യഥാർഥ സ്‌നേഹം വിരള​മാ​യി​രി​ക്കു​ന്നത്‌ എന്തു​കൊണ്ട്‌?

പ്രണയസംബന്ധമായ ഉപദേ​ശ​ങ്ങൾക്കു യാതൊ​രു ക്ഷാമവു​മില്ല. ചികി​ത്സ​ക​രും ഉപദേ​ഷ്ടാ​ക്ക​ളും മാർഗ​നിർദേശം നൽകുന്നു, ടിവി പരിപാ​ടി​ക​ളിൽ പ്രണയം കൂടെ​ക്കൂ​ടെ ചർച്ചാ​വി​ഷ​യ​മാ​കു​ന്നു.

എങ്ങനെ സ്‌നേഹം പിടി​ച്ചു​പ​റ്റാം എന്നതു സംബന്ധിച്ച്‌ ഉപദേ​ശങ്ങൾ നൽകു​ന്ന​താ​യി ഇന്റർനെ​റ്റി​ലെ അസംഖ്യം വെബ്‌​സൈ​റ്റു​കൾ അവകാ​ശ​പ്പെ​ടു​ന്നു. “മനംക​വ​രു​ന്ന​തും അവിശ്വ​സ​നീ​യ​വു​മായ രഹസ്യങ്ങൾ” നിങ്ങൾ കണ്ടെത്തു​മെ​ന്നും മനോ​രോഗ ചികി​ത്സകർ, മനശ്ശാ​സ്‌ത്രജ്ഞർ, ജോത്സ്യ​ന്മാർ എന്നിവർ നൽകുന്ന ഉപദേ​ശ​ങ്ങൾക്കു പുറമേ “ജോഡി​കളെ ഇണക്കി​ക്കൊ​ടു​ക്കു​ന്നവർ” “ബന്ധം കെട്ടു​റ​പ്പു​ള്ള​താ​ക്കു​ന്നവർ” “പ്രണയ ചികി​ത്സകർ” എന്നിവ​രിൽനി​ന്നും പഠിക്കാ​നാ​കു​മെ​ന്നും അവ നിങ്ങ​ളോ​ടു പറഞ്ഞേ​ക്കാം.

പ്രണയം എന്ന വിഷയത്തെ ആസ്‌പ​ദ​മാ​ക്കി പുസ്‌ത​ക​ങ്ങ​ളും മാസി​ക​ക​ളും വിറ്റഴി​ക്ക​പ്പെ​ടു​ന്നു. അവയിൽ ചിലതി​ന്റെ വാഗ്‌ദാ​നങ്ങൾ ഊതി​പ്പെ​രു​പ്പി​ച്ച​വ​യാണ്‌. ഉദാഹ​ര​ണ​ത്തിന്‌, “ആർക്കും നിങ്ങ​ളോ​ടു പ്രണയം തോന്നാ​നുള്ള വിദ്യ” പറഞ്ഞു​ത​രാ​മെന്ന്‌ ഒരു പുസ്‌തകം അവകാ​ശ​പ്പെ​ടു​ന്നു. മറ്റൊരു പുസ്‌തകം “അത്യുത്തമ പങ്കാളി​യെ കേവലം ഒരു മാസത്തി​നകം” കണ്ടെത്താൻ കഴിയുന്ന വിധം വെളി​പ്പെ​ടു​ത്താ​മെന്നു വാഗ്‌ദാ​നം ചെയ്യുന്നു. ഇനി, ഒരു മാസം അൽപ്പം നീണ്ടു​പോ​യി എന്നു തോന്നു​ന്നു​ണ്ടോ? അങ്ങനെ​യെ​ങ്കിൽ വേറൊ​രു പുസ്‌ത​ക​മുണ്ട്‌. “90 മിനി​ട്ടു​കൊണ്ട്‌ അല്ലെങ്കിൽ അതിൽ താഴെ” സമയം​കൊണ്ട്‌ ഒരാളെ നിങ്ങളു​ടെ നിത്യ​പ്ര​ണ​യി​താ​വാ​ക്കാൻ കഴിയു​ന്നത്‌ എങ്ങനെ​യെന്ന്‌ അതിലുണ്ട്‌.

വാഗ്‌ദാ​നം ചെയ്യ​പ്പെ​ടുന്ന ഉപദേ​ശ​ങ്ങ​ളിൽ അധിക​ത്തി​നും വിലയുണ്ട്‌. പലരും രണ്ടു പ്രാവ​ശ്യം വില​കൊ​ടു​ക്കു​ന്നു. വില​കൊ​ടുത്ത്‌ അവർ ഉപദേശം വാങ്ങി​ക്കു​ന്നു. പിന്നെ മിക്ക​പ്പോ​ഴും സംഭവി​ക്കാ​റു​ള്ള​തു​പോ​ലെ ആ ഉപദേ​ശങ്ങൾ പരാജ​യ​പ്പെ​ടു​മ്പോൾ അതായത്‌ തങ്ങൾ വിചാ​രി​ച്ച​തു​പോ​ലെ കാര്യങ്ങൾ നടക്കാതെ വരു​മ്പോൾ അവർ വൈകാ​രി​ക​മാ​യും വില​യൊ​ടു​ക്കു​ന്നു.

എന്നിരു​ന്നാ​ലും, പ്രവൃ​ത്തി​പ​ഥ​ത്തിൽ വരുത്തു​മ്പോൾ ഒരിക്ക​ലും പരാജ​യ​പ്പെ​ടാത്ത ഉപദേ​ശങ്ങൾ അടങ്ങിയ ഒരു പുസ്‌ത​ക​മുണ്ട്‌. തന്നെയു​മല്ല അയഥാർഥ​മായ അവകാ​ശ​വാ​ദ​ങ്ങ​ളോ പൊള്ള​യായ വാഗ്‌ദാ​ന​ങ്ങ​ളോ നിരത്താ​തെ അത്‌ വിഷയ​ങ്ങ​ളെ​ക്കു​റി​ച്ചു സത്യസ​ന്ധ​മാ​യി ചർച്ച​ചെ​യ്യു​ന്നു. വളരെ​ക്കാ​ലം മുമ്പ്‌ എഴുത​പ്പെ​ട്ട​താ​ണെ​ങ്കി​ലും അതിന്റെ ഉപദേ​ശങ്ങൾ ഒരിക്ക​ലും കാലഹ​ര​ണ​പ്പെ​ടു​ന്നില്ല. അതിന്റെ ഗ്രന്ഥകർത്താവ്‌ ജ്ഞാനത്തിൽ അതുല്യ​നും സ്‌നേ​ഹ​ത്തിൽ അനുപ​മ​നു​മാണ്‌. ഒരുപക്ഷേ ആ വിശിഷ്ട സമ്മാന​ത്തി​ന്റെ ഒരു പ്രതി ഇപ്പോൾത്തന്നെ നിങ്ങൾക്കു സ്വന്തമാ​യി​ട്ടു​ണ്ടാ​യി​രി​ക്കും, അത്‌ വിശുദ്ധ ബൈബി​ളാണ്‌. നമ്മുടെ സാഹച​ര്യ​ങ്ങ​ളോ പശ്ചാത്ത​ല​മോ എന്തുത​ന്നെ​യാ​യാ​ലും സ്‌നേഹം സംബന്ധി​ച്ചു നാം അറിഞ്ഞി​രി​ക്കേ​ണ്ട​തെ​ല്ലാം ബൈബിൾ പഠിപ്പി​ക്കു​ന്നു. അതിന്റെ ഉപദേ​ശങ്ങൾ സൗജന്യ​വു​മാണ്‌.

എല്ലാവ​രു​മാ​യി നല്ല ബന്ധം നിലനി​റു​ത്താൻ ബൈബിൾ നമ്മെ പ്രാപ്‌ത​രാ​ക്കു​മോ? ഇല്ല. നാം എത്രതന്നെ ശ്രമി​ച്ചാ​ലും ചിലർ നമ്മിൽ ആകൃഷ്ട​രാ​യെന്നു വരില്ല. ആത്മാർഥ സ്‌നേഹം പിടി​ച്ചു​വാ​ങ്ങാൻ പറ്റുന്നതല്ല. (ഉത്തമഗീ​തം 8:4) എന്നിരു​ന്നാ​ലും ബൈബി​ളി​ന്റെ ബുദ്ധി​യു​പ​ദേശം ബാധക​മാ​ക്കു​മ്പോൾ മറ്റുള്ള​വ​രു​മാ​യി സ്‌നേ​ഹ​ബ​ന്ധങ്ങൾ സ്ഥാപി​ക്കാ​നുള്ള നിരവധി അവസരങ്ങൾ നമുക്കു ലഭിക്കും, അതിന്‌ സമയവും ശ്രമവും ആവശ്യ​മാ​യി​രു​ന്നേ​ക്കാ​മെ​ങ്കി​ലും. സ്‌നേ​ഹ​ത്തി​ന്റെ ഈ വശത്തെ​പ്പറ്റി അടുത്ത ലേഖന​ത്തിൽ ചർച്ച ചെയ്യു​ന്ന​താ​യി​രി​ക്കും. എന്നാൽ ആദ്യം, യഥാർഥ സ്‌നേഹം ഇക്കാലത്ത്‌ വിരള​മാ​യി​രി​ക്കു​ന്ന​തി​ന്റെ കാരണം പരിചി​ന്തി​ക്കുക.

സ്‌നേഹം “തണുത്തു​പോ​കും”

“ലോകാ​വ​സാന”ത്തെക്കു​റി​ച്ചുള്ള തന്റെ മഹത്തായ പ്രവച​ന​ത്തിൽ, നമ്മുടെ നാളിലെ അവസ്ഥക​ളും മനോ​ഭാ​വ​ങ്ങ​ളും എന്തായി​രി​ക്കു​മെന്ന്‌ യേശു കൃത്യ​മാ​യി മുൻകൂ​ട്ടി​പ്പ​റഞ്ഞു. (മത്തായി 24:3-12) അധർമ​വും യുദ്ധങ്ങ​ളും ലോകത്തു കൊടി​കു​ത്തി​വാ​ഴു​മെന്ന്‌ അവൻ പറഞ്ഞു; സ്‌നേ​ഹ​ത്തിന്‌ എത്ര കടകവി​രു​ദ്ധം! “പലരും . . . അന്യോ​ന്യം ഏല്‌പി​ച്ചു​കൊ​ടു​ക്ക​യും അന്യോ​ന്യം പകെക്ക​യും ചെയ്യു”മെന്നും “അനേക​രു​ടെ സ്‌നേഹം തണുത്തു​പോ​കു”മെന്നും അവൻ പറഞ്ഞു. (മത്തായി 24:3-12) സ്‌നേ​ഹ​ത്തി​ന്റെ കാര്യ​ത്തിൽ ലോകം തണുത്തു​പോ​യി​രി​ക്കു​ന്നു, കുടും​ബ​ങ്ങ​ളിൽപ്പോ​ലും യഥാർഥ സ്‌നേഹം വിരള​മാ​യി​രി​ക്കു​ന്നു. ഈ വസ്‌തു​ത​ക​ളോ​ടു നിങ്ങൾ യോജി​ക്കു​ക​യി​ല്ലേ?

യേശു​വി​ന്റെ വാക്കു​കൾക്കു പുറമേ, “അന്ത്യകാ​ലത്ത്‌” ആളുക​ളു​ടെ പെരു​മാ​റ്റ​രീ​തി എങ്ങനെ​യു​ള്ള​താ​യി​രി​ക്കു​മെന്ന്‌ അപ്പൊ​സ്‌ത​ല​നായ പൗലൊസ്‌ വിശദീ​ക​രി​ച്ചു. “മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി”രിക്കു​മെന്ന്‌ അവൻ എഴുതി. (2 തിമൊ​ഥെ​യൊസ്‌ 3:1-4) പല രാജ്യ​ങ്ങ​ളി​ലും ഇത്തരം പെരു​മാ​റ്റ​രീ​തി​കൾ സർവസാ​ധാ​ര​ണ​മാ​യി​രി​ക്കു​ന്നു.

പിൻവ​രു​ന്ന ചോദ്യ​ങ്ങൾ പരിചി​ന്തി​ക്കുക: അഹങ്കാ​രി​ക​ളും നന്ദി​കെ​ട്ട​വ​രും അശുദ്ധ​രും ഏഷണി​ക്കാ​രും ദ്രോ​ഹി​ക​ളു​മായ ആളുക​ളി​ലേക്കു നിങ്ങൾ ആകർഷി​ക്ക​പ്പെ​ടു​മോ? സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും ഉല്ലാസ​പ്രി​യ​രു​മായ ആളുക​ളോ​ടു നിങ്ങൾക്ക്‌ ഇഷ്ടം തോന്നു​മോ? സ്വന്തം താത്‌പ​ര്യ​ങ്ങൾ നോക്കു​ന്ന​വ​രു​ടെ ബന്ധങ്ങൾ അത്യാ​ഗ്ര​ഹ​വും വ്യക്തി​പ​ര​മായ താത്‌പ​ര്യ​ങ്ങ​ളും മുൻനി​റു​ത്തി​യു​ള്ള​താ​യി​രി​ക്കു​ന്ന​തി​നാൽ മറ്റുള്ള​വ​രിൽ അവർ കാണി​ക്കുന്ന താത്‌പ​ര്യം സ്വാർഥ​പ​ര​മാ​യി​രി​ക്കാ​നാ​ണു സാധ്യത. അതു​കൊണ്ട്‌ തിരു​വെ​ഴു​ത്തു​കൾ ജ്ഞാനപൂർവം ബുദ്ധി​യു​പ​ദേ​ശി​ക്കു​ന്നു: “അങ്ങനെ​യു​ള്ള​വരെ വിട്ടൊ​ഴി​യുക.”—2 തിമൊ​ഥെ​യൊസ്‌ 3:5.

അന്ത്യകാ​ല​ത്തു ജീവി​ക്കുന്ന ആളുകൾ “വാത്സല്യ”മില്ലാ​ത്ത​വ​രാ​യി​രി​ക്കും അല്ലെങ്കിൽ മറ്റൊരു ഭാഷാ​ന്തരം പറയു​ന്ന​തു​പോ​ലെ അവർക്ക്‌ “കുടും​ബ​ത്തോ​ടു സ്വാഭാ​വി​ക​പ്രി​യം ഇല്ലായി​രി​ക്കും” എന്ന പ്രസ്‌താ​വ​ന​യും ശ്രദ്ധി​ക്കുക. സങ്കടക​ര​മെന്നു പറയട്ടെ, അത്തരം കുടും​ബ​ങ്ങ​ളിൽ വളരുന്ന കുട്ടി​ക​ളു​ടെ എണ്ണം വർധി​ക്കു​ക​യാണ്‌. ഈ കുരു​ന്നു​കൾ മിക്ക​പ്പോ​ഴും മാധ്യ​മ​ങ്ങ​ളിൽനി​ന്നാ​ണു സ്‌നേ​ഹ​ത്തെ​പ്പറ്റി മനസ്സി​ലാ​ക്കു​ന്നത്‌. എന്നാൽ മെച്ചപ്പെട്ട ബന്ധങ്ങൾ സൃഷ്ടി​ക്കുന്ന സ്‌നേ​ഹ​ത്തി​ന്റെ ഒരു യഥാർഥ ചിത്ര​മാ​ണോ മാധ്യ​മങ്ങൾ വരച്ചു​കാ​ട്ടു​ന്നത്‌?

സ്‌നേഹം—കാൽപ്പ​നി​ക​മോ യഥാർഥ​മോ?

ഒരു പരിധി​വരെ നമ്മിൽ മിക്കവ​രും മാധ്യ​മ​ങ്ങ​ളാൽ സ്വാധീ​നി​ക്ക​പ്പെ​ടു​ന്നുണ്ട്‌. ഒരു ഗവേഷക ഇപ്രകാ​രം എഴുതി: “കുഞ്ഞു​ന്നാൾ മുതൽ മുത്തശ്ശി​ക്ക​ഥകൾ കേട്ടും വായി​ച്ചു​മാ​ണു നാം വളരു​ന്നത്‌. ലൈം​ഗി​കത, സ്‌നേഹം, പ്രണയം എന്നിവ സംബന്ധിച്ച്‌ ചലച്ചി​ത്രങ്ങൾ, ടിവി, പുസ്‌ത​കങ്ങൾ, മാസി​കകൾ, റേഡി​യോ, റെക്കോർഡു​ചെയ്‌ത സംഗീതം, പരസ്യങ്ങൾ എന്നിവ​യിൽനിന്ന്‌, എന്തിന്‌ വാർത്ത​ക​ളു​ടെ​പോ​ലും സ്വാധീ​ന​ത്തിൽനിന്ന്‌ ഉരുത്തി​രി​യുന്ന ധാരണകൾ എളുപ്പം പിഴു​തെ​റി​യാ​നാ​വാ​തെ സമൂഹ​ത്തിൽ രൂഢമൂ​ല​മാ​യി​രി​ക്കു​ന്നു. ഇവ ഇടതട​വി​ല്ലാ​തെ നമ്മുടെ കണ്ണിലും കാതി​ലും വന്നലയ്‌ക്കു​ന്നു.” അവർ ഇങ്ങനെ​യും കൂട്ടി​ച്ചേർത്തു: “നമ്മിൽ മിക്കവർക്കും പൂർണ​മാ​യി തള്ളിക്ക​ള​യാ​നാ​വാത്ത ന്യായ​യു​ക്ത​മ​ല്ലാത്ത പ്രതീ​ക്ഷകൾ മനസ്സിൽ രൂപ​പ്പെ​ടു​ത്തു​ക​യോ രൂഢമൂ​ല​മാ​ക്കു​ക​യോ ചെയ്യുന്ന വിധത്തി​ലാണ്‌ ലൈം​ഗി​കത, സ്‌നേഹം, പ്രണയം എന്നിവയെ മിക്ക മാധ്യ​മ​ങ്ങ​ളും അവതരി​പ്പി​ക്കു​ന്നത്‌. നമ്മോ​ടു​ത​ന്നെ​യും നമ്മുടെ വിവാ​ഹിത ഇണയോ​ടും അസംതൃ​പ്‌തി തോന്നു​ന്ന​തിന്‌ അത്‌ ഇടയാ​ക്കു​ന്നു.”

അതേ, പുസ്‌ത​ക​ങ്ങ​ളും ചലച്ചി​ത്ര​ങ്ങ​ളും ഗാനങ്ങ​ളും സ്‌നേ​ഹ​ത്തി​ന്റെ ഒരു യഥാർഥ ചിത്രം അവതരി​പ്പി​ക്കു​ന്നി​ല്ലെന്നു പറയാം. അവയുടെ മുഖ്യ ഉദ്ദേശ്യം വിനോ​ദി​പ്പി​ക്കുക എന്നതാണ്‌ അല്ലാതെ വിജ്ഞാനം പകരുക എന്നതല്ല. അങ്ങനെ, ഭാവന​യും പ്രണയ​വും കൂട്ടി​ക്ക​ലർത്തിയ രചനകൾ വൻതോ​തിൽ ഉത്‌പാ​ദി​പ്പി​ച്ചു​കൊണ്ട്‌ എഴുത്തു​കാർ പണം വാരി​ക്കൂ​ട്ടു​ന്നു. സങ്കടക​ര​മെന്നു പറയട്ടെ, അത്തരം ഭാവന യാഥാർഥ്യ​മാ​ണെന്നു തെറ്റി​ദ്ധ​രി​ക്കുക എളുപ്പ​മാണ്‌. അതു​കൊ​ണ്ടു​തന്നെ തങ്ങളുടെ ബന്ധങ്ങൾ കഥയിലെ നായി​കാ​നാ​യ​ക​ന്മാ​രു​ടേ​തു​പോ​ലെ അല്ലാ​തെ​വ​രു​മ്പോൾ ആളുകൾ നിരാ​ശി​ത​രാ​കു​ന്നു. അതു​കൊണ്ട്‌ ഭാവന​യും യാഥാർഥ്യ​വും, മാധ്യ​മങ്ങൾ ചിത്രീ​ക​രി​ക്കുന്ന പ്രണയ​വും യഥാർഥ സ്‌നേ​ഹ​വും തമ്മിലുള്ള വ്യത്യാ​സം നമുക്ക്‌ എങ്ങനെ തിരി​ച്ച​റി​യാ​നാ​കും? പിൻവ​രുന്ന താരത​മ്യ​ങ്ങൾ പരിചി​ന്തി​ക്കുക.

പ്രണയ​ക​ഥ​ക​ളി​ലെ സ്‌നേ​ഹ​വും യഥാർഥ സ്‌നേ​ഹ​വും

പുസ്‌ത​ക​ങ്ങ​ളി​ലും സിനി​മ​ക​ളി​ലും നാടക​ങ്ങ​ളി​ലും അവതരി​പ്പി​ച്ചി​രി​ക്കുന്ന പ്രണയ​ക​ഥകൾ വ്യത്യ​സ്‌ത​മാ​യി​രി​ക്കാ​മെ​ങ്കി​ലും അവയുടെ ചട്ടക്കൂ​ടും സൂത്ര​വാ​ക്യ​വും ഏതാണ്ട്‌ ഒന്നുതന്നെ ആയിരി​ക്കും. റൈറ്റർ മാസിക ഇപ്രകാ​രം പ്രസ്‌താ​വി​ക്കു​ന്നു: “പ്രണയ​ര​ച​ന​ക​ളിൽ അധിക​വും തനിയാ​വർത്ത​ന​മാണ്‌. നായകൻ നായി​കയെ കണ്ടുമു​ട്ടു​ന്നു, നായകനു നായി​കയെ നഷ്ടപ്പെ​ടു​ന്നു, നായകനു നായി​കയെ തിരികെ കിട്ടുന്നു എന്ന പതിവു സൂത്ര​വാ​ക്യം, പശ്ചാത്ത​ല​വും കാലഘ​ട്ട​വും എന്തുത​ന്നെ​യാ​യാ​ലും വായന​ക്കാർ വീണ്ടും​വീ​ണ്ടും വായി​ക്കാൻ ഇഷ്ടപ്പെ​ടുന്ന, പരീക്ഷി​ച്ചു ഫലപ്ര​ദ​മെന്നു തെളിഞ്ഞ ഒന്നാണ്‌ എന്നതാണ്‌ അതിനു കാരണം.” ജനരഞ്‌ജ​ക​മായ ഈ സൂത്ര​വാ​ക്യം നമു​ക്കൊന്ന്‌ അടുത്തു പരി​ശോ​ധി​ക്കാം.

നായകൻ നായി​കയെ കണ്ടുമു​ട്ടു​ന്നു: സുമു​ഖ​നായ ഒരു രാജകു​മാ​രൻ സുന്ദരി​യായ ഒരു പെൺകു​ട്ടി​യെ കണ്ടുമു​ട്ടു​ക​യും അവർ പ്രണയ​ബ​ദ്ധ​രാ​കു​ക​യും ചെയ്യുന്നു. പ്രണയ​ക​ഥകൾ എഴുതി വിജയം കൊയ്‌ത ഒരു എഴുത്തു​കാ​രി പ്രണയ​ക​ഥാ​കൃ​ത്തു​ക്ക​ളാ​കാൻ ആഗ്രഹി​ക്കു​ന്ന​വർക്കു പിൻവ​രുന്ന ഉപദേശം നൽകുന്നു: “[ജോഡി​കൾ] തമ്മിൽ ആദ്യം കണ്ടുമു​ട്ടു​മ്പോൾത്തന്നെ അവർ ഒന്നിക്കാ​നു​ള്ള​വ​രാ​ണെന്നു വായന​ക്കാർക്കു തോന്നണം.”

പ്രഥമ​ദർശ​ന​ത്തിൽത്ത​ന്നെ​യുള്ള അനുരാ​ഗം എന്ന ആശയം യഥാർഥ സ്‌നേഹം വെറു​മൊ​രു വികാരം, നിങ്ങൾക്കു ചേരുന്ന ഒരാളെ കണ്ടുമു​ട്ടു​മ്പോൾ നിങ്ങളെ കീഴട​ക്കുന്ന അപ്രതി​രോ​ധ്യ​മായ ഒരു വികാരം, ആണെന്ന സന്ദേശ​മാ​ണു നൽകു​ന്നത്‌—അത്തരം സ്‌നേഹം പൊടു​ന്നനെ പൊട്ടി​മു​ള​യ്‌ക്കു​ന്ന​താണ്‌. അതിന്‌ അൽപ്പം​പോ​ലും ശ്രമമോ മറ്റേ വ്യക്തി​യെ​ക്കു​റി​ച്ചുള്ള അറിവോ ആവശ്യ​മില്ല. എന്നിരു​ന്നാ​ലും യഥാർഥ സ്‌നേഹം ഒരു വികാ​ര​ത്തെ​ക്കാൾ കവിഞ്ഞ​താണ്‌. വികാ​രങ്ങൾ ഉൾപ്പെ​ടു​ന്നുണ്ട്‌ എന്നുള്ളതു ശരിയാണ്‌, എന്നാൽ അതോ​ടൊ​പ്പം തത്ത്വങ്ങ​ളും മൂല്യ​ങ്ങ​ളും കൂടി ഉൾപ്പെ​ടുന്ന ഗാഢമായ ഒരു ആത്മബന്ധ​മാണ്‌ സ്‌നേഹം. ഉചിത​മാം​വണ്ണം ഊട്ടി​വ​ളർത്തു​ക​യും നിലനി​റു​ത്തു​ക​യും ചെയ്യു​ന്നി​ട​ത്തോ​ളം ആ ബന്ധം വളർന്നു​കൊ​ണ്ടി​രി​ക്കും.—കൊ​ലൊ​സ്സ്യർ 3:14.

കൂടാതെ മറ്റേ വ്യക്തിയെ അടുത്ത​റി​യാൻ സമയം ആവശ്യ​മാണ്‌. ഉത്തമ പങ്കാളി​യെ ആദ്യദർശ​ന​ത്തിൽത്തന്നെ കണ്ടെത്താ​നാ​യെന്നു വിചാ​രി​ക്കു​ന്നത്‌ തികഞ്ഞ മിഥ്യാ​ധാ​ര​ണ​യും മിക്ക​പ്പോ​ഴും നിരാ​ശ​യി​ലേക്കു നയിക്കു​ന്ന​തു​മാണ്‌. കൂടാതെ യഥാർഥ സ്‌നേഹം കണ്ടെത്തി​യി​രി​ക്കു​ന്നെന്നു പെട്ടെന്നു നിഗമനം ചെയ്യു​മ്പോൾ, യഥാർഥ സ്‌നേ​ഹ​മാ​യി​രി​ക്കാൻ ഇടയി​ല്ലെന്നു സൂചി​പ്പി​ക്കുന്ന വസ്‌തു​ത​ക​ളു​ടെ നേരെ നിങ്ങൾ മനസ്സു കൊട്ടി​യ​ട​യ്‌ക്കു​ക​യാ​യി​രി​ക്കും ചെയ്യു​ന്നത്‌. യോജിച്ച ഇണയെ തിര​ഞ്ഞെ​ടു​ക്കു​മ്പോൾ യുക്തി​സ​ഹ​മ​ല്ലാത്ത അഭിനി​വേ​ശ​ത്തി​ന്റെ തിരത്ത​ള്ള​ലി​നാൽ രൂപം​കൊ​ള്ളുന്ന വികാരം മാത്രം കണക്കി​ലെ​ടു​ത്താൽ പോരാ. അതു​കൊണ്ട്‌ ധൃതി​കൂ​ട്ടാ​തി​രി​ക്കുക. ഇണയുടെ കാര്യ​ത്തിൽ ബുദ്ധി​ശൂ​ന്യ​മായ തിര​ഞ്ഞെ​ടുപ്പ്‌ ജോലി​യു​ടെ കാര്യ​ക്ഷ​മ​ത​യെ​യും മാനസി​ക​വും ശാരീ​രി​ക​വു​മായ ആരോ​ഗ്യ​ത്തെ​യും ആയുസ്സി​നെ​പ്പോ​ലും പ്രതി​കൂ​ല​മാ​യി ബാധി​ക്കു​മെന്ന്‌ അസംഖ്യം പഠനങ്ങൾ കാണി​ക്കു​ന്നു.

നായകനു നായി​കയെ നഷ്ടപ്പെ​ടു​ന്നു: ദുഷ്ടനായ ഒരു പ്രഭു സുന്ദരി​യായ പെൺകു​ട്ടി​യെ അപഹരിച്ച്‌ കൊട്ടാ​ര​ത്തിൽനി​ന്നു രക്ഷപ്പെ​ടു​ന്നു. അവളെ​യും​തേടി രാജകു​മാ​രൻ അപകട​ങ്ങൾനി​റഞ്ഞ യാത്ര തുടങ്ങു​ന്നു. റൊമാൻസ്‌ റൈ​റ്റേ​ഴ്‌സ്‌ ഓഫ്‌ അമേരിക്ക എന്ന സംഘട​ന​യു​ടെ വക്താവ്‌ പറയുന്നു: “രണ്ടു വ്യക്തികൾ പ്രണയ​ബ​ദ്ധ​രാ​കു​ക​യും തങ്ങളുടെ ബന്ധം വിജയ​ക​ര​മാ​ക്കാൻ പൊരു​തു​ക​യും ചെയ്യു​ന്ന​താ​യി​രി​ക്കണം ഒരു പ്രണയ​ക​ഥ​യു​ടെ മുഖ്യ​ക​ഥാം​ശം.” മിക്ക നോവ​ലു​ക​ളി​ലും ബന്ധം വിജയി​ക്കു​ക​തന്നെ ചെയ്യും, വായന​ക്കാർക്ക്‌ അത്‌ അറിയാം. ബന്ധത്തിനു പുറത്തു​നി​ന്നു വരുന്ന തടസ്സങ്ങളെ പ്രണയി​താ​ക്കൾ മിക്ക​പ്പോ​ഴും അതിജീ​വി​ക്കു​ന്നു.

യഥാർഥ ജീവി​ത​ത്തിൽ സാധാ​ര​ണ​മാ​യി ബന്ധത്തിനു പുറത്തു​നി​ന്നും അകത്തു​നി​ന്നും പ്രശ്‌നങ്ങൾ ഉണ്ടാകാ​റുണ്ട്‌. അതിൽ പണവും ജോലി​യും ബന്ധുക്ക​ളും സുഹൃ​ത്തു​ക്ക​ളും എല്ലാം ഉൾപ്പെ​ട്ടേ​ക്കാം. ഒരാൾ മറ്റേയാ​ളു​ടെ പ്രതീ​ക്ഷ​കൾക്കൊത്ത്‌ ഉയരാതെ വരു​മ്പോ​ഴും പ്രശ്‌നങ്ങൾ പൊന്തി​വ​ന്നേ​ക്കാം. കഥകളി​ലെ​യും മറ്റും നായി​കാ​നാ​യ​ക​ന്മാർക്കു സാധാ​ര​ണ​മാ​യി തെറ്റു​കു​റ്റ​ങ്ങ​ളൊ​ക്കെ തീരെ കുറവാ​യി​രി​ക്കും. എന്നാൽ ജീവി​ത​ത്തിൽ അത്‌ എല്ലായ്‌പോ​ഴും അങ്ങനെ​യാ​യി​രി​ക്ക​ണ​മെ​ന്നില്ല. കൂടാതെ ജീവി​ത​ക്ലേ​ശ​ങ്ങ​ളെ​യോ വീക്ഷണങ്ങൾ, പശ്ചാത്ത​ലങ്ങൾ, ആഗ്രഹങ്ങൾ, വ്യക്തി​ത്വ​ങ്ങൾ എന്നിവ​യി​ലുള്ള വ്യത്യാ​സ​ങ്ങ​ളെ​യോ തരണം​ചെ​യ്യ​ണ​മെ​ങ്കിൽ യഥാർഥ സ്‌നേഹം ഉള്ളതു​കൊ​ണ്ടു മാത്ര​മാ​യില്ല, നമ്മുടെ ഭാഗത്ത്‌ നല്ല ശ്രമവും ആവശ്യ​മാണ്‌. നിഷ്‌പ്ര​യാ​സം അല്ലെങ്കിൽ സ്വാഭാ​വി​ക​മാ​യി ഉളവാ​കാത്ത ഗുണങ്ങ​ളായ സഹകര​ണ​വും താഴ്‌മ​യും സൗമ്യ​ത​യും ക്ഷമയും ദീർഘ​ക്ഷ​മ​യും സ്‌നേ​ഹ​ത്തിൽ ഉൾപ്പെ​ടു​ന്നു.—1 കൊരി​ന്ത്യർ 13:4-7.

നായകന്‌ നായി​കയെ തിരികെ കിട്ടുന്നു. രാജകു​മാ​രൻ സുന്ദരി​യായ പെൺകു​ട്ടി​യെ രക്ഷിക്കു​ക​യും പ്രഭു​വി​നെ തുരത്തു​ക​യും ചെയ്യുന്നു. രാജകു​മാ​രൻ അവളെ വിവാഹം കഴിക്കു​ന്നു. പിന്നീട്‌ എന്നേക്കും അവർ സുഖമാ​യി ജീവി​ക്കു​ന്നു. പ്രണയ​നോ​വ​ലു​ക​ളു​ടെ ഒരു രചയി​താവ്‌ അത്തരം കഥകളു​ടെ എഴുത്തു​കാ​രാ​കാൻ ആഗ്രഹി​ക്കു​ന്ന​വർക്കു പിൻവ​രുന്ന ഉപദേശം നൽകുന്നു: “പിന്നീ​ടുള്ള കാലം അവർ സുഖമാ​യി ജീവി​ച്ചെന്ന ശുഭാ​ന്ത്യം കൂടി​യേ​തീ​രൂ . . . പ്രണയി​താ​ക്കൾ ഒന്നിച്ചു, അവർ സന്തുഷ്ട​രാണ്‌ എന്നുള്ള​തിൽ വായന​ക്കാർ സംതൃ​പ്‌തി​യ​ട​യണം.” വിവാഹം കഴിഞ്ഞ്‌ വർഷങ്ങൾക്കു​ശേഷം കഥാപാ​ത്ര​ങ്ങൾക്ക്‌ എന്തു സംഭവി​ക്കു​ന്നു​വെന്ന്‌ പ്രണയ​നോ​വ​ലു​കൾ സാധാരണ പ്രതി​പാ​ദി​ക്കാ​റില്ല. ആ സമയത്ത്‌ അഭി​പ്രാ​യ​വ്യ​ത്യാ​സ​ങ്ങ​ളും പലതരം വെല്ലു​വി​ളി​ക​ളും ബുദ്ധി​മു​ട്ടു​ക​ളും അവരുടെ ബന്ധത്തിന്റെ മാറ്റു​ര​ച്ചി​ട്ടു​ണ്ടാ​വാം. അത്തരം പരീക്ഷ​ക​ളിൽ പല വിവാ​ഹ​ങ്ങ​ളും പരാജ​യ​പ്പെ​ടു​ന്നു​വെ​ന്നാണ്‌ വിവാ​ഹ​മോ​ചന സ്ഥിതി​വി​വ​ര​ക്ക​ണ​ക്കു​കൾ കാണി​ക്കു​ന്നത്‌.

അതേ, കഥകളി​ലെ പ്രണയം താരത​മ്യേന എളുപ്പ​മാണ്‌, എന്നാൽ യഥാർഥ സ്‌നേ​ഹ​ത്തി​നു ശ്രമം ആവശ്യ​മാണ്‌. ഇതു രണ്ടും തമ്മിലുള്ള വ്യത്യാ​സം മനസ്സി​ലാ​ക്കു​ന്നത്‌ യുക്തി​ര​ഹി​ത​വും യഥാർഥ്യ​ബോ​ധ​മി​ല്ലാ​ത്ത​തു​മായ പ്രതീ​ക്ഷകൾ വെച്ചു​പു​ലർത്തു​ന്ന​തിൽനി​ന്നു നിങ്ങളെ സംരക്ഷി​ക്കും. എടുത്തു​ചാ​ടി വാഗ്‌ദാ​നങ്ങൾ ചെയ്‌ത്‌ പിന്നീട്‌ ഖേദി​ക്കു​ന്ന​തിൽനിന്ന്‌ അതു നിങ്ങളെ തടയും. യഥാർഥ​വും നിസ്സ്വാർഥ​വു​മായ സ്‌നേഹം വളർത്തി​യെ​ടു​ക്കാൻ കഴിയുന്ന വിധ​ത്തെ​ക്കു​റി​ച്ചും മറ്റുള്ള​വർക്ക്‌ ഏറെ പ്രിയ​ങ്ക​ര​രാ​യി​ത്തീ​രാൻ കഴിയു​ന്നത്‌ എങ്ങനെ​യെ​ന്നും അടുത്ത ലേഖനം ചർച്ച ചെയ്യുന്നു.

[5-ാം പേജിലെ ആകർഷക വാക്യം]

അധികം സ്‌നേ​ഹി​ക്കാത്ത ആളുകൾ അധികം സ്‌നേ​ഹി​ക്ക​പ്പെ​ടു​ന്നില്ല

[7-ാം പേജിലെ ആകർഷക വാക്യം]

കഥകളിലെ സ്‌നേഹം താരത​മ്യേന എളുപ്പ​മാണ്‌; യഥാർഥ സ്‌നേ​ഹ​ത്തി​നു ശ്രമം ആവശ്യ​മാണ്‌

[6-ാം പേജിലെ ചതുരം/ചിത്രം]

പ്രണയകഥകളിലെ നായി​കാ​നാ​യ​ക​ന്മാർ

ഐക്യ​നാ​ടു​ക​ളിൽ ഓരോ വർഷവും 4,500 കോടി​യി​ല​ധി​കം രൂപയ്‌ക്ക്‌ പ്രണയ​നോ​വ​ലു​കൾ വിറ്റഴി​ക്ക​പ്പെ​ടു​ന്നു. ആ രാജ്യത്തു വിൽക്ക​പ്പെ​ടുന്ന കട്ടിബ​യൻഡി​ടാത്ത നോവ​ലു​ക​ളിൽ പകുതി​യോ​ളം പ്രണയ​നോ​വ​ലു​ക​ളാണ്‌. റൊമാൻസ്‌ റൈ​റ്റേ​ഴ്‌സ്‌ ഓഫ്‌ അമേരിക്ക എന്ന സംഘടന പ്രസി​ദ്ധീ​ക​രിച്ച സ്ഥിതി​വി​വ​ര​ക്ക​ണ​ക്കു​കൾ അനുസ​രിച്ച്‌ നായകന്റെ കായി​ക​ബലം, സൗന്ദര്യം, ബുദ്ധി എന്നിങ്ങനെ മുഖ്യ​മാ​യി മൂന്ന്‌ സവി​ശേ​ഷ​ത​ക​ളെ​ക്കു​റി​ച്ചു വായി​ക്കാ​നാണ്‌ ആളുകൾ ഇഷ്ടപ്പെ​ടു​ന്നത്‌. ഈ വായന​ക്കാ​രിൽ 90 ശതമാ​ന​വും സ്‌ത്രീ​ക​ളാണ്‌. നായി​ക​മാ​രി​ലാ​കട്ടെ ഏറ്റവും ജനരഞ്‌ജ​ക​മായ ഗുണങ്ങൾ ബുദ്ധി, ധാർമി​ക​ബലം, ആകർഷ​ണീ​യത എന്നിവ​യും.

[6, 7 പേജു​ക​ളി​ലെ ചിത്രങ്ങൾ]

മാധ്യ​മങ്ങൾ വിരള​മാ​യേ സ്‌നേ​ഹ​ത്തി​ന്റെ യഥാർഥ ചിത്രം അവതരി​പ്പി​ക്കു​ന്നു​ള്ളൂ