ്വന്തം ഗതി​വേ​ഗ​ത്തിൽ സാഹച​ര്യ​വു​മാ​യി പൊരു​ത്ത​പ്പെ​ടാൻ അവരെ സഹായി​ക്കു​ക​യും ചെയ്യുക എന്നതാ​യി​രി​ക്കണം നിങ്ങളു​ടെ ലക്ഷ്യം.

മർദനം സഹിക്കുന്ന ചില സ്‌ത്രീ​ക​ളു​ടെ കാര്യ​ത്തിൽ അധികാ​രി​ക​ളു​ടെ സഹായം തേടേ​ണ്ടത്‌ ആവശ്യ​മാ​യി വന്നേക്കാം. ചില​പ്പോൾ നിർണാ​യ​ക​മായ ഒരു നടപടി—പോലീസ്‌ ഇടപെടൽ പോലുള്ള ഒന്ന്‌—തന്റെ പ്രവൃ​ത്തി​ക​ളു​ടെ ഗൗരവം മനസ്സി​ലാ​ക്കാൻ പീഡകനെ സഹായി​ച്ചേ​ക്കും. എന്നിരു​ന്നാ​ലും പലപ്പോ​ഴും ആ അടിയ​ന്തിര ഘട്ടം പിന്നി​ടു​ന്ന​തോ​ടെ മാറ്റം വരുത്താ​നുള്ള ഏതൊരു പ്രേര​ണ​യും ഇല്ലാതാ​കു​ന്നു എന്നതും ഒരു സത്യമാണ്‌.

മർദി​ത​യാ​യ ഭാര്യ തന്റെ ഭർത്താ​വി​നെ ഉപേക്ഷി​ക്ക​ണ​മോ? വേർപി​രി​യ​ലി​നെ ബൈബിൾ നിസ്സാ​ര​മായ ഒരു സംഗതി​യാ​യല്ല കണക്കാ​ക്കു​ന്നത്‌. എന്നാൽ അതേസ​മയം മർദി​ത​യായ ഭാര്യ തന്റെ ആരോ​ഗ്യ​ത്തെ​യും ഒരുപക്ഷേ ജീവനെ പോലും അപകട​പ്പെ​ടു​ത്താൻ മുതി​രുന്ന ഒരു പുരു​ഷ​നോ​ടൊ​പ്പം കഴിഞ്ഞേ തീരൂ എന്നും അത്‌ പറയു​ന്നില്ല. ക്രിസ്‌തീയ അപ്പൊ​സ്‌ത​ല​നായ പൗലൊസ്‌ എഴുതി: “ഭാര്യ ഭർത്താ​വി​നെ . . . പിരിഞ്ഞു എന്നു വരികി​ലോ വിവാ​ഹം​കൂ​ടാ​തെ പാർക്കേണം; അല്ലെന്നു വരികിൽ ഭർത്താ​വോ​ടു നിരന്നു​കൊ​ള്ളേണം.” (1 കൊരി​ന്ത്യർ 7:10-16) അങ്ങേയ​റ്റത്തെ സാഹച​ര്യ​ങ്ങ​ളിൽ ദമ്പതികൾ തമ്മിൽ വേർപി​രി​യു​ന്ന​തി​നെ ബൈബിൾ വിലക്കാ​ത്ത​തി​നാൽ ഈ കാര്യ​ത്തിൽ ഒരു സ്‌ത്രീ എന്തു ചെയ്യുന്നു എന്നുള്ളത്‌ വ്യക്തി​പ​ര​മായ ഒരു തീരു​മാ​ന​മാണ്‌. (ഗലാത്യർ 6:5) തന്റെ ഭർത്താ​വി​നെ ഉപേക്ഷി​ക്കു​ന്ന​തിന്‌ ഒരു സ്‌ത്രീ​യെ പ്രേരി​പ്പി​ക്കാൻ ആരും ശ്രമി​ക്ക​രുത്‌. അതു​പോ​ലെ​തന്നെ, പീഡി​പ്പി​ക്കുന്ന ഒരു പുരു​ഷ​നോ​ടൊ​പ്പം കഴിയു​ന്നത്‌ തന്റെ ആരോ​ഗ്യ​ത്തി​നും ജീവനും ആത്മീയ​ത​യ്‌ക്കും ഭീഷണി ആകു​മ്പോൾ അയാ​ളോ​ടൊ​പ്പം തുടർന്നു കഴിയാ​നും ആരും അവളു​ടെ​മേൽ സമ്മർദം ചെലു​ത്ത​രുത്‌.

പീഡകർക്കു മാറ്റം വരുത്താ​നാ​കു​മോ?

ഭാര്യയെ പീഡി​പ്പി​ക്കു​ന്നത്‌ ബൈബിൾ തത്ത്വങ്ങ​ളു​ടെ കടുത്ത ലംഘന​മാണ്‌. എഫെസ്യർ 4:29, 31-ൽ നാം വായി​ക്കു​ന്നു: “ആകാത്തതു ഒന്നും നിങ്ങളു​ടെ വായിൽനി​ന്നു പുറ​പ്പെ​ട​രു​തു. എല്ലാ കൈപ്പും കോപ​വും ക്രോ​ധ​വും കൂററാ​ര​വും ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ.”

ക്രിസ്‌തു​വി​നെ അനുഗ​മി​ക്കു​ന്നു എന്ന്‌ അവകാ​ശ​പ്പെ​ടുന്ന ഒരു ഭർത്താവ്‌ ഭാര്യയെ ഉപദ്ര​വി​ക്കു​ന്നെ​ങ്കിൽ അവളെ സ്‌നേ​ഹി​ക്കു​ന്നു​വെന്ന്‌ ആത്മാർഥ​മാ​യി പറയാൻ കഴിയില്ല. ഭാര്യ​യോ​ടു മോശ​മാ​യി പെരു​മാ​റു​ന്നെ​ങ്കിൽ അയാളു​ടെ മറ്റെല്ലാ നന്മ പ്രവൃ​ത്തി​കൾക്കും എന്തു വിലയാണ്‌ ഉണ്ടായി​രി​ക്കുക? ‘തല്ലുകാ​രൻ’ ക്രിസ്‌തീയ സഭയിൽ പ്രത്യേക പദവികൾ ലഭിക്കാൻ യോഗ്യ​നല്ല. (1 തിമൊ​ഥെ​യൊസ്‌ 3:3; 1 കൊരി​ന്ത്യർ 13:1-3) ക്രിസ്‌ത്യാ​നി എന്ന്‌ അവകാ​ശ​പ്പെ​ടുന്ന ഒരു വ്യക്തി​യിൽനിന്ന്‌ അനുതാ​പ​മി​ല്ലാ​തെ കോപ​പ്ര​ക​ട​നങ്ങൾ തുടർച്ച​യാ​യി ഉണ്ടാകു​ന്ന​പക്ഷം അയാളെ ക്രിസ്‌തീയ സഭയിൽനി​ന്നു പുറത്താ​ക്കാ​വു​ന്ന​തു​മാണ്‌.—ഗലാത്യർ 5:19-21; 2 യോഹ​ന്നാൻ 9, 10.

അക്രമാ​സ​ക്ത​രാ​യ പുരു​ഷ​ന്മാർക്ക്‌ തങ്ങളുടെ പെരു​മാ​റ്റ​ത്തിൽ വ്യത്യാ​സം വരുത്താൻ കഴിയു​മോ? ചിലർ അങ്ങനെ ചെയ്‌തി​ട്ടുണ്ട്‌. എന്നിരു​ന്നാ​ലും പീഡകൻ (1) തന്റെ നടത്ത അനുചി​ത​മാ​ണെന്ന്‌ അംഗീ​ക​രി​ക്കു​ക​യും (2) മാറ്റം വരുത്താൻ ആഗ്രഹി​ക്കു​ക​യും (3) സഹായം തേടു​ക​യും ചെയ്യാത്ത പക്ഷം സാധാ​ര​ണ​ഗ​തി​യിൽ അയാൾ മാറ്റം വരുത്തു​ക​യില്ല. മാറ്റം വരുത്താൻ വ്യക്തിയെ പ്രേരി​പ്പി​ക്കു​ന്ന​തിൽ ബൈബി​ളി​നു വളരെ ശക്തമായ സ്വാധീ​നം ആയിരി​ക്കാൻ കഴിയു​മെന്ന്‌ യഹോ​വ​യു​ടെ സാക്ഷികൾ കണ്ടെത്തി​യി​ട്ടുണ്ട്‌. അവരോ​ടൊ​പ്പം ബൈബിൾ പഠിക്കുന്ന പല താത്‌പ​ര്യ​ക്കാ​രും ദൈവത്തെ പ്രസാ​ദി​പ്പി​ക്കാ​നുള്ള ശക്തമായ ഒരു ആഗ്രഹം വളർത്തി​യെ​ടു​ത്തി​രി​ക്കു​ന്നു. ‘അക്രമം ഇഷ്ടപ്പെ​ടു​ന്ന​വനെ [യഹോവ] വെറു​ക്കു​ന്നു’ എന്ന്‌ ഈ പുതിയ ബൈബിൾ വിദ്യാർഥി​കൾ മനസ്സി​ലാ​ക്കു​ന്നു. (സങ്കീർത്തനം 11:5) തീർച്ച​യാ​യും മാറ്റം വരുത്തു​ന്ന​തിൽ ഭാര്യയെ തല്ലാതി​രി​ക്കു​ന്നതു മാത്രമല്ല ഉൾപ്പെ​ട്ടി​രി​ക്കു​ന്നത്‌. മറിച്ച്‌, അയാൾ തന്റെ ഭാര്യ​യോ​ടുള്ള മനോ​ഭാ​വ​ത്തിൽത്തന്നെ സമ്പൂർണ മാറ്റം വരു​ത്തേ​ണ്ട​തുണ്ട്‌.

ദൈവ​പ​രി​ജ്ഞാ​നം നേടു​മ്പോൾ ഒരു വ്യക്തി തന്റെ ഭാര്യയെ ഒരു ദാസി​യാ​യല്ല മറിച്ച്‌ ഒരു “തുണ”യായും തന്നെക്കാൾ താഴ്‌ന്ന​വ​ളാ​യല്ല മറിച്ച്‌ ‘ബഹുമാ​നം കൊടു​ക്കേ​ണ്ട​വ​ളാ​യും’ വീക്ഷി​ക്കാൻ പഠിക്കും. (ഉല്‌പത്തി 2:18; 1 പത്രൊസ്‌ 3:7) അതു​പോ​ലെ ദയയു​ള്ള​വ​നാ​യി​രി​ക്കാ​നും ഭാര്യ​യു​ടെ അഭി​പ്രാ​യ​ത്തി​നു വിലകൽപ്പി​ക്കാ​നും അയാൾ പഠിക്കു​ന്നു. (ഉല്‌പത്തി 21:12; സഭാ​പ്ര​സം​ഗി 4:1) യഹോ​വ​യു​ടെ സാക്ഷികൾ നടത്തി​വ​രുന്ന ബൈബിൾ പഠന പരിപാ​ടി പല ദമ്പതി​ക​ളെ​യും സഹായി​ച്ചി​ട്ടുണ്ട്‌. ഒരു സ്വേച്ഛാ​ധി​പ​തി​ക്കോ കലഹക്കാ​ര​നോ ക്രിസ്‌തീയ കുടും​ബ​ത്തിൽ യാതൊ​രു സ്ഥാനവു​മില്ല.—എഫെസ്യർ 5:25, 28, 29.

“ദൈവ​ത്തി​ന്റെ വചനം ജീവനു​ള്ള​തും ശക്തി ചെലു​ത്തു​ന്ന​തു​മാണ്‌.” (എബ്രായർ 4:12, NW) അതു​കൊണ്ട്‌, ബൈബി​ളിൽ അടങ്ങി​യി​രി​ക്കുന്ന ജ്ഞാനത്തിന്‌ തങ്ങൾ നേരി​ടുന്ന പ്രശ്‌ന​ങ്ങളെ വിശക​ലനം ചെയ്യാ​നും ധൈര്യ​പൂർവം അവയെ തരണം ചെയ്യാ​നും ദമ്പതി​കളെ സഹായി​ക്കാ​നാ​കും. അതിലു​പരി, അനുസ​ര​ണ​മുള്ള മനുഷ്യ​വർഗ​ത്തി​ന്മേൽ യഹോ​വ​യു​ടെ സ്വർഗീയ രാജാവ്‌ ഭരണം നടത്തു​മ്പോൾ ലോക​ത്തിൽനിന്ന്‌ അക്രമം മുഴു​വ​നാ​യും തുടച്ചു നീക്ക​പ്പെ​ടു​മെന്ന ഉറപ്പു​ള്ള​തും ആശ്വാ​സ​ദാ​യ​ക​വു​മായ പ്രത്യാശ ബൈബി​ളിൽ അടങ്ങി​യി​രി​ക്കു​ന്നു. ബൈബിൾ പറയുന്നു: “അവൻ നിലവി​ളി​ക്കുന്ന ദരി​ദ്ര​നെ​യും സഹായ​മി​ല്ലാത്ത എളിയ​വ​നെ​യും വിടു​വി​ക്കു​മ​ല്ലോ. അവരുടെ പ്രാണനെ അവൻ പീഡയിൽ നിന്നും സാഹസ​ത്തിൽനി​ന്നും വീണ്ടെ​ടു​ക്കും.”—സങ്കീർത്തനം 72:12, 14.(g01 11/8)

[12-ാം പേജിലെ ആകർഷ​ക​വാ​ക്യം]

ഒരു സ്വേച്ഛാ​ധി​പ​തി​ക്കോ കലഹക്കാ​ര​നോ ക്രിസ്‌തീയ കുടും​ബ​ത്തിൽ യാതൊ​രു സ്ഥാനവു​മി​ല്ല

[8-ാം പേജിലെ ചതുരം]

തെറ്റിദ്ധാരണകൾ തിരുത്തൽ

• മർദി​ക്ക​പ്പെ​ടുന്ന സ്‌ത്രീ​കൾത​ന്നെ​യാണ്‌ തങ്ങളുടെ ഭർത്താ​ക്ക​ന്മാ​രു​ടെ ചെയ്‌തി​കൾക്ക്‌ ഉത്തരവാ​ദി​കൾ.

ഭാര്യമാർ തങ്ങളെ പ്രകോ​പി​പ്പി​ക്കു​ന്നതു കാരണ​മാണ്‌ തങ്ങൾ അവരെ ഉപദ്ര​വി​ക്കു​ന്നത്‌ എന്നു പറഞ്ഞു​കൊണ്ട്‌ പലരും തങ്ങളുടെ ചെയ്‌തി​കളെ ന്യായീ​ക​രി​ക്കാൻ ശ്രമി​ക്കാ​റുണ്ട്‌. ഭാര്യ ഒരു വല്ലാത്ത സ്വഭാ​വ​ക്കാ​രി​യാ​യ​തു​കൊ​ണ്ടാണ്‌ വല്ലപ്പോ​ഴു​മൊ​ക്കെ ഭർത്താ​വി​നു തന്റെ നിയ​ന്ത്രണം വിട്ടു​പോ​കു​ന്ന​തെന്ന ഭാഷ്യം ചില കുടും​ബ​സു​ഹൃ​ത്തു​ക്കൾ പോലും അംഗീ​ക​രി​ച്ചേ​ക്കാം. എന്നാൽ പീഡന​ത്തിന്‌ ഇരയായ വ്യക്തിയെ പഴി പറയു​ക​യും പീഡി​പ്പി​ച്ച​യാ​ളെ ന്യായീ​ക​രി​ക്കു​ക​യു​മാണ്‌ അവർ ചെയ്യു​ന്നത്‌. മർദി​ക്ക​പ്പെ​ടുന്ന ഭാര്യ​മാർ പലപ്പോ​ഴും ഭർത്താ​ക്ക​ന്മാ​രെ പ്രീണി​പ്പി​ക്കാൻ അസാധാ​രണ ശ്രമങ്ങൾ ചെയ്യു​ന്നു​വെ​ന്ന​താ​ണു വാസ്‌തവം. കൂടാതെ, ഇണയെ മർദി​ക്കു​ന്നത്‌ ഒരു തരത്തി​ലും ന്യായീ​ക​രി​ക്കാ​നാ​വാത്ത തെറ്റാണ്‌. ഭാര്യയെ തല്ലുന്നവൻ—മനശ്ശാ​സ്‌ത്ര​പ​ര​മായ ഒരു അവലോ​കനം (ഇംഗ്ലീഷ്‌) എന്ന പുസ്‌തകം പറയുന്നു: “കോട​തി​കൾ ചികി​ത്സ​യ്‌ക്ക്‌ അയയ്‌ക്കുന്ന ഭാര്യാ​മർദന കേസു​ക​ളി​ലെ പ്രതി​കൾക്ക്‌ അക്രമ​ത്തോട്‌ ആസക്തി​യു​ള്ള​താ​യി കാണുന്നു. ഉള്ളിൽ തളം​കെട്ടി നിൽക്കുന്ന കോപ​വും വിഷാ​ദ​വും പുറത്തു​വി​ടു​ന്ന​തി​നും അഭി​പ്രായ വ്യത്യാ​സങ്ങൾ ഉണ്ടാകു​മ്പോൾ സാഹച​ര്യ​ത്തി​ന്റെ നിയ​ന്ത്രണം ഏറ്റെടു​ക്കു​ന്ന​തി​നും പ്രശ്‌നം പരിഹ​രി​ക്കു​ന്ന​തി​നും സമ്മർദം കുറയ്‌ക്കു​ന്ന​തി​നു​മൊ​ക്കെ അവർ അക്രമത്തെ ഉപയോ​ഗി​ക്കു​ന്നു. . . . പലപ്പോ​ഴും തങ്ങൾക്കൊ​രു പ്രശ്‌നം ഉണ്ടെന്ന്‌ അംഗീ​ക​രി​ക്കു​ന്ന​തി​നോ അതിന്റെ ഗൗരവം മനസ്സി​ലാ​ക്കു​ന്ന​തി​നോ പോലും അവർക്കു കഴിയു​ന്നില്ല.”

• മദ്യപാ​നം ഭാര്യയെ തല്ലാൻ ഒരു വ്യക്തിയെ പ്രേരി​പ്പി​ക്കു​ന്നു.

കുടിച്ചു കഴിയു​മ്പോൾ ചില പുരു​ഷ​ന്മാർ കൂടുതൽ അക്രമാ​സ​ക്ത​രാ​യി​ത്തീ​രു​ന്നു​വെ​ന്നതു സത്യം​തന്നെ. എന്നാൽ മുഴുവൻ പഴിയും മദ്യത്തി​ന്റെ മേൽ ഇടുന്നത്‌ ന്യായ​യു​ക്ത​മാ​ണോ? “കുടിച്ചു ലക്കു​കെ​ടു​മ്പോൾ പീഡകന്‌ തന്റെ പെരു​മാ​റ്റ​ത്തി​നുള്ള ഉത്തരവാ​ദി​ത്വം മറ്റൊ​ന്നി​ന്മേൽ കെട്ടി​വെ​ക്കാൻ കഴിയു​ന്നു” എന്ന്‌ അക്രമം വീട്ടിൽനിന്ന്‌ ആരംഭി​ക്കു​മ്പോൾ (ഇംഗ്ലീഷ്‌) എന്ന പുസ്‌ത​ക​ത്തിൽ കെ. ജെ. വിൽസൺ എഴുതു​ന്നു. അവർ തുടർന്നു പറയുന്നു: “ലക്കുകെട്ട ഒരു വ്യക്തി വീട്ടി​നു​ള്ളിൽ നടത്തുന്ന അക്രമത്തെ ഗൗരവം കുറഞ്ഞ​താ​യി വീക്ഷി​ക്കാ​നുള്ള ഒരു ചായ്‌വ്‌ നമ്മുടെ സമൂഹ​ത്തിന്‌ ഉള്ളതായി കാണ​പ്പെ​ടു​ന്നു. മർദനം ഏൽക്കുന്ന സ്‌ത്രീക്ക്‌ തന്റെ ഇണയെ ഒരു ഉപദ്ര​വ​കാ​രി​യാ​യി കാണു​ന്ന​തി​നു പകരം കുടിയൻ അല്ലെങ്കിൽ അമിത മദ്യപാ​നി എന്ന നിലയിൽ കാണാൻ കഴിയു​ന്നു.” ഇത്തരത്തി​ലുള്ള ചിന്താ​ഗതി, “അദ്ദേഹം കുടി​യൊ​ന്നു നിറു​ത്തി​യി​രു​ന്നെ​ങ്കിൽ എല്ലാം നേരെ​യാ​യേനെ” എന്ന തെറ്റായ പ്രതീക്ഷ സ്‌ത്രീ​ക്കു നൽകുന്നു എന്ന്‌ വിൽസൺ ചൂണ്ടി​ക്കാ​ണി​ക്കു​ന്നു.

ഇപ്പോൾ പല ഗവേഷ​ക​രും മദ്യപാ​ന​ത്തെ​യും മർദന​ത്തെ​യും വ്യത്യ​സ്‌ത​മായ രണ്ടു പ്രശ്‌ന​ങ്ങ​ളാ​യാ​ണു വീക്ഷി​ക്കു​ന്നത്‌. ശ്രദ്ധേ​യ​മാ​യി, മദ്യാ​സ​ക്ത​രും മയക്കു​മ​രു​ന്നു ദുരു​പ​യോ​ഗം ചെയ്യു​ന്ന​വ​രു​മായ പുരു​ഷ​ന്മാ​രിൽ ഭൂരി​പ​ക്ഷ​വും തങ്ങളുടെ ഭാര്യ​മാ​രെ തല്ലാറില്ല. പുരു​ഷ​ന്മാർ സ്‌ത്രീ​കളെ മർദി​ക്കു​മ്പോൾ (ഇംഗ്ലീഷ്‌) എന്ന പുസ്‌ത​ക​ത്തി​ന്റെ എഴുത്തു​കാർ ഇങ്ങനെ പറയുന്നു: “സ്‌ത്രീ​യെ നിയ​ന്ത്രി​ക്കു​ന്ന​തി​ലും വിരട്ടു​ന്ന​തി​ലും കീഴ്‌പെ​ടു​ത്തു​ന്ന​തി​ലും മർദനം കൈവ​രി​ക്കുന്ന വിജയ​മാണ്‌ അടിസ്ഥാ​ന​പ​ര​മാ​യി അതു തുടർന്നും ചെയ്യു​ന്ന​തിന്‌ ഒരുവനെ പ്രേരി​പ്പി​ക്കു​ന്നത്‌. . . . മദ്യപാ​ന​വും മയക്കു​മ​രു​ന്നു ദുരു​പ​യോ​ഗ​വും പീഡകന്റെ ജീവി​ത​രീ​തി​യു​ടെ ഭാഗമാണ്‌. എന്നാൽ അവയാണ്‌ അക്രമ​ത്തി​ന്റെ കാരണം എന്നു നിഗമനം ചെയ്യു​ന്നതു ശരിയല്ല.”

• മർദകർ എല്ലാവ​രോ​ടും അക്രമാ​സ​ക്ത​മായ രീതി​യി​ലാ​ണു പെരു​മാ​റു​ന്നത്‌.

പലപ്പോ​ഴും ഇക്കൂട്ടർ മറ്റുള്ള​വ​രു​ടെ അടുക്കൽ മര്യാ​ദ​ക്കാ​രാ​യി​രി​ക്കും. അവരുടെ മുമ്പിൽ അയാൾ തികച്ചും വ്യത്യ​സ്‌ത​മായ ഒരു വ്യക്തി​ത്വം ധരിക്കു​ന്നു. അതു​കൊ​ണ്ടു​തന്നെ അയാളു​ടെ അക്രമ​പ്ര​വർത്ത​നത്തെ കുറി​ച്ചുള്ള കഥകൾ വിശ്വ​സി​ക്കാൻ ബന്ധുക്കൾക്കും സുഹൃ​ത്തു​ക്കൾക്കും ബുദ്ധി​മു​ട്ടു തോന്നി​യേ​ക്കാം. എന്നിരു​ന്നാ​ലും ഭാര്യയെ ചൊൽപ്പ​ടി​ക്കു നിറു​ത്താൻ അയാൾ അക്രമം ഉപയോ​ഗി​ക്കു​ന്നു എന്നതാണു വാസ്‌തവം.

• തങ്ങളോ​ടു മോശ​മാ​യി പെരു​മാ​റു​ന്ന​തിൽ സ്‌ത്രീ​കൾക്ക്‌ എതിർപ്പില്ല.

പോകാൻ മറ്റൊ​രി​ട​മി​ല്ലാത്ത സ്‌ത്രീ​യു​ടെ നിസ്സഹാ​യാ​വസ്ഥ മനസ്സി​ലാ​ക്കാ​ത്തതു കൊണ്ടാണ്‌ സാധ്യ​ത​യ​നു​സ​രി​ച്ചു ചിലർക്ക്‌ അങ്ങനെ തോന്നു​ന്നത്‌. ഒന്നുരണ്ട്‌ ആഴ്‌ച​ത്തേക്ക്‌ അവൾക്ക്‌ കൂട്ടു​കാ​രോ​ടൊ​പ്പ​മോ മറ്റോ നിൽക്കാൻ കഴിയു​മാ​യി​രി​ക്കും. എന്നാൽ അതു കഴിയു​മ്പോൾ എന്തു ചെയ്യും? ഒരു ജോലി കണ്ടെത്തുക, വാടക നൽകുക, കുട്ടി​കളെ പരിപാ​ലി​ക്കുക, ഇതെല്ലാം അവളുടെ മുന്നിൽ ഒരു ചോദ്യ​ചി​ഹ്ന​മാ​യി അവശേ​ഷി​ക്കും. കൂടാതെ, കുട്ടി​ക​ളെ​യും​കൊണ്ട്‌ ഓടി​പ്പോ​കു​ന്നത്‌ നിയമ​വി​രു​ദ്ധ​മാ​യ​തി​നാൽ അതിനും സാധ്യ​മ​ല്ലാ​യി​രി​ക്കാം. ഇങ്ങനെ രക്ഷപ്പെ​ടാൻ ശ്രമിച്ച ചിലരെ ഭർത്താ​ക്ക​ന്മാർ തേടി​പ്പി​ടിച്ച്‌ ബലം പ്രയോ​ഗി​ച്ചോ അനുന​യി​പ്പി​ച്ചോ തിരികെ കൊണ്ടു​പോ​യി​രി​ക്കു​ന്നു. ഈ സ്‌ത്രീ​കൾ തിരിച്ചു പോകു​ന്നത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ കഴിയാത്ത സുഹൃ​ത്തു​ക്കൾ ചില​പ്പോൾ അവർക്ക്‌ തങ്ങളോ​ടു മോശ​മാ​യി പെരു​മാ​റു​ന്ന​തിൽ കുഴപ്പ​മില്ല എന്നു തെറ്റായി വിശ്വ​സി​ക്കു​ന്ന​തിന്‌ ഇടയാ​യേ​ക്കാം.