ഭീകര ദൃശ്യങ്ങൾ ഒപ്പം പ്രത്യാ​ശാ കിരണ​ങ്ങ​ളും

“ചുറ്റു​മുള്ള കെട്ടി​ട​ങ്ങ​ളെ​ല്ലാം കുലു​ങ്ങി​ക്കൊ​ണ്ടി​രു​ന്നു. അവയിൽനി​ന്നു തീജ്വാ​ലകൾ പുറ​പ്പെട്ടു. നാലു​പാ​ടു​മുള്ള ആളുകൾ അലമു​റ​യി​ടു​ന്ന​തും പ്രാർഥി​ക്കു​ന്ന​തും സഹായ​ത്തി​നാ​യി നിലവി​ളി​ക്കു​ന്ന​തും ഓട്ടത്തി​നി​ട​യിൽ എനിക്കു കേൾക്കാൻ കഴിഞ്ഞു. ലോകാ​വ​സാ​നം വന്നെത്തി​യെ​ന്നാണ്‌ ഞാൻ വിചാ​രി​ച്ചത്‌.”—ജി. ആർ., ഒരു ഭൂകമ്പ അതിജീ​വകൻ.

ഭൂവൽക്ക​ത്തി​ലെ തുടർച്ച​യായ ചലനങ്ങ​ളു​ടെ ഫലമായി ഓരോ വർഷവും ദശലക്ഷ​ക്ക​ണ​ക്കി​നു ഭൂകമ്പങ്ങൾ ഉണ്ടാകു​ന്നു. എന്നാൽ അവയിൽ മിക്കവ​യും അനുഭ​വ​വേ​ദ്യ​മാ​കാ​റില്ല.a എന്നിരു​ന്നാ​ലും ഓരോ വർഷവും ഉണ്ടാകുന്ന ഭൂകമ്പ​ങ്ങ​ളിൽ ശരാശരി 140 എണ്ണത്തോ​ളം “ശക്തം,” “കഠിനം,” “അതിക​ഠി​നം” എന്നിങ്ങനെ വിശേ​ഷി​പ്പി​ക്ക​പ്പെ​ടാൻ തക്ക വലുതാണ്‌. ചരി​ത്ര​ത്തി​ലു​ട​നീ​ളം ഇത്തരം ഭൂകമ്പങ്ങൾ ദശലക്ഷ​ക്ക​ണ​ക്കിന്‌ ആളുക​ളു​ടെ മരണത്തി​നും വസ്‌തു​വ​ക​ക​ളു​ടെ വൻതോ​തി​ലുള്ള നാശന​ഷ്ട​ത്തി​നും ഇടയാ​ക്കി​യി​രി​ക്കു​ന്നു.

ഭൂകമ്പങ്ങൾ അതിജീ​വ​ക​രു​ടെ​മേൽ കനത്ത വൈകാ​രിക ആഘാത​വും ഏൽപ്പി​ക്കു​ന്നു. ഉദാഹ​ര​ണ​ത്തിന്‌, 2001-ന്റെ തുടക്ക​ത്തിൽ എൽ സാൽവ​ഡോ​റി​നെ കിടിലം കൊള്ളിച്ച രണ്ടു ഭൂകമ്പ​ങ്ങളെ തുടർന്ന്‌ ആ രാജ്യത്തെ ആരോഗ്യ മന്ത്രാ​ല​യ​ത്തി​ന്റെ ‘മാനസി​കാ​രോ​ഗ്യ ഉപദേശക സമിതി’ കോ-ഓർഡി​നേറ്റർ ഇങ്ങനെ പറഞ്ഞു: “ആളുകൾ ദുഃഖം, നിരാശ, കോപം എന്നിങ്ങ​നെ​യുള്ള മാനസിക പ്രശ്‌നങ്ങൾ നിറഞ്ഞ ഒരു ഘട്ടത്തി​ലേക്കു പ്രവേ​ശി​ക്കു​ക​യാണ്‌.” എൽ സാൽവ​ഡോ​റി​ലെ ആരോഗ്യ പ്രവർത്തകർ വിഷാ​ദ​വും ഉത്‌ക​ണ്‌ഠ​യും അനുഭ​വി​ക്കുന്ന രോഗി​ക​ളു​ടെ എണ്ണത്തിൽ 73 ശതമാനം വർധന റിപ്പോർട്ടു ചെയ്‌തി​രി​ക്കു​ന്ന​തിൽ അതിശ​യ​മില്ല. ദുരി​താ​ശ്വാ​സ ക്യാമ്പു​ക​ളി​ലു​ള്ള​വ​രു​ടെ അടിയ​ന്തിര ആവശ്യ​ങ്ങ​ളിൽ വെള്ളം കഴിഞ്ഞാൽ അടുത്തത്‌ മാനസിക ആരോഗ്യ പരിപാ​ലനം ആണെന്ന്‌ സർവേകൾ കാണി​ക്കു​ന്നു.

എന്നാൽ ഭൂകമ്പ​ങ്ങളെ കുറിച്ചു പറയു​മ്പോൾ മരണം, നാശം, നിരാശ എന്നിവയെ കുറിച്ചു മാത്രമല്ല പറയാ​നു​ള്ളത്‌. പലപ്പോ​ഴും ഇത്തരം വിപത്തു​കൾ അസാധാ​ര​ണ​മായ സഹായ​മ​ന​സ്‌ക​ത​യും ആത്മത്യാ​ഗ​വും പ്രകടി​പ്പി​ക്കാൻ ആളുകളെ പ്രേരി​പ്പി​ച്ചി​ട്ടുണ്ട്‌. തകർന്ന കെട്ടി​ടങ്ങൾ പുതു​ക്കി​പ്പ​ണി​യാ​നും തകർന്ന​ടിഞ്ഞ ജീവി​തങ്ങൾ വീണ്ടും കരുപ്പി​ടി​പ്പി​ക്കാ​നും ചിലർ അക്ഷീണം പ്രയത്‌നി​ച്ചി​ട്ടുണ്ട്‌. നാം കാണാൻ പോകു​ന്നതു പോലെ അങ്ങേയറ്റം ഭീകര​മായ ദൃശ്യ​ങ്ങൾക്കു മധ്യേ​യും ഇത്തരത്തി​ലുള്ള പ്രത്യാ​ശാ കിരണങ്ങൾ പ്രകാശം ചൊരി​ഞ്ഞി​രി​ക്കു​ന്നു. (g02 3/22)

[അടിക്കു​റിപ്പ്‌]

[2, 3 പേജു​ക​ളി​ലെ ചിത്രങ്ങൾ]

രണ്ടും മൂന്നും പേജുകൾ: ഗ്രീസി​ലെ ഏഥൻസിൽ നിലം​പൊ​ത്തിയ ഒരു കെട്ടി​ട​ത്തി​നു​ള്ളിൽ തന്റെ അമ്മ കുടു​ങ്ങി​പ്പോ​യ​താ​യി മനസ്സി​ലാ​ക്കിയ പരി​ഭ്രാ​ന്ത​യായ ഒരു യുവതി. തന്റെ അഞ്ചു വയസ്സുള്ള മകൾ രക്ഷപ്പെ​ടു​ത്ത​പ്പെ​ട്ട​തിൽ സന്തോ​ഷ​ഭ​രി​ത​നായ ഒരു പിതാവ്‌

[കടപ്പാട്‌]

AP Photos/Dimitri Messinis