യഹോ​വ​യ്‌ക്കു മഹത്ത്വം കരേറ്റുന്ന വിവാഹ ചടങ്ങുകൾ

ക്രിസ്‌തീയ വിവാഹ ചടങ്ങു​ക​ളെ​ക്കു​റി​ച്ചുള്ള പിൻവ​രുന്ന ലേഖനം എത്യോ​പ്യ​യിൽ, അംഹറിക്‌ ഭാഷയി​ലാണ്‌ ആദ്യം തയ്യാറാ​ക്കി​യത്‌. ആ ദേശത്തു സമീപ​കാ​ലത്ത്‌ യഹോ​വ​യു​ടെ സാക്ഷി​ക​ളാ​യി​ത്തീർന്ന നിരവ​ധി​പേർക്കു സഹായ​ക​മായ മാർഗ​നിർദേശം പ്രദാനം ചെയ്യു​ക​യാ​യി​രു​ന്നു ഇതിന്റെ ഉദ്ദേശ്യം. ഇതിൽ വിശദീ​ക​രി​ച്ചി​രി​ക്കുന്ന ആചാര​ന​ട​പ​ടി​കൾ നിങ്ങളു​ടെ നാട്ടി​ലേ​തിൽനി​ന്നു വ്യത്യ​സ്‌ത​മാ​യി​രു​ന്നേ​ക്കാ​മെ​ങ്കി​ലും അതു രസകര​മാ​ണെന്നു നിങ്ങൾ കണ്ടെത്താൻ സാധ്യ​ത​യുണ്ട്‌. അതേസ​മയം, വിവാഹ ചടങ്ങു​ക​ളി​ലെ ആചാരങ്ങൾ വ്യത്യ​സ്‌ത​മാ​ണെ​ങ്കി​ലും നിങ്ങളു​ടെ പ്രദേ​ശ​ത്തും പ്രാവർത്തി​ക​മാ​ക്കാ​വുന്ന സമനി​ല​യുള്ള ബൈബിൾ ബുദ്ധ്യു​പ​ദേശം ഈ ലേഖനം പ്രദാനം ചെയ്യുന്നു.

“സന്തോഷം കൈവ​രു​ത്തുന്ന ക്രിസ്‌തീയ വിവാ​ഹങ്ങൾ.” 1985 ജനുവരി 1 വീക്ഷാ​ഗോ​പു​ര​ത്തി​ലെ ഒരു ലേഖന​ത്തി​ന്റെ ശീർഷ​ക​മാ​യി​രു​ന്നു അത്‌. ആ ലക്കത്തിലെ അടുത്ത ലേഖന​ത്തി​ന്റെ ശീർഷകം, “വിവാ​ഹ​വി​രു​ന്നു​ക​ളിൽ സന്തുലി​ത​മായ ആസ്വാ​ദനം കണ്ടെത്തുക” എന്നതാ​യി​രു​ന്നു. (വിവാ​ഹ​ത്തിന്‌ ആസൂ​ത്രണം ചെയ്യുന്ന ഏതൊ​രാൾക്കും നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ പുസ്‌ത​ക​ത്തി​ന്റെ 2-ാം അധ്യാ​യ​ത്തി​ലും നിങ്ങളു​ടെ യൗവനം—അതു പരമാ​വധി ആസ്വദി​ക്കുക പുസ്‌ത​ക​ത്തി​ന്റെ 19-ാം അധ്യാ​യ​ത്തി​ലും കൂടു​ത​ലായ വിവരങ്ങൾ കണ്ടെത്താ​വു​ന്ന​താണ്‌.)a ആ ലേഖനങ്ങൾ പുറത്തി​റ​ക്കി​യ​ശേഷം നിരവ​ധി​പേർ യഹോ​വ​യു​ടെ സാക്ഷി​ക​ളാ​യി​ട്ടുണ്ട്‌. അതു​കൊണ്ട്‌ നമ്മുടെ പ്രദേ​ശത്തു ബാധക​മാ​കുന്ന ചില വിവര​ങ്ങ​ളും വിവാഹ ചടങ്ങുകൾ വിവാ​ഹ​ത്തി​ന്റെ കാരണ​ഭൂ​ത​നായ യഹോ​വ​യ്‌ക്കു മഹത്ത്വം കരേറ്റു​ന്ന​താ​ക്കി​ത്തീർക്കാൻ നമ്മെ സഹായി​ക്കുന്ന മറ്റാശ​യ​ങ്ങ​ളും പുനര​വ​ലോ​കനം ചെയ്യാൻ നാം ആഗ്രഹി​ക്കും.

ആദ്യം പരിചി​ന്തി​ക്കേണ്ട ചോദ്യ​മി​താണ്‌, ഒരു വിവാഹ ചടങ്ങ്‌ എപ്പോ​ഴാ​യി​രി​ക്കണം? പ്രദേ​ശത്തു നിലവി​ലുള്ള പരമ്പരാ​ഗത വിവാ​ഹ​കാ​ല​ങ്ങ​ളിൽ അതു നടത്തണ​മെ​ന്നു​ണ്ടോ? ആ കാലത്ത​ല്ലാ​തെ നടത്തുന്ന ഏതൊരു വിവാ​ഹ​വും വിജയ​പ്ര​ദ​മാ​യി​രി​ക്കു​ക​യി​ല്ലെ​ന്നാ​ണു തദ്ദേശ വിശ്വാ​സം. യാതൊ​രു അടിത്ത​റ​യു​മി​ല്ലാത്ത അന്ധവി​ശ്വാ​സ​മാ​ണത്‌. കാരണം, യഹോ​വയെ സസന്തോ​ഷം, ഐക്യ​ത്തോ​ടെ സേവി​ക്കുന്ന നിരവധി ദമ്പതികൾ വിവാ​ഹി​ത​രാ​യതു പരമ്പരാ​ഗത വിവാ​ഹ​കാ​ല​ങ്ങ​ളി​ലല്ല. നാം സൗഭാ​ഗ്യ​ത്തി​ലോ ദൗർഭാ​ഗ്യ​ത്തി​ലോ വിശ്വ​സി​ക്കു​ന്നില്ല. (യെശയ്യാ​വു 65:11; കൊ​ലൊ​സ്സ്യർ 2:8) അവിശ്വാ​സി​ക​ളായ ബന്ധുക്ക​ളു​ടെ അന്ധവി​ശ്വാ​സ​പ്ര​കാ​രം വിവാഹ തീയതി നിശ്ചയി​ച്ചാൽ സത്യവും വ്യാജ​വും തമ്മിലുള്ള വ്യത്യാ​സം തിരി​ച്ച​റി​യാൻ നാം അവരെ സഹായി​ക്കു​ക​യില്ല. ക്രിസ്‌ത്യാ​നിക്ക്‌ ഏതു മാസത്തി​ലും വിവാഹം കഴിക്കാ​മെ​ന്ന​താ​ണു വസ്‌തുത.

അവശ്യ​മാ​യ നിയമ നിയമ​ന​ട​പ​ടി​കൾക്കു​ശേഷം ഒരു വിവാ​ഹ​പ്ര​സം​ഗം ക്രമീ​ക​രി​ക്കു​മ്പോൾ ആ രണ്ടു കാര്യ​ങ്ങൾക്കു​മി​ട​യിൽ പല ദിവസത്തെ ഇടവേള ഉണ്ടാകാ​തി​രി​ക്കു​ന്ന​താ​കും നല്ലത്‌. രാജ്യ​ഹാ​ളിൽവെച്ചു വിവാ​ഹ​പ്ര​സം​ഗം നടത്താൻ, വിവാ​ഹി​ത​രാ​കാൻ പോകു​ന്നവർ ആഗ്രഹി​ക്കു​ന്ന​പക്ഷം വളരെ നേര​ത്തേ​തന്നെ സഭാ മൂപ്പന്മാ​രെ അക്കാര്യം അറിയി​ക്കേ​ണ്ട​താണ്‌. ആചാര​ന​ട​പ​ടി​കൾ തങ്ങളുടെ മനസ്സാ​ക്ഷി​ക്കു വിരു​ദ്ധ​മ​ല്ലെന്നു പ്രാ​ദേ​ശിക മൂപ്പന്മാർ ഉറപ്പു​വ​രു​ത്തും. വിവാ​ഹ​പ്ര​സം​ഗം ക്രമീ​ക​രി​ക്കു​ന്നതു സഭാ​പ്ര​വർത്ത​ന​ങ്ങൾക്കു തടസ്സം സൃഷ്ടി​ക്കാത്ത സമയത്താ​യി​രി​ക്കണം. പ്രസംഗം നടത്താൻ നിയോ​ഗി​ക്ക​പ്പെ​ടുന്ന സഹോ​ദരൻ വളരെ നേര​ത്തേ​തന്നെ വരനെ​യും വധുവി​നെ​യും സന്ദർശി​ച്ചു സഹായ​ക​മായ ബുദ്ധ്യു​പ​ദേശം നൽകും. മാത്രമല്ല, വിവാ​ഹ​ത്തി​നു ധാർമി​ക​മോ നിയമ​പ​ര​മോ ആയ തടസ്സങ്ങ​ളൊ​ന്നു​മി​ല്ലെ​ന്നും പ്രസം​ഗ​ത്തി​നു ശേഷം ക്രമീ​ക​രി​ച്ചി​രി​ക്കുന്ന ഏതൊരു സാമൂ​ഹിക കൂടി​വ​ര​വി​നോ​ടും തനിക്കു യോജി​പ്പാ​ണെ​ന്നും ഉറപ്പു​വ​രു​ത്തും. വിവാ​ഹ​പ്ര​സം​ഗം അര മണിക്കൂർ ദീർഘി​ച്ച​താ​യി​രി​ക്കണം. മാന്യ​മായ രീതി​യിൽ, ആത്മീയ കാര്യ​ങ്ങൾക്ക്‌ ഊന്നൽ നൽകി​ക്കൊ​ണ്ടാ​യി​രി​ക്കണം അതു നടത്തു​ന്നത്‌. വിവാ​ഹ​പ്ര​സം​ഗം, തുടർന്നു നടത്താ​നി​ട​യുള്ള ഏതൊരു വിരു​ന്നി​നെ​ക്കാ​ളും പ്രധാ​ന​പ്പെ​ട്ട​താ​ണെ​ന്ന​തിൽ യാതൊ​രു സംശയ​വു​മില്ല.

നാം “ഈ ലോക​ത്തി​ന്റെ ഭാഗമല്ല” എന്നു കാട്ടു​ന്ന​തി​നു പറ്റിയ ഒരു സന്ദർഭ​മാ​ണു ക്രിസ്‌തീയ വിവാഹം. (യോഹ​ന്നാൻ 17:14, NW; യാക്കോബ്‌ 1:27) നമ്മുടെ നിഷ്‌ഠ​യും ചിട്ടയും ശ്രദ്ധേ​യ​മാ​യി​രി​ക്കണം. ആളുകൾ നമ്മെ കാത്തി​രി​ക്കാ​നോ അവരുടെ സഭാ​പ്ര​വർത്ത​ന​ങ്ങൾക്കു ഭംഗം വരാനോ ഇടയാ​കാ​തെ നാം സമയം പാലി​ക്ക​ണ​മെ​ന്നാണ്‌ അതി​ന്റെ​യർഥം. വധു ഇക്കാര്യം പ്രത്യേ​കി​ച്ചും മനസ്സിൽപ്പി​ടി​ക്കേ​ണ്ട​താണ്‌. കാരണം, വധുവി​ന്റെ പ്രാമു​ഖ്യത ഉയർത്തി​പ്പി​ടി​ക്കാ​നെ​ന്ന​വണ്ണം, താമസം വരുത്താൻ ലൗകിക ബന്ധുക്കൾ അവളെ പ്രോ​ത്സാ​ഹി​പ്പി​ച്ചേ​ക്കാം. നിശ്ചി​ത​സ​മ​യത്ത്‌ എത്തി​ച്ചേ​രു​ന്ന​തു​മൂ​ലം താഴ്‌മ, പരിഗണന എന്നിങ്ങ​നെ​യുള്ള ആത്മീയ ഗുണങ്ങൾ തനിക്കു പ്രധാ​ന​പ്പെ​ട്ട​താ​ണെന്നു പക്വത​യുള്ള ഒരു ക്രിസ്‌തീയ സഹോ​ദ​രി​ക്കു പ്രകട​മാ​ക്കാൻ കഴിയും! കൂടാതെ, ഫോ​ട്ടോ​ഗ്രാ​ഫർ ഫോട്ടോ എടുക്കു​മ്പോൾ നിഷ്‌ഠ​യും ചിട്ടയും വളരെ പ്രധാ​ന​മാണ്‌. മാന്യ​മാ​യി വസ്‌ത്ര​ധാ​രണം ചെയ്യണ​മെ​ന്നും ഫോ​ട്ടോ​യെ​ടു​ക്കു​മ്പോൾ പ്രസം​ഗ​ത്തി​നു തടസ്സം വരുത്ത​രു​തെ​ന്നും ഫോ​ട്ടോ​ഗ്രാ​ഫ​റോട്‌ അഭ്യർഥി​ക്കു​ന്നത്‌ ഉചിത​മാ​യി​രി​ക്കും. പ്രാർഥനാ സമയത്തു ഫോട്ടോ എടുക്ക​രുത്‌. നമ്മുടെ നിഷ്‌ഠ​യും ചിട്ടയും യഹോ​വ​യ്‌ക്കു മഹത്ത്വം കരേറ്റു​ക​യും ഒരു നല്ല സാക്ഷ്യം നൽകു​ക​യും ചെയ്യും. വിവാ​ഹ​ത്തി​ന്റെ യഥാർഥ അർഥത്തി​നു മങ്ങലേൽപ്പി​ക്കുന്ന സാമൂ​ഹിക അനുഷ്‌ഠാ​ന​ങ്ങൾക്കൊ​ത്തു പോകാൻ ശ്രമി​ക്കേ​ണ്ട​തില്ല.

വിജയ​പ്ര​ദ​മാ​യ വിവാഹ ചടങ്ങിനു വിരുന്ന്‌ അനിവാ​ര്യ​മല്ല. എങ്കിലും, അത്തര​മൊ​രു സന്തോ​ഷാ​വ​സ​രത്തെ തിരു​വെ​ഴു​ത്തു വിലക്കു​ന്നില്ല. എന്നാൽ, സത്യ​ക്രി​സ്‌ത്യാ​നി​കളെ സംബന്ധി​ച്ചി​ട​ത്തോ​ളം, അത്തര​മൊ​രു കൂടി​വ​രവ്‌ പണം ധൂർത്ത​ടി​ക്കു​ക​യും അമിത​മ​ദ്യ​പാ​നം, അമിത​ഭോ​ജനം, വന്യമായ സംഗീതം, അസഭ്യ നൃത്തം എന്നിവ അവിഭാ​ജ്യ ഘടകങ്ങ​ളാ​യി​രി​ക്കു​ക​യും ചെയ്യുന്ന ലൗകിക വിരു​ന്നു​ക​ളിൽനി​ന്നു തികച്ചും വ്യത്യ​സ്‌ത​മാ​യി​രി​ക്കണം. “വെറി​ക്കൂ​ത്തു” ജഡത്തിന്റെ പ്രവൃ​ത്തി​ക​ളിൽപ്പെ​ട്ട​താ​ണെന്നു ബൈബിൾ പറയുന്നു. (ഗലാത്യർ 5:21) വലിയ കൂട്ടമ​ല്ലാ​ത്ത​പ്പോൾ കാര്യാ​ദി​കൾ നിയ​ന്ത്രി​ക്കുക എളുപ്പ​മാണ്‌. ജനകീയ ആചാര​ങ്ങ​ളു​മാ​യി ഒത്തു​പോ​കാൻ കൂടാരം കെട്ടി​പ്പ​ടു​ക്കേ​ണ്ട​തി​ന്റെ ആവശ്യ​മില്ല. സ്ഥലത്തി​നു​വേ​ണ്ടി​യോ കാലാവസ്ഥ നിമി​ത്ത​മോ ചിലർ കൂടാ​ര​മു​പ​യോ​ഗി​ക്കാൻ ആഗ്രഹി​ക്കു​ന്നു​വെ​ങ്കിൽ അതു വ്യക്തി​പ​ര​മായ കാര്യ​മാണ്‌.

നിർദിഷ്ട ക്ഷണക്കത്തു​കൾ കൊടു​ക്കു​ന്നത്‌ അതിഥി​ക​ളു​ടെ എണ്ണം പരിമി​ത​പ്പെ​ടു​ത്തു​ന്ന​തി​നുള്ള ഫലപ്ര​ദ​മായ ഒരു മാർഗ​മാ​ണെന്ന്‌ അനുഭവം തെളി​യി​ച്ചി​ട്ടുണ്ട്‌. സഭകളെ കൂട്ടം​കൂ​ട്ട​മാ​യി ക്ഷണിക്കു​ന്ന​തി​നു​പ​കരം വ്യക്തി​കളെ ക്ഷണിക്കു​ന്ന​താ​യി​രി​ക്കും ജ്ഞാനം. ക്രമനി​ബ​ദ്ധ​ത​യുള്ള ക്രിസ്‌ത്യാ​നി​ക​ളെന്ന നിലയിൽ അത്തരം പരിമി​തി​കളെ നാം ആദരി​ക്കണം. പുറത്താ​ക്ക​പ്പെട്ട ഒരാൾ വിരു​ന്നി​നു ഹാജരാ​കു​മ്പോ​ഴു​ണ്ടാ​കുന്ന ബുദ്ധി​മുട്ട്‌ ഒഴിവാ​ക്കാ​നും ക്ഷണക്കത്തു​കൾ സഹായ​ക​മാണ്‌. അങ്ങനെ​യൊ​രാൾ വന്നാൽ നിരവധി സഹോ​ദ​രീ​സ​ഹോ​ദ​ര​ന്മാർ വിരുന്നു സ്ഥലത്തു​നി​ന്നു പോകാൻ ആഗ്രഹി​ച്ചേ​ക്കാം. (1 കൊരി​ന്ത്യർ 5:9-11) ഒരു വിവാഹ ദമ്പതികൾ അവിശ്വാ​സി​ക​ളായ ബന്ധുക്ക​ളെ​യോ പരിച​യ​ക്കാ​രെ​യോ ക്ഷണിക്കു​ന്ന​പക്ഷം അവരുടെ സംഖ്യ പരിമി​ത​പ്പെ​ടു​ത്തി, ‘സഹവി​ശ്വാ​സി​കൾ’ക്കു കൂടുതൽ പ്രാധാ​ന്യം കൽപ്പി​ക്കേ​ണ്ട​താണ്‌. (ഗലാത്യർ 6:10) ചിലർ, ലോക​ക്കാ​രായ പരിച​യ​ക്കാ​രെ​യോ അവിശ്വാ​സി​ക​ളായ ബന്ധുക്ക​ളെ​യോ വിവാഹ ചടങ്ങിനു ക്ഷണിക്കാ​തെ വിവാ​ഹ​പ്ര​സം​ഗ​ത്തി​നു ക്ഷണിച്ചി​ട്ടുണ്ട്‌. കാരണം? വിവാ​ഹ​വി​രു​ന്നിൽ ലോക​ക്കാ​രായ ബന്ധുക്ക​ളു​ടെ ലജ്ജാവ​ഹ​മായ പെരു​മാ​റ്റ​രീ​തി​മൂ​ലം അവി​ടെ​യാ​യി​രി​ക്കു​ന്നതു പന്തിയ​ല്ലെന്നു നിരവധി സഹോ​ദ​രീ​സ​ഹോ​ദ​ര​ന്മാർക്കു തോന്നി​യി​ട്ടുള്ള സംഭവ​ങ്ങ​ളുണ്ട്‌. ചില ദമ്പതികൾ ഉറ്റ കുടും​ബാം​ഗ​ങ്ങൾക്കും ക്രിസ്‌തീയ സുഹൃ​ത്തു​ക്കൾക്കും മാത്ര​മാ​യി വിരുന്നു ക്രമീ​ക​രി​ച്ചി​ട്ടുണ്ട്‌.

യോഹ​ന്നാൻ 2:8, 9-നെ ആസ്‌പ​ദ​മാ​ക്കി “വിരു​ന്നു​വാ​ഴി”യെ നിയോ​ഗി​ക്കു​ന്നതു പ്രാ​യോ​ഗി​ക​മാ​യി​രി​ക്കും. നിഷ്‌ഠ​യും ചിട്ടയും ഉന്നത നിലവാ​ര​വും പാലി​ക്ക​പ്പെ​ടു​ന്നു​വെന്ന്‌ ഉറപ്പു​വ​രു​ത്തുന്ന, വിശ്വാ​സ​യോ​ഗ്യ​നായ ഒരു മൂപ്പനെ തിര​ഞ്ഞെ​ടു​ക്കാൻ വരൻ ആഗ്രഹി​ക്കും. സുഹൃ​ത്തു​ക്കൾ സമ്മാനങ്ങൾ കൊണ്ടു​വ​രു​ന്നെ​ങ്കിൽ അവിടെ “പ്രതാ​പ​പ്ര​ക​ടനം” പാടില്ല. (1 യോഹ​ന്നാൻ 2:16, NW) ചോദ്യം​ചെ​യ്യത്തക്ക വരിക​ളോ കാതട​പ്പി​ക്കുന്ന ശബ്ദമോ വന്യമായ താളമോ ഇല്ലാത്ത സംഗീതം ആസ്വാ​ദ്യ​മാ​യി​രി​ക്കും. പ്രസ്‌തുത സംഗീതം ഒരു മൂപ്പൻ മുൻകൂ​ട്ടി ശ്രവി​ക്കു​ന്നതു മെച്ചമാ​ണെന്നു പലരും കണ്ടെത്തി​യി​ട്ടുണ്ട്‌. ഈ സന്ദർഭ​ത്തിൽ നൃത്തമാ​ടു​ന്നതു കുഴപ്പം വരുത്തി​വെ​ച്ചേ​ക്കാം. കാരണം പരമ്പരാ​ഗ​ത​മായ പല നൃത്തങ്ങൾക്കും അടിസ്ഥാ​നം പ്രജനന നൃത്തങ്ങ​ളാണ്‌. മാത്രമല്ല, അത്‌ അനുചി​ത​മാ​യി ഭോ​ഗേ​ച്ഛ​യു​ണർത്തു​ന്ന​തു​മാണ്‌. “കേക്കും വീഞ്ഞും വിളമ്പുന്ന വേള” ചില​പ്പോ​ഴൊക്ക ആളുകൾ നിലവി​ട്ടു പെരു​മാ​റാൻ അവസര​മൊ​രു​ക്കു​ന്നു. വിവാ​ഹ​വി​രു​ന്നു​ക​ളിൽ മദ്യം പാടേ വർജി​ക്കാ​നും അങ്ങനെ പ്രശ്‌നങ്ങൾ ഒഴിവാ​ക്കാ​നും നിരവധി ക്രിസ്‌തീയ ദമ്പതികൾ തീരു​മാ​നി​ച്ചി​ട്ടുണ്ട്‌.

യഹോ​വ​യ്‌ക്കു മഹത്ത്വം കരേറ്റാൻ ആഗ്രഹി​ക്കു​ന്ന​തു​കൊണ്ട്‌, നമ്മി​ലേ​ക്കു​തന്നെ അമിത ശ്രദ്ധയാ​കർഷി​ക്കാ​തി​രി​ക്കാൻ നാം പ്രതാ​പ​പ്ര​ക​ട​നങ്ങൾ ഒഴിവാ​ക്കും. ലൗകിക പ്രസി​ദ്ധീ​ക​ര​ണങ്ങൾ പോലും പണം ധൂർത്ത​ടി​ക്കുന്ന പ്രവണ​ത​യ്‌ക്കെ​തി​രെ ശബ്ദമു​യർത്തി​യി​ട്ടുണ്ട്‌. ആഡംബ​ര​പൂർണ​മായ വിവാഹ ചടങ്ങു നടത്തി കടത്തിൽ മുങ്ങു​ക​യും ആ ഒരൊറ്റ ദിവസത്തെ ചെലവു നികത്താൻ വർഷങ്ങ​ളോ​ളം കഷ്ടപ്പെ​ടു​ക​യും ചെയ്യു​ന്നതു വിവാഹ ദമ്പതി​കളെ സംബന്ധി​ച്ചി​ട​ത്തോ​ളം എത്ര ബുദ്ധി​മോ​ശ​മാ​യി​രി​ക്കും! ആ ദിവസം ധരിക്കുന്ന വസ്‌ത്രം, ദൈവത്തെ ബഹുമാ​നി​ക്കു​ന്നു​വെന്ന്‌ അവകാ​ശ​പ്പെ​ടുന്ന വ്യക്തിക്കു ചേർന്ന​വി​ധം മാന്യ​വും യോഗ്യ​വു​മാ​യി​രി​ക്കണം. (1 തിമൊ​ഥെ​യൊസ്‌ 2:9, 10) “ക്രിസ്‌തീയ വിവാഹ ചടങ്ങു​ക​ളിൽ ന്യായ​യു​ക്തത പ്രകട​മാ​യി​രി​ക്കണം” (1969 ജനുവരി 15 വീക്ഷാ​ഗോ​പു​രം [ഇംഗ്ലീഷ്‌]) എന്ന ലേഖനം വേഷവി​ധാ​ന​ത്തെ​ക്കു​റി​ച്ചു രസകര​മാ​യി ഇങ്ങനെ അഭി​പ്രാ​യ​പ്പെട്ടു:

“വിവാഹ ചടങ്ങ്‌ ഒരു വിശേ​ഷാ​വ​സ​ര​മാണ്‌. അതു​കൊണ്ട്‌, സന്തോ​ഷ​മു​ള്ള​വ​രാ​യി തോന്നി​ക്കാ​നും ആകർഷ​ക​മാ​യി​രി​ക്കാ​നും സാധാ​ര​ണ​ഗ​തി​യിൽ ശ്രദ്ധ നൽക​പ്പെ​ടു​ന്നു. എങ്കിലും, പ്രത്യേ​ക​തരം ഉടുപ്പോ സൂട്ടോ ഇട്ടേ മതിയാ​കൂ എന്ന്‌ അതിനർഥ​മില്ല. പ്രാ​ദേ​ശിക രീതി​ക​ളും, ചെലവും വ്യക്തി​പ​ര​മായ അഭിരു​ചി​യും പരിചി​ന്തി​ക്കു​ന്നത്‌ ഉചിത​മാ​യി​രി​ക്കും. . . . തങ്ങൾക്കു​ത​ന്നെ​യും മറ്റുള്ള​വർക്കും സാമ്പത്തിക ബുദ്ധി​മു​ട്ടു​ള​വാ​ക്കുന്ന വളരെ വിലപി​ടിച്ച വസ്‌ത്രം വാങ്ങു​ന്നതു ന്യായ​യു​ക്ത​മാ​ണോ? . . . ചില വധുമാർ ഉറ്റ സുഹൃ​ത്തി​ന്റെ​യോ ബന്ധുവി​ന്റെ​യോ ഉടുപ്പ്‌ അണിഞ്ഞി​ട്ടുണ്ട്‌. മറ്റു ചിലരാ​ണെ​ങ്കിൽ സ്വന്തം വിവാ​ഹ​വ​സ്‌ത്രം തയ്‌പ്പി​ച്ചി​രി​ക്കു​ന്നു. തന്മൂലം, ഭാവി​യിൽ മറ്റു സന്ദർഭ​ങ്ങ​ളി​ലും അവർക്കത്‌ ഉപയോ​ഗി​ക്കാൻ കഴിയും. ഉള്ളതി​ലേ​റ്റ​വും നല്ല, സാധാരണ വസ്‌ത്ര​മ​ണി​ഞ്ഞു വിവാ​ഹി​ത​രാ​കു​ന്ന​തു​കൊ​ണ്ടും യാതൊ​രു തകരാ​റു​മില്ല . . . ആർഭാ​ട​പൂർവം വിവാഹ ചടങ്ങു നടത്താ​നുള്ള സാമ്പത്തിക സ്ഥിതി​യു​ള്ളവർ ഈ നാളുകൾ ദുർഘ​ട​മെന്നു കണ്ടു ‘കൊട്ടി​ഘോ​ഷി​ക്കാ​തെ’ വിവാഹം നടത്താൻ വ്യക്തി​പ​ര​മാ​യി ആഗ്രഹി​ച്ചേ​ക്കാം.”

വിവാ​ഹ​പ്പാർട്ടി (വരന്റെ തോഴ​ന്മാ​രും വധുവി​ന്റെ തോഴി​മാ​രും) വലുതാ​യി​രി​ക്ക​ണ​മെ​ന്നില്ല. അവരും തങ്ങളുടെ വസ്‌ത്ര​ത്തി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും ശ്രദ്ധയാ​കർഷി​ക്കാൻ മുതി​രു​ക​യില്ല. രാജ്യ​ഹാ​ളിൽ പ്രസംഗം കേൾക്കാൻ പുറത്താ​ക്ക​പ്പെട്ട ഒരാളെ അനുവ​ദി​ക്കാ​മെ​ങ്കി​ലും 1985 ജനുവരി 1 വീക്ഷാ​ഗോ​പു​രം പറയു​ന്ന​ത​നു​സ​രിച്ച്‌, “വിവാ​ഹ​പ്പാർട്ടി​യിൽ സഭയിൽനി​ന്നു പുറത്താ​ക്ക​പ്പെ​ട്ട​വ​രോ ബൈബിൾ തത്വങ്ങൾക്കു തികച്ചും വിരു​ദ്ധ​മായ അപമാ​ന​ക​ര​മായ ജീവി​ത​രീ​തി​യു​ള്ള​വ​രോ ഉണ്ടായി​രി​ക്കു​ന്നത്‌ അനുചി​ത​മാണ്‌.”

യേശു വിവാഹ ചടങ്ങിൽ പങ്കെടു​ത്തി​രു​ന്നു. എന്നാൽ, ശബ്ദമലി​നീ​ക​രണം വരുത്തി​ക്കൊ​ണ്ടു കാറുകൾ നിരനി​ര​യാ​യി പട്ടണത്തി​ലൂ​ടെ ചുറ്റുന്ന ആചാര​ത്തിന്‌ അവൻ അനുമതി നൽകു​ന്നതു നമുക്ക്‌ ഊഹി​ക്കാ​നാ​വില്ല; വിവാഹ ഘോഷ​യാ​ത്ര​യിൽ കാറു​ക​ളു​ടെ ഹോൺ മുഴക്കി​യ​തി​നു ഡ്രൈ​വർമാർക്കു പൊലീസ്‌ പിഴ ചുമത്തി​യി​ട്ടു​പോ​ലു​മുണ്ട്‌. (മത്തായി 22:21 കാണുക.) ചുരു​ക്ക​ത്തിൽ, ജാതി​ക​ളു​ടെ പ്രതാ​പ​പ്ര​ക​ട​ന​മോ തനതായ നടപടി​ക​ളോ പകർത്താ​തെ, ക്രിസ്‌ത്യാ​നി​കൾ താഴ്‌മ​യു​ള്ള​വ​രു​ടെ പക്കലുള്ള ജ്ഞാനം പ്രകട​മാ​ക്കും.—സദൃശ​വാ​ക്യ​ങ്ങൾ 11:2.

എന്നാൽ, അയൽക്കാ​രു​ടെ​യോ ലോക​ക്കാ​രായ സഹപ്ര​വർത്ത​ക​രു​ടെ​യോ അകന്ന ബന്ധുക്ക​ളു​ടെ​യോ പരിച​യ​ക്കാ​രു​ടെ​യോ വിവാഹ ചടങ്ങിൽ പങ്കെടു​ക്കു​ന്നതു സംബന്ധി​ച്ചെന്ത്‌? ഓരോ ക്രിസ്‌ത്യാ​നി​യും അതു വ്യക്തി​പ​ര​മാ​യി തീരു​മാ​നി​ക്കണം. നമ്മുടെ സമയം മൂല്യ​വ​ത്താ​ണെന്നു മനസ്സിൽപ്പി​ടി​ക്കു​ന്നതു നല്ലതാണ്‌. ശുശ്രൂ​ഷ​യ്‌ക്കും വ്യക്തി​പ​ര​മായ അധ്യയ​ന​ത്തി​നും കുടും​ബ​പ​ര​വും സഭാപ​ര​വു​മായ മറ്റു കാര്യ​ങ്ങൾക്കും നമുക്കു സമയം ആവശ്യ​മാണ്‌. (എഫെസ്യർ 5:15, 16) വാരാ​ന്ത​ത്തിൽ നമുക്കു യോഗ​ങ്ങ​ളും വയൽസേ​വ​ന​വു​മുണ്ട്‌. അതു നഷ്ടപ്പെ​ടു​ത്താൻ നാം ആഗ്രഹി​ക്കു​ക​യില്ല. (എബ്രായർ 10:24, 25) പല വിവാ​ഹ​ങ്ങ​ളും സമ്മേള​ന​ങ്ങ​ളു​ടെ​യോ കർത്താ​വി​ന്റെ സന്ധ്യാ​ഭ​ക്ഷ​ണ​ത്തോ​ടു ബന്ധപ്പെട്ട പ്രത്യേക സേവന​ത്തി​ന്റെ​യോ സമയത്താ​യി​രി​ക്കും. കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​നു പങ്കുപ​റ്റാൻ ലോക​വ്യാ​പ​ക​മാ​യി നമ്മുടെ സഹോ​ദ​രങ്ങൾ ചെയ്യുന്ന പ്രത്യേക ശ്രമങ്ങ​ളിൽനി​ന്നു വ്യതി​ച​ലി​ക്കാൻ നാം സ്വയം അനുവ​ദി​ക്ക​രുത്‌. സത്യത്തി​ന്റെ പരിജ്ഞാ​നം ലഭിക്കു​ന്ന​തി​നു​മു​മ്പു നാം ലോക​ക്കാ​രായ ആളുക​ളോ​ടൊ​പ്പം ധാരാളം സമയം ചെലവ​ഴി​ച്ചി​ട്ടുണ്ട്‌. ചില സന്ദർഭ​ങ്ങ​ളിൽ ദൈവ​ത്തി​നു നിന്ദവ​രു​ത്തുന്ന വിധത്തിൽ പ്രവർത്തി​ച്ചി​ട്ടു​മു​ണ്ടാ​കാം. (1 പത്രൊസ്‌ 4:3, 4) ഇപ്പോൾ നമ്മുടെ മുൻഗ​ണ​നകൾ വ്യത്യ​സ്‌ത​മാണ്‌. ലോക​ക്കാ​രായ ആളുകൾക്ക്‌ ആശംസാ​കാർഡ്‌ അയയ്‌ക്കു​ക​യോ വേറൊ​രു ദിവസം കുറച്ചു​നേ​ര​ത്തേക്ക്‌ അവരെ സന്ദർശി​ക്കു​ക​യോ ചെയ്യാ​വു​ന്ന​താണ്‌. നവദമ്പ​തി​കൾക്കു പറ്റിയ തിരു​വെ​ഴു​ത്തു​കൾ അവരു​മാ​യി പങ്കിട്ടു​കൊ​ണ്ടു സാക്ഷ്യം നൽകാൻ ചിലർ ആ അവസരം പ്രയോ​ജ​ന​പ്പെ​ടു​ത്തി​യി​ട്ടുണ്ട്‌.

ലൗകിക രീതി​ക​ളെ​ക്കാൾ ആത്മീയ വശങ്ങൾക്കു മുന്തിയ സ്ഥാനം കൊടു​ക്കു​മ്പോൾ, അതു വാസ്‌ത​വ​മാ​യും യഹോ​വ​യ്‌ക്കു മഹത്ത്വം കരേറ്റും. അത്തരം ചടങ്ങുകൾ അന്ധവി​ശ്വാ​സ​ങ്ങ​ളി​ലും ആർഭാ​ട​ങ്ങ​ളി​ലും​നി​ന്നു മുക്തമാ​ണെന്ന്‌ ഉറപ്പു​വ​രു​ത്തണം. മാത്രമല്ല, ക്രമമായ ദിവ്യാ​ധി​പത്യ പ്രവർത്ത​ന​ങ്ങൾക്കു തടസ്സം സൃഷ്ടി​ക്കാൻ അവയെ അനുവ​ദി​ക്ക​രുത്‌. പ്രതാ​പ​പ്ര​ക​ട​ന​ങ്ങൾക്കു പകരം താഴ്‌മ പ്രകട​മാ​ക്കണം. അപ്പോൾ ക്രിസ്‌ത്യാ​നി​കൾ ആ അവസരം ആസ്വദി​ക്കും. തന്നെയു​മല്ല, നല്ല മനസ്സാ​ക്ഷി​യോ​ടും മധുര​സ്‌മ​ര​ണ​ക​ളോ​ടും കൂടെ പൊയ്‌പോയ സംഭവ​ത്തി​ലേക്കു പിന്തി​രി​ഞ്ഞു​നോ​ക്കാൻ അവർക്കു കഴിയും. ജ്ഞാനവും ന്യായ​യു​ക്ത​ത​യും പ്രകട​മാ​ക്കുക നിമിത്തം, നമ്മുടെ ക്രിസ്‌തീയ വിവാഹ ചടങ്ങു​ക​ളോ​രോ​ന്നും അത്മാർഥ​ഹൃ​ദ​യർക്കു സാക്ഷ്യം നൽകട്ടെ.

[അടിക്കു​റി​പ്പു​കൾ]

[24, 25 പേജു​ക​ളി​ലെ ചിത്രം]

ക്രിസ്‌ത്യാനികൾ നിർബ​ന്ധ​പൂർവം എല്ലാ പ്രാ​ദേ​ശിക വിവാഹ ആചാര​ങ്ങ​ളും പിൻപ​റ്റു​ന്നി​ല്ല