യുവജ​നങ്ങൾ ചോദി​ക്കു​ന്നു . . .

ഞങ്ങളുടെ വിവാഹം എങ്ങനെ നടത്തണം?

“ബന്ധുമി​ത്രാ​ദി​ക​ളിൽ എല്ലാവ​രെ​യു​മൊ​ന്നും അറിയി​ക്കാ​തെ രഹസ്യ​മാ​യി ഒരു സ്വകാര്യ ചടങ്ങിൽവെച്ച്‌ വിവാ​ഹി​ത​രാ​കു​ന്ന​തി​നെ​ക്കു​റിച്ച്‌ ആദ്യം പറഞ്ഞത്‌ ഞാൻ വിവാഹം കഴിക്കാൻ നിശ്ചയി​ച്ചി​രുന്ന സിൻഡി​യാണ്‌. അതേപ്പറ്റി ചർച്ച ചെയ്‌തു കഴിഞ്ഞ​പ്പോൾ, അങ്ങനെ ചെയ്യു​ക​യാ​ണെ​ങ്കിൽ അധികം സമയമോ അധ്വാ​ന​മോ വേണ്ടി​വ​രി​ല്ലെ​ന്നും പിരി​മു​റു​ക്കം കുറവാ​യി​രി​ക്കു​മെ​ന്നും ഉള്ള അഭി​പ്രാ​യ​ത്തിൽ ഞങ്ങൾ ഇരുവ​രും എത്തി​ച്ചേർന്നു.”—അലൻ.a

നിങ്ങൾ വിവാ​ഹ​പ്രാ​യ​ത്തിൽ എത്തുക​യും ആരെ​യെ​ങ്കി​ലും പ്രണയി​ക്കു​ക​യും ചെയ്യു​ക​യാ​ണെ​ങ്കിൽ രഹസ്യ​മാ​യി വിവാഹം കഴിക്കുക എന്നത്‌ ആകർഷ​ക​മാ​യി തോന്നി​യേ​ക്കാം. ചില സാഹച​ര്യ​ങ്ങ​ളിൽ പരസ്‌പരം ഇഷ്ടപ്പെ​ടുന്ന രണ്ടുപേർ തങ്ങളുടെ മാതാ​പി​താ​ക്ക​ളോ​ടു​പോ​ലും പറയാതെ ഒളി​ച്ചോ​ടി​പ്പോ​യി വിവാഹം കഴിക്കാൻ പ്രലോ​ഭി​ത​രാ​യേ​ക്കാം. എന്താണു ചെയ്യേ​ണ്ടത്‌ എന്നു തീരു​മാ​നി​ക്കാൻ ഏതു തത്ത്വങ്ങൾക്ക്‌ നിങ്ങളെ സഹായി​ക്കാ​നാ​കും?

പാരമ്പ​ര്യ​ത്തി​നാ​ണോ മുൻതൂ​ക്കം?

വിവാഹം മിക്ക സംസ്‌കാ​ര​ങ്ങ​ളി​ലും ഉള്ള ഒന്നാണ്‌. എങ്കിലും ആ ചടങ്ങി​നോ​ടു ബന്ധപ്പെട്ട ആചാരങ്ങൾ സംസ്‌കാ​ര​ങ്ങൾതോ​റും വ്യത്യാ​സ​പ്പെ​ട്ടി​രി​ക്കു​ന്നു. നാട്ടു​ന​ടപ്പ്‌ അനുശാ​സി​ക്കുന്ന എല്ലാ കാര്യ​ങ്ങ​ളും പിൻപ​റ്റി​ക്കൊ​ണ്ടു​ള്ള​താ​യി​രി​ക്കു​മോ തങ്ങളുടെ വിവാഹം എന്നതിനല്ല വിവാഹം കഴിക്കാൻ ആഗ്രഹി​ക്കുന്ന ക്രിസ്‌ത്യാ​നി​കൾ മുൻതൂ​ക്കം നൽകു​ന്നത്‌. (റോമർ 12:2) മറിച്ച്‌, യഹോ​വ​യാം ദൈവ​ത്തിന്‌ മഹത്ത്വം കൈവ​രു​ത്തുന്ന രീതി​യിൽ കോർട്ടി​ങ്ങും വിവാ​ഹ​വും നടത്തുക എന്നതി​ലാണ്‌ അവരുടെ മുഖ്യ താത്‌പ​ര്യം.—1 കൊരി​ന്ത്യർ 10:31.

വിവാഹം മാന്യ​മായ ഒരു ക്രമീ​ക​ര​ണ​മാ​യ​തി​നാൽ വിവാഹം കഴിക്കാൻ ആഗ്രഹി​ക്കുന്ന മിക്കവ​രും അതു രഹസ്യ​മാ​യി വെക്കാൻ താത്‌പ​ര്യ​പ്പെ​ടു​ന്നില്ല. പല നാടു​ക​ളി​ലും വിവാഹം കഴിക്കാൻ ആഗ്രഹി​ക്കുന്ന യഹോ​വ​യു​ടെ സാക്ഷികൾ സാധാ​ര​ണ​മാ​യി തങ്ങളുടെ പ്രാ​ദേ​ശിക രാജ്യ​ഹാ​ളി​ലെ ഒരു ചടങ്ങിൽവെച്ച്‌ വിവാ​ഹി​ത​രാ​കാ​നുള്ള ക്രമീ​ക​രണം ചെയ്യുന്നു.b അതിനു​ശേഷം, കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടു​മൊ​പ്പം ഒരു വിരു​ന്നിൽ പങ്കുപ​റ്റു​ന്ന​തി​നും ഒരുപക്ഷേ അൽപ്പം വിനോ​ദ​ത്തിൽ ഏർപ്പെ​ടു​ന്ന​തി​നും വേണ്ടി ഒരു സത്‌കാ​രം നടത്താൻ അവർ ആഗ്രഹി​ച്ചേ​ക്കാം. ഇത്തരം ക്രമീ​ക​ര​ണങ്ങൾ വലുതും സങ്കീർണ​വും ആയിരി​ക്കേ​ണ്ട​തില്ല. എന്നിരു​ന്നാ​ലും വിവാ​ഹ​വും സത്‌കാ​ര​വും സംഘടി​പ്പി​ക്കു​ന്നത്‌ സമ്മർദ​പൂ​രി​ത​വും ഗണ്യമായ പണച്ചെ​ലവ്‌ ഉൾപ്പെ​ടു​ന്ന​തു​മാ​ണെന്നു സമ്മതി​ക്കേ​ണ്ടി​യി​രി​ക്കു​ന്നു. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ വിവാഹ സത്‌കാ​ര​ങ്ങൾക്ക്‌ പലപ്പോ​ഴും ആയിര​ക്ക​ണ​ക്കി​നു ഡോളർ വേണ്ടി​വ​രാ​റുണ്ട്‌.

പിരി​മു​റു​ക്ക​വും ചെലവും കുറയ്‌ക്കാ​നുള്ള ശ്രമത്തിൽ, ചിലർ കുറച്ചു​കൂ​ടെ ലളിത​മായ ഒരു മാർഗം തിര​ഞ്ഞെ​ടു​ത്തി​രി​ക്കു​ന്നു. “ഞങ്ങൾ പരമ്പരാ​ഗ​ത​മായ രീതി​യിൽ വിവാഹം കഴിക്കാൻ ഉദ്ദേശി​ക്കു​ന്നി​ല്ലെന്ന്‌ മാതാ​പി​താ​ക്ക​ളോ​ടു പറഞ്ഞു, കാരണം ഞങ്ങളുടെ വിവാഹ ചടങ്ങ്‌ ലളിത​വും ചെലവു ചുരു​ങ്ങി​യ​തു​മാ​യി​രി​ക്കാ​നാ​ണു ഞങ്ങൾ ആഗ്രഹി​ച്ചത്‌. ഞങ്ങളുടെ സാഹച​ര്യം മനസ്സി​ലാ​ക്കു​ന്ന​താ​യി എന്റെ മാതാ​പി​താ​ക്കൾ പറയു​ക​യും ഞങ്ങളോ​ടു സമാനു​ഭാ​വം പ്രകടി​പ്പി​ക്കു​ക​യും ചെയ്‌തു. അവർ ഞങ്ങളെ വളരെ​യ​ധി​കം പിന്തു​ണച്ചു,” സിൻഡി പറയുന്നു. നേരെ മറിച്ച്‌, നേരത്തേ പരാമർശിച്ച അലൻ, സിൻഡി​യു​ടെ പ്രതി​ശ്രുത വരൻ, വിവാഹ സങ്കൽപ്പ​ങ്ങ​ളെ​ക്കു​റിച്ച്‌ തന്റെ മാതാ​പി​താ​ക്ക​ളോ​ടു പറഞ്ഞ​പ്പോൾ ആ തീരു​മാ​നം ഉൾക്കൊ​ള്ളാൻ അവർക്കു ബുദ്ധി​മു​ട്ടാ​യി​രു​ന്നു. അലൻ പറയുന്നു, “അത്‌ അവരുടെ ഭാഗത്തെ തെറ്റാ​ണെ​ന്നും അവർ എന്തോ ചെയ്‌ത​തു​കൊ​ണ്ടാണ്‌ ഞങ്ങൾ ഈ തീരു​മാ​നം എടുത്ത​തെ​ന്നും അവർ വിചാ​രി​ച്ചു. എന്നാൽ ഒരിക്ക​ലും അതായി​രു​ന്നില്ല കാരണം.”

വളരെ ലളിത​മായ ഒരു വിവാഹം മതി എന്നു നിങ്ങൾ തീരു​മാ​നി​ക്കു​ന്നെ​ങ്കിൽ അതു നിങ്ങളു​ടെ മാതാ​പി​താ​ക്ക​ളെ​യും നിരാ​ശ​പ്പെ​ടു​ത്താ​നി​ട​യുണ്ട്‌, കാരണം ആ വിശേഷ ദിവസ​ത്തിൽ സാധി​ക്കു​ന്നത്ര ആളുകൾ തങ്ങളോ​ടൊ​പ്പം ഉണ്ടായി​രി​ക്കാ​നും ആഹ്ലാദ​ത്തിൽ പങ്കു​ചേ​രാ​നും അവർ ആഗ്രഹി​ക്കു​ന്നു​ണ്ടാ​കാം. എന്നാൽ, നിങ്ങൾ വിവാഹം കഴിക്കു​ന്ന​തി​നെ​ത്തന്നെ കുടും​ബാം​ഗങ്ങൾ എതിർക്കും എന്ന്‌ അറിയാ​മെ​ന്ന​തി​നാൽ മാതാ​പി​താ​ക്ക​ളോ​ടു പോലും പറയാതെ വിവാഹം കഴിക്കു​ന്ന​തി​നെ​പ്പറ്റി നിങ്ങൾ ആലോ​ചി​ക്കു​ക​യാ​ണെ​ങ്കി​ലോ?

കുടും​ബാം​ഗ​ങ്ങ​ളു​ടെ വികാ​രങ്ങൾ കണക്കി​ലെ​ടു​ക്കു​ക

ഇത്തരത്തി​ലുള്ള പ്രധാ​ന​പ്പെട്ട ഒരു തീരു​മാ​നം എടുക്കാൻ തക്ക പ്രായം നിങ്ങൾക്ക്‌ ആയിട്ടി​ല്ലെന്നു കരുതു​ന്ന​തു​കൊ​ണ്ടാ​യി​രി​ക്കാം മാതാ​പി​താ​ക്കൾ നിങ്ങളെ എതിർക്കു​ന്നത്‌. മുതി​രു​മ്പോൾ നിങ്ങളു​ടെ അഭിരു​ചി​കൾക്കു മാറ്റം വരു​മെ​ന്നും അപ്പോൾ വിവാഹ ഇണയുടെ തിര​ഞ്ഞെ​ടു​പ്പി​നെ പ്രതി നിങ്ങൾക്കു ഖേദി​ക്കേണ്ടി വരു​മെ​ന്നും അവർ ഭയപ്പെ​ട്ടേ​ക്കാം. ഇനി, നിങ്ങൾക്കു വിവാഹം കഴിക്കാൻ പ്രായ​മാ​യി എന്ന്‌ മാതാ​പി​താ​ക്കൾ കരുതു​ക​യാ​ണെ​ങ്കിൽത്തന്നെ, നിങ്ങൾ സ്‌നേ​ഹി​ക്കുന്ന വ്യക്തി​യു​ടെ സ്വഭാ​വ​ത്തിൽ ചില ന്യൂന​തകൾ അവർ കണ്ടേക്കാം. അതുമ​ല്ലെ​ങ്കിൽ നിങ്ങൾ തിര​ഞ്ഞെ​ടു​ത്തി​രി​ക്കുന്ന വ്യക്തി നിങ്ങളു​ടെ അതേ മതവി​ശ്വാ​സങ്ങൾ വെച്ചു​പു​ലർത്താ​ത്ത​തി​നാ​ലാ​കാം അവർ നിങ്ങളു​ടെ വിവാ​ഹത്തെ എതിർക്കു​ന്നത്‌.

നിങ്ങളു​ടെ മാതാ​പി​താ​ക്കൾ സത്യ​ക്രി​സ്‌ത്യാ​നി​ക​ളാ​ണെ​ങ്കിൽ, അവരുടെ ഉത്‌ക​ണ്‌ഠ​കൾക്ക്‌ സാധ്യ​ത​യ​നു​സ​രിച്ച്‌ ബൈബി​ള​ധി​ഷ്‌ഠിത കാരണ​ങ്ങ​ളു​ണ്ടാ​യി​രു​ന്നേ​ക്കാം. തങ്ങൾക്ക്‌ ഉണ്ടായി​രു​ന്നേ​ക്കാ​വുന്ന ഏതൊരു ആശങ്കയും അവർ തുറന്നു പ്രകടി​പ്പി​ക്കു​ന്നത്‌ ഉചിത​വു​മാണ്‌. അങ്ങനെ ചെയ്യു​ന്ന​തിൽ അവർ പരാജ​യ​പ്പെ​ടു​ക​യാ​ണെ​ങ്കിൽ യഹോവ അവരെ അവഗണന കാട്ടു​ന്ന​വ​രും സ്‌നേ​ഹ​ശൂ​ന്യ​രു​മാ​യി വീക്ഷി​ക്കു​മെ​ന്ന​തിൽ സംശയ​മില്ല. അവരുടെ അഭി​പ്രാ​യ​ങ്ങൾക്കു ശ്രദ്ധ കൊടു​ക്കു​ന്നതു നിങ്ങൾക്കു പ്രയോ​ജനം ചെയ്യും.—സദൃശ​വാ​ക്യ​ങ്ങൾ 13:1, 24.

ഒരു ദൃഷ്ടാന്തം പരിചി​ന്തി​ക്കുക. നിങ്ങൾ ഒരു വസ്‌ത്രം വാങ്ങു​മ്പോൾ, അതു നിങ്ങൾക്കു ചേരു​മോ ഇല്ലയോ എന്നതു സംബന്ധിച്ച്‌ മറ്റാരു​ടെ​യെ​ങ്കി​ലും അഭി​പ്രാ​യം തേടാ​നി​ട​യുണ്ട്‌. അവരുടെ അഭി​പ്രാ​യ​ത്തോ​ടു നിങ്ങൾ എല്ലായ്‌പോ​ഴും യോജി​ച്ചെന്നു വരില്ല. എന്നിരു​ന്നാ​ലും ആ വസ്‌ത്ര​ത്തി​ന്റെ സൈസും സ്റ്റൈലും നിങ്ങൾക്കു യോജി​ച്ച​ത​ല്ലെന്ന്‌ നിങ്ങളു​ടെ അടുത്ത കൂട്ടു​കാർക്കു തോന്നു​ന്നെ​ങ്കിൽ അവർ അതു തുറന്നു​പ​റ​യാൻ നിങ്ങൾ പ്രതീ​ക്ഷി​ക്കും. അവരുടെ അഭി​പ്രാ​യ​ങ്ങളെ നിങ്ങൾ വിലമ​തി​ക്കും; കാരണം പണം വെറുതെ കളയാ​തി​രി​ക്കാൻ അവർ നിങ്ങളെ സഹായി​ച്ചേ​ക്കാം. അങ്ങനെ​യെ​ങ്കിൽ വിവാഹം കഴിക്കാൻ നിങ്ങൾ തിര​ഞ്ഞെ​ടു​ത്തി​രി​ക്കുന്ന വ്യക്തിയെ സംബന്ധി​ച്ചുള്ള കുടും​ബാം​ഗ​ങ്ങ​ളു​ടെ അഭി​പ്രാ​യത്തെ നിങ്ങൾ എത്രയ​ധി​കം വിലമ​തി​ക്കേ​ണ്ട​താണ്‌. നിങ്ങൾക്ക്‌ ഒരു വസ്‌ത്രം മാറ്റി​വാ​ങ്ങി​ക്കാ​നോ അത്‌ ഉപേക്ഷി​ക്കാ​നോ കഴിയു​മാ​യി​രി​ക്കും. എന്നാൽ നിങ്ങളു​ടെ വിവാ​ഹ​ത്തി​ന്റെ കാര്യ​ത്തിൽ അത്‌ ആജീവ​നാന്ത ബന്ധമാ​യി​രി​ക്കാൻ യഹോവ പ്രതീ​ക്ഷി​ക്കു​ന്നു. (മത്തായി 19:5, 6) നിങ്ങളു​ടെ വ്യക്തി​ത്വ​വു​മാ​യും ആത്മീയ​ത​യു​മാ​യും ഒത്തു​പോ​കാത്ത ഒരു ഇണയെ​യാ​ണു നിങ്ങൾ തിര​ഞ്ഞെ​ടു​ക്കു​ന്ന​തെ​ങ്കിൽ ആ വിവാഹം അനു​യോ​ജ്യ​മ​ല്ലാത്ത ഒരു വസ്‌ത്രം ധരിക്കു​ന്ന​തി​നെ​ക്കാൾ എത്രയോ അസ്വസ്ഥ​ജ​ന​ക​മാ​യി​രി​ക്കും. (ഉല്‌പത്തി 2:18; സദൃശ​വാ​ക്യ​ങ്ങൾ 21:9) അതിന്റെ ഫലമായി യഥാർഥ സന്തുഷ്ടി കണ്ടെത്താ​നുള്ള ഒരു അവസരം നിങ്ങൾക്ക്‌ നഷ്ടപ്പെ​ട്ടേ​ക്കാം.—സദൃശ​വാ​ക്യ​ങ്ങൾ 5:18; 18:22.

വിവാ​ഹ​ത്തെ എതിർക്കു​ന്ന​തിന്‌ ചില മാതാ​പി​താ​ക്കൾക്ക്‌ സ്വാർഥ​പ​ര​മായ കാരണങ്ങൾ ഉണ്ടായി​രി​ക്കാം എന്നതു ശരിതന്നെ. ഉദാഹ​ര​ണ​ത്തിന്‌, തങ്ങളുടെ കുട്ടി​യു​ടെ​മേൽ നിയ​ന്ത്ര​ണ​മു​ണ്ടാ​യി​രി​ക്കാൻ അവർ ആഗ്രഹി​ച്ചേ​ക്കാം. എന്നിരു​ന്നാ​ലും നിങ്ങളു​ടെ മാതാ​പി​താ​ക്ക​ളു​ടെ ആകുല​ത​കളെ സ്വാർഥ​ത​യാ​ണെന്നു പറഞ്ഞു തള്ളിക്ക​ള​യു​ക​യും രഹസ്യ​മാ​യി വിവാഹം കഴിക്കാൻ തീരു​മാ​നി​ക്കു​ക​യും ചെയ്യു​ന്ന​തി​നു​മുമ്പ്‌ എന്തു​കൊണ്ട്‌ അവരുടെ തടസ്സവാ​ദ​ങ്ങളെ വിശക​ലനം ചെയ്‌തു​കൂ​ടാ?

ജാഗ്ര​ത​യു​ണ്ടാ​യി​രി​ക്കേ​ണ്ട​തി​ന്റെ കാരണങ്ങൾ

വളരു​ന്തോ​റും നിങ്ങളു​ടെ അഭിരു​ചി​കൾക്കു മാറ്റം വരും എന്നത്‌ ഒരു വസ്‌തു​ത​യാണ്‌. അപ്പൊ​സ്‌ത​ല​നായ പൗലൊസ്‌ ഇപ്രകാ​രം എഴുതി, “ഞാൻ ശിശു​വാ​യി​രു​ന്ന​പ്പോൾ ശിശു​വി​നെ​പ്പോ​ലെ സംസാ​രി​ച്ചു, ശിശു​വി​നെ​പ്പോ​ലെ ചിന്തിച്ചു, ശിശു​വി​നെ​പ്പോ​ലെ നിരൂ​പി​ച്ചു; പുരു​ഷ​നായ ശേഷമോ ഞാൻ ശിശു​വി​ന്നു​ള്ളതു ത്യജി​ച്ചു​ക​ളഞ്ഞു.” (1 കൊരി​ന്ത്യർ 13:11) സമാന​മാ​യി, മറ്റൊരു വ്യക്തി​യു​ടെ സ്വഭാ​വ​വി​ശേ​ഷ​ങ്ങ​ളോ​ടുള്ള ബന്ധത്തിൽ, കൗമാ​ര​പ്രാ​യ​ത്തിൽ നിങ്ങൾക്ക്‌ ആകർഷ​ക​മാ​യി തോന്നു​ന്ന​തും കുറച്ചു കൂടെ പ്രായ​മാ​യ​തി​നു​ശേഷം ആകർഷ​ക​മാ​യി തോന്നു​ന്ന​തും തമ്മിൽ സാധ്യ​ത​യ​നു​സ​രിച്ച്‌ വളരെ വ്യത്യാ​സ​മു​ണ്ടാ​യി​രി​ക്കും. അതു​കൊണ്ട്‌, “നവയൗ​വനം”—നിങ്ങളു​ടെ ലൈം​ഗിക ആഗ്രഹങ്ങൾ അതിന്റെ കൊടു​മു​ടി​യിൽ എത്തിനിൽക്കുന്ന വർഷങ്ങൾ—പിന്നി​ടു​ന്ന​തു​വരെ കാത്തി​രി​ക്കാ​നും അതിനു​ശേഷം മാത്രം വിവാഹ ഇണയെ തിര​ഞ്ഞെ​ടു​ക്കുക എന്ന ഗൗരവാ​വ​ഹ​മായ നടപടി സ്വീക​രി​ക്കാ​നും ബൈബിൾ നിർദേ​ശി​ക്കു​ന്നു.—1 കൊരി​ന്ത്യർ 7:36, NW.

നിങ്ങൾ ജീവി​ത​സ​ഖി​യാ​ക്കാൻ ഉദ്ദേശി​ക്കുന്ന വ്യക്തി​യിൽ മാതാ​പി​താ​ക്കൾ കുറ്റം കണ്ടുപി​ടി​ക്കു​ക​യാ​ണെ​ങ്കി​ലോ? ജീവി​ത​ത്തി​ലെ അനുഭ​വ​പ​രി​ച​യ​ത്തി​ലൂ​ടെ തെറ്റും ശരിയും തമ്മിൽ വിവേ​ചി​ക്കാൻ തക്കവണ്ണം നിങ്ങളു​ടെ മാതാ​പി​താ​ക്ക​ളു​ടെ ഗ്രഹണ​പ്രാ​പ്‌തി​കൾ മെച്ചമാ​യി പരിശീ​ലി​പ്പി​ക്ക​പ്പെ​ട്ടി​ട്ടു​ണ്ടാ​യിരി​ക്കാം. (എബ്രായർ 5:14) അതു​കൊണ്ട്‌ നിങ്ങൾ വിവാഹം കഴിക്കാൻ ആഗ്രഹി​ക്കുന്ന ആളുടെ വ്യക്തി​ത്വ​ത്തിൽ നിങ്ങൾക്കു കാണാൻ കഴിയാത്ത ഗുരു​ത​ര​മായ പിശകു​കൾ കാണാൻ അവർക്കു സാധി​ച്ചേ​ക്കും. ജ്ഞാനി​യായ ശലോ​മോ​ന്റെ പിൻവ​രുന്ന വാക്കു​ക​ളി​ലെ തത്ത്വം പരിചി​ന്തി​ക്കുക: “തന്റെ അന്യായം ആദ്യം ബോധി​പ്പി​ക്കു​ന്നവൻ നീതി​മാൻ എന്നു തോന്നും; എന്നാൽ അവന്റെ പ്രതി​യോ​ഗി വന്നു അവനെ പരി​ശോ​ധി​ക്കും.” (സദൃശ​വാ​ക്യ​ങ്ങൾ 18:17) സമാന​മാ​യി, നിങ്ങളു​ടെ പ്രേമ​ഭാ​ജനം, താനാണ്‌ നിങ്ങൾക്ക്‌ ഏറ്റവും യോജിച്ച വ്യക്തി​യെന്ന്‌ നിങ്ങളെ വിശ്വ​സി​പ്പി​ച്ചി​രി​ക്കാം. എന്നിരു​ന്നാ​ലും നിങ്ങളു​ടെ മാതാ​പി​താ​ക്കൾ ആ വ്യക്തിയെ ‘പരി​ശോ​ധി​ച്ചു’ കഴിയു​മ്പോൾ പരിഗണന അർഹി​ക്കുന്ന ചില വസ്‌തു​ത​ക​ളി​ലേക്ക്‌ അവർ നിങ്ങളു​ടെ ശ്രദ്ധ ക്ഷണി​ച്ചേ​ക്കാം.

ഉദാഹ​ര​ണ​ത്തിന്‌, ‘കർത്താ​വിൽ വിശ്വ​സി​ക്കു​ന്ന​വനെ മാത്രം’ വിവാഹം കഴിക്കാൻ ബൈബിൾ സത്യ​ക്രി​സ്‌ത്യാ​നി​കളെ ഉപദേ​ശി​ക്കു​ന്ന​താ​യി ശക്തമായ വാക്കു​ക​ളിൽ അവർ നിങ്ങളെ ഓർമ​പ്പെ​ടു​ത്തി​യേ​ക്കാം. (1 കൊരി​ന്ത്യർ 7:39) ക്രിസ്‌തീയ വിശ്വാ​സ​ത്തി​ല​ല്ലാ​തി​രു​ന്ന​വരെ വിവാഹം കഴിക്കു​ക​യും എന്നാൽ ഇപ്പോൾ ഇണയോ​ടൊ​പ്പം സന്തോ​ഷ​ത്തോ​ടെ യഹോ​വയെ സേവി​ക്കു​ക​യും ചെയ്യുന്ന പലരെ​യും നിങ്ങൾക്ക്‌ അറിയാ​മെന്ന്‌ നിങ്ങൾ ന്യായ​വാ​ദം ചെയ്‌തേ​ക്കാം. അങ്ങനെ സംഭവി​ക്കാ​റുണ്ട്‌ എന്നുള്ളതു ശരിയാണ്‌. എന്നിരു​ന്നാ​ലും അത്തരം സംഭവങ്ങൾ വിരള​മാണ്‌. നിങ്ങളു​ടെ വിശ്വാ​സം വെച്ചു​പു​ലർത്താത്ത ഒരാ​ളെ​യാ​ണു നിങ്ങൾ വിവാഹം കഴിക്കു​ന്ന​തെ​ങ്കിൽ, നിങ്ങൾ യഹോ​വ​യു​ടെ നിലവാ​രങ്ങൾ അവഗണി​ക്കുക മാത്രമല്ല നിങ്ങ​ളെ​ത്തന്നെ ഗുരു​ത​ര​മായ ആത്മീയ അപകട​ത്തി​ലാ​ക്കു​ക​യും ആണ്‌ ചെയ്യു​ന്നത്‌.—2 കൊരി​ന്ത്യർ 6:14.c

വിവാ​ഹ​ത്തിന്‌ ബുദ്ധി​ശൂ​ന്യ​മായ ഒരു കാരണം

അധാർമിക നടത്തയിൽ ഏർപ്പെട്ടു എന്ന കാരണ​ത്താൽ ചില യുവ​പ്രാ​യ​ക്കാർ ഒളി​ച്ചോ​ടി​പ്പോ​യി വിവാ​ഹി​ത​രാ​യി​രി​ക്കു​ന്നു. തങ്ങളുടെ പങ്കാളി​യെ വിവാഹം കഴിക്കു​ന്നത്‌ മനസ്സാ​ക്ഷി​ക്കു​ത്തിന്‌ അയവു വരുത്തു​മെന്ന്‌ അവർ വിചാ​രി​ക്കു​ന്നു. അല്ലെങ്കിൽ ആഗ്രഹി​ക്കാത്ത ഗർഭധാ​ര​ണം​പോ​ലുള്ള പാപത്തി​ന്റെ അനന്തര​ഫ​ലങ്ങൾ മറച്ചു​വെ​ക്കാ​മെന്ന്‌ അവർ പ്രതീ​ക്ഷി​ച്ചി​രി​ക്കാം.

ഒരു പാപം മൂടി​വെ​ക്കു​ന്ന​തി​നാ​ണു നിങ്ങൾ വിവാഹം കഴിക്കു​ന്ന​തെ​ങ്കിൽ, നിങ്ങൾ ഒരു തെറ്റി​നോട്‌ മറ്റൊന്നു കൂട്ടു​ക​യാ​യി​രി​ക്കും ചെയ്യു​ന്നത്‌. ശലോ​മോൻ ഇങ്ങനെ മുന്നറി​യി​പ്പു നൽകി: “തന്റെ ലംഘന​ങ്ങളെ മറെക്കു​ന്ന​വന്നു ശുഭം വരിക​യില്ല; അവയെ ഏറ്റുപ​റഞ്ഞു ഉപേക്ഷി​ക്കു​ന്ന​വ​ന്നോ കരുണ​ല​ഭി​ക്കും.” (സദൃശ​വാ​ക്യ​ങ്ങൾ 28:13) ശലോ​മോ​ന്റെ പിതാ​വായ ദാവീ​ദും മാതാ​വായ ബത്ത്‌-ശേബയും തങ്ങളുടെ അധാർമിക പെരു​മാ​റ്റം മറച്ചു​വെ​ക്കാൻ ശ്രമി​ച്ച​തി​ന്റെ ഭോഷത്തം മനസ്സി​ലാ​ക്കി. (2 ശമൂവേൽ 11:2-12:25) നിങ്ങളു​ടെ പാപം മറച്ചു​വെ​ക്കു​ന്ന​തി​നു പകരം മാതാ​പി​താ​ക്ക​ളു​മാ​യും സഭയിലെ മൂപ്പന്മാ​രു​മാ​യും അതി​നെ​പ്പറ്റി സംസാ​രി​ക്കുക. അതിന്‌ നിങ്ങളു​ടെ ഭാഗത്ത്‌ ധൈര്യം ആവശ്യ​മാണ്‌. അനുതാ​പ​മു​ണ്ടെ​ങ്കിൽ യഹോവ നിങ്ങ​ളോ​ടു ക്ഷമിക്കും എന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ സാധി​ക്കും. (യെശയ്യാ​വു 1:18) ഒരിക്കൽ ശുദ്ധമായ മനസ്സാക്ഷി വീണ്ടെ​ടു​ത്തു​ക​ഴി​ഞ്ഞാൽ, വിവാ​ഹ​ത്തെ​പ്പറ്റി സമനി​ല​യോ​ടു​കൂ​ടിയ ഒരു തീരു​മാ​നം എടുക്കാൻ കുറച്ചു​കൂ​ടി മെച്ചമായ ഒരു സ്ഥാനത്താ​യി​രി​ക്കും നിങ്ങൾ.

ഖേദി​ക്കു​ന്ന​തി​നുള്ള കാരണങ്ങൾ ഒഴിവാ​ക്കു​ക

തന്റെ വിവാ​ഹ​ത്തെ​പ്പറ്റി സ്‌മരി​ച്ചു​കൊണ്ട്‌, അലൻ പറയുന്നു: “ലളിത​മായ വിവാഹം മതി എന്ന ഞങ്ങളുടെ തീരു​മാ​നം ആ സന്ദർഭത്തെ താരത​മ്യേന സമ്മർദം കുറവു​ള്ള​താ​ക്കി​ത്തീർത്തു. ആ തീരു​മാ​ന​ത്തി​ലേക്കു നയിച്ച കാരണങ്ങൾ മെച്ചമാ​യി മനസ്സി​ലാ​ക്കാൻ ഞാൻ എന്റെ കുടും​ബത്തെ സഹായി​ച്ചില്ല എന്നതു മാത്ര​മാണ്‌ എന്റെ ദുഃഖം.”

വ്യക്തമാ​യും, പ്രായ​പൂർത്തി​യായ ഒരു സ്‌ത്രീ​ക്കും പുരു​ഷ​നും പരമ്പരാ​ഗ​ത​മായ രീതി​യിൽ വിവാ​ഹി​ത​രാ​ക​ണ​മോ വേണ്ടയോ എന്ന്‌ സ്വയം തീരു​മാ​നി​ക്കാ​നാ​വു​ന്ന​താണ്‌. എന്നിരു​ന്നാ​ലും വിവാ​ഹത്തെ സംബന്ധിച്ച ഏതൊരു തീരു​മാ​ന​വും എടുക്കു​മ്പോൾ ധൃതി കൂട്ടാതെ, കുടും​ബാം​ഗ​ങ്ങ​ളു​മാ​യി ആലോ​ചി​ക്കു​ക​യും “നടപ്പു സൂക്ഷി​ച്ചു​കൊ​ള്ളു”കയും ചെയ്യുക. അപ്പോൾ ഖേദി​ക്കു​ന്ന​തി​നുള്ള പല കാരണ​ങ്ങ​ളും നിങ്ങൾക്ക്‌ ഒഴിവാ​ക്കാ​നാ​കും.—സദൃശ​വാ​ക്യ​ങ്ങൾ 14:15.

[അടിക്കു​റി​പ്പു​കൾ]

[23-ാം പേജിലെ ചിത്രം]

വിവാഹത്തെ സംബന്ധിച്ച ഏതൊരു തീരു​മാ​നം എടുക്കു​മ്പോ​ഴും കുടും​ബാം​ഗ​ങ്ങ​ളു​മാ​യി ആലോ​ചി​ക്കു​ക