ബൈബി​ളി​ന്റെ വീക്ഷണം

ശാസ്‌ത്ര​വും ബൈബി​ളും യോജി​പ്പി​ലാ​ണോ?

“ഒരു പുതിയ കണ്ടുപി​ടി​ത്തം നടത്തു​ക​യും അതിൽ ദൈവ​ത്തി​ന്റെ കരസ്‌പർശം കാണാ​നാ​കു​ക​യും ചെയ്യുന്ന ആ അസുലഭ നിമി​ഷ​ങ്ങ​ളാണ്‌ എന്റെ ശാസ്‌ത്ര ജീവി​തത്തെ ധന്യമാ​ക്കു​ന്നത്‌!”—ഹെൻട്രി ഷേഫർ, രസതന്ത്ര പ്രൊ​ഫസർ.

പ്രപഞ്ച​ത്തി​ലെ പല നിഗൂ​ഢ​ത​ക​ളും ശാസ്‌ത്രം നമുക്കു വെളിപ്പെ​ടു​ത്തി​ത്ത​ന്നി​ട്ടുണ്ട്‌. ക്രമനി​ബദ്ധത, കൃത്യത, സങ്കീർണത അങ്ങനെ എന്തെല്ലാം! അവ നിരീ​ക്ഷി​ക്കുന്ന പലർക്കും അതൊക്കെ സർവശ​ക്ത​നും സർവജ്ഞാ​നി​യു​മായ ഒരു സ്രഷ്ടാ​വി​ന്റെ അസ്‌തി​ത്വ​ത്തി​നുള്ള തെളി​വു​ക​ളാണ്‌. പ്രകൃതി വിസ്‌മ​യ​ങ്ങളെ വിശദീ​ക​രി​ക്കുന്ന വിജ്ഞാ​ന​ശാഖ എന്നതി​നു​പു​റമേ, ദൈവ​ത്തി​ന്റെ മനസ്സിലേക്കു തുറക്കുന്ന ഒരു ജാലക​മാ​യി​ട്ടാണ്‌ ഇവർ ശാസ്‌ത്രത്തെ കാണു​ന്നത്‌.

ഈ വീക്ഷണത്തെ ബൈബി​ളും പിന്താ​ങ്ങു​ന്നു. ഉദാഹ​ര​ണ​ത്തിന്‌, റോമർ 1:20-ൽ ഇങ്ങനെ കാണുന്നു: “ലോക​സൃ​ഷ്ടി​മു​തൽ അവന്റെ (ദൈവ​ത്തി​ന്റെ) അദൃശ്യ​ഗു​ണ​ങ്ങ​ളായ നിത്യ​ശ​ക്തി​യും ദൈവ​ത്ത്വ​വും അവന്റെ സൃഷ്ടി​ക​ളി​ലൂ​ടെ വ്യക്തമാ​യി കണ്ടു ഗ്രഹി​ക്കാൻ സാധി​ക്കു​മാറ്‌ വെളി​വാ​യി​രി​ക്കു​ന്നു.” കൂടാതെ, സങ്കീർത്തനം 19:1, 2 ഇപ്രകാ​രം പറയുന്നു: “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു. പകൽ പകലിന്നു വാക്കു പൊഴി​ക്കു​ന്നു; രാത്രി രാത്രി​ക്കു അറിവു കൊടു​ക്കു​ന്നു.” വിസ്‌മ​യങ്ങൾ നിറഞ്ഞ ഈ പ്രപഞ്ചം പക്ഷേ, സ്രഷ്ടാ​വിനെ​ക്കു​റി​ച്ചുള്ള ചില വസ്‌തു​തകൾ മാത്രമേ വെളിപ്പെ​ടു​ത്തു​ന്നു​ള്ളൂ.

ശാസ്‌ത്ര​ത്തി​ന്റെ പരിധി​യും പരിമി​തി​യും

ദൈവത്തെ​ക്കു​റി​ച്ചുള്ള പല സത്യങ്ങ​ളും വിശദീ​ക​രി​ക്കാൻ ശാസ്‌ത്രം പര്യാ​പ്‌തമല്ല. ഒരു ഉദാഹ​ര​ണ​ത്തി​ലൂ​ടെ അതു വിശദ​മാ​ക്കാം: ഒരു കേക്കിൽ അടങ്ങി​യി​രി​ക്കുന്ന തന്മാ​ത്ര​കളെ​ക്കു​റി​ച്ചുള്ള സകല വിശദാം​ശ​ങ്ങ​ളും നൽകാൻ ഒരു ശാസ്‌ത്ര​ജ്ഞന്‌ കഴി​ഞ്ഞേ​ക്കും. എന്നാൽ ആ കേക്ക്‌ ഉണ്ടാക്കി​യത്‌ എന്തിനാണ്‌, ആർക്കുവേ​ണ്ടി​യാണ്‌ (സാധാ​ര​ണ​ഗ​തി​യിൽ ഒരു വ്യക്തി അറിയാ​നാഗ്ര​ഹി​ക്കുക ഈ കാര്യ​ങ്ങ​ളാ​ണ​ല്ലോ) എന്നൊക്കെ അദ്ദേഹ​ത്തി​ന്റെ നിരീ​ക്ഷ​ണ​പ​രീ​ക്ഷ​ണങ്ങൾ വെളിപ്പെ​ടു​ത്തു​മോ? ഇല്ല! അത്‌ അറിയാൻ കേക്ക്‌ ഉണ്ടാക്കിയ ആളോ​ടു​തന്നെ ചോദിക്കേ​ണ്ടി​വ​രും.

അതു​പോ​ലെ, ശാസ്‌ത്ര​ത്തിന്‌ “കുറെ വസ്‌തു​തകൾ നിരത്താൻ കഴി​ഞ്ഞേ​ക്കും. . . . പക്ഷേ, നാമെ​ല്ലാം അറിയാൻ ആഗ്രഹി​ക്കുന്ന കാര്യ​ങ്ങളെ​ക്കു​റിച്ച്‌, അതായത്‌ ദൈവം, അനന്തത തുടങ്ങിയ വിഷയ​ങ്ങളെ​ക്കു​റിച്ച്‌, ശാസ്‌ത്രം കനത്ത നിശ്ശബ്ദത പാലി​ക്കു​ന്നു.” ഓസ്‌ട്രി​യൻ ഭൗതി​ക​ശാ​സ്‌ത്ര​ജ്ഞ​നും നോബൽ സമ്മാന ജേതാ​വു​മായ എർവിൻ ഷ്‌റോ​ഡി​ങ്ങർ പറയുന്നു. ഉദാഹ​ര​ണ​ത്തിന്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകാൻ ശാസ്‌ത്ര​ത്തി​നു കഴിയില്ല: പ്രപഞ്ചം സൃഷ്ടി​ക്കപ്പെ​ട്ടത്‌ എന്തിന്‌? ബുദ്ധി​യും ചിന്താപ്രാ​പ്‌തി​യു​മുള്ള മനുഷ്യ​നും മറ്റു ജീവജാ​ല​ങ്ങ​ളും സൃഷ്ടി​ക്കപ്പെ​ട്ടത്‌ എന്തിന്‌? ദൈവം സർവശ​ക്ത​നാണെ​ങ്കിൽ തിന്മയും കഷ്ടതയും വെച്ചുപൊ​റു​പ്പി​ക്കു​ന്നത്‌ എന്തു​കൊ​ണ്ടാണ്‌? മരിച്ചുപോ​യ​വർക്ക്‌ എന്തെങ്കി​ലും പ്രത്യാ​ശ​യു​ണ്ടോ? ദൈവ​ത്തി​നു​മാത്രമേ അവയ്‌ക്ക്‌ ഉത്തരം നൽകാ​നാ​കൂ.

ആകട്ടെ, ദൈവം ഈ ചോദ്യ​ങ്ങൾക്ക്‌ ഉത്തരം നൽകി​യി​ട്ടു​ണ്ടോ? ഉണ്ട്‌, ബൈബി​ളി​ന്റെ താളു​ക​ളിൽ. (2 തിമൊഥെയൊസ്‌ 3:16) പക്ഷേ നിങ്ങൾ ചിന്തിച്ചേ​ക്കാം, ‘ബൈബിൾ ദൈവ​ത്തിൽനി​ന്നു​ള്ള​താണ്‌ എന്നതിന്‌ എന്താണു​റപ്പ്‌?’ ശാസ്‌ത്ര​ത്തി​ന്റെ തലത്തിൽനി​ന്നു നോക്കുമ്പോൾ, പ്രപഞ്ച​സൃ​ഷ്ടി​കളെ​ക്കു​റിച്ച്‌ ശാസ്‌ത്രം തെളി​യി​ച്ചി​ട്ടുള്ള വസ്‌തു​ത​ക​ളും ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളും തമ്മിൽ പൊരു​ത്ത​മു​ണ്ടാ​യി​രി​ക്കണം. അതായത്‌, ദൈവ​ത്തി​ന്റെ സൃഷ്ടി​ക​ളും ബൈബി​ളും തമ്മിൽ ഒത്തു​നോ​ക്കുമ്പോൾ വൈരു​ധ്യ​ങ്ങൾ ഉണ്ടാകാൻ പാടില്ല. അത്‌ അങ്ങനെ​തന്നെ​യാ​ണോ? ചില ഉദാഹ​ര​ണങ്ങൾ നോക്കാം.

ശാസ്‌ത്രം തെളി​യി​ക്കു​ന്ന​തി​നു​മു​മ്പേ. . .

ബൈബി​ളി​ലെ പുസ്‌ത​കങ്ങൾ രചിക്കപ്പെ​ട്ടുകൊ​ണ്ടി​രുന്ന കാലത്ത്‌ ആളുകൾ പൊതു​വെ വിശ്വ​സി​ച്ചി​രു​ന്നത്‌, നിരവധി ദേവീദേ​വ​ന്മാർ പ്രപഞ്ച​ത്തിൽ അധിവ​സി​ക്കു​ന്നുണ്ടെ​ന്നും അവരാണ്‌ സൂര്യ​ചന്ദ്രാ​ദി​കളെ​യും ഋതുഭേദങ്ങളെയും ഉർവര​തയെ​യുമൊ​ക്കെ നിയ​ന്ത്രി​ക്കു​ന്നതെ​ന്നു​മാണ്‌. പ്രകൃ​തി​നി​യ​മ​ങ്ങളെ​ക്കു​റിച്ച്‌ അവർക്ക്‌ അറിയി​ല്ലാ​യി​രു​ന്നു. എന്നാൽ അന്നു ജീവി​ച്ചി​രുന്ന, ദൈവ​ത്തി​ന്റെ പ്രവാ​ച​ക​ന്മാ​രു​ടെ വിശ്വാ​സം എന്തായി​രു​ന്നു? പ്രകൃ​തി​യെ നേരിട്ടു നിയ​ന്ത്രി​ക്കാൻ സ്രഷ്ടാ​വായ യഹോ​വ​യ്‌ക്ക്‌ കഴിയുമെ​ന്നും ചില സന്ദർഭ​ങ്ങ​ളിൽ അവൻ അങ്ങനെ ചെയ്‌തി​ട്ടുണ്ടെ​ന്നും ആ എബ്രായ പ്രവാ​ച​ക​ന്മാർക്ക്‌ അറിയാ​മാ​യി​രു​ന്നു. (യോശുവ 10:12-14; 2 രാജാ​ക്ക​ന്മാർ 20:9-11) ഇംഗ്ലണ്ടി​ലെ ഓക്‌സ്‌ഫോർഡ്‌ യൂണിവേ​ഴ്‌സി​റ്റി​യി​ലെ ഗണിത​ശാ​സ്‌ത്ര പ്രൊ​ഫ​സ​റായ ജോൺ ലെനോ​ക്‌സ്‌ പറയു​ന്ന​തുപോ​ലെ, ആ ദൈവ​ദാ​സ​ന്മാർക്ക്‌ ഇടയ്‌ക്കുവെച്ച്‌ തങ്ങളുടെ ധാരണ തിരു​ത്തേണ്ട ഒരു ഗതി​കേട്‌ ഉണ്ടാകു​മാ​യി​രു​ന്നില്ല. കാരണം, “ഇങ്ങനെ​യുള്ള ദേവഗ​ണ​ങ്ങ​ളിൽ അവർ ഒരിക്ക​ലും വിശ്വ​സി​ച്ചി​രു​ന്നില്ല; ഏക ദൈവ​ത്തി​ലാണ്‌ അവർ വിശ്വ​സി​ച്ചി​രു​ന്നത്‌, സ്വർഗ​ത്തിന്റെ​യും ഭൂമി​യുടെ​യും സ്രഷ്ടാ​വായ സത്യദൈ​വ​ത്തിൽ. അത്തരം അന്ധവി​ശ്വാ​സ​ങ്ങ​ളിൽനിന്ന്‌ അവരെ രക്ഷിച്ച​തും അതാണ്‌.”

സത്യദൈ​വ​ത്തി​ലുള്ള വിശ്വാ​സം എങ്ങനെ​യാണ്‌ അവരെ അന്ധവി​ശ്വാ​സ​ങ്ങ​ളിൽനി​ന്നു രക്ഷിച്ചത്‌? പ്രപഞ്ചത്തെ നിയ​ന്ത്രി​ക്കാൻ താൻ നിയമങ്ങൾ വെച്ചി​ട്ടു​ണ്ടെന്ന കാര്യം സത്യദൈവം അവർക്കു വെളിപ്പെ​ടു​ത്തിക്കൊ​ടു​ത്തി​രു​ന്നു. ഉദാഹ​ര​ണ​ത്തിന്‌, 3,500-ലധികം വർഷം​മുമ്പ്‌ യഹോ​വ​യാം ദൈവം തന്റെ ദാസനായ ഇയ്യോ​ബിനോട്‌, “ആകാശ​ത്തി​ലെ നിയമ​ങ്ങളെ നീ അറിയു​ന്നു​വോ?” എന്നു ചോദി​ച്ചു. (ഇയ്യോബ്‌ 38:33) യഹോവ ‘ആകാശ​ത്തി​നും ഭൂമി​ക്കും നിയമങ്ങൾ’ നൽകി​യി​രി​ക്കു​ന്ന​താ​യി ബി.സി. ഏഴാം നൂറ്റാ​ണ്ടിൽ യിരെ​മ്യാപ്ര​വാ​ചകൻ രേഖ​പ്പെ​ടു​ത്തി.—യിരെ​മ്യാ​വു 33:25, പി.ഒ.സി. ബൈബിൾ.

ദൈവ​ത്തി​ന്റെ പ്രവാ​ച​ക​ന്മാർ ബൈബി​ളിൽ രേഖ​പ്പെ​ടു​ത്തിയ കാര്യങ്ങൾ വിശ്വ​സി​ച്ചി​രു​ന്ന​വർക്ക്‌, ക്ഷിപ്രകോ​പി​ക​ളായ സാങ്കൽപ്പിക ദേവത​കളല്ല, സ്രഷ്ടാവ്‌ വെച്ചി​രി​ക്കുന്ന നിയത​മായ നിയമ​ങ്ങ​ളാണ്‌ പ്രപഞ്ചത്തെ നിയ​ന്ത്രി​ക്കു​ന്നതെന്ന്‌ അറിയാ​മാ​യി​രു​ന്നു. അതു​കൊ​ണ്ടു​തന്നെ, ദൈവ​ഭ​ക്ത​രായ ആ മനുഷ്യർ ദൈവ​ത്തി​ന്റെ കരവേ​ല​യായ സൂര്യ​ചന്ദ്രാ​ദി​കളെ വണങ്ങു​ക​യോ അവയോട്‌ ഭക്ത്യാ​ദ​രവു കാണി​ക്കു​ക​യോ ചെയ്‌തില്ല. (ആവർത്ത​ന​പു​സ്‌തകം 4:15-19) പകരം അവർ ദൈവ​ത്തി​ന്റെ ജ്ഞാനവും ശക്തിയും മറ്റു ഗുണങ്ങ​ളും പ്രതി​ഫ​ലി​പ്പി​ക്കുന്ന ആ ആകാശഗോ​ള​ങ്ങളെ തങ്ങളുടെ പഠനവി​ഷ​യ​മാ​ക്കി.—സങ്കീർത്തനം 8:3-9; സദൃശ​വാ​ക്യ​ങ്ങൾ 3:19, 20.

ഇന്നത്തെ പല ശാസ്‌ത്ര​ജ്ഞ​ന്മാരെ​യും പോലെ ആ എബ്രാ​യ​രും പ്രപഞ്ച​ത്തിന്‌ ഒരു ആരംഭ​മുണ്ടെന്ന്‌ വിശ്വ​സി​ച്ചി​രു​ന്നു. “ആദിയിൽ ദൈവം ആകാശ​വും ഭൂമി​യും സൃഷ്ടിച്ചു” എന്ന്‌ ഉല്‌പത്തി 1:1-ൽ കാണുന്നു. അതു​പോ​ലെ, ഏകദേശം 3,500 വർഷം​മുമ്പ്‌ ദൈവം തന്റെ ദാസനായ ഇയ്യോ​ബിനോട്‌, താൻ ഭൂമിയെ ‘നാസ്‌തി​ത്വ​ത്തി​ന്മേൽ തൂക്കി​യി​രി​ക്കു​ന്ന​താ​യി’ അഥവാ ദൃശ്യ​മായ ഒരു താങ്ങി​ല്ലാ​തെ ശൂന്യാ​കാ​ശ​ത്തിൽ നിറു​ത്തി​യി​രി​ക്കു​ന്ന​താ​യി പറഞ്ഞു. (ഇയ്യോബ്‌ 26:7) കൂടാതെ, ഭൂമി ഒരു ഗോള​മാണ്‌ എന്ന വസ്‌തുത ഏകദേശം 2,500 വർഷം​മുമ്പ്‌ യെശയ്യാപ്ര​വാ​ചകൻ രേഖ​പ്പെ​ടു​ത്തി.—യെശയ്യാ​വു 40:22.a

അതെ, പ്രകൃ​തിയെ​ക്കു​റിച്ച്‌ ശാസ്‌ത്രം കണ്ടെത്തി​യി​ട്ടുള്ള വസ്‌തു​ത​ക​ളും ബൈബി​ളും തമ്മിൽ യാതൊ​രു പൊരു​ത്തക്കേ​ടും ഇല്ലെന്നു​മാ​ത്രല്ല, അവ പരസ്‌പര പൂരക​ങ്ങൾപോ​ലു​മാണ്‌. ദൈവത്തെ​ക്കു​റി​ച്ചുള്ള പല സത്യങ്ങ​ളും മനസ്സി​ലാ​ക്കാൻ സഹായി​ക്കുന്ന ഉപാധി​ക​ളാണ്‌ രണ്ടും. ഇതിൽ ഒന്നു തിരസ്‌ക​രി​ക്കുന്നെ​ങ്കിൽ ദൈവത്തെ​ക്കു​റിച്ച്‌ അറിയാ​നുള്ള ഒരു മാർഗം അടച്ചു​ക​ള​യു​ക​യാ​യി​രി​ക്കും നാം!—സങ്കീർത്തനം 119:105; യെശയ്യാ​വു 40:26. (g11-E 02)

[അടിക്കു​റിപ്പ്‌]]

നിങ്ങൾ ചിന്തി​ച്ചി​ട്ടു​ണ്ടോ?

● സൃഷ്ടി​ജാ​ലം ദൈവത്തെ​ക്കു​റിച്ച്‌ നമ്മോട്‌ എന്തു പറയുന്നു?—റോമർ 1:20.

● ദൈവത്തെ​ക്കു​റിച്ച്‌ ശാസ്‌ത്ര​ത്തി​നു വിശദീ​ക​രി​ക്കാ​നാ​വാത്ത ചില കാര്യങ്ങൾ ഏവ?—2 തിമൊഥെയൊസ്‌ 3:16.

● സത്യദൈ​വ​ത്തി​ന്റെ പ്രവാ​ച​ക​ന്മാർക്ക്‌ സൃഷ്ടി​ജാ​ല​ങ്ങളെ​ക്കു​റിച്ച്‌ അന്ധവി​ശ്വാ​സങ്ങൾ ഇല്ലാതി​രു​ന്നത്‌ എന്തു​കൊണ്ട്‌?—യിരെ​മ്യാ​വു 33:25.

[19-ാം പേജിലെ ആകർഷ​ക​വാ​ക്യം]

നിയതമായ നിയമ​ങ്ങ​ളാണ്‌ പ്രപഞ്ചത്തെ നിയ​ന്ത്രി​ക്കു​ന്നത്‌—‘ആകാശ​ത്തി​നും ഭൂമി​ക്കും നൽകി​യി​രി​ക്കുന്ന നിയമങ്ങൾ.’—യിരെ​മ്യാ​വു 33:25