യുവജ​നങ്ങൾ ചോദി​ക്കു​ന്നു . . .

പരാജ​യത്തെ എനിക്ക്‌ എങ്ങനെ തരണം ചെയ്യാ​നാ​കും?

“പ്രോ​ഗ്രസ്‌ കാർഡ്‌ കിട്ടി​യ​പ്പോൾ, വീണ്ടും ആ നാലു വിഷയ​ങ്ങൾക്കു​തന്നെ ഞാൻ തോറ്റി​രി​ക്കു​ന്നു. നന്നായി ശ്രമി​ച്ച​താ​യി​രു​ന്നു, എന്നിട്ടും തോറ്റു​പോ​യി.” —ലോറെൻ, 15 വയസ്സ്‌.

“പരാജ​യത്തെ നേരി​ടുക വലിയ പ്രയാ​സം​ത​ന്നെ​യാണ്‌. നിഷേ​ധാ​ത്മ​ക​മാ​യി ചിന്തിച്ചു തുടങ്ങാൻ എളുപ്പ​മാണ്‌.” —ജെസ്സിക്ക, 19 വയസ്സ്‌.

പരാജയം. ആ വാക്കി​നെ​ക്കു​റി​ച്ചു ചിന്തി​ക്കാൻപോ​ലും നിങ്ങൾക്ക്‌ ഇഷ്ടമി​ല്ലാ​യി​രി​ക്കാം. എന്നാൽ നമു​ക്കെ​ല്ലാം ഇടയ്‌ക്കൊ​ക്കെ പരാജ​യത്തെ നേരി​ടേ​ണ്ടി​വ​രു​ന്നു എന്നത്‌ ഒരു യാഥാർഥ്യ​മാണ്‌. ഒരുപക്ഷേ പരീക്ഷ​യിൽ തോൽക്കു​മ്പോൾ, മറ്റുള്ള​വ​രു​ടെ മുമ്പിൽ നാം നാണം​കെ​ടുന്ന രീതി​യിൽ എന്തെങ്കി​ലും ചെയ്യു​ക​യോ പറയു​ക​യോ ചെയ്യു​മ്പോൾ അല്ലെങ്കിൽ നാം സ്‌നേ​ഹി​ക്കുന്ന ആരെ​യെ​ങ്കി​ലും നിരാ​ശ​പ്പെ​ടു​ത്തേ​ണ്ടി​വ​രുന്ന സന്ദർഭ​ത്തിൽ, ധാർമി​ക​ത​യ്‌ക്കു നിരക്കാത്ത ഗുരു​ത​ര​മായ ഒരു തെറ്റിൽ അകപ്പെ​ട്ടു​പോ​കുന്ന അവസര​ത്തിൽ ഒക്കെ പരാജ​യ​ത്തി​ന്റെ കയ്‌പ്‌ രുചി​ക്കാൻ നാം നിർബ​ന്ധി​ത​രാ​കു​ന്നു. അതിനു മാനസി​ക​മാ​യി നമ്മെ തകർത്തു​ക​ള​യാൻ കഴിയും.

തീർച്ച​യാ​യും, എല്ലാ മനുഷ്യർക്കും തെറ്റുകൾ അല്ലെങ്കിൽ വീഴ്‌ചകൾ സംഭവി​ക്കു​ന്നു. “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു” എന്നു ബൈബിൾ പറയുന്നു. (റോമർ 3:23) എന്നിരു​ന്നാ​ലും, വീഴ്‌ച​യു​ടെ ആഘാത​ത്തിൽനി​ന്നു കരകയ​റു​ന്നത്‌ അത്ര എളുപ്പ​മുള്ള ഒന്നല്ലെന്നു നമ്മിൽ ചിലർ കണ്ടെത്തു​ന്നു. ജെയ്‌സൻ എന്ന ഒരു കൗമാ​ര​പ്രാ​യ​ക്കാ​രൻ ഇങ്ങനെ പറയുന്നു: “എന്റെ ഏറ്റവും വലിയ വിമർശകൻ ഞാൻ തന്നെയാണ്‌. ഞാൻ എന്തെങ്കി​ലും പിശകു വരുത്തു​മ്പോൾ, ആളുകൾ ചിരി​ക്കു​മാ​യി​രി​ക്കും. എന്നാൽ സാധാ​ര​ണ​ഗ​തി​യിൽ ഉടനെ​തന്നെ അവർ അതു മറക്കുന്നു. എന്നാൽ ഞാനാ​കട്ടെ, അതി​നെ​ക്കു​റിച്ച്‌ ഓർത്തു വിഷമി​ച്ചു​കൊ​ണ്ടി​രി​ക്കും.”

സ്വന്തം പരാജ​യ​ത്തെ​ക്കു​റി​ച്ചു വിചി​ന്തനം ചെയ്യു​ന്നത്‌ അവശ്യം തെറ്റായ സംഗതി​യല്ല, പ്രത്യേ​കി​ച്ചും പിന്നീട്‌ കാര്യങ്ങൾ കൂടുതൽ മെച്ചമാ​യി ചെയ്യാൻ അതു സഹായി​ക്കു​മെ​ങ്കിൽ. എന്നിരു​ന്നാ​ലും, സ്വയം കഠിന​മാ​യി വിമർശി​ച്ചു​കൊ​ണ്ടേ​യി​രി​ക്കു​ന്നത്‌ ഹാനി​ക​ര​മാണ്‌. അതു വിപരീത ഫലങ്ങൾ ഉളവാ​ക്കു​ക​യും ചെയ്യും. “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു” എന്നു സദൃശ​വാ​ക്യ​ങ്ങൾ 12:25 പറയുന്നു.

ബൈബി​ളിൽ പറഞ്ഞി​രി​ക്കുന്ന എപ്പ​ഫ്രൊ​ദി​ത്തൊസ്‌ എന്ന വ്യക്തി​യെ​ക്കു​റി​ച്ചു ചിന്തി​ക്കുക. പൗലൊസ്‌ അപ്പൊ​സ്‌ത​ലനെ സഹായി​ക്കു​ന്ന​തിന്‌ അവനെ റോമി​ലേക്ക്‌ അയച്ചു. എന്നിരു​ന്നാ​ലും, അവി​ടെ​വെച്ച്‌ എപ്പ​ഫ്രൊ​ദി​ത്തൊസ്‌ രോഗ​ബാ​ധി​ത​നാ​യി​ത്തീർന്നു. അതു​കൊണ്ട്‌ അവനു തന്റെ നിയമനം പൂർത്തീ​ക​രി​ക്കാൻ കഴിഞ്ഞില്ല. അങ്ങനെ ഒടുവിൽ, പൗലൊ​സിന്‌ അവനെ പരിച​രി​ക്കേ​ണ്ട​താ​യി​വന്നു. പൗലൊസ്‌ അവനെ തിരിച്ച്‌ അയയ്‌ക്കാ​നുള്ള ക്രമീ​ക​രണം ചെയ്‌തു. അതുകൂ​ടാ​തെ, ഈ വിശ്വസ്‌ത മനുഷ്യൻ തീർത്തും ദുഃഖി​ത​നാ​ണെന്ന വിവര​വും പൗലൊസ്‌ പ്രാ​ദേ​ശിക സഭയെ അറിയി​ച്ചു. എന്തായി​രു​ന്നു അവനെ അലട്ടി​യി​രു​ന്നത്‌? ‘[അവൻ] ദീനമാ​യി കിടന്നു എന്നു നിങ്ങൾ കേട്ടതു​കൊ​ണ്ടാണ്‌’ എന്ന്‌ പൗലൊസ്‌ വിശദീ​ക​രി​ച്ചു. (ഫിലി​പ്പി​യർ 2:25, 26) തനിക്കു സുഖമി​ല്ലെ​ന്നും തന്നെ ഏൽപ്പിച്ച ജോലി ചെയ്യാൻ കഴിയു​ന്നി​ല്ലെ​ന്നു​മുള്ള വിവരം മറ്റുള്ളവർ അറി​ഞ്ഞെന്ന്‌ അവനു മനസ്സി​ലാ​യി. ഈ സമയം താൻ ഒരു പരാജ​യ​മാ​ണെന്ന്‌ അവനു തോന്നി​യി​രി​ക്കാം. അവൻ നിരാ​ശി​ത​നാ​യ​തിൽ ഒട്ടും അതിശ​യി​ക്കാ​നില്ല.

പരാജ​യ​ത്തി​ന്റേ​തായ നൊമ്പ​ര​പ്പെ​ടു​ത്തുന്ന വികാ​രങ്ങൾ ഒഴിവാ​ക്കാൻ എന്തെങ്കി​ലും വഴിയു​ണ്ടോ?

നിങ്ങളു​ടെ പരിമി​തി​കൾ തിരി​ച്ച​റി​യു​ക

യാഥാർഥ്യ​ബോ​ധ​ത്തോ​ടെ, എളിയ ലക്ഷ്യങ്ങൾ വെക്കു​ന്ന​താണ്‌ പരാജയ സാധ്യത കുറയ്‌ക്കാ​നുള്ള ഒരു മാർഗം. “താഴ്‌മ​യു​ള്ള​വ​രു​ടെ [“വിനയ​മു​ള്ള​വ​രു​ടെ,” NW] പക്കലോ ജ്ഞാനമുണ്ട്‌” എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 11:2; 16:18) വിനയം അഥവാ എളിമ ഉള്ള ഒരു വ്യക്തി തന്റെ പരിമി​തി​ക​ളെ​ക്കു​റി​ച്ചു ബോധ​വാൻ ആയിരി​ക്കും. നിങ്ങളു​ടെ കഴിവു​ക​ളും പ്രാപ്‌തി​ക​ളും മെച്ച​പ്പെ​ടാൻ ഇടയാ​ക്കു​ന്ന​വി​ധം നിങ്ങ​ളെ​ത്തന്നെ ഇടയ്‌ക്കൊ​ക്കെ പരീക്ഷി​ക്കു​ന്നത്‌ നല്ലതു​ത​ന്നെ​യാണ്‌. എങ്കിലും യാഥാർഥ്യ​ബോ​ധ​മു​ള്ളവർ ആയിരി​ക്കുക. ഒരുപക്ഷേ ഒരു ഗണിത​ശാ​സ്‌ത്ര വിദഗ്‌ധന്റെ പ്രാപ്‌തി​യോ ഒരു കായി​ക​താ​ര​ത്തി​ന്റെ ചലനക്ഷ​മ​ത​യോ ഏകോ​പ​ന​ശേ​ഷി​യോ നിങ്ങൾക്ക്‌ ഉണ്ടായി​രി​ക്കില്ല. യുവാ​വായ മൈക്കിൾ ഇങ്ങനെ സമ്മതി​ക്കു​ന്നു: “സ്‌പോർട്‌സിൽ ഞാൻ അത്ര മിടു​ക്ക​ന​ല്ലെന്ന്‌ എനിക്ക​റി​യാം. അതു​കൊണ്ട്‌ ഞാൻ കളിക​ളി​ലൊ​ക്കെ പങ്കെടു​ക്കാ​റു​ണ്ടെ​ങ്കി​ലും എന്റെ കഴിവി​ന​തീ​ത​മായ കാര്യങ്ങൾ ചെയ്യാൻ ശ്രമി​ച്ചു​കൊണ്ട്‌ സ്വയം പരാജയം വരുത്തി​വെ​ക്കു​ന്നില്ല.” അവൻ വിശദീ​ക​രി​ക്കു​ന്നു: “നിങ്ങൾക്കു നേടി​യെ​ടു​ക്കാൻ കഴിയുന്ന വിധത്തി​ലുള്ള ലക്ഷ്യങ്ങൾ വേണം വെക്കാൻ.”

പതിന്നാ​ലു​കാ​രി​യായ ഇവോന്റെ മനോ​ഭാ​വം നോക്കുക. മസ്‌തിഷ്‌ക നാഡീ​സ്‌തം​ഭ​ന​വും സ്‌പൈന ബൈഫി​ഡാ എന്ന തകരാ​റും നിമിത്തം ദുരിതം അനുഭ​വി​ക്കുന്ന അവൾ പറയുന്നു: “മറ്റുള്ള​വ​രെ​പ്പോ​ലെ നടക്കാ​നോ ഓടാ​നോ നൃത്തം​ചെ​യ്യാ​നോ ഒന്നും എനിക്കു കഴിയില്ല, മറ്റാളു​കൾക്കു ചെയ്യാൻ കഴിയുന്ന കാര്യങ്ങൾ ചെയ്യാൻ പറ്റുന്നി​ല്ല​ല്ലോ​യെന്ന്‌ ഓർക്കു​മ്പോൾ എനിക്കു സങ്കടവും നിരാ​ശ​യും തോന്നാ​റുണ്ട്‌. മിക്കവർക്കും അതു മനസ്സി​ലാ​ക്കാൻ കഴിയാ​റില്ല. എങ്കിലും, എനിക്ക്‌ അതിനെ തരണം ചെയ്യാൻ കഴിയു​ന്നുണ്ട്‌.” തന്നെ​പ്പോ​ലെ നിരാശ അനുഭ​വി​ക്കു​ന്ന​വ​രോട്‌ അവൾക്ക്‌ എന്താണു പറയാ​നു​ള്ളത്‌? “നിങ്ങളു​ടെ ശ്രമം നിറു​ത്തി​ക്ക​ള​യ​രുത്‌. ശ്രമി​ച്ചു​കൊ​ണ്ടേ​യി​രി​ക്കണം. പരാജ​യ​പ്പെ​ട്ടാ​ലും ശരിയാ​കു​ന്നി​ല്ലെന്നു തോന്നി​യാ​ലും പിന്മാ​റാ​തി​രി​ക്കുക. നിങ്ങൾക്ക്‌ എത്ര​ത്തോ​ളം നന്നായി ചെയ്യാ​നാ​കു​മോ അതു ചെയ്‌തു​കൊ​ണ്ടി​രി​ക്കുക.”

അതേസ​മ​യം, നിങ്ങ​ളെ​ത്തന്നെ മറ്റുള്ള​വ​രു​മാ​യി അന്യാ​യ​മാ​യി താരത​മ്യം ചെയ്‌ത്‌ സ്വയം പീഡി​പ്പി​ക്കാ​തി​രി​ക്കുക. 15 വയസ്സുള്ള ആൻഡ്രൂ പറയുന്നു: “മറ്റാ​രെ​ങ്കി​ലു​മാ​യി സ്വയം താരത​മ്യ​പ്പെ​ടു​ത്തു​ന്നത്‌ ഞാൻ ഒഴിവാ​ക്കാൻ ശ്രമി​ക്കു​ന്നു. കാരണം, നമു​ക്കെ​ല്ലാ​വർക്കും വ്യത്യസ്‌ത കഴിവു​ക​ളും പ്രാപ്‌തി​ക​ളും ആണ്‌ ഉള്ളത്‌.” ആൻഡ്രൂ​വി​ന്റെ വാക്കു​ക​ളിൽ പ്രതി​ഫ​ലി​ക്കു​ന്നത്‌ ബൈബി​ളിൽ ഗലാത്യർ 6:4-ൽ (NW) കാണുന്ന ആശയമാണ്‌. അവിടെ നാം ഇങ്ങനെ വായി​ക്കു​ന്നു: “ഓരോ​രു​ത്ത​നും തന്റെ സ്വന്തം പ്രവൃത്തി എന്തെന്നു തെളി​യി​ക്കട്ടെ, അപ്പോൾ അവനു തന്നെക്കു​റി​ച്ചു​തന്നെ ആഹ്ലാദ​ത്തി​നു കാരണ​മു​ണ്ടാ​യി​രി​ക്കും, മറ്റേയാ​ളി​നോ​ടുള്ള താരത​മ്യ​ത്തി​ലല്ല.”

മറ്റുള്ളവർ നിങ്ങ​ളെ​ക്കു​റിച്ച്‌ ഉയർന്ന പ്രതീ​ക്ഷകൾ വെച്ചു​പു​ലർത്തു​മ്പോൾ

എന്നാൽ ചില അവസര​ങ്ങ​ളിൽ, ഉയർന്ന പ്രതീ​ക്ഷകൾ നിങ്ങളു​ടെ​മേൽ അടി​ച്ചേൽപ്പി​ക്ക​പ്പെ​ടു​ന്നു. മാതാ​പി​താ​ക്ക​ളോ അധ്യാ​പ​ക​രോ അല്ലെങ്കിൽ മറ്റാ​രെ​ങ്കി​ലു​മോ ആയിരി​ക്കാം അങ്ങനെ ചെയ്യു​ന്നത്‌. അവരെ പ്രീതി​പ്പെ​ടു​ത്തു​ന്ന​വി​ധം അവരുടെ പ്രതീ​ക്ഷ​യ്‌ക്കൊത്ത്‌ ഉയരാൻ, എത്ര ശ്രമി​ച്ചി​ട്ടും നിങ്ങൾക്കു കഴിയാ​തെ​വ​ന്നേ​ക്കാം. നിങ്ങളെ അസ്വസ്ഥ​രാ​ക്കു​ക​യോ ഒരുപക്ഷേ, തകർത്തു​ക​ള​യുക പോലു​മോ ചെയ്യുന്ന വിധത്തി​ലുള്ള വാക്കു​ക​ളി​ലൂ​ടെ അവർ തങ്ങളുടെ വിഷമം പ്രകടി​പ്പി​ച്ചെ​ന്നും വരാം, ഇതു കാര്യങ്ങൾ കൂടുതൽ വഷളാ​ക്കു​ക​യും നിങ്ങളെ കൂടുതൽ നിരാ​ശ​യി​ലേക്കു തള്ളിവി​ടു​ക​യും ചെയ്യുന്നു. (ഇയ്യോബ്‌ 19:2) നിങ്ങൾ കണ്ടെത്തി​യേ​ക്കാ​വു​ന്ന​തു​പോ​ലെ, മാതാ​പി​താ​ക്ക​ളും മറ്റുള്ള​വ​രും മനഃപൂർവം നിങ്ങളെ മുറി​പ്പെ​ടു​ത്താൻ ശ്രമി​ക്കു​ന്നി​ല്ലാ​യി​രി​ക്കും. ജെസ്സിക്ക ഇങ്ങനെ അഭി​പ്രാ​യ​പ്പെ​ടു​ന്നു: “പലപ്പോ​ഴും, അവരുടെ വാക്കുകൾ നമ്മളെ എത്ര​ത്തോ​ളം ബാധി​ക്കു​ന്നുണ്ട്‌ എന്നത്‌ അവർ തിരി​ച്ച​റി​യു​ന്നു​പോ​ലു​മില്ല. ചില​പ്പോൾ അതു വെറും ഒരു തെറ്റി​ദ്ധാ​രണ മാത്ര​മാ​യി​രി​ക്കും.”

നേരെ​മ​റിച്ച്‌, നിങ്ങൾ കാണാത്ത നിങ്ങളി​ലെ ചില നല്ല വശങ്ങൾ അവർ കാണു​ന്നു​ണ്ടാ​യി​രി​ക്കു​മോ? ഉദാഹ​ര​ണ​ത്തിന്‌, ഒരുപക്ഷേ നിങ്ങളിൽത്ത​ന്നെ​യുള്ള, എന്നാൽ നിങ്ങൾ വിലകു​റ​ച്ചു​കാ​ണുന്ന കഴിവു​കൾ ഉണ്ടായി​രി​ക്കും. അവരുടെ നിർദേ​ശങ്ങൾ വെറുതെ തള്ളിക്ക​ള​യു​ന്ന​തി​നു പകരം, ‘പ്രബോ​ധനം കേൾക്കു​വിൻ’ എന്ന ബുദ്ധി​യു​പ​ദേശം പിൻപ​റ്റു​ന്നതു ജ്ഞാനമാ​യി​രി​ക്കും. (സദൃശ​വാ​ക്യ​ങ്ങൾ 8:33) മൈക്കിൾ വിശദീ​ക​രി​ക്കു​ന്നു: “അതു നിങ്ങളു​ടെ​തന്നെ നന്മയ്‌ക്കു​വേ​ണ്ടി​യാണ്‌. നിങ്ങൾ മെച്ച​പ്പെ​ടാ​നും കാര്യങ്ങൾ കൂടുതൽ നന്നായി ചെയ്‌തു കാണാ​നും അവർ ആഗ്രഹി​ക്കു​ന്നു. അത്‌ ഒരു വെല്ലു​വി​ളി​യാ​യി ഏറ്റെടു​ക്കുക.”

എന്നാൽ, മാതാ​പി​താ​ക്ക​ളു​ടെ​യും മറ്റുള്ള​വ​രു​ടെ​യും ആവശ്യങ്ങൾ തികച്ചും അന്യാ​യ​മാ​ണെ​ന്നും, അതു നിങ്ങളെ പരാജ​യ​ത്തി​ലേക്കു തള്ളിവി​ടു​ക​യേ​യു​ള്ളു​വെ​ന്നും തോന്നു​ന്നെ​ങ്കി​ലോ? ആദര​വോ​ടെ, അവരു​മാ​യി കാര്യങ്ങൾ തുറന്നു സംസാ​രി​ക്കു​ന്നത്‌ ജ്ഞാനമാ​യി​രി​ക്കും. നിങ്ങൾക്ക്‌ അതി​നെ​ക്കു​റിച്ച്‌ എന്താണു തോന്നു​ന്ന​തെന്ന്‌ അവരെ അറിയി​ക്കുക. നിങ്ങൾക്കും അവർക്കും ഒരുമി​ച്ചി​രുന്ന്‌ കൂടുതൽ പ്രാ​യോ​ഗി​ക​മായ ചില ലക്ഷ്യങ്ങൾ തിര​ഞ്ഞെ​ടു​ക്കാൻ കഴി​ഞ്ഞേ​ക്കും.

ആത്മീയ കാര്യ​ങ്ങ​ളി​ലെ “പരാജയം”

യഹോ​വ​യു​ടെ സാക്ഷി​ക​ളു​ടെ ഇടയി​ലുള്ള യുവജ​ന​ങ്ങൾക്ക്‌ ദൈവ​ശു​ശ്രൂ​ഷ​ക​രെന്ന നിലയിൽ വെല്ലു​വി​ളി​നി​റഞ്ഞ ഒരു നിയമനം നിർവ​ഹി​ക്കാ​നുണ്ട്‌. (2 തിമൊ​ഥെ​യൊസ്‌ 4:5) നിങ്ങൾ ഒരു യുവ ക്രിസ്‌ത്യാ​നി ആണെങ്കിൽ, ചില സമയങ്ങ​ളിൽ നിങ്ങൾക്കു കാര്യങ്ങൾ നന്നായി ചെയ്യാ​നുള്ള പ്രാപ്‌തി ഇല്ലെന്നു തോന്നി​യേ​ക്കാം. ഒരുപക്ഷേ യോഗ​ങ്ങ​ളിൽ അഭി​പ്രാ​യം പറയു​ന്ന​തിൽ കൂടുതൽ മെച്ച​പ്പെ​ടാ​നു​ണ്ടെന്നു തോന്നു​ക​യോ അല്ലെങ്കിൽ ബൈബിൾ സന്ദേശം മറ്റുള്ള​വർക്കു വിശദീ​ക​രി​ച്ചു​കൊ​ടു​ക്കാൻ പ്രയാ​സ​മു​ള്ള​താ​യി കണ്ടെത്തു​ക​യോ ചെയ്‌തേ​ക്കാം. ഉദാഹ​ര​ണ​ത്തിന്‌, ജെസ്സിക്ക കൗമാ​ര​പ്രാ​യ​ത്തി​ലുള്ള മറ്റൊരു പെൺകു​ട്ടി​യു​മൊ​ത്തു ബൈബി​ള​ധ്യ​യനം നടത്തി​യി​രു​ന്നു. കുറെ നാളുകൾ അവളുടെ ബൈബിൾ വിദ്യാർഥി​നി നല്ല പുരോ​ഗതി വരുത്തി​ക്കൊ​ണ്ടി​രു​ന്നു. എന്നാൽ പെട്ടെന്ന്‌ ഒരിക്കൽ, ദൈവത്തെ സേവി​ക്കാ​നുള്ള തീരു​മാ​ന​ത്തിൽനിന്ന്‌ അവൾ പിന്മാറി. ജെസ്സിക്ക ഓർമി​ക്കു​ന്നു, “[പഠിപ്പി​ക്കുന്ന കാര്യ​ത്തിൽ] ഞാൻ തീർത്തും ഒരു പരാജ​യ​മാ​ണെന്നു തോന്നിയ നിമി​ഷ​മാ​യി​രു​ന്നു അത്‌.”

അത്തരം വികാ​ര​ങ്ങളെ ജെസ്സിക്ക എങ്ങനെ​യാ​ണു തരണം ചെയ്‌തത്‌? ഒന്നാമ​താ​യി, തന്റെ വിദ്യാർഥി​നി തന്നെയല്ല മറിച്ച്‌ ദൈവ​ത്തെ​യാ​ണു തിരസ്‌ക​രി​ച്ച​തെന്ന്‌ അവൾ തിരി​ച്ച​റി​ഞ്ഞു. ബൈബി​ളി​ലുള്ള പത്രൊ​സി​ന്റെ ദൃഷ്ടാ​ന്ത​ത്തെ​ക്കു​റി​ച്ചു ധ്യാനി​ച്ച​തും അവൾക്കു സഹായ​മാ​യി. ദൈവ​ഭ​യ​മുള്ള, അതേസ​മ​യം​തന്നെ ധാരാളം കുറവു​കൾ ഉണ്ടായി​രുന്ന ഒരു വ്യക്തി​യാ​യി​രു​ന്നു പത്രൊസ്‌. അവൾ ഇങ്ങനെ വിശദീ​ക​രി​ക്കു​ന്നു, “ബൈബിൾ പറയു​ന്ന​ത​നു​സ​രിച്ച്‌, പത്രൊസ്‌ തന്റെ ബലഹീ​ന​ത​കളെ തരണം​ചെ​യ്‌തു. രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കാൻ യഹോവ അവനെ പല വിധത്തിൽ ഉപയോ​ഗി​ക്കു​ക​യും ചെയ്‌തു.” (ലൂക്കൊസ്‌ 22:31-34, 60-62) പഠിപ്പി​ക്കാ​നുള്ള നിങ്ങളു​ടെ പ്രാപ്‌തി​കൾ മെച്ച​പ്പെ​ടേ​ണ്ട​തു​ണ്ടെന്നു നിങ്ങൾക്കു തോന്നു​ന്നെ​ങ്കിൽ, അതിനാ​യി കൂടുതൽ ശ്രമം ചെയ്യരു​തോ? (1 തിമൊ​ഥെ​യൊസ്‌ 4:13) നിങ്ങളെ പഠിപ്പി​ക്കാ​നും നിങ്ങൾക്കു പരിശീ​ലനം നൽകാ​നും പ്രാപ്‌ത​രായ, സഭയിലെ പക്വത​യുള്ള വ്യക്തി​ക​ളു​ടെ സഹായം പ്രയോ​ജ​ന​പ്പെ​ടു​ത്തുക.

ഒരുപക്ഷേ, വീടു​തോ​റു​മുള്ള പ്രവർത്തനം ആയിരി​ക്കാം നിങ്ങൾക്ക്‌ പ്രത്യേ​കി​ച്ചും വെല്ലു​വി​ളി​യാ​യി തോന്നു​ന്നത്‌. ജെയ്‌സൻ ഇങ്ങനെ സമ്മതി​ക്കു​ന്നു, “ആളുകൾ എന്റെ നേരെ വാതിൽ അടയ്‌ക്കുന്ന ഓരോ തവണയും അത്‌ എന്റെ ഭാഗത്തെ ചെറിയ ഓരോ പരാജയം പോ​ലെ​യാണ്‌ എനിക്കു തോന്നു​ന്നത്‌.” അതിനെ അവൻ എങ്ങനെ​യാ​ണു തരണം ചെയ്യു​ന്നത്‌? അവൻ പറയുന്നു: “യഥാർഥ​ത്തിൽ ഞാൻ പരാജ​യ​പ്പെ​ട്ടി​ട്ടി​ല്ലെന്ന കാര്യം ഞാൻ ഓർമി​ക്കേ​ണ്ടി​യി​രി​ക്കു​ന്നു.” അതേ, പ്രസം​ഗി​ക്കാ​നുള്ള ദൈവ​കൽപ്പന നിറ​വേ​റ്റു​ന്ന​തിൽ അവൻ വിജയി​ച്ചി​രി​ക്കു​ന്നു! ബൈബിൾ സന്ദേശത്തെ ആളുകൾ നിരസി​ക്കു​ന്നതു കാണു​ന്നത്‌ നിരാ​ശാ​ജ​ന​ക​മാ​ണെ​ങ്കി​ലും, എല്ലാവ​രും അങ്ങനെ ചെയ്യു​ന്നില്ല. ജെയ്‌സൻ പറയുന്നു, “ശ്രദ്ധി​ക്കുന്ന ഒരാളെ കണ്ടെത്തു​മ്പോൾ എന്റെ ശ്രമത്തി​നെ​ല്ലാം ഫലം ലഭിച്ച​താ​യി തോന്നും.”

ഗുരു​ത​ര​മായ തെറ്റുകൾ

ഗൗരവ​മായ ഒരു തെറ്റിൽ അല്ലെങ്കിൽ ഗുരു​ത​ര​മായ ഒരു പാപത്തിൽത്തന്നെ അകപ്പെ​ടു​ന്നെ​ങ്കിൽ, നിങ്ങൾക്ക്‌ എന്തു​ചെ​യ്യാ​നാ​കും? 19 വയസ്സുള്ള ആന്ന അത്തരത്തി​ലുള്ള ഒരു പിഴവു വരുത്തി.a അവൾ സമ്മതി​ക്കു​ന്നു, “എന്റെ സഭയി​ലു​ള്ള​വ​രെ​യും കുടും​ബ​ത്തെ​യും ഏറ്റവും പ്രധാ​ന​മാ​യി യഹോ​വ​യാം ദൈവ​ത്തെ​യും ഞാൻ നിരാ​ശ​പ്പെ​ടു​ത്തി. അവരുടെ പ്രതീ​ക്ഷ​യ്‌ക്കൊ​ത്തു പ്രവർത്തി​ക്കു​ന്ന​തിൽ ഞാൻ പരാജ​യ​പ്പെട്ടു.” ഗുരു​ത​ര​മായ തെറ്റു​ക​ളിൽനി​ന്നു കരകയ​റാൻ നിങ്ങൾ അനുതാ​പം പ്രകട​മാ​ക്കു​ക​യും സഭയിലെ ആത്മീയ​മാ​യി പ്രായ​മുള്ള പുരു​ഷ​ന്മാ​രു​ടെ അഥവാ മൂപ്പന്മാ​രു​ടെ സഹായം തേടു​ക​യും ചെയ്യേ​ണ്ട​താണ്‌. (യാക്കോബ്‌ 5:14-16) ഒരു മൂപ്പൻ പറഞ്ഞ സഹായ​ക​മായ വാക്കുകൾ ആന്ന ഓർമി​ക്കു​ന്നു: “ദാവീദ്‌ രാജാവ്‌ പല തെറ്റുകൾ ചെയ്‌തി​ട്ടും അതെല്ലാം അവനോ​ടു ക്ഷമിക്കാൻ യഹോവ സന്നദ്ധനാ​യി​രു​ന്നെ​ന്നും ദാവീ​ദിന്‌ ഒടുവിൽ ആ അവസ്ഥയിൽനി​ന്നു കരകയ​റാൻ കഴി​ഞ്ഞെ​ന്നും അദ്ദേഹം പറഞ്ഞു. അതെന്നെ വളരെ​യ​ധി​കം സഹായി​ച്ചു.” (2 ശമൂവേൽ 12:9, 13; സങ്കീർത്തനം 32:5) കൂടാതെ ആത്മീയ​മാ​യി നിങ്ങളെ ബലപ്പെ​ടു​ത്തുന്ന കാര്യ​ങ്ങ​ളെ​ല്ലാം നിങ്ങൾ ചെയ്യേ​ണ്ട​താണ്‌. ആന്ന പറയുന്നു, “സങ്കീർത്തന പുസ്‌തകം ഞാൻ വീണ്ടും വീണ്ടും വായിച്ചു. അതോ​ടൊ​പ്പം എനിക്കു പ്രോ​ത്സാ​ഹനം നൽകിയ തിരു​വെ​ഴു​ത്തു​കൾ ഒരു പുസ്‌ത​ക​ത്തിൽ എഴുതി​വെ​ക്കു​ക​യും ചെയ്യുന്നു.” കാല​ക്ര​മ​ത്തിൽ, ഒരാൾക്കു ഗുരു​ത​ര​മായ ഒരു വീഴ്‌ച​യിൽനി​ന്നു​പോ​ലും കരകയ​റാൻ കഴിയും. സദൃശ​വാ​ക്യ​ങ്ങൾ 24:16 പറയുന്നു: “നീതി​മാൻ ഏഴു പ്രാവ​ശ്യം വീണാ​ലും എഴു​ന്നേ​ല്‌ക്കും.”

പരാജ​യത്തെ അതിജീ​വി​ക്കൽ

താരത​മ്യേന ചെറിയ പരാജ​യ​ങ്ങൾക്കു​പോ​ലും നിങ്ങളെ വിഷമി​പ്പി​ക്കാൻ കഴിയും. എന്നാൽ അവയെ അതിജീ​വി​ക്കു​ന്ന​തിന്‌ എന്തു നിങ്ങളെ സഹായി​ച്ചേ​ക്കാം? ഒന്നാമ​താ​യി, നിങ്ങളു​ടെ തെറ്റിനെ യാഥാർഥ്യ​ബോ​ധ​ത്തോ​ടെ നേരി​ടുക. മൈക്കിൾ നിർദേ​ശി​ക്കു​ന്നു: “നിങ്ങൾ ഒരു തികഞ്ഞ പരാജ​യ​മാ​ണെന്നു ചിന്തി​ക്കു​ന്ന​തി​നു പകരം എവി​ടെ​യാ​ണു നിങ്ങൾക്കു പിഴച്ച​തെ​ന്നും എന്തായി​രു​ന്നു അതിനു കാരണ​മെ​ന്നും കൃത്യ​മാ​യി കണ്ടെത്താൻ ശ്രമി​ക്കുക. അടുത്ത പ്രാവ​ശ്യം കൂടുതൽ മെച്ചമാ​യി കാര്യങ്ങൾ ചെയ്യാൻ അതു നിങ്ങളെ സഹായി​ക്കും.”

കൂടാതെ, നിങ്ങൾക്കു​തന്നെ അമിത പ്രാധാ​ന്യം കൽപ്പി​ക്കാ​തി​രി​ക്കുക. “ചിരി​പ്പാൻ ഒരു കാലം” ഉണ്ട്‌, അതിൽ നിങ്ങളു​ടെ പരാജ​യ​ങ്ങ​ളിൽ ചിരി​ക്കു​ന്ന​തും ഉൾപ്പെ​ട്ടേ​ക്കാം. (സഭാ​പ്ര​സം​ഗി 3:4) നിരു​ത്സാ​ഹം തോന്നു​ന്നെ​ങ്കിൽ, നിങ്ങൾക്കു നന്നായി ചെയ്യാൻ കഴിയുന്ന, ഹോബി​യോ സ്‌പോർട്‌സോ പോലുള്ള എന്തി​ലേ​ക്കെ​ങ്കി​ലും ശ്രദ്ധ തിരി​ക്കുക. നിങ്ങളു​ടെ വിശ്വാ​സം മറ്റുള്ള​വ​രു​മാ​യി പങ്കു​വെ​ക്കു​ന്ന​തു​പോ​ലുള്ള “സൽപ്ര​വൃ​ത്തി​ക​ളിൽ സമ്പന്നരാ​യി”രിക്കു​ന്നത്‌ നിങ്ങളു​ടെ ആത്മവി​ശ്വാ​സം വർധി​പ്പി​ക്കും.—1 തിമൊ​ഥെ​യൊസ്‌ 6:18.

അവസാ​ന​മാ​യി, “യഹോവ കരുണ​യും കൃപയും നിറഞ്ഞവൻ ആകുന്നു . . . അവൻ എല്ലായ്‌പോ​ഴും ഭർത്സി​ക്ക​യില്ല” അല്ലെങ്കിൽ കുറ്റം കണ്ടുപി​ടി​ച്ചു​കൊ​ണ്ടി​രി​ക്കു​ക​യില്ല എന്ന കാര്യം ഓർമി​ക്കുക. (സങ്കീർത്തനം 103:8, 9) ജെസ്സിക്ക പറയുന്നു, “യഹോ​വ​യാം ദൈവ​ത്തോട്‌ ഞാൻ എത്രയ​ധി​കം അടുത്തു ചെല്ലു​ന്നു​വോ, കടന്നു​പോ​കേ​ണ്ടി​വ​രുന്ന ഏതൊരു സാഹച​ര്യ​ത്തി​ലും യഹോവ എന്നെ സഹായി​ക്കു​മെ​ന്നും അവന്റെ പിന്തുണ എനിക്ക്‌ ഉണ്ടായി​രി​ക്കു​മെ​ന്നു​മുള്ള എന്റെ ബോധ്യം അത്രയ​ധി​കം വർധി​ക്കു​ന്നു.” അതേ, നിങ്ങൾക്കു പരാജ​യങ്ങൾ സംഭവി​ക്കു​മ്പോ​ഴും, നിങ്ങളു​ടെ സ്വർഗീയ പിതാവ്‌ നിങ്ങളെ വിലയു​ള്ള​വ​രാ​യി കാണു​ന്നു​വെന്ന അറിവ്‌ ആശ്വാ​സ​ദാ​യ​ക​മാണ്‌. (g04 11/22)

[അടിക്കു​റിപ്പ്‌]

[28-ാം പേജിലെ ചിത്രം]

മറ്റുള്ളവർ നിങ്ങ​ളെ​ക്കു​റിച്ച്‌ അമിത​മായ പ്രതീ​ക്ഷകൾ വെച്ചു​പു​ലർത്തു​ന്ന​താ​യി തോന്നു​ന്നെ​ങ്കിൽ, ആദര​വോ​ടെ അവരു​മാ​യി തുറന്നു സംസാ​രി​ക്കു​ക

[29-ാം പേജിലെ ചിത്രം]

നിങ്ങൾക്കു നന്നായി ചെയ്യാൻ കഴിയുന്ന കാര്യ​ങ്ങ​ളിൽ മുഴു​കു​ന്നത്‌, പരാജ​യ​ത്തി​ന്റേ​തായ വികാ​ര​ങ്ങളെ ഇല്ലാതാ​ക്കാൻ സഹായി​ക്കും