ബൈബിൾ ഒരു നല്ല പുസ്‌തകം മാത്ര​മോ?

• ശക്തരായ ഭരണാ​ധി​കാ​രി​കൾ അഴിച്ചു​വിട്ട ക്രൂര​മായ ആക്രമ​ണ​ങ്ങളെ ബൈബിൾ അതിജീ​വി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, മധ്യകാ​ല​ഘ​ട്ട​ങ്ങ​ളി​ലെ ചില “ക്രിസ്‌തീയ” ദേശങ്ങ​ളിൽ, നാട്ടു​ഭാ​ഷ​യി​ലുള്ള ബൈബിൾ കൈവശം വെക്കു​ക​യോ വായി​ക്കു​ക​യോ ചെയ്യുന്ന ഒരുവനെ മതനി​ന്ദ​ക​നോ സമുദാ​യ​വി​രോ​ധി​യോ ആയി വീക്ഷി​ച്ചി​രു​ന്നെന്ന്‌ ഒരു പുസ്‌തകം (An Introduction to the Medieval Bible) പറയുന്നു. സാധാ​ര​ണ​ക്കാ​രു​ടെ ഭാഷയി​ലേക്ക്‌ ബൈബിൾ പരിഭാഷ ചെയ്യു​ക​യോ ബൈബിൾ പഠിക്കാൻ പ്രോ​ത്സാ​ഹി​പ്പി​ക്കു​ക​യോ ചെയ്‌ത പണ്ഡിത​ന്മാ​രു​ടെ ജീവൻ അപകട​ത്തി​ലാ​യി​രു​ന്നു. ചിലരെ കൊല്ലു​ക​പോ​ലും ചെയ്‌തി​ട്ടുണ്ട്‌.

• ഇത്രയ​ധി​കം എതിർപ്പു​ക​ളു​ണ്ടാ​യി​ട്ടും ഏറ്റവും അധികം വിതരണം ചെയ്യ​പ്പെ​ട്ടി​ട്ടുള്ള പുസ്‌ത​ക​മാ​യി ബൈബിൾ നില​കൊ​ണ്ടു, ആ നിലയിൽ തുടരു​ക​യും ചെയ്യുന്നു. ബൈബിൾ മുഴു​വ​നാ​യോ ഭാഗി​ക​മാ​യോ 2,800-ലധികം ഭാഷക​ളിൽ 500 കോടി​യി​ലേറെ കോപ്പി​കൾ അച്ചടി​ച്ചി​ട്ടുണ്ട്‌. ഇത്‌, ഇക്കാലത്ത്‌ പ്രചാ​ര​ത്തി​ലുള്ള തത്ത്വചിന്ത, ശാസ്‌ത്രം തുടങ്ങിയ ഏത്‌ മേഖല​ക​ളി​ലെ​യും പുസ്‌ത​ക​ങ്ങ​ളു​ടെ എണ്ണത്തെ​ക്കാൾ കൂടു​ത​ലാണ്‌. മാത്രമല്ല, അവയെ​ല്ലാം എളുപ്പം കാലഹ​ര​ണ​പ്പെ​ട്ടു​പോ​കു​ക​യും ചെയ്യുന്നു.

• ചില ഭാഷക​ളി​ലേക്ക്‌ ബൈബിൾ പരിഭാഷ ചെയ്‌ത​പ്പോൾ അത്‌, ആ ഭാഷതന്നെ നിലനിൽക്കാ​നും അതിന്‌ കൂടുതൽ പുരോ​ഗ​തി​യു​ണ്ടാ​കാ​നും സഹായി​ച്ചു. ഉദാഹ​ര​ണ​ത്തിന്‌, മാർട്ടിൻ ലൂഥർ ജർമൻ ഭാഷയി​ലേക്ക്‌ ബൈബിൾ പരിഭാഷ ചെയ്‌തത്‌ ആ ഭാഷയെ വളരെ​യ​ധി​കം സമ്പന്നമാ​ക്കി. ജയിംസ്‌ രാജാ​വി​ന്റെ ഭാഷാ​ന്തരം ബൈബി​ളി​ന്റെ ആദ്യപ​തി​പ്പി​നെ ഇംഗ്ലീഷ്‌ ഭാഷയി​ലെ “എക്കാല​ത്തെ​യും ഏറ്റവും സ്വാധീ​ന​ശ​ക്തി​യുള്ള ഒരേ​യൊ​രു പുസ്‌തകം” എന്നാണ്‌ പറയു​ന്നത്‌.

• ബൈബിൾ, “മതപര​മായ വിശ്വാ​സ​ങ്ങ​ളെ​യും ആചാര​ങ്ങ​ളെ​യും മാത്രമല്ല കല, സാഹി​ത്യം, നിയമം, രാഷ്‌ട്രീയം തുടങ്ങി പാശ്ചാ​ത്യ​സംസ്‌കാ​ര​ത്തി​ന്റെ എണ്ണിയാ​ലൊ​ടു​ങ്ങാത്ത മേഖല​കളെ ആഴത്തിൽ സ്വാധീ​നി​ച്ചി​ട്ടുണ്ട്‌” എന്ന്‌ ഒരു ബൈബിൾവി​ജ്ഞാ​ന​കോ​ശം ( The Oxford Encyclopedia of the Books of the Bible) പറയുന്നു.

ബൈബി​ളി​നെ മറ്റ്‌ എല്ലാ പുസ്‌ത​ക​ങ്ങ​ളിൽനി​ന്നും വ്യത്യസ്‌ത​മാ​ക്കുന്ന ചില സവി​ശേ​ഷ​ത​ക​ളാണ്‌ ഇവ. ആകട്ടെ, ബൈബിൾ ഇത്ര ജനപ്രീ​തി ആർജി​ച്ചത്‌ എങ്ങനെ? അനേകം ആളുകൾ അതിനു​വേണ്ടി ജീവൻ ത്യജി​ക്കാൻ തയാറാ​യത്‌ എന്തു​കൊണ്ട്‌? ചില കാരണങ്ങൾ നമുക്ക്‌ നോക്കാം: സന്മാർഗ​ത്തെ​യും ആത്മീയ​ത​യെ​യും സംബന്ധിച്ച അതിന്റെ പഠിപ്പി​ക്ക​ലു​ക​ളിൽ അസാധാ​ര​ണ​മായ ജ്ഞാനം അടങ്ങി​യി​ട്ടുണ്ട്‌. മനുഷ്യർ അനുഭ​വി​ക്കുന്ന കഷ്ടപ്പാ​ടു​ക​ളു​ടെ​യും പോരാ​ട്ട​ങ്ങ​ളു​ടെ​യും അടിസ്ഥാ​ന​കാ​രണം അത്‌ വിശദീ​ക​രി​ക്കു​ന്നു. സന്തോ​ഷ​ക​ര​മെന്നു പറയട്ടെ, ഈ പ്രശ്‌ന​ങ്ങ​ളെ​ല്ലാം അവസാ​നി​ക്കു​മെന്ന്‌ അത്‌ വാഗ്‌ദാ​നം ചെയ്യു​ക​യും അവ എങ്ങനെ സംഭവി​ക്കു​മെന്ന്‌ വെളി​പ്പെ​ടു​ത്തു​ക​യും ചെയ്യുന്നു.

ബൈബിൾ സാന്മാർഗി​ക​വും ആത്മീയ​വും ആയ ഉൾക്കാഴ്‌ച പകരുന്നു

നാട്ടു​ന​ട​പ്പ​നു​സ​രിച്ച്‌ വിദ്യാ​ഭ്യാ​സം പ്രധാ​ന​മാണ്‌. പക്ഷെ, “നിങ്ങളു​ടെ പേരിന്റെ അറ്റത്ത്‌ വാലായി കുറച്ച്‌ ഇംഗ്ലീഷ്‌ അക്ഷരങ്ങൾ ഉണ്ടെന്നു​ള്ളത്‌ സന്മാർഗ​നിഷ്‌ഠ സംബന്ധിച്ച്‌ നല്ല തീരു​മാ​നങ്ങൾ എടുക്കാൻ നിങ്ങൾക്ക്‌ പ്രാപ്‌തി​യുണ്ട്‌ എന്ന്‌ ഉറപ്പു നൽകു​ന്നില്ല” എന്ന്‌ കനഡയി​ലെ ഒരു പത്രത്തി​ന്റെ (Ottawa Citizen) മുഖ​പ്ര​സം​ഗം അഭി​പ്രാ​യ​പ്പെട്ടു. വാസ്‌ത​വ​ത്തിൽ, ഉന്നതവി​ദ്യാ​ഭ്യ​സം നേടിയ ആളുകൾ (ബിസി​നസ്സ്‌ രംഗം, ഗവണ്മെന്റ്‌ തലം തുടങ്ങി​യ​വ​യി​ലുള്ള നേതാ​ക്ക​ന്മാർ) വഞ്ചിക്കു​ക​യും തട്ടിപ്പു​ന​ട​ത്തു​ക​യും മോഷ്ടി​ക്കു​ക​യും ചെയ്യു​ന്നത്‌ അവരി​ലുള്ള “വിശ്വാ​സം തകരാൻ” ഇടയാ​ക്കി​യ​താ​യി ഒരു പൊതു​ജ​ന​സ​മ്പർക്ക സ്ഥാപന​മായ ഈഡൽമാൻ പ്രസി​ദ്ധീ​ക​രിച്ച ഒരു ആഗോ​ള​പ​ഠനം വ്യക്തമാ​ക്കു​ന്നു.

സാന്മാർഗി​ക​വും ആത്മീയ​വും ആയ വിദ്യാ​ഭ്യാ​സം നൽകു​ന്ന​തി​ലും ബൈബിൾ ശ്രദ്ധ കേന്ദ്രീ​ക​രി​ക്കു​ന്നു. അത്‌ നമുക്ക്‌ “നീതി​യും ന്യായ​വും നേരും സകലസ​ന്മാർഗ്ഗ​വും” സംബന്ധിച്ച ഉൾക്കാഴ്‌ച​യും നൽകുന്നു. (സദൃശ​വാ​ക്യ​ങ്ങൾ 2:9) ഉദാഹ​ര​ണ​ത്തിന്‌, 23 വയസ്സുള്ള സ്റ്റീഫൻ പോള​ണ്ടി​ലെ ഒരു ജയിലിൽ തടവി​ലാ​യി. അവി​ടെ​യാ​യി​രു​ന്ന​പ്പോൾ അദ്ദേഹം ബൈബിൾ പഠിക്കാൻ തുടങ്ങു​ക​യും അതിന്റെ പ്രാ​യോ​ഗി​ക​ജ്ഞാ​നം മനസ്സി​ലാ​ക്കു​ക​യും ചെയ്‌തു. ‘ഇപ്പോൾ എനിക്ക്‌ “നിന്റെ അപ്പനെ​യും അമ്മയെ​യും ബഹുമാ​നി​ക്കുക” എന്നതിന്റെ അർഥം മനസ്സി​ലാ​കു​ന്നുണ്ട്‌. കൂടാതെ, വികാ​ര​ങ്ങളെ നിയ​ന്ത്രി​ക്കാൻ വിശേ​ഷിച്ച്‌ എന്റെ അമിത​മായ ദേഷ്യം അടക്കാൻ ഞാൻ പഠിച്ചി​രി​ക്കു​ന്നു’ എന്ന്‌ അദ്ദേഹം പറയുന്നു.—എഫെസ്യർ 4:31; 6:2.

സദൃശ​വാ​ക്യ​ങ്ങൾ 19:11-ൽ കാണുന്ന പിൻവ​രുന്ന തത്ത്വം സ്റ്റീഫൻ ജീവി​ത​ത്തിൽ പ്രാവർത്തി​ക​മാ​ക്കി: “വിവേ​ക​ബു​ദ്ധി​യാൽ മനുഷ്യ​ന്നു ദീർഘ​ക്ഷ​മ​വ​രു​ന്നു; ലംഘനം ക്ഷമിക്കു​ന്നതു അവന്നു ഭൂഷണം.” ഇപ്പോൾ, പ്രകോ​പ​ന​പ​ര​മായ ഒരു സാഹച​ര്യ​മു​ണ്ടാ​യാൽ അദ്ദേഹം അതിനെ ശാന്തമാ​യി വിശക​ലനം ചെയ്യു​ക​യും ഉൾപ്പെ​ട്ടി​രി​ക്കുന്ന ബൈബിൾ തത്ത്വങ്ങൾ പ്രയോ​ജ​ന​പ്പെ​ടു​ത്തു​ക​യും ചെയ്യുന്നു. “ബൈബി​ളാണ്‌ ഏറ്റവും നല്ല മാർഗ​ദർശി എന്ന്‌ ഞാൻ കണ്ടെത്തി​യി​രി​ക്കു​ന്നു” സ്റ്റീഫൻ പറയുന്നു.

മുൻവി​ധി​ക്കാ​രി​യായ ഒരു സ്‌ത്രീ യഹോ​വ​യു​ടെ സാക്ഷി​ക​ളിൽ ഒരാളായ മരിയയെ പരസ്യ​മാ​യി അവഹേ​ളി​ക്കു​ക​യും അതിന്റെ ഫലമായി ആളുകൾ തടിച്ചു​കൂ​ടു​ക​യും ചെയ്‌തു. അപ്പോൾ, മറുത്ത്‌ ഒരു അക്ഷരം പറയു​ന്ന​തി​നു പകരം മരിയ ശാന്തയാ​യി തന്റെ വഴിക്ക്‌ പോയി. സ്വന്തം പെരു​മാ​റ്റ​ത്തിൽ മനസ്സാ​ക്ഷി​ക്കുത്ത്‌ അനുഭ​വ​പ്പെട്ട ആ സ്‌ത്രീ തന്റെ ഖേദം അറിയി​ക്കാൻ അപ്പോൾമു​തൽ യഹോ​വ​യു​ടെ സാക്ഷി​കളെ അന്വേ​ഷി​ക്കാൻ തുടങ്ങി. അങ്ങനെ​യി​രി​ക്കെ, ഒരു മാസം കഴിഞ്ഞ്‌ അവർ യാദൃ​ച്ഛി​ക​മാ​യി മരിയയെ കാണാൻ ഇടയായി. കണ്ടപാടെ ആ സ്‌ത്രീ അവളെ കെട്ടി​പ്പി​ടി​ക്കു​ക​യും തന്റെ മോശ​മായ പെരു​മാ​റ്റ​ത്തെ​പ്രതി മാപ്പ്‌ ചോദി​ക്കു​ക​യും ചെയ്‌തു. അവളുടെ മതവി​ശ്വാ​സ​മാണ്‌ ഇത്ര ശാന്തത​യും ആത്മനി​യ​ന്ത്ര​ണ​വും പ്രകട​മാ​ക്കാൻ കാരണ​മാ​യ​തെന്ന്‌ ആ സ്‌ത്രീ മനസ്സി​ലാ​ക്കി. ഫലമോ? മുൻവി​ധി​ക്കാ​രി​യാ​യി​രുന്ന ആ സ്‌ത്രീ​യും അവളുടെ കുടും​ബ​ത്തി​ലെ അഞ്ചു പേരും യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തീരു​മാ​നി​ച്ചു.

ജ്ഞാനം അതിന്റെ പ്രവൃ​ത്തി​ക​ളാൽ നീതീ​ക​രി​ക്ക​പ്പെ​ടു​ന്നു എന്ന്‌ യേശു​ക്രിസ്‌തു പറഞ്ഞു. (ലൂക്കോസ്‌ 7:35) ബൈബി​ളി​ലെ തത്ത്വങ്ങൾ ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും പ്രാ​യോ​ഗി​ക​മാ​ണെന്ന്‌ ഇത്‌ തെളി​യി​ക്കു​ന്നു. അവ നമ്മളിലെ ഏറ്റവും മികച്ചത്‌ പുറത്തു​കൊ​ണ്ടു​വ​രു​ന്നു, “അല്‌പ​ബു​ദ്ധി​യെ ജ്ഞാനി​യാ​ക്കു​ന്നു,” “ഹൃദയത്തെ സന്തോ​ഷി​പ്പി​ക്കു​ന്നു,” ധാർമി​ക​വും ആത്മീയ​വും ആയ നൈർമ​ല്യം​കൊണ്ട്‌ ‘കണ്ണുകളെ പ്രകാ​ശി​പ്പി​ക്കു​ക​യും ചെയ്യുന്നു.’—സങ്കീർത്തനം 19:7, 8.

മനുഷ്യ​രു​ടെ കഷ്ടപ്പാ​ടു​ക​ളു​ടെ​യും പോരാ​ട്ട​ങ്ങ​ളു​ടെ​യും കാരണം ബൈബിൾ വിശദീ​ക​രി​ക്കു​ന്നു

ഒരു മഹാവ്യാ​ധി പൊട്ടി​പ്പു​റ​പ്പെ​ട്ടാൽ ഗവേഷകർ അതിന്റെ കാരണം കണ്ടെത്താൻ ശ്രമി​ക്കാ​റുണ്ട്‌. അതു​പോ​ലെ, മനുഷ്യ​രു​ടെ കഷ്ടപ്പാ​ടു​ക​ളു​ടെ​യും ഭിന്നത​ക​ളു​ടെ​യും കാരണ​വും കണ്ടെ​ത്തേ​ണ്ട​തുണ്ട്‌. ഇവി​ടെ​യും ബൈബിൾ നമ്മുടെ സഹായ​ത്തിന്‌ എത്തുന്നു. കുഴപ്പങ്ങൾ തുടങ്ങിയ കാല​ത്തേക്ക്‌ അതായത്‌, മനുഷ്യ​ച​രി​ത്ര​ത്തി​ന്റെ ആരംഭ​ത്തി​ലേക്ക്‌ അതിന്റെ വിവരണം നമ്മളെ കൊണ്ടു​പോ​കു​ന്നു.

ആദ്യമ​നു​ഷ്യ​ജോ​ഡി ദൈവ​ത്തിന്‌ എതിരെ മത്സരി​ച്ച​പ്പോൾ മനുഷ്യ​ന്റെ ദുരി​തങ്ങൾ തുടങ്ങി​യെന്ന്‌ ബൈബി​ളി​ന്റെ ആദ്യപുസ്‌ത​ക​മായ ഉൽപത്തി വെളി​പ്പെ​ടു​ത്തു​ന്നു. മറ്റ്‌ കാര്യ​ങ്ങൾക്കൊ​പ്പം അവർ നമ്മുടെ സ്രഷ്ടാ​വി​നു മാത്രം അവകാ​ശ​പ്പെട്ട, സാന്മാർഗി​ക​നി​ല​വാ​രങ്ങൾ വെക്കാ​നുള്ള അധികാ​രം സ്വയം ഏറ്റെടു​ത്തു. (ഉൽപത്തി 3:1-7) അന്നു​തൊട്ട്‌ മനുഷ്യ​വർഗം സ്വത​ന്ത്ര​ചി​ന്താ​ഗ​തി​യു​ടെ അതേ പാത പിന്തു​ട​രു​ന്നു. അതിന്റെ ഫലം എന്താണ്‌? സ്വാത​ന്ത്ര്യ​ത്തി​ന്റെ​യും സന്തോ​ഷ​ത്തി​ന്റെ​യും അനുഭ​വ​ങ്ങളല്ല പകരം, ഏറ്റുമു​ട്ട​ലു​ക​ളു​ടെ​യും അടിച്ച​മർത്ത​ലി​ന്റെ​യും ധാർമി​ക​വും ആത്മീയ​വും ആയ വിയോ​ജി​പ്പു​ക​ളു​ടെ​യും സംഘർഷ​ങ്ങ​ളു​ടെ​യും ഒരു നീണ്ട ചരി​ത്ര​രേ​ഖ​യാണ്‌ മനുഷ്യ​വർഗം ഉണ്ടാക്കി​വെ​ച്ചി​രി​ക്കു​ന്നത്‌. (സഭാ​പ്ര​സം​ഗി 8:9) ‘മനുഷ്യ​ന്നു തന്റെ കാലടി​കളെ നേരെ ആക്കുന്നത്‌ സ്വാധീ​നമല്ല’ എന്ന്‌ ബൈബിൾ പ്രസ്‌താ​വി​ക്കു​ന്നത്‌ എത്രയോ ശരിയാണ്‌! (യിരെമ്യ 10:23) എന്നാൽ, ഒരു ‘സന്തോ​ഷ​വാർത്ത’യുണ്ട്‌: ധാർമി​ക​സ്വാ​ത​ന്ത്ര്യം തേടി​യുള്ള മനുഷ്യ​വർഗ​ത്തി​ന്റെ അപകട​ക​ര​മായ പരീക്ഷ​ണങ്ങൾ കഴിയാ​റാ​യി​രി​ക്കു​ന്നു. അല്ല, ഏതാണ്ട്‌ കഴിഞ്ഞി​രി​ക്കു​ന്നു!

ബൈബിൾ പ്രത്യാശ പകരുന്നു

ബൈബിൾ ഇങ്ങനെ ഉറപ്പു​ത​രു​ന്നു. ദൈവം, തന്റെ അധികാ​ര​ത്തെ​യും നിയമ​ങ്ങ​ളെ​യും ആദരി​ക്കുന്ന ആളുകളെ സ്‌നേ​ഹി​ക്കു​ന്ന​തു​കൊണ്ട്‌ ദുഷ്ടത​യും അതിന്റെ ഫലമായി ഉണ്ടാകുന്ന യാതന​യും എന്നേക്കും അനുവ​ദി​ക്കു​ക​യില്ല. ദുഷ്ടന്മാർ ‘സ്വന്തവ​ഴി​യു​ടെ ഫലം അനുഭ​വി​ക്കും.’ (സദൃശ​വാ​ക്യ​ങ്ങൾ 1:30, 31) നേരെ​മ​റിച്ച്‌, ‘സൗമ്യ​ത​യു​ള്ളവർ ഭൂമിയെ കൈവ​ശ​മാ​ക്കു​ക​യും സമാധാ​ന​സ​മൃ​ദ്ധി​യിൽ ആനന്ദി​ക്കു​ക​യും’ ചെയ്യും.—സങ്കീർത്തനം 37:11.

‘ദൈവ​രാ​ജ്യം’ മുഖേന സമാധാ​ന​പൂർണ​മായ ഭൂമിയെ സംബന്ധിച്ച തന്റെ ഉദ്ദേശ്യം ദൈവം നിറ​വേ​റ്റും. (ലൂക്കോസ്‌ 4:43) ആ രാജ്യം ഒരു ലോക​ഗ​വൺമെ​ന്റാണ്‌. അതിലൂ​ടെ, ദൈവം മനുഷ്യ​വർഗ​ത്തി​ന്മേ​ലുള്ള തന്റെ നിയമാ​നു​സൃ​ത​പ​ര​മാ​ധി​കാ​രം പ്രയോ​ഗി​ക്കും. മാതൃ​കാ​പ്രാർഥ​ന​യിൽ, “നിന്റെ രാജ്യം വരേണമേ. നിന്റെ ഇഷ്ടം . . . ഭൂമി​യി​ലും ആകേണമേ” എന്ന്‌ അപേക്ഷി​ച്ച​പ്പോൾ യേശു ഈ രാജ്യത്തെ ഭൂമി​യു​മാ​യി ബന്ധപ്പെ​ടു​ത്തി.—മത്തായി 6:10.

അതെ, തങ്ങളെ ഭരിക്കാ​നുള്ള യോഗ്യത യഥാർഥ​ത്തിൽ സ്രഷ്ടാ​വി​നാ​ണെന്ന്‌ തിരി​ച്ച​റി​ഞ്ഞു​കൊണ്ട്‌ ദൈവ​രാ​ജ്യ​ത്തി​ന്റെ പ്രജകൾ ദൈ​വേഷ്ടം ചെയ്യും. അഴിമതി, അത്യാ​ഗ്രഹം, സാമ്പത്തിക ഏറ്റക്കു​റ​ച്ചി​ലു​കൾ, വർഗീയ മുൻവി​ധി​കൾ, യുദ്ധങ്ങൾ എല്ലാം പഴങ്കഥ​യാ​കും. ഒരു ലോകം, ഒരു ഗവണ്മെന്റ്‌, എല്ലാവർക്കും ഒരേ ധാർമിക-ആത്മീയ നിലവാ​രങ്ങൾ.—വെളി​പാട്‌ 11:15.

ആ പുതിയ ലോകം കാണാ​നുള്ള ഒരേ​യൊ​രു മാർഗം വിദ്യാ​ഭ്യാ​സം നേടു​ക​യാണ്‌. ‘സകലതരം മനുഷ്യ​രും രക്ഷ പ്രാപി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽ എത്തണ​മെ​ന്നും ദൈവം ആഗ്രഹി​ക്കു​ന്നു’ എന്ന്‌ 1 തിമൊ​ഥെ​യൊസ്‌ 2:3, 4 പറയുന്നു. ആ സത്യത്തിൽ, ദൈവ​രാ​ജ്യ​ത്തി​ന്റെ ഭരണഘടന എന്ന്‌ നമ്മൾ വിളി​ക്കുന്ന ബൈബിൾപ​ഠി​പ്പി​ക്ക​ലു​കൾ അതായത്‌, രാജ്യം ഭരണം നടത്താൻ ഉപയോ​ഗി​ക്കുന്ന നിയമ​ങ്ങ​ളും തത്ത്വങ്ങ​ളും ഉൾപ്പെ​ടു​ന്നു. യേശു​ക്രിസ്‌തു​വി​ന്റെ ഗിരി​പ്ര​ഭാ​ഷ​ണ​ത്തിൽ ഇതിന്റെ ഒളിമി​ന്ന​ലു​കൾ കാണാം. (മത്തായി 5-7 അധ്യാ​യങ്ങൾ) ഈ അധ്യാ​യങ്ങൾ വായി​ക്കു​മ്പോൾ, യേശു​വി​ന്റെ ജ്ഞാനം എല്ലാവ​രും ജീവി​ത​ത്തിൽ പ്രാവർത്തി​ക​മാ​ക്കുന്ന ആ കാലം ഒന്ന്‌ സങ്കൽപ്പിച്ച്‌ നോക്കൂ!

ലോകത്ത്‌ ഏറ്റവും അധികം വിതരണം ചെയ്യ​പ്പെ​ടുന്ന പുസ്‌ത​ക​മാണ്‌ ബൈബിൾ എന്നതിൽ അതിശ​യി​ക്കേ​ണ്ട​തു​ണ്ടോ? ലവലേ​ശ​മില്ല! ദൈവ​നി​ശ്വസ്‌ത​ത​യാണ്‌ അതിന്റെ പഠിപ്പി​ക്ക​ലു​ക​ളു​ടെ മുഖമു​ദ്ര. എല്ലാ രാഷ്‌ട്ര​ങ്ങ​ളി​ലും ഭാഷക​ളി​ലും പെട്ട ആളുകൾ തന്നെക്കു​റിച്ച്‌ അറിയ​ണ​മെ​ന്നും തന്റെ രാജ്യം കൊണ്ടു​വ​രുന്ന അനു​ഗ്ര​ഹ​ങ്ങ​ളിൽനിന്ന്‌ പ്രയോ​ജനം നേടണ​മെ​ന്നും ദൈവം തീവ്ര​മാ​യി ആഗ്രഹി​ക്കു​ന്നു. അതിന്റെ പ്രതി​ഫ​ല​ന​മാണ്‌ ഈ പുസ്‌തകം നേടി​യി​രി​ക്കുന്ന വിപു​ല​മായ പ്രചാരം!—പ്രവൃത്തികൾ10:34,35. ◼ (g16-E No. 2)